Latest News

Chanchin thar thenkhat :

Coaching kal tur mi 2 thlang

Mizo thalai lehkhathiam te UPSC-ah tam zawk an luh theihna tura mi thahnemngai intel-khawm pawl, Mizo Civil Service Aspirants’ Society (MICSAS) te hmalakna kal mekah Delhi a Coaching Class kal turin mi pahnih thlan an ni a, heng mite hi NT. Nicky Beihropha So/ NT. Beiluakhu, Chhawlo, Siaha District leh Christy Zoliansangi D/o Zohmingliana (L), Chhinga Veng, Aizawl te an ni a, UPSC in Civil Service Exam a buatsaih-a an senso tur bakah ei leh in, In luah man emaw bakah Hostel awm man emaw an tum sak dawn bawk a ni. MICSAS hian kumin August 7 khan sponsorship dilna an hmuh zawng zawng mi 25 te entrance neihpuiin mi 15 te chu Interview an neihpui leh a, heta tang hian mi 10 thlang lehin thla thum (September, October leh November,2020) chhung Aizawl-ah Crash Course an kalpui leh a, Nov. 30 khan Entrance leh Interview nei lehin an zingah mi 2 an thlangchhuak leh a ni.


LADC-ah campaign hun tawp

Tunkar Zirtawpni-a Lai Autnomous District Council (LADC)-a MDC thlanna neih tur atana campaign theih hun chu nimin tlai khan a tawp ta a, he inthlanna neih tura Duty tur, Polling Party te pawhin nimin zing khan an Duty-na tur hmun an pan tan a ni. LADC inthlanna hi MDC bial 25-ah neih a ni dawn a, bial 25-ah hian Polling Station 111 awmin nimin khan Polling Station 59-a Duty turte an chhuak a, a bak Polling Party 52 te chu Vawiin-ah an chhuak leh dawn a ni. Heng bakah hian Sector Officer 19 zinga ten-khat te pawh an chhuak bawk a ni.


Cyber Safety Awareness Month

Mizoram Police leh Cyber Peace Foundation (CPF) tangdun buatsaih 'Cyber Safety Awareness Month' chu tun thla ni 1 atang khan hman mek a ni a, he Awareness Month in a tum ber chu, mipuiten him taka internet an hman theih dan tur a ni a, a bikin naupang, hmeichhia leh kum upa lamte tana buatsaih a ni.


Hlawh pe turin sawrkar phut

Peoples' Conference (PC) Party chuan nimin khan thuchhuah siamin tunah hian sawrkar hna-thawk tam takin hlawh an lak mumal theihloh thu leh thla li (4) lai la thei tawhlo te an awm niin an tarlang a, Krismas hma ngeia an hlawh pe turin Mizoram sawrkar an phut thu sawiin, a pek theih loh chuan a chhan chiang taka hrilhfiah tura an phut thu an sawi bawk.

Comments

Chhiar Hlawhte