Latest News

Chanchin thar thenkhat :

NGO te hnenah ngenna siam

Mizoram sawrkar-a Disaster Management and Rehabilitation Department chuan Mizoram a tlawmngai pawl- YMA, YLA, MTP, YCA, MUP leh MHIP te hnenah lehkha thawnin tunlai a hrileng buaipui mek, COVID-19 chu Thlasik laiin inkaidarh a awlsam hle tih Medial lama mi thiam ten an sawi thu an tarlang a. Hei vang hian tun Thlasik, December, 2020 atanga January 2021 chhung hian mipui punkhawmna tur Prog-ramme emaw, Committee liantham emaw huai-hawt lo turin an ngen a. Loh theihloh a punkhawm a tul dawn a nih chuan SoP khauh taka zawmin mi 35 aia tam pungkhawm lo tur leh Social Distancing ngai pawimawh turin a hriattir bawk.


Gym hawn phal a ni dawn

Mizoram sawrkar chuan COVID-19 No Tolerance Drive hnuaiah fimkhur taka Gym hawn a nih theih dan tur ruahmanna siamin ‘COVID- 19 No Tolerance Drive’ inkaihhruaina siam chu tih danglam hret a ni a. Clause E (5) hnuaia hmun hawn phal loh inziakte zingah ‘Gym’ tih chu paih niin hei vang hian thu leh awm hma chu hawn theih a ni ang. Heta Gym (gymnasium) tih hian Trainer/Attendant-te enkawlna hnuaia hmanrua leh khawl (exercise equipments and machines) insawi-zawina dahna/ nghahna hmun chauh a kawk a, heng hmunah hian a rualin mi 10 aia tam punkhawm phal a ni lo.


Bulfekzawl khua tlawh

Champhai District Bawrhsap, Maria CT. Zuali leh Department thenkhat hotute chuan nimin khan India leh Myanmar ramri depa awm, Bul-fekzawl khua chu tlawhin, an khua tih hmasawnna tur leh leilet phaizawl tangkai taka an hman theihna tura hmalak theihna tur kawng hrang hrangte VC, NGO, Water Users Association leh Farming Societies te BNRGSK Hall-ah an sawipui a, hmachhawp awm mek te pawh sawiho a ni bawk. Bulfekzawl hi Khawbung RD Block huam-chhunga awm niin chenna In 80 awmin mihring 430 vel an cheng mek a ni.


LADC-ah Vote thlak a ni

Lai Autonomous District Council (LADC) a Member of District Council (MDC) thlanna nei turin nimin khan mipui ten Vote an thlak a, he thu buatsaih lai thleng hian thil duhawmlo a thlen hriat a ni lova, Vote tla zat pawh hriatchian theih ala nilo bawk. LADC inthlanna hi MDC bial 25-ah neih niin heng bial hrang hrang chuh tur hian Candidate 72 an awm a, hripui leng laka Vote thlaktu mipuite himna turin ruahmanna chi hrang hrang siam niin Polling Area-ah mipui pungkhawm an tam lohna turin mipuite tana Vote inthlak chhawk dan turte pawh ruahman a ni bawk. LADC inthlanna a Vote tla te hi tun thla ni 8 khian chhiar a ni ang.

Comments

Chhiar Hlawhte