Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

PHE in Pipe chhia siamtha

PHE Department in Serchhip khawpui chawmna atan Tuikum tui an lakna Pipe line chu nimin khan a chhia a, darkar thum chhunga siamthat nghal niin mipuite tan tui sem chungchangah harsatna thleng lo tura beisei a ni.

PHE Serchhip WAT-SAN Division-a thawktute hnen atanga thu kan dawn danin PHE Department in Serchhip khawpui chawmna atana Tuikum lui tui an lakna a Tuikum leh Khawtetlang inkar-a Pipeline chu nimin zing khan a Pipe a keh avangin a chhe thut a, hei vang hian mipuite hnena Tui sem tur pump hna pawh tihtawp lailawk nghal a ni a, thawktu ten theih-tawp chhuaha a siamthat hna thawk nghalin pipe a chhiat atanga darkar 3 chhungin siamthat leh hman a ni a, dan pangngai in Tui pump hna pawh thawh chhunzawm nghal niin mipuite hnena tui semchhuah pawh a khaihlak lo tih thawktute chuan an sawi a ni.

PHE Department hotute chuan mipuite hnena Tui sem tur hi an sem hma ni in tlaivar-a pump a tul thin tih sawiin, Tui tih thianghlimna hmun ah te, Tuikum lui-a a pump na hmun bakah Tuizem hrang hrang leh Control Room-ah te tlaivar-a hna an thawh thin thu an sawi a, hetianga chhiatna a lo thlen palh pawh hian thawktute chuan theihtawp chhuaha hma an lak nghal thin thu an sawi bawk a ni.

Comments

Chhiar Hlawhte