Hri kai 9 enkawl dam leh

Zonuna Kawlni /

Niminpiah-a Serchhip District-a Sample enfiah atangin COVID-19 hri kai hmuhchhuah thar an awm lova, Serchhip District-a hri kai enkawl mi 9 te chu nimin khan anmahni enkawl hmun atanga chhuahtir an ni thung.

Niminpiah khan Serchhip District-a TrueNat Laboratory-ah Sample 49 enfiah niin Rapid Antigen Test hmangin Sample 12 enfiah a ni bawk a, heng atang hian COVID-19 hri kai hmuhchhuah thar an awm lo a ni.

Hetihlai hian nimin khan COVID-19 hri kai enkawllai mi 9 te chu Nursing School CCC atangin chhuahtir an ni ve leh thung a, heng hri kai enkawl dam tak te hi BSF sipai niin Bihar inthlanna a duty kal rawn haw, Nov. 23-a hri kai tih hmuhchhuah te an ni. Heti hian nimin thlengin Serchhip District-a COVID-19 hri kai hmuh-chhuah chu 159 an la ni a, an zinga mi 134 te chu enkawl dam ni tawhin tunah hian hri kai enkawllai 25 an la awm mek a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »