Latest News

Chanchin thar thenkhat :

PWCC din dan tur sawiho

Nimin khan Lawngtlai-ah District Bawrh-sap, Andrew H. Vanlaldika hovin Lawngtlai District chhunga Plastic (lawngbarh lam chi) khawnkhawm a, hman tangkai theih tura hralh chhuah lehna hmun, 'Plastic Waste Collection Centre' (PWCC) din dan tur leh a din nana thil pawi-mawh hrang hrangte sawiho a ni. PWCC hi din theih a nih chuan plastic hnawmhnawk, thildang a la hman tangkai theih si te chu lakhawmin, PWCC-ah hian hralh theiha sawngbawl a nih hnuah hman nawn tura sawngbawl theitute hnenah hralhchhawn leh thin a ni dawn a. PWCC-ah hian plastic hnawmhnawk chhekkhawlna hmun (Storage of plastic waste), a thliar hranna hmun (Segregation facility), a telkhawmna khawl leh a dahna In (plastic baling machine & building), kawlphetha pekna (power supply) leh lirthei dahna hmun (vehicle parking) te a awm a tul dawn a. Ram metre 1500 bial (1500 sqm) vel mamawh tura chhut a ni.


Drafting Committe thukhawm

Nimin khan Revenue Minister, Lalruatkima hovin a Pisa-ah ‘The Draft Mizoram Underground Pipeline (Acquisition of Right of use in Land), Bill, 2020’ chungchanga din, Drafting Committee chu thukhawmin he Bill hi an thlirho. He Dan siam tur hian Mizoram chhung hmun hrang hranga tui kal dan turte, Gas kalna turte, tui chhe kalna tur leh thilsiamna hmun hrang hrang atanga bawlh-hlawh kal dan tur leh chumi atana a kawng tur Pipeline siam dan tur, mimal ram emaw sawrkar in a lak (Acquired) dan chungchang ruahmanna a ni. Heng bakah hian he Dan siam tur hian Electric line leh communication signal line te pawh leihnuai-a Pipeline anga kaltir a nih dawn pawha ram ruahman dan tur chungchang a tel bawk a. He dan hian a tum ber chu heng Pipeline kaltir a nih dawna mimal ram lak a lo ngaih pawha ram pumpui-a mimal ram laksak ngawt ni lo deuh a, a Pilpeline kalna tur bik mimal ram hman tura ruahman dan (Right of Use) a tel bawk a ni.


HPC in ngenna siam

Hmar Inpui, Mizoram Region chuan tun thla ni 12-a HPC hminga Aizawl Press Club-a Press Conference kotu, HPC President-a inchhal, Lalro-siem chu HPC President-a inchhal tawhlo tur leh mipui ti chiai zawnga thu chhuah tawhlo turin an ngen a, HPC Party chu Election Commission of India (ECI) registered party a nih thu sawiin, an Party President thlanna hi Court ruahman angin tunhnaiah neih tawh a nih thu an sawi bawk.


Oil Depot thawmthat phut

PC Party chuan thuchhuah siamin kum 1980 chho-a Brig.T Sailo-a kaihhruai PC sawrkarin Vairengte-a tuialhthei leh Diesel dahkhawlna (Oil Depot) a siam tawh, kum 35 chhung sawr-karna inchelh chhawk thin ten an hlamchhiah avanga hluihlâwna awm mek chu chhuanlam dang siam lova, a rang thei ang bera thawmtha leh vat turin Mizoram sawrkar an phut thar leh tih an sawi.

Comments

Popular News (Last 30 Days)