Posts

Showing posts from December, 2022

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Pu Lalvena pawisa rutu nia hriat Police ten man ta

Image
Serchhip Vengchung a Pu Lalvena pawisa rutu nia hriat Daniel Lalfakawma (29), Serchhip Vengchung chu Serchhip Police ten manin Vawiin khan Serchhip District Jail-ah dahluh a ni.

Sialhau Bawk Chhoh Golden Jubilee lawmna leh Haw runpui neih a ni

Image
Serchhip District chhunga Sialhau khua chuan Vawiin khan Sialhau Bawk chhoh Golden Jubilee lawmna leh Haw runpui hmangin bialtu MLA leh Minister Er. Lalrinawma chuan khuallian niin a hmanpui.

Serchhip District Police ten Crime Review Meeting an nei

Image
Serchhip District Police te chuan Vawiin khan Serchhip SP Stephen Lalrinawma hovin Crime Review Meeting an nei a, kumin chhung hian Vawiin thlengin Serchhip District-ah Police ten thubuai 156 an ziaklut tawh a ni.

Krismas Carol … Ka Ngai Mang E!

 Krismas Carol … Ka Ngai Mang E! - Zirsangkima Kan rual ú… a! Kan nu leh pate pawh an ni ang; tûn ang hunah hian, zàn inkhâwm bàn hnua zai khâwm bàn leh hnu fé, zan reiah, mi In kawtah, Mas hla sa-in an va zai vawl vawl ngawt zêl—an Carol a ni. Kei takngial paw’n chungtiang hun chu ka tem ve hman. Mi pawisa an va díl a ni ngawt lo a, mi mutui lai an va tháwng harh satliah pawh a ni ngawr ngawr lo; Mas boruakin a ken tel ve hrim hrim a ni—chutia zàn khaw vâwt hnuaia Carol chu.

College Zirlai ten thisen Unit 12 an pe

Image
Govt. Serchhip College zirlai naupangte chuan Vawiin khan Serchhip Blood bank-ah thisen Unit 12 an pe.

Vawk leh Vawksa lakluh khuahkhirhna siam

Image
Serchhip District-ah Ramdang leh State dang atanga Vawk lakluh leh Vawk sa atanga thilsiam lam chi lakluh khapna thupek tihchhuah leh a ni. Mizoram chhung hmun thenkhat leh Serchhip District chhung hmun thenkhata African Swine Fever leng mekin ziaawm lam a pan zel laiin ramdang leh State dang atangte a he Vawk natna hri hi a lo luh a hlauhthawnawm avangin Serchhip District Magistrate Lalmuansanga Ralte chuan ramdang leh State dang atanga Vawk lakluh leh Vawk sa atanga thilsiam lam chi lakluh khapna thupek a tichhuak a. Hetihlai hian ASF len lohna State atangin Frozen Pork Product erawh chu Krismas leh kumthar vuakvet chhungin dan anga lakluh theih a ni a. Agriculture and Processed Food Products Export Development Authority (APEDA) approved Firm ten SOP duansa zawmin, Director, AH & Vety Department phalna lak hmasak tur a ni thung. Vawk damlo talh khap tlat a ni a, Vawk damlo neite chuan rang takin an dah hrang tur a tih niin, a thite chu thuk takah tha taka phum tur a ni a. Vawk

Serchhip-ah District Level Workshop on Good Governance Practices (Sushan Saptah Prashasan Gaon Ki Aur), 2022 nei a ni

Image
Tun thla ni 19 atanga 25 thlenga ‘Good Governance Week’ hman tur pualin nimin khan Serchhip-ah District Level Workshop on Good Governance Practices (Sushan Saptah Prashasan Gaon Ki Aur), 2022 chu neih a ni. India sawrkar chuan December 19 atanga 25 chhung hian ‘Good Governance Week’ hmang turin ruahmanna a siam a, hemi chhung hian tihtur (activity) hrang hrang rawn duangin, December ni 23, 2023 khian ‘Workshop on Good Governance’ neih tur a ni a. Amaherawh chu ni 23 hi Krismas a hnaih tawh em avangin Vawiin khan Workshop bik hi Serchhip DC Conference Hall-ah hman niin Serchhip-a Head of Offices te an tel a. He hun hi Serchhip SDO (Sadar) Lalzikpuii chuan kaihruaiin khuallian nia he hun hmanpuitu Serchhip District Bawrhsap mawhphurhna la mektu Lalmuansanga Ralte chuan sawrkar hnathawkte chu mipuite tana thawk tur, an hun puma thawk tura lakte an nih avangin an nunah an hna a hmasak ber a ngai tih a sawi a. “Ka tihtur hmasa ber hi kan hriatchian chuan hnathawktu tha kan ni mai dawn a ni.

END biakna tur Mobile Phone dah thar

Serchhip-a Excise & Narcotics Department chuan Zu leh a kaihhnawih thil pawimawh a anmahni bepawp duh tana biakpawh theihna tur siam tharin hetiang thil a bepawp duh tan Mobile Phone No. 9233561969-ah biak theih an ni tawh dawn a. END hotute chuan heng anmahni bepawptute hi a rang thei anga bawhzui a nih thin dawn thu pawh sawiin, Quick Response Team te pawh insiamin mipuite tan theihtawp chhuah zel an tum thu an sawi bawk.

Leisekawt Mual laihzauh leh thildang atan cheng nuai 245 ruahman ah nuai 60.79 la hmang lo

Image
Mizoram sawrkar in Rs. 2,45,08,000/- senga Serchhip Leisekawt Mual laihzauh leh thildang thawh tura a ruahman chu zawhfel ala ni lo a, tunah hian sum ruahman atangin cheng nuai 184.28 hman ni tawhin sum hman tur cheng nuai 60.79 a la awm. Kum 2019-a Mizoram sawrkar in Serchhip P&E Veng Leisekawt Mual laihzauh leh cheibawl hna a thawh chungchanga RTI hmanga LENKAWL zawhna Sports & Youth Services Department-a SPIO in an chhanna atanga a lan danin Serchhip-a Leisekawt Field laihzauhna atan hian Sports & Youth Services Department atangin SEDP hnuaiah Rs. 2,45,08,000/- ruahman a ni a, he hna hi Mizoram State Sports Council (MSSC) chuan an enkawl thung a ni. He hna thawh chhunzawm a nih dan chungchanga Mizoram State Sports Council (MSSC) SPIO in RTI hmanga zawhna a chhan danin Sports & Youth Services Department in SEDP hnuaia Rs.2,45,08,000/- ruahman hmanga Serchhip Leisekawt Field laihzauh leh thildang thawh tura a ruahman hi zawhfel a la ni lo a, tuna hna thawh tawh leh

Dan zawmlo 78 man an ni

Image
Serchhip Traffic Police ten kar kalta-a No Tolerance Drive an hman chhung khan Dan zawmlo mi 78 man an ni.

Serchhip-ah Women and Child Development Office

Mizoram sawrkar chuan Serchhip-ah Women and Child Development District Programme Officer (DPO) Office a rawn hawng ta.

MLA in Hriangtlang tlawh

Hrangturzo bial khaw hrang hrang tlawha kar kaltaa zin Home Minister leh bialtu MLA Lalchamliana chuan Inrinni khan a bial chhunga Hriangtlang khua chu tlawhin an Party mipuite nen inkawmna an nei a, nakum-a inthlanpui ah an Party in hnehna an chang leh ngei ang tiin theihtawp chhuah zel turin an Party mipuite chu a sawm bawk. He hunah hian Lalchamliana hian Hriangtlang khuaa chhungkaw 5-a Vote 9 chu an party-ah a lawmlut bawk a ni.

NEC kum 50-na lawmna nei

North Eastern Council (NEC) Golden Jubilee lawmna chu nimin khan Shillong-ah Prime Minister Narendra Modi hovin neih a ni a, he hunah hian Mizoram atangin Governor Hari Babu Kambhampati-a leh Chief Minister Zoramthanga bakah Official thenkhat an tel a ni. He hunah hian Prime Minister chuan cheng vbc. 2,450 hu Project lungphum phumin Mizoram tan Daido-Vawngkawt Road Project pawh a tel a ni.

COVID-19 kai hmuh belh lo

Inrinni khan Mizoram-ah Sample 28 enfiah leh niin COVID-19 hri kai hmuhchhuah an awm lo a, Inrinni thleng khan Mizoram-ah Sample 19,92,624 enfiah ni tawhin Covid-19 hri kai mi 2,38,964 hmuh an ni tawh a, hri kai zinga mi 2,38,238 te chu enkawl dam niin hri kai atanga chhutin za zela 99.7 te enkawl dam an ni a, hri kai zingah mi 726 boral awmin hri kai enkawllai an awm lo chhunzawm zel a, hri kai zinga za zela 0.3 te an boral a ni.

Board in Exam conduct rel

Mizoram Hindi Prachar Sabha chuan Zir-tawpni khan General Conference vawi 34-na chu Mizoram Hindi Prachar Sabha Office, MINECO-ah hmangin Hindi zirnaa Quality tha zawk a awm theih nan Mizoram Hindi Prachar Sabha hnuaia Class Prathama (Cl-IV), Madhyama (Cl-VI) leh Praveshika (Cl-VIII) te chu Board in Exam a conduct tawh ang tih an sawi a. Mizoram Sawrkarin Hindi Teacher tam tak a la thar leh chu lawmawm an tih thu sawiin, Post ruak hnawhkhah loh la awmte pawh hnawhkhah zel ni se an duh thu an sawi bawk.

Black Belt hlanna neih a ni

Mizoram Amateur Taekwondo Association buatsaih World Taekwondo Black Belt Awarding Ceremony chu Inrinni zing khan Aizawl-a MRB Conference Hall-ah neih a ni a, he hun hi I&PR Minister Lalruatkima chuan hmanpuiin Taekwondo chuan ken tel tam tak a nei a, chung zinga pawimawh em em mai chu kawng tinrenga insumtheihna leh ruihtheih thil laka fihlim a ni, a ti. Black Belt Award semna hunah hian mi 42 hnenah hlan niin 1st Dan 32, 2nd Dan 8 leh 3rd Dan 2 te an ni a, MATA hian Black Belt 316 a nei ta a ni.

Thing kih phalna pechhuak

Tlabung leh Lunglei inkalpawhna kawng National Highway-302 laihzauh mekah ramngaw kutthlak remtihna, Environmental Clearance a fel lawk theih loh avanga thing kih phalna (felling permit) pekchhuah ni mai rih lo mah se, Parivesh portal kaltlanga hemi chungchang bawhzuia hmalakna chu tihfel a nih tak avangin hmunpui lama thuneitu sang zawkten hna tan remtihna an pek hnuah Tlabung-a Forest Division chuan thingkung kih phalna a pechhuak ta a. Forest Department in thing kih phalna an pek tak avang hian National Highway-302 sial hna kalpui mek pawh chak lehzuala thawh a ni thei dawn ta a ni.

Mizoram-ah HIV hrik pai 27,241 awmin HIV hrik kai hmuhchhuah zingah thalai an tam

Mizoram State AIDS Control Society (MSACS) chhinchhiah danin Mizoram-a HIV+ hmuhchhuah tawh zat chu mi 27,241 an ni a, chung zinga a tam ber, 22,774 (83.60%) chu thalai kum 15-49 inkar niin HIV inkaichhawnna tam ber chu mipat hmeichhiatna niin thihpui mi 3,506 an awm tawh.

Tripura Camp a awm 75% te inbengbel tawh

Mizoram-a kir duh lo Bru 34,000 chuangte chu Tripura a an awm zui phalsak an nih angin chhungkua zaa 75 bawr vel ten an inbenbel nghehna tur hmun an luah fel thawkhat tawh.

Governor’s Rule-ah CADC

Larsap Dr. Hari Babu Kambhampati chuan Chakma Autonomous District Council (CADC) chu Governor’s Rule-ah a dah. Nimin-a District Council and Minority Affairs Department-in hriattirna a chhuahah CADC-ah hian sawrkar ngelnghet a awm thei lova. An inpaihthlak tawn sek avang leh hetianga sawrkar ngelnghet a awm hleih theih loh avang hian CADC chhunga cheng mipuite’n an tuar niin a tarlang a. Buddha Lila Chakma chu Chief Executive Member atanga a ban hnuah Rasik Mohan Chakma chuan tun CADC term 10-na dinglai meka CEM 6-na ni tura sawrkar a siam theih thu Larsap a hriattir leh tawh a. Hei bakah hian Recruitment Rules awm lova CADC hi kalpui a nih avangin thil fel lo tam tak a awm nia tarlan a ni.

Minister thar lalut dawn

Assembly Deputy Speaker atanga niminpiah a bang Er. Lalrinawma chu karleh Thawhlehni khian Minister atan lakluh a ni dawn. Thudawn danin Tuikum bialtu MLA Er. Lalrinawma hi Thawhlehni chawhma dar 11:00-ah Raj Bhavan-ah thutiam tira lakluh a ni dawn a, Larsap Dr. Hari Babu Kambhampati chuan thu a tiamtir dawn a ni. Tarlan tawh angin Minister of State Dr. K. Beichhua chuan Thawhlehni khan Minister of State a nihna atanga banna a lo thehlut tawh a, a hmun ruakah hian Er. Lalrinawma hi dah a ni dawn a ni.

Serchhip-a neih Mizoram Secondary School Games 2022 chu zawhfel a ni ta

Image
Tunkar Thawhlehni atanga Serchhip-a neih 39th Mizoram Secondary School Games chu nimin khan zawhfel a ni ta a, a pumpui-ah Saitual District chu an Champion a ni.

Serchhip-ah Hunpui vuakvet-a venhimna kalpui dan tur inrawnkhawmna neih a ni

Image
Krismas leh Kumthar vuakvet lo thleng tur mipui ten hlim leh thlamuang taka an hman theihna atan nimin khan Serchhip Police huaihawtin Serchhip-a Police leh Excise & Narcotics Department bakah tlawmngai pawl, VDP leh JAC hruaitu ten inrawnkhawmna an nei.

East Lungdar-ah Police Beat Post hawn a ni

Image
Home Minister Lalchamliana chuan niminpiah tlai khan East Lungdar khua ah Poice Beat Post thar a hawng.

MIZOFED in 3-na lawmman la

Image
MIZOFED Serchhip Branch chuan mipuite hman theih tura eirawngbawlna Gas kg. 10-a rit Indane Composite Cylinder, Smary Cylinder an tih bawk hralhchhuak tha lawmman pathumna an dawng.

Leng khua in National Award 3 an dawn an lawm

Image
Serchhip District chhunga Leng khua chuan National Panchayat Award pahnih an dawn leh National Water Award an dawn lawmna niminpiah khan an nei.

Home Minister in Hmunzawl Community Hall a hawng

Image
Home Minister leh Hrangturzo bialtu MLA Lalchamliana chuan nimin khan Hmunzawl khua ah cheng nuai 26 senga sak Community Hall a hawng.

Candidate tur in pe

Image
Nakum (2023) MLA inthlanpui neih tura Serchhip biala INC Candidate tura puan tawh R. Vanlaltluanga chuan nimin khan Serchhip damdawi In tlawhin damlo awm mi 37 te Rs. 500/-  theuhin a kan a. Zoar Deprived Children Home, Orphanage Home leh Old Age Home te tlawh bawkin Rs. 5000/- theuh a pe bawk.

Kum 2 chuang hnuah COVID-19 enkawllai awm lo

Image
Kum hnih chuang a liam hnuah nimin khan Mizoram-ah COVID-19 hri kai enkawllai an awm lo ve ta.

Hri kai enkawllai awm lo

Image
Tun thla ni 12-a Serchhip District-a COVID-19 hri kai hmuhchhuah, Thenzawl khaw mi chu nimin khan hri kai enkawlna atangin chhuahtir a ni ve leh ta a, heti hian Serchhip District-ah COVID-19 hri kai enkawllai an awm tawh rih lo a ni. Serchhip District-ah hian COVID-19 hri kai mi 14,616 hmuh ni tawhin an zinga 14,580 te chu enkawl dam an ni tawh a, hri kai atanga chhutin za zela 99.75 te enkawl dam an ni tawh a, hri kai zingah mi 36 te erawh an boral thung a ni.

Office kharna hun hmang

Congress Party leh ZPM Party te chuan Aizawl-a an Party Office kumin atana kharna inkhawm nimin khan an nei a, kumthar January 9-ah heng party te hian an Office an hawng leh ang. MZP pawhin nimin khan Aizawl-a an Office, MZP Pisa Pui kharna hun hmangin kumthar January 18-ah an hawng leh ang.

Board in Exam conduct rel

Mizoram Hindi Prachar Sabha chuan nimin khan General Conference vawi 34-na chu Mizo-ram Hindi Prachar Sabha Office, MINECO-ah hmangin Hindi zirnaa Quality tha zawk a awm theih nan Mizoram Hindi Prachar Sabha hnuaia Class Prathama (Cl-IV), Madhyama (Cl-VI) leh Praveshika (Cl-VIII) te chu Board in Exam a conduct tawh ang tih an sawi a. Mizoram Sawrkarin Hindi Teacher tam tak a la thar leh chu lawmawm an tih thu sawiin, Post ruak hnawhkhah loh la awmte pawh hnawhkhah zel ni se an duh thu an sawi bawk.

MCU kum 25 tlinna lawm

Mizoram Consumers’ Union (MCU) chuan nimin khan Aizawl-a Synod Conference Centre-ah Annual General Meeting leh kum 25 an tlinna, Silver Jubilee lawmna an nei a, he hun hi Supply Minister K. Lalrinliana chuan hman-puiin MCU in kum 25 a tling ta chu MCU hruaitu hmasate leh tuna hruaitu ni mekte thawhrimna rah a nih thu sawiin, huaisen taka mipui dikna chanvo atana beitute inpekna chu a fakawm takzet a ni, a ti a. MCU pawimawhzia sawiin, mipui hrilhhriatna (awareness) kawngah tan la zual sauh sauh turin a chah bawk. Supply Minister hian MCU Silver Jubilee puala buatsaih Souvenir chu a tlangzarh a, he hun hi Ramdinliani, Secretary, FCS&CA chuan khual zahawm niin a hmanpui bawk.

Vijay Diwas hman a ni

India sipai ten Indo-Pakistan War of 1971-a Pakistan laka hnehna an chan ni leh tunhmaa East Pakistan, tuna Bangladesh pian chhuah ni hriatrengna atana hman thin ‘Vijay Diwas’ chu nimin khan rampumah urhsun taka hman leh a ni a, Aizawl-ah chuan War Memorial, Treasury Square-ah Governor Hari Babu Kambhampati hova hman niin Governor leh Chief Minister bakah sawrkar mi pawimawh ten Martar te Thlan-ah pangpar an dah a ni.

Power MW 4 pe thei Kawlbem SHP hawn a ni

Kawlphetha MW 4 (2x2) pechhuak thei tur Kawlbem Small Hydel Project chu nimin khan Power & Electricity Minister R. Lalzirliana chuan a hawng.

Serchhip-ah P&E Department-a thawktute tan Fimkhur a pawimawh zia inzirtirna neih a ni

Image
Power and Electricity (P&E) Department Serchhip Power Sub-Division hnuaia Electric Line leh Maintenance Staff te tan nimin khan Electric avanga vanduaina thleng palh thei pumpelh nana hriat tur pawimawh hrang hrang inzirtirna neih a ni.

Chekawn leh Artahkawn inkar kawng siam

Image
Tuichangral South Group YMA huamchhunga Chekawn leh Artahkawn inkar kawng chhe lutuk siamthat hnatlang chu nimin khan Tuichangral South Group YMA huaihawtin neih a ni.

Deputy Speaker in hawng

Image
Tuikum bialtu MLA leh Assembly Deputy Speaker Er. Lalrinawma chuan nimin khan a bial chhunga Khawbel-ah MLA Fund hmanga Volleyball Court siam thar chu hawngin L&L Volleyball Tournament buatsaih pawh a hawng nghal bawk.

Dan zawmlo mi 10 man

Serchhip-a Zero Tolerance Drive neih mek ah nimin khan nimin khan  Traffic dan bawhchhia te enfiah chhunzawm leh niin nimin khan lirthei 205 enfiah leh an ni a, heng zingah hian Dan zawm lo mi 10 man niin heng mite pawisa chawi tlingkhawm chu Rs. 15,000/- a tling a ni.

Hri kai enkawllai 1 awm

Nimin khan Mizoram-ah COVID-19 hri kai chhinchhiah thar awm lovin hri kai enkawllai mi pakhat chu chhuahtir leh a ni thung a, nimin tlai thleng khan Mizoram-ah COVID-19 hri kai enkawllai mi pakhat la awmin Serchhip District atanga hri kai hmuhchhuah a ni a, Mizoram-ah COVID-19 in ziaawm lam a pan zel a ni.

Edn. Minister in hmanpui

Mizoram Middle School Teachers Association (MSTA) General Conference chu nimin khan Synod Conference Centre Aizawl-ah neih niin Education Minister Lalchhandama Ralte chuan a hmanpui a, Zirtirtu chu hna zahawm anih avangin zahawmna kenkawh kawngah tan lak thar a tul thu a sawi bawk.

Speaker in Hall hawng

Shyama Prasad Mukherji Rurban Mission (SPRM) leh MGNREGS convergence atanga cheng nuai 36 senga sak Sesawng VC-III Community Hall chu nimin khan Assembly Speaker Lalrinliana Sailo chuan a hawng a, he Hall hi a dung ft. 60 leh a vang ft. 30-a lian a ni.

Deputy CM in hmanpui

Mizoram Secretariat Service Association (MSSA) chuan nimin khan Aijal Club-ah General Conference vawi 17-na hmangin Deputy Chief Minister Tawnluia chuan a hmanpui a, Mizoram Secretariat Service hnathawkte chu sawrkar inrelbawlna hrang hrang – Secretariat-ah te, Department-ah te leh District-ah te an awm avangin sawrkar In nghaktu an ni tih sawiin, Sawrkar neitu an nih angin thahnem ngai taka hna thawk zel turin leh ramin hma a sawn zel nana ngaihtuahna seng zual zel turin a fuih a. Sawrkar hna chu hlawh lakna atan chauha ngai lova mahni invawn kawngah te, hun dik vawn kawngah te, mahni inthunun kawngah te hna in a phut anga awm turin a chah bawk.

Kudam hmun tur enfiah

Aizawl Muanna Veng-a Supply Kudam sawnna tur remchang FCS&CA Department in Sairang-a an thlan hmasak te chu nimin khan Chief Minister Zoramthanga hovin a hmunah enfiah a ni a. Sawrkar in thuchhuah a lo siam tawh angin Muanna Veng-a PDC sawnna tur hian mi 11 te chuan ram an neih thu thehlutin, heng zinga pali te chu ennawn deuh bik-ah neih niin heng te hi nimin zing khan enfiah a ni a. FCS&CA Kudam hmunhma ah hian buhfai quintal 30,000 dawng thei Kudam bakah a kaihhnawih ruhrel - Staff Quarters leh Turning & Parking Area bakah a tul dangte a leng tura ruahman a ni. Chief Minister hian Sairang a FCI Kudam sak mek pawh tlawhin, hei hi Rel hmanga buhfai rawn lut dahkhawmna tur niin buhfai quintal khat lenna tur a ni.

CM in Puanthui khawl sem

Chief Minister Zoramthanga chuan nimin khan a bial chhung  Aizawl East-I a Veng 8 atanga COVID-19 hri leng avanga chhungkaw khaw-sak harsatna tawk thlanchhuah mi 142 hnenah an eizawnna puitu atan MLA Fund atanga lei Puanthui khawl a sem.

Riahbuk kang-ah ramriak mi 3 an kanghlum

Nizan hmasa khan Kolasib District chhung Dilzau leh Dumkhel Lui chhuah-a thingzai a ramriak patling pathum chu an ramriahna buk kang avangin ka pawh chhawn lohin an boral.

Bilkhawthlir in dan lova Kuhva lakluh an dang tan

Myanmar atanga Kuhva ro rawn lut te dangchat turin nimin atang khan Bilkhawthlir-a Kuhva chingtute chu an Duty tan.

Helmet chungchang nakum ah bawhzui dawn

Helmet (Protective Headgear) him leh rin-tlak chauh khum tura thuchhuah siam tawh chu kumthar March ni 1, 2023 atangin khauh lehzuala kenkawh a ni dawn.

National Green Tribunal-ah Mizoram sawrkar inlan

National Green Tribunal, Principal Bench in State hrang hrangte hearing a neih kal chho mekah Mizoram sawrkar chu tun thla ni 8 khan inlan tura koh niin Chief Secretary, Dr. Renu Sharma chu Mizoramm sawrkar aiawhin a inlan a ni.

Mizoram PWD-a hotu lian ni thin mi pahnih Sum tih chingpen thubuai ah thiamloh chantir leh

Special Court (Prevention of Corruption Act)-in kum 2007-2008 chho-a Serkhan leh Bagha inkar kawngpui siamna tur sum tihchingpen thubuaiah khatihlaia PWD Engineer-in-Chief, Liansanga leh Chief Engineer, Lianchungnunga te thiamloh a chantir a, Vawiin-ah hremna tur puan a ni ang.

Mizoram Secondary School Games vawi 39-na Serchhip-ah neih tan a ni

Image
Mizoram Secondary School Games vawi 39-na chu nimin khan Serchhip-ah neih tan a ni a, tunkar Zirtawpni thleng awh tur he School Games hi Serchhip Sports Complex-ah Assembly Deputy Speaker Er. Lalrinawma chuan a hawng a ni.

Serchhip-a DAY-NULM hnuaia hmalakna thlirho

Image
Nimin khan Serchhip-ah Deendayal Antyo-daya Yojana-National Urban Livelihoods Mission (DAY-NULM) District Executive Committee chu thukhawmin an hmalakna an thlirlet bakah hmalak zel dan tur an sawiho.

Dan bawhchhia 12 man

Image
Serchhip-a Traffic dan bawhchhiate enfiah runpui leh Dan zawmlo te ngaihhnathiamna tel lova hremna pekna hun ‘No Tolerance Drive’ chu nimin khan chhunzawm leh a ni a, nimin khan lirthei 231 enfiah niin heng atang hian Dan zawm lo lirthei 12 man an ni a, heng mite pawisa chawi tlingkhawm chu Rs. 14,000/- a tling a ni. Serchhip Traffice Police hotute chuan nimin lama lirthei enfiah zingah insurance ti thar an tam tih sawiin, mipuite chu Dan in ti tura a phut ang te zawm hram hram turin an chah bawk.

Tlungvel-ah 33/11KV Sub-Station hawn a ni

Image
P&E Department in Tlungvel khuaa 33/11KV Sub-Station ( 1.6 MVA) an bun chu niminpiah khan bialtu MLA leh Assembly Deputy Speaker Er. Lalrinawma chuan a hawng.

MLA in a Bial tlawh mek

Hrangturzo bialtu MLA leh Home Minister Lalchamliana chuan nimin atang khan a Bial chhung khaw hrang hrang a tlawh tan a, nimin khan Keitum tlawh hmasa berin Bungtlang leh Keitum bakah Piler leh Khawlailung te a tlawh a, heng khaw hrang hrangah hian khawtlang hruaitute leh Party hruaitute nen inkawmna an nei a. Vawiin hian Chekawn, Sialsir, Lungchhuan leh North Vanlaiphai te a tlawh leh dawn bawk a ni.

DC Office dawr theih dawn loh

Serchhip DC Office-a thawktute chuan Vawiin hian Advance Krismas an hmang dawn nia thudawn niin hei vang hian Vawiin ah Serchhip DC Office hi mipui tana dawr theih a ni dawn lo nia thudawn a ni.

Aizawl Chanmari-ah In kang

Nimin chhun dar 12:00 vel khan Aizawl Chanmari Veng-a V. Liannawla In pahnih leh Lalbiakthanga building a kang a, vanneihthlak takin thi leh hliam an awm hriat a ni lo.

Hri kai enkawllai 2 awm

Nimin khan Mizoram-ah COVID-19 hri kai chhinchhiah thar mi pakhat awmin nimin khan hri kai mi pakhat chu enkawlna atanga chhuahtir a ni bawk a. Heti hian nimin thleng khan Mizo-ram-ah COVID-19 hri kai enkawllai mi pahnih la awmin Lunglei District leh Serchhip District-ah mi pakhat ve ve an ni.

Short Film siam-a inelna zo

Halpuah leh Halmawi khapna chungchang mipui inzirtirna atana Short Film insiam siak chu zawhfel niin inelna a tel 20 zingah Govt. Nursing School, Lunglei chu pakhatna an ni a, A. Lalmuanchhana, K. Malsawmtluangi, Electric Veng, Aizawl chu pahnihna niin New Reign Group, Siaha chu pathumna an ni.

Minister banna pawm

Nimin a Minister of State Dr. K. Beichhua in Minister atanga banna a thehluh chu Chief Minister thurawn pek angin Mizoram Governor chuan nimin khan a pawmpui nghal a. Dr. K. Beichhua enkawl thin Department pali (4) te chu thu leh awm hma chuan Chief Minister in a enkawl zui rih dawn a ni.

Green AG Project sawiho

Nimin khan Mamit-a Addl. DC Lalfakzuala hovin Green Agriculture Project hnuaia hmalak dan tur hrang hrang sawihona neih a ni a, Green AG Project hi Global Environment Facility (GEF) Funding niin United Nations hnuaia Food & Agriculture Organisation (FAO) leh Mizoram Sawrkar tangkawp hmalakna a ni. Kan rama kuthnathawka eizawngtu, a bik takin lonei leh ranvulhtute'n kan ram leilung chhe zel tur venghim chunga eizawnna ngialnghet zawk an neih theihna tura hmalakna niin kum 2019 atanga 2026 thleng kalpui tura ruahman a ni a, Cluster paruk-ah thenin khaw 36 thlan an ni a, Mamit District-a Dampa Sanctuary chhehvela khaw awm te leh Lunglei District-a Thorang Tlang Wildlife Sanctuary chhehvela khaw awm te tana buatsaih a ni.

Tender chhuah tawh sut leh

Ministry of Housing & Urban Affairs kal-tlanga LGBTQI te awmna tur Sakawrtuichhun, Aizawl-a sak tumna chu nimin khan sawrkar in a sut. Nimin khan Mizoram sawrkar UD&PA Department-a Executive Engineer, C. Malsawma chuan LGBTQI te awmna tur sak tura Tender chhuah tawh sut a nih thu hi a chhuah a, Notice-a a ziah dan chuan, Ministry of Housing & Urban Affairs kaltlanga Mizoram sawrkarin SPARK Incentive Award 2019-2020 sum a dawn hmanga LGBTQI te awmna tur Sakawr-tuichhun, Aizawl-a sa tura kumin December ni 6-a Tender a lo chhuah tawh chu sut a ni tih a tarlang a ni.

PC Party in Uniform Civil Code (UCC) duh lo

Peoples’ Conference (PC) Party Sr. Vice President Lalrinzuala Chawngthu chuan India rama rorelna In sànga Uniform Civil Code (UCC) Pass tàk, Mizoram-a hman ve chu an Party-in engtikawng maha rem a tih dawn loh thu nimin khan Aizawl-a an Party Office-ah a sawi a. UCC hi India ram puma hman tura duana Pass ni tawh mah se India Danpui Article 371G-a Special Provision kan neih avangin Mizoram-ah hmang lo turin kan ti thei niin a sawi bawk.

MPCC in UCC kan dodal a ngai niin an sawi

Mizoram Pradesh Congress Committee (MPCC) chuan Uniform Civil Code (UCC) chu India ram Kristiante tana Dan Sakei a ni dawn tih sawiin, Mizoram mipuiin kan dodal a ngai niin an sawi.

Thla riat chhungin Chhiah vbc. 648.59 hmu tawh

Mizoram sawrkar-a Taxation Department chuan kumin April - November (thla riat) chhung khan Chhiah an khawn chi hrang hrang atangin Rs. 6,48,59,53,254 an hmu tling tawh a, hei hi kum 2022-2023 a chhiah hmuh beisei zat (target) Rs. 7,30,03,51,000 atangin zaa 88.84 a ni.

FSL-ah Kutze thla 5,982 kawltha tawh

Mizoram Forensic Science Laboratory (FSL) chuan Police ten an man pawikhawihtu hrang hrangte kutze thla (fingerprint) 5,982 an nei/kawl tha tawh a, kumin January - November chhungin thubuai 1,082 khawihin heng atang hian finfiahna 23,959 zirchian an nei.

Elementary atangin Skill Development kalpui tum

School Education Minister Lalchhandama Ralte chuan zirna School-ah Elementary atangin Skill Development kalpui tum a nih thu a sawi.

Chief Minister in banna thehlut tura a tih angin Dr. K. Beichhua in Minister atangin banna a thehlut

Chief Minister Zoramthanga kaihhruai MNF Ministry-a Minister of State nilai Dr. K. Beichhua chuan Chief Minister in banna thehlut tura a tih angin nimin khan Minister a nihna atanga banna a thehlut a. Thuthar thehdarhtute zawhna chhangin Dr. Beichhua chuan a hmalam hun tur sawi theih a nei rih lo tih a sawi.

Serchhip District chhunga RBD te tan ni 2 awh Annual Training neih a ni

Image
Serchhip District chhunga Registrar of Births and Deaths te tan ni 2 awh tur Annual Training chu nimin khan Serchhip-ah neih niin Registration of Births and Deaths Act, 1969 chungchang leh piang leh thil chhin-chhiah kawnga hriat tur pawimawh hrang hrang inhrilh tharna neih a ni.

Lirthei enfiah hna tan

Image
Nimin khan Serchhip-ah Traffic dan bawhchhiate enfiah runpui ‘No Tolerance Drive’ chu neih tan a ni.

Tui Pump khawl tha ta

Image
PHE Department ten Serchhip khawpui chawmna atana Tuikum lui atanga Electric khawl hmanga Tui an pump-na chhia chu nizan hmasa khan siamthat a ni ta.

Vawiin hian Serchhip-ah School Games nei tan dawn

Mizoram Secondary School Games vawi 39-na chu Vawiin atang hian Serchhip-ah neih a ni dawn. Mizoram District hrang hranga High School naupangte infiamna lama an inelna tur 39th Mizoram Secondary School Games hi Vawiin chawhma dar 10:00 hian Serchhip Sports Complex-ah Assembly Deputy Speaker Er. Lalrinawma chuan a hawng dawn a, District Bawrhsap Nazuk Kumar IAS chu khual zahawm a ni thung ang. Tunkar Zirtawpni thleng awh tur Mizoram Secondary School Games-a tel tur hian nimin khan Mizoram District hrang hrang atangin zirlaite chuan Serchhip an rawn thleng tawh a ni.

COVID-19 hri kai hmu leh

Thla khat chhung zet Serchhip District-a COVID-19 hri kai enkawl an awm loh hnuah nimin khan COVID-19 hri kai mi pakhat hmuh a ni leh ta. Nimin khan Serchhip District-a Sample enfiah atangin COVID-19 hri kai mi pakhat hmuh belh leh a ni a, Nov. 4, 2022-a COVID-19 hri kai hmuhchhuah a nih hnua hri kai hmuh leh hmasak ber niin Nov. 9, 2022 hnu lama Serchhip District-a COVID-19 hri kai enkawl awm leh hmasa ber a ni bawk a, nimin-a hri kai hmuhchhuah thar hi Thenzawl Bazar Veng a mi a ni. Heti hian Serchhip District-a COVID-19 hri kai hmuhchhuah pawh mi 14,616 an tling ta bawk a ni.

Raltlan te sawnchhuak tan

Lawngtlai District chhung Parva-III khua a Bangladesh atanga raltlan 310 awm mekte chu nimin khan khaw dangah sawnchhuah tan an ni a, Vathuampui-ah chhungkaw 21, Chamdur Project-ah chhungkaw 14 leh Mautlang-ah chhungkaw 10 dah niin Tuithumhar-ah chhung-kaw 30 dah tum an ni bawk.

COVID-19 kai 2 enkawl mek

Niminpiah lamah Mizoram-ah Sample enfiah awm lovin COVID-19 hri kai hmuh an awm belh lo a, nimin-ah hri kai enkawl dam mi pakhat awm thungin nimin tlai thlenga hri kai enkawllai chhinchhiah chu mi pahnih an la ni a, Mizoram-ah COVID-19 hri leng dinhmun in ziaawm lam a pan ve hret hret zel a ni.

Pawngsualtu thiamloh chantir

Champhai District Special Judge (POCSO Act), Sylvie Ralte chuan Sept. 26, 2020 tlai lama Champhai Veng pakhata hmeichhe naupang kum 5 mi pawngsualtua puh C. Lallianpuia, Champhai Venglai chu POCSO Act leh IPC Sec. 341 hmangin nimin khan thiam loh a chantir a, Vawiin-ah hremna tur puan a ni ang. Champhai District Fast Track Special Court-a Presiding Officer, T. Saikunga pawhin, nimin khan Khaw-zawl Veng pakhata hmeichhe naupang kum 11 mi pawngsualtua puh Vanramnghaka, Khawzawl chu thiamloh chantirin, kum 20 chhung lung In tang tur leh Rs. 5,000 chawi turin a hrem bawk.

World AIDS Day pualin hmang

Nimin khan World AIDS Day pualin Ko-lasib District-a School of Nursing, Thingdawl ah hun hman a ni a, he huna tarlan a nih danin Kolasib District-ah hian January 2002 atanga October 2022 thleng khan thisen endik tawh 85,096 atangin HIV hrik pai 1690 hmuh an ni tawh a, October 2022 chhunga thisen 580 endik atangin HIV+ 7 hmuh a ni bawk. He hunah hian AIDS laka fihlim tura hmalakna kalpui a pawimawh rualin AIDS veite chu chhungkua, khaw-tlang leh kan nitin hun hmanna ah enhranna awm lova a tul ang zela tuam hlawm leh dawmkan an tul thu te tarlan a ni.

PMNAM inzirtirna neih a ni

Nimin khan Mamit-ah Labour, Employment, Skill Development and Entrepreneurship Department leh Deputy Commissioner, Mamit District buatsaihin thiam thil mila eizawnna tur inzirtirna, Sensitization/Awareness Programme for Prime Minister-National Apprenticeship Mela neih a ni a, he Scheme hi Mizoram atan chuan Scheme thar a nih thu leh he Scheme hian thiamthil mila eizawnna tur inzirtirna chu a tum ber a nih thu te, kutthemthiamna kawnga hmasawn leh eizawng tlaka an thiamna chherhriam sak te chu a tum a nih thu tarlan a ni.

PC Party in LGBTQI Shelter sak tum dodal

PC Party chuan neih inangte tana In sak tuma sawrkar hmalakna an dodal tlat thu an puang. Hemi chungchangah hian PC Party Sr. Vice President Lalrinzuala chuan tunhnaia LGBTQI (Lesbian, Gay, Bisexual, Transgender, Queer and Intersex) te tana Sakawrtuichhun rama Shelter sak tum chu an pawm thei lo tih sawiin, “Pianpuite chu sawi phak awm lo mah se nikhaw hriat hnua nikhua lo tam tak mipuiin kan ngaihmawh em em laiin vulh lenna kawng ni ah kan ngai a, Mizorama buaipui tham ni lo kha buaipui thamah kan chhuah phah thuai dawn,” a ti a. Neih inang inkawp chu Kohhran duh loh leh Kristianna nena inmil lo a ni tih sawiin, “Mizoram sawrkar hian he hmalakna hi sût leh vat rawh se,” a ti bawk.

LGBTQI Shelter sak tum dodal

Mizoram-a Lesbian, Gay, Bisexual, Transgender, Queer and Intersex (LGBTQI) te tana Shelter sa tura hmalakna kal mek chu Central YMA chuan an duhloh thu leh ti hlawhtling lo tura an duh thu Chief Minister hnenah an thlen.

Tun term anga MLA tha kan nei ngai lo - Dr. Thangtea

MNF Adviser Dr. R. Lalthangliana chuan tun term ang reng renga MLA tha an neih a la hriat ngai loh thu a sawi.

LESDE Minister in Youth Centre sak thar a hawng

Mizoram New Capital Complex (MINECO) Aizawl-a ‘Youth Centre’ sak thar chu nimin khan Labour, Employment, Skill Development & Entrepreneurship Minister Lalchhandama Ralte chuan a hawng.

Kumthar Jan. 24-ah Thawhhona sawiho leh dawn

Mizoram People Forum (MPF) Governing Board thukhawm chuan, Political Party te nen an thawhhona thuthlung enthat mek chu kumthar January 24-ah sawiho leh nise an ti.

Aizawl a hmasawnna ruhrel din tur hrang hrang Chief Minister hovin TCIL ten an enfiah

Chief Minister Zoramthanga hovin Telecommunications Consultants India Limited (TCIL) hotute chuan nimin zing khan Aizawl khawpui leh a chhehvel hmun hrang hrangah hmasawnna ruhrel lian dinna tur hmun remchang te a en a, Chief Minister hi a kaihnawih sawrkar department hotute'n an tawiawm a ni.

Mizoram-ah Chikungunya kai 53 hmu tawhin Kumin-ah Dengue kai 1,510 an awm tawh bawk

Mizoram-ah Thosi seh atanga kai theih, Chikungunya vei mi 53 hmuhchhuah ni tawhin kumin chhungin Dengue hri kai 1,510 hmuh an ni tawh bawk.

Serchhip Cricket Club champion

Image
Serchhip District Cricket Association Season Openng Tournament khelh zawh takah Serchhip Cricket Club (SCC) chuan Tuikhuah Vent Cricket Club (TKCC) hnehin an champion.

BSF ten khawchhung tifai

Image
Serchhip Dawngzawl-a hmunpui nei 163 Bn. Border Security Force (BSF) te chuan Inrinni khan mipuite nen inpumkhatna leh thawhhona tha an neih theihna turin Serchhip-ah Faina Hnatlang an nei a, Serchhip Damdawi In leh a chhehvel bakah Serchhip Bazar Building-ah te hnatlang hi neiin bawlhhlawh an chhar bakah khawlai te an phiatfai bawk a ni. He hnatlang ah hian BSF Sipai mi 40 chuang rawn thawkin Serchhip Kawnpui VC leh YMA bakah Health Department hotu ten an lo tawiawm a, UD&PA Department-a thawktute pawhin he hnatlang hi an telpui bawk a ni.

Serchhip-ah Mathematics Competition neih a ni

Image
Inrinni khan Serchhip-ah Zirlai naupangte pualin ‘Mathematics Competition’ neih a ni.

Adventist Thalai ten intawhkhawmna an nei

Image
Seventh-Day Adventist Youth Federation (AYF) Serchhip Branch intawhkhawm chu Zirtawpni atanga nizan thleng khan neiin nimin khan Serchhip khawlai tihfai hnatlang neih a ni.

Tui Pump khawl la tha lo

Image
PHE Department in Serchhip chawmna atana Tuikum lui tui an pump-na Electric khawl chhe lai thlakna tur khawl chu Serchhip rawn thlenpui a nih hnuah PHE Department-a thawktu ten chhun zan zawmin a thlak hna thawk mah se nimin thleng khan zawhfel a la ni lo a. PHE Department hotute chuan khawl chhe lai thlak tur hian theihtawp an chhuah thu leh a that theih hun tur erawh an la hriat loh thu an sawi a, mipui ten tui an renchem a tul thu an sawi bawk.

Kumpuan Fehchhuah nei

Serchhip Sub-Hqrs. YMA Kumpuan Committee hmalakna in Inrinni khan Serchhip Sub-Hqrs. YMA chuan YMA Kumpuan, Ram leh Hnam humhalh bawhzuina atan Kumpuan Feh-chhuah an nei a, he hunah hian Serchhip Sub-Hqrs. YMA Kumpuan Committee leh Sub-Hqrs. YMA hruaitute telin Serchhip-a Dan lova Mizo hming hawha hnamdang sumdawng an awm leh awm loh enfiah hna thawkin Dawr thenkhat ah len a ni.

Hri kai enkawllai 3 awm

Nimin tlai thleng khan Mizoram-ah CO-VID-19 hri kai enkawllai mi 3 an la awm a, nimin ah hri kai hmuhchhuah leh enkawl dam awm belh lovin Inrinni khan Lunglei District-a hri kai enkawl mi 5 te chu chhuahtir an ni a. Hri kai enkawllai la awm te hi Aizawl District-ah 2 leh Lunglei District-ah mi pakhat te an ni.

Synod Inkhawmpui neih a ni

Presbyterian Mizoram Synod Inkhawmpui vawi 99-na chu nimin Pathianni hmang khan Aizawl Khatla Kohhran Biak In-ah neih niin Khatla Bial in an thleng a ni.

Sports Minister in hawng

Sports & Youth Services Minister Robert Romawia Royte chuan Inrinni khan Lunglei ah Sports hmasawnna ruhrel thar te a hawng a. Heng Sports Infrastructure hawn tak te hi PMJVK Scheme kaltlanga cheng nuai 569.61 senga ruahman Thuamluaia Mual Synthetic Football Turf phah thar leh MSSC-TATA Trusts Grassroots Football Academy pariat (8) te an ni. Thuamluaia Mual, Lunglei-a Synthetic Football Turf phahna atan hian PMKVK Scheme 2020-21 atangin cheng nuai 569.61 ruahman a ni a. Mizoram State Sports Council - Tata Trusts Grassroots Football Academy Centre pariat hawn te hi Serkawn, Haulawng, Electric Veng, College Veng, Lunglawn, Lungsen, Tlabung leh W.Bunghmun khua a kalpui turte a ni.

Tualthattu nia hriat intihlum

Nilaini kalta, Dec. ni 7, 2022 zingkar-a Mamit Luangpawl Veng-a Rokimi (51) leh a tupa Mark Lalawmpuia (7) te an chenna in a rawng taka thattu ni a rinhlelh Rokimi pasal Liantea ruang chu Inrinni zan dar 6:00 vel khan Thlam pakhat-ah hmuh a ni a, mahni intihlum nia sawi a ni. Tualthattu a rinhlelh Roliana, Liantea ti a hriat hi Inrinni khan Luangpawl khawtlang leh Mamit Sub-Hqrs. YMA chuan zawng lehin a hmaa an hmuhna bula Kuhva huan Thlam-ah hmuh a ni a, amah zawngtute a hmuh rualin chemte bawhin amah leh amah a intihlum niin an sawi. He thil thleng chungchang hi Police te hriattir nghal niin tihtur tul te an tih hnuah nimin khan vuiliam a ni.

Zirlai harsate hnenah tanpuina hlan an ni

Lengteng bial chhung leh Sialkal Range Development Council (SRDC) Area chhunga zirlai thiam thei, First Division leh a chunglam pass, chhungkaw harsa thlanchhuah zirlai 38 te hnenah Inrinni khan tanpuina sum sem a ni.

Bilkhawthlir-ah Kuhva danchah tum a ni dawn

Bilkhawthlir-a Kuhva chingtu pawl Cooperative Society Ltd. chuan thenawm ram Burma atanga dan lova kuhva lo lut thin chu dan chah an tum.

Kuhva leh Poppy Seeds phurtu lirthei 6 hal a ni

Inrinni zing khan Mamit District chhung Zamuang khaw bulah Kuhva leh Poppy Seeds phur lirthei 6 chu hal a ni a, hemi chungchang ah hian Kanhmun Police Station-ah thubuai ziahluh a ni.

Tiau lui-a Balu leh Lung lak titawp turin ngen

Champhai District chhung Tiau lui-a Sunshine Overseas Pvt. Ltd. ten dan lova balu leh Lung an lak thin chu titawp turin Youth for Environment Justice Mizoram (YEJM) chuan Champhai District Bawrhsap an ngen.

Ram hmasawn zelna ah kan khawtlang nun a siamthat ngai tam tak a awm - Chief Minister

Chief Minister Zoramthanga chuan ram hmasawn zelna ah kan khawtlang nun a siamthat ngai tam tak a awm thu a sawi.

PM in Governor leh Chief Minister a kawm

Prime Minister Narendra Modi chuan Zirtawpni tlai khan ramchhunga State leh UT tin Governor leh Lt. Governor bakah Chief Minister te Video Conference a neihpui a, Mizoram atangin Chief Minister Zoramthanga pawh a tel a ni.

Bangladesh atanga raltlan rawn lut Parva-III a awm te khaw dangah sem darh dawn

Tunhnaia Bangladesh atanga Mizoram-a raltlan rawn lut Lawngtlai District chhung Parva-III khua a awm mek mi 310 te chu Vawiin atang hian hmun dangah sem darh an ni dawn a. Heng raltlan awmna tur khua te chu Village Level Committee on Bangladeshi Asylum Seekers din theuh tura hriattir an ni bawk. 

Damdawi kaihhnawih thubuai a tang an tam

Image
Integrated Child Protection Scheme (ICPS) hnuaia din, District Jail Inspection Team te chuan nimin khan Serchhip District Jail tlawhin an dinhmun hrang hrangte an enfiah.

Panhnah chin dan zirtir

Image
Agricultural Technology Management Agency (ATMA), Serchhip District chuan niminpiah khan Khawlailung Community Hall-ah Panhnah chin dan zirhona an buatsaih a, he hunah hian Resource Person atan Moses Zonunsiama, Assistant Technology Manager, ATMA leh K. Saphmingthanga te hman niin anni hian Panhnah Chi tha thlan dan, Primary leh Secondary Vine hriat hran theih dan leh Huanpal anga a zámna siam dan te an zirtir a. Panhnah hnah pakhat lek atanga a chi siamchhuah dan te pawh an zirtir bawk a. Panhnah chu a hralhna a that thu te, hmun zim te-ah pawh cheng tam tak man thar-chhuah theih a nih thu te sawiin, panhnah hmun siam uar sauh sauh a thatna te an sawi a. He hunah hian Khawlailung leh Chekawn khua atangin Panhnah chin lama tui te an tel a ni.

Serchhip CC in Final lut

Image
Serchhip District Cricket Association Season Opening Tournament-ah Serchhip Cricket Club te chuan Final lutin TuikhuahVeng CC te nen Vawiin hian Final an khel ang.

Dan lova Kuhva lakluh khap

Serchhip District chhung khaw hrang hrang ah dan ang ni lova kuhva phur lirthei an kal thin tih hriat a nih avangin Serchhip District Addl. District Magistrate Lalmuansanga Ralte chuan Section 144 of Cr.PC 1973-in thuneihna a pek angin Serchhip District chhung khawi hmunah mah dan ang ni lova kuhva lakluh leh phurh phal a ni lo tih thupek a chhuah a. He thupek hian thu leh awm hma chu Order chhuah a nih (6th December, 2022) atanga thla 2 chhung a huam ang. Thupek zawm lo te chu Section 188 IPC dan hmangin hrem theih an ni bawk ang.

PYD in thisen Unit 33 pe

Thenzawl Bial Penticostal Youth Department (PYD) te chuan nimin khan Serchhip Blood Bank-a dah turin thisen Unit 33 an pe a, thisen petute hi mipa 23 leh hmeichhia 10 niin mi tlawmngai te thisen la tur hian Serchhip atangin Blood Bank-a thawktute an kal a ni.

North Zone M/S Sports zo

Tunkar Thawhtanni atanga Leisekawt Mual a neih Serchhip North Zone Middle School Sports chu nimin khan zawhfel a ni ta a, School 6 te zingah Little Flower Convent School chuan point 165 hmuin an champion a, Presbyterian English School chuan point 90 hmua pahnihna niin All Saints School chuan point 61 hmuin pathumna an ni bawk.

Court in Bail in chhuah

Special Court (Prevention of Corruption Act) chuan kum 2 tang tur leh cheng nuai 15 chawi tura a hrem Liansanga chu nakum January ni 31 thleng Bail-a chhuah a phalsak a, Court sang zawka a kalna-in Bail a phal a nih loh chuan January ni 31 emaw, a hma emaw-a Court a inlan leh tura tih a ni bawk.

Check Gate thar hawng

Transport Minister TJ. Lalnuntluanga chuan nimin khan Vairengte-ah Motor Vehicle Check Gate thar a hawng a, ramri luhka pawimawh taka lirthei endikna awm tur chuan Transport Department kaltlanga dan anga Chhiah khawn hna a tih chak zual ngei a beisei thu sawiin, tui hmang a kalpawhna awlsam siam turin project hrang hrang buaipui mek a nih thu a sawi bawk.

Excise Minister in hmanpui

Mizoram Excise & Narcotics Service Association (MENSA) General Conference vawi 18-na chu nimin khan Aizawl-a Commissionerate Conference Hall-ah neih niin Excise Minister Dr. K. Beichhua chuan a hmanpui a, Mizoram-a ruihhlo do chu Excise Department mawhphurhna a ni tih hre thar a, kan ram hmelma do tura theihtawp chhuah zel turin a chah nghal bawk.

Hri kai enkawllai 7 awm

Nimin khan Mizoram-ah COVID-19 hri kai thar leh enkawl dam an awm belh lova, heti hian nimin tlai thleng khan hri kai enkawllai mi 7 la awmin  hri kai zingah mi 726 an boral tawh a, hri kai hmuhchhuah 2,38,962 zinga 2,38,229 te chhuahtir an ni tawh a ni.

Nakum-ah SEDP sem leh tum

Riangtlei Branch YMA dinchampha vawi 77-na lawmna chu nimin khan Chhinlung Community Hall, Riangtlei-ah neih niin bialtu MLA leh Deputy Chief Minister Tawnluia chuan a hmanpui a, Deputy Chief Minister chuan Sawrkar Flagship Programme, chhungtinte chawikanna tur tinzawna hmalakna, Family Oriented SEDP thawhkhatna sem chhuah tawh anih thu sawiin, hamthatna dawngtute chu tanpuina an dawn te tha taka hmang tur leh intodelh nana hman tum turin a chah a; nakum sawrkar kum tharah SEDP thawhhnihna pawh sem leh tum a nih thu a sawi bawk.

Law Commission thukhawm

Mizoram State Law Commission thutkhawm vawi 40-na chu nimin khan an Chairman Lala Khobung hovin a Pisa-ah neih a ni a, he hunah hian ‘The Mizo Marriage, Divorce and Inheritance of Property Act 2014’ hman meka siam-that leh ennawn ngaite chu sawiho a ni a. He dan chungchanga MHIP General Hqrs., Central YMA leh Law Commission member-te atanga rawtna lo lutte chu sawiho a ngun taka zirchian a ni a. Rawtna engemawzat pawm niin sawrkarah thlen turin an ruahman a, rawtna thenkhat erawh chu zir zui zel tura dah a ni. Hei bakah hian Code of Criminal Procedure (CrPC) Section 167 hnuaia Magistrate te thuneihna sawiho niin Law Commission-in Autonomous District Council-a Anti-Defection Law hmang tura rawtna a lo siam tawh chu hmalak mek a nih thu leh India Danpui ennawn 125-na kal mek zingah a tel tih tarlan a ni bawk.

Nakum atangin Two Wheeler Taxi intlanchhawk rel

Home Minister Lalchamliana hova Coordination Committee on Traffic Management nimin-a SAD Conference Hall-a thukhawm chuan nakum atangin Aizawl khawpuia Two Wheeler Taxi intlanchhawk turin an rel.

RD Minister in SARAS Fair vawi 7-na hawngin hnathawk tha te chawimawina hlan an ni

Thingtlang-a kut hnathawktu hmeichhiate kutchhuak zawrhna, Sale of Articles of Rural Artisans Society (SARAS) Fair vawi 7-na chu nimin khan Aizawl-a Assembly Annexe Conference Hall-ah Rural Development Minister Lalruatkima’n a hawng.

Kum 2 tang tur leh nuai 15 chawi turin hrem

Special Court (Prevention of Corruption Act) chuan kum 1995-1998 chhunga P&E Department-a Chief Engineer Liansanga, Khatla Aizawl chu thiamloh a chantir hnuah kum 2 tang tur leh cheng nuai 15 chawi turin a hrem a, hrem a nihna hi bail theih niin Vawiin-ah bail a dilna chu Court in a ngaihtuah leh ang.

ZDU Serchhip buatsaihin Serchhip-ah 'Fimkhurna Hapta 2022' hman a ni

Image
Zoram Drivers’ Union (ZDU) buatsaih 'Fimkhurna Hapta 2022' chu nimin khan Serchhip-ah hman tan a ni a, he Hapta hi Serchhip SDPO Kaste Romalsawma chuan hawngin, “Mitin kan him tlan nan Dan kan zawm hram hram a pawimawh a ni,” a ti.

Tui pump khawl chhia buaipui mek

Image
PHE Department in Tuikum lui atanga Electric khawl hmanga Tui an pump-na khawl chhia thlakna tur khawl chu Serchhip rawn thlenpui ni tawhin khawl thar bun tur hian buaipui mek a ni.

ZM H/S Zirlai te hnatlang

Image
Zoluti Memorial H/S Serchhip-a Eco-Club Member te chuan nimin khan Serchhip Kawlri tlang-a Chawngpuii Lunglen Tlang leh a chhehvel thenfai hnatlang an nei a, he hnatlang ah hian he Tlang-a Polythene leh tawih theilo bawlhhlawh paih awm te chharfaiin a paihna tur hmun ah an paih a, he School-a Zirlai naupang leh Zirtirtu mi 25 vel an thawkchhuak a ni. Hemi hmalam hian Govt. JM H/S Serchhip-a zirlaite pawhin helai hmun thenfai hnatlang hi an lo nei tawh bawk a ni.

PHC Building thar hawng

Sialsuk Primary Health Center (PHC) building thar chu nimin khan Health Minister Dr. R. Lalthangliana chuan a hawng a, Sialsuk khua chuan kum 1922 velah damdawi In nei tawhin Mizoram-a damdawi In nei hmasa ber pawl an nih thu leh Sialsuk chu PHC building thar sak zingah pawh a tha ber pawl a nih thu a sawi bawk. Sialsuk PHC hi NABARD RIDF - XXV sum Rs. 2,28,68,000 hmangin CB. Engineering Venghlui Aizawl te sak a ni a, Oct. 14, 2020-ah sa tanin kumin Dec. 1 khan sak zawh a ni a. Building hi chhawng hniha sang niin Casualty, X-Ray Room, Pharmacy, Consultation Room, Operation Room, Laboratory, Store room leh Toilet te awm tura ruahman a ni.

Tuitla ruang hmu ta

Pathianni kalta, Dec. 4, 2022 chawhnu dar 1:30 vela Champhai khawpui chhunga awm Keilungliah Tuikhuah-a tla Lalbiakliana (33), Champhai Bethel Veng ruang chu nimin khan tuikhuah ah hian rawn langchhuakin hmuh a ni ta a, nizan khan vuiliam nghal a ni. Keilungliah tuikhuah hi a thuk avangin tui tla zawngtute pawh a mawng thlengin an lut thei lo a, hei vang hian ruang rawn lanchhuah hun hi an nghak a ni.

Hri kai enkawllai 7 awm

Niminpiah khan Mizoram-ah Sample 24 enfiah niin COVID-19 hri kai hmuhchhuah an awm belh lova, nimin khan hri kai zinga mi 2 te chu anmahni enkawlna atanga chhuahtir an ni ve thung. Heti hian nimin tlai thleng khan Mizoram-a COVID-19 hri kai hmuh tawh 2,38,962 atangin 2,38,229 te enkawl dam an ni tawh a, hri kai enkawllai mi 7 la awmin Lunglei District-ah mi 5 leh Aizawl District-ah mi 2 an ni.

MNF Thalai ten an tlawh

MNF Thalai, MNYF Hqrs. hruaitute chuan tunhnaia sawihlawh tak Zoram Mega Food Park, Khamrang chu nimin khan tlawhin, he hmun hi Congress sawrkar lai kum 2013-2018 chhunga buatsaihfel vek anih avangin MNF sawrkar-in inhnamhnawihna a neilo niin an sawi a. Sawrkar kalphung mumal tak zawmlo a he hmun hi rawn piang nia sawiin, MNF sawrkar in mawhphurhna a neih an hriat loh thu an sawi bawk.

Chief Minister in PM kawm

New Delhi-a cham mek Chief Minister Zoramthanga chuan nimin chawhma lam khan Prime Minister Narendra Modi chu a Pisa-ah a hmu a, Mizoram mamawh hrang hrang sawipuiin inkawmna hun tha tak an hmang a ni. Hemi hnu nimin tlai khan Chief Minister hian Union Home Minister Amit Shah pawh a kawm leh bawk a, Vawiin hian Mizoram panin a rawn haw dawn a ni.

Zofest neih mek hmanpui

MZP buatsaih Sialsuk-a ‘Zofest 2022’ neih mek chu nizan hmasa khan Social Welfare Minister Dr. K. Beichhua chuan a hmanpui a, MZP in Zofate inpumkhat nana hma an lakna leh zirna lama hma an lakna chu ropui a tih thu sawiin, hmalam pan chho zel turin duhsakna a hlan a ni. Zofest hi nimin khan Assembly Speaker Lalrinliana Sailo pawhin hmanpuiin MZP ten Zofate hnam inpumkhatna atan Zofest an buatsaih thin chu lawmawm a tih thu a sawi a, 'Mizo' thumal leh 'Mizoram' te chu rorelna inlumletin a rawn hrinchhuah a ni tih sawiin, kan chenna a hran avanga mite’n min hriat dan leh koh dan te dang mah se, unau vek kan ni tih hre reng turin kalkhawmte chu a chah a ni.

Deputy CM in hawng

Mizoram State Sawrkar sum cheng nuai 700 senga Mualvawm Playground, Khawzawl-a Phullem (Artificial turf) phah leh cheng nuai 400 senga Pavilion sak te chu nimin khan UD&PA Department changtu Deputy Chief Minister Tawnluia chuan a hawng a, a enkawl chhunzawm zelna kawnga mawhphurtu tur District Bawrh-sap kaihhruai Post Construction Management Committee kutah hlan nghal a ni. Nimin-a hemi puala inkhawm neih zui ah Deputy Chief Minister chuan Mualvawm Playground changtlung tak chuan player tha, mahni thahnemngaihna hmanga eizawnna tluantling nei tur a chherchhuah ngei a beisei thu a sawi bawk.

Durtlang-Sihphir kawng PWD ten an siam dawn

Durtlang Leitan leh Sihphir inkar kawng tihzauh leh siamthat hna thawk turin Mizoram PWD hnenah NOC pek a ni dawn.

Ramsa humhalh te laka pawikhawihna zirhona nei

Ramsa humhalh te laka pawikhawihna chhui leh hmalak dan chungchang inzirtirna, 'Symposium on Wildlife Crimes' chu nimin khan Aizawl-a Assembly Annex Conference Hall-ah neih a ni.

Rajya Sabha MP in Kuhva chungchang House-ah sawi

Mizoram Rajya Sabha MP K. Vanlalvena chuan Parliament thutkhawm neih mekah nimin khan Mizoram leh Tripura-a loneitu tam tak kuhva chingtute harsatna thu a auchhuah pui.

Tlawng lui humhalh chungchang sawihona nei

Nimin khan Tlawng lui humhalh chungchang sawihona chu Mizoram State Planning Board Vice Chairman H. Rammawi kaihhruaiin Planning & Programme Implementation Committee Room-ah neih a ni.

Social Welfare Minister-in ‘Survey Report on Drugs and Children in Mizoram 2022’ a tlangzarh

Social Welfare Minister Dr. K. Beichhua chuan nimin khan ‘Survey Report on Children and Drugs in Mizoram 2022’ chu tlangzarhin, naupangte zingah zuk leh hmuam, ruihtheih thil ti an tam ta lutuk chu pawi a tih thu a sawi.

Bialtu MLA in MLA Fund atanga Lawngleng lei Tlawng lui-a Lo leh Nul neitute hman turin a hlan

Image
Serchhip bialtu MLA Lalduhoma chuan Thenzawl leh Buarpui inkar Tlawng lui kan-a Lo leh Nul siam ten bungrua thiarna atana an mamawh Lawngleng MLA Fund atanga a lei chu nimin khan helai hmuna kuthnathawktute hnenah a hlan.

South Zone M/S Sports zo

Tunkar Thawhtanni atanga neih Serchhip South Zone Middle School Sports chu nimin khan Serchhip Sports Complex-ah zawhfel a ni a, he Sports-ah hian Middle School 7 telin a pumpui ah Goodwill English Academy chuan point 123 hmuin an Champion a, Chawngbuangi Memorial School chuan point 70 hmuin pahnihna an nih bakah point 45 hmutu Govt. Chanmari Middle School chu pathumna an ni a, Govt. Hriangtlang M/S, Govt. Model M/S, Govt. LM M/S leh Govt. M/S Serchhip ten an dawt bawk a ni. He Sport-ah hian inelna chi 17-ah School hrang hranga zirlaite hian inelna an nei a, Goodwill English Academy zirlai naupang P. Lalhriatrenga chu Best Boys niin he School zirlai naupang bawk Lalsangpuii Sailo chu Best Girls a ni bawk.

MZP buatsaih Zofest 2022 Minister ten hmanpui

MZP buatsaih ‘Zofest 2022’ chu Sialsuk-ah hman mek niin nimin khan Law Minister TJ. Lalnuntluanga chuan a hmanpui.

Model-a hman tur thlang

Serchhip District Bawrhsap Nazuk Kumar IAS chuan National Green Tribunal (NGT) thupek ang leh Mizoram sawrkar UD&PA Department lehkha angin Serchhip District-a Solid Waste Management Rules fel fai taka kalpuina tur khua, Model Town leh Model Village te a puang a. Model Town-ah hian Serchhip Town chu thlan niin, Model Village atan Leng, E. Lungdar leh N. Mualcheng khua te thlan an ni bawk.

Bawrhsap in mipuite sawm

Serchhip District Bawrhsap leh District Level Narco Coordination Committee-a Chairman Nazuk Kumar IAS chuan Serchhip District chhungah ruihhlo (drugs leh a kaihhnawih) hluar zel tur ven nan sawrkarin nasa takin hma a la reng tih thuchhuah siama tarlangin, mipuite chu thawhpuina a sawm a. Ruihtheihthil leh ruihhlo zuar emaw, tawlhru emaw hria kan awm anih chuan thuneitute hriattir vat thin turin a sawm nghal bawk.

Serchhip-ah No Tolerance Drive kalpui dawn

Karleh Thawhtanni atang khian Serchhip ah Traffic Dan bawhchhiate enfiah runpui No Tolerance Drive kalpui leh a ni dawn.

Union Minister in tlawh

Mizoram-a rawn zin Union Minister of State for Food Processing Industries, Prahlab Singh Patel chuan nimin zing khan Seling-a Mizoram Food Processing Research & Training Centre chu a hmunah a tlawh a, a hmunhma te fangin thawktute fuihin hma lam hun atan duhsakna a hlan bawk.

Chief Minister in sawipui

New Delhi-a cham mek Chief Minister Zoramthanga chuan niminpiah tlai khan Union External Affairs Minister Dr. S. Jaishankar chu tlawhin Mizoram mamawh hrang hrang leh thenawm ramte nena inlaichinna tihhmasawn zelna tura Mizoram leh India hmarchhak State-te pawimawhna leh thil pawimawh dang an sawidun.

Chenna In-ah thi in hmu

Nimin zing dar 6:00 vel khan Mamit Luang-pawl-ah Rokimi (51) leh a tupa Mark Lalawmpuia (7) te chu an chenna In-ah thi-a hmuh an ni a, an taksa atanga a lan danin nasa taka kut-thlak leh mi kut tuar ni ngeia rin a ni. He thil thlenna hmun hi Police te chuan enfiah nghalin chhungkaw pa ber Liantea chu a awmna chin hriat a nih loh avangin zawn zui mek a ni bawk.

Tourism Minister in hawng

Mizoram AIDS Control Society (MSACS) leh Govt. Aizawl College tangdun buatsaih ‘Govt. Aizawl College Fest’ chu nimin khan GAC Mualpui Campus-a College Courtyard-ah neih tan niin Tourism Minister Robert Ro-mawia Royte chuan a hawng a. Mizoram-ah HIV/AIDS vei an pung zel chu lungchhiatthlak a tih thu sawiin, Zirlaite chu HIV/AIDS dona kawngah mawhphurna an nei ve a ni tih hriain, he natna vei lo tura intiam ngam tur leh midangte hnena zirtirna pe theitu ni turin a sawm bawk. Govt. Aizawl College hi kum 1975-ah din niin tunah hian Zirlai 2242, Zirtirtu 55, Non-Teaching staff 20 an awm a, Department 9 a awm mek a ni.

Armed Forces Flag Day

Kum 1949 atanga kumtin December 7-a hman thin ‘Armed Forces Flag Day’ chu nimin khan Mizoram-ah Directorate of Sainik Welfare & Resettlement Aizawl leh District Sainik Welfare Office awmna District pali-ah hman leh a ni a. He ni-ah hian indona-a nun chan ta nupui fanau te, hliam tuar a remtuileilo a awm te, Ex-Servicemen leh hmeithai harsa zualte tanpui nan mi tlawmngaite leh mi inphal te hnen atangin tanpuina khawn thin a ni a, Aizawl-ah chuan nimin khan Rs. 15,890/- hmuh niin District dang atang hian Armed Forces Flag Day Material- Lapel Badge leh Sticker an tihralna atangin thahnem tak hmuh belh tura beisei a ni bawk.

COVID-19 hri kai enkawllai pung leh hret

Niminpiah khan Mizoram-ah Sample 57 enfiah atangin COVID-19 hri kai mi 5 lai hmuhchhuah belh leh an ni a, tun thla chhunga ni khat-a hri kai hmuhchhuah an tam ber tum nia hriat a ni. Nimin khan hri kai mi pakhat chu enkawlna hmun atanga chhuahtir ni ve leh bawkin nimin tlai thleng khan Mizoram-ah COVID-19 hri kai enkawllai mi 9 an awm leh ta a ni.

Health care-a sum hman dan pawi tih thu sawi

ZPM Thalaite chuan Mizoram sawrkâr-a Health Care-a inziahluhna sum hman danah mipuite rahbeh an ni tih hailan a ni tih sawiin, pawi an ti takzet tih an sawi.

Kumin chhungin kuhva ro vbc. 4.92 hu man tawh

Mizoram Police te chuan kumin chhungin hmun hrang hrangah dan lova Myanmar kuhva rah tawlh ruk bag 4,522 chuang man tawhin hei hi Rs. 4,92,79,675 hu zet a ni.

Agriculture Loan chung-chang sawihona nei

Agriculture Department buatsaihin nimin khan Agriculture Department Officers te leh State Level Bankers Committee ten inkawmna an nei.

PWD Engineer-in-Chief hlui thiamloh chantir

PWD Engineer-in-Chief hlui Liansanga chu Special Court (Prevention of Corruption Act) chuan eiruk thubuai ah thiamloh a chantir a, a hremna tur chu Vawiin hian puan a ni ang.

Bangladesh atanga raltlan Mizoram-ah luh belhin MSU in Zohnahthlak tan an inhawng reng tih an sawi

Bangladesh atanga raltlan mi engemaw zat ramhnuaia awm zinga mi 15 te chu nimin khan Mizoram-ah MSU Vice President Laldinsanga hovin Parva-III khawtlang mipuite chuan Tuichawng Group YMA leh Damdep-II khawtlang hruaitute nen an lo dawngsawng a. MSU chuan Zohnahthlak te tan an inhawng reng dawn tih an sawi bawk.

ZPM in sawrkarna an chang a nih chuan Zirtirtu Non-Transferable Post siam dawn - ZPM Leader

Image
Serchhip bialtu MLA leh ZPM Leader Lalduhoma chuan nimin khan Serchhip Bial chhunga Neihloh khua ah Zirtirtu pahnih luah theih tur MLA Fund atanga sak Qurters a hawng a. Sawrkarna an chang anih chuan Zirtirtu Non-Tranferable Post engemaw siam a ni ang tih a sawi.

Thla khat chhung COVID-19 hri kai hmuh awm lo

Serchhip District-ah thla khat chhung zet COVID-19 hri kai hmuhchhuah thar an awm tawh lo.

Group YMA ennawn rel

Tunhnaia Serchhip Sub-Hqrs. YMA Executive Committee (SEC) thukhawm chuan Ser-chhip Sub-Hqrs. YMA hnuaiah Group YMA thar din belh dan tur kawng zawn nise an ti a, hemi atan hian a tul anga hma lo la turin Serchhip Sub-Hqrs. YMA Vice President Lalrammawia kaihhruaina hnuaiah mi 5 awmna an insiam nghal a ni. Serchhip Sub-Hqrs. YMA hnuaiah hian tun dinhmunah Branch 70 chuang awm tawhin Group YMA pathum (3) a awm mek a ni.

Zirna kalpui dan tur tichhuak

Mizoram sawrkar-a School Education Department chuan an Department hnuaia School ten December 16, 2022 thleng regular takin Class an kal tur a ni tih thuchhuah siamin an tarlang a, kumthar (2023)-ah January 10, 2023 a\angin School tinah Class \an ngei tura beisei leh hriattir an nih thu an tarlang bawk. December 16, 2022 leh January 10, 2023 inkar chhung hian School thuneitu (Principal/Headmaster) ten naupang in School kal kher lova In lama lehkha an zir theih nan ruahmanna an siam sak thei ang tih pawh tarlangin, hei hi School Calendar pangngai tih danglamna ni lovin zirlai naupang ten \ha taka lehkha an zir theih nana ruahman a nih thu tarlan a ni bawk.