Latest News

Party hrang hrang thuthar

MNF :


MNF Party chuan Aizawl-a an Office, Mizo Hnam Run chu nimin khan kumin atana kharna hun an hmang a, he hunah hian an an Party Vice President, Lalthlengliana chuan hun harsa kara Pathian in MNF a hruaichhuah dan leh tun hripui leng karah pawh MNF Sawrkar chu chunglam ruat a nih thu a sawi a. December ni 16 chu East Pakistan-a hualbeh mek MNF hotute chhanchhuah an nihna ni, 'Exodus Day' tia hman thin a nih thu a sawi bawk. Aizawl-a Mizo Hnam Run hi kumthar January 12-ah hawn leh a ni ang.

Congress :

Congress thalai, MPYCC chuan nimin khan thuchhuah siamin Assembly Speaker, Lalrinliana Sailo chuan Lalduhoma MLA chu Zoram People's Movement (ZPM) party mi leh sa a nih thu a puan avang leh dan a zawm loh avangin ban a nih thu a puang tih tarlangin, hetianga ZPM Party thla-vang a hauh vanga MLA atang hiala ban a ni ta chu ZPM Member of Legislative Assemble paruk te chuan a thlavang an hauh ngamlo nia sawiin, thil mak tak a ni tih an sawi a. Hetianga mahni Party MLA puite dinhmun chhe taka an din laia ZPM MLA an ngawi tlat hi hriatthiam har tak a ni tih an sawi bawk.

ZPM :

ZPM chuan nimin khan thuchhuah siamin Sept. 24, 2020 khan Mizoram Chief Minister hlui leh MPCC President, Lal Thanhawla chuan thuchhuah siamin MNF MLA-ten Speaker hnena Lalduhoma an hek chu Mizoram mipui leh Ser-chhip bial mipuite zahlohna leh pawisak lohna lian tak nia a hriat thu te, Lalduhoma leh a thawh-pui MLA-te hi ZPM MLA-ah Congress Party chuan a pawm thlap thu te a lo tarlang tawh tih sawiin, Dec. 15-a Bhavan kharna hun an hmanna ah a thu lo sawi tawhte zuk leh zawnga thu a sawi leh ta mai chu mak an tih thu an sawi a. AMC Inthlan lo awm tur leh Serchhip bial by-election kan hmachhawn turah ZPM Party an huphurh vang ah an ngaih thu an sawi bawk.

Comments

Chhiar Hlawhte