Posts

Showing posts from January, 2017

Rualbanlote enkawl dan zirho

Zoram Entu Pawl (ZEP) leh National Ins-titute for Empowerment of Person with Multiple Disabilities, Ministry of Social Justice & Empower-ment, Chennai te \angkawp buatsaihin nimin khan Marian Hall, Serchhip-ah rualbanlo ten kawng hrang hranga hma an sawn dan tur zirhona neih a ni a, he hunah hian rualbanlote leh anmahni enkawltu, an chhungte telin Resoure Person 2- Lalremsangi, CWSN, BRC Serchhip District leh Lalmuanpuii, IE Coordinator, RMSA Ser-chhip District ten thupui thlanbik hmangin kal-khawmte zirtirna an pe a, hemi hnu hian heng mite thusawi a\anga zawhna awm thei te inzawt-fiahin sawihona hun hman zui a ni bawk.

Serchhip District-a Police Officer ten Case Meeting nei

Nimin khan Serchhip SP Office Chamber ah Serchhp District chhung Police Station a Officer In-Charge te leh Investigation Officers te tan Case lian (Special Report) leh Case tenau (Non-Special Report) a Police Station hrang hrangte dinhmun zirchianna, Case Meeting neih a ni.

PAN CARD an tih teh fo hi - Laldinpuia

Tunlai hian PAN CARD hi a lar hle a, a awmzia hria tam tak kan awm laiin a awmzia hre mumal mang lova neih a \ha an tih vanga siamtir ve ta ngawt lah tam tak an awm. A bik takin Taxation Department lam ten dawrkai te tan siam ngei ngei tur tiha thuchhuah an siam tak atang phei hi chuan he thil hi engemaw a awmzia le tih hi kan khawlai ti ti a ni ta fo mai. Chuvang chuan a kalphung leh a awmzia hi theih ang angin hrilhfiah i lo tum dawn teh ang.

LE&IT Department Director hlui suspend a ni; Eptu ten sorkar thutlukna an duhkhawplo.

Labour, Employment & Industrial Training Department-a Director hlui, Rotluanga chu Kolkata-a Nalanda Institute of Advanced Studies (NIAS)-a BHM zir tura Mizo zirlai 32 tirhchhuah ten harsatna an tawh thubuai kal zelah Mizoram Sorkar chuan a suspend a. MNF leh ZNP |halaite chuan sorkar hmalakna an duihkhawploh thu an sawi thung.

Sorkar chuan zirna lamah hma kan sawn theih nan hna a thawk nasa hle - DC, Serchhip

Serchhip District Bawrhsap, Dr. Lalrozama, IAS chuan, “Zirna leh thiamna hi hmasawnna lungphum pawimawh a nih avangin sorkar chuan zirna lama hma kan sawn theih nan hna a thawk nasa hle,” a ti.

Aizawl leh Serchhip inkara Maxi Cab service chesual-ah mi pathum in nunna an chan

Aizawl leh Serchhip inkara Maxi Cab tlan pakhat chu nimin (Jan. 27, 2017) zing dar 9:00 vel khan Khumtung leh Phulmawi inkarah chesualin he Motor a chuang mi 3 te chu a hmunah an boral nghal.

NSAP hnuaia \anpuina dawng tur thlanna neih a ni

Nimin (Jan. 27, 2017) khan Serchhip District Level Committee on National Social Assistant Programme (NSAP) te chu an Chairman Dr. Lalrozama, IAS, Serchhip Bawrhsap ni bawk hovin an \hukhawm a, Serchhip District chhunga National Family Benefits Scheme dawng thei turte an ngaihtuah.

Mizo Traditional Games, 2017

Directorate of Sports & Youth Services, Govt. of Mizoram chuan Ministry of Tribal Affairs, Govt. of India hnuaia Vanbandhu Kalyan Yojana (VKY) Scheme a\angin Mizo Traditional Games, 2017 chu District tinah a buatsaih dawn a, Serchhip District bik atan Dt. 19 & 20 January, 2017 khian N. Vanlaiphaiah neih tur a ni ang.

Digital Financial Literacy chungchang zirhona neih a ni

Serchhip District e-District Society buat-saihin nimin khan Serchhip DC’s Meeting Room-ah Digital Financial Literacy chungchang zirhona leh inhrilhhriatna hun hman a ni.

In sak hna chhunzawm zel

Tunkar Nilaini zan-a Serchhip P&E Veng-a kangmei tuar, Lalduhsanga te chenna In sak sak hnatlang chu nimin, a ni 2-na ah khan Serchhip-VIII Village Council leh Serchhip P&E Veng Branch YMA huaihawta neih leh a ni a, Serchhip P&E Veng Branch YMA hi Section pathum-ah in\henin heng Section hrang hrangte hian a inchhawkin hnatlang hi an nei dawn a, nimin khan mi 80 vel an thawkchhuak a, Vawiin ah chhunzawm leh a ni ang.

Bank Account neilo ten Account an hawn theih nan Serchhip-ah ‘Bank Account Hawn Mela’ neih a ni dawn

Bank Account neilo ten Bank Account an hawn theih nan tun thla ni 19 khian Serchhip-ah 'Bank Account Hawn Mela' neih a ni dawn.

Mizoram pumah Electoral Roll thar tarchhuah niin Bial 40-ah vote nei thei 7,39,976 an awm

Image
Mizoram pumah kum January ni 1-a kum 18 tling chinte laa Electoral Roll siam thar chu nimin khan District hrang hrangah tarchhuah a ni a, Mizoram puma Assembly Constituency 40-ah vote nei thei 7,39,976 an awm a ni.

Bawrhsap in Sainik School sak mek a enfiah

Serchhip District Bawrhsap, Dr. Lalrozama, IAS chuan niminpiah khan Chhingchhip-a Sainik School sak mek chu tlawhin hnathawh dan a enfiah.

Serchhip P&E Veng-ah chenna In pakhat a kang

Nizan hmasa dar 10:30 rik hma hret khan Serchhip P&E Veng-a Lalduhsanga te In Assam Type chu bungrua engmah chuh hmanloh in a kangral a, mihring thi leh hliam erawh an awmlo thung.

Serchhip District-a Electoral Roll thar tlangzarh a ni. Serchhip District pumah vote nei thei 47,799 an awm.

Image
Kumin January ni 1-a kum 18 tling chinte laa Photo Electoral Roll siam thar chu nimin, January 5, 2017 khan         tarchhuah a ni a, Serchhip District-ah pawh Electoral Roll thar hi tarchhuah niin Serchhip District-a Assembly Constituency pathum-ah Service Voters te nen vote nei thei mi 47,799 an awm a, vote nei thei punna hi 809 a ni.