Posts

Showing posts from 2018

Inrinni ah sawrkar thar

Zoramthanga kaihhruai MNF sawrkar thar lakluh ni tur atan tun thla ni 15 (Inrinni) ruahman a ni.

MNF Vote hmuh 38.44%

Mizoram Assembly inthlannaa vote tla chhiar zawh takah vote tla zinga MNF Party candidate ten an hmuh zat belhkhawm chu zaa 38 chuang a ni.

South Zone M/S Sports zofel

Tunkar Thawh\anni a\anga Leisekawt Mual a neih Serchhip South Zone Middle School Sports chu nimin khan zawhfel a ni a.

Damdawi In-ah BSF hnatlang

Serchhip Dawngzawl-a awm 159th Battalion BSF te chuan Faina kawnga hmalakna chikhat atan nimin khan Serchhip damdawi In leh a vel thenfai hna an thawk.

MNF in mipuite \awng\ai puina an ngen

Serchhip East MNF Block chuan MNF Party hmanga sawrkar thar lo piang chu rorelna dik  kengkawhtu sawrkar a lo nih theihna turin Serchhip mipuite \awng\aipuina an ngen.

Ruihhlo dona chungchanga inrawnkhawmna SWD bultumin Aizawl-ah neih a ni

Nimin chawhnu khan Aizawl-a Secretariat Conference Hall-ah Social Welfare Secretary, K. Vanlalrawni hovin ruihhlo dona chungchanga inrawnkhawmna ‘Consultative Meeting on Drug Prevention Module for Mizoram’ neih a ni.

MSU in kumin atan Aizawl-a an Pisa an khar

Mizo Students’ Union (MSU) General Hqrs. chuan nimin khan Aizawl-a MSU Pisa pui kharna hun an hmang a, kumthar January 22-ah an hawng leh ang.

ZPM in lawmthu sawina hun hmangin an MLA ten ZPM Legislature Party an din

ZPM chuan nimin khan Aizawl-a an Office-ah Chhung Inkhawm neiin Pathian hnena lawmthu sawia \awng\ai rualna an nei a. Hemi hnu hian ZPM a\anga Independent-a thlantlin MLA te chu inhmukhawm nghalin ZPM Legislature Party dinin hruaitu tur an thlang nghal bawk.

Mizoram Legislative Assembly inthlanpui-a Candidate te Vote hmuh dan :

CandidatePartyVote

Serchhip District chhung Assembly Constiruency pathum Polling Station hrang hranga Candidate te Vote hmuh dan :

26-SERCHHIP (ST) A.C.

Party mala sawrkar siam thei tur khawpin MNF in inthlanpui-ah hnehna an chang

Mizoram State Legislative Assembly inthlanpui-a Vote tla te chu nimin khan tluang taka chhiar zawh niin MNF Party chuan Party mal-a sawrkarna siam thei khawpin hnehna an chang a. Minister leh MLA nilai zingah he inthlanna a chak zo lova tla an awm nual thung.

Reiek khuaa hman Zofest vawi 8-na zawhfel a ni ta

Tunkar Thawhlehni a\anga Reiek khuaa Zofest hman chu nizan khan zawhfel a ni a. Nimin a Zofest hman chu Ebenezer Siami, MP Myanmar chuan khuallian nia hmanpuiin Mizoram Lok Sabha MP, CL. Ruala chuan Uaptu niin a hmanpui bawk.

Zofest-ah MZP President in thu sawi

MZP General Hqrs. President, L. Ramdin-liana Renthlei chuan Zohnahthlak hmun hrang hranga chengte chu an \awng\ai chhanna an nih thu a sawi.

Serchhip North Zone M/S Sports zo

Serchhip North Zone Middle School Sports chu nimin khan zawhfel niin a pumpui ah Presbyterian English School Serchhip chuan point 129 hmuin pakhatna an ni.

GHSS Serchhip naupangte champion

Mizoram Higher Secondary School Gmaes neih zawh takah Govt. Higher Secondary School Mipa team te chu an champion.

MHRD-a Secretary (School Education and Literacy) hovin Mizoram zirna sawihona neih a ni

Ministry of Human Resource Development hnuaia Department of School Education and Literacy enkawltu Secretary, Pi Rina Ray chuan Mizoram rawn tlawhin nimin khan Aijal Club Conference Hall-ah Mizoram sawrkar-a Education Officer te a kawm.

Serchhip District chhunga Vote tla te chhiar turin inbuatsaihna kalpui mek zel a ni

Mizoram State Legislative Assembly inthlanpui neiha Serchhip District-a vote tla te chhiar turin inbuatsaihna ngawrh taka kalpui mek a ni a. Serchhip District chhung Assembly bial pathum-a MLA inthlanpui-a Vote tla te chhiar tura ruat te tan nimin khan Serchhip DC’s Conference Hall-ah Training neih a ni.

Zonunmawi

Zonunmawi- Sarah Lalrinsangi

L&L Football S/F khel zo

SDFA buatsaih L&L Football Tournament khelh mekah nimin khan Semi Final khelh zawh niin New Serchhip FC leh Chhekhnai FC ten Final an khel ang.

Volleyball S/F khel dawn

Serchhip District Volleyball Association buatsaih Serchhip District Volleyball Championship chu Vawiin hian Semi Final khelh a ni dawn.

Synod Inkhawmpui nei mek

Mizoram Synod Inkhawmpui rorel ni hnihna chu nimin Ningani khan chhunzawm a ni a, rawngbawlna chungchanga thil pawimawh tak tak an rel.

Mizoram Larsap in Nagaland-a Hornbill Festival hman mek Khuallian niin a hmanpui

Image
Kisama Village, Kohima, Nagaland-a Hornbill Festival 2018 hman mek ni 6-na, nimin a neih chu Mizoram Larsap, Kummanam Rajasekharan chuan khuallian niin a hmanpui a, Kum 2000 a\ang khan Hornbill Festival hi kumtin, a hmun ngaiah hian December  ni  1 a\anga ni 10 thleng hman \hin a ni.

Sawrkar lakluh dan tur rel

Chief Secretary, Arvind Ray hovin nimin khan sawrkar mi pawimawh ten Mizoram sawrkar thar lakluhna hun, ‘Swearing in Ceremony’ neih dan tur an sawiho.

Reiek-a Zofest vawi 8-na hman mekah nimin khan Cultural Day hman a ni

Reiek khuaa Zofest vawi 8-na hman mek chu nimin khan chhunzawm niin, Zokhua Reiek hmunah Cultural Day hman a ni a. He hun hi Cross Remliana, Councellor, Rangamati Hills District Council Bangladesh chuan khuallian niin a hmanpui a ni.

PwD Commissioner in Mamit tlawh

Persons with Disability (PWD) Commissioner, Dr. Lalnunthara chuan nimin khan Mamit tlawhin Mamit DIPRO Office Chamber-ah Chan-chinbu mite a kawm.

MLA inthlanpuia Vote tla te District hrang hranga chhiar dan tur ruahman fel a ni

Mizoram Assembly inthlanpui a Vote tla te chui karleh Thawhlehni-a a ruala chhiar turin inbuatsaihna ngawrh taka kalpui mek a ni.

Chain-Saw register ngai

Mizoram sawrkar in Chain-Saw khuah-khirhna a siam hnuah Thenzawl DFO hnuaia Chain-Saw nei, la register lo te chu tun thla ni 15 hmaa register tura hriattir an ni.

Bawlhhlawh hal khap

Mizoram sawrkar chuan pawnler-a bawlh-hlawh hal khap a nih thu leh he khapna bawh-chhia te chu pawisafai chawitira hrem theih an nih thu a sawi.

Pre-World Cup Mizoram Open Para-Gliding Accuracy Landing Championship Serchhip-ah neih mek a ni

Image
Khawvel huap infiamna lama inelna Mizoramin a thlen hmasak ber tur nia hriat, Pre-World Cup Mizoram Open Para-Gliding Accuracy Landing Championship chu nimin khan Serchhip Chuanhnuai-ah neih \an a ni a. Nizan hmasa khan he Championship hawnna hi Serchhip Auditorium-ah neih a ni.

Aizawl-ah Halpuah leh Silai lem khapna sawihona nei

Nimin khan Aizawl District-a Police hotute leh Central YMA hruaitute, MKHC hruaitute leh MIMA hruaitute chuan Joint Meeting neiin kumin Krismas leh Kumthar lo thleng tur vuak-veta Halpuah leh a kaihhnawih hrang hrangte leh Silai lem, a mu kapchhuak thei chi te mitin ten an zawrh lohna tur leh an hal emaw, an hman lohna tura hmalak dan tur sawiho a ni a. Kumin ah hian Aizawl District leh hmundangah pawh Halpuah leh a kaihhnawihte tumah zuarlo tur leh hmang lo turin mipuite an ngen bawk.

Mizo Hnam Run rawktu man a ni tawh

Aizawl-a MNF Party Office, Mizo Hnam Run chu rawk niin Mizo Hnam Run rawktu hi chhuichhuah a nih tawh thu MNF party chuan an sawi.

PRISM in an hmasawnna lawmawm an ti

PRISM Party chuan nimin khan Mizoram MLA inthlanpui thlirletin party hmasawnna ah an lawm tih an sawi a. Lok Sabha MP thlan turah candidate neih ngei ni se an ti bawk.

Vengchung K|P in thisen pe

Serchhip Vengchung Branch K|P te chuan nimin khan Serchhip Blood Bank-a dah turin thisen Unit 20 an pe. Kumin a Serchhip Veng-chung Pastor Bial K|P inkhawmpui in an Bial hminga thisen pek an rel tih hlawhtlinna kalzelah Serchhip Vengchung Pastor Bial K|P te hian Serchhip Blood Bank-a dah turin thisen Unit 20 hi an pe a, thisen petute hi mipa 14 leh Hmeichhia 6 niin Blood Bank-ah kalin an thisen hi an pe a ni. Serchhip Vengchung Pastor Bial huamchhung ah hian K|P Branch 5 awmin heti hian Branch tin te hian AVBD Serchhip Branch te ruahmanna angin thisen hi an pe kim ta a ni.

North Zone M/S Sports \an

Serchhip North Zone Middle School Sports chu nimin khan DC’s Playground, Khawtetlang-ah neih \an a ni a, Serchhip SDEO, Vanlalchhana chuan khuallian niin a hawng a ni.

District Volleyball Championship khelh \an a ni

Serchhip District Volleyball Association buatsaih, Serchhip District Volleyball Championship-2018 chu nimin khan Leisekawt Mual, Serchhip-ah khelh \an a ni.

Serchhip District chhunga RBD te tan ni 2 awh Annual Training neih a ni

Serchhip District chhung khaw hrang hrang Registrar of Birth & Death te tana Annual Training tunkar Thawh\anni a\anga District Research Office Conference Hall, Serchhip-a neih chu nimin khan chhunzawm leha zawhfel a ni.

Vote chhiar tur ten Kolasib-ah training an nei

Mizoram Assembly inthlanpui neiha Vote tla te tun thla ni 11-a chhiar turah Kolasib District-a Vote tla chhiar turte tana training chu nimin khan Kolasib I&PR Conference Hall-ah neih a ni.

Tuichawng bial-a Ajasora Polling Station-ah mipui ten tluang takin Vote an thlak zo ta

Vote thlakna khawl hman laklawh laia a \hatloh avanga Vote thlak \ha tura Election Commission of India in Vote thlak \ha tura a tihna, Lawngtlai District-a 36-Tuichawng (ST) Assembly Constituency hnuaia Ajasora Polling Station-ah nimin khan tlung taka vote thlak zawh niin Vote zaa 87.03 a tla.

Mizoram-ah HIV hrik pai hmuhchhuah tam tawh

Kum 1990 October thla a\anga kumin September thla thleng khan Mizoram-ah HIV hrik pai hmuhchhuah mi 18,278 awm tawhin HIV/AIDS vanga thi mi 2,149 an awm tawh a, HIV hrik kai chhan zingah mipat hmeichhiatna hman khawloh a\anga kai an tam ber a ni.

Heroin vangin kum 18 chhung tang turin rel sak

Nikum June 18-a Mizoram Police-ten Cham-phai Khankawn Check Gate-a an man Heroin Hawng 34 chungchangah nimin khan Champhai Special Court chuan thutlukna siamin Special Court Judge, R. Vanlalena chuan Heroin neitu a puh Rolian\huama S/o Rokhuma, Seling khua nia inchhal chu kum 18 chhung hrehawm taka Lung In tang tur leh Rs. 90,000/- chawi turin a chungthu a rel sak.

Football Q/F khelh \an a ni

Serchhip District Football Association in a buatsaih, L&L Football Tournament chu nimin a\ang khan Quarter Final khelh \an a ni.

Drivers Week hmang \an

Zoram Drivers’ Union (ZDU) huaihawtin nimin a\ang khan Mizoram pumah Drivers’ Week chu hman \an leh a ni a, Serchhip-ah pawh he Hapta hi nimin zing khan Serchhip Bazar-ah a hawnna neih a ni.

ZPM CM Candidate in inthlanpui ah hnehna chan beiseiin Seat 26 lak tlin a inrin thu a sawi

ZPM Chief Ministerial Candidate, Lalduhoma chuan tun thla ni 11-a Assemly inthlanpui result puan turah ZPM chuan hnehna a chan ngei a beisei thu sawiin, Seat 26 an lak tlin a rin thu a sawi.

International Day of Persons with Disabilities pualin Serchhip-ah hun hman a ni

‘International Day of Persons with Disabilities’ chu nimin khan Marian Hall, Serchhip P&E Veng-ah hman a ni a, he hun hi Serchhip District Education Officer leh RMSA Serchhip District-a District Project Coordinator, Lawmawma chuan khuallian niin a hmanpui a ni.

MSLSA hotu ten Aizawl District Jail an tlawh

Mizoram State Legal Services Authority (MSLSA) Member Secretary, Vanlalenmawia chuan Zirtawpni khan Aizawl Armed Veng-a Aizawl District Jail chu tlawhin mi tang te dinhmun a enfiah.

HIV/AIDS A HLAUHAWM LOH !

HIV/AIDS A HLAUHAWM LOH !- Papuia

Naktuk a\angin Para-Gliding intihsiakna nei dawn

Federation Aeronotique Internationale (FAI) hriatpui Category 2 Pre-World Cup Para-Gliding Accuracy Mizoram Open 2018 chu Dec. ni 4-8, 2018 chhungin Serchhip Chuan-hnuai ram ah neih a ni dawn ta.

Mizoram-a nu naupai thisen test zingah za zela 1.19 in HIV hrik an pai tih hmuhchhuah a ni

Mizorama nu naupai thisen test zingah za zela 1.19 in HIV hrik an pai tih hmuhchhuah a ni.

Naktuk a\angin Zofest hmang dawn

Mizo Zirlai Pawl (MZP) huaihawtin naktuk, Dec. 4 a\anga tun thla ni 7 thleng khian Reiek khua ah Zofest neih a ni dawn.

Vote tla te chhiar tura inbuatsaihna thlirin State Election Team in Serchhip an rawn tlawh

Assembly inthlanpui neiha Vote thlak zawh a nih hnuah Vote chhiar hna \ha taka zawhfel a nih theih nana inbuatsaihna thlirin nimin khan State Election Team chuan Serchhip an rawn tlawh a. Serchhip DC Office-a Strong Room leh Counting Hall tura ruahman te chu an fangkual bawk.

BJP Candidate inhmukhawm

Assembly inthlanpui neih zawh taka BJP Official Candidate te chu nimin khan Aizawl-a BJP Mizoram Pradesh, President Office-ah in-hmukhawmin inthlanpui neih zawh tak thlirletna an nei.

Party dangten sum an chelek nasa - Lal Thanhawla

MPCC President, Lal Thanhawla chuan Assembly inthlanpui neih zawh takah Party \enkhatten sum an chelek nasa hle tih hi phat rual a ni lo, a ti.

Zangnadawm na pe tam tawh

Mizoram State Legal Services Authority (MSLSA) chuan The Mizoram Victims of Crime Compensation Scheme 2011 hnuaiah zangna-dawmna Rs. 3,19,57,000 a pechhuak tawh.

PRISM in CEO-ah thlen

PRISM Party chuan Assembly inthlanpui neih zawh taka Candidate te zinga Criminal Case nei te chungchang nimin khan Mizoram CEO hnenah an thlen.

Vantlang rawngbawlna kawngah Mizoram-a Kohhran ten hna an thawk tha hle - Larsap

Mizoram Larsap, Kummanam Rajasekharan chuan vantlang rawngbawlna kawngah Mizoram-a Kohhran ten hna an thawk \ha hle tih a sawi.

Vote thlak \hat ngai dawn

Lawngtlai District Tuichawng Constituency-a Ajasora Polling Station-ah Assembly inthlanpui neih zawh taka inthlanna hmanrua a \hat loh avangin December 4, 2018-ah Vote thlak \hat a ni dawn.

Hmarchhak bial-a zirlai pawl te bultumin Citizenship Amendment Bill duhlohna lantir a ni

Nimin khan India hmarchhak State hrang hrangah Zirlai Pawl te chuan 'Citizenship Amendment Bill 2016' duhlohna lantirin hun an hmang a, hemi ang hian Aizawl-ah pawh MZP General Hqrs. bultumin Citizenship Amendment Bill duhlohna hun hi hman a ni.

Bial tina vote tlak dan

Bial tina vote tlak dan

NSFC te inhnehtawk

Serchhip a\anga Mizoram Premier League khelh tuma inbuatsaih, New Serchhip FC chuan nimin khan MPL Qualifying match hmasa khelin Kanan FC, Aizawl nen goal inpe lovin an inhneh-tawk a, New Serchhip FC hian naktuk Inrinni khian Venghnuai FC an hmachhawn leh anga, hetah hian a chak zawk zawk MPL khel turin an tling dawn a ni.

MJA Member-ah 2 la thar

MJA General Hqrs. Executive Committee tunhnaia \hukhawmin MJA atan mi 9 lakluh a remti a, heng zingah hian Serchhip District a\angin T. Biakchamliana (Serchhip Cable Network) leh RL. Hlupuia (TT Vision) te an tel a, tunah hian MJA Serchhip District-ah hian Member 12 awm mekin 15 an ni dawn ta a ni. MJA member thar atana lakluhte hian Membership Fee Rs. 400 leh Welfare Fund Rs. 100 pe nghal tura ngen an ni a, Fee an pek hunah MJA Member a chhiar \an nghal an ni dawn a ni.

Counting Hall tam dawn

Thla thar ni 11-a Assembly inthlanpui-a Vote tla te chhiarna neih turah \umdang aia Vote chhiar zofel hma tura ruahman a ni.

CVSc&AH-ah Annual Convention & Symposium nei

Nithum chhung awh XXXIII Annual Convention & National Symposium 2018 chu College of Veterinary Sciences & Animal Husbandry (CVSc & AH), Central Agricultural University (CAU), Selesih-ah neih mek niin Vawiin hian zawhfel a ni ang.

Ajasorra Polling Station-ah Vote thlak leh dawn; Mizoram pumah EVM leh VVPAT thalo tam

Lawngtlai District Tuichawng Constituency-a Ajasora Polling Station-ah Assembly inthlanpui neih zawh taka inthlanna hmanrua a \hat loh avangin Vawiin mipuiin vote an thlak \ha dawn.

EVM leh VVPAT te Strong Room-ah dah kim niin Mizoram pumah vote 80.13% a tla phak

Mizoram Legislative Assembly inthlanna atana niminpiah a vote thlakna Electronic Voting Machine leh VVPAT te chu nimin chawhnu khan District Hqrs. hrang hrangah dawn kim a ni a. Zawhna chhangin Chief Electoral Officer,Ashish Kundra chuan tun dinhmuna vote tla zat hi chawhrualin za zela 80.13 a tling tih a sawi.

Party ten hnehna chan beisei

Mizoram Assembly inthlanpui-a nimin a vote thlak takah party hrang hrang hotuten hnehna chan ngei an inrin thu an sawi.

Mizoram pumah Assembly inthlanpui harsatna lian awm lovin neih a ni

Mizoram Legislative Assembly inthlanpui atan nimin khan tluang taka vote thlak a ni a, Mizoram pumah thil duhawmlo liantham thleng a awm hriat a ni lo.

Serchhip District-a Assembly inthlanpui neih ah Bial pathum-ah Vote za zela 84.11 a tla phak

Image
Serchhip District-a Vote tlak dan tlangpui
Mizoram State Assembly 8-na din tura inthlanpui chu nimin khan Serchhip District-ah tluang taka neih a ni a, khawi hmun a\ang mahin thil duhawmlo a thlen hriat a ni lo a, Serchhip District chhunga Assembly bial pathum (3) ah a vaiin Vote zaa 84.11 a tla phak.

Vote thlak hi ka mawhphurhna a ni

Vote thlak hi ka mawhphurhna a ni - C. Lalrochhuanga, New Serchhip

Larsap in Home leh puantahna hmun a tlawh

Mizoram Larsap, Kummanam Rajasekha-ran chuan nimin khan Aizawl Khatla-a Motherless Babies’ Home leh Zonunsang Handloom, Chhinga Veng te a tlawh.

JCB chesual-ah Operator thi

Serchhip IOC Veng-a cheng C. Lawm-zuala JCB chu Pathianni khan Serchhip leh Kei\um inkarah a chesual a, he chetsualna ah hian JCB Operator, VK. Liana (39), Zuangtui chu a hmunah boralin he vanduaina thleng avang hian nunna chan, VK. Liana nu chu a boral zui ve leh bawk.

Mercy Hospital kum 1 tlin lawmna neih a ni

Mercy Hospital (Rural Diagnostic & Research Centre), Serchhip chuan nimin khan an kum khat tlin lawmna an nei.

Mizoram State Assembly inthlanpui nei turin inbuatsaihna engkim peihfel a ni tawh

Tukin dar 7:00 a\anga member 40 awmna Mizoram State Assembly inthlanpui vote thlak turin inbuatsaihna engkim peihfel a ni tawh a, inthlanna buaipuitu zawng zawng pawhin an duty-na hmun \heuh an thleng kim tawh.

Mizoram State Assembly 8-na din turin Vawiin ah Vote thlak a ni dawn ta

Mizoram State Legislative Assembly inthlanpui vawi 8-na Vawiin-a neih tur atan inbuatsaihna peihfel a ni ta a. He intlanna a Serchhip District chhunga Polling Station hrang hranga duty tur Polling Party te pawhin nimin khan an duty-na tur hmun an pan fel ta bawk.

Vote i thlak \heuh ang u

Vote i thlak \heuh ang u

Inthlanna bungrua pechhuak

Image
Serchhip District Assembly bial pathum-a duty tur Polling Party te chuan nimin khan inthlanpuia an hman tur bungrua te an lachhuak \an.

Police te hnathawh tur inhrilhfiahna neih leh a ni

Assembly inthlanpuia Serchhip District chhunga venhimna hna thawktu tur Police te tan nimin khan an hnathawh tur inhrilhhriatna leh infuihna hun hman a ni.

Mizoram Assembly inthlanpui neih tur atan Campaign theih hun khar a ni ta

Mizoram Legislative Assembly inthlanpui neih tura campaign chuan a vawrtawp a thleng ta a, nimintlai dar 4:00 khan inthlanpui atana campaign theih hun pawh tawpin Political Party te chuan nimin tlai thleng khan Campaign hi an nei a ni.

Inthlang turin Police te inpeih thawhkhat

Mizoram Police te chuan Assembly inthlanpui boruak muanawm tak leh felfai taka nei turin an inpeihfel thawkhat tih an sawi.

Mizoram Assembly inthlanpui neih tur atan inbuatsaihna peihfel thawkhat a ni tawh - CEO

Mizoram Chief Electoral Officer, Ashish Kundra, IAS chuan nimin khan CEO Conference Hall-ah State chhung leh pawnlam chanchinthar lakhawmtute kokhawmin naktuk maia Mizoram inthlan neih tur atan engkim peihfel thawkhat a ni tawh tih a sawi.

Party hrang hrang ten tlin ngei an inrin thu an sawi

Assembly inthlanpui neih turah Serchhip-a party hrang hrangte chuan hnehna an chan ngei an inrin thu an sawi.

Mizoram Assembly inthlanpui a duty turte Vawiin a\angin an chhuak \an dawn ta

Mizoram Legislative Assembly inthlanpui neih tura inbuatsaihna chuan a vawrtawp a thleng chho \an mek a, he inthlanna neih turah hian bial 40-ah vote nei thei mi 7,70,395 awmin he inthlanna a duty tur Polling Party \henkhat chuan Vawiin hian an duty-na tur hmun an pan ang.

Ngaihtuahna fim hman a \ul

Ngaihtuahna fim hman a \ul

MLA Candidate 209 zinga 9 in thubuai an awrh

Karleh Nilaini-a Mizoram Assembly Elections 2018 neih turah Association for Democratic Reforms (ADR) chuan candidate te affidavit thehluh a\anga a zirchianna ah Candidate 209 an awm a. Chung zinga mi 9 chuan thubuai (criminal case) an awrh mek a. Candidate zinga mi 116 te erawh chu hausa tawntaw (crorepati) an ni, an ti.

MPCC thusawi lemchanna tenawm ah ngai

ZPM chuan MPCC Media department ten thuthar thehdarhtute hmaa "Zu chungchanga nasa taka \awng\aitu Kohhrante hi Zu zawrh chungchangah kan rawn zel dawn tih kan puang a ni," tia an sawi chu mipuite laka lemchanna leh vote zawnna tenawm takah an ngai tih an sawi.

MNF in CADC lo piang nawlh pawi an ti

MNF Election Campaign Directorate-a Chairman, R. Tlang-hmingthanga chuan MNF in Zalenna a sual a, a rammut hlan a Mizoram-ah Chakma Autonomous District Council a lo piang nawlh mai chu MNF chuan pawi a ti tak meuh tih a sawi.

Kum 17 tang turin rel sak

Special Court Judge, R. Vanlalena chuan Khumlalmuana S/o V. Lalchhunga, Mumbung khua chu kum 17 chhung Jail tang tur leh pawisa Rs. 7,000/- chawi bawk turin a chungthu a rel sak.

Postal Ballot-ah Vote tla \ha

Serchhip District chhung Assembly Constituency pathum-a duty tur te tana kar kalta Nov. 16, 2018 a\anga Postal Ballot hmanga Vote thlakna hun hawn ah nimin thleng khan Vote tla 1247 awm tawh.

NPP in Serchhip-ah Vantlang inkhawm neiin NPP Candidate thlangtling turin an sawm

Mizoram Assembly inthlanpui neih tur atana Campaign in National Peoples’ Party (NPP) chuan nimin khan Serchhip-ah Vantlang Inkhawm an buatsaih a. He hunah hian NPP President leh Meghalaya Chief Minister, Conrad Sangma chuan thu a sawi a ni.

Mizoram NGO ten Prime Minister an kawm

NGO Coordination Committee chuan nimin khan Mizoram-a rawn kal, Prime Minister Narendra Modi chu Aijal Club-ah hmu-in Bru harsatna chingfel thuai turin an ngen.

Swachh Survekshan-2019 ah khawpui fai zawk nih theih dan tur Serchhip-ah sawiho a ni

Serchhip District Urban Development Officer (DUDO), Vanthangpuii chuan India hmarchhak-a khawpui fai inelna, Swachh Survekshan-2019 neih mekah Serchhip in lawmman \ha zawk a lak theih nan hmalak mek a nih thu sawiin, Serchhip mipuite pawhin faina chungchanga an hmalakna chu chhunzawm zel se a duh thu a sawi bawk.

Voter te thlamuang taka Vote thlak turin duhsak

MNF chuan Assembly inthlanpui neih tur chu inthlanna thianghlim, fel leh fai nise a duhin voter zawng zawngten thlamuang takin vote an thlak theih nan duhsakna sang ber a hlan.

Zu chungchang ah MPCC in Kohhran rawn zel tum

Mizoram Pradesh Congress Committee (MPCC) Media Department chuan, “Zu chungchanga nasa taka \awng\aitu Kohhrante hi Zu zawrh chungchang ah kan rawn zel dawn,” an ti.

MPF in inthlanna muanawm an beisei

Mizoram People Forum (MPF) chuan thawhhona \ha tak avangin inthlanna muanawm tak leh \ha tak kan nei thei dawn nia an hriat thu sawiin, lawmawm an tih thu an sawi.

Excise ten zu leh ruihtheih thil man hnem tawh

Serchhip-a Excise & Narcotics Department chuan Assembly inthlanpui neih tur puan a nih hnuah Zu leh ruihtheih thil dapchhuah hna thawkin thubuai \hahnem tak ziahluh a ni tawh.

DoNER Minister hovin Ser-chhip-ah BJP an campaign

BJP Serchhip District chuan Assembly in-thlanpui neih tur atana Campaign in nimin khan Serchhip Auditorium-ah Vantlang Inkhawm an buatsaih a. He hunah hian Union DoNER Minister, Jitendra Singh chuan hmanpuiin Serchhip-ah BJP MLA thlangtling turin mipuite chu a sawm bawk.

Record leh document vawn that kawngah nasa taka tan lak a ngai - Larsap

Mizoram Larsap, Kummanam Rajasekharan chuan nimin khan Aizawl Babutlang-a State Archive Office chu tlawhin Mizoram-ah record leh document vawn \hat kawngah nasa taka \an lak a ngai thu a sawi.

Bru chungchanga HC-a PIL thehluh avangin inthlan hun sawn a nih a rinloh thu CEO in a sawi

Mizoram Chief Electoral Officer, Ashish Kundra, IAS chuan nimin tlai khan Aizawl-ah thuthar theh-darhtute kawmin Tripura Relief Camp-a awm mek ten Vote an thlakna tura ruahmanna an siam te a hrilhfiah a. Bru chungchang ah High Court-a PIL thehluh a nih avangin inthlan hun sawn a nih a rin loh thu a sawi bawk.

Bru Relief Camp-a awm ten an Camp-ah \heuh Vote thlak an duh thu CEO hnenah an thlen

Tripura Bru Relief Camp-a Bru hnam hruaitute chuan vote thlak tura Mizoram-a kal lova Relief Camp a vote thlak an duh thu Mizoram CEO, Ashish Kundra an lo hrilh.

Politics-a inbeihna niin sawi

Home Minister a\anga bang ta, R. Lalzir-liana chuan kum 2007-a Rev. Chanchinmawia thih dan chungchanga MNF President, Zoram-thanga puhna chu thu diklo leh politics tenawm tak hmanga inbeihna a ni, a ti.

Ramri chungchang huai taka sawi thei party chu ZPM chauh a ni - Lalduhoma

ZPM Chief Ministerial Candidate, Lalduhoma chuan ramri chungchang huai taka sawi thei party chu ZPM chauh a nih thu a sawi.

Lal Thanhawla’n campaign in Chawngte a tlawh

Assembly inthlanpui neih tura Campaign in nimin khan MPCC President, Lal Thanhawla chuan Chawngte tlawhin an Party mipuite hmaah thu a sawi.

Rualbanlote dikna humhalh chungchang inrawnkhawm

Nimin khan New Serchhip YMA Hall-ah rualbanlote dikna humhalh chungchang sawi-hona leh inrawnkhawmna neih a ni a, he hun hi Person with Disabilities (PwD) Commissioner, Dr. Lalnunthara chuan a hmanpui.

NPP tan Minister campaign

Meghalaya Home Minister, James Sangma chuan Assembly inthlanpui neih tur atan nimin khan Serchhip bial-ah NPP tan a rawn campaign a, Serchhip leh Thenzawl-a an Party mipuite hma ah thu a sawi.

ZPM hruaitu ten an pawl beihna hrang hrang thuthar thehdarhtute hmaah an sawifiah

ZPM General Hqrs. a\anga hruaitu rawn kal an hruaitu \henkhat te chuan nimin khan Serchhip-a tualchhung thuthar thehdarhtute kawmin tunlai-a ZPM beihna hrang hrangte an sawifiah.

Kolasib NGO ten hmalak zel dan tur an rel

Kolasib All NGO Coordination Committee chuan Dan lova Tuikuk Electoral Roll-a khung te chungchanga PIL an thehluh chungchangah hmalak zel nise an ti.

MNF Party-in Party dangte chanchin chuanna pamphlet an sem mek hnukdawk turin hrilh an ni

Mizoram Chief Electoral Officer, Ashsish Kundra, IAS chuan a hun dik takah Mizoram mipuiin vote an thlak theihna turin sawrkar chuan theihtawp a chhuah mekna ah Political Party te pawhin an thlawp \hat a pawimawh thu sawiin, MNF Party-in Party dangte chanchin chuanna pamphlet an sem mek pawh hnukdawk turin a hrilh bawk.

26-Serchhip Constituency leh 2018-a MLA Candidate te bihchianna-II

26-Serchhip Constituency leh 2018-a MLA Candidate te bihchianna-II

MNF in sum awmna sawifiah an phut

MNF Party chuan Congress sawrkar, Law & Judicial Department-a sum cheng vbc. tel tihbo leh a awmna chin hriatloh chu tun inthlan hma ngeiin Mizoram mipui min hrilh turin sawrkar an phut tih an sawi.

ZPM in Aizawl Police Station-ah FIR an thehlut

ZPM chuan thuchhuah siamin BJP leh ZPM thawkho anga mipuiin an ngaih theihna tur, thuziak eng engemaw te nen a tarlanna, MNF Party Campaigner leh workers ten an thehdarh chungchangah nimin khan Aizawl Police Station-ah FIR an thehlut tih an sawi.

Fire Awareness Campaign

Serchhip-a Fire and Emergency Services te chuan nimin zing khan Fire Awareness Campaign neiin training an nei.

YMA hmalakna bawhzui rel

Serchhip Sub-Hqrs. YMA chuan nimin khan Executive Committee neiin Krismas leh kumthar vuakvet-ah halpuah leh halmawi bakah a mu kap-chhuak thei Silai te khapna chak taka bawhzui nise an ti.

Larsap in Home tlawh

Mizoram Larsap, Kummanam Rajasekharan chuan Hnuchham, fahrah leh riangvaite enkawl hna chu thil ropui tak - khawtlang, mahni mihring-puite leh Pathian rawngbawlna a ni, a ti.

Postal Ballot hmangin Vote thlak mek zel

Serchhip District chhunga Assembly inthlanpuia duty turte tana Postal Ballot hmanga Vote thlakna hun hawn mekah vote a tla \ha thawkhat hle a. Postal Ballot-a Vote thlakna hun hi Vawiin thleng hawn a ni ang.

Tripura Relief Camp-a awm te vote thlakna tur ruahman mek Mizoram CEO in a tlawh