Lenkawl

MPCC Vice President leh MLA a\anga bangta, R. Lalzirliana chuan, “Lal chhungkaw sawrkar bik siam duhlo zawng zawngte mipui sawrkar siam turin MNF-a lolut turin ka sawm a che u,” a ti.

 Mizoram-ah thlamuang tak leh thianghlim taka inthlanpui neih a nih theihna tur leh Tripura Relief Camp-a awm mek Bru-ten Mizorama thlamuang taka Vote an thlak theihna turin Mizo-ram Police te chuan nasa takin \an an la mek a, a bikin Bru-te awm tamna District - Mamit, Kolasib leh Lunglei-ah te venhimna leh rua-hmanna uluk taka kalpui a ni tih Mizoram Police chuan thuchhuah siamin an tarlang.

Nimin khan Serchhip District-a Election Official te leh Political Party tin aiawh ten First Level Checking on EVM & VVPAT an nei a.

Congress Party chuan nimin khan Serchhip-ah Chhung Inkhawm neiin he hunah hian MPCC President leh Serchhip bial-a an Candidate tur, Lal Thanhawla chuan thu a sawi.

Zoram Decentralisation Front (ZDF) hruaitute chuan nimin khan Serchhip-a thuthar thehdarhtute kawmin MNF te nen an thawhhona chungchang an sawifiah.

Nimin khan Kapliana Pachuau, Serchhip Zion Veng, Serchhip Time Chanchinbu-a Editor ni bawk chuan tualchhung thuthar thehdarhtute kawmin National People’s Party (NPP) ten Official Candidate a Serchhip Bial-a ding tura an rawn sawmna chu ngun taka a ngaihtuah hnu ah lawm takin a pawm tih sawiin, Assembly inthlanpui neih turah a tlin ngei a rin thu a sawi.

BJP Mizoram chuan CADC sawrkar-a Congress nen an thawhdunna chungchang MPCC President in a sawi chu a dik leh dikloh hunin a la rawn hril dawn chauh tih an sawi.

Tuivawl MNF Joint Block Committee-2018 chuan Tuivawl bial Congress candidate RL. Pianmawia chu Model Code of Conduct kalha che ah an puh.

ZPM Sr. Vice Chairman, F. Rodingliana chuan ZPM a sawrkar chuan Vegetable showroom an siam dawn tih sawiin, Sawhthing dahkhawmna tur an ngaihtuah fel tawh thu a sawi bawk.

Baptist Church of Mizoram (BCM) rorelna sang ber dawttu, Area Baptist Council (ABC) Inkhawmpui chu nimin Pathianni hmang khan hmun 15-ah a ruala neih a ni a.

Assembly inthlanpui neih tura hmalakna hrang hrang thlirin Inrinnin khan District Election Officer, Sangchhin Chinzah hovin Nodal Officers Meeting chuh a Pisa-ah neih a ni a.

Mizo National Women Front (MNWF) Hqrs. buatsaihin Mizoram in zalenna a sual laia ram tana penchhuak hmeichhia te chawimawina hun Inrinni khan Serchhip-ah neih a ni.

Mizoram Journalists' Association (MJA) hruaitute leh Chin Unity Forum hruaitute chu kar kalta khan Tahan Sanmyo Veng a Golden Butterfly Hotel-ah an inkawm a, inunauna atana thil pawimawh hrang hrang an sawiho.

Kumin Mizoram Legislative Assembly Inthlanpui lo awm tur inpuahchahna kal zelah Inrinni khan rualbanlo ten vote an thlak ve ngei theih nana cho phurna kawngzawh programme “March with Pride” chu Aizawl DC Office kaihhruaina in buatsaih a ni.

Serchhip East Block MNF chuan Inrinni khan Serchhip Bazar-ah Campaign Office hawnna neiin Vantlang Inkhawm neih ngal a ni a, he hun hi MNF Vice President, Dr. R. Lalthangliana chuan khuallian nia hmanpuiin sawrkar loh hlauhna a neih tawhloh thu a sawi.

ZPM in Serchhip bial-a ding tura an tih, Lalduhoma chuan nimin khan Serchhip rawn lutin Party mipui \hahnem takin an lo hmuak.

Lal Hriatrenga Chhangte (Hriata Chhangte) in False Affidavit thehlut-a Chief Minister, Lal Thanhawla a puhna thubuai chu nimin khan Ser-chhip District Court-ah ngaihtuah leh niin Dec. 7-a ngaihtuah leh tura dah a ni.

Thla thar November 28-a Assembly inthlanpui neih tura Serchhip District chhunga inthlanna buaipuitu tur, Presiding Officer leh Asst. Presiding Officer turte chuan nimin khan Training an nei \an.

MNF Vice President, Dr. R. Lalthangliana chuan kum 2019 Assembly Session hmasak berah Annual Plan budget-ah SEDP atan cheng Vbc. sang aia tlemlo a awm nghal dawn tih a sawi.

MNF Party chuan nimin khan thuchhuah siamin MNF in BJP a thawhpui loh thu an tarlang a. MNF boruak \ha kal lai tihsukuk tuma thudik ziktluak lo thu vaivir chu \ha an tih loh thu an tarlang bawk.

MZP Rorelna sang, MZP Assembly vawi 63-na chu Saitual-ah neih mek niin zanin thleng neih a ni dawn a. Nimin khan khawmpui Palai ten rorelna neiin ‘Mizoram leh Assam ramri chinfel a nih theih nan MZP-in hma a lak mek hi chak lehzual a chhunzawm a nih theih nan MZP-in hma la rawh se’ an ti.

Nimin khan ‘State Level Workshop and Sen-sitization on Accessible Elections for persons with Disabilities’ neih a ni a. He Workshop-ah hian Election Commission of India-in pian-phunga rualbanlote tana awlsam zawka vote an thlak theihna tura ruahmanna hrang hrang a rawn siam tharte sawiho a ni.

Ramchhunga National Health Mission hnuaia Contract-a thawk te chuan an thilphut hrang hrang nawrna atan Vawiin hian nawrh an huaihawt dawn a, Serchhip District-a NHM hnuaia thawk te pawhin he nawrhna hi an thlawp ang.

Assembly inthlanpui neih tur atana Serchhip District chhunga Sector Police Officer te tan an hnathawh tur inzirtirna chu nimin khan Serchhip-ah neih a ni.

National People Party (NPP) chuan Assembly inthlanpuiah Assembly bial 6 chuh an tum thu sawiin, Serchhip Bial-ah Kapliana Pachuau chu a ding dawn tih sawi mah se Kapliana Pachuau erawh chuan thutlukna mumal tak siam ala nih loh thu a sawi thung.

Zoram Peoples Movement (ZPM) chuan nimin khan Assembly inthlanpuia an Candidate tur puangin Assembly bial 40 zinga bial 35-a Candidate tur an puang a. A hma lama lo sawilawk tawh angin Serchhip bial-ah ZPM Chief Ministerial Candidate, Lalduhoma chu a ding dawn a ni.

Systematic Voters Education and Electoral Participation (SVEEP) hmalakna kal zelah nimin khan Serchhip DC’s Conference Hall-ah Mizoram Upa Pawl (MUP) Serchhip Sub-Hqrs. member te chu Electronic Voting Machine (EVM) leh Voter Verifiable Paper Audit Trail (VVPAT) hman dan zirtir an ni.

MNF Vice President Dr R Lalthangliana chuan MNF in sawrkarna an chan chuan Mizoram in Education-a harsatna kan tawh zawng zawng chinfelna turin New Education Policy an siam dawn thu sawiin, "MNF hi a sawrkar chuan Zirna-ah hian kawl a eng thar leh dawn a ni," a ti.

Tunkar Zirtawpni thleng awh tur Mizoram Secondary School Games vawi 36-na chu nimin khan Champhai-ah neih \an a ni a, Champhai District Bawrhsap Dr. Naveen Aggarwal, IAS chuan School Games hi Flag pawt pharhin a hawng a ni.

Mizoram Chainsaw (Regulation and Control) Rules, 2018 chu tihchhuah a nih tak avangin Chainsaw lei, hralh, zawrh, neih, kawl leh hmang turte chuan Forest Department a\angin phalna lak a ngai tawh.

Mizoram Pradesh Congress Committee (MPCC) chuan Oct. 22, 2018-a MNF MLA Can-didate puan leh Election Manifesto tlangzarhnaa ah MNF President, Zoramthanga thusawi chu nuihzatthlak an tih thu leh kum 10 chuang Chief Minister ni tawh Finance Portfolio-te pawh lo chelh tawh thusawi atan chuan mawlmang an tih thu an sawi.

Nimin khan Aizawl-a Mizo Hnam Run Meeting Hall-ah MNF Election Campaign Directorate, 2018 buatsaihin 'Kum 2018 MNF MLA Candidate zawng zawngte infuihna, thuchah leh intiamna' neih a ni.

Kumin 2018 a HSLC leh HSSLC a Science leh Mathematics subject a zirlai ti\ha zual 3 \heuh te hnenah nimin khan Incentive Cash Awards for Proficiency in Science & Mathematics, 2018 sem a ni.

Mizoram Governor, Kumannam Rajasekharan chuan Ayurveda hmasawnna turin sawrkar laipuiin nasa taka hma a lak thu sawiin, Mizoram chu ramngaw, thing leh thlai hrang hrang \hahnem tak awmna hmun a nih avangin Ayurveda lama hmasawnna atan hmun pawimawh tak ala nih thuai a beisei thu a sawi.

Serchhip District Sports Committee (SDSC) leh Serchhip District Football Association (SDFA) Office Bearers te chuan Pathianni khan inkawmhona neiin Serchhip Sports Complex chungchang sawihona an nei.

SP Office, Serchhip a\anga thu kan dawn danin Delhi Police Recruitment Board chuan Mizoram mi leh sa diktak te tan Delhi Police Constable (Executive) mipa leh hmeichhe tan an la leh dawn a. Mipa-44 leh Hmeichhia-21 (Total = 65 Post) an la dawn a ni.

MNF Party chuan nimin khan MNF dincham vawi 57-na lawmin thla thar November 28-a Mizoram State Assembly inthlanpui neih tura an Party Candidate turte an puang a. Serchhip Bial-ah C. Lalramzauva chu ding dawn a ni.

Tuirial bialtu MLA, Hmingdailova Khiangte chuan nimin khan MLA a\anga banna a thehlut a, a banna hi pawm nghal a ni.

Mizoram Bru Displaced Peoples' Forum (MBDPF) chuan Mizoram Assembly inthlanpui neih turah Tripura Relief Camp-a Vote thlak phalsak turin Election Commission of India hnenah ngenna thlenin chhanna erawh an la hmulo thung a. Ministry of Home Affairs-a Adviser (Bru) chuan Relief Camp-a awm te chu hruaikir tura inring turin a hriattir bawk.

Congress MLA, KS. Thanga chuan Agriculture Minister hlui R. Lalzirliana'n MNF Party a zawm ni-a mipuite ti thlabar zawnga NLUP-ah sum a awm tawh lo ni a a sawi chu thudik lo a ni, a ti.

Kumin a Assembly inthlanpui chuh tum Zoramthar chuan an Candidate tur tichiangin an puang chho mek a, Assembly bial 40 zingah Bial 10-a Candidate tur 10 tifel tawhin Serchhip District-a Assembly bial 2-a an Candidate tur an tifel tawh bawk.

Central YMA President, Vanlalruata chuan YMA chu Politics nen chawhpawlh a rem lo nia sawiin, tuna YMA hruaitu ni mek zingah Mizoram in inthlanpui a hmachhawn tura tel duhte chu hruaitu a nihna chawlhsan ngam turin a ngen.

Serchhip Block Youth Congress Committee chuan Inrinni khan New Serchhip YMA Hall-ah General Body Meeting neiin he hun hi Rosie Chalrotluangi chuan khuallian niin a hmanpui.

Tunhnaiah Social Media (Facebook) lamah Serchhip IOC Petrol Pump-a tuialhthei hralh-chhuah te chhe lutuk leh Motor pawhin a tuar nasa nia sawi a awm avangin inrinni khan Serchhip Petrol Pump-a tuialhthei dahkhawlsa te chu enfiah a ni.

Mizoram Larsap, Kummanam Rajasekharan chuan Mizoram University-a Mizo Department, Mizo Academy of Letters (MAL), Govt. Saitual College leh Saitual Literature Club buatsaih ni 2 awh  'International Seminar Commemorating the Birth Centenary of L. Biakliana' chu nimin a ni 2-na Govt. Saitual College-a neih a hmanpui a,

Tunhnaia Serchhip-a eirawngbawlna Gas buk tlinglo manchhuah chu thawnlet tura tih ni mah se thawnlet ala ni lo a. Hei vang hian nimin a Chanmari Veng-a Gas sem turah Gas lak tum \hahnem takin Gas an chanlo phah.

 Serchhip Hmar Veng Football Club chuan nimin khan an kum 25 tlin lawmna ruai nen an nei.

Tunkar Ningani tlai khan Serchhip District Election Officer, Sangchhin Chinzah hovin a Pisa ah Election Nodal Officer ten Meeting neiin an hna chanpual \heuha hma an lak tawh dante thlirho a nih bakah, inbuatsaihna kalpui zel dan tur an sawiho.

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists' Association President, Zonunsanga Khiangte chuan a hmanpui.

MNF President, Zoramthanga chuan MNF an sawrkar a nih chuan Saitual, Khawzawl leh Hnahthial District te chu an function tir ngei dawn tih a sawi.

Mizoram Assembly inthlanpui neih tura BJP aiawha Mizoram viltu, Himanta Biswa Sarma chuan BJP chu kristian tan a hlauhawm loh niin a sawi.

Nimin khan Mizoram State Archives Hall-ah Thu leh Hla lama tuimite pungkhawmin Gandhi-a Pual Hla Kutpui, 'Gandhiji Kavi Sammelan' an hmang.

Mizoram sawrkar Tourism Department bultumin kumin December ni 13 a\anga 15 chhung hian Tuirial Airfield-ah Winter Festival neih a ni leh dawn a. He Winter Festival hman dan tur relin nimin khan Organising Committee Member te chu Tourism Secretary, Esther Lalruatkimi hovin a Pisa-ah an \hukhawm.

Assembly inthlanpui neih tur atan Serchhip District-ah inbuatsaihna ngawrh taka kalpui mek niin nimin thleng khan Model Code of Conducts (MCC) bawhchhiatna thleng ala awmlo.

Nimin khan Tuikum Assembly Constituency Congress Block-I buatsaihin Chhiahtlang ah Election Campaign hawnna leh Political Training neih a ni a, he hun hi Congress MLA, KS. Thanga leh Rajya Sabha MP, Ronald Sapa Tlau te chuan hmanpuiin he biala Congress Candidate, Sangzela Tlau te chuan an hmanpui a ni.

Mizoram Chief Secretary, Arvind Ray chuan nimin khan Aizawl-a Chief Secretary Conference Room-ah ‘Mizoram Election E-Atlas Portal’ chu a taka hman theih turin a hawng.

MNF Vice President, R. Tlanghmingthanga chuan MNF a lo sawrkar chuan thuneihna sem-zai (decentralisation of power) chu a takin an kalpui dawn tih sawiin, "Kan sawrkar chu a ruaitu mipui an ni ang a, a taka thawktu chu kan Minister leh MLA-te an ni dawn a ni," a ti.

Nimin chawhma dar 11:00 khan Serchhip DC’s Conference Hall-ah MLA inthlanpui lo awm tura Political Party hrang hrangten hma an lakna atana an hriat tur \ulte in hrilhhriatna hun chu Chuauhnuna, Addl. DC, Deputy District Election Officer ni bawk hovin neih a ni.

Assembly inthlanpui neih tur atan nimin khan Serchhip District Level Master Trainers Training \um hnihna neih a ni.

MIZOFED Serchhip Branch in nimin a ei-rawngbawlna Gas an sem tur chu buk tlinglo a tam avangin thawnlet tura tih a ni.

BJP National President, Amit Shah chuan nimin khan lehlanga Mizoram rawn tlawhin R. Deng\huama Indoor Stadium-ah BJP Booth Conference a neihpui bakah BJP Mizoram State Office a hawng a. Assembly inthlanpui neih turah MNF leh Party dang an thawhpui dawnloh thu a sawi.

ZPM Star Campaigner, PL. Liandinga chuan, “ZPM kan sawrkar chuan Rs. 10,000/- pawh kan sem dawn lo, chu mai a ni lo, Rs. 1,000/- pawh kan sem lo ang,” a ti.

November ni 28-a Mizoram General Election lo awm tura inpuahchana kal mek enfiah a lo kal Chief Election Commissioner, Om Prakash Rawat leh Election Commissioner dangte chuan nimin khan Aijal Club-ah thuthar lakhawmtute kawmna an nei a, Inthlanpui atana Mizoram in buatsaihna chu \ha tawk a tih thu a sawi.

Social Welfare Department hnuaia District Child Protection Unit (DCPU) Serchhip buat-saihin nimin khan Serchhip-ah Capacity Building Programme for Statutory Bodies under Integrated Child Protection Scheme buatsaih a ni.

Hrangturzo bialtu MLA, Vanlalawmpuii Chawngthu chuan ‘Tu hi nge bial hmasawnna min pe tu?’ tih ngaihtuah fo chunga bial mipuiten vote an thlak a pawimawh thu a sawi.

Tuichawng bialtu MLA Dr. BD. Chakma chuan nimin khan Assembly Speaker, Hiphei hnenah MLA a\anga banna thehlutin, MPCC President hnenah Congress party a\anga banna a thehlut nghal a. Dr. BD. Chakma hian Vawiin hian BJP a zawm dawn nia thudawn a ni. 

Vawiin Oct. 16, 2018 hian Election Commission of India-a Member-te leh Official pawi-mawhte chuan zankhat riakin Mizoram an rawn tlawh dawn a, anmahni hmuah dan tur leh an cham chhunga meeting pawimawhte neihpui dan tur buatsaihna kal mekah nimin tlai khan Mizoram CEO, SB. Shashank, IAS hovin ama pisa-ah Election kaihhnawih Officials pawimawhte an \hukhawm a ni.

Nimin Oct. 15, 2018 khan khawvel hmun hrang hrangah Kut Silfaina ni,Global Hand Washing Day hman a ni a, Serchhip-ah pawh he Ni hi hman niin kut silfai pawimawh zia inzirtirna hun atan hman a ni.

Serchhip District Academy of Letters (SE-DAL) chuan nimin khan an dinchampha pualin inhmuhkhawm an nei.

DIET Serchhip, Zoram Entu Pawl (ZEP) Serchhip leh Tata Trust, Mumbai te \angkawp buatsaih Serchhip SDEO huamchhunga Primary School leh Middle School-a Mathematics zirtirtute tana Training chu nimin khan neih \an niin ni 4 chhung a awh ang.

Serchhip-a Legal Metrology-a thawk te leh District Consumer hruaitute chuan nimin khan Serchhip Petrol Pump an enfiah a, Serchhip Pump-a Petrol te hi a \ha tih an finfiah.

Nimin khan MZP Hqrs. Kolasib bultumin Electoral Roll-a Tuikuk thun tumna awm mek duh lovin lungawilohna lantir a ni a, Govt. Kolasib College a\anga kawng zawhin Kolasib DC Office Tual-ah Sit-in-demonstration neih zui a ni.

Assembly inthlanpui neih tura Serchhip bial-a Congress Candidate tur leh MPCC President, Lal Thanhawla chuan nimin khan Serchhip rawn lutin Serchhip-a Congress Party mipui \hahnem takin an lo hmuak.

Kar kaltaa MLA a\anga banna thehlut, |awi bialtu MLA R. Lalzirliana leh MPC MLA, Lalthanliana te chu nimin khan MNF-ah lawmluh an ni a. MNF President, Zoramthanga chuan tunah zet chuan Congress kulhpui a chim ta tih sawiin, Vote chhiar zawhah Pathian hnathawh ropui tak an chungah alo lang dawn niin a sawi.

Serchhip District Urban Development Officer (DUDO), Vanthangpuii chuan Serchhip khawpui chhunga YMA Branch hrang hrangte nen Faina kawnga an thawhhona ah lawmthu sawina atan Inrinni zing khan Thingpui inna no dozen 2 \heuh a hlan.

Zirtawpni chawhnu khan Serchhip DRDA Conference Hall-ah Serchhip-a sawrkar Department hrang hranga Head of Offices te tan ‘District Level Workshop on Mission Antyodaya/Gram Panchayat Development Plan’ neih a ni.

Govt. Serchhip College-a Indira Gandhi National Open University (IGNOU) Study Centre chuan Inrinni khan Induction Service an hmang.

Mizo Zirlai Pawl (MZP) Headquarters Kolasib chuan Kolasib District Election Officer (DEO), Dr. Arun T. hnenah Bru te tlai khawhnu-a Electoral Roll a an luh theihna tura anmahni awmna hmun, Tripura-ah kalchilha enfiah an ngiat chu an duh loh thu thlenin Vawiin hian Kolasib-ah kawngzawh neih an tum.

ICFAI University Mizoram chuan nimin khan an University Campus, Durtlang North-ah Convocation vawi 7-na an hmang a, he hun hi Mizoram Governor, Kummanam Rajasekharan chuan khuallian niin a hmanpui.

Mizoram Assembly inthlanpui felfai taka a awm theih nan Aizawl District chhungah mawhphurhna hrang hrang kengkawhtu tur Committee te chu ruatfel an ni tawh a.

Kumin-a Mizoram in State Legislative Assembly inthlanpui a hmachhawn turah State inpuahchahna te rawn endik turin Election Commission of India(ECI) hotute chuan karleh Thawhlehni khian zankhat riakin Mizoram an rawn tlawh dawn a. Hemi chungchangah hian nimin khan Chief Secretary, Arvind Ray chuan Chief Secretary's Conference Hall-ah State Election Department, GAD,SAD, Governor's Secretariat, Finance, Police leh I&PR Department hotute chu thil pawimawh a sawipui.

Mizoram Pradesh Congress Committee (MPCC) chuan Assembly inthlanpui neih tura an Party Candidate turte nimin khan puangin Serchhip bial-ah an President, Lal Thanhawla a ding ang.

Nimin khan khawvel hmundangte rualin Serchhip CMO Conference Hall-ah World Sight Day pualin hun hman a ni a, he hun hi Serchhip CMO, Dr. Laldawngliana Sailo chuan kaihruaiin Mizoram Upa Pawl (MUP) Serchhip Kawnpui Unit Member te an tel a.

Nimin khan National Voluntary Blood Donation Day pualin Govt. Serchhip College-ah hun hman a ni a, Govt. Serchhip College NSS Unit te chuan damlo a mamawh apiangte hman turin thisen an pe nghal bawk.

DIET Serchhip buatsaih ni 2 awh tur Science Fest & Innovation Mela chu nimin khan neih \an a ni a, Vawiin ah chhunzawmin zawhfel a ni ang.

Nimin chawhnu khan District Level Systematic Voters Education & Electoral Participation (SVEEP) Core Committee chu an Chairman leh District Election Officer ni bawk, Sangchhin Chinzah hova \hukhawmin an hmalakna leh hmalak zel dan tur an sawiho.

Ramchhunga Right to Information (RTI) Week hman mek pualin nimin khan Serchhip-ah RTI Week hman a ni a, he hun hi Serchhip District Bawrhsap, Sangchhin Chinzah chuan khuallian nia hmanpuiin he hunah hian RTI Dan hmang tura hriattur pawimawh hrang hrang zirhona neih nghal a ni.

Tripura Bru Relief Camp 6-a Mizoram Bru Displaced People Coordination Committee hruaitute chuan tunhnai khan Naisingpara Executive Committee Meeting neiin sawrkar laipuiin an Ration leh sum lama \anpuina tun thla tir a\anga a tihtawp sak chu pe chhunzawm leh turin an ngen.

- Laldinpuia, Secretary

Serchhip District Academy of Letters

Poshan Abhiyaan (National Nutrition Mission) hnuaia Poshan Maah (Nutrition Month) hman zawh takah Mizoram-a Anganwadi Centre leh ICDS-a thawk te chuan lawmman chi hrang hrang an dawng.

Nimin khan Serchhip DC’s Video Conference Room-ah District Election Officer, Sangchhin Chinzah hovin District Level Master Trainer Training neih a ni a.

Serchhip District Bawhsap, Sangchhin Chinzah chu nimin khan Serchhip District Scouts and Guides Association President atan lakluh a ni.

Nimin khan khawvel pumah World Mental Health Day hman a ni a, Serchhip-ah pawh District Mental Health Programme (DMHP) huaihawtin PCR High School-ah hun hman a ni.

MNF East Block Serchhip chuan Election Commission of India in inthlanpui neih tur a puan tawh avanga Model Code of Conduct hman a nih tawh avangin Serchhip District-a NEDP hnuaia hna thawh tur chhuak te Stay tura ngenna District Bawrhsap leh District Election Officer ni bawk hnenah an thehlut.

Dan lova din Chakma Autonomous District Council (CADC) Dan anga \hiah phutin nimin khan Mizoram hmun hrang hrangah kawngzawh neih a ni a. Serchhip-ah pawh Serchhip Sub-Hqrs. YMA huaihawtin Leisekawt Mual a\anga Serchhip Bazar thlengin he kawngzawh hi neih a ni.

ZPM Chief Ministerial Candidate, Lal-duhoma chuan MNF in mithar an lawmluh apiangin ZPM in hlawkna an tel zel niin a sawi.

PRISM Party chuan nimin khan Electoral reform chungchanga hmalak a tum dan puangzarin "Candidate tur zawng zawng fimkhur tur leh Dan zawm turin kan ngen lawk a ni," an ti.

Nimin khan Mizoram khawpui hrang hrang ah Faina Hapta kharna hun hman a ni a,

Nimin chawhnu dar 3:00 khan Serchhip District Election Officer, Sangchhin Chinzah hovin Serchhip DC Conference Hall-ah MLA inthlanpui kalpui meka Serchhip-a sawrkar Department hrang hrangin Election kaihhnawih thil an Office \heuhva lokal lo buaipui tura a bika an ruat, Nodal Officer ten Meeting an nei.

Mizoram Assembly inthlanna nei turin inbuatsaihna kalpui mek zel a ni a, tarlan tawh angin he inthlanna hi Assembly bial 40-ah thla thar Novermber 28 khian neih a ni ang.

Kumin a Faina Hapta hman kharna leh Mizoram khawpui Fai inelna neih zawh taka Serchhip khua in Mizoram District Hqrs. te zinga lawmman pahnihna a lak lawmna chu nimin khan Serchhip Auditorium-ah neih a ni a, he hun hi Serchhip SDO (Sadar) R. Vanrengpuia chuan khuallian niin a hmanpui a ni.

BJP Mizoram Pradesh chuan nimin khan Aizawl-a an party Office-ah inkhawm neiin he hunah hian an President, Prof. JV. Hluna chuan kan hma lawka inthlanpui lo awm turah BJP chuan hnehna an chang ngei dawn tih a sawi a,

MNF President, Zoramthanga chuan Congress sawrkar term hnih chhunga an hmachhawp pawimawh leh thil \ha an tih an hriatte chu chhunzawma tihpuitlin vek an tum thu a sawi.

ZPM (|angrual Pawl) Chief Ministerial Candidate, Lalduhoma chuan, "Kum 10 kal tawha Sawrkarin District pathum a lo puan tawhte hi ZPM sawrkar chuan a function theih nan budget-ah kan D-A-H ang," a ti.

Pawl hrang hrang thawkho in an din Zoram Peoples Movement (ZPM) chuan Mizoram MLA inthlanpui lo awm turah bial 34 chuh an tum a, Election symbol tur chu ECI-ah dil an tum.

Mizoram Pradesh Congress Committee (MPCC) chuan Assembly inthlanpui neih tura an Party Candidate turte chu tunkar Ningani khian an puang dawn.

Nimin khan Serchhip DC Conference Hall ah Sangchhin Chinzah, District Election Officer hovin Political Party hrang hrang aiawh ten Election Model Code of Conduct leh Election Expenditure Monitoring chungchang an zirho a. Election Expenditure Rate Chart bituk chungchang sawi hovin, an pawm nghal.

Serchhip Sub-Hqrs. YMA buatsaih C. Laltea Memorial Inter-Branch YMA Volleyball Tournament vawi 3-na chu nimin khan Serchhip-a Leisekawt Mual-ah khelh \an a ni a, tunkar Zirtawpni khian zawhfel a ni ang.

Mizoram-a Assembly inthlanpui nei turin District hrang hrangah inbuatsaihna kalpui mek a ni.

Serchhip District Election Officer, Sangchhin Chinzah chuan nimin khan Serchhip-a thuthar thehdarhtute kawmin Assembly inthlanpui neih tura Serchhip District inbuatsaihna hrang hrang leh thuthar thehdarhtute tana hriattur pawimawh hrang hrangte a sawipui.

Serchhip-a Horticulture Department chuan Serchhip Zawlpui phai-a Thlasik thlai chingtute hnenah Inrinni khan Thlai chi chi hrang hrang Rs. 6,08,000/- hu an semchhuak a.

Mizoram Maxi Cab Owners Association Sub-Hqrs. Serchhip chuan thuchhuah siamin MMCOA General Hqrs. in June 1 a\anga hman \an tura rate a siam, KM khat zelah Rs. 3/- chu Vawiin, Oct. 8, 2018 a\ang hian an hmang \an dawn tih an tarlang a.

Baptist Church of Mizoram (BCM) chuan nimin Pathianni hmang khan hmun hrang hrangah Pastor Bial inkhawpui an nei a, Serchhip-a Pastor Bial pahnih, BCM Serchhip Pastor Bial leh BCM New Serchhip Pastor Bial te pawhin inkhawmpui hi an nei a ni.

Central YMA chuan Dan lova din Chakma Autonomous District Council (CADC) chu Dan anga \hiah a nih theih nan hma la zelin tunkar Nilaini hian Mizoram hmun hrang hrangah kawng-zawh neih nise an ti a. He kawngzawh hi Ser-chhip-ah pawh neih tura ruahman a ni.

Central K|P in ruahmanna a siam angin Inrinni khan Mizoram pumah K|P member ten \awng\ai rualna an nei a, Serchhip-ah pawh Lei-sekawt Mual-ah |awng\ai rualna hi Chhimchhak Presbytery huapin neih a ni.

MZP General Hqrs. chuan Bairabi Zophai hmuna Zofate Chawlhbuk sak tuma hnatlang te Assam Police in an tihbuaina a hliam tuarte leh thil bo te chhawmdawlna tura Vehbur a khawn te chu Inrinni khan an semchhuak.

Mizoram Legislative Assembly inthlanpui chu November 28, 2018 (Nilaini) hian neih a ni dawn a, he vote inthlanpuia tla te hi December 11, 2018 (Thawhlehni)-ah chhiar a ni ang. Mizoram State Assembly inthlanna neih tur puan rual hian State 4-a inthlanna neih dan tur pawh puan nghal a ni bawk.

Serchhip District Magistrate, Sangchhin Chinzah chuan Vawk hri leng avanga Serchhip District mipui ten harsatna an tawh loh nan Serchhip District chhungah Vawk leh Vawksa a\anga thil siam reng reng lakluh khapna a tichhuak.

Taxation Department, Serchhip Zone buat-saihin nimin khan Serchhip District-a Drawing and Disbursing Officer (DDO) te tan Tax Deduction at Source (TDS) chungchang zirhona buatsaih a ni.

Serchhip-a AH&Vety Department chuan nimin khan NLUP-NEDP Convergence Scheme Phase III hnuaiah ran vulhtute hnenah \anpuina sum a thawhkhatna atan an semchhuak.

Nimin khan Serchhip DC Conference Hall-ah Serchhip District tana ‘Beti Bachao Beti Padhao Programme’ (BBBP) hawnna neih a ni a, Serchhip District Bawrhsap, Sangchhin Chinzah chu khuallian niin he Progrmme hi a hawng a ni.

MPCC President leh Chief Minister, Lal Thanhawla chuan, “Inthlan a hnai tial tial a, Congress kan pung tial tial a ni,” a ti.

Nimin khan Aizawl-a Mizo Hnam Runah 'Special Programme' hmangin MPCC General Secretary hlui leh MLA a\anga bang ta, Lalrinliana Sailo leh midang \henkhat te MNF-ah lawmluh an ni a. He hunah hian MNF President, Zoramthanga bakah Home Minister a\anga bangta, R. Lalzirliana te pawhin thu an sawi a ni.

Mizoram NGO Coordination Committee chuan mahni duhthu ngeia Mizoram a\anga chhuak Tuikuk Tripura Transit Camp-a awmte Mizo-rama an lo let leh theihna tura inremna siam ah an lo let theih hun hnuhnung ber a liam hnuah lo let duh pawh awm leh mah se rem an ti tawh loh thu leh inremna ang hian kaltlangpui nise an duh thu an sawi a.

Mizoram Maxi Cab Owners Association te chuan sawrkar laka an thilphut nawrna atan Vawiin a\ang hian tiamchin awm lova an service tihtawp an tum thu an sawi a. Mizoram Maxi Cab Owners Association (MMCOA) Sub-Hqrs. Serchhip pawhin he nawrhna hi an thlawp dawn.

UPC (NEI) chuan hnuaia Penticostal Youth Department (PYD) te chuan kumdanga an lo tih tawh \hin angin nimin khan Vantlang tana thil \ha tihna Ni, Social Work Day an hmang a, Serchhip-a PYD Member te pawhin nileng hnatlang neiin hun an hmang.

Zoram Thar chuan kumin-a Assembly inthlanpui neih turah Mizoram-a Assembly Constituency 40-ah Candidate an neih dawn thu sawiin, Serchhip bial-ah an President, Rev. Dr. Zaichhawna Hlondo chu a din dawn thu an sawi.

UD&PA huaihawt Faina Hapta hawnna chu nimin khan Aizawl-ah neih niin NEDP Component pakhat, Climate change, Cleanliness and Sanitation Drive hnuaia hmalakna - Faina kawnga Mizoram khawpui 23 te intihsiakna result chu puan nghal a ni a. Serchhip chuan District khawpui fai inelna ah lawmman pahnihna a dawng.

Nimin October 1, 2018 khan khawvela Upate ni, International Senior Citizen Day anih angin Mizorama Upa Pawl (MUP) te chuan an Unit hrang hrangah hun an hmang.

Champhai MZP Hqrs. chuan sawrkar in Champhai District Hospital-a Eye Specialist a pek tak avang leh Ruh lam thiam Specialist remchang hmasa bera pe tura inremna an ziah theih tak avangin an nawrhna an titawp tih an sawi.

Nimin khan Mizoram Youth Commission (MYC) Chairman, Joseph Lalhimpuia MLA chuan Lunglei Super Market Annexe Building sakna tur lungphum a phum a, NLUP Sales Emporium a hawng bawk.

Nimin October 1 kha National Voluntary Blood Donation Day a ni a, Mizoram hmun hrang hrangah hman niin Serchhip-ah chuan Ni remchang ah hman tura ruahman a ni.

Mizoram sawrkar chuan nakum (2019) atana Mizoram sawrkar chawlh turte a tichhuak leh ta a. Ruahman ang chuan kumthar ah hian sawrkar Pisa chawlh ni 27 a awm ang.

Serchhip-a MUP Unit hrang hrang te chuan nimin khan Upa te Ni, International Day of Older Persons an hmang.

Health Minister, Lal Thanzara chuan nimin khan Mizoram Institute of Medical Education & Research, Falkawn-ah New Academic Block, Director’s Quarter leh Ladies & Gents Hostel thar sakna tur Lungphum a phum a.

Chief Minister, Lal Thanhawla chuan nimin khan Aizawl-a Lal Thanhawla Auditorium-ah NLUP hnuaia hmalakna thar 'Rain Garden & Mei Sipai Scheme' leh 'Chief Minister's Special Package (Medical Care)' chu a tlangzarh a, he hun hi NLUP Implementing Board Vice Chairman, JH. Ro\huama MLA chuan a kaihruai a ni.

 Inrinni khan ramchhung hmun hrang hrangah India Sipai ten Parakram Parv an hmang a, hei hi Line of Control-a Terrorist Launch Pad a Indian Army ten Surgical Strike an neih champha vawi 2-na a ni.

Serchhip District chhunga Hrangturzo Assembly Constituency huamchhunga Political Party leh MPF te chuan Inrinni khan East Lungdar-ah 'Political Party leh MPF Thawhhona Thu-thlung' leh Election Model Code of Conducts (MCC) zirhona an nei a.

Meghalaya hmunpui nei India hmarchhaka inzarpharh mek National People's Party (NPP) chu Mizoram-ah din a ni a. Inrinni khan NPP National President leh Meghalaya Chief Minister ni bawk Pu Conrad Sangma chuan Aijal Club-ah NPP din a nih thu hi a puang a ni.

Mizoram Chief Minister, Lal Thanhawla chuan Zirtawpni chawhnu khan Food Testing Laboratory thar chu Central Medical Store Building, Zemabawk-ah a hawng.

Tuichang Assembly Bialtu MLA, Lalrinliana Sailo chuan Zirtawpni leh Inrinni khan a bial chhunga hrang hrang tlawhin MLA a\anga a ban tur thu a hrilh a, bial mipuite thlahna hun a hmang nghal.

Tripura Bru Relief Camp 6-a awm Bru te lokir hun tur ruahmanna hnuhnung ber hun bituk chu nimin khan a tawp a, August ni 25 leh nimin inkarah chhungkaw 42 chiah Mizoram-ah an lo kir a. Hetihlai hian Tripura sawrkar chuan heng Camp hrang hranga \anpuina an pek \hin chu Vawiin a\ang hian tihtawp a nih dawn thu an sawi bawk.