‘Govt. Serchhip College NSS Award’ semna neiin PC. Lalnunzira hnenah hlan a ni

Zonuna Kawlni /

Nimin khan ‘Govt. Serchhip College NSS Award’ hmasa ber semna hun hman a ni a, he hun hi Higher & Technical Education Department-a Joint Director (Admin), Lalhmingthanga chuan rawn hmanpuiin PC. Lalnunzira, 6th Sem Zoology hnenah Award hi hlan a ni.

‘Govt. Serchhip College NSS Award’ semna hunah ah hian H&TE Department-a Joint Director, Lalhmingthanga chuan Govt. Serchhip College NSS Award hmasa ber hlan theia a awm chu lawmawm a tih thu sawiin, Govt. Serchhip College-ah NSS tana ke an lo pen ve tawh thin thu a sawi a. Tlawmngai a thisen pek chu midang tana thil tha anih avangin uar lehzual a that thu sawiin, pe theilo te pawhin midang te tiphurtu ni zel tura a duh thu a sawi bawk. NSS Programme pawimawh tak pahnih chu Thisen pek leh Thingphun anih thu pawh sawiin, mahni tan chauh nilo, midang tan a thil tangkai leh malsawmna thlentu a ni, a ti a, Award dawngtu chu a kal zelna turah duhsakna a hlan nghal bawk.

Govt. Serchhip College Principal, Lalremsiama kaihhruai he hunah hian khuallian hian NSS Award dawng tura thlan, PC. Lalnunzira, 6th Sem Zoology hnenah Award hi a hlan a, Govt. Serchhip College NSS Programme Officer, C. Lalramliana chuan an hmalakna leh Award dawngtu chanchin te sawiin, Award dawngtu PC. Lalnunzira chuan a phu hlea an hriat thu a sawi a, State Award pawh an dilpui tih a sawi bawk. Award dawngtu thawh dan thenkhatte sawiin, thisen vawi 24 a pek tawh thu te leh College kal chhungin vawi 12 pek thute a sawi a. A kum ang rual ah thisen pe hnem pawl tak anih an rin thu a sawi a. SU ah hruaitu hrang hrang alo ni tawh thin in Govt. Serchhip College ti hmingthatu anih avangin pek a phu hlea an hriat thu a sawi bawk. NSS lamah phur taka zirlaite an inhman zel theih nan kumdanga la tih ngailoh Award chu sem nise an tih anga sem an nih thu leh kumtin sem chhunzawm an tum thu a sawi bawk.

‘Govt. Serchhip College NSS Award’ hian Trophy bakah pawisafai  Rs. 1000/- a keng tel a, he Award hlanna hun hi hri leng laka inkaihhruaina siam te zawm chunga hman a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »