Posts

Showing posts from March, 2022

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Hri kai mi 25 hmuh belh leh

Serchhip District-ah nimin khan COVID-19 hri kai mi 25 hmuh belh leh an ni.

Cricket Tournament khel zo lo

Image
Serchhip District Cricket Association in an buatsaih Junior Cricket Tournament chu khua in a bumro avangin nimin ah zawh hman a ni lo.

FC Serchhip Kawnpui ten hnehna nen bul an tan

Image
MFA Cup khelh mekah Serchhip District aiawha khel FC Serchhip Kawnpui te chuan nimin khan an match hmasa berah hnehna an chang.

SP in Police Station tlawh

Image
Serchhip District Superintendent of Police (SP) Stephen Lalrinawma chuan tunhnai khan Serchhip District chhunga Police Station hrang hrangte tlawhin Police ten tha taka hna an thawh theih nan Annual Inspection a nei a. Police Station tin te chu hnu chhui leh duty chungchang bakah Police ten harsatna an tawh hrang hrang te sawipuiin, ram leh mipuite rawng an bawlna kawngah hmasawnna turte a sawipui a ni. Ser-chhip District-ah hian Police Station 3- Serchhip, Thenzawl leh North Vanlaiphai te a awm a ni.

BBBP in lawmman sem

Image
Beti Bachao Beti Padhao (BBBP) Serchhip District hmalakna a Thlalak intihsiakna lawmman semna chu nimin khan Serchhip DC Meeting Hall-ah neih a ni.

KTP ten thisen pe

New Serchhip Pastor Bial KTP atangin nimin khan New Serchhip North Branch KTP leh Bukpui Branch KTP te chuan Serchhip Blood Bank-a dah turin thisen Unit 8 an pe.

Serchhip DIPRO kaisang

Serchhip-a District Information & Public Relation Officer (DIPRO) K. Saitluanga MIS chu Deputy Director (Sr. Grade of Mizoram Information Service)-ah a kaisang a, Serchhip DIPRO hna chelh zui rih turin dah lailawk a ni.

Serchhip DUDO hovin STP, YMA leh Joint VC ten Auditorium chungchang an sawiho

Image
Nimin khan Serchhip District Urban Development Officer (DUDO) hovin Serchhip Auditorium chungchang sawihona neih a ni a, Serchhip Auditorium pawh a hmunah ah tlawh nghal a ni.

TB, Vahlo leh NCD natna inzawm dan zirhona nei

Image
Nimin khan Serchhip Press Club-ah TB, Vaihlo leh natna inkaichhawn theihloh (Non-Communicable Disease) te inkungkaih dan zirhona neih a ni.

Governor in Sialsir lawmpui

Mizoram Governor Hari Babu Kambham-pati chuan ‘Best Panchayat Village for North East Zone’ lawmman dawngtu Serchhip District-a Sialsir khua chu a lawmpui thu nimin khan Twitter kaltlangin a sawi a, Sialsir khaw mipui chu Mizoram mipuiin an lawmpui a, an chhuang hle tih sawiin, “Thingtlang khaw dang te pawhin Sialsir khaw mipuite hlawhtlinna ah hian entawn tur tha tak an nei a ni,” a ti. Tarlan tawh angin niminpiah-a ‘3rd National Water Award 2022’ semna ah Sialsir khua hian North East Zone-ahTuihna humhalh tha lawmman pakhatna hi New Delhi-ah an dawng a ni.

Mumbai-ah Chapchar Kut

Mumbai Mizo Welfare te buatsaihin nimin khan Chapchar Kut-2022 chu Sananil Banguets Hall-ah hman a ni a, Tourism Minister Robert Romawia Royte chuan a hmanpui a ni. Nimin a Chapchar Kut hmanna ah hian Minister chuan Mumbai Zofate zawng zawng Chapchar Kut chibai bukin, “Mizoram Sawrkarin khawvel hmun hrang hranga Zofate insuihkhawm leh inpawhtawn zel a duh a, Covid hripui karah pawh Sawrkarin State hrang hranga Zofate chu a theih ang angin a ngaihtuah a ni,” a ti. Minister chuan Mumbai Mizo Association ten Covid harsat laia chhanchhuah hna an thawh dan chu ropui a tih thu a sawi bawk.

LADC thutkhawm zofel

Zirtawpni kalta atanga Lai Autonomous District Council Budget Session neih chu nimin khan zawhfel niin kum 2022-2023 chunga LADC sawrkar sum hman tura ruahmanna cheng nuai 20983.96 leh Supplementary demand for grant of LADC for 2021-2022 cheng nuai 1805.79 leh Schedule of demand for Grants of LADC for 2022-2023 te chu sawiho a nih hnu in pass a ni.

SWD Minister in tlawh

Mara ram-a Missionary (Lakher Pioneer Mission) te hmunhma leh sulhnu te humhalhna tur project, Preservation of Cultural Heritage chu Saikao khuaa kalpui tum niin Social Welfare Minister Dr. K. Beichhua chuan nimin khan Official te hruaiin Saikao khua hi an tlawh a, he Project atan hian Ministry of Tribal Affairs atangin cheng nuai 560 hmuh a ni. Dr. K. Beichhua chuan Tisa leh Thlarau lama malsawmna min thlentu, Sap Missionary te hmunhma leh an sulhnu humhalhna tur project sawrkar laipuiin an lo pawmsak chu Saikao khua leh Mara ramin malsawmna an dawn liau liau a ni tih a sawi a ni.

Lok Sabha MP in thlen

Mizoram Lok Sabha MP C. Lalrosanga chuan nimin khan Parliament House office-ah Road Transport and Highways Minister Nitin Gadkari chu hmuin Mizoram-a kawngpui sial leh siamthat chungchangte a sawipui a, hna kal mek te bakah Central Infrastructure Road Fund hmanga Mizo-ram-a hnathawh tur rawtte pawmpui thuai turin a ngen a ni. Lok Sabha MP chuan CIRF hnuaia Sihhmui-Ramrikawn kawng cheng vbc. 99 vel senga thawmthatna tur project pawh pawmpui turin Minister chu a ngen a. Chief Minister Zoramthanga hmalakna anga Durtlang Leitan-Sihphir kawng tihzauh leh siamthatna tur project pawmpuina Ministry of Road Transport and Highways-in nimin-a a pechhuak ta chu lawmawm a tih thu a sawi a. KM 10 vela thui helai kawng siamthatna tur atan hian cheng vbc. 46.57 chu CIRF Fund hnuaiah ruahman a ni.

Hri kai thar 157 leh enkawl dam 152 awm belh

Mizoram-ah ni khat-a COVID-19 hri kai hmuhchhuah an tlem zel a, niminpiah khan Sample 1267 enfiah niin hri kai mi 157 hmuh an ni a, Sample enfiah atanga za zela 12.4 te chuan hri an kai a ni.

Chhawnzinga Lui Water Supply Scheme hawng

Atal Mission for Rejuvenation and Urban Transformation (AMRUT) 2017-2019 kaltlanga cheng nuai 230.73 senga Aizawl Chanmari West-a siam ‘Chhawnzinga Lui Water Supply Scheme’ chu nimin khan PHE Department leh UD&PA changtu Deputy Chief Minister Tawnluia chuan a hawng.

Tlabung RD Block a pian thu Chief Minister in a puang

Chief Minister Zoramthanga chuan nimin khan Tlabung khua tlawhin Cabinet thutlukna angin Tlabung RD Block a pian thu a puang.

Mizoram thil pawimawh hrang hrangah Dr. R. Lalthangliana’n sawrkar laipui a dawr

Health Minister Dr R. Lalthangliana chuan nimin khan sawrkar laipui-a mi pawimawh hrang hrangte chu kawmin Mizoram thil pawimawh a sawipui a. Mizoram in a mamawhna a san em avangin NHM Second instalment cheng vbc. 40 tal a rang thei ang bera release turin a ngen nawn leh bawk.

Serchhip District chu District hrang hrang zingah COVID-19 hri kai enkawllai tamna ber a ni mek

Serchhip District chu Mizoram District hrang hrang zingah COVID-19 hri kai enkawllai tamna ber ni mekin District mal-a hri kai enkawllai mi 200 aia tam awmna awmchhun a ni bawk a. Tun dinhmunah hri kai enkawllai za aia tamna District panga (5) ala awm a ni.

Hri kai 32 hmuh belh leh

Nimin khan Serchhip District-ah COVID-19 hri kai mi 32 hmuhchhuah belh leh an ni.

Junior Cricket Tournament khel dawn

Image
Serchhip District Cricket Association in an buatsaih Junior Cricket Tournament chu Vawiin hian DC Playground, Khawtetlang-ah khelh a ni dawn a, Vawiin hian zawhfel hman tum a ni ang.

Shikhar zuar dapchhuak

Serchhip District Anti-Tobacco Squad leh Health Department-a Food & Drug Administration te chuan nimin khan Serchhip Bazar leh a chhehvel-a dawr thenkhat te tlawhin Dan in a phalloh Shikhar (Gutkha) zuar an awm leh awm loh an enfiah a, dawr hrang hrang an enfiah zinga dawr 6 atangin Shikhar pocket 388 leh SS-One pocket 430 an man a ni.

Police ten hma la zui nghal

Tunhnaia Serchhip Auditorium suasam a nih chungchanga Serchhip Thalai Pawl (STP) ten Serchhip Police Station-a FIR an thehluh bawhzuiin nimin khan Serchhip Police te chuan helai a lut thin nia hriat naupang thenkhat chu thu an zawtfiah a, naupang nu leh pa te pawh koh niin FIR thehluttute nen an sawiho hnuah heng naupang te hi kum tlinglo te an nih avanga thubuai kalpui zel lovin FIR thehluh hi tihtawp a ni.

Thenzawl-ah RD Block dah duh

Image
Serchhip District chhunga Thenzawl khua chuan Chief Minister Zoramthanga hnenah an khuaa Rural Development (RD) Block dah tura ngenna an thehlut.

Sialsir hnenah Award hlan

Image
National Water Award vawi 3-na chu nimin khan New Delhi-ah sem niin Best Panchayat Village (North East Zone) chu Serchhip District-a Sialsir khua hnenah hlan a ni.

GNM zirchhuak te thlah

School of Nursing, Thingdawl, Kolasib a zirlaite thutiam lakna hun tum hnihna leh General Nursing and Midwifery (GNM) 2nd Batch zirchhuakte thlahna hun chu nimin khan hman niin Tuirial bialtu MLA K. Laldawngliana chuan a hmanpui a. School of Nursing, Thing-dawl hi Mizoram sawrkar hnuaia GNM School pahnihna niin tun dinhmunah Principal 1, Tutor 5, Warden 1, LDC 2, Driver 2, Group-D 4 an awm a, zirlai 61 an awm mek bawk a ni. Nimin-a he hun hman ah hian zirlai zirchhuak mi 17 te thlah an ni a, Lalbiaksangi, Jt. Director Nursing (rtd.) chuan heng mite hi thutiam a lak tir a ni.

Mizoram in Award dawng

Mizoram chuan thlawhna-a inkalpawhna chung-changa Sawrkar Laipui Scheme ‘Regional Connectivity Scheme (RCS) Udaan’ hnuaiah hma a lak that avangin ‘The Most Proactive State under RCS Udaan’ Award a dawng a. He chawimawina hi Union Minister for Civil Aviation Jyotiraditya Scindia chuan Zirtawpni kaltaa Wings India 2022 Award function, Hotel Taj Krishna, Hyderabad-a neih ah hlanin Mizoram Sawrkar aiawhin Lalsangpuia, Deputy Controller, Aviation chuan a dawng a ni. He Award hi Sawrkar Laipui a Ministry of Civil Aviation, Airports Authority of India leh Federation of Indian Chambers of Commerce & Industries (FICCI) te tangkawp pek a ni.

Debate-a inelna neih a ni

Mizo Zirlai Pawl (MZP) leh Aizawl Municipal Corporation (AMC) tangkawp buatsaih Inter College Debate Competition 2022 chu nimin khan Aizawl-a Chanmari YMA Hall-ah neih a ni a, K. Vanlalneihpuia, Govt. Mizoram Law College chu pakhatna niin Beirapatha Khailo, Govt. Hrangbana College chu pahnihna leh Lalparmawii, Govt. J. Thankima College chu pathumna an ni.

LR&S Minister in hawng

Land Revenue & Settlement Minister Lal-ruatkima chuan huan, lo leh ram kaihhnawih document-te Information Technology (IT) hmanga dahthatna leh chhinchhiahna tur, Computerization of Registration, National Generic Documentation System chu Lunglei District-a hman theih turin nimin khan Convention Centre, Lunglei-ah a hawng a, Computerization of Registration hi Sawrkar Laipui hmalakna niin a Software hi Department of Land Resources, Ministry of Rural Development hmalaknain NIC, Pune design a ni a, ‘One Nation, One Software’ tura duan a ni. Cloud based Server-ah Document registration te chu uluk tak a vawnthat niin Mizoram chu India ramah he software hmang thei hmasa parukna kan ni a, NE states zingah pahnihna a ni bawk.

MADC-ah E-Roll tlangzarh

Mara Autonomous District Council (MA-DC) hnuaia MDC inthlanna neih tura hman tur Electoral Roll chu nimin khan Siaha District Election Officer leh District Bawrhsap Lalsangliana chuan a tlangzarh a, MADC hnuaiah hian MDC Constituency 25 awmin, Polling Station 81 a awm a, Electoral Roll thar-ah hian Vote nei thei mipa 20,366 leh hmeichhia 21,960, an vaiin mi 42,326 an awm a. Voter tamna ber Constituency chu 23/Siaha East-II niin,Voter 2808 an awm a, Voter tlemna ber Constituency chu 15/Amotlah niin voter 1049 an awm thung. Hetianga Electoral Roll thar tarchhuah a nih tak avang hian MADC-a MDC thlanna neih hun tur pawh hi puan thuai a nih rin a ni.

Tourism Minister in sawrkar mi pawimawh a kawm

Tourism Minister Robert Romawia Royte chu New Delhi-ah chamin nimin khan sawrkar laipui-a mi pawimawh Minister of State for Steel Faggan Singh Kulaste; DoNER Secretary Lok Ranjan; Union Finance Secretary T.V. Somanathan leh Niti Aayog hotute kawmin thil pawimawh hrang hrang a sawipui a, nimin tlai khan New Delhi chhuahsanin Mumbai pan leh tura ruahman a ni.

COVID-19 hri kai enkawl dam an pung zel

Niminpiah khan Mizoram-ah Sample 2078 enfiah leh niin heng atang hian COVID-19 hri kai mi 248 hmuh leh an ni a, Sample enfiah atanga za zela 11.93 ten hri kaiin nimin-ah hri kai enkawl dam 218 awm lehin Mizoram-ah hri kai enkawllai 944 an la awm a ni.

Vawk pul hri rem theihloh chhan mipui ten thu kan awih tawk thin loh vang - AH&Vety Minister

AH&Vety Minister Dr. K. Beichhua chuan, “Kan State a Vawk pul hri leng rem theih loh chhan chu mipui ten thu kan awih tawk thin loh vang a ni,” a ti.

SRDC Council thutkhawm neih a ni

Sialkal Range Development Council (SRDC) hnuaia Council thutkhawm chu nimin khan an Chairman L. Thangmawia MLA hovin neih a ni.

National Waterways No. 6 chungchang sawichhuak

Mizoram Rajya Sabha MP K. Vanlalvena chuan Parliament Session neih mekah Assam, Mizoram leh Manipur tlangmi, Barak lui kam a chengte ei leh bar zawnna tih hmasawnna tur chungchang ngaih pawimawh a tul thu a sawi.

CT Scan khawl chungchang ah mipui hriatthiamna ngen

Mizoram sawrkar-a Health Department chuan Civil Hospital, Aizawl-a CT Scan khawl hman theihloh chungchangah mipuite hriat-thiamna a ngen.

Mizoram-a School 817-ah Sanitary Napkin Vending Machine bun a ni dawn

Mizoram-a School 817-ah Sanitary Napkin Vending Machine bun a ni dawn.

Lunglei-a Hnam Run-ah MNF President tin thu a sawi

Mizoram chhimlam a zin MNF President Zoramthanga chuan nimin chhun khan Mizo Hnam Run, Lunglei-ah thu sawiin, Abu Majumdar leh Kamrula te pahnih in an sawrkar ah a hmawr te pawh an khawih phak lo tih a sawi.

Hri kai 98 lai hmuh belh leh

Serchhip District-ah COVID-19 hri kai an la pung zel a, nimin khan hri kai mi 98 zet hmuh belh leh an ni.

Mathematics Summer Day Camp hawnna nei

Human Resources Development (HRD) Board Vice Chairman L. Thangmawia, MLA chuan kar khat awh tur Mathematics Summer Day Camp chu nimin khan Pachhunga University College ah a hawng.

4C atana zirna In puan hlip

Community COVID Care Centre (4C) atana Serchhip District-a zirna In te puanna chu hlih a ni.

Kar hmasa ah mi 26 man

Kar kalta, March 20 atanga 26, 2022 chhung khan Serchhip District-ah The Mizoram (Containment & Prevention of the Spread of Covid 19) Act, 2020 bawhchhia mi 26 man an awm a, heng mite pawisa chawi tlingkhawm chu Rs. 2600/- a ni. Mizoram pumah kar kalta chhung khan he Dan bawhchhia hi mi 107 man an awm a, an pawisa chawi tlingkhawm chu Rs. 10,700/- niin dan bawhchhia te hi District 5-ah man an ni a, Aizawl District-ah man tam berin mi 46 man an ni a, Serchhip District-a 26 man an nih bakah Saitual District-ah 15, Khawzawl District-ah 11 leh Champhai District-ah mi 9 man an ni.

KTP General Conference atan ruahmanna siam

Mizoram-a Kohhran Thalai punkhawmna lian ber, KTP General Conference chu May 5 atang 8, 2022 chhung khian Kolasib-ah neih tum a ni a, COVID-19 laka himna atan ruahmanna siam a ni.

Tuialhthei hralh khuahkhirh

Central Trade Union ten March 28 leh 29 chhunga nawrh an tum avanga POL rawn thlen tlem avanga harsatna a thlen loh nan Mizoram a tuialhthei hralhchhuah theih dan bituk thar a ni a. Hei hi nimin zing atanga hman tan nghal tur kha niin tum khat zelah Two Wheelers tan litre 5, LMV tan litre 10, MMV tan litre 20 leh HMV tan litre 40 zel lak theih a ni anga, Buhfai/Essential Commodities phur Truck te chu an challan milin an kal lam leh haw lam daih pek an ni ang. MS dahkhawl litre 5000 leh HSD litre 7000 hnuailam ah Petrol Pump ten FCS&CA Department hriatpuina leh phalna lo chuan an hralhchhuah khap a ni bawk.

Aizawl DC in Sakawrdai tlawh

Aizawl District Bawrhsap Dr. Lalhriatzuali Ralte chuan nimin khan Sakawrdai khua a tlawh a, Sakawrdai CHC a tlawh hnuah VC House-ah khawtlang hruaitu leh tlawmngai pawl aiawh te nen inkawmna an nei a, an khawtlang mamawh thil chi hrang hrang an lo thlen a ni. He inkawmna ah hian Sakawrdai khawtlang aiawhte chuan hun rei tak SDO (Civil) chu a Post-ah awm lovin BDO Darlawn nen a hmui thu sawiin, mipui dawr theih tura a awm ngailoh thu an lo thlen a, an khua in African Swine Fever (ASF) hri leng avanga Vawk thi za chuang an neih tawh thu pawh lo thlenin, an khua ah Vety Dispensary dahsak turin an lo dil nghal bawk a ni. 

A man to-a tel zawrh man

Legal Metrology Enforcement Staff te chuan tunlaia Tel man to nia sawi chungchang ah nimin khan Aizawl-a Dawr thenkhat chu enfiahin dar 5 atangin 'Best Choice' packets 52 an man a, heng Tel te hi MRP-ah Rs. 154/- a nih laiin Rs. 160/- a zawrh a ni a, heng dawr neitute hian MRP aia to in an la nia an sawi avangin an lakna dawr nia sawi pawh insawifiah tura koh an ni ang.

SWD Minister in hawng

Social Welfare Minister Dr. K. Beichhua chuan nimin khan Lunglei Pukpui-ah Lunglei Observation Home & Lunglei Special Home leh Serkawn, Lunglei-ah One Stop Centre a hawng a, heng te hi sawrkar laipui Ministry of Women and Child Development kaltlanga ruahman an ni. Lunglei Observation Home & Lunglei Special Home hi cheng nuai 422.72 senga Lushai Engineers, Ramhlun, Aizawl te sak a ni a, naupang 50 (mipa 40 leh hmeichhia 10) lenna tura rua-hman niin One Stop Centre hi Baptist Church of Mizoram (BCM) ram-a sak a ni thung.

RD Block-ah lawmthu sawi

Kawrtethawveng Development Committee chuan Kawrtethawveng leh a chhehvel mipui ten RD Block Zawlnuam hnuaia an awm avanga harsatna an tawh thin te a kian theih nan leh Hachhek tlangdung chhimlam a bik taka ngaihven ngai an nihzia te hriaa MNF Sawrkar, Zoramthanga kaihhruai Council of Ministers rorelin Kawr-tethawveng Rural Development Block hawn a remti ta chu lawmawm an tih thu thuchhuah siamin an tarlang a. Kawrtethawveng RD Block hi a rang thei ang bera a function theih nan an theih ve chinah chuan Sawrkar kut tichak tura thawk ve turin an inpeih reng tih an sawi bawk.

Siaha DC in Certificate hlan

Siaha District Bawrhsap Lalsangliana chuan nimin khan a Pisa-ah District Green Champion Certificate chu Govt. Saiha College aiawh, an Principal Prof. Addul Hanna Barbhuiya hnenah a hlan a. District Green Champion hi Department of Higher Education of the Ministry of Education, GoI hnuaia Mahatma Gandhi National Council of Rural Education ten DC office kaltlanga kum 2021-2022 chhunga Swachhta Action Plan hnuaia heng- Sanitation, Hygiene,Waste Management, Water Management, Energy Management leh Greenery Management-a thawk tha te hnena a hlan a ni a, Certificate bakah Rs. 5000/- a keng tel a ni.

Mizoram-a hri kai enkawllai sang khat aiin tlem ta

Mizoram-ah COVID-19 hri kai enkawl dam pung ve zelin nimin tlai thleng khan hri kai enkawllai pawh mi sang khat aia tlem an ni ve ta.

Mualpho lovin kan la kal zel - Edn. Minister

School Education Minister Lalchhandama Ralte chuan, “Pathian leh kan ram tan titu kan nih avangin mualpho lovin kan la kal zel a ni,” a ti.

Corruption leh induhsakna uchuak do ngai ti

Aizawl North-II bialtu MLA Dr. Vanlalthlana chuan, “Corruption leh induhsakna uchuak hi a tak taka kan do a ngai,” a ti.

Chemical Fertilizer tel lova thlai thar tura hmalakna P&E Minister in fakawm a tih thu a sawi

P&E Minister R. Lalzirliana chuan Mission Foundation Movement (MFM) hmalakna hnuaia Chemical Fertilizer tello a thlai thar tura hmalakna chu fakawm a tih thu a sawi.

Pawl 10-12 Science leh Mathematics Mizo tawng a hriatfiah awlsam turin ruahmanna siam

School Education Minister Lalchhandama Ralte chuan Academic Session tharah pawl 10 atanga pawl 12-a Science leh Mathematics-ah Mizo tawng-a hriatfiah awlsam turin ruahmanna kalpui a nih thu a sawi.

I&PR Department kum 50 tlin lawmna Chief Minister hovin neih a ni

Information & Public Relations Department din kum 50-na, Golden Jubilee lawmna chu nimin khan I&PR Auditorium, Aizawl-ah neih a ni a, he hun hi Chief Minister Zoramthanga chuan hmanpuiin I&PR Department-a thawktu indaihlohna chu sawrkar sum dinhmun a ziaawm hunah sutkian a nih tur thu a sawi.

Serchhip Auditorium nasa taka suasam vangin STP ten Police-ah FIR an thehlut

Image
Serchhip Field Veng-a sak Serchhip Auditorium chu nimin khan Serchhip Thalai Pawl (STP) te chuan a hmunah tlawhin Auditorium leh a chhunga bungraw hrang hrangte chu mi tu tih hriat lohten nasa taka an suasam avangin, hemi kawnga mawhphurtute zawng chhuak turin nimin vek khan Serchhip Police Station-ah FIR an thehlut nghal.

Mamit in BDO nawr zui tum

Mamit Joint Village Council chuan Inrinni khan thutkhawm hmanhmawh neiin March 25, 2022-a Council of Ministers thukhawm in Rural Development Block thar pahnih din a remtih zingah Mamit District atanga Kawrte-thawveng RD Block hawn thar a ni tur chu lawmawm an tih thu an sawi a. Hun rei tak atangin RD Block hi Mamit-ah emaw, Mamit bulhnai ah a awm theih nana ngenna sawrkar hotute hnenah an lo thlen tawh thin thu sawiin, BDO Pisa hi Mamit-ah emaw, Mamit chhehvel ah dah a nih theih nan nasa lehzuala hmalak nise an ti bawk.

Aizawl-ah pawisa lem man

Mizoram Police Special Narcotics PS team leh BSF Sector Aizawl tangkawp chuan Inrinni khan Rs. 11,35,600/- hu pawisa lem chu Aizawl Dinthar Veng-ah an man a, heng pawisa te hi Lalmuankimi (48), Mualpui Salem Veng inti hnen atanga man niin Police te chuan an chhui zui mek a ni. Thudawn danin heng pawisa lem an man te hi Rs. 500/- note 1368; Rs. 200/- note 1507 leh Rs. 100/- note 1502, a vaiin Rs. 11,35,600/- hu niin hetiang dan phalloh thil dona kawnga thawhpui turin Mizoram Police te chuan mipuite an sawm bawk a ni.

I&PR kum 50-na lawm dawn

Mizoram sawrkar-a Information & Public Relations Department kum 50 tlinna, Golden Jubilee lawmna chu Vawiin hian Aizawl-a I&PR Auditorium-ah neih a ni dawn a, Chief Minister Zoramthanga chuan a hmanpui ang. He Prog-ramme hi I&PR Department youtube channel-ah live a en theih tura phochhuah a ni ang.

Hmeichhe Inkhawmpui nei

Presbyterian Serchhip Vengchung Pastor Bial Kohhran Hmeichhe Inkhawmpui chu nimin Pathianni hmang khan Serchhip Chhim Veng Kohhran Biak In-ah neih a ni a, thupui atan ‘Kris-tian Chhungkua’ tih hmangin Inrinni khan Palai ten rorelna hun an hmang a ni. Kumin a Presbyterian Kohhran Hmeichhia Bial Inkhawmpui hi hri leng avangin a hun pangngai ah neih theih a ni hlawm lova, Pathianni hmasa khan Serchhip Bial pawhin Serchhip Kawnpui Kohhran Biak In-ah Bial Kohhran Hmeichhe Inkhawmpui hi an lo nei tawh bawk a ni.   UPC North East India hnuaia hmeichhe pawl,  Ladies Auxiliary Department (LAD) Serchhip Pastor Bial Conference vawi 54-na pawh nimin Pathianni hmang khan New Serchhip Bazar Building-ah neih a ni a, he Conference hi College Veng Kohhran ten thlengin Speaker atan bialtu Pastor, Rev. B. Lalengzauva chu hman a ni.

Hri kai 214 la enkawl mek

Serchhip District-ah COVID-19 hri kai enkawllai mi 214 an la awm mek.

Ka ta a ni lo tih ngai khawpa sum ngah nih ka tum ve lo - Lalsawta

Image
Mizoram Pradesh Congress Committee (MPCC) President, Lalsawta chuan duhamna chu natna angin a damdawi a awm ve lo tih sawiin, “Ka ta a ni lo tih chul ngai khawpa sum ngah nih hi ka tum ve lo,” a ti.

Under-14 Football-ah Hmar Veng FC te an champion

Image
Serchhip District Football Association buatsaih Sub-Junior (Under-14) Football Tournament chu Inrinni khan khelh zawh niin Hmar Veng FC chuan Field Veng FC chu si khat faia hnehin an champion.

Meizu mi pakhat man

Serchhip District Anti-Tobacco Squad te chuan Inrinni zing khan Serchhip Bazar-a puipunna hmuna meizuk khapna dan bawhchhia an awm leh awmloh enfiahin Squad Drive an nei a, he hunah hian dan bawhchhia a mei zu mi pakhat manin pawisa chawitir a ni.

YMA in Sava bu chhehna tur remchang siam sak

Image
Serchhip Sub-Hqrs. YMA Science and Environment Committee hmalakna in Inrinni khan Sakhisih Sanctuary-ah Sava bu chhehna tur (Nest Box) siam hnatlang neih a ni.

Minister thusawi a dik ti

MNF Party chuan tunhnaiah Sports Minister Robert Romawia Royte chuan Reserve Bank of India (RBI) Official website atanga Mizoram State sawrkar Leiba neih dan lachhuak in MNF Sawrkar hnuah Covid hripui karah pawh GSDP (Gross State Domestic Product = State sum dehchhuah zawng zawng) atanga leiba percentage chu a tlahniam zel tih a sawi tih tarlangin, he a thusawi hi Congress Party chuan a diklo ti dawt si lovin mipui bum thei zawngin thuchhuah an siam ve leh niin an sawi a. Minister Robert Romawia Royte in sawrkar leibat dan a sawi chu a dik tih an sawi bawk.

MRB-a thawk te nuar dawn

All India Regional Rural Bank Employees` Association (AlRRBEA) chuan Vawiin leh naktuk ah hian rampumah an thilphut hrang hrang tih hlawh-tlin phut nan lungawilohna an lantir dawn a, he hun hi Mizoram Rural Bank-a thawktute pawhin an zawm dawn avangin MRB Branch te dawr theih an ni lovang. AlRRBEA thilphut zingah hian Govt. of India-in RRB-a share a neih Sponsor Bank kuta dah a tum duhlohna te, Casual Worker-te Minimum Eage anga hlawh pek phal sak phutna leh Compassionate Scheme a nihna ang taka hman leh Pension Scheme hlui anga hnathawktu tharte Pension pek pawh a tel a ni.

LADC thutkhawm nei tan

Tunkar Ningani thleng awh tur Lai Autonomous District Council (LADC) Budget Session chu Zirtawpni khan Lawngtlai-a LADC Session Hall-ah neih tan a ni a, thutkhawm tan ni hian MDC hlui boral te sunna hun hman niin zawhna leh chhanna hun hman nghal a ni a, Chief Executive Member V. Zirsanga chuan kum 2022-2023 atana sawrkar sum hman tur ruahman cheng nuai 20983.96 leh Supplementary Demand for Grant of LADC for 2021-2022 cheng nuai 1805.79 leh Schedule of demand for Grants of LADC for 2022-2023 te chu House-a sawiho turin a pharh a ni.

Siaha DC in khua tlawh

Siaha District Bawrhsap Lalsangliana chuan Siaha District khaw hrang hrang tlawhchhuah hna thawk zelin kar kalta khan Kahrie tlangdung chhehvel khua- Siatlai, Zyhno, Chheihlu, Mawhrei leh Chapi khua te a tlawh a, DC a nih anga District mipuite tha taka rawng bawl sak a tum thu sawiin, “Siaha District a ka rawn awm hian thu mai mai tura rawn awm ka ni lova, a taka hna thawk tura lo kal ka ni tih hi ka hrechiang em em a ni,” a ti. Siaha DC hian heng khaw hrang hranga khawtlang hruaitute leh tlawmngai pawl hruaitute kawmin an harsatna te a sawipui a ni.

Myanmar buaina ziaawm lo

Myanmar ramchhung buaina in ziaawm lam ala pan hlei thei lova, Inrinni zing dar 4:00 pelh hnu hret khan Myanmar Sipai leh Chin National Defence Force (CNDF) te chu Zokhawtharbul, Khawmawi, Tiau lei bulah an inkap a. Myanmar sipaite hian an in rinloh hlanin CNDF te hi an thawng thut a, CNDF mi 3 te manin hemi hnu lawk hian an kaphlum zui nia hriat a ni a, mi pakhat chu hliamin Champhai District Hospital-a enkawl tura lak a ni. Tun dinhmunah Khawmawi (Tio) khua ah civil mi an awm mumal tawh lova, he khua leh a bul vela awm te chu Mizoram lamah rawn raltlanin raltlan mi 7000 vel zet chu Zokhaw-thar-ah hian an lut tawh nia thudawn a ni bawk.

COVID-19 hri kai enkawllai 1156 la awm mek

Mizoram-ah ni tin-a COVID-19 hri kai hmuhchhuah tlem ve hret hret zelin enkawl dam pawh an tam ve zel a, nimin tlai thleng khan hri kai enkawllai mi 1156 an la awm a ni.

‘Kawtchhuah-2022’ kharna hun Minister in hmanpui

Labour, Employment, Skill Development & Entrepreneurship (LESDE) Department in ni 2 awh ‘Kawtchhuah-2022’ an buatsaih kharna hun Inrinni-a Govt. ITI Campus-a an buatsaih chu LESDE Minister Lalchhandama Ralte chuan a hmanpui.

MYC Incubation Centre tur lungphum phum

Lunglei Serkawn-a Mizoram Youth Commission Incubation Centre sakna tur lungphum chu Inrinni khan Lunglei North bialtu MLA leh MYC Chairman Dr. Vanlaltanpuia chuan a phum.

Bairabi-Sairang Rel kawng sial mek CS in a enfiah

Bairabi-Sairang Rel kawng sial mek ‘New BG Line from Bairabi to Sairang’ chhunga Sairang leh Khamrang inkara hna thawh mek te chu Inrinni khan Chief Secretary Dr. Renu Sharma chuan a hmunah kalin an hnathawh te a enfiah.

Thla thar April 1, 2022 atangin Mizoram-a Eng chhit man 6.78% in a pung dawn

Mizoram-a Eng (power) hman man bithliahtu Joint Electricity Regulatory Commission for Manipur & Mizoram chuan sawrkar kumthar April ni 1,2022 atanga hman tan turin Eng chhit man chu tuna hman lai mek atanga chhutin 6.78% in a tipung a. Eng chhit man tihpun anih avanga sawrkar sum hmuhbelh tur chu cheng vbc. 24.50 a ni.

MJA member te zinchhuak

MJA Golden Jubilee lawmna leh Annual Conference vawi 48-na chu tunkar Nilaini leh Ningani khan Aizawl-ah neih a ni a, he hunah hian MJA Serchhip District Member mi 15 zinga mi 14 te telin nizan hmasa khan Serchhip an rawn thleng leh a. Hei vang hian tunkar ah LENKAWL a rawn chhuak mumal lo a, chhiartute hriat-thiamna kan ngen e.

District Jail tlawhin enfiah

Integrated Child Protection Scheme (ICPS) hnuaia Serchhip District Jail Inspection Team te chuan tunkar Ningani khan Serchhip District Jail chu tlawhin nu leh pa an tan avanga Jail-a naupang awm leh awm loh leh an dinhmun te an enfiah a, tun tumah hian kum 18 hnuailam Jail chhunga tang an awm lo a ni. He huna Jail tlawhtute hi Jail Superintendent leh a thawhpui ten lo dawngsawngin, Jail inrelbawlna pawh a that thu leh Jail chhung leh a vel pawh fai taka vawn a nih thu te an sawi bawk a ni.

Hri kai 98.13 te an dam tawh

Serchhip District-a COVID-19 hri kai hmuh tawh zawng zawng chu mi 13,061 an tling tawh a, hri kai hmuh atanga zela 98.13 te chu enkawl dam an ni tawh thung.

Football Final khel dawn

SDFA buatsaih Under-14 Football Tournament khelh mek chu Vawiin hian Final khelh a ni dawn a, Field Veng FC leh Hmar Veng FC ten Final hi an khel dawn a ni.

Vawk lakluh khuahkhirh leh

Serchhip District chhungah rampawn atanga Vawk lakluh khapna thupek tihchhuah thar leh a ni.

Serchhip-a Myanmar raltlan awm te tan Capacity Building Programme buatsaih a ni

Myanmar ram buaina avanga Mizoram-a raltlan rawn lut Serchhip District chhunga awm mek te tan tunlai hian Capacity Building Programe buatsaih niin raltlan te tan hian Dan leh hrai an hriat tur pawimawh te, Foreginer’s Act, 1946 leh Integrated Child Protection Scheme (ICPS) tih thupuite hmangin an tana hriattur pawimawh hrang hrangte hrilh an ni.

Ruihhlo man san halral

High Level Drug Disposal Committee, Mizoram chuan Champhai Police in ruihhlo an man Rs.1,01,92,76,000/- hu chu nimin khan dan angin an halral a, heng te hi kum 2019-2021 chhunga man niin Pseudoephedrine kg. 238.90 leh Methamphetamine kg. 30.90 te a ni.

North East Fest hman tum

India zalenna kum 75-na lo thleng tur lawmna Azadi ka Amrit Mahotsav kal zelah Sawrkar Laipui chuan Hmarchhak State te Programme chi hrang hrang buatsaih tura hriattirin Mizoram chu Eco-Tourism leh Climate Change lam hawi programme buatsaih tura tih a ni a. Hemi chung-chang ngaihtuah hian nimin khan Planning and Programme Implementation Secretary Lalmalsawma Pachuau hovin Mizoram-a North East Fest hman dan chu sawrkar mi pawimawh ten sawiho in May 2 atanga May 4, 2022 chhung khian Reiek-ah hman nise tiin hun hman dan tur kimchang chu la sawiho leh tura tih a ni.

PM POSHAN thlirhona nei

Nimin khan Chief Secretary Renu Sharma hovin CS Conference Hall-ah State Level Coordination Committee chu thukhawmin PM POSHAN Annual Work Plan & Budget 2022-23 chu thlirhova pawm a ni. He Meeting-ah hian PM POSHAN hnuai Primary School 1408 leh Middle School 1087, a vaiin School 2495 te hnenah chawchhun pek a nih thu leh naupang 1,43,471 ten an chhawr tih report a ni a. School hrang hrangah Kitchen Garden 1066 a awm a, Covid-19 hripui len laiin school kal theih a ni lo naa, zirtirtuten chawchhun chu naupangte In ah kalchilhin an sem reng a, hripui len lai hian chaw-chhun sem zel a ni tih tarlan a ni bawk. PM POSHAN hi Mid Day meal tih thin kha a ni a, tun hnaiah a hming hi thlak a ni. Nimin-a meeting-ah hian kum 2022-23 atana Budget ruahman Primary School tan cheng nuai 1522.02, Middle School tan cheng nuai 1052.67, a vaiin cheng nuai 2574.69 te chu pawm a ni bawk.

Tualte khaw tuilakna tur Dy. CM in a hawng

NABARD (RIDF-XXV) sum cheng nuai 315.46 senga nizung chakna hmanga Tualte khaw tana tuilakna siam, Tualte Water Supply Scheme chu nimin khan PHE Department changtu Deputy Chief Minister Tawnluia chuan a hawng.

Hri kai hmuhchhuah 2,23,516 tling tawh

Mizoram-ah COVID-19 hri kai hmuhchhuah thar an tlem ve zel a, nimin thleng khan hri kai mi 2,23,516 hmuhchhuah an ni tawh.

MNF sawrkar chhungin leiba a pung nasa - MPCC

Mizoram Pradesh Congress Committee (MPCC) chuan MNF kum li awrh an sawrkar chhung hian leiba a pung nasa em em nia sawiin, kawngpui siam chungchangah kum 2018-a MNF sawrkar thar kha Congress sawrkar khan cheng nuai 8900 lai a hnutchhiah tih an sawi.

Mizoram-a Solar Cold Storage hmasa ber hawn a ni

Ni zung chakna hmanga thlai leh thei tharchhuah metric ton 10 thlenga vawnthat theihna tura ruahman Solar Cold Storage, Mizoram a hmasa ber tur chu niminpiah khan Deputy Chief Minister Tawnluia'n KVK Khawzawl-ah hman theih turin a hawng.

Hnathawk tha te chawimawi

Magic Bus Foundation chuan nimin khan School Headmaster, Zirtirtute leh Community Coordinator hnathawk thate lawmpuina hun an hmang a, he hun hi School Education Director James Lalrinchhana chuan a hmanpui a ni.

Sawrkar School-ah zirlai uniform inang neih rel

School Education Minister Lalchhandama Ralte hova Human Resources Development Board (HRD) thukhawm chuan Sawrkar Sikul te'n Uniform inang neih a nih theih nan sawrkar thuneitu sang zawkah thlen nise an ti.

Mizoram Liquor (Prohibition) Draft Rules, 2022 atana rawtna Council of Minister in an pawm

Chief Minister Zoramthanga hovin nimin khan CM Conference Hall-ah Council of Ministers thutkhawm neih a ni a, Department hrang hrang atanga ngaihtuah tur lut te ngaihtuahin Excise & Narcotics Department (END) atanga Mizoram Liquor (Prohibition) Draft Rules, 2022 rawtna thehluh chu pawm a ni.
Image
Ministry of Youth Affairs and Sports, Govt. of India hnuaia Nehru Yuva Kendra Sangathan, Serchhip District bultumin Vawiin khan Thenzawl Lothazawl Football Ground-ah Block Level Sports Meet (Football Tournament) chu neih tan a ni a, Thenzawl Forest Division-a DFO Lalbiakchama Chawngthu chuan a hawng a ni.
Image
Nimin March 22, 2022 khan ‘Groundwater-Making the invisible Visible’ tih hmangin ‘World Water Day hman a ni a, Serchhip-ah chuan zingkar-ah he ni puala Rally neiin Serchhip Bazar-ah hun hman a ni.

Hri kai 69 hmuh belh leh

Nimin khan Serchhip District-ah COVID-19 hri kai mi 69 hmuh belh leh an ni a, Thenzawl ah hri kai 24 hmuh niin Serchhip-ah 9, North Vanlaiphai-ah 7, Mualcheng-ah 6, East Lungdar leh Lungpho-ah 4 ve ve, Keitum, Hualtu leh Khawlailung-ah mi 3 theuh, Chhingchhip-ah 2 leh Hmunzawl, Khawbel, Chekawn leh Sialhau-ah mi pakhat theuh hmuh an ni bawk.

KEIMAHNI

Mizoram Journalist Association (MJA) kum 50 tlin lawmna leh MJA General Conference chu naktuk leh naktip ah hian Aizawl-ah neih a ni dawn a, he hunah hian MJA (SD) member te an kal dawn avangin MJA Member te enkawl Chanchinbu leh Cable TV News te March ni 23-25, 2022 chhung hian chawlh turin MJA (SD) in a rel a, hemi ang hian LENKAWL pawh rawn tihchhuah a ni dawn lova, chhiartute hriat-thiamna kan ngen e.

Party in thawktu lak sawisel

ZPM Thalaite chuan nimin khan Aizawl Press Club-ah thuthar thehdarhtute kawmin MNF Unit leh Group-in sawrkar hna an la chu MNF sawrkarna hnuaiah dan rorelna in awmzia a neih lohzia lantirtu a ni tih an sawi a, SEDP hnuaia Zirtirtu post 2 leh LDC post 1 lakna turah East Lungdar Group MNF Secretary chuan WhatsApp advertisement chhuahin, he hna thawktu tur hi tun thla ni 18 zan khan East Lungdar Group MNF leh Unit hruaitute chuan an thlang tih an sawi bawk.

AMRUT 2.0 kalpui dan tur sawihona neih a ni

Nimin khan Deputy Chief Minister Tawnluia hovin AMRUT 2.0 kalpui dan tur sawihona chu Aizawl-a SAD Conference Hall-ah neih a ni.

PYD ten thisen Unit 36 pe

Image
UPC (NEI) hnuaia Pentecostal Youth Department (PYD) Serchhip Bial te chuan nimin a PYD dinchampha vawi 53-na pualin Serchhip District Hospital Blood Bank-ah thisen Unit 36 an pe a, thisen petute hi mipa 24 leh hmeichhia 12 an ni. PYD hi kum 1969 khan din a ni a, nimin an an dinchampha pual hian nizan khan PYD Branch hrang hrangte chuan an remchan dan angin hun an hmang bawk a ni. Serchhip Bial-ah hian UPC (NEI) hian Tualchhung Kohhran 7 neiin heng ah hian PYD Branch 6 a ding a, tunah hian member mi 480 vel an awm mek a ni.

U-14 Football khelh tan a ni

Serchhip District Football Association buat-saih Under-14 Football Tournament chu nimin khan Serchhip Sports Complex-ah khelh tan a ni a, he Tournament-a hi Excise & Narcotics Department-a Asst. Commissioner, B. Ngur-chhuana chuan hawngin he huna rawlthar infiammi kalkhawm te chu ruihhlo leh Zu laka fihlim turin a chah a, vawi khat tih chhin in ngawlveina a thlen theih thu sawiin, tichhin lo turin kalkhawm te chu a chah bawk a ni. Under-14 Football Tournament-ah hian Team 11 an tel a, tun thla ni 26-ah Final khelin zawhfel a ni ang.

Restricted Area puanna hlip

COVID-19 hri leng avanga Serchhip P&E Veng, Serchhip Bukpui, Khawlailung, Bungtlang a hmun thenkhat leh North Vanlaiphai te Restricted Area-a puanna chu Chief Medical Officer in rawtna a siam angin nimin tlai dar 5:00 khan hlih niin tunah hian Serchhip District-ah Restricted Area hi a awm tawhlo nia thudawn a ni.

Thenzawl-ah Ganja kg. 14 man

Nizan hmasa khan Thenzawl-ah Ganja kg. 14 zet man niin a neitu nia hriat te hi thubuai siam sak an nih hnuah nimin khan Serchhip District Court-ah hruai an ni. Thudawn danin nizan hmasa khan Thenzawl Joint YMA hnuaia ‘Ruih-hlo Do Squad’ te chuan Thenzawl Vengthlang ah Ganja kg. 14 zet hi manin a neitu nia hriat Lalhmangaihi (43), Thenzawl Vengthlang pawh man nghal a ni a, heng Ganja leh a neitu nia hriat te hi Serchhip-a Excise & Narcotics Department kutah hlan an ni a, nimin vek khan Serchhip District Court-ah hruai nghal an ni.

Vaccine pek tan leh a ni

Image
COVID-19 Vaccine pek hna kalpui mek ah nimin khan Serchhip District-a kum 12 leh 14 inkar te hnenah Vaccine pek tan an ni.

Serchhip-ah Mathematics Summer Camp nei

Serchhip khawchhunga pawl 10 zirlaite tana buatsaih kar khat chhung awh tur ‘Mathematics Summer Camp’ chu nimin khan Govt. Serchhip College-ah neih tan a ni.

Serchhip tlangval khelhna Hyderabad FC te ISL-ah an champion

Indian Super League (ISL) Final chu Pathianni zan khan khelh niin Hyderabad FC chuan Kerala Blasters hnehin an champion a, Hyderabad FC-ah hian Serchhip tlangval Mark Zothanpuia chu a khel a ni.

MPCC in 'Chhim Hrut Fehchhuah' an nei tan

Kan ramin a mamawh ber chu Sawrkar tha a ni - Lalsawta Mizoram Pradesh Congress Committee (MPCC) President Lalsawta chuan kan ramin a mamawh ber chu ‘Sawrkar Tha’ a ni tih sawiin, “Pathian leh mipui zara sawrkarna kan siam a nih a, kum 5 chhung mahni inhrek ngama sawrkar kan kalpui ngat chuan kan ram leh mipui pawh hi kan danglam ngei ngei ang tih hi kan ring tlat,” a ti.

Hri kai enkawl dam zaa 99 aiin an tam tawh

Pathianni khan Mizoram-ah COVID-19 hri kai mi 123 hmuh leh an ni a, hei hi Sample enfiah 662 atanga chhutin za zela 18.58 ten hri kai ang a ni a, hri kai zinga zaa 99 enkawl dam an ni tawh.

ZPM chhung Inkhawm nei

ZPM Party chuan nimin khan Aizawl-a an Party Office-ah Chhung Inkhawm neiin he huna thu sawitu AMC Opposition Leader Mal-sawmzuala chuan ni 2 awh AMC Board of Councillors Meeting an neih zawh takah zawhna lut 12 zinga 10 chu ZPM atanga lut a nih thu leh Motion lut zawng zawng 8 pawh ZPM atanga thlantlin Councillor te putluh vek a ni tih a sawi a. Kumin a AMC Budget cheng nuai 6500.69 a nih thu leh BOC Meeting chu Live Telecast ni ve tawh se an duh thu a sawi bawk.

Leiba a pung lo niin sawi

MNF Party chuan nimin khan Aizawl-a Mizo Hnam Run-ah Chhung Inkhawm an nei a, he hunah hian MNF Adviser leh Minister Robert Romawia Royte chuan thu sawiin, “MNF sawrkar hnuaiah Leiba a pung lo tih hi Mizoram mipuiin hria se ka duh,” tiin, “Kan leiba neih hi Gross State Domestic Product % atanga chhutin Congress sawrkar lai aiin MNF sawrkarah a tlahniam hle tawh zawk a ni,” a ti a. SEDP-ah chhungkaw 60,000 tuam a nih dawn thu leh Constituency tinah chhungkaw 1,500 thlan hmasak an ni dawn tih a sawi bawk.

Sangha keu tirna tur hawng

Krishi Vigyan Kendra (KVK) Lengpui in an buatsaih Sangha tui tirna tur, Chinese Carp Hatchery chu nimin khan Lengpui-ah Agriculture Minister C. Lalrinsanga chuan a hawng a, helai hmunah hian Indian Major Carp leh Exotic Major Carb te keu tir tum a ni dawn a, vawikhat ah nuai 20 vel a keutir theih a ni ang.

Pawisa thir-a buaina sawiho

Nimin khan Lawngtlai-ah Lawngtlai District Consultative Committee (DCC), District Level Review Committee (DLRC) leh District Level Security Committee (DLSC) chu an Chairman leh District Bawrhsap Marilyn Rualzakhumthangi hovin DC Conference Hall-ah an thukhawm a, he hunah hian pawisa thîr hman a harsat chung-châng leh dâwrkaite'n an dawn duhloh thin thu te tarlan niin, Pawisa thîr chu sawrkarin hman theih tûra a siamchhuah a nih avângin dawn leh hman a hlauhawm loh thu leh dawng duhlo chu dân anga hrem theih an nih zâwk thu târlan a ni a, Pawisa hi lehkha aia thîr-a siam a hautak loh zâwk avângin thîr herchhuah a tam deuh deuh thu leh pawisa thîr chu pawisa lêng vêl atâna ruahman a nih thu te tarlan a ni bawk.

ICU Khum 50 sawrkar an hlan

State Bank of India chuan Corporate Social Responsibility atanga ICU khum 50 an lei chu nimin khan Mizoram sawrkar hnenah an hlan a, heng khum hlanna puala inkhawm Chief Secretary Dr. Renu Sharma Pisa-a neih ah Chief Secretary chuan SBI chungah lawmthu sawiin, Sawrkar in hripui dona kawnga hma a laknaah Public Sector leh Private Sector te nen tang tlanga kan theihna ang anga hripui kan do tlang hi a lawmawm takzet a, mihring mihrinnaa in hma-ngaihna kan lantir hi a ropuiin nun ho a nawm phah hle a ni, a ti. Heng ICU khum te hi United Company siam niin pakhat hi Rs. 72,379/- man a ni. SBI General Manager Lunkim Thangboi chuan COVID-19 hri leng dona atana hma an lo lak tawhna te a sawi bawk.

Kum 2021-ah Cyber Crime thubuai 470 vel ziahluh niin pawisa lam kaihhnawih 70% vel a awm

Kum kalta (2021) khan Mizoram-ah Cyber Crime kaihhnawih thubuai 470 vel ziahluh awmin chung zinga 70% vel chu pawisa lam kaihhnawih a ni.

In kang-ah mi 1 boral

Nimin tlai dar 4:30 vel khan Aizawl Bawng-kawn Veng-a Non-Mizo Christian Center bula Assam Type pakhat chu kangin Lalnuntluangi (35) chu a kanghlum. Thudawn danin he In hi Nazami In niin a chhawng chung zawk chu In neitu hian luahin a hnuai hi a fa, Lalnuntluangi te chhungkua, member 3 in an luah a, In kan lai hian insaseng mah se a hnuah Inchhung lam ngaihvena kal lehin hetah hian a kanghlum ta nia thudawn a ni.

Workshop-a puak chhui zel

Zirtawpni kalta zing-a Durtlang Mual Veng-a Electric Detonator puak chu Telangana State siam, Aizawl-a Agent-te hnen atanga rukchhuah niin Police-te’n an ring. Electric Detonator phurhna Motor hi Aizawl leh Manipur-a Moreh khaw inkara tlan thin a nih bakah Aizawl leh Tripura inkarah a tlan bawk thin niin Police te’n an sawi a, Electric detonator hi Aizawl-a Agent-te hnen atanga ruk chhuah a ni em tih pawh chhui zui mek a ni. Hetiang Electric Detonator, Mizovin bomb kép an tih, Pentaerythritol Tetranitrate (PETN) an tih mai hi a tuamna lehkha atanga a lan dan chuan Telangana State a siam niin a lan thu Police-te chuan an sawi a ni.

Hna thawk zo lovin sum pekchhuah niin sawi

Tunhnaia Comptroller and Auditor General of India (CAG) Audit Report chuan Mizoram States Sports Council (MSSC)-in cheng nuai 80 chuang senga infiamna hmun 3 a siamah hna thawk zo lo chungin pawisa a pechhuak tih a sawi.

Hri kai enkawllai 231 awm

Serchhip District-ah COVID-19 hri kai enkawllai mi 231 an la awm mek.

SAY in thisen Unit 11 pe

Salvation Army Thalai pawl, Salvation Army Youth (SAY) Serchhip Corps te chuan Inrinni khan Serchhip Blood Bank-a dah turin thisen Unit 11 an pe a, thisen petute hi mipa 9 leh hmeichhia 2 niin heng mi tlawmngai te hi Blood Bank ah kalin thisen hi an pe a ni.

STP hruaitu tur thlang

Serchhip Thalai Pawl (STP) chuan Inrinni khan kum 2022-2023 chhunga an hruaitu tur thlanna an nei a, President-ah T. Biakchamliana (AOC Veng); Vice President-ah R. Lalfamkima (Chhiahtlang); Secretary-ah Hmingthansiama (Bazar Veng); Asst. Secretary-ah C. Lalrochhuanga (New Serchhip), Treasurer-ah Lal-lawmawmi (New Serchhip) leh Fin, Secretary-ah Beulen VL. Awmpuii (New Serchhip) te thlan an ni.

Under-14 Football khel dawn

Serchhip District Football Association (SDFA) buatsaih kum 14 hnuailam te tana Football a inelna chu Vawiin hian Serchhip Sports Complex-ah khelh tan a ni dawn.

Kum 12-14 vaccine pe dawn

Ramchhunga COVID-19 Vaccine pek hna kalpui mekah kum 12-14 te Vaccine pek tan an nih angin Serchhip-ah pawh Vawiin atang hian Vaccine pek hi kalpui tan a ni leh dawn. LENKAWL thudawn danin Serchhip District-ah hian kum 12 leh 14 inkar mi 2623 te hnenah COVID-19 vaccine hi pek tura ruahman a ni a, Serchhip District-ah chuan a hmasa berah Vawiin hian Serchhip-a Main Centre-ah Vaccine hi pek tura ruahman a ni a, hemi atan hian Inrinni khan Vaccine, Corbevax pawh Serchhip rawn thlenpui ni tawhin a la tur ten Aadhaar Card ken tur a ni ang.

Mizoram-ah hri kai enkawllai an tlem chho zel

Mizoram-ah hri kai hmuhchhuah an tlem ve zel a, hri kai enkawl dam an awm belh ve reng bawk avangin hri kai enkawllai pawh an tlem ve zel

Ramri hnaih a kawng lai tlawh

Mizoram leh Assam inrina hnaih a kawng laih te chu Inrinni khan Kolasib DC Dr. H. Lalthlangliana hovin Sub-Hqrs. YMA Kolasib leh MJA member ten an tlawh a, he hunah hian Kolasib DC chuan ramri hrula kawng sial hrang hrangte chu Mizoram mipuite thawhrah a nih thu sawiin, “Ram lak tur laklawh hi ala tam em em a, chumi nei tura bul kan tan tawh hi a tawp in thlen a ngai,” a ti bawk.

Dose 14,98,882 pe tawh

Mizoram-ah Inrinni thleng khan COVID-19 Vaccine Dose 14,98,882 pekchhuah a ni tawh a, mi 8,10,940 ten Vaccine Dose 1-na la tawhin an zinga 6,62,629 te chuan Dose 2-na an la tawh bawk a, hei bakah hian mi 25,313 ten Dose 3-na, Precautionary Dose an la tawh bawk a, Inrinni bikah kha Dose 26 pekchhuah niin a tam ber chu Dose 2-na la an ni a, Vawiin hian kum 12-14 te a nawlpuiin Vaccine pek leh an ni ang.

Siaha DC in District fang

Siaha District Bawrhsap Lalsangliana chuan kar kalta khan an District chhunga khawchhak tlangdung- Noaotlah, Lobo,Chhaolo,Siata leh Chakhei khua te chu chu a tlawh a, DC a nih anga District mipuite tha taka rawng bawl sak chu a tum a ni tih a sawi a. Chumi ti theih tura thil pawimawh hmasa ber chu an khua ah ngei tlawhh a ni tih sawiin, “Lo inhmelhriattir che u leh in dinhmun te lo hriatchian hi a ni a.Chumi atan chuan vawiin ah hian in khua hi ka rawn tlawh che u a ni,” tiin Myanmar atanga raltlan rawn lut te pawh a tlawh a, raltlan te hnena sem tur blanket leh an mamawh hrang hrangte khaw-tlang hruaitute hnenah  a hlan nghal bawk.

Plastic Road zirhona nei

Mizoram-a Plastic Road hmasa ber Approach Road to Tourist Resort at Reiek chu Zirtawpni khan Aizawl Municipal Corporation (AMC) Councillor ten a hmunah riah chilhin an zirho a.  Approach Road to Tourist Resort at Reiek hi Chite Lui atanga Save Chite Lui Coordination Committee leh Mizoram PWD tangkawpin kum 2020-a polythene hnawmhnawk chharkhawm hmanga an siam a ni a. Kawng siamtute hi PWD Aizawl Road South Division niin kawng siamna atan hian plastic her nawi chu Rora leh Alkatra chhuan sat-ah pawlh a ni a, Alkatra kg 100 zelah plastic kg 8 zel hman a ni.

SEDP Board senso vbc. 2.62

Mizoram sawrkar, Finance Department in SEDP hnuaia Board hrang hrang 14 te kum khat chhunga inenkawlna senso chu Rs. 2,62,55,520 a ni zawk tih a sawi. Assembly Starred question No. 204-ah SEDP hnuaia Board hrang hrang ten kum khat chhunga sum an hman zat Rs. 2,97,38,170 nia tarlan chu tihdikna (correction) siamin Rs. 2,62,55,520 a ni zawk tih an sawi a. SEDP Board zingah School Education Department hnuaia Human Resource Development Board (HRD) sum hman pawh Rs. 68,16,650 ni lovin Rs. nuai 33.34 a ni zawk tih an tarlang bawk.

Non-NFSA a APL ration buhfai man tihsan tum

Mizoram sawrkar chuan buhfai-a sawrkar sum hloh nasa lutuk tihzia awmna turin Non-NFSA (National Food Security Act) hnuaia Ration Card (Card var) hmangtu ten buhfai an khulna man chu tihsan tumin ruahmanna a nei mek a, tihsanna tur zat erawh bithliah fel a la ni rih lo.

Sports Minister in hnathawh mek leh ramri a tlawh

Sports Minister Robert Romawia Royte chuan Ningani leh Zirtawpni khan Mamit District hmun hrang hranga SYS Department hnathawh te enin Assam ramri-a Mizoram Police Camp 2 a tlawh bawk.

Kut themthiamna hi a hlu - MJA President

MJA General Hqrs. President Zonunsanga Khiangte chuan Kutthemthiamna hmanga hnathawh chu eizawnna tha tak a ni tih a sawi.

Serhmun khua ah chhungkaw 27 vel la inbengbel

Mizoram sawrkarin Dampa Tiger Reserve zauhna tur atana a rin luh Serhmun khua ah tun thlengin chhungkaw 27 bawr vel inbengbel (In leh lo la nei) an la awm a, zangnadawmna chungchangah an lungawilohna High Court-ah thlenin thubuai a awm mek.

Sawrkar hnathawkte chu mipui rawngbawlna rilru pu chunga hna thawk thin turin chah

Mizoram Chief Secretary Renu Sharma chuan zan khat riaka Khawzawl District chu tlawhin sawrkar hnathawkte chu mipui rawngbawlna (public service) rilru pu chunga hna thawk thin turin a fuih.

Mizoram-ah Heroin No. 4 hluar zelin thingtlang lamah pawh ti thar an tam zel niin a lang

Excise & Narcotics Department thawktute chuan tunlai hian Mizoram hmun hrang hrangah Heroin (No. 4) a hluar hle tih sawiin, Heroin man pawh ni dang ai chuan a tlawmin a man hi a tlahniam hle nia thudawn niin hmun hrang hrangah Heroin man pawh a awm deuh reng bawk a ni.

TB Free District Survey zo

TB natna umbona kawnga hmalakna pakhat, Serchhip District chhunga Sub-National Certificate for TB Free District (SNC) chu zawhfel niin Serchhip District-ah TB vei hmuhchhuah an awmlo.

Kaihhruaina hman ve tur siam

Mizoram sawrkar in COVID-19 hri leng mek avanga inkaihhruaina hman mekah School hawn chungchang leh Sakhaw biak Inkhawm chungchanga kaihhruaina a siam chu Serchhip District-ah pawh hman ve turin thuchhuah siam a ni a. Tarlan tawh angin he kaihhruaina siam thar ang hian April 5, 2022 atangin School leh Hostel te hawn phal niin Zirna In sang zawkah te chuan Final Semester zirlaite tan Class leh Hostel hawn phal a ni dawn bawk a, Semester dang, July thla a tan turte tan Offline-a Class neih phal a ni bawk. Sakhaw biak inkhawm chu chhun leh zan-ah neih phal a ni tawh bawk a ni.

Hri kai leh dam thar awm lo

Nimin khan Serchhip District-ah COVID-19 hri kai hmuhchhuah thar leh enkawl dam an awm belh lova, hei vang hian Serchhip District-a hri kai hmuhchhuah tawh chu 12,798 niin an zinga 12,518 te chu enkawl dam an ni tawh a. Hri kai enkawllai mi 249 la awmin hri kai zingah mi 31 an boral tawh bawk a ni.

Kuhva ro dahna Kudam kang

Nizan hmasa zanlai pelh hnu lawk khan Cham-phai Tlangsam panna Helipad thlang Kuhva ro dahkhawmna Kudam, A-Kawli Kudam tia hriat thin chu a kangral vek a, Kudam neitu Lalchhan-dama, Champhai Kahrawt Veng chuan Cham-phai Police Station-ah nimin khan FIR thehlutin heta tarlan a nih danin he kangmei avang hian Kuhva ro bag 7135 leh Truck lian Ashok Leyland te chu a kangral vek a, Kudam kianga truck lo ding pakhat body pawh a kang chhe nual bawk a, he kangmei vanga an thil kangral hi cheng nuai 1637.24 hu vel nia nia hriat a ni. Kangmei chhuah chhan tak hi hriat a ni lova, nimin zing thleng khan kangmei thelh hna hi thawh a ni.

Siaha-a Farmers ten Ser-chhip District an tlawh

Image
Agricultural Technology Management Agency (ATMA) Siaha District te bultumin tunkar Ningani khan Siaha District-a kuthnathawktu thlanchhuah te chuan Exposure Visit leh Training neiin Serchhip District an tlawh.

MHIP Sub-Hqrs. Rorelna leh hruaitu thlanna nei

Image
Mizo Hmeichhe Insuihkhawm Pawl (MHIP) Sub-Hqrs. Serchhip chuan nimin khan New Serchhip YMA Hall-ah Rorelna leh Hruatu thar thlanna an nei.

Tuirihiau leh Vantawng Khawhthla inkara Lawngleng service tur MLA in a hawng

Image
Khualzin te tlawh nasat Tuirihiau leh Vantawng Khawhthla inkar Vanva lui-a khualzin te chuan theihna tur Lawngleng Service chu nimin khan Serchhip bialtu MLA Lalduhoma chuan a hawng a, hemi atan hian bialtu MLA hian Lawngleng Engine hmang pahnih (2) chu Buangpui Branch YMA te hnenah a pe a ni.

Thu dik lo sawi ah puh

Congress Thalai, MPYCC chuan Mizoram Legislative Assembly Session neih zawh takah khan ZPM MLA leh an Group Leader ni bawk Lalduhoma’n 'Sem Policy' a sawisel dan a zawng nasa hle tih thuchhuah siama tarlangin, thu dik tawklo sawi ah Lalduhoma chu an puh bakah a thusawi ah ngaihdam dil tura an phut thu an sawi bawk.

Lehkhabu thar tlangzarh

Masi-a Chhakchhuak-in hla chi hrang hrang 102 zet a dahkhawmna ‘Rose Par Eng’ tih leh-khabu chu nimin khan Human Resource Development Board Vice Chairman L. Thangmawia MLA chuan a tlangzarh a, thu leh hla hmanga tawng tihhmasawn zel a tul thu leh chumi tur chuan Mizoram sawrkar-in Mizo Language Development Board (MLB) din tura hma a lak mek thu a sawi a. MLB chu Mizo hnam inpumkhatna tur hmanrua leh Mizo tawng tihhmasawnna tur pawimawh tak a nih a beisei thu a sawi bawk.

Tourism Minister in hmanpui

Zawlnuam Bawrai Veng Branch YMA Platinum Jubilee lawmna nimin a neih chu Tourism Minister Robert Romawia Royte chuan hman-puiin YMA chu ramri-in a daidan ve loh khawvel Zofate zawmkhawmtu pawl hlu leh pawimawh a ni tih a sawi a, tanpui ngaite tanpui a; riangvaite hnem a, mangangte thlamuantu a ni tih pawh sawiin, a pawimawhna a zual zel ang, a ti bawk. Tourism Minister hian PMJVK Scheme hnuaia cheng nuai 140 senga Zawlnuam Tourist Lodge Complex chhunga Community Service Centre sak tan mek leh Govt. Zawlnuam College-a ICT Department leh NIELIT tangkawpa din tur IT Skill Development and Training Centre lung a phum nghal bawk.

Chief Minister in enfiah

Chief Minister Zoramthanga chuan nimin zing khan Hlimen-a Transport Department hmun (Central Workshop) chu a hmunah tlawhin hmasawnna ruhrel din theih dan tur a enfiah a. Helai hmun hi tangkai zawka hman a nih theih nan Transport Department leh Public Works Department (PWD) hotu thenkhat te nen enfiah niin ruahmanna lo siam chhin tawhte thlirhoin, Public Transport hrang hrang park-na hmunpui atan mai bakah tangkai leh daihzai taka hman a nih theih dan tur sawiho a ni. He hunah hian bialtu MLA Prof. F. Lalnunmawia chuan Chief Minister hi tawi-awmin khawtlang hruaitute an tel bawk a ni.

Hri kai hmuhchhuah zat tlahniam zel

Mizoram-ah COVID-19 hri kai hmuhchhuah thar an tlahniam ve zel a, niminpiah khan Sample enfiah 1686 awmin heng atang hian hri kai mi 228 hmuhchhuah an ni a, Sample enfiah atanga za zela 13.52 te chuan hri an kai a ni.

Mizoram-ah Mobile connection nei 12,61,279 awm

Mizoram-ah Mobile Phone connection nei mi 12,61,279 an awm mek a, Service Provider hrang hrang zingah Airtel chu subscriber ngah ber an ni.

Lengpui Airport hnathawh endik hma chuan chawlhsan rih turin BJP in an phut

BJP Mizoram Pradesh Central Schemes Monitoring & Vigilance Cell chuan Lengpui Airport-a hnathawh te chu tun dinhmun leh nakin hun atan mipui tana him tawklo ah an ngai tih sawiin, endik a nih hma chuan chawlhsan rih tura an phut thu an sawi.

Durtlang Workshop pakhat-a thil puak-ah mi 3 in nunna chanin pakhat in hliam a tuar

Nimin zing dar 8:45 vel khan Durtlang-a Workshop pakhat-ah eng nge tih hriatchian loh thil puak nasa tak awmin mi pathum in an thih phah bakah a bulhnai In thenkhat bungrua engemaw zat a chhe bawk a. He thil puak hi mithiam ten an chhui zui hnuah Electronic Detonator ni ngeia ngaih a ni tih Police hotuten an sawi.

Thenzawl DFO huamchhunga ramsa vanga vanduaina tawk te ex-gratia Compensation hlan an ni

Image
Thenzawl Forest Division huamchhunga ramsa avanga vanduaina tawk te hnenah nimin khan Ex-Gratia Compensation hlanna neih a ni a, Thenzawl DFO chuan Lo leh huan hal hun liam tawh mahse ramkang ala hlauhawm dawn chauh tih sawiin, mipuite chu fimkhur zui zel turin a chah bawk.

Hri kai enkawllai 249 awm

Serchhip District-ah COVID-19 hri kai enkawllai mi 249 an awm mek.

Ramhmul damdawi zirhona nei

Mizoram State Medicinal Plant Board (SM-PB) leh Ramlai Society for Traditional Medicine (RASTRAM) tangkawp buatsaihin nimin khan Serchhip Press Club-ah ramhmul damdawi hrang hrang leh a tangkaina te inzirtirna neih a ni.

Vawiin Pisa chawlh

Vawiin hi Hindu te Kut pawimawh, Holi niin sawrkar Pisa chawlh a ni a, zirna In leh sawrkar Pisa hrang hrangte khar a ni ang.

Meizu mi 3 man an ni

Serchhip District Anti-Tobacco Squad te chuan nimin khan Serchhip-a sawrkar Pisa thenkhat te tlawhin COTPA hnuaia meizuk khapna hmuna mei zu an awm leh awmloh an enfiah a, he hunah hian meizuk phallohna hmuna mei zu mi pathum (3) man niin Dan in a phut angin heng mite hi pawisa chawitir an ni.

BBBP inhrilhhriatna hun nei

Nimin khan Serchhip-ah Self Help Group (SHG) member te tan Beti Bachao Beti Padhao (BBBP) inhrilhhriatna (Sensitization Training) neih a ni.

TB umbo tura beihpuithlakna ‘Aashwasan Campaign’ Serchhip District-ah kalpui a ni dawn

Image
India rama TB natna umbo beihpui thlakna atana hmalakna ‘Aashwasan Campaign’ chu Serchhip District-a kalpui turin nimin khan Serchhip-ah a hawnna neih a ni a, he hmalakna hnuaiah hian ni 100 chhungin ngawrh taka hmalak a ni dawn a ni.

LC 2-ah by-election nei dawn

AMC huamchhunga Local Council 2- Tui-khuahtlang leh Chhinga Veng Local Council member pakhat ve ve an boral avangin thla thar April 7 khian heng ah te hian by-election nei a ni dawn a, he inthlanna neih tur atan hian inbuatsaihna ngawrh taka kalpui mek a ni.

Dy. CM in hmanpui

Mission Foundation Movement hnuaia MFM School of Nursing (ANM) chuan Capping and Lamp Lighting Ceremony vawi 13-na chu nimin khan Durtlang-a anmahni hmun-ah an nei a, Deputy Chief Minister Tawnluia chuan hmanpuiin ANM zirchhuak thar mi 20 te chu lukhum khum tir an ni. MFM School of Nursing (ANM) hi kum 2009 din niin mi 254 an zirchhuak tawh a ni.

FLAM inhmuhkhawmna nei

Former Legislators’ Association of Mizo-ram (FLAM) chuan nimin khan Assembly Conference Hall, Assembly House Annexe-ah General Body Meeting an nei a, he hunah hian an Member boral mi 15 te sunna hun hmangin Report hrang hrang ngaihthlak a nih bakah Tuihna humhalh chungchang an zirho bawk. Former Legislators’ Association of Mizoram (FLAM) hi October 1994 khan MLA hlui 29 kalkhawm in an din a, mipui thlan MDC, MLA, MP lo ni tawhte intelkhawmna pawl niin National Ex-MLA Council-ah member a ni a. Tunah hian member 140 an awm mek a ni.

Tuikhuah humhalh dan tur rel

Nimin khan P&E Minister R. Lalzirliana hovin a Pisa-ah Serlui ‘B’ Small Hydel Project-a tui luang lut tlem zel bakah Sangha leh nungcha dang te humhalhna kawngah leh a lui kam vela ramngaw tih chereu zel a nih avanga leilung luangral tui-khuah chhunga lut avanga reilote a tui tling awm thei mang lo tur hial a nih dawn avangin hmalak dan tur sawihona neih a ni a, he Meeting-ah hian Environment, Forest & Climate Change Department, Soil & Water Conservation Department, Land Revenue and Settlement Department, Tourism Department, Fisheries Department, DC Kolasib, YMA Sub-Hqrs. Kolasib leh P&E Department aiawhte telin Serlui ‘B’ Project humhalhna tura hma la turin Field Monitoring Team chu Kolasib DC kaihhruaina hnuaiah din nise an ti a. He Committee hian chak takin hma a la nghal dawn a ni.

Hri kai enkawllai sang hnih aiin an tlem tawh

Niminpiah khan Mizoram-ah Sample 3833 enfiah leh niin heng atang hian COVID-19 hri kai mi 239 hmuhchhuah an ni a, Sample enfiah atanga za zela 6.24 te chuan hri an kai a, Mizoram-a hri enkawllai pawh mi sang hnih chuang hret chauh an ni tawh a ni.

Chhiatna thleng hrang hrang chhuina thlirhona nei

Nimin khan DM&R changtu Minister Lalchamliana hovin tunhnai kum tlem kalta chhunga Mizoram a chhiatna hrang hrang thleng chhuina – Magisterial Inquiry leh SIT Report hrang hranga hmalak zuina te thlirho a ni.

Governor in hlawhtlinna lawmpuina hlan

Kumin-a Padma Shri dawngtu VL. Nghaka, Ramhlun South Aizawl chu nimin khan Mizoram Governor Hari Babu Kambhampati chuan Raj Bhavan-a leng-ah sawmin a hlawhtlinna lawmpuina a hlan a. VL. Nghaka hi Mizoram-a Hindi tawng zirna leh tihhmasawnna lama a thawh that avangin Literature and Education huang bika Padma Shri Award 2022 dawng turin thlan a ni a; March 28 khian Rashtrapati Bhavan-ah President of India hnen atangin a dawng dawn a ni.

Pangbalkawn-ah Modern Rice Mill hawn a ni

Kolasib District chhung Pangbalkawn khuaa OM OM Modern Rice Mill chu nimin khan Agriculture Minister C. Lalrinsanga chuan a hawng.

Naupangte tih tlangnel hmasak a tul - Edn. Minister

School Education Minister Lalchhandama Ralte chuan naupang ten School an luh tantirh ah Zirlaibu luhchilh nghal ngawt lova chawlhkar hnih vel chu naupangte tih tlangnelna tur programme School-in an siam a tul thu a sawi.

SBI in AVBD hnenah thisen pekna hmanrua hlan

State Bank of India (SBI) chuan Corporate Social Responsibility atangin nimin khan Association for Voluntary Blood Donation (AVBD) General Hqrs. hnenah thisen peknaa hman tur hmanrua leh bungrua chi hrang hrang Rs. 2,51,000/- hù an hlan.

Serchhip-ah National Vaccination Day hmangin hri danna pe tha chawimawi an ni

Image
Nimin khan India rampum-ah 'National Vaccination Day' hman niin Serchhip-ah pawh he ni denchhen hian kumin a Zeng hri umbo beihpui thlakna a thawk tha te hnenah chawimawina thuziak hlan an ni.

KEIMAHNI

Kan Chanchinbu herna Press awmna (Chanmari Veng) chawmtu Electric Transformer, Serchhip Town Hall bula awm chu nizan lamah a that loh avang leh Vawiin lamah siam a nih dawn chauh avangin Vawiin ah LENKAWL hard copy rawn sem theih a ni dawn lova, hei vang hian pdf copy chiah rawn sem niin Chanchinbu min lak saktu te hriatthiamna kan ngen e.

Serchhip-a One Stop Centre Building thar District Bawrhsap in a hawng

Image
Ministry of Women & Child Development bultuma Serchhip P&E Veng-a sak, Hmeichhe baihvaite tlukluh lailawkna In, Sakhi - One Stop Centre building chu nimihn khan Serchhip District Bawrhsap Nazuk Kumar chuan a hawng a, he Centre hi Serchhip-a hawn a nih atangin pantu mi 56 zet an awm tawh a ni.

Serchhip-a Sr. VO sawn a ni

Serchhip DVO Office-a Sr. Veterinary Officer Dr. Thangzadinga chu AH&Vety Department Directorate-ah Deputy Director (Planning & Monitoring) hna thawk tura sawn a ni a, a aiawh tur hian Dr. John Lalhnuna chu dah a ni a, Aizawl Zoological Park-ah attached nghal a ni dawn niin kan thudawnna chuan a sawi bawk.

Serchhip District-ah hri kai enkawllai an tlem zel

Nimin khan Serchhip District-ah COVID-19 hri kai mi 24 hmuhchhuah belh leh niin hri kai enkawllai erawh an tlem ve tial tial thung.

Kaihhruaina thar tichhuak

Mizoram sawrkar chuan tun thla ni 3-a thu-chhuah siama COVID-19 inkaihhruaina a siam tawh chu tidanglamin hman nghal turin thuchhuah thar a siam.

GLIU kalpui dan tur thlirho

United Nations Food and Agriculture Organization (FAO) hnuaia Green-Ag: Green Landscape Implementation Unit (GLIU) hmalakna te leh hmachhawp hrang hrang ngaihtuah ho turin nimin khan 3rd Technical Support Group (TSG) Virtual Meeting chu Lunglei DC Conference Hall-ah neih a ni a. He Project hi Mizoram-ah chuan Lunglei District leh Mamit District-ah te kalpui mek niin he project hi kum 6 (01 April 2019 to 31 March, 2026) chhung atana ruahman a ni a, Project kalpui a nih chhung hian khaw hrang hrang a loneitute hmasawnna tur bakah ramngaw leh nungcha humhalh leh eizawnna ngelnghet neihna tur lam hawi a hmalak a ni ang.

MPCC in zirchianna an nei

Mizoram Pradesh Congress Committee (MPCC) chuan nimin khan Aizawl-a Lal Thanhawla Auditorium-ah tunhnaia an President, Lalsawta lehkhabu ziak tlangzarh tak, ‘That loh theih lohna bawm’ lehkhabu zirchianna an nei a, he hunah hian Lalsawta chuan, “That loh theihloh bawm chu System dik hi a ni,” a ti.

MNF in lawmthu an sawi

MNF General Hqrs. chuan Assembly Budget Session neih zawh takah Mizo Tawng buaipuitu tur ‘Mizo Language Development Board Bill’ pass a ni ta chu lawmawm an tih thu nimin khan thuchhuah siama tarlangin, he Bill pass a nih theih nana thawktu zawng zawgte chungah lawmthu an sawi nghal bawk.

Tleirawl te vaccine pe tan

Ramchhung hmundang rualin nimin khan Mizoram-ah tleirawl kum 12 atanga kum 14 inkar te hnenah COVID-19 vaccine, Corbevax pekchhuah tan a ni a, Mizoram-ah chuan Aizawl East District-ah bultan tura ruahman a nih angin Bawngkawn South YMA Hall-ah pek tan a ni. Nimin khan kum 12 atanga kum 14 inkar COVID-19 vaccine, Corbevax la te hi an vaiin mi 30 an ni. Union Health Minister, Mansukh Mandaviya chuan naupang leh kum 60 chin chung-lamte chu hri danna la vek turin a ngen a, naupangte an him chuan ram a him a ni a ti.

Rel kawng siam tur thulh rih

Sairang atanga Mizoram chhim tawp, Hmawng-buchhuah Rel kawng siam tum chu sum hautak vangin thulh rih a ni.

Ni khat-a hri kai hmuhchhuah tlahniam zel

Mizoram-ah ni khat-a COVID-19 hri kai hmuhchhuah zat a tlahniam zel a, niminpiah khan Mizoram pumah Sample 2475 enfiah niin heng atang hian hri kai 270 hmuh an ni a, Sample enfiah atanga za zela 10.91 te chuan hri an kai a ni.

Minister puhna chungchangah FIR thehluh a ni

Tunhnaia Social Media-ah Chamdur ramngaw Sanctuary-a mi Sele kahtir-a Minister Lalruatkima puhna chungchangah nimin khan Mizoram Police Cyber Crime Police Station-ah FIR thehluh a ni.

FCI atanga buhfai dawn tipung turin ngen

Mizoram Rajya Sabha MP K. Vanlalvena chuan Mizoram in FCI atanga buhfai a dawn chu tipung turin sawrkar laipui chu a ngen.

NIT Mizoram Director thar in Governor a kawm

National Institute of Technology (NIT) Mizoram-a Director thar Prof. S. Sundar chuan nimin khan Mizoram Governor Hari Babu Kambhampati chu hmuin inkawmna an nei.

Hri kai hmuhchhuah 38 leh enkawl dam 51 an awm

Nimin khan Serchhip District-ah COVID-19 hri kai mi 38 hmuhchhuah leh niin hri kai mi 51 te enkawl dam an ni thung.

Serchhip DCSO inthlak

Serchhip District Civil Supplies Officer (DCSO) C. Zadailova chu Directorate of FCS &CA ah Deputy Director hna chelh tura sawn a ni a, Serchhip DCSO hna chelh tur hian Mamit a DCSO nilai Lalthanmawia chu rawh dah a ni thung. Serchhip DCSO kalchhuak tur leh a thar turte hian nimin khan mawhphurhna an inhlan a, nimin vek khan Serchhip-a Supply Department Staff te chuan DCSO kalchhuak tur thlahna hun an hmang bawk a ni.

Consumer Rights Day hmang

Nimin-a ‘World Consumer Rights Day, 2022’ chu Serchhip-ah pawh District Bawrhsap Nazuk Kumar IAS hova hmangin Consumer dikna chanvo chungchang inhrilhhriatna atan hman a ni.

Serchhip DAO in tlawh

Serchhip District Agriculture Officer (DAO) Tlangtimawia Zote chuan niminpiah khan Ser-chhip District chhunga Mizoram leh Myanmar inrina Lungkawlh ramchhung Tiau lui kam-a Saphaitiau zau chu a tlawh a, Saphaitiau ram chu Serchhip District ah Zawlpui ram tih lohah chuan zawl zau tha ber, lei tha bawk si a ni tih sawiin, “Lungkawlh khaw mipui dinchhuahna tham a ni,” a ti a. He lai hmuna ram neitute chu thei tawp chhuaha tan la tura chahin, “Hna in thawh tak tak phawt chuan, sawrkar department ten an um zui ngei ngei ang che u,” tiin helai hmuna Tui lak dan turte a enpui nghal a ni.

Lo hal hun tur tawp ta

Mizoram sawrkar in kumin atana Lo hal hun tur a bituk, March 15 chu nimin khan a liam ta a, Thenzawl DFO Lalbiakchama Chawngthu leh North Vanlaiphai DFO C. Lalkhawthanga te chuan Serchhip District chhunga Lo vat te chuan an hal kim nia an hriat thu sawiin, Lo hal atanga ramkang a awm an hriat loh thu an sawi a ni. Thenzawl DFO chuan an Division chhungah Satellite hmanga ramkang hmun 140 chhinchhiah a awm thu leh hectare 169 kang a awm tih sawiin, heng te hi a hmuna enfiah niin Lo leh leipui hal te a ni tih a sawi a, Lo hal hun zo mah se ramkang hlauhawm hun ala nih avangin mipuite fimkhur zel turin a chah bawk.

MPSC Member-ah ruat thar

Tunhnaia Pension-a chhuak ta Vanlalngaih-saka IAS (Rtd) chu Mizoram Public Service Commission (MPSC) Member atan ruat thar a ni.

MJA ten thisen an pe

Mizoram Journalists' Association (MJA) in kum 50 a tlinna, Golden Jubilee lawmna chi khat atan nimin khan Civil Hospital Aizawl Blood Bank-ah MJA chuan thisen pekna hun buatsaihin thisen Unit 16 pek a ni.

Zofest buatsaih leh dawn

Mizo Zirlai Pawl (MZP) General Hqrs. chuan nimin khan Aizawl-ah Executive Meeting neiin MZP Assembly 2021 in a lo rel tawh angin Zofate hnam khawmpui lian, Zofest vawi 10-na tur chu kumin 2022 hian buatsaih leh ngei a nih theih nan Organising Committee a din a, Chairman atan MZP President leh Secretary atan MZP General Secretary te a ruat. Hei bakah hian MZP chuan Mizoram Assembly Session neih zawh takah Mizo Language Development Board Act pawm a ni chu lawmawm an tih thu sawiin, uluk takin he Act hi zirchian a, uluk taka enzui zel an tum dawn thu an sawi a, kan ram leh hnam leh Zofate kan insuihkhawmna atana him tur bera kalpui chu an duh takzet tih an sawi bawk.

April 5-ah zirna In hawng dawn

Nimin khan School Education Minister Lalchhandama Ralte ho in a Office Chamber-ah School Academic Session thara School hawn dan tur chungchang ngaihtuahin School Education Department Officer leh zirtirtu inzawmkhawm pawl hruaitute an thukhawm a, he hunah hian Education Minister chuan hri leng avangin Zirna in a pangngaia hawn theih a nih loh thu leh hei hi zirlai naupangin an tuar em em tawh tih sawiin, “Tunah hian India ram hmun hrang hrangah zirna a pangngaia kalpui a lo nih leh takah chuan Sawrkar rawn chung leh SOP te zirchiangin April 5, 2022 hian Mizoram-ah zirna In zawng zawng chu hawn a ni dawn,” a ti a, inbuatsaihna peihfel a nih tawh thu a sawi bawk.

Niminpiah-ah hri kai mi 494 hmuh belh leh an ni

Niminpiah khan Mizoram-ah Sample 3405 enfiah niin heng atang hian COVID-19 hri kai mi 494 hmuh leh an ni a, sample enfiah atanga za zela 14.51 te chuan hri an kai a ni.

MYC Office-cum-Coaching Centre building thar Chief Minister in a hawng

Mizoram Youth Commission (MYC) Office-cum-Coaching Centre chu nimin khan Chief Minister Zoramthanga chuan MINECO-ah a hawng.

Mizoram Police-a mi 7 leh E&ND-a mi 4 te Governor’s Medal hlan an ni

Sawrkar hnathawk tha te chawimawina sang, Governor’s Gold leh Silver Medal chu nimin khan Mizoram Governor Hari Babu Kambhampati chuan mi 11 te hnenah a hlan a, chawimawi tlak te chawimawi chu khua leh tui tha te tihtur leh kan intihphur tawnna atana pawimawh tak a nih thu Governor chuan a sawi a ni.

Tawitlang Group YMA Rorel Inkhawm neih a ni

Nimin khan Tawitlang Group YMA chuan Rorel Inkhawm vawi 4-na chu Khawbel khua ah an nei.

Fur ruahtui tlak hmain Kikawn leh Chhingchhip inkar Blacktop hna zawh hman tum a ni

Image
Keitum leh Baktawng inkar National Highway-54 siamthat leh laihzauh hna thawk mektu KRAM Infracon Pvt. Ltd. te chuan Serchhip Kikawn leh Chhingchhip inkar Blacktop hna chu kumin Fur ruahtui tlak hma ngeia zawh hman an tum thu an sawi.

DC in ran khuahkhirhna siam

Serchhip District Bawrhsap Nazuk Kumar IAS chuan thuchhuah siamin Serchhip District a lo thianghlim nan leh a chhunga mi chengte kan lo hrisel nan leh vantlang nun a lo zalen zawk nan, The Mizoram Animal (Control & Taxation) Act, 2014 Chapter-III in a tarlan angin, ranvulh reng reng enkawl that lohvin thlah zalen phal a ni lo tih a tarlang a. Village Council tin ten thuneihna leh mawhphurna an neih thu leh hma lo la chhun-zawm tura beisei an ni tih pawh tarlangin, hetianga ranvulh thlah zalen te chu man theih an nih thu leh man te chu Veng/khaw tin VC te hnenah hlan/dah tur niin ni sarih(7) chhunga laklet an nih loh chuan lilam theih a ni bawk ang tih a tarlang a ni.

NHM Staff ten Badge dum bel

National Health Mission (NHM), Mizoram hnuaia thawktute, NHM Employees Union, Mizo-ram (NEUM) chuan sawrkara an thilphut te tih hlawhtlin ala nihloh avanga lungawilohna lantir nan nimin atang khan ni li (4) chhung awh turin an hnathawhna ah Badge dum an bel a, hei hi Serchhip District-a NHM-a thawktute pawhin thlawpin an hnathawhna ah Badge dum hi an bel a ni. NHM hruaitute sawi danin ni li (4) chhung, tunkar Ningani thlenga Badge dum an bel hian awmzia a neihloh chuan March 21-23, 2022 chhungin Mass Casual Leave an la leh dawn a ni.

Serchhip District-ah hri kai enkawl dam an pung zel

Nimin khan Serchhip District-ah COVID-19 hri kai mi 55 hmuh belh niin hri kai enkawl dam mi 139 zet an awm belh.

Kum 12 chin vaccine pe dawn

Sawrkar laipui chuan kum 12 atanga kum 13 leh kum 13 atanga 14-te hnenah tun thla ni 16 atangin Covid-19 vaccine pekchhuah tan a tum a, kum 2008, 2009 leh 2010-a piangte hnenah Biological Evans, Hyderabad siam hri danna, Corbevax pek a ni ang. Union Health Minister, Mansukh Mandaviya chuan naupang leh kum 60 chin chunglamte chu hri danna la vek turin a ngen a, naupangte an him chuan ram a him a ni, a ti.

KVK in Aieng chi tha sem

Krishi Vigyan Kendra (KVK) Mamit District Lengpui chuan NABARD Funded Project hnuaiah Lakadong Aieng chi tha chi, Curcumin pai tam chi chu nimin khan Mamit District chhunga khaw pali - Reiek, Ailawng, Chungtlang leh Khawrihnim-a kuthnathawktu thlanchhuah bikte hnenah quintal 80 an semchhuak a, he hun ah hian Dr. Rohit Shukla (SMS Horticulture) leh Vanlal-hruaia (SMS Plant protection) ten loneitu Aieng ching turte hnenah hian zirtirna pe nghalin zawhna leh chhanna hun hlawk thlak tak hman nghal a ni.

Minister hovin sawihona nei

Nimin khan Land Revenue and Settlement changtu Minister Lalruatkima hovin a Pisa-ah Law Minister TJ. Lalnuntluanga te nen National Highway leh Railway project atana ram laka Temporary Pass neitute hnen atanga Cess, za zela 15 lak chungchanga Gauhati High Court, Aizawl Bench thupek bawhzui dan tur sawiho a ni a. He Meeting-ah hian dan anga Tax leh Cess lak tawh dan te leh High Court thupek te hi ngun takin ngaihtuah a ni a. Dan siamthat ngai laite pawh ngaihtuah tel a ni. Heng project atana ram lak kalpui mek a Cess lo lak tawh te High Court in pelet leh tura a tih avang te leh dan hman mek ah famkim lo deuh lai a lo awm bawk si avangin dan hi a rang thei ang berin siamthat ngai laite siamthat nise tih a ni a. Land Revenue & Settlement official ten Advocate General leh Law and Judicial Department te rawn chungin siamthat dan tur lo ngaihtuah se tih a ni bawk.

BJP in Governor-ah thlen

BJP Mizoram Pradesh - Central Schemes Monitoring & Vigillance Cell chuan Mizoram Sawrkar in MGNREGS Material Component Corruption khurpui-a hmanga a kalpui dan RTI hmanga an lo zirchian tawh thu sawiin, thil diklo an hmuh te chu nimin khan Mizoram Governor Hari Babu Khambampati hnenah ziakin an thehlut tih an sawi a. MGNREGS Material Component chu Corruption khurpui a siamtu chhuichhuaka dan hmanga hrem an nih theih nan Governor chu High Level Inquiry din a chhui turin an phut thu pawh an thuchhuah ah hian an tarlang bawk.

MNF in Chhung Inkhawm nei

MNF Party chuan nimin khan Aizawl-a an Party Office, Mizo Hnam Run-ah Chhung Inkhawm neiin he huna thu sawitu MNF Adviser leh Minister Lalruatkima chuan hripui kara chhuanchham kan awm lo chu Pathian malsawmna a nih thu sawiin, MNF sawrkar chu Union Budget-ah chaw fun kep a nih thu a sawi a. Manifesto an neih thu leh chumi ti hlawhtling tur chuan Pathian kaihhruaina zarah an bei char char tih pawh sawiin, sawrkar hmalakna chi hrang hrang a tarlang a. “Pathian in he sawrkar hi a hruai a, a hruai zel dawn a, a hruai zel ang tih ka ring,” tiin “Kan Pathian in min ensan ngai lo,” a ti bawk.

ZPM Party in Chhung Inkhawm an nei

ZPM Party chuan nimin khan Aizawl-a an Office-ah Chhung Inkhawm neiin Assembly Budget Session zawh tak thlirletna hun hman a ni a, he hunah hianZPM MLA te chuan Session neih zawh tak thlirletna neiin ZPM Leader Lalduhoma chuan, “Budget Session chhangchhe ang reng takah ZPM MLA-ten hun tha tak kan hmang a, huai leh dik taka hun kan hman theihna chhan chu rampum huapa mi tam takin min tawngtaisak vang a ni,” a ti a. “Kan zawhna tam tak rorellai ten min chhan sak lova, kuhva smuggling chungchanga Calling Attention ka thehluh pawh min phalsak lo. Dan ang thlapa ka thil thlente min pawmsak ngai lova, inhmachhawn an ngam lo niin a lang,” a ti bawk.

Pathianni-ah hri kai 188 hmuh belh an ni

Pathianni khan Mizoram-ah Sample 987 enfiah leh niin heng atang hian COVID-19 hri kai mi 188 hmuhchhuah an ni a, Sample enfiah atanga za zela 19.05 te chuan hri an kai a ni.

MPYCC in Lengpui Airport Renovation chhui turin Lokayukta-ah FIR/Complaint an thehlut

Mizoram Pradesh Youth Congress Committee (MPYCC) chuan tun thla ni 10 tlai-a Lengpui Airport Renovation lai a chim avanga a mawhphurtute chhui chiang turin nimin khan Mizoram Lokayukta Chairperson hnenah FIR/Complaint an thehlut.

Dr. R. Lalthangliana’n sawrkar laipui dawr mek

Mizoram tana thil pawimawh hrang hrangah Minister Dr. R. Lalthangliana chuan nimin khan sawrkar laipui-a mi pawimawh te New Delhi-ah a dawr.

CAG Report-ah SIHM chungchang tarlan a ni

Tunhnai a Comptroller and Auditor General of India (CAG) Audit Report Assembly House dawhkan-a dahah chuan Tourism Department-in cheng vbc. 8 senga State Institute of Hotel Management an din chu kum 7 hnuah pawh hawn a la ni lo tih tarlan a ni.

Kohhran in In sak tanpui

Mamit Hmunsam Presbyterian Kohhran chuan Inrinni khan an member chhungkaw pahnih te chenna In tur sa in hnatlang an nei a, thudawn danin heng chhungkaw pahnih te In sak mek hi an chhunzawm theih loh avangin Kohhran hian Rs. 30,000/- ve ve an pek bakah hnatlang in In sak hna hi an thawk a, heng mite hi In sak tanpuina dawnga In sa, sum dawn chhunzawm rihloh avanga sa zui thei lo niin Fur ruahtui a tlak chuan an In chak te a mawih mai hlauin hnatlang hian an pui a ni.

CM vautu Police ten an man

Social Media-a Chief Minister Zoram-thanga thla 3 chhunga bang tura nawrna leh a ban loh chuan thah a vautu ni a rinhlelh chu Police-in an man. Police hotute sawi danin Facebook Group thenkhat a ‘Thingtlang Pa’ inti in Chief Minister a vauna hi Facebook account lem a ni a, hemi chungchang hi CID (Crime) a Cybercrime Unit-a helam chhui thiamte chuan an chhui a. He thu thu post-tu nia hriat Police ten an man hi Rodinliana (37), Apuia Tochhawng tia koh, Khawzawl Hermon Veng ami, tuna Aizawl Chanmari West a khawsa mek a ni. Apuia hian kum 2018 khan khatihlaia Chief Minister kha ‘Open Letter’ na taka a thawn avangin thubuai a lo nei tawh a ni.

Serchhip-ah Cricket inelna zofel

Image
Serchhip District Cricket Association (SDCA) buatsaih CK Frolics Cup, 2022 chu Inrinni khan khelh zawh niin Pacers CC in Hmar Veng CC chu Run 114-a hnehin an champion.