Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Serchhip East Block MNF mawhphurhna inhlan

MNF General Hqrs. in Nov. 24-a Mizo-ram-a MNF Block hruaitu thar a ruat hnuah nimin khan Serchhip East Block MNF hruaitu kalchhuak turte chuan hruaitu thar te hnenah mawhphurhna an hlan.

Serchhip East Block MNF hruaitute mawhphurhna inhlanna hi Lalhmachhuana In, Serchhip Bazar Veng-ah neih niin he hun hi President kalchhuak tur, T. Zadingliana chuan a kaihruai a, MNF General Hqrs. hruaituten Block hruaitu thar tha tak tak an ruatchuak tih sawiin, an kal zelna turah duhsakna a hlan a ni. 

Serchhip East Block MNF President atan a ruat thar, C. Vanlalsiamthara pawhin MNF General Hqrs. atanga hruaitu tura an rawn ruat chu mimal takin huhphurhawm ti viau mahse General Hqrs. lamin hruaitu dangte thiam taka an ruat avangin a thlamuanthlak a tih thu a sawi a, thawhhona tha tak nei turin tanrual a, hrui khat vuan a kalho a ngai tih a sawi bawk.

Serchhip East Block MNF hruaitu atan hian President-ah C. Vanlalsiamthara, Vice President-ah H. Lalthianghlima, Treasurer-ah K. Tlangthanmawia leh NCM-ah LP. Lalsang-lura te ruat an ni a, heng mite hi Nov. 26 (Ningani) khan inhmukhawmin an thawhpui tur an ruat a, Secretary atan Lalrinfela, P&E Veng; Zohmangaiha Ralte, Vengchung leh RL. Lalthafamkima (Vala), Kikawn te ruatin Executive Member tur pawh an ruat nghal a ni.

Comments

Chhiar Hlawhte