Latest News

MzSRLM buatsaihin SHG te Loan pek an ni

Mizoram State Rural Livelihood Mission (MzSRLM) Serchhip RD Block buatsaihin nimin khan Thenzawl-a Golf Course Convention Centre-ah Block Level Credit Camp neih a ni a, Loan Cheng nuai 248.2 semchhuah a ni.

Nimin-a Block Level Credit Camp hi Serchhip BDO, Vanlalhmachhuana chuan kaihruaiin MzSRLM, Chief Executive Officer, H. Lalchhandami chuan khuallian niin a hmanpui bakah Serchhip DRDA Project Director, MzSRLM-a District Management Director ni bawk, Malsawmtluanga te chuan hmanpuiin Bank atanga loan latute chu an loan lak chhan hre reng tur te, hlawhtlinpui ngei tuma tanla tur leh Loan te tha taka rul turin an chah a ni.

Nimin-a he hun hman ah hian Serchhip RD Block huamchhunga Village Organisation (VO) 20 chuang hnenah Loan cheng nuai 248.2 semchhuah nghal a ni a, heng Loan te hi State Bank of India (SBI) Branch 3, Mizoram Rural Bank (MRB) Branch 6 bakah Apex Bank, Serchhip Branch ten Self Help Group hrang hranga an pek niin, Self Help Group pakhatah cheng nuai khat atanga cheng nuai 8 inkar Loan hi an pe a, heng Loan te hi SHG member te eizawn bul tanna turte, an dinhmun sawhnghehna tur leh eizawnna ngelnghet zawk an neih theih nana pek an ni.

Comments

Chhiar Hlawhte