Latest News

Zoram Thar hnatlang zofel

Zoram Thar ten Thenzawl Kanan Phaipui hmun a Biak Inpui hmun laih Hnam hnatlang an neih chu Zofate Haw Runpui, Hnam inkhawmpui nghah nana Pandal zar theih tura laih zawh a ni ta.

Zoram Thar hian Thenzawl Kanan Phaipui hmuna Biak Inpui hmun laih Hnam hnatlang hi kumin Feb. 18 khan nei tanin thawh khatah hian kar khat (ni 7) chhung vel thawh a ni tlangpui a. Kumin chhungin Hnam hnatlang thawh 12 neih ni tawhin kum (2020) chhunga Hnatlang hnuhnung ber chu niminpiah, December 17 khan zawhfel a ni.

Hnatlanna atan hian thawhlawm khawn a ni lova, thawhlawm tlingkhawm Rs. 5,44,950/- hmuin, JCB tha 61 leh Motor lian tha 8, a vaiin tha 69 sen a ni a. Hnatlang tura mihring tha thawk-chhuaka a hmuna kal tawh hi mi 232 vel niin Biak Inpui ram zau zawng hi 23809.52 Square metres (Bigha 17.79) a ni.

Comments

Popular News (Last 30 Days)