Posts

Showing posts from October, 2020

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-a Nau piang lian ber

Serchhip Chhim Veng mi leh tuna Aizawl Zarkawt-a khawsa mek, John Lalsangzuala nupui, Ruthi Lalhmangaihsangi chuan nimin khan Aizawl Civil Hospital-ah an fa pangana, mipa kg. 6 leh gram 220 a rit a hring a, Mizoram-a naupiang lian ber nia hriat a ni.

Dan bawhchhia 56 man

COVID-19 No Tolerance Fortnight hman mekah nimin a ni 5-na ah khan Serchhip District-ah Dan bawhchhia mi 56 man an ni leh a, an pawisa chawi tlingkhawm chu Rs. 11,400/- a ni. Nimin-a Dan bawhchhia man zinga mi 18 te hi Police te man niin Serchhip Town Area-ah mi 13 man an ni a, Thenzawl-ah mi 12 man niin Chhingchhip-ah mi 4, Baktawng-ah mi 6 leh Buangpui-ah mi 3 man an ni. Nimin-a mi 56 man hi he Fortnight hman mek chhunga Dan bawh-chhia man an tlem ber ni ala ni.

District Jail-ah COVID Test

Serchhip District Hospital thuneitu ten an ruahman angin nimin khan Serchhip District Jail-a tang mek mipa 47 leh hmeichhia 4 bakah Jail enkawltute chu Rapid Antigen Test hmangin COVID-19 hri an kai leh kailoh enfiah an ni a, Sample enfiah 57 te chu hri lakah an him vek a ni. Hripui leng avanga Mizoram-a harsatna a thlen hnu khan Serchhip District Jail-ah hian hri laka himna turin nasa taka hmalak a ni a, Jail-a lut thar turte reng reng midang bula dah hmain ni 14 chhung khunghran phawt zel an ni bawk.

Zu litre 20 zet man

Chhekhnai Branch YMA te chuan an thu-dawn bawhzuiin nimin khan IOC Veng leh Bil-zel Veng inkar, NH. 54 thlang lawka Zu siamna hmun tichhiain Zu thlawrsa litre 20 zet an man a, a neitu nia hriat Bilzel Veng ami pawh Excise Department kutah hlan nghal a bawk.

Hri kai 6 enkawl dam leh

Serchhip-a COVID-19 hri kai enkawl dam mi 6 te chu nimin khan anmahni enkawlna hmun atanga chhuahtir an ni.

Chanchin thar thenkhat :

 MZP in Saihapui V tlawh

Mizoram-ah hri kai hmuhchhuah zat tlahniam hret

Niminpiah-a Mizoram-a Sample enfiah atangin COVID-19 hri kai mi 38 hmuh leh an ni a, a hma ni aiin hri kai hmuhchhuah thar zat hi a tlahniam hret a ni.

COVID-19 hri kai te enkawlna chungchang thlirho

Health Minister, Dr. R. Lalthangliana hovin niminpiah khan COVID-19 hri kai enkawl te chungchanga hmalakna hrang hrang thlirho a ni.

Kum 2019-ah tualthah thubuai 22 ziahluh a ni

Mizoram Police te chuan nikum 2019 chhung khan tualthah thubuai 22 leh tualthah tum thubuai 13 an ziaklut.

MPCC in pawi tih thu an sawi

Mizoram Pradesh Congress Committee (MPCC) chuan Mizoram sawrkarin COVID-19 hrileng a do danah politics a hlawkna tel tuma thusawi leh hmalakna tam tak a awm thin avanga mipui tawrhna thleng mek chu pawi an tih thu an sawi.

Health Minister in ZMC-a thawktute theihtawp chhuaha tan la mar zel turin a chah

Health Minister, Dr. R. Lalthangliana chuan ZMC-a thawktute chu theihtawp chhuaha tan la mar zel turin a chah.

Dan zawmloh vangin BJP te pawisa chawitir an ni

Niminpiah-a Lawngtlai-a vantlang inkhawm buatsaihtu, BJP Mizoram  Pradesh chu hri leng kara inkaihhruaina an zawmloh avangin Lawngtlai DC chuan Rs. 6000/- chawi turin a ti a, nimin khan BJP hian pawisa hi an pe nghal a ni.

Mizoram mamawh Oil leh Gas te Manipur atanga phur turin sawrkar in Motor a tirchhuak

Assam State chhungah Mizoram chak lakna kawngpui a danpin avangin Mizoram sawrkar chuan Manipur atanga Mizoram mamawh Gas leh tuialhthei phur turin nimin khan lirthei a thir tan a, heng lirthei te hi nimin khan Ch. Saprawnga Truck Terminal, Rangvamual atangin thlahliam an ni.

State pahnih Chief Secretary ten inbiakna an nei

Nizan dar 6:30 khan Assam leh Mizoram ramri chungchangah Union Home Secretary, Ajay Kumar Bhalla hovin Mizoram Chief Secretary, Lalnunmawia Chuaungo leh Assam Chief Secretary, Kumar Sanjay Krishna te chuan Video Conference kaltlangin inbiakna an nei.

Chanchin thar thenkhat :

 LADC-ah Roll tlangzarh

Kawngpui dan avanga harsatna awmloh nan hma la; Ramri-ah Vairengte khawtlang in hnatlang an nei

Home Minister, Lalchamliana chuan Assam sawrkar thuneituten an mipui fuihpawrhin Mizoram mamawh phurluhna kawng an dan avangin mipuite harsatna tawh theih sukiang tura hmalak a ni tih a sawi a. Hetihlai hian Mizoram leh Assam ramri-a buaina thleng avangin nimin khan ramri vengtu, 5th Bn. IR te chu inralring tura hriattir an ni.

Veng entawntlak Serchhip Chanmari

Veng entawntlak Serchhip Chanmari - Laldinpuia

Dan bawhchhia 103 man

COVID-19 No Tolerance Fortnight hman mekah nimin, a ni 4-na ah khan Dan bawhchhia mi 103 man leh an ni a, heng mite pawisa chawi tlingkhawm chu Rs. 12,100/- a ni. Nimin a Dan bawhchhia man zinga mi 22 te chu Police ten an man te an ni a, Serchhip khawpui chhung VC area hrang hrangah Dan bawhchhia mi 35 man an ni a, Thenzawl-ah mi 30 man niin Chhing-chhip-ah mi 5 man an ni a, Keitum leh Buang-pui-ah mi 4 ve ve man niin Thentlang-ah mi 2 leh Chhuanthar Tlangnuam-ah mi pakhat man an ni bawk.

Tualchhunga hri kai te dam; Hri kai pakhat hmuh belh

Tun thla ni 19-a Serchhip damdawi In-a COVID-19 hri kai hmuhchhuah pahnih te chu enkawl dam niin nimin khan anmahni enkawlna hmun atanga chhuahtir an ni.

District Level Road Protection Squad thukhawm

Nimin khan Serchhip-ah District Level Road Protection Squad chu Bawrhsap hova thukhawmin kawngpui venhim leh humhalh kawnga hmalak dan tur hrang hrang an sawiho.
Serchhip District Hospital OPD-a damlo inentir tur leh Casualty pan te zinga COVID-19 hri kai nia rinhleh te chu Damdawi In hungchhung lut lova Rapid Antigen Test (RAgT) an neih nghalna tur ruahmanna siam a ni.

AMC area-ah hri kai pung zel

Niminpiah a Mizoram-a Sample enfiah atangin COVID-19 hri kai mi 49 zet hmuh belh leh an ni a, heng zinga mi 43 te chu Aizawl khawpui chhung Veng hrang hranga hri kai hmuh te an ni.

COVID-19 hri kai te enkawlna chungchang thlirho

Health Minister, Dr. R. Lalthangliana hovin nimin khan COVID-19 hri kai enkawl te chungchanga hmalakna hrang hrang thlirho a ni.

Mizoram-a COVID-19 hri kai hmuhchhuah zingah nunna chan awmin vuiliam nghal a ni

Mizoram-a COVID-19 hri kai zingah nunna chan an awm ta a, Mizoram-a COVID-19 hri kai enkawl zing ami, Lalsangkhuma, Aizawl Dawrpui Veng chu nimin khan Heart Attack avangin a boral a ni.

Mizoram-a COVID-19 dona kawnga Health Department inbuatsaihna thlirho a ni

Health & Family Welfare Department-in COVID-19 dona kawnga an inbuatsaihna thlirhona chu nimin khan Health Minister, Dr. R. Lalthangliana hovin neih a ni a, he hunah hian hri kai ten an lo kawm hnaih tawh chhui hna thawh dan te thlirho niin hri an kaina chhuichhuah theihloh mi 51 an awm tawh thu tarlan a ni bawk.

Chanchin thar thenkhat :

 Tualthattu chungthu ngaihtuahna nei leh dawn

Aizawl-ah hri kai hmuhchhuah an pung chho zel

Niminpiah-a Mizoram-a Sample enfiah atangin COVID-19 hri kai mi 80 zet hmuhchhuah leh an ni a, heng zinga mi 76 te chu Aizawl District-a hri kai hmuhchhuah niin midang 4 te chu District dang-a hri kai hmuhchhuah an ni thung.

Hmeichhe chunga chet dan an dem thu an sawi

MHIP General Hqrs. chuan mipa te zingah hmeichhe chunga mawilo taka che duh an awm leh thin chu pawi an tih thu leh hetiang thil hi thleng tawhlo se an duh thu an sawi.

Dan bawhchhia man pung

COVID-19 No Tolerance Fortnight hman mek ah Serchhip District-a Dan bawhchhia man pung zelin nimin khan Dan bawhchhia mi 119 zet man an ni a, an pawisa chawi pawh Rs. 12,800/- a tling a ni.

Containment Zone-a puan hlip

Kar hmasa Thawhtanni-a Serchhip khawpui chhung Veng pahnih-a COVID-19 hri kai mi 2 hmuh an nih avanga Chanmari Veng leh P&E Veng thenkhat te Containment Zone-a puan an nihna chu Contact Tracing leh Sample enfiah te thawh zawh a nih avang leh hrikai hmuhchhuah an nih tak loh avangin nimin khan Containment Zone-a puan an nihna chu DC in a hlip leh ta.

Hri kai hmuh thar awmlo

Niminpiah khan Serchhip-a TrueNat Laboratory-ah Sample 8 enfiah niin Rapid Antigen Test hmangin Sample 43 enfiah a ni bawk a, heng atang hian COVID-19 hri kai hmuhchhuah thar awm lovin Serchhip District-a hri kai hmuh chu mi 86 an la ni a, an zinga mi 66 te chu enkawl dam ni tawhin tunah hian hri kai enkawllai mi 20 an la awm mek a ni.

Upa T. Romama hnenah Award hlan a ni dawn

Mizorama thuziak thin inzawmkhawm pawl, Mizo Writer’s Association te chuan Serchhip pa lar, Pathian fakna hla a phuah te hmanga Mizo mipui ten an lo hmelhriat tawh, Upa T. Romama chu ‘Mizo Literary Award 2020’ an hlan dawn.

VLTF te tanpuina pe

Chelsea Football Club tantu Serchhip-a intelkhawm, Mizo Chelsea Supporter's Club Serchhip Branch te chuan an dinchamphaphak vawi 2-na, Oct. 28, 2020 denchhenin nimin khan COVID-19 hripui leng avanga Serchhip-a veng pum-a inkharkhip mek, Chanmari Veng tan tanpuina sum Rs. 2000/-  an hlan a, he sum hi an pawl Treasurer, Lallawmzuali chuan Chanmari Veng VLTF te hnenah a hlan a ni. Mizo Chelsea Sup-porter's Club Serchhip Branch te hian an dincham pual hian tlawmngaia Thisen pek tumin rua-hmanna an siam a, amaherawh chu COVID-19 hri leng mek avanga a huhova punkhawm a remchan loh avangin tanpuina hi an pe ta zawk a ni.

Mahni hmun chhuahsan turin Bawrhsap in hriattir

Serchhip District Bawrhsap, Kumar Abhishek chuan Serchhip District chhunga NH. 54 kawngpui zauh tura mimal ram lak chungchangah zangnadawmna la tawh te tan huntiam, ni 60 a ral tawh avangin zangnadawmna la tawh te chu anmahni hmunhma chhuahsan vek turin a hriattir.

DC hovin District Level Consultation Meeting nei

Mizoram Science, Technology & Innovation Council (MISTIC) bultumin nimin khan Serchhip District Level Consultation Meeting chu Serchhip DC Meeting Hall-ah neih a ni a, he thutkhawm hi District Bawrhsap, Kumar Abhishek chuan a kaihruai a ni.

COVID-19 hri kai mi 34 hmuh belh leh an ni

Niminpiah khan Mizoram-ah COVID-19 hri kai mi 34 hmuhchhuah leh niin Mizoram-a hri kai hmuhchhuah pawh 2527 an tling ta.

Kawng laizau nawn leh

Zirtawpni kalta a Serchhip leh Keitum inkar NH. 54 kawngchhuat tlabal chu lirthei kaltlang theiha siam a nih hnuah nimin khan kawngpui hi laihzauh hna thawh tan leh a ni a, he kawng en-kawl mektu NHIDCL hotute chuan kawngchhuat hi Meter thum (3)-a zauh tum a nih thu leh an hna hi kar hnih chhunga zawh an beisei thu an sawi a, mipuite tan harsatna alo awm rih a nih pawhin lo hrethiam turin an ngen bawk a ni.

Naupang tan pawisafai hlan

Serchhip District Child Welfare Committee te chuan Serchhip-a COVID-19 hri kai zinga naupang te tanpuina atan nimin khan pawisafai an hlan.

Sample 742 lakhawm tawh

Kar hmasa Thawhtanni-a Serchhip-a tual-chhung a hri inkaidarh nia hriat COVID-19 hri kai mi 2 hmuhchhuah ten an lo kawm hnaih te chhuina kal zelah nimin thleng khan Sample 742 lakkhawm a ni tawh a, heng zinga 317 te chu TrueNat Laboratory-a enfiah tura Sample lak niin Rapid Antigen Test hmangin Sample 425 enfiah a ni tawh bawk a, heng atang hian hri kai 17 hmuhchhuah an ni tawh a ni.

Hri kai pakhat dam leh; 76.74% enkawl dam tawh

Serchhip-a COVID-19 hri kai enkawl mi pakhat chu enkawl dam a nih hnuah nimin khan chhuahtir niin Serchhip District-a hri kai hmuhchhuah zingah mi 66 te chu enkawl dam an ni ta.

Chanchin thar thenkhat :

 Sulhnu mobile app siam

DCHC-ah khum 166 awm mek

Mizoram-ah COVID-19 hri kai enkawlna tur Dedicated Covid Health Centre (DCHC) khum 166 awmin COVID Care Centre (CCC) ah mi 2000 enkawl theihna tur a awm bawk.

Damdawi In-a Ventilator dah belh zel avangin Health Department in lawmthu an sawi

Mizoram sawrkar-a Health & Family Welfare Department chuan Civil Hospital, Aizawl leh District Hospital hrang hranga COVID-19 dona atana mamawh em em Ventilator dah belh zel anih avanga an lawm thu an sawi.

Tripura lam chet dan MSU in an dem thu an sawi

Mizo Students’ Union (MSU) chuan Tripura Tuikuk ten Phuldungsei Village Council Area, Thaidawr tlang Mizoram lam chan-a Shiv Mandir sak an tumna hmuna a ruk a rala Minister hova sakhaw thil inthawina an nei mai chu an dem thu leh hriatthiam har an tih thu an sawi.

COVID-19 hri danna hmuhchhuah hma chuan fimkhur theihtawpa kan fimkhur a ngai - Health Minister

Health Minister, Dr. R. Lalthangliana chuan COVID-19 hri danna (vaccine) an hmuhchhuah hma chuan fimkhur theihtawpa kan fimkhur a ngai dawn tih Aizawl Municipal Corporation (AMC) huamchhunga inkharkhip chungchanga thuchah a sawi ah sawiin, He hripui vanga nunna chan kan awm loh hi kan duh ber leh kan duhthusam a ni,” a ti.

ZOFATE RAMRI CHINFEL A NGAI

ZOFATE RAMRI CHINFEL A NGAI - Dr. Zaichhawna Hlawndo

C. Darbiakthanga boral

 Serchhip Block MNF President pawh lo ni tawh, C. Darbiakthanga (61), New Serchhip Venglai chu nizan khan lungphuchawl in a boral a, Vawiin ah vuiliam a ni ang.

COVID-19 zirtirna nei

23 Sector Assam Rifles hnuaia Serchhip-a hmunpui nei Assam Rifles te chuan nimin khan Thekte khua ah COVID-19 chungchang inhrilh-hriatna hun an buatsaih a, he hunah hian Farkawn khuaa awm mek Assam Rifles te chuan mipuite chu hripui laka invenna tur kawng hrang hrang-hmaituamna vuah, kut silfai ngun, midang hlata awm leh puipunna thil huaihawtloh pawimawhna te an zirtir a. Hei bakah nitin khawsak mamawh Buhfai, Dal, Chini leh a dangte an sem nghal bawk.

Hri kai thar an awmlo

Tunhnaia Serchhip P&E Veng-a COVID-19 hri kai hmuhchhuah ten an lo kawm hnaih nia hriat mi 21 te Sample lak chu niminpiah Pathianni khan TrueNat Laboratory-ah enfiah niin hri kai hmuhchhuah thar an awm lova, heti hian nimin thleng khan Serchhip District-a COVID-19 hri kai hmuhchhuah chu mi 86 niin mi 65 enkawl dam an ni tawh a, hri kai enkawllai 21 an la awm mek bawk. Hri leng avang hian Serchhip District-ah mahni In lama inkhunghrang mi 56 leh sawrkar hmunhmaa inkhunghrang mi 39 an awm bawk.

Hlawh pe kim thei dawnlo

Serchhip Treasury Officer chuan nimin khan thuchhuah siamin sawrkar sum harsat avang leh Finance Department atanga hriattirna an hmuh angin October, 2020-ah sawrkar hnathawk Group C leh D te chauh hlawh pek tur a nih thu tarlangin, Treasury atanga Salary Cheque la tawh zawng zawng ten Treasury ah a rang lama thawn-kir leh vek tur a nih thu a tarlang a. Group C leh D te hlawh hi Nov. 2, 2020 atangin Cheque issue tur a nih thu pawh tarlangin, Group C leh D te hlawh chauh siam sak rih tur a ni tih a tarlang a. State Bank lam pawh Salary Cheque dawng rihlo tura ngen an nih thu a tarlang bawk.

Hri kai te hnu chhui zel a ni

Kar hmasa Thawhtanni-a Serchhip-a CO-VID-19 hri kai mi pahnih hmuhchhuah an nih avanga an lo kawm hnaih chhuina kal zelah mi za ruk chuang te Sample lak a ni tawh.

CCC-a awmte tan sum hlan

Presbyterian Serchhip Pastor Bial Kohhran Hmeichhia te chuan Serchhip-a COVID-19 hri kai enkawl mek te tan nimin khan Rs. 20,000/- an hlan.

Serchhip-ah Covid-19 No Tolerance Fortnight hman tan niin dan bawhchhia mi 63 man nghal an ni

COVID-19 No Tolerance Fortnight chu nimin atang khan Mizoram pumah hman tan niin Serchhip-ah pawh he Fortnight hi hman niin mipui ten Dan an awm tha viau chungin Dan zawmlo erawh mi 63 zet man an ni thung.

Chanchin thar thenkhat :

Insawifiah turin hriattir

MPSC Online Portal hawng

Sawrkar hna diltu ten In lum atanga dilna an thehluh theihna tura MPSC Online Portal siam, mpsconline.mizoram.gov.in chu nimin khan hawn a ni.

Hri kai 46 hmuh belh leh

Niminpiah-a Mizoram-a Sample enfiah atangin COVID-19 hri kai mi 46 zet hmuh leh an ni a, an zinga tam zawk chu Aizawl khawpui Veng hrang hranga hri kai hmuh te an ni.

Child-Friendly Covid Care Centre siam dawn

Nimin khan Health Minsiter, Dr. R. Lalthangliana hovin naupang leh nausen COVID-19 hri kai te enkawlna tur a bika siam dan tur sawiho a ni.

Aizawl Municipal Corporation huamchhungah chawlhkar khat chhung inkharkhip puan a ni

Health & Family Welfare Minister, Dr. R . Lalthangliana leh Home Minister, Lalchamliana te kaihhruaina a nimin-a sawrkar mi pawimawh hrang hrangte thukhawm chuan tukin dar 4:30 atangin Aizawl Municipal Corporation (AMC) huamchhungah chawlhkar khat chhung Lockdown (inkharkhip) kalpui leh nise an ti.

Bawrhsap hovin thukhawm

Inrinni khan Serchhip District Level Task Force Committee on COVID-19 chu an Chairman leh Serchhip DC, Kumar Abhishek hovin DC Meeting Room-ah an thukhawm a, Vawiin atanga ‘COVID 19 No Tolerance Fortnight’ kalpui dan turte relin, Bawrhsap chuan kan ram chhungah CO-VID19 hri kai hmuhchhuah belh zel an nih avangin kan him tlanna tur ngaihtuah chu thil tul tak a nih thu a sawi a. Hri laka invenna damdawi ala awm loh avangin kan himna tura mithiam thurawn te kan zawm that a tul thu a sawi bawk.

Kawngchhia siamtha leh

Tunhnaia ruahsur avangin Serchhip leh Keitum inkar NH. 54 chu Sailiamkawn atanga KM khat vela hlan, City Light Quarry bulah Inrinni zing khan kawng chhuat balin kawngpui hi lirthei lian chi kaltlang theihloh in a awm a, Inrinni vek khan kawngpui enkawltu, NHIDCL te chuan kawngchhak lam laiin lirthei kaltlang theih turin an siam nghal a, duh anga a that tawk loh avangin nimin khan a siamthat hna hi thawh leh niin tunah chuan lirthei chi hrang hrang tan kaltlang theih a ni leh tawh a ni.

STP ten Face Mask sem

Serchhip Thalai Pawl (STP) te chuan Ser-chhip khawpui chhung hmun hrang hrangah in-rinni khan hmai tuamna (Face Mask) an sem. Serchhip Thalai Pawl te hian COVID-19 in Serchhip khawpui a luhchilh mek avangin mipui te fimkhur turin an chah tih sawiin, chutihrual chuan mamawhna hrang hrang avanga pawn lama chhuak kan awm reng avang leh heng mite hian hmai tuamna hi an mamawh avangin Face Mask hi an sem ta tih an sawi a, sawrkar thuchhuak te zawma khawlai lengchhuak reng reng chuan tha taka Face mask vuah vek turin an ngen bawk.

Ni 2 chhungin hri kai 5 hmu

Zirtawpni leh Inrinni-a Sample enfiah atangin Serchhip District-ah COVID-19 hri kai mi 5 hmuh leh an ni.

Chanchin thar thenkhat :

 Aieng herna tih changtlun tum

Mizoram-ah hri kai 58 zet hmuh belh leh an ni

Inrinni-a Mizoram-a Sample enfiah atangin COVID-19 hri kai mi 58 zet hmuhchhuah leh an ni a, Mizoram-a COVID-19 hri kai enkawllai pawh mi 249 zet an ni leh tawh.

AMC inthlan hun tur hriat theih ala ni rihlo

State Election Commission (SEC) chuan Aizawl Municipal Corporation (AMC) inthlanna neih hun tur hriat theih ala nih loh thu an sawi.

Lalduhoma hekna-a thutlukna puan hun tur leh hrelo

MNF Party MLA 12-ten ZPM Legislature Party (ZLP) Leader Lalduhoma dan bawhchhiaa puha MLA atanga bân tura Assembly Speaker, Lalrinliana Sailo an ngen chungchangah thutlukna puan hun tur sawi theih a la ni lo a, hemi chungchangah hian Speaker Lalrinliana Sailo chuan theihtawp a dan en a nih tur thu a sawi.

COVID-19 No Tolerance Fortnight hman tur pualin Chief Minister in mipuite hnenah thuchah a sawi

Chief Minister, Zoramthanga chuan, “Kan duh ber chu ‘Zoram mipuite hripui leng lakah him ila, he natna hi inkaidarh zel lo ila, thihpui awm lo bawk ila’ tih hi a ni,” a ti.

Vawiin atangin Mizoram pumah COVID-19 No Tolerance Fortnight hmang dawn

Vawiin atang hian Mizoram pumah ‘COVID-19 No Tolerance Fortnight’ hman a ni dawn a, hei hi COVID- 19 avanga khuahkhirhna siam te mipuiin nunphung thlak danglam khawpa an hman theih nana ruahman niin COVID-19 dona kawnga Dan siam hrang hrangte chu khauh taka kenkawh a ni dawn a ni.

Serchhip District-ah hri kai enkawllai 16 awm

Serchhip District-ah COVID-19 hri kai enkawllai mi 16 awm mekin nimin khan hri kai pakhat chu enkawl dam a nih hnuah chhuahtir a ni.

ABC Rorelna neih a ni

Mizoram Baptist Kohhran-a rorelna sang ber dawttu, Area Baptist Council (ABC) inkhawmpui chu naktuk Pathianni hmang hian ABC tinah neih tur ni mah se hri leng avanga neih theih a nih tak loh avangin nimin atang khan ABC thenkhat ah chuan rorelna neiin Vawiin a rorel tur engemaw zat an awm bawk.

Dan lova Kuhva rah lakluh Serchhip Police ten an man

Serchhip Police te chuan tunkar Nilaini zan khan Dan lova Mizoram-a rawn phurhluh Kuhva rah tam tham tak manin Customs Department kutah an hlan nghal.

Ramri chhan nana thawktu puihna sum YMA in an hlan

Tunhnaia Mizoram leh Assam ramri-a buaina thlenga Mizoram chhan nana thawktute puihna tura sum hmuh Rs. 88,141/- chu nimin khan ramri-a Duty te hnenah hlan a ni.

Tui pawimawh zia hriat theihna tur lehkhabu, 'Tui Ramvachal (The Water Heroes)' tlangzarh a ni

PHE Serchhip WATSAN Division-a Sr. Executive Engineer, Er. F. Lalsanglura lehkhabu ziak, 'Tui Ramvachal (The Water Heroes)' chu nimin khan MJA Serchhip District President, Kapliana Pachuau chuan a tlangzarh.

Tun hi a hun tak chu a ni

Tun hi a hun tak chu a ni - Laldinpuia

Chanchin thar thenkhat :

Central YMA in mipuite chah

Hri kai 18 hmuh belh leh

Niminpiah-a Mizoram-a Sample enfiah te atangin COVID-19 hri kai mi 18 hmuhchhuah an ni a, an zinga tam ber te hi Aizawl District a hri kai hmuhchhuah niin Aizawl District atang hian hri kai mi 11 hmuhchhuah an ni a, Serchhip District-ah mi 4 leh Lunglei District-ah hri kai mi 2 hmuh niin Lawngtlai District-ah hri kai mi pakhat hmuh a ni bawk.

COVID-19 No Tolerance Fortnight inrawnkhawmna nei

Karleh Thawhtanni, October ni 26 atanga chawlhkar hnih awh tur ‘COVID-19 No Tolerance Fortnight’ hman dan tur kalpui dan tura inrawnkhawmna chu niminpiah khan neih a ni.

Mizoram-ah COVID-19 hri kai an pun zel avangin School kal chhunzawm rihlo tura rel a ni

School Education Minister, Lalchhandama Ralte hova nimin-a sawrkar mi pawimawh thukhawm chuan tunhnai ah Mizoram-a COVID-19 hri kai an pun avang leh zirlaite zingah hri kai an awm zel avangin 'No Tolerance Fortnight' hman hun, chawlhkar hnih chhungin School chawlh leh rih phawt nise an ti.

Ramri buaina Home Minister in ala tlawh lo chu MZP in hriatthiam har an tih thu an sawi

MZP General Hqrs. chuan Home Minister in ramri buaina hmun hrang hrang ala tlawh lo chu hriatthiam har an tih thu sawiin, Chief Minister hriatpuina lova Official te hmalakna chu an dem thu an sawi bawk.

Chanchin thar thenkhat :

IWRD in bung thar kai niin sawi

STIP-2020 atan inrawnkhawm

Science, Technology & Innovation Policy (STIP) 2020 duan kawnga inrawnkhawmna chu nimin khan Video Conference kaltlangin rampum ah neih a ni a, State 26 leh UT 4 atangin Chief Minister, Deputy Minister leh Minister hrang hrang te telin Mizoram atangin RD Minister, Lalruatkima chu a tel a ni.

Mizoram-ah hri kai 31 hmuhchhuah belh leh an ni

Mizoram-ah niminpiah khan COVID-19 hri kai mi 31 zet hmuh-chhuah leh an ni a, heng zingah hian zirlai Hostel-a lut tur mi 8 zet an tel a ni.

MPCC in sawrkar mawhpuh

Mizoram Pradesh Congress Committee (MPCC) chuan Sawrkarin hmingthat a tum lutuk avangin COVID-19 a darh tha leh niin an sawi.

Keitum-ah Scooty kang

Nizan hmasa zanlai vel khan Keitum khua ah Scooty pakhat chu hal ni ngeia hriatin a kang a, hemi chungchang hi Serchhip Police te chuan an chhui zui mek a ni.

MHA Joint Secretary (NE) in Mizoram Governor leh Chief Minister te a kawm

Ministry of Home Affairs-a Joint Secretary (North East) Satyendra Garg chuan nimin khan Mizoram Governor, P.S. Sreedharan Pillai leh Chief Minister, Zoramthanga te chu an chenna In ah kawmin Mizoram leh Assam ramri inkara innghirnghona awm chinfel chungchanga hmalakna a sawipui.

Bialtu MLA in lawmpui

Serchhip bialtu MLA, Lalduhoma chuan Mizoram University hnuaia Under Graduate result chhuaka Serchhip bial chhung atanga pass te chu a lawmpui thu a sawi a, Govt. Serchhip College in result tha tak a neih bakah Serchhip bial mi te pawhin Mizoram-a College dangah result tha tak an neih thu pawh tarlangin, Samuel Malsawmzuala chu B.A (Economics)-ah Topper niin Arts pumpuiah mark hmu sang berin Gold Medalist a nih thu leh an hotute sawi danin, a mark hmuh hi Record a tlin an rin thu pawh a sawi a. Amah hian IAS nih a tum niin Pathian leh Bial mipuite zarah MLA a ni ve zel a nih chuan, Malsawmzela hi MLA Fund atangin puih ngei turah a ngaih thu a sawi bawk a. Pass thar te chu a lawmpui thu leh an zir zelna turah duhsakna a hlan thu a tarlang bawk a ni.

Dan zawm turin hriattir

Serchhip District Bawrhsap chuan COVID-19 hri leng mekah sawrkar Dan siam te zawm vek tur a ni tih a sawi.

Covid laka himna Dan khauh lehzuala kenkawh tum

COVID-19 hri leng laka mipuite an him theih dan tur ngaihtuaha nimin-a District Bawrhsap hova sawrkar mi pawimawh te thukhawm chuan COVID-19 laka himna tura Dan te khauh lehzuala kenkawh nise an ti.

Serchhip-ah tualchhung-a COVID-19 hri inkaichhawng hmuh belh zel an ni

Niminpiah-a Serchhip-a Sample enfiah atangin COVID-19 hri kai mi pakhat hmuh belh leh niin nimin khan hri kai pathum hmuh belh leh a ni bawk a, Serchhip District-a COVID-19 hri kai hmuhchhuah chu mi 80 tlingin tualchhunga hri kaichhawng an pung chho chak hle a ni.

State pahnih Home Secretary ten inbiakna an nei

Tunhnaia Mizoram leh Assam ramri-a buaina thleng chinfel a nih theih nana hmalak dan tur chungchangah nimin khan State pahnih Home Secretary te chuan Lailapur-ah inbiakna an nei.

Chanchin thar thenkhat :

Mau chungchang zirhona nei

Mizoram-ah hri kai hmuhchhuah pung leh hret

Niminpiah-a Mizoram-a Sample enfiah atangin COVID-19 hri kai mi 30 zet hmuhchhuah an ni a, Mizoram-a COVID-19 hri kai pawh mi 2310 an tling tawh.

ZPM Vice President in tihbo an tum thu sawi

ZPM Vice President, K. Sapdanga chuan ZPM in sawrkarna an lo chang ve thei anih chuan Minister-te bathlara thlawhhma neih ngawt ang chi chu tihbo an tum thu a sawi.

MZP hruaitu ten ramri buaina kaihhnawih sawipui

MZP General Hqrs. hruaitute chuan nimin khan Chief Minister, Zoramthanga chu a Pisa-ah hmuin tunhnaia ramri-a buaina thleng kaih-hnawih leh hmalak zel dan tur chungchang an sawipui.

Khawtual-a COVID-19 inkaichhawnna chhutchah nan 'COVID-19 No Tolerance Fortnight' hman tum a ni

Karleh Thawhtanni atanga tan turin Mizoram-ah 'COVID-19 No Tolerance Fortnight' hman tum a ni.

MES-ah Serchhip mi tling

Mizoram Public Service Commission in PWD hnuaia Mizoram Engineering Service (Civil Engineering) atana mi 17 a lak thar turah C. Vanlalrindika S/o C. Lalnunsanga, Serchhip Field Road chu tling zingah a tel.

Hri kai 84.21 dam tawh

Serchhip District-a COVID-19 hri kai hmuh atangin zaa 84.21 te enkawl dam an ni tawh.

Ni 3 chhungin Sample 259 la

Tunkar Thawhtanni-a Serchhip-a COVID-19 hri kai hmuhchhuah ten an lo kawm hnaih te chhuina kal zelah ni thum chhungin Sample 259 laa enfiah a ni.

Sum tlingkhawm tam

Serchhip Sub-Hqrs. YMA in tunhnaia ramri a buaina thleng avanga Mizoram chhan nana thawktute tana Serchhip Town chhung YMA Branch 21-a tanpuina bawm a hun ah nimin tlai thlenga sum tla tlingkhawm chu Rs. 83,211/- zet tlingin Vawiin ah semchhuah a ni ang.

FOCUS hnuaia thawktute tan GIS zirhona neih a ni

Directorate of Science & Technology hnuaia Mizoram Remote Sensing Application Centre (MIRSAC) Aizawl buatsaihin nimin khan Serchhip District-a FOCUS hnuaia thawk te tan Geographic Information System (GIS) chungchang zirhona neih a ni.

Rampum-ah hmelma kut-a thi Police te hriatrengna leh zahna hlanna hun hman a ni

Image
India rama Police an Duty laia hmelma te kut-a nunna chan te hriatrengna leh zahna lantirna hun, ‘Police Commemoration Day’ chu nimin khan rampum ah hman niin Serchhip-ah pawh SP Office tual-ah he Ni hi urhsun taka hman a ni a. Kum 1972 hnuah Mizoram-ah hmelma kut-a thi Police mi 56 an awm tawh a ni.

MZU in UG result tichhuak

Mizoram University (MZU) chuan nizan hmasa khan Under-Graduate Result tihchhuak in Govt. Serchhip College pawhin an titha hle.

Bike atanga tla boral

Aizawl atanga Khawlailung pan-a kal Bike pakhat-a chuang naupang kum 8 mi, Aizawl Dawr-pui Veng-a khawsa chu Serchhip leh Thenzawl inkar-ah Bike atanga a tlak avangin a boral.

Serchhip-a Hri kai te chhuizuina ah hri kai dang mi 8 hmuhchhuah belh leh an ni

Niminpiah lam-a Serchhip-a COVID-19 hri kai hmuhchhuah mi pahnih te lo kawm hnaih chhui zuina kal zelah Serchhip-ah COVID-19 hri kai mi 8 hmuh belh leh an ni.

Chanchin thar thenkhat :

Inrawnkhawmna neih a ni

Mizoram-ah hri kai hmuhchhuah an pung zel

Niminpiah-a Mizoram-a Sample enfiah atangin COVID-19 hri kai mi 27 zet hmuh leh an ni a, an zinga tam zawk hi tualchhunga hri kai hmuhchhuah tawh te nen inkawmhnaih atanga hri kai hmuhchhuah an ni.

P&E Minister in Thinghlun a ramri Duty te a tlawh

P&E Minister, R. Lalzirliana chuan nimin khan Assam leh Mizoram inrina, Thinghlun khua tlawhin ramri-a duty-te chu ram leh hnam hum-halh nana duty an nih angin theihtawp chhuah zel turin a sawm.

'Mizoram Kailawn 2020-Accelerator' chhawpchhuak

Mizoram Sawrkar-a Planning & Programme Implementation Department leh Mizoram Entrepreneurship Monitoring Committee (MEDMOC) in Indian Institute of Management, Kolkota nen a tangkawpa an buatsaih, 'Mizoram Kailawn 2020-Accelerator' chu chhawpchhuah a ni ta.

Mizoram-a Zu khapna Dan hman hnua Sap Zu man khawm tihral a ni

Mizoram-a Zu khapna dan, Mizoram Liquor Prohibition Act 2019 hman hnua dan kalha Mizoram-a Sap Zu phurhluh Excise & Narcotics Department in an man te chu nimin khan Excise & Narcotics changtu Minister, Dr. K. Beichhua hovin leihbua-a tihchhiat a ni.

Hri laka himna tura tanlak a tul e

Nimin khan Serchhip-ah COVID-19 hri kai mi pahnih hmuhchhuah niin heng hri kai hmuhchhuah thar te hi hri an kaina hriat ala ni lo a. Hetianga zinchhuahna nei lemlo leh hri kaina chhan hriatloh kan neih tak avang hian kan khawpui hi kan hri leng buaipui mek hian engtiang chiahin nge min lo chim tawh tih hriat a har ta hle mai a. Hei kai hmuhna VC Area-ah inkharkhip te puan ni mah se khawpui chhung Veng hrang hrangte hi in-kalpawh nasa tak kan la nih bawk si avangin hri hian a thlen chin tur hriat a har ta hle mai a, chutihrual chuan heng hri kai kan hmuh te hriatchhuah an nih hma hian hri hian min lo luhchilh hneh tawh hle em ni tih pawh ngaih-tuah tham tak a ni bawk.

KEIMAHNI

Kan Chanchinbu enkawltute Veng ah nimin-a COVID-19 hri kai hmuhchhuah niin Total Lockdown puan nghal a ni a. Hri kai hmuhchhuah te hi kan chanchinbu enkawltute nen lo inkawmhnaihna neilo mah se mipuite kan him zawk theihna turin hri kai ten an kawmhnaih te chhui hna thawh chhung chu dan pangngaiin chanchinbu a rawn chhuak mumal lo deuh dawn a, LENKAWL chanchinbu latute lo hrethiam hram hram turin kan ngen a che u. Hun reilote ah Dan pangngaia rawn tihchhuah zui leh theih beisei niin PDF Copy chhiar duh tan Ph. No. 9862647655 leh 8974773210-ah te in hriattir theih a ni ang. Editor, LENKAWL Serchhip Nitin Chanchinbu

Bawrhsap in thuchhuah siam

Serchhip District Bawrhsap chuan ei leh in lakkhawm chungchanga mipuiten harsatna an tawh loh nan thuchhuah siamin mahni ei leh in (essential commodities) mamawh tawk aia tam inchhekkhawl (hoarding) loh tur a ni tih a tarlang a. Thil zuartute leh sumdawngten bungrua chheprelh emaw lakna aia to uchuak emawa hralh loh tur a nih thu pawh tarlangin, MRP aia man to-a hralhte chu dan anga hrem an ni ang tih a tarlang bawk.

Containment Zone puang

Serchhip District Bawrhsap chuan Chanmari Veng huamchhung leh P&E Veng-a Little Flower Convent School leh Soil Peng inkar te chu CO-VID-19 hri kai hmuhchhuah an nih avang leh hri kai darh zel theihna a nih avanga Contact Tracing mumal leh chak taka kalpui a nih theih nan Containment Zone-ah a puang a, mipuite chu mahni In-ah inkharkhip vek tura tih niin dawr leh hnathawhna hmun te pawh khar tura tih a ni a, sawrkar Office leh zirna In te erawh chu sawrkar thupek awmsa \ha taka zawm chunga kal chhun-zawm tur niin mipui dawr theih erawh a ni lo thung a ni.

Serchhip-ah hri kaichhawnna hriatloh atangin COVID-19 hri kai mi 2 hmuhchhuah an ni

Nimin khan Serchhip-ah COVID-19 hri kai mi pahnih hmuhchhuah niin an pahnih hian hri an kaina hriat a ni lo ve ve a, hei vang hian nimin atang khan Veng thenkhat ah chuan inkharkhipna puan nghal niin hri kai ten an lo kawm hnaih te chhui hna pawh ngawrh taka thawh nghal a ni.

Chanchin thar thenkhat :

Deputy Speaker in tlawh

CM hovin Horticulture Department hmalakna thlirho

Nimin khan Horticulture Dpartment changtu, Chief Minister, Zoramthanga hovin nikum 2019-2020 chhunga Horticulture Department hmalakna leh kumin kum kallai mek 2020-2021 chhunga hmalakna hrang hrangte thlirhona leh sawihona neih a ni.

Health Department hmalakna thlirho a ni

Health & Family Welfare Department-in COVID-19 hripui leng dona kawnga an hmalakna bakah Mizoram hriselna atana Department hmalakna hrang hrang thlirhona chu nimin khan neih a ni.

Ramri-a buaina chungchangah Union Home Minister in Mizoram Chief Minister a rawn bia

Tunhnaia Mizoram leh Assam ramri-a buaina thleng chungchangah Union Home Minister, Amit Shah chuan nimin khan Mizoram Chief Minister, Zoramthanga chu rawn biain boruak tha zawk a awm zel nan theihtawp a chhuahpui tur thu a rawn hrilh.

SEC thutkhawm neih a ni

Serchhip Sub-Hqrs. YMA chuan nizan khan Serchhip Bazar-a an Office-ah \hutkhawm hmanhmawh neiin tunhnaia Assam leh Mizoram ramri a thil thleng chungchang leh hemi kaihhnawih a hmalak dan tur te an sawiho a. Ramri-a Duty te tanpuina atan Town Branch tinah Vawiin atang hian Bawm hun nise an ti bawk.

Ramri-a buaina ah Mizoram mi 7 in hliam tuar; Council of Minister thutkhawm neih nghal a ni

Inrinni khan Mizoram leh Assam ramri-ah buaina chhuakin Mizoram lam atang hian mi 7 in hliam an tuar nia thudawn a ni a, Assam lamah pawh hian hliam tuar an awm mek nia sawi niin, he thil thleng chungchangah hian nimin khan Mizoram sawrkar-a Council of Ministers thutkhawm hmanhmawh neih nghal a ni.

Chanchin thar thenkhat :

 Ruahmanna siam mek a ni

Chhekhnai in Heroin man

Chhekhnai Branch Anti-Drug Squad chuan an thudawn bawhzuiin Zirtawpni zan khan an Branch huamchhungan Heroin No. 4 Gram 5 vel an man a, heng ruihhlo an man hi tualchhung a hralhna rate hi Rs. 50,000 atanga Rs. 60,000 man vel nia chhut a ni. Heng ruihhlo neitu hi IOC Veng-a cheng Jacob-a nia hriat niin Excise & Narcotics Department kutah hlan nghal a ni.

Tuitla ruang hmuin vuiliam

Tun thla ni 8-a Serchhip leh Vanchengte in-kar Tuikum lui-a chesual leh tui-a tla zui ta, K. Lalngaihdami chu Inrinni khan a ruang hmuh niin Inrinni vek khan vuiliam nghal a ni.

Ramri buaina nghawng theih Bawrhsap hovin sawiho

Inrinni zan-a Assam leh Mizoram ramri-a buaina thleng chungchang leh chumi in Serchhip District chhunga nghawng a neih theih te ngaihtuahin nimin khan Serchhip-ah District Bawrhsap, Kumar Abhishek hovin sawrkar mi pawimawh te an thukhawm.

Serchhip-ah zaa 95.45 enkawl dam an ni tawh

Serchhip-a COVID-19 hri kai hmuhchhuah pakhat chu Inrinni khan enkawl dam leh niin Serchhip-a COVID-19 hri kai hmuhchhuah atanga zaa 95.45 te chu enkawl dam an ni tawh.

Mizoram-ah COVID-19 hri kai mi 8 hmuh leh an ni

Inrinni-a Mizoram-a sample enfiah zingah COVID-19 hri kai mi 8 hmuh leh niin an zingah hian zirna In zawm tura Aizawl-a let zirlai 2 an tel a ni.

Mizoram Gorkha te Mizo ruala ke pen turin inpeih

 Mizoram Gorkha Youth Association (MGYA) chuan Mizoram leh Karimganj leh Cachar District-a Assam nen a ramri a buaina thleng chu pawi an tih thu sawiin, Karimganj leh Cachar District-a dan leh thupek kengkawhtu te chet dan chu an dem takzet tih nimin khan thuchhuah siamin an sawi a. “Inrinni zan-a Vairengte leh Lailapur bawr a buaina thlenga kan Mizo unau hliam tuar an awm te hi hriatthiam a har in pawi kan ti a kan tawrhpui tak zet zet a ni,” tiin “He hun khirh tak kan tawn mekah hian kan Sawrkar, Mizo unau te leh NGO-te rualin an au hla zawmin an kiangah kan ding nghet tlat a ni,” an ti. MGYA chuan Mizoram Gorkha te chuan Mizoram bak ram tih tur an neilo tih pawh sawiin, ramri humhalh kawngah a tulna apianga Mizo unaute ruala ke pen turin an in peih reng tih an sawi bawk.

ZPM in VC leh LC tan Code of Conduct duang

ZPM Legislature Party (ZLP) Leader, Lalduhoma chuan VC/LC an siamna ah Kalphung thar-a khawtlang an enkawl theih nan Code of Conduct duan mek a nih thu a sawi.

MSU in Shiv Mandir sak tumna an duhlo tih an sawi

Mizo Students’ Union (MSU) General Hqrs. chuan Tripura a Tuikuk ten Mizoram chhung Phuldungsei VC Area, Thaidawr Tlanga Shiv Mandir sak hnatlang Oct. 19 leh 20-a an ko chu tha an ti lo tih an sawi a. Hemi chungchangah hian Mizoram Home Minister an hmuh thu leh Tuikuk ten kan ramchhung ngeia Shiv Mandir sak an tum chu tha an tih loh thu leh he thil hi a thlen loh nana hma la a, Police te pawh duty tir nghal tura an ngen thu an sawi a. Hemi chungchangah hian sawrkar in hma a la lo a nih chuan a theih anga chetchhuah an tum thu an sawi bawk.

Ramri chinfel thuai a tul thu MZP in CM-ah thlen

Mizo Zirlai Pawl (MZP) chuan Mizoram leh Assam ramri chu chinfel thuai tul an tih thu Chief Minister hnenah an thlen.

Hripui laka zirlaite an him theih nana theihtawp chhuah turin zirlai nu leh pa te Minister in a chah

Health Minister, Dr. R. Lalthangliana chuan zirlai nu leh pa te chu an fa te hripui laka an him theih nan theihtawp chhuah turin a chah.

Chanchin thar thenkhat :

Lok Sabha MP in CEC kawm

Tui tla zawng chhunzawm

Ningani kalta-a Tuikum lui-a chesual, Lal-ngaihdami chu khawtlang huapa ni 7 zawn a nih hnuah hmuh ni lovin khawtlang huapa zawn tih-tawp ni mahse nimin khan Keitum khawtlang chuan a zawn hna an thawk chhunzawm leh a, he hunah hian thalai thahnem tak thawkchhuakin Tuikum lui, Hriangtlang kai atanga Tuikum leh Tuichang infinna thleng bakah lui pahnih infinna atanga Tuichang lui Khawlailung kai thlengin tui tla zawn hna hi an thawk a, chanchin lawmawm hriat tur erawh a awmlo thung. Hetihlai hian Hriangtlang khawtlang in Ngar an hem pawh nimin thleng khan an khua hian an la veng zui bawk a ni.

Mizoram-ah COVID-19 hri kai mi 9 hmuh leh an ni

Niminpiah-a Mizoram-a Sample enfiah atangin COVID-19 hri kai mi 9 hmuh belh leh niin an zingah hian hri kaina chhan hriatloh mi pathum an awm.

Minister in APEDA Pack House cum Cold Storage tlawh

Agriculture Minister, C. Lalrinsanga chuan nimin khan Tuirial-a APEDA Pack House-cum-Cold Storage chu a tlawh.

Synod Moderator in ‘Sikulpui’ a hawng

Aizawl-a ‘Sikulpui’ chu Mizoram Synod kuta hlan a nih hnuah nimin khan a hawnna neih a ni.

Mizo Regiment/Rifles din tura ngenna thlen

Mizoram Rajya Sabha MP, K. Vanlalvena chuan niminpiah tlai khan Union Defence Minister, Rajnath Singh chu New Delhi-a a chenna In-ah hmuin Defence Ministry hnuaiah emaw, Home Ministry hnuaiah emaw Mizo Regiment emaw, Mizo Rifles emaw din turin a ngen.

Tourism hmasawnna tura pawimawh te thlen

Nimin khan a ni 2-na atan Union Minister of State for Tourism, Prahlad Singh Patel-a hovin State Tourism Minister te Virtual Meeting neih a ni a, he Meeting-ah hian COVID-19 hripui leng vanga Tourism Industry-in nasa taka tlakchhiatna a tawhte sawihoin Tourism Industry siamthat lehna tura hmalak dan tur kawng hrang hrang sawiho a ni.

HSSLC leh HSLC result chhuaka sawrkar School tithate lawmpuina hun Minister hova hman a ni

Kum 2020 HSLC leh HSSLC result chhuaka zirlai za-a za pass tir thei Mizoram hmun hrang hranga sawrkar enkawl School 21 te lawmpuina hun chu nimin khan buatsaih niin Serchhip atangin zirna In pahnh ten lawmpuina hi an dawng a ni.

Tui tla thlahna hun hmang

Tun thla ni 8-a Tuikum lui, Vanchengte kai-a chesuala tui-a tla, K. Lalngaihdami chu a ruang pawh hmuh a nih tak loh avangin nimin khan an chenna In ah Kohhran in thlahna hun an hmang.

Volleyball Court laizau

Serchhip Chanmari VC te chuan nimin atang khan Serchhip Chanmari Veng-a YMA Volleyball Court chu lai zauin a chhaklam-a awm ten an kawtkai thlenga lirthei an tlantir theihna turin hma an la a. Serchhip Chanmari VC-a President, C. Lalremliana chuan Volleyball Court zauh a nih theih nan leh hetianga kawng an siam theih nan hian H. Vanlallawmi te chuan an ram zau tak chu vantlang tan an pe tih sawiin, hetianga khawtlang tana inpe an awm chu an lawm hle tih a sawi bawk.

ATM-a harsatna thlen

Serchhip District Consumers Association hruaitute chuan nimin khan State Bank of India (SBI) General Manager hmuin Serchhip-a ATM chungchanga harsatna awm te an sawipui.

Serchhip District-ah mi pakhat enkawl dam

Serchhip District-a COVID-19 hri kai enkawl pakhat chu enkawl dam leh niin nimin khan Thenzawl AYUSH Hospital CCC atanga chhuahtir a ni.

Serchhip damdawi In-a inentir tum zingah COVID-19 hri kai hmuh niin OPD khar lailawk nghal a ni

Nimin khan Serchhip-ah COVID-19 hri kai pakhat hmuhchhuah a nih avangin Serchhip District Hospital-a OPD chu chawhnu lamah khar lailawk nghal a ni a, he thil thleng avang hian mipuite chu chi-ai lo tura chah niin Vawiin lam hian OPD hi khar chhunzawm ala ni ang.

Thalaite zinga entrepreneurship tihhmasawnna tura hmalakna thar siam belh chungchang sawiho a ni

Nimin khan Chief Minister, Zoramthanga hovin Mizo thalaite zinga mahni kutkawih eizawnna, Entrepreneurship lama hma an sawn theih nan hmalakna thar siam belh chungchang sawihona neih niin Mizo thalaite zinga mahni kutkawih, mahni hmangchang hriatna hmanga eizawnna nei thei tura thalaite dinhmun zirchianna chu thlirho a ni bawk.

Rs. 500/- in Test theih dawn

Sawrkar ruahmanna anga zirna In sang then-khat hawn a nih dawn tak avanga Hostel-a awm tur Rapid Antigen Test (RAgT) nei duhte tan Vawiin chawhma dar 10:00 atang hian CMO Conference Hall-ah test theih a ni dawn a, test man Rs. 500/- zel tur a ni ang.

Ui khuahkhirhna thupek siam

Serchhip District Magistrate, Kumar Abhishek chuan Section 144 CrPC 1973 in thuneihna a pek angin Serchhip District chhunga mipui vantlang nun a lo zalen a, kan lo hrisel zawk nan mi tumah in khawlai-ah Ui an chhuah tur a ni lo tih thupek a chhuah a, Ui vulhtu ten khawlai ah len chhuahpui an duh chuan thlungin an kai tur a nih thu leh Ui te hi khawlaiah leh mi In kawtah ek tir loh tur niin, a neituten an Ui ek te bawlhhlawh bawm-ah an paih vek tur a ni tih a tarlang bawk. He thupek zawmlo te chu Sec. 188 IPC hmangin hrem an ni anga, Oct. 13, 2020 atanga thla hnih (2) chhung a huam ang.

Hri kai thar hmuh awmlo

Darkar 24 kalta chhungin Serchhip District-ah COVID-19 hri kai hmuhchhuah thar leh hri kai enkawl dam awm an awm lova, Serchhip District-a hri kai hmuhchhuah zingah za zela 93.84 te chu enkawl dam an ni tawh.

Tuitla hmuh zawh a ni lo

Kar kalta Ningani chawhnu lama Serchhip leh Vanchengte inkar Tuikum lui-a chesuala tui a tla, Lalngaihdami (14) D/o K. Chanchinmawia, Serchhip IOC Veng chu Mizo dan a ni 7 zawn a nih hnuah a ruang pawh hmuh a nih tak loh avangin nimin khan khawtlang huapa zawn hna thawh chu tihtawp a ni ta a, nimin tlai dar 4:00 khan a chetsualna hmun, Tuikum lui-a Vanchengte kai leh an zawnna hmun, Hriang-tlang kai-ah te hunserh hmangin tui tla zawn hna hi tihtawp a ni a, Vawiin chawhma dar 11:00 hian an chenna In-ah Kohhran lamin a thlahna puala hunserh an hmang ve leh ang.

SEDAL dinchampha ah lehkhabu pahnih tlangzarh

Serchhip District Academy of Letters (SE-DAL) chuan nimin khan an dinchampha lawmin an member te lehkhabu buatsaih pahnih chu an tlangzarh nghal bawk.

Serchhip District-ah hri kai 308 enkawl dam tawh

Serchhip District pawnlam atanga COVID-19 hri kai hmuhchhuah, Serchhip District-a enkawl tura rawn dah mi 247 te chu enkawl dam vek niin anmahni enkawlna hmun atanga chhuahtir an ni tawh a, Serchhip District-a hri kai enkawl dam zawng zawng chu 308 an ni tawh.

Chanchin thar thenkhat :

Sangha fuan rut lo turin chah

Mizoram-a hri kai enkawllai za aiin an tlem ta

Mizoram-a COVID-19 hri kai enkawllai chu mi za aiin an tlem ta a, hri kai hmuhchhuah atanga zaa 95.54 te chu enkawl dam an ni tawh.

Mizoram State Cancer Institute tan Motor pe

Lawngtlai West bialtu MLA, C. Ngunlianchunga chuan nimin khan Mizoram State Cancer Institute, Zembawk in a tul apianga an hman tur lirthei ( Van motor) chu MLA Fund atangin a pe.

Land Revenue and Survey Board thutkhawm nei

Land Revenue and Survey Board chu nimin khan Revenue Minister, Lalruatkima hova thukhawmin Board hmalakna hrang hrang an thlirho.

Chief Minister hovin PHE Department hotu ten Mizoram-a Jal Jeevan Mission kalpui dan an thlirho

Mizoram-a Public Health Engineering (PHE) Department hotute chuan nimin khan Chief Minister, Zoramthanga hovin Mizoram-a Jal Jeevan Mission (JJM) kalpui mek chungchang sawihona neiin PHE Department changtu Deputy Chief Minister, Tawnluia pawhin he hun hi a hmanpui a ni.

Chanchin thar thenkhat :

Health Minister hovin rel

Mizoram MP ten Union Finance Minister an hmu

New Delhi-a cham mek Rajya Sabha MP, K. Vanlalvena leh Lok Sabha MP, C. Lalrosanga te chuan nimin khan Union Finance Minister, Nirmala Sitharaman-i chu a Office-ah hmuin Chief Minister, Zoramthanga'n HUDCO Loan ba, cheng vbc. 39.29 ngaihdam dilna a lo thawn tawh leh Phone hmanga alo sawipui tawh chungchang an bawhzui.

Ramri chungchangah District 2 DC te an inkawm

Mamit District Bawrhsap, Dr. Lalrozama IAS kaihhruaina in nimin khan Mamit DC leh Karimganj DC, Anbamuthan MP te chuan Kanhmun BNRGSK Hall-ah Assam leh Mizoram inrina chungchang sawiin inkawmna an nei.

Mizoram-ah COVID-19 hri kai mi 10 hmuh leh an ni

Niminpiah-a Mizoram-a Sample enfiah zingah COVID-19 hri kai mi 10 hmuhchhuah belh leh niin Mizoram-a hri kai hmuhchhuah chu 2212 an tling tawh.

132kV Single Circuit Transmission Line hawn a ni

Zuangtui atanga Mizoram chhimlam Eng pekna tur, 132kV Single Circuit Transmission Line Melriat chu nimin khan P&E Minister, R. Lalzirliana chuan hawngin nimin vek khan Lunglei-ah he Line thar lawmna hi neih a ni bawk.

MLA in Tuitla zawng tlawh

Serchhip bialtu MLA, Lalduhoma chuan nimin zing khan Serchhip Sub-Hqrs. hruaitute nen Ningani kalta-a Tuikum lui-a chesual Lalngaihdami zawn hna thawk mektute chu an tuitla zawnna hmunah a tlawh a, bialtu MLA chuan tuitla zawngtute inpekna leh tlawmngaihna chu fakawm a tih thu sawiin, vanduaina tawktu chhungte a tawrhpui thu a sawi a. Tui tla zawnna atana a tul anga hman turin Serchhip Sub-Hqrs. YMA kutah Rs. 8000/- pein hemi hmalam hian Rs. 2000/- a lo pe tawh bawk a, Tuitla zawn hna thawktu Hriangtlang YMA te pawh Rs. 2000/- a pe bawk. Serchhip bialtu MLA, Lalduhoma hi Tuirial bialtu MLA, Andrew H. Thangliana chuan rawn tawiawmin Andrew H. Thangliana hian Serchhip Sub-Hqrs. YMA hnenah hian tuitla zawnna atana an hman turin Rs. 2000/- a pe ve bawk a ni.

Tui tla hmuh ala ni lo

Ningani kalta a Tuikum lui-a tla, Lalngaihdami chu nimin thleng khan khawtlang in la zawngin Vawiin thleng khawtlang huapa zawn hna hi thawh a ni ang.

BSF Sipai hri kai enkawl dam vek an ni ta

Serchhip Nursing School CCC-a BSF Sipai hri kai enkawl zawng zawng chu enkawl dam niin hri kai enkawl dam hnuhnung ber chu nimin khan a enkawlna hmun atang hian chhuahtir a ni.

Serchhip District-a Zirna In hawn zel dan turah Bawrhsap hovin inrawnkhawmna neih a ni

Hripui leng kara Serchhip District-a zirna In hrang hrang kalpui zel dan tur chungchanga inrawnkhawmna chu nimin khan Serchhip District Bawrhsap, Kumar Abhishek hovin Serchhip-ah neih a ni.

Serchhip-ah Bawrhsap hovin mahni-a eizawnna kawng dap dan tur zirhona neih a ni

Mizoram Handloom & Handicrafts Development Corporation Ltd. (ZOHANDCO) buatsaihin nimin khan Serchhip-a BNRGSK Hall-ah ‘Handloom, Handicrafts, Food Processing Agro Based Poultry Awareness and Seminar’ neih a ni a, he hun hi District Bawrhsap, Kumar Abhishek chuan khuallian niin a hmanpui a ni.

Mizoram-ah Mihring aiin mobile connection tam

Mizoram-a mihring cheng aiin Mizoram-a Company hrang hrangten Mobile Phone Connection an neih zat chu a tam zawk.

Bialtu MLA rawn kal

Serchhip bialtu MLA, Lalduhoma chu nimin chawhnu khan Serchhip-ah rawn chhoin kar kalta Ningani chawhnu lama Tuikum lui-a chesual, Lalngaihdami zawnna ah Vawiin hian a kal nghal dawn a, Tuirial bialtu MLA, Andrew H. Thangliana chuan a rawn tawiawm a ni. Serchhip bialtu MLA hian hemi hmalam hian tuitla zawngtu ten a tul anga an hman turin Rs. 2000/- chu a lo pe tawh bawk a ni.      Serchhip bialtu MLA, Lalduhoma hian nizan khan Serchhip ZPM Block Committee President, V. Rozamliana te In-ah ZPM hruaitute kawmin tunlaia politics boruak chungchang leh tunhnaia MLA atanga amah banna tura MLA thenkhat ten an thlen chungchang te a sawi bawk.

Tui tla la zawng zui zel

Ningani kalta a Tuikum lui-a chesual, Lalngaihdami, Serchhip IOC Veng chu khawtlang in zawn mek la niin nimin khan khual atangin Tui chhung lut turte pawh an rawn thlen belh leh.

Hri kai 2 enkawl dam an ni

Serchhip District-a COVID-19 hri kai hmuh-chhuah pahnih chu enkawl dam niin tun thlengin Serchhip District-a hri kai hmuhchhuah atangin mi 60 enkawl dam an ni tawh.

Hri kai pakhat hmu leh

Niminpiah khan Serchhip District-ah CO-VID-19 hri kai mi pakhat hmuhchhuah leh niin Serchhip District-a hri kai hmuhchhuah chu mi 65 an tling ta.

Chanchin thar thenkhat :

 Speaker in leiminna tlawh

PUC-ah Minister hovin ‘Wildlife Week’ hman a ni

Pachhunga University College chuan nimin khan ‘Wildlife Week’ pualin hun an hmang a, Environment, Forest & Climate Change Minister, TJ. Lalnuntluanga chuan khuallian niin a hmanpui a ni.

Mizoram-a COVID-19 hri kai zingah za zela 95.05 te enkawl dam an ni tawh

Mizoram-a COVID-19 hri kai hmuhchhuah zingah za zela 95.05 chu enkawl dam an ni tawh a, nimin tlai thleng khan hri kai enkawllai 109 an la awm a ni.
Chief Minister, Zoramthanga hova nimin-a Labour Employment, Skill Development and Entrepreneurship  (LESDE) Minister leh MYC Chairman te thukhawm chuan Central Service-ah Mizoram thalai tam zawk an tlin chhoh theih nan Delhi-a Coaching kal turin Full Sponsorship siam an rel.

Mizoram-ah 93.72% enkawl dam an ni tawh

Nimin khan Mizoram-ah COVID-19 hri kai mi 37 enkawl dam leh niin Mizoram-a hri kai enkawl dam zawng zawng chu zaa 93.72 an tling ta.

Mi 7 la enkawl mek

Niminpiah a Serchhip District-a Sample enfiah zingah COVID-19 hri kai hmuh thar an awm lova, Serchhip District-a hri kai enkawl mek te zingah nimin-a enkawl dam awm lovin Serchhip District-a COVID-19 hri kai enkawlna hmun hrang hrangah mi 7 enkawl mek an la ni.

Chanchin thar thenkhat :

Lok Sabha MP in thlen

BSF Sipai 188 dam tawh

Mizoram sawrkar in BSF Sipai COVID-19 hri kai te Serchhip-a enkawl tura a tih hnuah anmahni enkawlna hmun atang hian BSF Sipai mi 188 enkawl dam an ni tawh.

Tui tla la zawng zui zel

Ningani kalta a Tuikum lui-a chesual, Lalngaih-dami, Serchhip IOC Veng chu mi tlawmngai ten la zawng zui zelin nimin tlai thlengin chanchin lawmawm hriat tur erawh ala awm lo.

International Girl Child Day, 2020 lawmna leh BBBP Photography Competition lawmman semna neih a ni

International Girl Child Day, 2020 lawmna leh Beti Bachao Beti Padhao (BBBP) Serchhip District Photography Competition lawmman semna chu nimin khan Serchhip-ah neih niin Serchhip District Addl. DC, Lalmuansanga Ralte chuan a hmanpui a ni.

Assam mite chetna hmun MZP in an tlawh

MZP General Hqrs. hruaitute chuan Thinghlun khawdaia Assam Police leh Forest Department ten Mizoram mi te Thlam an hal sakna chu a hmunah tlawhin Thinghlun khawtlang hruaitute nen inkawmna an nei nghal.

MNYF hruaitu ten Thinghlun khua an tlawh

MNF Thalai, Mizo National Youth Front (MNYF) President leh Assembly Deputy Speaker, Er. Lalrinawma chuan nimin Thinghlun khuaa Assam hovin Mizo huan leh Thlam an suasamna hmun an tlawh bakah tanpuina a hlan nghal bawk.

LADC thutkhawm tan a ni; Chairman in banna thehlut

Lai Autonomous District Council (LADC) thutkhawm ni hnih (2) awh tur chu nimin khan Lawngtlai-a LADC Session Hall-ah neih tan a ni a, Session tan hma hian Chairman nilai, V. Zirsanga chuan banna a thehlut.

October ni 16, 2020 atangin Class X leh XII zirlaiten dan pangngaiin School an kal tan dawn

School Education Minister, Lalchhandama Ralte hova sawrkar mi pawimawh leh zirna kaihhnawih pawl hrang hrang thukhawm chuan Class-X leh Class-XII zirlai naupangte chu Board Exam hmachhawn tur an nih avangin October ni 16, 2020 atangin nitin School kal dan pangngai (regular)-in School kal ni tawh se an ti.

Nikum aiin kumin ah thubuai ziahluh a tlem zawk

Kumin (2020)-a thla 8 kalta chhunga Mizoram Police te thubuai ziahluh chu nikum thla 8 chhunga thubuai ziahluh aiin 198 in a tlem zawk.

Upa atan mi 3 nemnghet

Hripui leng kara Serchhip Vengchung Koh-hran Biak In-a neih Chhimchhak Presbytery Inkhawmpui vawi 97-ah chu nimin khan zofelin khawmpui hi a tiak ta a, he khawmpui-ah hian nimin khan Kohhran Upa nemngheh inkhawm neih niin Kohhran Upa atan mi pathum (3) te nemngheh an ni. He Khawmpui-ah hian hri leng avangin Rorel Palai pawh kumdang aia tihtlem an ni.

Tui tla zawng chhunzawm zel

Ningani kalta a Tuikum lui-a chesual, Lalngaih-dami (14), Serchhip IOC Veng chu nimin a ni 4-na thleng khan zawn chhunzawm zel a ni a, he thu buatsaih lai thleng hian chanchin lawmawm lam hriat belh tur awm lovin mi tlawmgai ten luidung ah tui tla hi zawngin mi thahnem tak an la riaklut bawk a ni.

Faina hnatlang nei leh

Kar kalta a Faina Hapta hman denchhen in Inrinni khan Serchhip-II leh Serchhip-III VC te chuan khawtlang huap Faina hnatlang an nei leh a, heti hian Faina Hapta denchhen hian Town chhunga VC hrang hrangte chuan Faina hnatlang hi an nei kim thawkhat tawh a ni. Faina Hapta hman denchhen hian Serchhip Town chhunga VC Area fai thlanna hi neih a ni dawn a, inelna hi kumin chhung neih chhun-zawm tura ruahman niin kumthar lamah lawmman semna pawh neih tura ruahman a ni a, VC hrang hrangte hi thlatin vawikhat tal Faina hnatlang hi nei tura beisei an ni bawk. Inrinni khan Serchhip-a Cooperation Department te pawhin Faina hnatlang hi an nei a ni.

Vaimim tharchhuah lei mek

Mizoram Sawrkar Flagship Programme, SEDP hmalakna kaltlangin Serchhip-a Agriculture Department chuan loneitute Vaimin tharchhuah sa leikhawm leh hralhchhuah an buaipui mek.

Hri kai pakhat hmu leh

Inrinni-a Serchhip District atanga Sample enfiah atangin COVID-19 hri kai mi pakhat hmuh leh a ni.

Group YMA rammut titawp

Taitesena Group YMA chuan hripui leng dai theu tura an huamchhung State Bolundary-a April 13, 2020 atanga rammut an neih chu kan ram laili lamah hripui in bu a khuar mek bawk si avang leh sawrkar ruahmanna te a lo danglam tak zel avangin Vawiin, Oct. 12, 2020 atang chuan an Group YMA hminga rammut kalpui mek chu tihtawp nise an ti a, ni 182 chhung zet an duty niin an sawi bawk.

Kawngchhawng siamna tur en

Inrinni khan Chief Minister, Zoramthanga chuan Aizawl Vaivakawn leh Bawngkawn a kawngchhawng siamna tur hmunhma a en.

Mizoram-ah hri kai 13 hmuh belh an ni; Hri kai enkawl 165 chiah awm tawh

Inrinni-a Mizoram-a Sample enfiah atangin COVID-19 hri kai mi 13 hmuh belh leh an ni a, Aizawl Tuikual Veng-ah chhungkaw pakhat a mi 6 te chuan hri an kai tih hmuhchhuah a ni.

Mizoram-a Ramhmul damdawi siamna din turin ngen

Mizoram Rajya Sabha MP, K.Vanlalvena chuan Mizoram-ah ramhmul damdawi siamna Small Industry din turin sawrkar laipui a ngen.

Independent MLA te pawhin ramri an tlawh

Assam Forest Department hnathawktu ten an hal nia sawi Mamit District chhung Thinghlun khuaa John Zolawma huan chu Inrinni khan Independent MLA pathum- Vanlalhlana, Chhuanthanga leh Andrew H. Thangliana te chuan an tlawh.

Mamit DC leh SP in ramri-a harsatna thleng an tlawh

Zirtawpni tlai khan Mamit District Thinghlun khua-a John Zolawma Thlam chu Assam Police leh Assam Forest Department ten an hal nia hriat niin Ben David-a Kuhva huan pawh Assam lam miten an tihchhiatsak nia sawi a ni a. Hemi chungchanga thil thleng leh boruak zirchiang turin Mamit DC, Dr. Lalrozama leh SP Shashank Jaiswal te chuan inrinni khan Thinghlun khua hi an tlawh a ni.

Presbyterian in Missionary tirchhuak tam ber

Mizorama Kohhran hrang hrang zingah Presbyterian Church of India chuan Missionary an tirchhuak hnem ber.

MYC hmalakna in ‘Hna Inpui’ (Job Portal) hawn a ni

Hna zawngtute leh hnathawktu tur zawngtu te tana Mizoram-a siam, Hna Inpui (Job Portal) chu Zirtawpni zan khan Labour Employment, Skill Development and Entrepreneurship Minister, Lalchhandama Ralte chuan Aizawlah a hawng.

Mizoram-a Employment Exchange-a inziaklut zingah hmeichhia aiin mipa an tam zawk

Kum 2018-2019 chhung khan Mizoram-ah sawrkar hna hmu lo leh hna zawng mek, Employment Exchange-a inziaklut mi 32,332 awmin hna zawng inziaklut zingah mipa chu a tam zawk an ni.

Hripui len hnuah mipui ten ei leh bar an tlakchham loh nan Sawrkar in hma a la zel

Mizoram sawrkar-a Food, Civil Supplies & Consumer Affairs Department chuan COVID-19 hrileng kara mipui ten ei leh bar an tlakchham lohna tura hma an lak thu sawiin, PMGKAY Scheme hnuaia buhfai a thlawna sem tur chu December, 2020 thleng sem a nih tur thu an sawi bawk.

Party hrang hrang thu leh hla

@@@ Mizoram Pradesh Congress Committee (MPCC) Media Department chuan nimin khan thuchhuah siamin MNF kaihhruai sawrkar in an chan thatna chauh thlira mipui hriselna leh himna pawh pawisa lova Local Council leh Village Council inthlan an kaltlangpui luih laia an Party himna atana Block inthlan an thulh leh si chu an dem takzet tih an sawi a. MNF party hamthatna chauh thlir lova Mizoram mipui himna leh hriselna thlir hmasa zawk zel tura an phut thu an sawi bawk. @@@ MNF Party chuan nimin khan thuchhuah siamin tunhnaia Lalduhoma disqualification case kal lai mek chungchang dawt-a thu thehdarhtu zawngchhuak tura CM Office thiltih chu tih tur dik tak a nih thu an tarlang a. “Thudik lo, zeldin thu-bawl dawt phuahchawp mai mai hmanga Chief Minister zahawmna tihhmelhem tumtute zawng chhuak tura FIR an thehlut nghal hi Chief Minister leh a Office (CMO) zahawmna leh hlutna venhim nana tih ngei ngei tur a ni zawk a ni,” an ti bawk. @@@ Zoram Peoples’ Movement (ZPM) Southern Hqrs. chuan Oct. 8, 20

Chanchin thar thenkhat :

Dy. CM in lawmman sem

Damdawi In hmun tur tlawh

Serchhip District Hospital sakna tura rua-hman, Bukpui leh Chhiahtlang inkar ram chu nimin khan Assembly Deputy Speaker leh Tuikum bialtu MLA, Er. Lalrinawma chuan a hmunah a tlawh a, Chhiahtlang North leh South VC ten an lo dawngsawng a ni.

Faina hnatlang nei leh

Darnam Veng VC te chuan nimin khan Faina Hapta pual hnatlang an nei ve leh a, anni bakah hian Judicial Department, Fisheries Department, Land Revenue & Settlement, District Agriculture Office, Department of Environment, Forests & Climate Change leh I&PR Department te pawhin an Office leh a vel an thianfai bawk.

Presbytery Inkhawmpui nei

Presbyterian Kohhran rorelna sang ber dawt-tu, Presbytery Inkhawmpui chu Mizoram hmun hrang hrangah neih mek a ni a, hripui leng kara he inkhawmpui neih mekah hian kumdang anga hun hman theih a nih loh avangin Zan lama Pathian biak Inkhawm neih thin chu neih theih a ni lo a, hei bakah hian Rorel palai pawh a tlem thei ang ber inruat a ni bawk. Chhimchhak Presbytery Inkhawmpui vawi 97-na pawh Serchhip Vengchung Kohhran Biak In-ah neih mek niin nimin khan rorelna neiin Vawiin ah chhunzawm a ni anga, naktuk Pathianni-ah khawmpui hi an tiak dawn a ni.

Police hnenah thilpek hlan

Mizoram-a Private damdawi In inzawm-khawm, Non-Governmental Hospital Association of Mizoram (NGHAM) te chuan nimin khan Serchhip SP hnenah COVID-19 hri leng dona atana mamawh hmanraw thahnem tak an hlan.

Tui tla la zawng zui zel

Niminpiah-a Serchhip leh Vanchengte inkar Tuikum lui-a chesual-a tui a tla, Lalngaihdami chu nimin khan mi tlawmngai ten an zawn chhun-zawm leh a, nimin a tuitla zawngtute hi mi 500 chuang zet nia thudawn niin Serchhip bakah Van-chengte leh Hriangtlang khua atang pawhin mi tlawmngai an rawn thawkchhuak a. Tuikum-a Hmawng li, Rivunga kai leh Hriangtlang kai-ah te Ngar hemin Sipai lui chhuah li-a Khangpui zarin mi tlawmngai thahnem takin an riahchilh mek a ni.

Mental Health Day hmang

Vawiin October 10, 2020 hi ‘World Mental Health Day’ Serchhip-ah chuan nimin khan he Ni pual hian hun hman niin rilru hrisel neih a pawimawh zia inzirtirna Ni atan hman a ni.

Serchhip District-ah 92.06% enkawl dam tawh

Serchhip District-a COVID-19 hri kai hmuhchhuah mi 10 te chu enkawl dam an nih hnuah nimin khan anmahni enkawlna hmun atanga chhuahtir an ni a, Serchhip District-a hri kai hmuhchhuah atangin za zela 92.06 te chu enkawl dam an ni tawh a ni.

Hunthar Veng lei tlahniam DM&R Minister in a tlawh

Disaster Management & Rehabilitation Department changtu Minister, Lalchamliana chuan tukin khan tunhnaia ruahsur nasa avanga Hunthar, Chanmari West leh Vaivakawn Veng hmun thenkhata lei tlahniam thar te chu a hmunah kalin a enfiah.

Chief Minister in Mizoram hmun hrang hranga Intermediate Storage Godown thar 9 a hawng

Food, Civil Supplies and Consumer Affairs Department hnuaia Mizoram hmun hrang hranga Ration buhfai dah lailawkna tur Kudam, Intermediate Storage Godown sak zawh te chu nimin khan Chief Minister, Zoramthanga chuan a hawng.

The Mizoram State Agriculture Produce and Livestock Marketing Bill buatsaih mek a ni - Agriculture Minister

Agriculture Minister, C. Lalrinsanga chuan ‘The Mizoram State Agriculture Produce and Livestock Marketing Bill’ (APLM Bill) chu buatsaih mek a ni tih sawiin, he dan hmang hian awmze nei zawk leh kalphung mumal tak neia Agriculture lama kan thar chhuahte chu Market link mumal tak nena kalpui tum a nih thu a sawi.

Chanchin thar thenkhat :

CM hovin sawihona nei

Lalduhoma’n insawifiahna lehkha a thehlut

Rorellai pawl MNF MLA 12-in Anti-Defection Law bawhchhiaa an puh ZPM Legislature Party Leader, Lalduhoma chu Assembly Secretariat-in Sept. 24, 2020-a insawifiah tura a tih angin insawifiah tura hun pek tawp ni, nimin khan a insawifiahna a thehlut.

MNF Party MLA ten MLA atanga Lalduhoma ban tura Speaker hnena an thlen chhan an sawifiah

MNF Party-a MLA te chuan nimin khan Aizawl-ah thuthar thehdarhtute kawmin Serchhip bialtu MLA, Lalduhoma chu Dan bawhchhiat leh palzut avanga MLA atanga ban turin Assembly Speaker hnenah thlen a nih thu sawiin, ZPM Tangrual Pawl leh ZPM Party chu thil hrang daih niin an sawi bawk.

Home Minister in Piping Ceremony a hmanpui

Nimin khan Home Minister, Lalchamliana’n GS Arya Mess, Mizoram Police Hqrs, Aizawl-ah Constable 161, Honorary Head Constable-a kaisang te hnenah bel pekna hun, Piping Ceremony a hmanpui.

Mizoram Rajya Sabha MP in Union Minister a hmu

Mizoram Rajya Sabha MP, K. Vanlalvena chuan niminpiah khan Union Minister of Jal Shakti, Gajendra Singh Shekhawat chu a Pisa-ah kawmin Mizoram-a ruahtui khawl kalpui ve dan tur chungchang a sawipui.

PMVDY hnuaiah VDKA Advocacy/Training neih a ni

Nimin khan North Vanlaiphai-ah Pradhan Mantri Van Dhan Yojana (PMVDY) hnuaia Van Dhan Vikas Kendras (VDVK) Advocacy leh Training neih a ni.

Tuikum lui-ah chesual

Serchhip IOC Veng-a cheng kum 14 mi, Lalngaihdami chu nimin khan Serchhip leh Vanchengte inkar-a Tuikum lui-ah chesualin tui-ah a tla a, zawn mek a ni.

Kai thar awmlo, pakhat dam

Darkar 24 kalta chhungin Serchhip District-ah COVID-19 hri kai hmuhchhuah thar awm lovin hri kai pakhat chu enkawl dam a ni thung.

Serchhip-ah World Sight Day

World Sight Day vawi 21-na chu nimin khan khawvel pumah hman niin Serchhip-ah pawh ‘Hope in Sight’ tih thupui hmangin he Ni hi hman a ni.

Serchhip Bial-a Polling Station siam belh tur chungchang sawihona Bawrhsap hovin neih a ni

Serchhip District Level Standing Committee on Electoral Roll chu nimin khan thukhawmin Serchhip Assembly Constituency huamchhunga awm, New Serchhip huamchhunga Polling Station siam belh chungchang an sawiho.

Chanchin thar thenkhat :

 FOCUS hmalakna tur thlir

Mizoram-ah COVID-19 hri kai 20 hmuh belh an ni

Niminpiah-a Mizoram-a Sample enfiah zingah COVID-19 hri kai hmuhchhuah mi 20 an awm leh a, tun thlenga hri kai hmuhchhuah chu mi 2148 an tling tawh.

DDUGKY hnuaia training te Alumni Suppport sem

Mizoram State Rural Livelihoods Mission (MzSRLM) hmalakna in nimin khan sawrkar laipui Scheme, DDU-GKY hnuaia thalai training zo tawh leh hna hmuhsak tawhte tan Alumni Suppport Rs. 8,28,000/- chu semchhuah a ni.

Mizoram-a Hockey Field thar 2 siamna tur sum hmu

Sports Minister, Robert Romawia Royte chuan Mizoram-a Hockey Field thar pahnih siamna atan sawrkar laipui atangin cheng nuai 1600 hmuh a nih thu a sawi.

Mizoram Rajya Sabha MP in RIPANS harsatna a thlen

New Delhi-a cham mêk Mizoram Rajya Sabha MP, K. Vanlalvena chuan nizan hmasa khan Union Secretary of Health and Family Welfare, Rajesh Bhushan chu a Office Chamber-ah kawmin RIPANS Aizawl-in harsatna a tawh mek chungchang a sawipui.

Mistiri Training neih a ni

State Institute of Rural Development & Pan-chayati Raj (SIRD&PR), Serchhip buatsaih Hapta khat awh tur Khawlailung Mistiri Association te tana Skill Development Training chu nimin khan Khawlailung Community Hall-ah neih tan a ni a, SIRD&PR Director, Lalhmunsanga chuan Video Conference hmangin a hawng a ni. Nimin a he training tan ni hian Mistiri ten hmanraw tha an hriat theih dan tur leh tha zawka hna an thawh dan turte zir a ni. Khawlailung Mistiri Association-ah hian member 44 an awm mek a ni.

Serchhip-a DRO inthlak

Economic & Statistic Department, Serchhip a District Research Officer, Manliana chu AH & Vety Department Directorate-ah Research Officer hna chelh tura sawn a ni a, niminpiah khan Serchhip DRO Office-a thawkte chuan a thlahna hun an hmang a ni. Serchhip-a DRO hna chelh tur hian PWD E-in-C Office-a Inspector of Statistic nilai,  RM. Vanlalhela chu rawn dah a ni a, ani hi tunhnaia Mizoram Planning, Economic & Statistical Service (MPE&SS) Junior Grade-a kaisang thar nia thudawn a ni bawk.

Khapna thupek tichhuak

Serchhip District Magistrate, Kumar Abhi-shek chuan tun thla ni 1 khan thupek tichhuakin Section 144 of CrPC 1973 in thuneihna a pek angin Serchhip Town Area-a vantlang hmun leh hnathawhna hmun ah mi 5 aia tam punkhawm khapna leh zan dar 8:30 leh zing dar 4:30 inkara pawn chhuah khap a nih thu a tarlang.

Faina hnatlang neih leh a ni

Faina Hapta hman mek pualin nimin kha Serchhip-IV VC leh New Serchhip North VC te chuan khawtlang huap faina hnatlang an nei leh a, Serchhip Village Council-IV huamchhung ah mi 170 vel an thawk chhuak a, New Serchhip North Village Council hnatlang ah hian mi 200 chuang an thawkchhuak bawk. Nimin vek khan Serchhip ICDS Project-a thawktute pawhin an Office leh a chhehvel an thianfai bawk.

PHE Essay inziahsiakna nei

PHE Serchhip WATSAN Division chuan 'Serchhip Town Mipui te tana tui hnianghnar tak pe tura hna ka thawh dan' tih thupui hmangin an Department-a tui sem hna thawktute tan Essay inziahsiakna an buatsaih a, he intihsiakna ah hian Tui sem hna thawktute chuan an hnathawh dan te ziakin hemi atang hian tha zawka hna an thawh dan tur te zirchianna an nei zui dawn a ni. He intihsiakna ah hian R. Lalzuithanga, New Serchhip Section chu pakhatna niin PC. Vanlalvuana, Hospital Section chu pahnihna a ni bawk.

Serchhip-ah hri kai pakhat hmuh belh a ni; Hri leng dona a thawk hri kai enkawl dam a ni

Niminpiah khan Serchhip-ah COVID-19 hri kai mi pakhat hmuh thar leh niin Serchhip District-a hri kai hmuhchhuah chu mi 63 an tling ta a. Serchhip District chhunga hri leng dona a thawktu hri kai hmuhchhuah pawh enkawl dam a ni tawh bawk.

Serchhip District-ah VC ten training nei tan

Village Council inthlanpui neih zawh taka Serchhip Town chhunga VC atana thlan thar te tan nimin khan ni 2 awh tur Tentative Programe for Foundation Course 2020-21 chu Serchhip P&E Veng YMA Hall-ah neih tan a ni.

Cheng nuai 54.33 senga Serchhip tuilakna tihchangtlun hna thawh zawhfel a ni

PHE Serchhip WATSAN Division in cheng nuai 54.33 senga Serchhip khawpui chhimlam chawmna tura IOC Booster Pump thuamthat hna an thawh chu zawhfel niin nimin tlai khan he khawl bun thar hi hlawhtling taka enchhin a ni a, he khawl thar hian nikhat-ah darkar 24 chhung Tui hi pump thei tura ngaih a ni.

Zemabawk-ah leimin in In 3 leh Motor 2 a hnawl

Nimin chawhnu dar 3:00 vel khan Aizawl atanga Tuirial panna, Zemabawk Kananthar Veng-ah kawngchhak leimin in chenna In pathum a hnawl a, mihring leh lirthei kaltlang theihloh in a awm mek.

Chanchin thar thenkhat :

MBCC in Dan hman rihloh duh

Mizoram-ah COVID-19 hri kai mi 8 hmuh belh an ni

Niminpiah-a Mizoram-a Sample enfiah atangin COVID-19 hri kai mi 8 hmuh belh leh an ni a, an vai hian State pawn atanga Mizoram-a rawn lut vek an ni.

Lok Sabha MP in Oil india Ltd. hotute a kawm

Mizoram Lok Sabha MP, C. Lalrosanga chuan niminpiah khan Oil India Limited hotute kawmin Mizoram-a Oil dap chungchang a sawipui.

MNF NCC in sawrkar hmalakna tha an ti

MNF Party-a thuneitu sang, National Core Committee (NCC) thukhawm chuan COVID-19 hri leng doletna chungchanga sawrkarin theihtawp chhuaha hma a lak dan chu tha an tih thu an sawi.

AH&Vety Minister in tlawh

AH&Vety Minister, Dr. K. Beichhua chuan nimin khan Aizawl Khatla-a Veterinary Polyclinic Hospital tlawhin hnathawktute hnathawh dan a enpui.

MPC Party leh PRISM Party te inchhunfin in Peoples Conference Party (PC Party) tih an ni dawn

Mizoram-a Political party 2- MPC leh PRISM Party te chu party pakhat-ah inchhunfinin Peoples Conference Party (PC Party) tih hming an pu zui dawn.

Inkhunghrang mi 200 awm

COVID-19 hri leng avanga Serchhip District-a inkhunghrang chu mi 200 an la ni mek a, heng zinga mi 7 te chu mahni In lama inkhung-hrang niin midang 193 te chu sawrkar hmunhma hmun 8-a inkhunghrang an ni thung.

Faina hnatlang neih leh a ni

Faina Hapa hman mek pualin nimin khan Serchhip-VII leh Serchhip-VIII Village Council te chuan hnatlangpui neiin an huamchhung thenfai hna an thawk.

Bialtu MLA disqualify tur hek pawi tih thu an sawi

Zoram People’s Movement (ZPM) Party Serchhip leh Thenzawl Block Thalaite chuan Serchhip Bialtu MLA, Lalduhoma a MLA-pui 12 ten Disqualify tuma hekna an thehlut chu pawi an tih thu sawiin, “Serchhip Bial mipui zah-lohnaah kan ngai a, kan dem tak zet a ni,” an ti.

Serchhip District-ah COVID-19 hri kai mi 36 zet enkawl dam leh an ni

Serchhip District-a COVID-19 hri kai enkawl mi 36 zet te chu enkawl dam an nih hnuah nimin khan anmahni enkawlna hmun atanga chhuahtir an ni a. Serchhip District bikah hri kai hmuhchhuah thar pakhat awm lehin hri kai hmuhchhuah atanga zaa 74.19 te chu enkawl dam an ni tawh bawk.

Faina hnatlang nei zel

Faina Hapta hman mek denchhenin Village Council leh Sawrkar Department hrang hrang ten Faina hnatlang an nei chho mek a, nimin khan Chhiahtlang South VC te chuan khawtlang huap hnatlang neiin an huamchhung thenfai hna an thawk a, mi za chuang zet an thawkchhuak a ni. Nimin vek khan Urban Development & Poverty Alleviation (UD&PA) Department leh District Child Protection Unit (DCPU) Office-a thawktute pawhin hnatlang hi neiin an Office leh a chhehvel thenfai hna hi an thawk bawk a ni.

Serchhip District-ah 70.49 enkawl dam tawh

Serchhip District-a COVID-19 hri kai hmuhchhuah zinga za zela 70.49 te chu enkawl dam ni tawhin tunah hian Serchhip District-a hri kai zingah enkawllai mi 18 an la awm.

Financial Inclusion Week

Mizoram State Rural Livelihoods Mission (MzSRLM) Serchhip Block hmalakna in nimin atang khan an huamchhunga Village Organisation (VO) te chuan ‘Financial Inclusion Week-2020’ an hmang tan.

Khuai zuk vangin boral

New Serchhip Bazar Veng-a cheng, PC. Zarzoliana chu Zirtawpni-a Khuai lak an tumna ah Khuai in zukin nimin khan a boral.

Serchhip Police ten Gas Kudam rawktu nia hriat an man

Chhiahtlang leh Chhingchhip inkara awm, SK Indane Gramin Vitrak Gas Kudam chu Sept. 20, 2020 khan rawk niin a rawktu nia hriat te hi Inrinni khan Serchhip Police te chuan manin an ruk nia hriat Gas bur 57 pawh hmuh kir a ni bawk.

Kumin ah Serchhip District-ah TB vei mi 50 hmuhchhuah an ni tawh

Nikum (2019) January atanga August thla aiin kumin a hemi hun chhung hian Serchhip District-ah TB vei hmuhchhuah an tlem zawk a, kumin chhungin Serchhip District-ah TB vanga nunna chan mi pahnih an awm tawh thung.

Chanchin thar thenkhat :

Falkawn-ah SRHF Clinic hawng

Mizoram-ah COVID-19 kai enkawl dam an pung zel

Nimin tlai dar 5:00 thleng khan Mizoram-ah COVID-19 hri kai hmuhchhuah chu 2,120 tling tawhin an zinga 1,837 te chu enkawl dam an ni tawh.

Ministry of Labour & Employment hnuaiah Mizoram-ah Free Special Coaching hawn a ni

Sawrkar laipui-a Ministry of Labour & Employment in Mizoram a vawikhatna atana ‘Free Special Coaching’ a buatsaih chu nimin khan Labour Employment, Skill Development and Entrepreneurship (LEDSE) Special Secreatry, Dr. Lalzirmawia Chhangte chuan a hawng.

NE te tana India Budget atanga zaa 10 dah Project siamtu ten hriatchian a tul - Larsap

Mizoram Governor, P.S. Sreedharan Pillai chuan India hmarchhak tih hmasawnna atana India in 10% of Budget lai mai a dah hrang chu India Hmarchhak-a cheng, mi tlem te, India ram mipui zinga 3.76 % awrh tan chuan tam tham tak a nih thu leh Project siamtute pawhin an hriatchian a tul thu a sawi.

Serchhip District-ah hri kai leh enkawl dam awm zel

Zirtawpni-a Serchhip District-a Sample enfiah atangin COVID-19 hri kai mi 2 hmuh belh niin State pawn atanga rawn lut ve ve an ni.

Ui-a hri danna pek tam

Serchhip-a AH&Vety Department hotute chuan September 28, 2020-a World Rabies Day denchhena AH & Vety Department leh Mizo-ram State Veterinary Council tangkawp ten kar khat chhung awh Serchhip District Vety Hospital-a Ui ^ hri venna pek an buatsaih ah khan Ui 220 vel hnenah hri danna an pek hman thu an sawi.

Serchhip-a Gas man tur bithliah fel a ni

Sawrkar chuan October, 2020 chhunga eirawngbawlna Gas man tur a bithliah thar leh ta a, hemi ang hian Serchhip MIZOFED-a Gas man tur pawh bithliah fel niin eirawngbawlna Gas, Domestic Cylinder Kg. 14.2 man chu bur khat zelah Rs. 746/- a ni anga, hei bakah hian Agency Commission charge bur khat zelah Rs. 7.53 belh tur niin mipui hnena Gas hralhchhuahna man tur chu bur khat zelah Rs. 753.53 emaw, Rs. 754/- tur a ni ang. Hei bakah hian kg. 5-a rit Domestic Cylinder man tur chu Rs. 276.50 a ni anga, Commercial Cylinder bur khat man chu Rs. 1471/- a ni dawn bawk a ni. 

Faina Hnatlang nei hlawm

Serchhip-a Faina Hapta hman mek pualin Inrinni khan Serchhip-a VC thenkhat te chuan khawtlang huap hnatlang neiin faina kawngah nasa takin hma an la a, hriat theih chinah Serchhip-I, Serchhip-V, Serchhip-VI leh Chanmari VC te chuan khawtlang huap hnatlang hi an nei a, tunkar chhung hian VC dangte pawhin hna-tlang hi an nei chhunzawm leh ang.

Chanchin thar thenkhat :

Rulchawm-ah In 7 thiat tawh

Mizoram-ah hri kai hmuhchhuah 2120 an tling tawh

Inrinni-a Mizoram-a Sample enfiah atangin COVID-19 hri kai mi 17 hmuhchhuah leh an ni a, Mizoram-a hri kai hmuh zawng zawng pawh 2120 an tling tawh.

Mizoram politics-ah insiamthatna (reformation) a thleng mek - Lalduhoma

Serchhip bialtu MLA, Lalduhoma chuan Mizoram politics-ah insiamthatna (reformation) a thleng mek niin a sawi.

Ruahsur vanga chhiatna

Inrinni zan leh nimin zing-a ruahsur nasa tak avangin Mizoram-ah leimin leh chhiatna thleng a awm nual a, mihring nunna chan erawh an awm lo thung.

Ruihhlo hmansual vangin Mizoram-ah kumin chhungin mi 53 in nunna an chan tawh

Kumin chhungin Mizoram-ah Damdawi hmansual vanga thi mi 53 an awm tawh a, an zinga tam ber chu Heroin leh thildang tihpawlh niin Hripui leng avanga inkharkhip kalpui chu sawrkar in a thlahdul deuh hnuah Mizoram-a Heroin man pawh a tlawm leh deuh tawh nia thudawn a ni.
Health Minister, Dr. R. Lalthangliana chuan COVID-19 hri leng mek karah mipuite inthlahdah lo tura chahin, keimahni mai bakah midangte tan kan fimkhur a ngai tih hre reng turin a chah a. “Tun dinhmun kan thlen theihna chhan leh tun thlenga harsatna lian lutuk tawk lova kan la awm theihna chhan hi kan zavaia kan thawhhona rah a ni,” a ti.

Kel vulh Keisen in seh sak

Serchhip Livestock Farmers' Cooperative Society ten Bawngchawm khaw hmun-a Kel an vulh te chu tunhnai khan Keisen nia hriatin beiin Kel 27 zet a seh sak tawh a, hemi chungchang hi Thenzawl DFO hnenah hriattir niin nimin khan DFO Office-a ACF, Lawmnapari leh Serchhip RO, Lalsangpuia te chuan a hmunah kalhin Keite ei bang Kel ruang thla leh Sa hniak thla te an la a, tanpuina awm thei te ngaihtuahsak an tum a ni. Serchhip Livestock Farmers Cooperative Society hian Kel an vulhna ah hian Kel 70 vel an nei hman a, nikum hmasa khan Goat pox avangin Kel 40 vel zet an chan a, kumin chho-ah indinthar leh mekin hetiang harsatna hi an tawk chho leh ta tih an hruaitute chuan an sawi a ni.

Mizoram-ah COVID-19 hri kai 31 hmuh belh leh an ni

Niminpiah khan Mizoram-ah COVID-19 hri kai mi 31 hmuhchhuah leh niin hri kai hmuhchhuah zingah hian COVID-19 dona kawnga thawk tura inpe pakhat a tel.

Chanchin thar thenkhat :

Hnampa Zahna hlan a ni

Larsap in Assam Rifles Cleanliness Drive hawng

Mizoram Governor, P.S. Sreedharan Pillai chuan nimin zing khan Aizawl Zodin Square-ah ni 3 awh 46 Assam Rifles’s Cleanliness Drive a hawng.

Ruahtui khawl dan Rajya Sabha MP in enfiah

Mizoram Rajya Sabha MP, K. Vanlalvena chuan tunkar Nilaini leh Ningani khan Rajasthan-a Jodhpur khawpui leh a chhehvela ruahtui vantla an khawl dante a hmunah tlawhin a en.

Dan zawm dan en tel dawn

UD&PA Department changtu Deputy Chief Minister, Tawnluia chuan Faina Hapta hman mek puala Faina kawnga inelna ah hripui leng mek COVID-19 doletna atana sawrkar inkaihhruaina Dan zawm that leh thatloh te pawh endikna ah telh a nih dawn thu a sawi.

Rulchawm khua ah leimin in In 3 a chimpui

Saitual District chhung Rulchawm khuaa chenna In luahlai pahnih leh sak mek pakhat te chu nimin zing khan leimin in chimpuiin mihring thi leh hliam an awmlo.

BCM Rorel Inkhawm nei

Baptist Church of Mizoram (BCM) chuan Mizoram pumah Bial Rorel Inkhawmpui an hmang mek a, Serchhip khawpui chhunga BCM Pastor Bial pahnih te pawhin Rorel Inkhawmpui hi an hmang mek a ni.

Hri kai hmuh belh awmlo

Niminpiah khan Serchhip District-ah CO-VID-19 hri kai hmuh thar awm lovin BSF Sipai hri kai enkawl tur rawn dah belh an awm thung a, Serchhip District-ah hri kai enkawllai 79 an awm mek a ni.

DC in Press Club tlawh

Serchhip District Bawrhsap, Kumar Abhishek IAS chuan nimin zing khan Serchhip Press Club sak mek chu a hmunah tlawhin hmalakna te a enpui.

COVID-19 chungchanga Dan bawhchhia te pawisa chawitir theitu leh chawi tur zat puangzar

Serchhip District Bawrhsap, Kumar Abhishek chuan thuchhuah siamin COVID-19 chungchanga dan bawhchhia te pawisa chawitirtu turte leh an chawi zat turte a tarlang.

Serchhip-ah Faina Hapta-2020 hawnna District Bawrhsap hovin neih a ni

India Hnampa, Mahatma Gandhi pianchamphaphak pualin nimin atang khan Mizoram-ah ‘Faina Hapta’ hman tan a ni leh ta a, he Hapta hawnna hi Serchhip-ah pawh nimin zing khan neih niin Hapta hman chhung hian faina kawnga inelna hrang hrang neih leh a ni ang.

Chanchin thar thenkhat :

Van Dhan Mission sawiho

Mizoram sawrkar in UN Sustainable Development Goals leh Mizoram Vision 2030 hlawhtlin nan hma la

Mizoram sawrkar-a Deputy Chief Minister, Tawnluia chuan Mizoram sawrkar chuan UN Sustainable Development Goals leh Mizoram Vision 2030 hlawhtlin nan hma a la zel a ni, a ti.

MUP ten hnatlang nei

Nimin Oct. 1, 2020 kha khawvel puma Upa te ni, International Day of Older Persons niin Serchhip-a MUP Unit thenkhat chuan Vantlang tana thil tha tihna hun atan an hmang a ni.

Serchhip a mi nilo in sawi

Niminpiah-a Aizawl-a COVID-19 hri kai mi pakhat hmuhchhuah thar, Serchhip Assam Rifles mi nia sawi chungchangah Serchhip CMO a thawktute chuan hemi chungchang hi an chhui zui nghal thu leh Assam Rifles hotu lam chuan he damlo hi Serchhip atanga phurthlak ni lovin Seling atanga phurhthlak a nih thu an sawi tih kan Palai hnenah an sawi a, Assam Rifles hian hetiang damlo an neihloh thu an sawi thu pawh sawiin, hei vang hian Health Department lam chuan Contact Tracing pawh tih ngaihna a awm rihloh thu an sawi bawk. Hetihlai hian Serchhip District Bawrhsap, Kumar Abhishek chuan hemi chungchang hi thuneitu sang zawk hnenah an thlen tawh thu leh ngaihtuah mek a nih thu a sawi a. District thuneitu ten fimkhur taka theihtawp chhuaha hma an lak thu leh mipuite tan hlauhthawnawm thil a awmloh thu a sawi bawk.

Serchhip-ah kai thar awmlo

Niminpiah-a Serchhip District-a Sample enfiah ah COVID-19 hri kai hmuhchhuah thar an awm lova, Serchhip District-ah hri kai mi 69 enkawl mek an ni.

Mizoram-ah COVID-19 hri kai sang hnih an chuang ta

Mizoram-ah COVID-19 hri kai mi 31 hmuh belh leh niin hri kai hmuhchhuah zawng zawng pawh sang hnih an chuang ta.

MPC leh PRISM party inzawm tur chungchang sawi

MPC Party leh PRIMS Party President te chuan nimin khan Aizawl Press Club-ah thuthar thehdarhtute kawmin Oct. 6, 2020-a party pakhat-a inchhunfin an tum chungchang an sawi.

Assam Rifles ten Mau phun beihpui an thlak

Aizawl-a awm Assam Rifles te chuan Mahatma Gandhi pian-champhaphak pualin nimin khan Aizawl-a Sipai Lammual-ah Mau phun beihpui ‘Bamboo Plantation Drive’ an buatsaih a, he hun hi Home Minister Lalchamliana chuan a hmanpui a ni.

Tuikum bial khaw 2-ah Puanthui zirna hawng

Mizoram Assembly Deputy Speaker leh Tuikum bialtu MLA, Er. Lalrinawma chuan nimin khan a bial chhunga hmun hnih-ah Puanthui zirna a hawng.

Statistical Abstract of Mizoram-2019 tlangzarh

 One State One Data kan neih theih nan theihtawp chhuah a tul - H. Rammawi State Planning Board Vice Chairman, H. Rammawi chuan Mizoram chanchin leh chhinchhiahna hrang hrang tarlanna lehkhabu, ‘Statistical Abstract of Mizoram-2019’ chu nimin khan a tlangzarh a, One State One Data kan neih theih ngei nan theihtawp chhuah a tul thu a sawi bawk.

Chanchin thar thenkhat :

MLA in chawimawina hlan

Serchhip-in Gas dawng tha

MIZOFED Serchhip Branch-a thawktute chuan hripui leng avanga inkharkhip kalpui a nih hnuah eirawngbawlna Gas an dawn that thu sawiin, mipuite tan thlaphanna tur a awmlo tih an sawi.

Serchhip-ah COVID-19 hri kai thar 11 awmin hri kai mi 4 enkawl dam an ni thung

Niminpiah-a Serchhip-a Sample enfiah atangin COVID-19 hri kai mi 11 hmuh belh leh niin an vai hian State pawn atanga rawn lut BSF Sipai te vek an ni.

Football zirna E-Pathshala hawn a ni

All India Football Federation (AIFF) leh Sports Authority of India (SAI) tangkawpin kum 18 hnuailamte tana Online hmanga Football an zirna tur an buatsaih, E-Pathshala chu nimin khan Mizoram-a kalpui turin Mizoram Governor, P. Sreedharan Pillai chuan a hawng.

Mizoram-ah hri kai 28 hmuh belh leh an ni

Niminpiah khan Mizoram-ah COVID-19 hri kai mi 28 hmuh leh an ni a, heng zinga mi 3 tihloh chu State pawn atanga rawn lut leh inkhunghranna hmuna awm mek te an ni.

Champhai-ah TrueNat Laboratory hawng

Health & Family Welfare Board Vice Chairman, Dr. ZR. Thiamsanga MLA chuan nimin khan Champhai District Hospital-a TrueNat Laboratory bun thar chu a hawng.

MGNREGS hnuaiah ni 62 inhlawhna siam a ni tawh

Rural Development Minister, Lalruatkima chuan MGNREGS hnuaiah kumin chhungin Job Card neite tan ni 62 inhlawhna siam a nih tawh thu a sawi.

MYC Coaching Centre leh Youth Centre sakna tur lung phum

Deputy Chief Minister, Tawnluia chuan nimin khan Mizoram Youth Commission (MYC) Coaching Centre leh Youth Centre sakna tur lungphum chu Aizawl Khatla-a MINECO-ah a phum.

Kum Upa mi 19 te hnenah chawimawina hlan

Vawiin Oct. 1, 2020 hi khawvel puma Upa te ni, International Day of Older Persons a ni a, he ni pual hian nimin khan Social Welfare Minister, Dr. K. Beichhua chuana Pisa-ah kum upa te chawimawina hun a buatsaih.

Rashtriya Poshan Maah 2020 kharna neih a ni

September thla chhunga hman, Rashtriya Poshan Maah (National Nutrition Month) 2020 chu nimin khan kharna neiin Social Welfare Minister, Dr. K. Beichhua chuan a hmanpui a ni.

Hri leng kara inkaihhruaina thar tihchhuah niin Sakhaw biakna hmuna punkhawm huaihawt phal ala ni lo

Hripui leng avanga inkharkhipna atanga inthlahdulna chu Vawiin atang hian kalpui chhunzawm zel ala ni dawn a, tun thla ni 31 thlenga hman tur ‘unlock’ inkaihhruaina nimin-a tihchhuah thar ah thil danglam lutuk awm lovin zan lama pawnchhuah khapna kalpui zui zel tur niin Sakhaw biakna hmunah mipui punkhawmna huaihawt phal ala ni dawnlo bawk.