Lenkawl

Serchhip District Football Association (SDFA) buatsaih, Season Ending Tournament chu nimin khan zawhfel niin 1st Division-ah Hmar Veng FC chu champion in 2nd Division-ah AWC FC an champion a, AWC FC hi Season thar-a 1st Division khel turin an tling nghal a ni.

Mizoram Civil Service Association chuan nimin khan Tourist Complex, Beraw, Aizawl-ah General Conference vawi 44-na hmangin Home Minister, Lalchamliana chuan khuallian niin a hmanpui.

Lunglei District chhunga awm Kanghmun South leh Zote South khua te chuan Serchhip District-a awm an duh thu sawiin, a \ul anga hmalak an tum bawk.

Health Minister, Dr. R. Lalthangliana chuan nimin khan Serchhip District chhunga Hrangturzo bial tlawhin Khawlailung, Chekawn leh North Vanlaiphai khua te tlawhin, Chawngtui khua a tlawh nghal a. Vawiin-ah Hrangturzo bial hi a tlawh chhunzawm leh ang.

Tunhnaiah Serchhip-a sumdawng \henkhat ten an thil zawrh a MRP thaichhia leh MRP aia a man to-a zuar an awm report an dawn angin nimin khan Legal Metrology Inspector,  Johny Zonun-mawia leh a thawhpuite chuan heng Dawr te hi an enfiah a.

Social Welfare Department hnuaia District Child Protection Unit (DCPU) buatsaihin nimin khan Serchhip-a Home hrang hrang enkawltute tan Capcity Building Programme hman a ni.

Serchhip Police te chuan Serchhip khawpui chhunga Bike zingah a nihdan phung pangngai aia a ri tiring \hin te dapchhuah hna thawkin tun thla ni 15 hmaa a thara thlak turin an ti.

Naktuk June 30, 2019-a Remna Ni vawi 33-na lo thleng tur chu Pathianni a nih avangin MZP chuan nimin khan Remna Ni lawmna hi Mizoram hmun hrang hrangah neiin Serchhip-ah pawh Remna Ni pual hian hun hman a ni.

Pradhan Mantri Awas Yojana-Housing For All hnuaia Serchhip District Screening Committee chu nimin khan Serchhip-ah District Bawrhsap, Sangchhin Chinzah hova \hukhawmin PMAY-HFA hnuaia In sak \anpuina dawng hmasa ber tur mi 404 te an thlang fel.

Serchhip District Football Association (SDFA) buatsaih Season Ending Tournament chu Vawiin hian Final khela zawhfel a ni dawn ta a, naktuk-ah 1st Division Play-Off khelh a ni ang.

The Mizoram Goods and Services Tax Act, 2017 hnuaiah hnamdang 206 hnenah Mizoram a sumdawn phalna pek an ni tawh tih Taxation Minister, Lalchamliana'n House a hrilh.

Chief Minister, Zoramthanga chuan Project siam a Central sawrkar a naw chhuah chu an hna pui ber tur a ni tih sawiin, “Project kan siam te Delhi-ah kan fehpui dawn a ni,” a ti.

Higher & Technical Education changtu Minister, Dr. R. Lalthangliana chuan Mizoram University Southern Campus, Lunglei a din a nih theihna turin chak taka hmalak zel tum a nih thu leh tun dinhmun a harsatna an harsatna bul ber chu Central sawrkar-ah a nih thu a sawi.

 District Institute of Education and Training (DIET) Serchhip buatsaih tunkar Thawhlehni a\anga Serchhip District chhunga Govt. Primary School Zirtirtute tana Skill Development on Multi Grade Teaching based on National Achievement Survey (NAS) neih chu nimin khan zawhfel a ni a. He Training hi DIET Serchhip Multipurpose Hall-ah neih niin Serchhip District chhunga sawrkar Primary School 66 a\angin Zirtirtu 60 an tel a, he hunah hian Zirtirtu indaih-lohna School-ah Zirtirtu pakhat in Class pakhat aia tam zawk pawh zirtirna \ha leh felfai tak a kalpui theih dan turte zirho niin DIET Serchhip-a Lecturer a\angin Vanlalhruaii Thangluah, Lalmuanpuii, R.Lalhmangaiha, R. Lalrinawma leh Lalawmpuia ten zirtirna an pe a ni.

NITI Aayog-in India ram State leh UT hrang hrangte hrisel dan tehna, Health Index second edition tihchhuah takah Mizoram chu State te (small) zingah hrisel bera puan a ni a, Health Index tihchhuah hmasak zawk, First edition-ah pawh Mizoram hi pakhatna a lo ni tawh bawk.

District Fisheries Development Officer (DFDO) Office, Serchhip buatsaihin nimin khan Serchhip-ah Sangha khawi dan chungchang leh Bank kaltlanga Sangha khawitute tana \anpuina awm thei te zirho a ni.

Mizoram Legislative Assembly pariatna \hutkhawm \um thumna, Budget Session chu nimin chhun khan tiamchin awm lova tihtawp a ni.

Home Minister, Lalchamliana chuan Aizawl khawpui laili a\anga Assam Rifles te insawnna tur Zokhawsang a Assam Rifles Complex sak hna chu building \henkhat pawimawh zual leh building panna kawng siam zawh ala nih loh vangin Assam Rifles te Zokhawsang-ah anla insawn theilo tih House hrilhin, an insawn hun tur sawi theih ala nih loh tih a sawi.

Transport Minister, TJ. Lalnuntluanga chuan Mizoram pawn-a Zohnahthlak te nena in unauna \ha neih chu Mizoram sawrkarin a ngai pawi-mawh tih sawiin, hei vang hian Jampui leh Chura-chandpur-ah te MST bus tlan tir tum a nih thu a sawi.

Roundglass Football Academy, Chandigarh-a lut tur zawnna Serchhip-a neiha thlan zinga mi pahnih (2) te chu Roundglass Football Academy-a awm tura thlanfel niin thla thar a\angin Academy-ah hian an lut ang.

Mizoram Legislative Assembly Budget Session neih mek chu Vawiin hian zawhfel a ni dawn ta.

Rural Development (RD) Department changtu Minister, Lalruat-kima chuan kum 2018-19 atan Border Area Development Programme (BADP) atana sum hmuh chu cheng nuai 3,557.78 a ni tih House hrilhin, BADP sum hmanna chu \ha taka endik \hin a nih thu a sawi.

Kumin sawrkar kum (2019-2020) Mizoram Budget pumpui a\anga sawrkar hnathawk hlawh zat chu za zela 39.62 a nih thu nimin khan Chief Minister, Zoramthanga chuan Assembly a hrilh.

Aizawl Young Men’s Christian Association (YMCA) chuan nimin khan Annual General Conference vawi 30-na hmangin Health Minister, Dr. R. Lalthangliana chuan a hmanpui.

Mizoram Board of School Education (MBSE) chuan kumin a HSLC leh HSSLC Compartmental Exam result chu nimin khan a tichhuak.

Zemabawk-a Food Testing Laboratory khawl lei nan Rs. 67,26,275/- hman a ni a, sum hman bang la awm Rs. 59,14,286/- chu HDPF Bank, Dawrpui Branch, Aizawl-ah dah a ni.

PWD changtu Chief Minister ni bawk, Zoramthanga chuan kawngpui siam\hat hna an thawhna ah Road roller an tlachham tih House hrilhin, heti chung hian an theih ang anga kawngpui siam\hat hna hmun hrang hranga an thawh thu a sawi.

Serchhip Vengchung Pastor Bial in kumin ah Serchhip Blood Bank-a thisen pek an rel tih hlawhtlinna kal zelah nimin khan Serchhip Field Veng Branch K|P te chuan Serchhip Blood Bank-a dah turin thisen Unit 20 an pe a, thisen petute hi mipa 8 leh hmeichhia 12 niin heng mi tlawmngai te hi Blood Bank-ah kalin thisen hi an pe a ni. Serchhip Vengchung Pastor Bial-ah hian K|P Branch 5 awmin heti hian Branch 4 ten kumin ah thisen an pe tawh a ni.

Nimin-a International Day Against Drug Abuse & Illicit Trafficking hman pualin nimin zing khan Anti-Drug Run neih a ni.

Nimin khan khawvel pumah ruihhlo hmansual leh tawlhruk dona Ni, International Day Against Drug Abuse & Illicit Trafficking hmangin Serchhip-ah pawh he Ni hi hman a ni a. Ruihhlo hmansual leh tawlhruk \hatlohna inzirtirna neiin ruihtheih thil tilo tur leh a tawlhrukna a inhnamhnawih lo tura intiamin Signature Campaign neih nghal a ni.

Consumer te i harh ang u –XXI : SBI Customer te tan Card tellovin ATM -ah pawisa a lakchhuah theih ta!

ZOFISFED chuan nimin khan Annual General Assembly vawi 17-na hmangin Addl. Registrar, Cooperative Societies, Lalrinsanga chuan khuallian niin a hmanpui. Aizawl Chanmari YMA Hall-a ZOFISFED Annual General Assembly-ah hian Addl. Registrar, Cooperative Societies chuan kan ram hruaitu ten Cooperative Society te kaltlanga hmasawnna hnathawh an tum chu lawmawm a tih thu a sawi. Nimin a ZOFIS-FED Annual General Assembly-ah hian 'Cooperative Society kaltlangin Sangha khawi rawh' tih thupui chu zirho niin Lallianpuii, DFDO, Mamit chu Resource Person atan hman a ni a. He hunah hian an Society hmalakna hrang hrangte leh an hmachhawp neih te pawh sawiho a ni bawk.

General Administration Department (GAD) changtu Chief Minister, Zoramthanga chuan, Ai-zawl - Delhi, Aizawl - Kolkota leh Aizawl - Guwahati inkara Thlawhna direct service nei turin Indigo Airlines nen indawrna neih mek a nih thu House a hrilh.

Mizoram sawrkar in June 7, 2019-a Order tichhuaka Serchhip damdawi In-a Surgeon a dah thar, chawlhkar khat chhunga a hna zawm tura tih tun thlenga ala zawm lo chu nimin khan Serchhip bialtu MLA, Lalduhoma chuan Assembly House-a zawhna leh chhanna hunah sawi langin, Health Minister, Dr. R. Lalthangliana chuan Doctor dah thar hian a hna a zawm thuai theih nan hmalak a nih tur thu a sawi.

Serchhip District Magistrate, Sangchhin Chin-zah chuan thupek tichhuakin Disaster Management Act 2005 Sec. 30(2) (v) in a sawi angin Ser-chhip District huamchhungah Fur ruahtui tlak tam zual chhung, June-September thla chhung hian leimin a tam \hin avangin chhiatna a thlen loh nan lei laih khap a ni tih a tarlang a. Hemi hun chhunga loh theihloh avanga lei lai turte chuan Deputy Commissioner’s Office a\angin phalna an la hmasa tur a ni tih a tarlang bawk. District Magistrate thuchhuah hian sawrkar Department zawng zawng leh mipuite a huam thu a tarlang bawk.

Nimin khan Serchhip DRDA Conference Hall-ah MGNREGA hnathawh chungchangah thawktute leh VEC te chuan Meeting neiin rua-hmanna thar siam te tih hlawhtlin dan tur an sawiho. He Meeting hi Serchhip DRDA Project Director, Dolianbuaia MCS chuan kaihruaiin sawrkar ruahmanna thar ah chuan VEC ten Material Component hmanga hna an thawh \hin chu Job Card Holder te ngei tawh tura tih a nih bakah Material Component hnuaia hnathawk Job Card Holder te chu MGNREGS a inhlawhna pangngai (wages) a an tel a rem tawh dawn lo a, he Meeting-ah hian hemi chungchang hi sawiho niin VEC te chu anmahni remchan dan anga ruahmanna lo siam tura tih an ni. Nimin a he Meeting-ah hian Serchhip RD Block-a DPO leh Technical Staff te bakah Serchhip khawpui chhung VC hrang hranga VEC aiawhte an tel a ni.

Local Administration Department (LAD) chhinchhiah danin Mizoram-ah dan lova khaw din 26 a awm mek a, Lunglei District chu dan lova khaw din tamna ber niin khaw 17 a awm.

Serchhip District Consultative Committee (DCC)/District Level Review Committee (DLRC)/District Level Security Committee (DLSC) chu nimin khan Serchhip DC’s Conference Hall-ah \hukhawmin Quarter Ending (January-March, 2019) chhunga District chhunga Bank hrang hrang te hmalakna an thlirho.

Nimin khan District Level Committee on Enforcement of Correct Transaction of LPG/POL/Iron Rod etc chu \hukhawmin mipui ten LPG, Cement, Iron Rod leh tuialhthei an dawn chungchanga lungawilohna an neih te an thlena a \ul anga hma latu tur Committee an din.

Health Minister Dr. R. Lalthangliana chuan Zemabawk-ah Speciality Hospital changtlung tak cheng Vbc. 500 senna tur chu Japan International Corporation Agency (JICA) nen \angho a din tum a nih thu House hrilh in, an ruahmanna te a hlawhtlin theih chuan India hmarchhak huap pawh a zahpuiawm loh a nih tur thu a sawi.

Asia Pacific Youth Exchange, Seol, South Korea-a tel turin Mizo \halaite tirh tum a ni a, chumi tur atan chuan hmalakna kalpui mek a ni.

Chief Minister, Zoramthanga’n Mizoram-a Lei hrang hrangte chu kumin May ni 8 khan endik zawh a ni a, a him lo hlawm hle tih hmuhchhuah a ni, a ti.

Home Minister, Lalchamliana’n Tripura-a Bru awmte chu kumin ah Mizoram-a hruaikir vek hman tum a ni, a ti.

Home Minister, Lalchamliana chuan Mizoram-ah Immoral Traffic (Prevention) Act tlawhchhanin mihring rukbo (Human Trafficking) thubuai 9 ziahluh tawh a nih thu Assembly House hrilhin, Human Trafficking tibo turin Mizoram sawrkarin hmalakna hrang hrang a nei mek tih a sawi bawk.

Art & Culture Minister, R. Lalzirliana chuan Vangchhe khua a hmanlai thil hlui laihchhuah te chu Mizo hnam \henkhat thlang lo tla hmasa te sulhnu nia ngaih a nih thu House a hrilh.

Serchhip Farming Co-Operative Society chuan nimin khan General Meeting neiin Asst. Register of Cooperative Society (ARCS) Serchhip District, K. Lalduhawma chuan a hmanpui.

Serchhip Sub-Hqrs. YMA Vigilance & Monitoring Committee hruaitute chuan nimin khan Serchhip Bazar Building sak thar tur chu tlawhin hnathawktute nen an hnathawh dan tur an enho.

Disaster Management and Rehabilitation Department changtu Minister, Lalchamliana'n kumin chhungin Mizoram-ah khuarel chhiatna vanga chenna In chhia 2,785 an awm thu sawiin, chung zinga 138 chu luahzui tlak lovin a chhe vek tih a sawi.

Mizoram sawrkar ruahmanna anga Ration Chini sem tura hmalakna kal zelah Serchhip District-a Ration Chini semchhuah tur chu Retailer hrang hrangah semchhuah a ni ta a. Hetihlai hian Serchhip District chhung hmun hrang hrangah Buhfai chhekkhawl sa \hahnem tak awmin Furpui lo thleng turah mipui tan thlaphanna tur a awmlo.

Mizoram State Shooting Championship-2019 chu zawhfel niin a pumpui-ah Aizawl District chu an champion a, Serchhip District Rifle Association a\anga kal zingah mi 3 ten Medal an la bawk.

Adviser to Chief Minister, C. Lalramzauva chuan Inrinni zing khan Serchhip Darnam tlang-a Youth Centre sakna tura ruahman chu a tlawh a, Serchhip-a Youth Centre sakna tur hian sum pawh ruahman ni tawhin a Drawing buaipui mek a ni a. Hei bakah hian Darnam Tlang-a MST Bus Terminal sakna tura ruahman pawh tlawhin helai hmuna MST Bus Terminal sakna tur hian DPR buaipui mek a ni bawk.

Serchhip khawpui chhung Bazar hmun leh kawngpui dung leh hmun pawimawh lai te chei mawia vawngfai tura din, Serchhip Beautification and Cleanliness Committee chuan Inrinni khan Serchhip khawpui chhungah thingphun hnatlang an nei.

Serchhip Damdawi In-a Surgeon hna thawk, Dr. Zochampuia Ralte chu sawrkar in Kolasib-ah a sawn angin a hna zawm turin a chhuak tawh a, a aiawh tura sawrkar in a dah erawh chawlhkar khat chhunga a hna zawm tura tih ni mah se tun thlengin ala zawm lo a, a hna ala zawmloh chhan hi Damdawi In thuneitute chuan an hriatloh thu an sawi.

Information & Public Relations Minister, Lalruatkima chuan Mizoram Journalists’ Association (MJA) in Pension Facility dilna an thlen chu ngaihtuah mek a nih thu a sawi.

International Yoga Day vawi 5-na chu nimin khan Mizoram hmun hrang hrangah hman a ni a, Yoga Day hmanna ah hian Yoga Session an nei.

MJA General Hqrs. chuan nimin khan Ai-zawl Press Club-ah I&PR Director pension ta, David L. Thangliana thlahna leh Director thar, Lallianpuii lawmpuina hun an buatsaih.

Mizoram-ah Rubber kung nuai 20 chuang phun tawh a ngaih a nih thu Land Resources, Soil & Water Conservation Minister, R. Lalzirliana chuan House a hrilh.

Adviser to Chief Minister, C. Lalramzauva chuan nimin khan Serchhip rawn thlengin nimin tlai khan K|P General Conference Organising Committee hruaitute nen Serchhip Kawnpui Koh-hran Committee Room-ah K|P General Conference atana inbuatsaihna an thlirho. Adviser to Chief Minister hi nizan khan Serchhip-ah riakin tukin khan Serchhip Darnam tlang-a Youth Cenre sakna tura ruahman leh MST Bus Terminal tura ruahman te chu a tlawh leh dawn a, hemi hnu hian Bukpui ram tlawh lehin Aizawl ah a haw tlang nghal ang.

MZP Hqrs. Serchhip chuan kumin HSLC leh HSSLC Exam-a ti\hate chawimawina hun nimin khan an buatsaih a, he hun hi Adviser to CM, C. Lalramzauva chuan khuallian niin a hmanpui a ni.

Chief Minister, Zoramthanga chuan kal-phung thara Mizoram-a Bamboo Plantation kalpui tur chu Society System in a khua a mite pe a kalpui an tum thu a sawi.

Mizoram Pradesh Congress Committee (MPCC) Media Department buatsaihin nimin khan Mizoram Budget 2019-2020 zirhona buatsaih a ni a. Resource Person atan Finance Minister hlui, Lalsawta chu hman a ni.

Serchhip-a rawn awm thar, 8th Assam Rifles Battalion-a Commandant, Saurabh Charan chuan Serchhip District NGO Coordination Committee hruaitute chu nimin khan leng-ah sawmin inkawmna an nei.

Agriculture Minister, C. Lalrinsanga chuan, Mizoram mipuiten kan khamkhawp buh hi Mizoram a\anga tharchhuah theih anga ngaih a nih thu sawiin, Mizoram buh thar tipung turin Mizoram sawrkarin Centrally Sponsored Scheme (CSS) leh SEDP hmangte hi ruahmanna a kalpui mek a nih thu a sawi.

Integrated Child Protection Scheme (ICPS) hnuaia din, District Jail Inspection Team te chuan nimin khan Serchhip District Jail tlawhin naupang kumtlinglo tang an awm leh awmloh leh an dinhmun an enfiah a, District Jail dinhmun an enfiah nghal bawk.

Mizoram State Cooperative Union (MSCU) chuan nimin khan Synod Conference Centre, Aizawl-ah General Assembly vawi 32-na hmangin Addl. Registrar, Cooperative Societies, Lalrinsanga chuan khuallian niin a hmanpui.

Land Revenue & Settlement Department changtu Minister, Lalruatkima chuan Land Revenue & Settlement Department hnuaiah Surveyor post ruak 45 a awm mek thu a sawi.

Printing and Stationery Minister, Lalchhandama Ralte-in Sawrkar Department zingah Printing and Stationery a\anga Office mamawh lam lo Department 13 an awm tih a sawi.

Chief Minister, Zoramthanga'n Mizoram-ah kum 4 kalta chhungin Zu vanga thi chu mi 5,000 aiin an tlem thei lo hrim hrim tih a sawi.

Mizoram University in nimin a Under-Graduate Exam result a tihchhuah takah Lianthangpuii d/o Vanlalzika Ralte (Home Guard), Serchhip Hmar Veng chu Public Administration Department-ah Mizoram pumah pakhatna a ni a. Amah hi Pachhunga University College-a zirlai Serchhip mi Gold Medalist awmchhun nia hriat a ni.

Higher & Technical Education Department changtu Minister, Dr. R. Lalthangliana chuan Mizo-ram Hindi Training College in sum hmuh leh hman danah thil fello a awm em tih chu sawrkarin Preliminary Enquiry la in an chhui mek tih a sawi.

Mizoram University chuan nimin khan Under-Graduate VI Semester result tichhuakin zirlai za zela 64.08 in an pass a, Govt. Serchhip College a\ang pawhin zirlai \hahnem takin hlawh-tlinna an chang thar.

Food, Civil Supply and Consumer Affairs Department changtu Minister, K. Lalrinliana chuan LPG Home delivery ti tura hmalak mek a nih thu sawiin, September 2019 a\ang hman tan \an tum a nih thu a sawi a. Ration Chini chu Kg-ah Rs. 24/- a sem tur a nih thu a sawi bawk.

LAD Minister, K. Lalrinliana chuan Village Council ten Excluded Area Fund chu reilote ah an dawn tur thu Assembly House a hrilh.

PWD changtu Chief Minister ni bawk, Zoramthanga chuan Lunglei Town By pass Road leh Aizawl By pass Hoad siam turin hmalak mek a nih thu House a hrilh.

Transport Minister TJ. Lalnuntluanga chuan, Champhai leh Tahan inkar bakah Zohnahthlak te awmna hmundang ah pawh Bus service tir tum a nih thu a sawi.

Chief Minister Zoramthanga chuan Mizoram-a Commercial Bank \henkhatte leh Insurance company te chu an zirchian tur thu Assembly House hrilhin, duh ang anga an vawk lal len chu \ha an tih loh thu a sawi a. Kum 2018-19 chhungin Education Loan diltu mi 6 an awm tih sawiin, an zinga mi 4 te hnenah loan pek a nih thu a sawi bawk.

Mizoram Cooperative Apex Bank Ltd. Annual General Assembly vawi 26-na chu nimin khan Vanapa Hall-ah neih a ni a, Chief Minister Zoramthanga chuan khuallian niin a hmanpui.

Chief Minister leh PWD Minister ni bawk, Zoramthanga chuan Mizoram in kawngpui \ha kan neih theih na turin chak taka hmalak mek a nih thu a sawi a, hemi tur hian hmun hrang hranga kawngpui siamtu Contractor te lakah pawh huaisen ngam turah an in ngaih thu a sawi.

Integrated Disease Surveillance Programme (IDSP) Serchhip buatsaihin nimin khan Serchhip-ah Rickettsial natna leh Rannung Seh natna (Scrub Typhus) chungchanga zirhona neih a ni.

Health Minister, Dr. R. Lalthangliana chuan, Aizawl-a Food Testing Laboratory chu thawktu pangngai an la awm loh vangin hman \angkai theih ala nilo tih House a hrilh.

Hnamdang hmeichhe tleirawl 8, Myanmar lama thawn chhoh tur leh Myanmar-a lo la chhawngtu turte chu niminpiah tlai khan Dungtlang Police te’n Saikhumphai-ah manin Champhai panpui an nih laiin an tlanchhuak.

Chief Minister, Zoramthanga chuan Mizoram thil neih hlu ber chu ram a ni a, hemi hmang \angkai hian Delhi lam tlawn reng ngai lo tura a theih chin china intodelh tum a ni dawn a, chumi tur chuan SEDP hmanga \anlak a ni dawn tih a sawi.

Mizoram Assembly Session neih mekah Serchhip bialtu MLA, Lalduhoma zawhna chhangin Health Minister Dr. R. Lalthangliana chuan, Serchhip Nursing College (Administrative Cum Teaching block leh Hotel block pakhat) chu May, 2018-ah Construction zawh tawh a nih thu a sawi a. Tui connectin leh Electric connection te tih hmabak ala nih thu leh hmalak mek a nih thu sawiin, Hostel dang pakhat sak mek a nih thu a sawi.

Serchhip District Football Association in a buatsaih, Season Ending Football Tournament chu nimin khan Serchhip Sports Complex-ah khelh \an a ni a, SDFA Sr. Vice President, Zo-lianmawia chuan he Tournament hi a hawng a ni. He Tournament hi Screening Tournament ni nghalin 1st Division-ah Team 8 leh 2nd Divisio-ah Team 10 telin tun thla 28-ah Final khelin 29 ah Play-Off khelh tur a ni ang.

Zoram Entu Pawl (ZEP), Serchhip chuan nimin khan an enkawlna hnuaia zirna In te tan Ser-chhip-ah inelna an buatsaih.

Mizoram Hmeichhe Insuihkhawm Pawl (MHIP) chungchanga thubuai kal zelah Senior Civil Judge-III chuan MHIP Gen. Hqrs. a hnathawk te chu inthlanna a awm leh hma chuan chawl turin a hriattir.

Toursit Lodge, Chaltlang to Durtlang Ropeway siam tum chu a kalkawng turah harsatna a awm vangin chhunzawm theih a nilo a, Tourism Department chuan AR Ground to Zemabawk a sawn turin ruahmanna a siam a, tun thla chhungin Technical Survey Team ten an rawn endik dawn.

Local Council leh Village Council (VC) te term kum 3 a tihtawi tumna sawrkarin a neilo a, VC thuneihna tihpun tumna pawh Mizoram sawrkar in a neilo.

Serchhip District-a Horticulture Department in Leng khua-a Green House Cluster-a Tomato an tharchhuah te chu Mizoram hmundanga hralhchhuah turin nimin khan Serchhip District Bawrhsap, Sangchhin Chinzah chuan Leng khua a\angin a vailiam.

Pangang chi khat, Fall Armyworm (FAW) an tih puang avanga Mizoram-a Vaimim chingtute an mangan laiin an Vaimim te an insure theihloh chhan chu Insurance Company-te vang a ni.

Mizoram chhim tawp a Burma ram a\anga Rohingya raltlan rawn lutte chu tunah hian enfiah mek an ni a, hetihlai hian central sawrkar chuan tharum hmang pawh a nawrlet turin Mizoram a rawn hriattir.

Disaster Management & Rahabilitation (DM&R) changtu Minister ,Lalchamliana chuan Hunthar Veng lei tlahniam \hin chu cheng vbc. 20 chuang sengin siam\hat a ni dawn tih House a hrilhin, sanction hmuh ve leh hna \an a nih tur thu a sawi bawk.

India rampum-a Doctor te chuan Doctor leh damdawi lama thiam te chunga kutthlakna thleng \hin duhloh lantirin nimin khan lungawilohna an lantir a. He lungawilohna hi Serchhip-a Doctor te pawhin an thlawp a. Hei vang hian nimin khan Serchhip damdawi In a OPD-ah pawh damlote tana rawn theihin Doctor an awmlo a, Emergency-ah erawh chuan Casualty-ah Doctor te hi rawn theih an ni thung a ni. He lungawilohna lantir hian Zirtawpni kalta khan Doctor te hian an Duty-na ah Badge dum an lo bel tawh a ni.

Serchhip Consumers Cooperative Society Ltd. chuan nimin khan Serchhip Hmar Veng YMA Hall-ah Annual Assembly an nei.

Sericulture Minister, Dr. K. Beichhua chuan, Mizoram-ah Silk Pangang vulh a eizawng chhung-kaw 5651 an awm tih House a hrilh.

Assembly Budget Session neih meka Finance Department enkawltu, Chief Minister, Zoramthanga'n Ningani kaltaa Sawrkar kum kalmek, kum 2019-20 chhunga Mizoram sawrkar sum hman tura ruahman a pharh chu nimin a\ang khan sawiho \an a ni.

Mizoram-in kawlphetha siam chhuah ve chu Tui chakna hmang (Hydel) a\angin MW 29 leh KW 350 a ni a, ni zung chakna hmang (Solar) a\angin KW 350 a ni.

Home Minister Lalchamliana chuan tun dinhmunah Mizoram-ah Valid ILP nei hnamdang 21,757 an awm mek tih sawiin, uluk leh ngawrh zawka ILP endik hna thawk turin ruahmanna kalpui mek a nih thu a sawi a. Sum harsatna avangin Police Out-Post duh anga hawn mai theih a nih loh thu a sawi bawk.

Food, Civil Supplies & Consumer Affairs Minister, K.Lalrinliana chuan Inrinni khan Zuangtui Godown a\angin man tlawm zawka Chini hralh tur phurtu motor pahnih a vailiam.

Serchhip District SP, R. Sathiyasundaram chuan June 155, 2019, YMA Day-ah khan Ser-chhip Sub-Hqrs. YMA te pangpar hlanin duhsakna chibai a buk.

Zirtawpni khan Serchhip District Agriculture Office-ah FOCUS hnuaia Livestock Value Chain chungchanga Serchhip District a hmalakna tur sawihona neih a ni.

Rampuma Doctor te chuan Vawiin hian an lungawilohna lantirin damlo te an en dawnlo a, Serchhip-ah pawh he lungawilohna hi lantir a ni ang.

Naupang pawikhawihna a inhnamhnawih a puh leh vanduaina tawk naupang Police ten thu zawhfiah a \ul changa naupangte zalen, him leh hlim taka an awmna tura siam, ‘Child Friendly Corner’ chu Zirtawpni tlai khan Serchhip SP, R. Sathiyasundaram IPS chuan Serchhip Police Station-ah a hawng.

YMA Day vawi 84-na chu Inrinni, June 15, 2019 khan Mizoram hmun hrang hrang leh rampawn hmundan ah teurhsun taka hman a ni a. Serchhip khawpui chhunga YMA Branch hrang hrangte pawhin an remchan dan anga YMA Day hi lawmin Sub-Hqrs. YMA hruaitute pawhin Brang hrang hrangah an hmanpui a ni.

Sawrkar in ruahmanna thar a siam, Parking House Support Scheme (PAHOSS) hnuaia beneficiary thlanchhuah Batch hmasa ber mi 99 hnenah nimin khan Chief Minister, Zoramthanga chuan pawmpuina lehkha, Approval Letter a hlan a. Approval letter semchhuah hian sawrkar a\anga Parking House sakna tura puih tiamna entirin, 1st batch atana \anpuina pek tur zat hi a vaiin cheng nuai 1,746 a ni.

Nimin khan Mamit-ah District Bawrhsap, Dr. Lalrozama hovin Reang (Bru) Tripura Transit Camp-a awmte laklet an nih huna hmalak dan turah Mamit District chhunga Village Council President-te kokhawmin inrawnkhawmna neih a ni a.

Nimin  khan Serchhip-ah Shelter Management Committee (SMC) chu \hukhawmin kumin sawr-kar kum-a Serchhip khawpui chhunga Home hrang hrangte mamawh an pek dan tur an thlirho.

Nimin-a Mizoram Legislative Assembly Budget Session chhunzawm ah Finance changtu Chief Minister, Zoramthanga chuan kum 2019-20 chhunga Mizoram State Budget a pharh a. Kum 2019-20 Mizoram Budget hi a vaiin cheng vbc. 10,692.30 a ni a; Mizoram sawrkar Flaship Programme, SEDP atan cheng vbc. 750 dah a ni.