Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

HSA in kawng chungchang CM an sawipui

Hmar Student's Association (HSA) Jt. Hqrs. Aizawl hruaitute chuan nimin khan Chief Minister, Zoramthanga chu hmuin Zohnahthlak insuihkhawmna atana pawimawh inkalpawhna kawng tihchangtlun dan tur an sawipui a, Krismas present atan Hmar Thangchhuahpuan an hlan nghal bawk.

Chief Minister an kawmna ah hian HSA hruaitute chuan tunhmaa NH. 150 tih thin, tuna NH. 02 ni ta-a Tuivai Bridge, kum 20 chuang dawh tawhloh, sanctioned awm vek tawh si chu a hlawhtlin vat theih nana hmala turin Chief Minister hi an ngen a, Chief Minister chuan he Lei dawhna tur hian tum thum lai Tender chhuah a nih tawh thu leh a chhangtu Contractor hian Estimate aia sanga an chhan avangin central sawrkar chuan insawifiahna pe turin a rawn ti tih a sawi a. Department lam pawhin Clarification pein, hei hi Ministry of Road Transport & Highway lamin an rawn approve anih chuan hna hi thawh tan nghal theih a ni ang tih a sawi a. Clarification hi an approve ngei theih nan hma a lak tur thu leh New Vervek - Tuivai Road Component Kilometer 10 a thui, Nidhi Company in an khawih mek pawh tichak turin a hrilh tur thu a sawi bawk.

Chief Minister chuan NH 306 (A) New Vervek - Vairengte via Mauchar chu proposal siam vek tawh a ni tih pawh sawiin, a hlawhtlin theih nan theihtawp a chhuah mek thu a sawi a. National Highway siamna tur a puitlin hmain tuna kawng awmsa chu tihchangtlun vat a tum thu a sawi a. Hnam project atan PMGSY leh National Highway kawngte'n a la tlawhpawh loh Zokhawthiang leh Tinghmun inkalpawhna kawng chu Bialtu MLA, Lalchhandama Ralte nen an buaipui mek thu a sawi lang bawk.

Comments

Chhiar Hlawhte