Posts

Showing posts from February, 2021

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Assam Rifles in ralthuam phochhuahna nei

Image
Serchhip-a awm 8th Assam Rifles te chuan tun thla ni 28-a ‘National Science Day’ lo thleng tur pualin nimin khan Serchhip-a Assam Rifles Parade Ground-ah ralthuam phochhuahna hun an hmang.

Mipui ten uluk taka ngaihtuah a tul

Mipui ten uluk taka ngaihtuah a tul

LENG KHUA BIHCHIANG ANG AW...

LENG KHUA BIHCHIANG ANG AW... - Kapliana Pachuau, Journalist

Chanchin thar thenkhat :

Hri kai 6 hmuh leh a ni

Sample 19 enfiah leh a ni

Nimin khan Serchhip District-ah Rapid An-tigen Test hmangin Sample 19 enfiah leh niin heng atang hian COVID-19 hri kai hmuh an awm lova, heng Sample enfiah te hi Serchhip-a mi 17 leh North Vanlaiphai mi 2 te an ni.

Serchhip SP tur ruat thar

Mizoram sawrkar-a Home Department chuan Mizoram District thenkhat-a Superintendent of Police (SP) te awmna hmun a siksawi a, Serchhip District-a SP hna chelh turin Lunglei District-a SP hna chelh mektu Stephen Lalrinawma chu ruat a ni.

Police ten Vaihlo leh a kaihhnawih an zirho

Nimin khan Serchhip-a Police Officer te tan Vaihlo leh a kaihhnawih leh Dan hnuaia khuah-khirhna hrang hrangte zirhona neih a ni.

Serchhip District Chess Championship khelh tan a ni

Serchhip District Chess Association buat-saih 'Serchhip District Chess Championship-2021' chu nimin khan Serchhip Indoor Stadium-ah khelh tan niin Vawiin-ah zawhfel a ni ang.

I&PR Director in zankhat riak turin Serchhip District a rawn tlawh

Mizoram sawrkar-a Information & Public Relations Department Director, Lallianpuii chuan zan khat riak tura Serchhip tlawhin nimin khan Serchhip-a District Information & Public Relations Officer (DIPRO) Office leh Serchhip Press Club te a tlawh.

YMA ten Serchhip leh Thenzawl inkar Mat lui-a Lei dawh tha thawkhat ah an ngai

Serchhip leh Thenzawl inkar Mat lui-a Lei dawh mek chu nimin khan Serchhip Sub-Hqrs. YMA chuan tlawhin hnathawh kal mek an enfiah a, he Lei dawh hna thawktute thawh dan leh an hnathawh tawh chin chu lungawithlak tawhkhat nia an hriat thu an sawi.

Chanchin thar thenkhat :

MP (RS) in IR Duty a tlawh

Hri kai hmuhchhuah thar awmlo; mi 2 an dam

Niminpiah-a Mizoram-a Sample enfiah atangin COVID-19 hri kai hmuhchhuah belh an awm lova, Mizoram-a hri kai hmuhchhuah tawh zawng zawng chu 4413 an ni.

House-ah Bill pahnih lungrual taka pass a ni

Nimin Assembly session-ah Bill pahnih te chu lungrual taka pawm a ni. Nimin-a Assembly inkhawm ah hian Higher & Technical Education Minister, Dr. R. Lalthangliana chuan 'The Mizoram State Higher Education Council (Amendment) Bill, 2021' pulutin AH&Vety Minister, Dr. K. Beichhua chuan 'The Mizoram Licensing and Regulation of Private Veterinary Hospitals and Clinics Bill, 2021' a pulut thung a. Heng Bill pahnihte hi Member-ten an sawiho hnuah pawm ve ve a ni. Nimin-a Assembly Session-ah hian Paper pasarih pharh (lay) a nih bakah, Report pathum pharh (present) a ni bawk.

Tuirial-ah College din tumna a awmlo tih sawi

Higher & Technical Education Minister, Dr. R. Lalthangliana chuan Tuirial-ah College din tumna a awm loh thu House hrilhin, Chief Minister, Zoramthanga pawhin kum 2018-a inthlanpui dawnah Tuirial-ah College din an tum thu a sawi lo tih a sawi.

Damdawi zawrh phalna nei mi 3583 awm mek

Mizoram chhungah damdawi zawrh phalna nei mi 3583 an awm a, COVID-19 Sample Test hmangin sawrkarin Rs. 3,42,94,900/- a hmuchhuak tawh.

VC inthlanpui hnuhnung berah SEC in mi 242 atangin complaint a dawng

LAD Minister K. Lalrinliana chuan Mizoram Village Council inthlan neih hnuhnung berah thil fello awm nia hriatna State Election Commission-ah Complaint thehlut mi 242 an awm thu ziakin House a hrilh a. Inthlan buaipuitu Official te hrem an awm loh thu a sawi bawk.

Myanmar atanga Kuhva lakluh chu ramdang atanga lakluh a nih avangin Dan phalloh a ni

Taxation Minister, Lalchamliana chuan Myanmar atanga Kuhva lakluh chu ramdang atanga lakluh a nih avangin Dan phalloh a nih thu a sawi a, khawchhak atanga Mizoram kaltlanga Kuhva lakluh Assam lama lut thla tur dang turin sawrkar a in buatsaih tih a sawi bawk.

Bawrhsap in khapna siam

Serchhip District Magistrate chuan thupek siamin Mizoram Sawrkar thuchhuak in a tarlan ang leh Serchhip District mipuite COVID-19 hrileng laka an him theihna turin Section 144 of Cr.PC 1973-in thuneihna a pek angin District Hqrs. chhungah zan dar 10:00 leh zing dar 4:00 inkar ah pawn chhuah khap tlat a nih thu a tarlang a, hei bakah hian District Hqrs. a Dawr, Hotel, Restaurant leh sumdawnna hmun dangte chu zan curfew tan hun bawhbuai lova khar tur a ni. He thupek hi hman nghal tura tih niin hei hian phalna pek bik te a huam lovang.

DC in Award dawn a hlan

Nikum November 19-a India rama District 20 thlanchhuah te hnena World Toilet Day Award sem chu hri leng avanga Video Conference hmanga sem a nih hnuah Serchhip District in he Award a dawn in a kentel hrang hrangte chu nimin khan Serchhip DC, Kumar Abhishek IAS chuan PHE Serchhip WATSAN Division-a Sr. Executive Engineer, Er. F. Lalsanglura hnenah a hlan a, PHE Department hnuaia Swachh Bharat Mission (G) kalpui ah Serchhip District hian All India Level Award vawi 2 an dawng tawh a ni.

Sample 4 enfiah leh a ni

Nimin khan Serchhip District-ah Rapid Antigen Test hmangin Sample 4 enfiah leh niin heng atang hian COVID-19 hri kai hmuh belh an awm lo a ni.

I&PR Director rawn zin dawn

Mizoram sawrkar-a I&PR Director, Lallianpuia chuan zankhat riak turin Vawiin hian Serchhip a rawn tlawh dawn a, I&PR Office-ah Staff te leh MJA member te kawmin Serchhip Press Club tlawh dawn bawk a ni. Hei bakah hian naktuk zing-ah Serchhip Mat phai hmun thenkhat pawh a tlawh nghal ang.

RCH hnuaia hmalakna zirho

Serchhip District chhunga Medical Officer te tan nimin khan Serchhip-ah ‘Sensitization and Training on Reproductive & Child Health Activities’ neih a ni.

Khawnvartui chungchang chhui zui mek zel a ni

Tunhnaia Serchhip-a dah tur Khawnvartui barel 10 hralh nia sawi chungchang chu sawrkar chuan chhui zuiin thu zawhfiah ngai te zawhfiah mek an ni a, hemi chungchangah hian Serchhip DCSO chuan Serchhip Police Station-ah FIR thehlutin chhui zui mek a ni bawk.

Ramhnim damdawi chin chungchang zirho

Nimin khan Serchhip-ah ramhnim damdawi chingtuten an thlai chin atanga hlawkna tam zawk an neih theih dan tur leh a zawrhchhuah dan kawng inhrilhhriatna hun hman a ni.

Thian chhan thih ngam - Mizote

 Thian chhan thih ngam - Mizote

Officer awmna siksawi

Mizoram sawrkar chuan Mizoram-a IAS leh MCS Officer thenkhat te awmna hmun a siksawi a, heng zingah hian Thenzawl SDO (C), Kulothungan A, IAS chu Lunglei DC hna chelh tura sawn a ni a, Serchhip-a SDO (Sa-dar) hna chelh mektu C.. Lalduhzuali chu Lung-lei-a Settlement Officer hna chelh tura sawn niin a aiawh tur hian Lunglei-a Settlement Officer hna chelh mektu, C. Laltleipuii chu rawn dah a ni bawk.

Serchhip District-ah Sample 6720 enfiah tawh

Nimin thleng khan Serchhip District-ah Sample 6720 enfiah ni tawhin heng atang hian COVID-19 hri kai 180 hmuhchhuah an ni tawh a. Serchhip District-ah hri kai mi 412 enkawl dam an ni tawh thung.

MJA Serchhip District member ten Leng khawtlang hmalakna te a hmunah an tlawh

Rampum-a tuihna tipung tura hma la tha thlanchhuah zinga North East Zone-a lawmman pakhatna dawngtu, Leng khua chu nimin khan MJA Serchhip District ten tlawhin an hmalakna hrang hrangte an enfiah.

Chanchin thar thenkhat :

 House-ah sum harsatna sawi

Myanmar atanga raltlan dawngsawng turin inpeih

Tunhnaiah thenawm Myanmar-ah mipui ten harsatna an tawh avangin ramri dep-a awm Mizoram khaw hrang hrangte chu thenawm ram atanga raltlan te dawngsawng thei turin an inbuatsaih mek.

District Hqrs. tinah Two Wheeler Taxi tlan phal

Transport Minister, TJ. Lalnuntluanga chuan District Headquarters tinah Two Wheeler Taxi tlan phalna pek a ni tawh tih a sawi a, Ai-zawl-ah pawh Permit hi a tul anga pek chhoh zel tum a ni tih House a hrilh.

Assembly House-a Larsap thusawi-a lawmthu sawina Motion lungrual taka pass a ni

Nimin-a Mizoram Legislative Assembly thutkhawm neih ah Session tan ni-a Mizoram Larsap in House-a thu a sawi chungchanga lawmthu sawina Motion putluh chu sawihona neih a ni a, member ten sawihona an neih hnuah he Motion hi lungrual taka pawm a ni.

Mi 130 te hri danna pe

Nimin khan Serchhip District-a Frontline Worker mi 130 te hnenah COVID-19 hri danna pek leh a ni a, heng hri danna pek te hi Assam Rifles mi 55 leh VLTF Member mi 75 te an ni.

KVK mithiam te nen Balhla chin dan zirhona nei

North Vanlaiphai KVK-a mithiamte chuan nimin khan Serchhip District chhung Mualcheng khua a Balhla chingtute chu nimin khan Training leh Field Visit (Demonstration & Practical) hun an hmanpui.

Mizoram-ah hri kai thar 1 awmin dam thar an awmlo

Niminpiah khan Mizoram-ah Sample 969 enfiah niin COVID-19 hri kai mi pakhat hmuhchhuah belh leh a ni a, tualchhung-a hri inkaichhawng a ni.

Kangmei laka fimkhur inzirtir zel nise

Kangmei laka fimkhur inzirtir zel nise

Chanchin thar thenkhat :

Lakhuihthei chin turin thlang

Serchhip District-ah hri leng dona-a hlawh nei lova thawk tura inpe chhunzawm 12 an la awm

Serchhip CMO Office-a thawktute chuan hri leng avanga lawmman pe tura thawktu an sawm te chu ban an nih tawh avangin harsatna an tawk tih an sawi a, amaherawh chu hlawh nei lova thawk tura inpe an la awm avangin harsatna tawk zui lo tura an in beisei thu an sawi.

Kawng siam hna zofel ta

National Highway-54 in Serchhip khawpui chhung hmun thenkhat a paltlang tawh dawnloh avangin kawngpui thar in a hel tur lai kawngpui siamthat hna KRAM Infracon Pvt. Ltd. in an thawh chu zawhfel a ni ta a, he kawngpui siamthat hna hi nikum kumtawp lam atang khan hmun hnih ah thawh niin Kikawn leh Sailiamkawn inkar KM 12.4-a thui chu February 13 khan zawhfel niin Chhiahthlang khawchhung hel tur KM 3 vela thui chu Inrinni khan tluang taka siam zawh a ni ve leh tawh tih Company hotute chuan an sawi a ni.

Assam Rifles in thilpek hlan

Nimin khan Serchhip-a awm 8th Assam Rifles-a Commandant. Col. Junior Mutum, SM chuan Zoar Deprived Childrens Home leh Unity Orphanage Home te hi tlawhin, heng hmuna awm naupangte leh anmahni enkawltute chu zahna chibai bukin duhsakna a hlan a. He hunah hian Buhfai, Cake leh eitur chi hrang hrang te an hlan a ni. Assam Rifles Battalion te hian tunhma atangin hnuchham enkawlna hmunah te hian thilpek an lo pe fo tawh thin a, CO hi a nupui, Ragini Mutum in a tawiawm a ni.

MJA ten Leng tlawh dawn

Tunhnaia India rampum huap-a khawtlang inenkawlna hrang hrang hming tha leh chawi-mawina hrang hrang pawh dawngtu, Serchhip District-a Leng khua chu Vawiin hian MJA Serchhip District Member te chuan lehlang in an tlawh dawn.

PMMVY Award dawn lawm

Serchhip ICDS Project in Pradhan Mantri Matru Vandana Yojana (PMMVY) hnuaia ‘Best Performance Award, 2018’ leh ‘Best Implementation Award 2017-19’ a dawn lawmna chu nimin khan Serchhip Auditorium-ah neih niin District Bawrhsap, Kumar Abhishek IAS chuan a khuallian niin a hmanpui a ni.

Hnahthial-ah ‘Adolescent Health Day’ hman a ni

Rashtriya Kishor Swasthya Karyakram (RKSK) Programme hnuaiah nimin khan Govt. Higher Secondary School Hnahthial-ah ‘Adolescent Health Day’ hman a ni.

Kan ram mamawh mil, kan ram mila ram kaihruai turin kan inbuatsaih - Lalhmangaiha Sailo

Peoples' Conference (PC) Party President, Lalhmangaiha chuan kan ram mamawh mil, kan ram mil-a ram kaihruai turin an inbuatsaih tih a sawi.

Lalduhoma’n ZPM zawm thar 306 a lawmlut

ZPM Leader, Lalduhoma chuan nimin khan Champhai-ah ZPM zawm thar mi 306 lawmlutin, eiruk sum ni lo, hmangaihna sum tlingkhawm in Serchhip Bial bye-election hmachhawn tur a nih thu a sawi.

Kum 2020-2021 chhungin SEDP hnuaiah State Fund atangin vbc. 82.45 pek a ni tawh

Mizoram Larsap, PS. Shreedaran Pillai chuan Sawrkar kum kal mek 2020-21 chhungin State Sawrkar Flagship Programme, SEDP hnuaiah State Fund atangin hmasawnna hna thawh nan Department hrang hrangah cheng vbc. 82.45 pek a ni tih a sawi.

Thlai hralh ah hmalak zui ni thei se

Thlai hralh ah hmalak zui ni thei se

Chanchin thar thenkhat

BOP sak mek enfiah a ni

Hri kai hmuh thar awmlo; mi 2 enkawl dam thung

Niminpiah khan Mizoram-ah Sample 327 enfiah niin heng atang hian COVID-19 hri kai hmuhchhuah thar an awm lo.

Aizawl-ah National Deworming Day (NDD) hmang

National Deworming Day (NDD) chu nimin khan rampumah hman niin Aizawl-ah pawh School Education Department-a Commissioner & Secretary, Esther Lal Ruatkimi hovin hman a ni.

Vawiin-ah Assembly thutkhawm nei tan dawn

Mizoram Legislative Assembly Budget Session chu Vawiin hian neih tan a ni dawn a, March 17 thleng thutkhawm neih a ni ang.

LADC-a MNF sawrkar Dan lova che-ah LDCC in puh

Lai District Congress Committee (LDCC) Lawngtlai chuan LADC-a MNF sawrkar chuan Sawrkar kalphung, Dan leh dun pawh zah lovin rambuai lai ang maiin rorelna an kalpui mek niin an sawi.

Sangha khawitute tan Web portal leh Mobile app thar, 'Fish-info Mizoram' tlangzarh a ni

Tunlai khawvel changkanna hmanga mipuiten awlsam zawka Fisheries Department an dawr zung zung theihna tur Web Portal leh mobile apps thar, 'Fish-info Mizoram' tih chu nimin khan Fisheries Minister, K. Lalrinliana chuan a tlangzarh.

Award dawn lawm dawn

Pradhan Mantri Matri Vandana Yojana (PMMVY) hnuaia Serchhip District in rampum huap-a Award a dawn, Best Performance Award (2018) leh Best Implementation Award (2017-2018) lawmna chu Vawiin chawhnu dar 1:00 hian Serchhip Auditorium-ah neih a ni dawn.

Sample 52 enfiah leh

Nimin khan Serchhip District-ah Rapid An-gen Test hmangin Sample 52 enfiah leh a ni a, heng atang hian COVID-19 hri kai hmuh an awmlo a ni. Nimin-a Sample enfiah zinga a tam ber te hi pawl 9 leh 11 zirna In hawn tan a nih dawn avanga Sample enfiah te an ni.

Hri danna pek chhunzawm

Nimin thleng khan Serchhip District-ah CO-VID-19 vaccine, Covishield pek chhunzawm a ni a, thla hmasa lama vaccine Dose 1-na la tawh mi 204 te hnenah nimin khan Dose 2-na pek niin heng mite hi Health Care Workers te an ni a, nimin vek khan Frontline Workers mi 20 te hnenah Dose 1-na pek ve leh a ni bawk. Serchhip District atanga Vaccine Dose 2-na pek tawh te hnenah hian a remchan angin Certificate pekchhuah nghal zel a ni bawk.

Zu siamna hmun tichhia

Serchhip Chanmari Branch YMA te chuan nimin khan hnatlangpui neiin Zu bilhlai leh thlawr sa thahnem tak an tihchhiat bakah Zu siamna bel thahnem tak an man.

Bye-election ah Candidate 5 lai an awm hmel

Peoples' Conference (PC) Party chuan Serchhip bial-a Assembly bye-election lo awm turah an Candidate tur an tifel tawh tih sawiin, inthlan puan hunah an puan tur thu an sawi.

Serchhip-ah National Deworming Day hawnna neiin Rulhut hlo pek beihpui thlak a ni

India sawrkarin hriselna kawnga rampum huapa a hmalakna pakhat, National Deworming Day (NDD) chu nimin khan rampumah hman niin Serchhip-ah pawh he ni-ah hian kum 1 leh kum 19 inkar te hnenah Rulhut hlo pek beihpui thlak a ni.

Sub-Hqrs. YMA Rorel Inkhawm April 22-ah neih rel

Serchhip Sub-Hqrs. YMA chuan Conference neihloh kum-a neih thin Sub-Hqrs. YMA Rorel Inkhawm vawi 3-na chu April 22, 2021 khian neih nise an ti.

Chanchin thar thenkhat :

Inthlan puan hnaih rin a ni

Kawng la khar dawnlo

Chhiahtlang leh Lamchhip inkar kawng siam hna thawh mek chu chhunzawm leh tum niin Vawiin atang hian kawng hi dan tum a ni a. Amaherawh chu Mat lama Sawhthing chingtu ten an Sawhthing thar an la phurhchhuah laklawh avangin an ruahmanna hi thlakin Vawiin leh naktuk-ah kawng hi hawn ala ni leh ang.

Minister in bungrua vailiam

Health Minister Dr. R. Lalthangliana chuan Inrinni khan Mamit tlawhin Mamit District Hospital, PHC, CHC leh Sub-Centre-a hman tur Mobile Medical Van, Essential Drugs & Diagnostic Kits & Laptops leh Speaker te a vailiam.

Ni 2 chhungin hri kai thar 4 leh dam 4 an awm

Ni 2 chhungin Mizoram-ah COVID-19 hri kai mi 4 hmuhchhuah leh niin ni 2 chhungin hri kai mi 4 enkawl dam an ni bawk.

Mizoram mi leh sa chhawr tawh turin ti

Assam leh Mizoram ramri Bairabi Zophai-a Mizo leilet enkawltu atan Mizoram mi leh sa ngei chhawr tawh turin Kolasib District Magistrate chuan thupek a chhuah.

Health Minister in Kanhmun Screening Point a tlawh

Health & Family Welfare Minister, Dr. R. Lalthangliana chuan Inrinni zing khan Kanhmun-a COVID-19 Screening Point chu tlawhin thawktute leh VLTF hruaitute nen inkawmna an nei.

NITI Aayog Governing Council Meeting-ah Chief Minister in Mizoram mamawh a thlen

NITI Aayog Governing Council Meeting vawi 6-na chu Inrinni nileng khan Virtual-a neih a ni a, he hunah hian State leh Union Territory zawng zawng-a Chief Minister leh Lt. Governor te telin Mizoram atangin Chief Minister, Zoramthanga pawh telin Mizoram mamawh hrang hrangte a thlen a ni.

Zirna bul tan ve leh dawn

Mizoram sawrkar in COVID-19 hri leng avanga inkhuahkhirhna siam a tih danglam hlek angin Vawiin atang hian Mizoram-a pawl 9 leh pawl 11 te chuan zirna bul an tan ve leh dawn ta a, hemi ang hian Serchhip-ah pawh heng zirlai te hian zirna an chhunzawm ve leh dawn a ni. Hemi hmalam kumin January 22 atang khan Board Exam tur pawl 10 leh 12 te tan School hawn a lo ni tawh a ni.

BJP in chuh ve dawn

BJP Mizoram Pradesh President, Vanlalhmuaka chuan Serchhip bial-a Assembly bye-election lo awm tur chu an Party in Party mal-a an chuh dawn thu a sawi a, inthlan hun tur puan a nih hunah Candidate tur an puan tur thu a sawi bawk.

Mi 24 te hri danna pe leh

Serchhip District chhunga COVID-19 do kawnga thawktu, Frontline Worker te hnena hri danna (Vaccine) pek hna kalpui mekah Inrinni khan North Vanlaiphai-a Frontline Worker te hnenah hri danna hi pek leh a ni a, Inrinni khan mi 24 te hnenah hri danna hi pek niin heti hian Serchhip District chhunga hri leng dona kawnga thawktute hnena hri danna pek mekah Serchhip, Ngentiang leh North Vanlaiphai-ah hri danna hi pek a ni tawh a ni.

Thla khat chhung hri kai hmuh thar awm tawhlo

Serchhip District-ah thla khat chhung CO-VID-19 hri kai hmuhchhuah an awm tawh lova, tun thla chhungin hri kai enkawl an awm tawhlo bawk.

Mizoram State Day vawi 35-na Mizoram hmun hrang hrangah lawm a ni

Mizoram State Day vawi 35-na chu Inrinni khan Mizoram-ah urhsun taka hman niin Serchhip-ah pawh District Bawrhsap, Kumar Abhishek IAS hovin hman a ni a. Aizawl-ah chuan Mizoram Larsap, PS. Sreedharan hovin Mizoram State Day lawmna hi neih a ni.

Vaccine Dose 2-na pe tan

Nimin atang khan Serchhip District-ah COVID-19 Vaccine Second Dose pekchhuah tan niin nimin vek khan Frontline Worker te hnenah Dose khatna pek leh a ni bawk.

Khawnvartui sem dan enfiah a tul

Khawnvartui sem dan enfiah a tul

Chachin thar thenkhat :

Science Centre hmalakna thlir

Mizoram-ah COVID-19 hri kai mi 6 hmuh belh leh

Niminpiah-ah Mizoram-a Sample enfiah 1023 atangin COVID-19 hri kai mi 6 zet hmuhchhuah leh an ni.

MNF Councillor thar te lawmna hun hmang

MNF Party chuan nimin khan Aizawl Municipal Corporation (AMC)-a MNF Councillor thar te lawmna hun hmangin MNF President, Zoramthanga chuan a hmanpui a ni.

Tlangsang khua kum 107-na Health Minister in hmanpui

Kum 1914-a din Zampui tlangdung-a Tlangsang khua chuan kum 107 an tlinna lawmna ni 2 chhung awh buatsaihin nimin khan Health Minister, Dr. R. Lalthangliana chuan a hmanpui.

Halpuah leh Halmawi khapna kawnga hma la tha YMA Branch te chawimawina hlan an ni

Central YMA in Krismas leh Kumthar vuakvet-a halpuah leh halmawi khapna thupek Sawrkarin a chhuah bawhzui kawnga hma la tha Branch YMA 6 an thlanchhuah te hnenah nimin khan Home Minister, Lalchamliana chuan chawimawina thuziak leh tangkafai a hlan.

YMA in kawng siam enfiah

Tuichangral South Group YMA hruaitute chuan nimin khan an Group huamchhunga inkalpawhna kawngpui siam mek thenkhat te chu a hmunah kalin an enfiah.

Dan zawmlo 12 man leh

COVID-19 hri leng dona Dan siam zawmlo mi 12 te chu nimin khan Police ten man lehin an sum chawi tlingkhawm chu Rs. 1200/- a ni a, heng zinga 10 te hi Serchhip-a man niin midang 2 hi Chhingchhip-a man an ni thung.

Sample 31 enfiah leh a ni

Nimin khan Serchhip-ah Rapid Antigen Test hmangin Sample 31 enfiah leh niin heng te atang hian COVID-19 hri kai hmuhchhuah an awm lova, heng Sample enfiah te hi Zirlai nau-pang, Hostel-a lut tur te an ni.

Chapchar Kut la hre rihlo

Kumin March 5-a Chapchar Kut lo thleng tur chungchangah sawrkar thuneitu sang lam atangin engmah thuthar an la dawnloh thu Serchhip DC Office-a thawktute chuan an sawi.

Serchhip District-a Tomato tharchhuah te Aizawl-a zawrh turin thawnchhuah a ni

Image
Horticulture Department hmalakna a Serchhip leh a chhehvel a Tomato tharchhuah te chu Aizawl-a zawrh turin nimin khan Serchhip Mat phai atangin thawnchhuah a ni a, Horticulture Department changtu Addl. Chief Secretary, JC. Ramthanga chuan he hun hi a hmanpui a ni.

Chanchin thar thenkhat :

Lunglei-ah Faina hnatlangpui

VLTF ten hri danna la tan

Serchhip District-a COVID-19 hri leng dona kawnga thawktu zinga Village Level Task Force (VLTF) Member te hnenah nimin atang khan COVID-19 hri danna pek tan a ni ve leh ta.

Dan zawmlo mi 7 man an ni

Nimin khan Serchhip District-ah COVID-19 hri leng dona atana kaihhruaina siam zawmlo mi 7 man leh an ni a, an pawisa chawi tlingkhawm chu Rs. 700/- niin Serchhip-ah mi 6 leh North Vanlaiphai-ah mi pakhat man an ni.

Tomato thar seng dawn

Horticulture Department in Serchhip Zawl-pui phai-a Tomato an tharchhuah te sengna leh hralh tura thawnchhuahna hun chu Vawiin hian Mat phai-a Chawm kai-ah neih a ni dawn a, he hun hi Horticulture Development Board Vice Chairman, Prof. F. Lalnunmawia MLA chuan a rawn hmanpui dawn a ni.

Sample 19 enfiah leh a ni

Nimin khan Serchhip-a Rapid Antigen Test (RAgT) hmangin Sample 19 enfiah niin heng te atang hian COVID-19 hri kai hmuhchhuah awm lovin an vai hian an negative vek a ni. Serchhip District-a TrueNat Laboratory-ah tun thla ni 4 hnu lamah Sample enfiah a awm tawhlo a ni.

Serchhip DCSO in amah puhna thu diklo a nih thu a sawi

Serchhip District Civil Supply Officer (DC-SO), C. Zadailova chuan Serchhip-a Khawn-vartui dah tur hralh chungchanga a thu hmu-a thil ti anga sawi chu thu diklo a nih thu a sawi.

Mizoram-ah COVID-19 hri kai 3 hmuh leh an ni

Niminpiah khan Mizoram-ah Sample 973 enfiah niin heng atang hian COVID-19 hri kai mi pathum hmuh belh leh an ni.

Champhai-a hmasawnna hnathawh mek enfiah

Champhai North bialtu MLA leh Health & Family Welfare Board Vice Chairman, Dr. ZR Thiamsanga chuan nimin khan Champhai tlawhin hmasawnna ruhrel siam mek hrang hrangte leh hmachhawpte a enfiah.

Central Jail-a Pathian thu zir te Certificate hlan

Set Free Ministries-in (SFM) in Central Jail-a tang te tana Pathian thu zirna an buatsaih Course 3-na Graduation Day chu nimin khan hman niin Home Minister, Lalchamliana chuan hmanpuiin Certificate a sem.

AMC inthlanpui vawi 3-na neih zawh takah Political Party hrang hrangin lawmthu an sawi

Nimin-a AMC inthlana Vote tla te chhiar a nih hnuah Party hrang hrangte chuan thu-chhuah siamin lawmthu an sawi.

AMC inthlanpui ah MNF in Party mal-a sawrkar siam theiin hnehna an chang

Aizawl Municipal Corporation (AMC) inthlanna a Vote tla te nimin-a chhiar takah rorellai MNF Party chuan Party mal-a sawrkarna siam thei khawpin hnehna an chang a. Hmeichhia te tana Seat hauh 6 zinga 5-ah ZPM chuan hnehna an chang a ni.

Gas tih chingpen man a lawmawm

Gas tih chingpen man a lawmawm

Chanchin thar thenkhat :

NAAC in MCON 'B' Grade pe

Mizoram-ah hri kai thar leh dam 1 ve ve awm

Niminpiah khan Mizoram-ah Sample 731 enfiah niin heng atang hian COVID-19 hri kai mi pakhat hmuh a ni.

RIDF chungchang zirhona Kolasib-ah neih a ni

National Bank for Agriculture and Rural Development (NAB-ARD) Mizoram buatsaihin nimin khan Kolasib-ah District Level Sensitization on Rural Infrastructure Development Fund chu neih a ni.

HMIS chungchang zirhona Champhai-ah nei

Nimin khan Champhai-ah Health Management Information System (HMIS) chungchang inzirtirna neih a ni.

MSU hruaitu ten Hailakandi DC hnenah thlen

Mizo Students' Union (MSU) Joint Hqrs. Silchar hruaitute chuan nimin khan Hailakandi DC, Megh Nidhi Dahal chu a Pisa-ah hmuin Zophai-a ramri buai leh hemi avanga Gharmura Mission Compound-a Mizo Missionary-te tawrhna chungchang an sawipui.

Lunglei HPC Vice Chairman-in Lungsen-ah Turmeric Processing Plant a hawng

Horticulture Department leh RD Department-te hmalaknaa buatsaih, Lungsen khuaa Aieng sawngbawlna hmunpui, 'Lungsen Turmeric Processing Plant' chu nimin khan HPC Vice Chairman, Lawmawma Tochhawng chuan a hawng.

AMC-a Vote tla Vawiin-ah chhiar a ni dawn

Aizawl Municipal Corporation (AMC) inthlanna a Vote tla te Vawiin-a chhiar turin inbuatsaihna peihfel a ni tawh.

Mi 73 te hri danna pe leh

Sawrkar in ruahmanna a siam anga Serchhip District-a hri leng dona kawnga thawktute hnena COVID-19 Vaccine, Covishield pek hna kalpui mekah nimin hian hri leng dona kawnga thawktu mi 73 te hnenah hri danna hi dose khatna pek leh an ni a, Vaccine pek te hi Serchhip District Jail-a thawktu mi 28 te leh Assam Rifles Sipai mi 45 te an ni. Ruahman lawk ang chuan Vawiin hian Presbyterian English School leh Midland M/S-ah te hri danna hi pek leh a ni dawn a, VLTF Member te hri danna hi pek tan an ni dawn a ni.

Gas man bithliah thar a ni

Indian Oil Corporation Limited (IOCL) in eirawngbawlna Gas man an ennawn avangin Mizoram-a eirawngbawlna Gas man bithliah thar a ni a, Vairengte tihloh Mizoram-a LPG Distributor awmna chuan Kg. 14.2 a rit Domestic Cylinder man chu Rs. 921/- leh Kg. 19 Commercial man chu 1838/- a ni ang. Gas hi Point Delivery a sem chhuah a nih chuan a man bakah bur khat-ah Rs.7.53 belh tur niin Home Delivery-a hralh a nih chuan Rs. 70 zel belh tur a ni ang.

Kawng siam hna zo thawkhat

Serchhip khawpui chhung paltlangtu National Highway-54 siamthat hna chu zawhfel thawkhat a ni ta.

Buk tlinglo bur 20 man leh

Serchhip-a eirawngbawlna Gas sem tur nimin-piah-a endikna ah buk tlinglo bur 60 hmuh a nih hnuah nimin khan buk tlinglo hi bur 20 hmuh belh leh a ni.

State Day hman dan tur rel

Tunkar Inrinni-a Mizoram State Day vawi 35-na lo thleng tur chu Serchhip-ah pawh District Bawrhsap hovin hman a ni dawn.

Serchhip-a Khawnvartui sem tur chungchang chhui turin Supply Department hotute ngen

Serchhip District Consumers’ Association (SDCA) chuan Serchhip mipuite hnena Khawnvartui sem tur tih chingpenna awm ngeia lang chu chhui chhuah a, a mawhphurtu chu a tul anga hrem turin Supply Department hotute an ngen tih an sawi.

Thisen pek-ah kan thangharh zel

Thisen pek-ah kan thangharh zel

Chanchin thar thenkhat :

AMC inthlanna ah Vote thlak

Thla thar-ah kum 50 chunglam vaccine pe dawn

Sawrkar laipui chuan COVID-19 vaccine dawng tura zinga a dah pawimawh pathumna, kum 50 chin chunglam te chu thlaleh atangin vaccine a pe tan dawn.

Hri kaichhawnna hriatloh 3 hmuhchhuah leh an ni

Niminpiah-a Mizoram-a Sample enfiah 1134 atangin COVID-19 hri kai mi pathum hmuh leh an ni a, an vai hian hri kaina hriatloh leh chhuizui mek an ni.

Ui chungchangah khuahkhirhna Dan hmang dawn

Mizoram-ah phalna neilote tan Sumdawnna atan Ui zawrh leh hralh emaw, inthlahpuntir (Dog Breeding) emaw khap a ni.

Party hrang hrang ten AMC-ah hnehna chan beisei

Nimin-a AMC inthlanna-a Vote thlak a nih hnuah MNF, Congress leh ZPM hruaitute chuan hnehna an chan ngei an inbeisei thu an sawi.

Drugs and Vaccine Distribution Management System (DVDMS) zirhona neih a ni

Nimin khan Champhai-ah damdawi leh hridanna vaccine pekchhuah leh enkawl kawnga hriat tulte inzirtirna, Drugs and Vaccine Distribution Management System (DVDMS) Training chu neih a ni.

Hri kai hmuh belh awmlo

Nimin khan Serchhip District-ah Rapid Anti-gen Test hmangin Sample 5 enfiah leh niin heng atang hian COVID-19 hri kai hmuhchhuah an awm lo.

Map leh List enfiah theih

Land Revenue & Settlement Department chuan Khawlailung khua-a Cadastral Survey neih mek ah heng Veng pathum- Bunghmun Veng, High School Veng leh Zotui Veng-a Survey kalpui mek chu zawhfel a nih tawh thu sawiin, Settlement Officer, Land Revenue & Settlement Office, Serchhip District leh VCP, Khawlailung hnenah (hmun) List leh Map te Feb. 22, 2021 atanga March 23, 2021 thleng enfiah duh tan hun hawn a ni tih an sawi.

Meizu mi 3 man leh an ni

Serchhip District Anti-Tobacco te chuan nimin khan Serchhip Bazar leh a chhehvel, Maxi Cab, Auto Rickshaw leh Taxi Stand te tlawh-kualin Vantlang hmun leh puipunna hmuna meizuk khapna dan bawhchhia-a meizu mi 3 an man a, heng mite hi pawisa chawitir nghal an ni. Serchhip District Anti-Tobacco Squad te chuan Serchhip khawpui chhung puipunna hmun ah meizu man tur an tlem tawh viau laiin, dan ngaipawimawh lo an awm leh zauh thin chu pawi an tih thu sawiin, mitin te Dan zawm turin an ngen nawn leh tih an sawi a ni.

MPF ten OB Meeting nei

Mizoram Peoples’ Forum (MPF) Serchhip District chuan nimin zing khan Office Bearers Meeting neiin an pawl-a tel YMA hruaitu insiam-rem a nih avangin hruaitu siamrem chungchang an sawiho a, a hmaa Serchhip Sub-Hqrs. YMA hruaitu zinga MPF-a chanvo chelh mek te chuan an chanvo ngai lo chelh chhunzawm rih se an tih bakah Serchhip Sub-Hqrs. YMA-a President leh Secretary te chu MPF Executive Member atan an ruat bawk. Hei bakah hian Serchhip bial-ah bye-election neih a nih dawn avanga hmalak dan turte pawh an ngaihtuah bawk.

Serchhip-ah Gas buk tlinglo bur 60 man

Nimin khan Serchhip-ah Legal Metrology Enforcement Staff te chuan Gas buk tlinglo bur 60 manin Vawiin hian enfiah chhunzawm leh a ni ang.

Feb. 22 atangin pawl 9 leh 11 kal thei dawn

Karleh Thawhtanni, February 22, 2021 atang khian Mizoram-a pawl 9 leh 11 zirlaite chu School leh Hostel-ah an lut leh tan thei dawn ta.

Nikum chhungin Serchhip District-ah ILP 294 pekchhuah niin 353 tihnun thar a ni

Nikum (2020) chhung khan Serchhip DC Office atangin ILP pekchhuah thar 294 leh a hlui tihnun thar 353 awmin heng atang hian Chhiah Rs. 9,93,900/- hmuh niin hri leng avanga inkharkhipna kalpui nasat lai, April thla chhungin ILP pekchhuah leh renew a awmlo a ni.

Meilam tha taka sial thin nise

Meilam tha taka sial thin nise
Chief Minister-ah thlen

Hri kai hmuh belh awmlo; nunna chan 1 awm thung

Pathianni khan Mizoram-a Sample enfiah atangin COVID-19 hri kai hmuhchhuah an awm lova, nimin zing khan COVID-19 hri kai te zingah nunna chan pakhat an awm thung.

END in Mizo mipuite tanpuina an ngen

Excise & Narcotics Department chuan Mizoram chu ruihhlo leh Zu laka a him theihna tur leh a dapchhuahna kawnga dan kengkawhtute tha tichak turin Mizo mipuite tanpuina an ngen.

Hnahthial-ah ni 15 awh Ar vulh zirhona nei tan

Core Team on Skill Development Framework Hnahthial District buatsaihin nimin khan KVK Training Hall, Hnahthial-ah ni 15 awh tur Ar vulh chungchang zirhona chu neih a ni.

MPCC in Lokayukta-ah FIR an thehlut

Mizoram Pradesh Congress Committee (MPCC) Vigilance Department chuan AMC ram lei chungchangah nimin khan Mizoram Lokayukta-ah FIR an thehlut.

Aizawl Municipal Corporation (AMC) inthlanna Vawiin hian Ward 19-ah neih a ni dawn

Aizawl Municipal Corporation (AMC) inthlanpui vawi 3-na chu Vawiin hian neih a ni dawn a, he inthlanna neih tur atan hian inbuatsaihna pawh peihfel a ni tawh.

Zawlpui FMC in nikum ah Buh phur 5131 an thar

Serchhip Zawlpui phai-a leilet neitu inzawmkhawmna, Zawlpui FMC chuan nimin khan Assembly neiin kum 2020-ah buh phur 5131 an tharchhuak tih an sawi.

Hri kai hmuhchhuah awmlo

Nimin khan Serchhip-ah Rapid Antigen Test hmangin Sample 49 enfiah niin COVID-19 hri kai hmuhchhuah an awmlo.

MUP Area hruaitu thlang

Mizoram Upa Pawl (MUP) Serchhip South Area te chuan nimin khan kum 2021-2023 chhunga an hruaitu thar thlanna Lalpuithanga Hall-ah an nei a, President atan RL Biakvara Vengchung; Vice President-ah T. Rokima Dinthar Veng, Secretary-ah Hrangchhuma, Saron Veng, Asst. Secretary-ah C. Lalrosanga, Chhim Veng, Treasurer-ah F. Lianhlira, Chhim Veng leh Fin. Secretary-ah Hmarthangvunga, Field Veng te thlantlin an ni.

Frontline Worker te hri danna pek chhunzawm an ni

Serchhip District chhunga COVID-19 hri leng dona kawnga a hmatawng-a thawktute hnenah COVID-19 Vaccine pek hna kalpui mek zel niin nimin khan Serchhip Police leh BSF sipai te bakah Assam Rifles te chu hri danna hi pek an ni.

Valentine’s Day pualin Serchhip-ah mi tlawmngai ten thisen Unit 38 an pe

Image
Kumin a Valentine’s Day pualin nimin khan damlo a mamawhte tana a thlawna Thisen pekna hun chu Serchhip-ah buatsaih niin mi tlawmngai ten thisen Unit 38 an pe a. Kum 2012 atanga kumin thleng hian Valentine’s Day pualin Thisen Unit 468 pek a ni tawh a ni.

Chanchin thar thenkhat :

Sawrkar Bill pakhat lut tawh

Bill lem hmanga sum la te hremna puang dawn

Kum 2006-a Disaster Management & Rehabilitation Department-a Silpauline leina anga tarlan Bill lem hmanga Rs. 35,85,000/- lakchhuah chungchangah Special Court (Prevention of Corruption Act) chuan mi 4 te thiamloh chantirin Vawiin hian heng mite hremna pek dan tur hi puanchhuah a ni ang.

Mizoram-ah ni 2 chhungin hri kai pakhat hmuh a ni

Mizoram-ah COVID-19 hri kai hmuhchhuah zat an tlahniam zel a, Zirtawpni leh Inrinni-a Sample enfiah atangin hri kai hmuhchhuah mi pakhat chiah a awm a ni.

Participatory Budgeting Initiative kalpui tan a ni

Tualchhung hmasawnna tur ruahmannaa mipuite tel ve theihna tura Lunglei DLAO leh VC te duan, Participatory Budgeting Initiative chu Mizoram-ah a vawikhatna atan kalpui a ni ta.

Rel kawng siamna atan vbc. 1000 dah leh a ni

India sawrkarin hmarchhak State te hmasawnna tur atana inkal-pawhna tha neihna tur atan Ministry of Railways hnuaiah Bairabi leh Sairang inkar Rel kawng siam zawhna turin kum 2021-22 budget-ah cheng vbc. 1,000 a ruahman thu a puang.

Health Minister in PHC pahnih te a tlawh

Health Department changtu Minister, Dr. R. Lalthangliana chuan Inrinni khan West Phaileng Primary Health Sub-Centre chu a hmunah a tlawh.

H&TE Minister in Lengpui-a NIT Mizoram hmun tur tlawhin an dinhmun a enfiah

Higher and Technical Minister, Dr. R. Lalthangliana chuan Inrinni khan National Institute of Technology (NIT) Mizoram Campus, Lengpui-a buatsaih mek chu a hmunah kalin a enfiah.

Triangular Series khel

Cricket Association of Serchhip District buatsaih ‘CADS Triangular Series’ chu Inrinni khan Serchhip-a Khawtetlang Field-ah khelh a ni. Cricket game tih hmasawnna atana Cricket Association of Serchhip District buatsaih ‘CADS Triangular Series’ ah hian Aizawl atangin Hunthar Veng Cricket Club (HVCC) chu rawn kalin Serchhip atangin Team pahnih an tel bawk a, Serchhip atanga tel Team pahnih te hian Hun-thar Veng Cricket Club te hi hmachhawnin inkhel hmasa zawkah Serchhip B Team chuan Hunthar Veng Cricket Club chu Wicket 9 in an hneh a, inkhel vawi 2-na ah Serchhip A Team leh Hunthar Veng Cricket Club te intum lehin Serchhip A Team hian Run 10 in hnehna an chang leh bawk.

Kohhran Bial Inkhawmpui nei

Serchhip-ah Kohhran hrang hrang te chuan nimin Pathianni hmang khan Bial Inkhawmpui an nei. UPC (NEI) Serchhip Bial Inkhawmpui vawi 55-na chu Inrinni atang khan New Serchhip UPC Biak In-ah neih a ni a, Inrinni khan Report ngaithlain rorelna hun hman a ni a, nimin khan chawhma leh chawhnu-ah Inkhawm nei lehin khawmpui hi an tiak a ni.

V-Day pual thisen pekna

Kumdang-a lo tih tawh thin angin Vawiin chawhma dar 10:00 atang hian Serchhip Blood Bank-ah Valentine’s Day puala a thlawna thisen pekna hun buatsaih leh a ni dawn.

Vawk lakluh khapna siam

Serchhip District Magistrate, Kumar Abhi-shek chuan tun thla ni 12 khan Section 144 of Cr.PC 1973 in thuneihna a pek anga thupek tichhuakin Serchhip District-ah mi tumah in ramdang (Foreign Countries) leh State thenawm atangin Vawk, Vawksa leh Vawksa atanga thil siam reng reng an la lut tur a ni lo tih a tarlang a, District pakhat atanga District danga Vawk lak chu phal niin Vawk chu State chhunga mi ngei a ni tih finfiahna Village Council Court lehkha bakah Veterinary Health Certificate, Veterinary Officer hnen atangin an nei ngei tur a ni tih a tarlang. Hei bakah hian Vawk talhtu te'n vawk hrisel tha chauh an talh thin tur a nih thu leh Vawk neitute'n Vawk damlo an hralh tur a ni lo tih a tarlang bawk.

Serchhip-ah Heroin man leh

Zirtawpni zan khan Serchhip Police te chuan Serchhip-ah Heroin No. 4 leh a neitu nia puh mi pahnih te an man.

Serchhip District-a COVID-19 Frontline Workers te Covid vaccine pek tan an ni

Serchhip District-a a vawikhatna atan Inrinni atang khan COVID-19 hri leng dona kawnga a hmatawng a thawktu, Frontline Worker te hnenah COVID-19 vaccine pek tan niin Mizoram-a a hmasa ber nia hriat a ni a. Hetihlai hian Health Care Workers te hnena Vaccine pek chu zawhfel thawkhat a ni tawh thung.

Mizoram-ah hri kai thar 1 leh enkawl dam 2 an awm

Niminpiah khan Mizoram-ah Sample 1207 enfiah niin hri kai mi pakhat hmuhchhuah a ni.

Sample enfiah pakhat awm

Nimin khan Serchhip District-ah Rapid An-tigen Test hmangin Sample pakhat enfiah leh a ni a, Sample enfiah awmchhun hi hri lakak fihlim in January 20, 2021 hnuah Serchhip District-ah hri kai hmuh an awm tawh rihlo a ni.

Serchhip bial-a bye-election lo awm turah INC in PC. Laltlansanga an din tir dawn

Mizoram Pradesh Congress Committee (MPCC) chuan Serchhip bial-a Assembly bye-election neih turah PC. Laltlansanga chu an Candidate tur a nih thu an puang a, heti hian Serchhip bial bye-election neih turah Political Party pathum chuan an Candidate tur an puang ta a ni.

Vantlang kawngpui humhalh

Vantlang kawngpui humhalh

Gas man bithliah thar a ni

Supply Department chuan IOCL in Revised Retail Selling Price an tihchhuah angin Mizoram chhunga eirawngbawlna Gas man a bithliah thar a, hemi ang hian Kg. 14.2-a rit Domestic Cylinder chu Vairengte tihloh khaw dang zawng ah bur khat Rs. 846 a ni anga, Kg. 19-a rit Commercial Cylinder chu Rs. 1853.50 a ni ang. Point Delivery a sem chhuah a nih chuan rate tarlan bakah Rs.7.53 belh tur a ni bawk.

Vaihlo hman leh TB natna chungchang zirhona nei

Nimin khan Serchhip Press Club-ah Ser-chhip District chhunga ASHA leh Health and Wellness Officer thlan bikte tan Vaihlo in taksa-a harsatna a thlen theih te leh TB natna inlaichin theih dan inzirtirna neih a ni.

Rulhut hlo pek beihpui thlak dan tur sawiho a ni

Nimin khan District Level Coordination Meeting on National De-Worming Day chu neih niin tun thla ni 22-26 chhunga National De-Worming Day hman dan tur an sawiho.

Chanchin thar thenkhat :

SBI Gram Seva Kendra hawng

Commerce & Industries Minister in Silsuri-a Border Trade Centre hmun tur a tlawh

Mamit District chhung Silsuri khua-a Border Trade Centre hmun tur chu nimin khan Commerce & Industries Department changtu Minister, Dr. R. Lalthangliana chuan a tlawh.

Ramri-a buaina Rajya Sabha MP in a thlen

Mizoram Rajya Sabha MP, K. Vanlalvena chuan niminpiah tlai khan Union Minister of State for Home, G. Kishan Reddy chu a Office Chamber-ah hmuin kumin February ni 9 zan-a Bairabi Zophai leh Garmurra (Assam)-a thil thleng chungchang leh thildangte a thlen.

Tuihna humhalh tura tan lak a tul

Tuihna humhalh tura tan lak a tul

Chanchin thar thenkhat :

Training buatsaih mek zel

Hri kaina hriatchian loh mi 2 hmuh leh an ni

Niminpiah khan Mizoram-ah COVID-19 hri kai mi pahnih hmuh leh niin hri kaina hriatloh leh chhuizui ngai an ni.

ZLP in Assam sawrkar hmalakna an dem thu an sawi

ZPM Legislatute Party chuan Mizoram mipui ten nghakhlel taka Zoramthanga kaihhruai sawrkarin ramri an chinfel hun kan lo ngaihchan laia Zophai lamah Assam sawrkarin kan ram chhunga kawng rawn laia hma an rawn la chu an dem takzet tih an sawi.

District Hospital Mamit-ah DC in hmanrua a hlan

Mamit District Bawrhsap, Dr. Lalrozama chuan nimin khan Mamit District Hospital-a nu nau nei leh nausen in an hman tur hmanraw hrang hrang a hlan.

Sum leh pai enkawl kawnga hlawhchham ah puh

Congress Party MLA, C. Ngunlianchunga chuan sum leh pai enkawl kawngah MNF chu a hlawhchham niin an sawi.

P&E Minister in Bairabi Zophai tlawhin buaina thleng-a hliam tuar te a tlawh bawk

Power & Electricity Minister, R. Lalzirliana chuan nimin zing khan Bairabi Zophai-a ramri lui tlawhin ramri-a buaina thleng avanga P&E Department-a thawktu hliam tuarte leh khaw tual mi hliam tuar, Bairabi PHC-a enkawl mek te chu a tlawh nghal bawk.

Mi 8 te Sample enfiah leh

Serchhip District-ah nimin khan Rapid Antigen Test hmangin mi 8 te Sample chu enfiah leh niin heng atang hian COVID-19 hri kai hmuh-chhuah an awm lova, tunhnaia Serchhip District-a Sample enfiah sak te hi Hostel-a lut tur zirlaite ni berin mi pakhat tan Rs. 200/- zelin an Sample hi enfiah theih a ni.

Synthetic Running Track phah hna zawhfel a ni

Serchhip Hmar Veng Sport Complex-a Synthetic Running Track phah hna chu zawhfel thawhkhat a nih tawh thu he hna thawktute chuan sawiin, hun reilote ah thuneitute hnenah an hlan tur thu an sawi.

Peoples’ Conference (PC) Party in Serchhip bial bye-election chuh an tum

Peoples’ Conference (PC) Party chuan Serchhip bial-a Assembly bye-election lo awm tur chu chuh ngei an tum thu sawiin, an Candidate tur erawh sawi theih ala nih loh thu leh an la dap mek thu an sawi a. Serchhip-ah PC party mi leh sa pawh an la awm nual thu an sawi bawk.

Serchhip District Road Protection Committee hmalakna hrang hrang thlirletna neih a ni

Serchhip District Road Protection Committee chu nimin khan thukhawmin an hmalakna an thlirlet bakah hmalak zel dan tur an sawiho.

Bairabi Zophai-a buaina thleng in ziaawm lam pan

Bairabi Zophai leilet hmuna KV Line Survey tura kal Power & Electricity Department, Mizoram leh Bairabi khawthlang hruaitute chu Zophai leilet-a hnamdang awmte'n niminpiah tlai-a kut an lo thlak avangin buaina a chhuak a, nimin lam khan boruak erawh a ziaawm tawh nia thudawn a ni.

Mizoram-ah hri kai thar 2; enkawl dam pakhat

Niminpiah khan Mizoram-a Sample 932 enfiah niin COVID-19 hri kai mi pahnih hmuh leh an ni a, heng mite hi State pawn atanga tunhnaia rawn lut an ni thung.

House-ah ramri-a sumdawnna chungchang sawi

Parliament Session neih mekah nimin khan Mizoram Rajya Sabha MP, K.Vanlalvena chuan Zero Hour-ah Zokhawthar-a Indo-Myanmar Border Trade Centre khar chungchang leh a kaihhnawih thil thlengte a sawi.

Sample 5 enfiah leh a ni

Nimin khan Serchhip District-ah Rapid Anti-gen Test hmangin Sample 5 enfiah niin COVID-19 hri kai hmuhchhuah an awmlo.

NGO mawhphurhna inhlan

 Serchhip District NGO Coordination Committee hruaitute chuan nimin khan mawhphurhna an inhlan. Serchhip District NGO Co-Ordination Committee-ah hian Chairman leh Secretary atan Sub-Hqrs. YMA President leh Secretary te ruat thin an nih angin nimin khan kalchhuak turte chuan hruaitu thar te kutah mawhphurhna hi an hlana, hemi puala inkhawm tawi Serchhip Sub-Hqrs. YMA Office-a neih chu Chairman kal-chhuak tur, R. Sanghmingthanga chuan kaihruaiin hruaitu thar te chu duhsakna a hlan bawk a ni. Serchhip District NGO Coordination Committee-ah hian Kawlthuama chu Chairman thar a ni anga, PC. Vanlalluna chu Secretary a ni ang.

EVM enfiah mek a ni

Serchhip Assembly bial-ah Assembly bye-election neih a nih dawn avangin Serchhip District-a Vote thlakna khawl, Electronic Voting Machine (EVM) awm mek te chu nimin khan enfiah hna thawh tan a ni.

PC in Press Conf. nei dawn

PC Party hruaitute chuan Vawiin hian Serchhip an rawn tlawh dawn a, chhun dar 12:00 ah tualchhung-a thuthar thehdarhtute Serchhip Press Club-ah an kawm nghal ang.

SEC thutkhawm hmasa nei

Serchhip Sub-Hqrs. YMA hruaitu thlanna neih a nih hnuah Sub-Hqrs. YMA Executive Member tur ruatchhuah niin Committee peng hrang hrang inruatchhuah mek a ni.

Sainik School leh Chhingchhip tui lakna hlawhtling taka enchhinna neih a ni

Image
PHE Department in Sainik School leh Chhingchhip tana tui an lakna, Water Supply to Sainik School, Chingchhip enchhina (Trail Run) chu nimin khan hlawhtling taka neih niin Sainik School leh Chhingchhip khaw tan hian Tuikum lui atangin pump chhuah a ni.

Mizoram-ah hri kai thar 3 leh dam 5 an awm

Niminpiah khan Mizoram-ah Sample 1179 enfiah niin heng atang hian COVID-19 hri kai mi pathum hmuhchhuah leh an ni.

Thianghlim taka politics kalpui a tul

Thianghlim taka politics kalpui a tul

Chanchin thar thenkhat :

CM hovin thutkhawm nei

Sample 6 enfiah leh a ni

Nimin khan Rapid Antigen Test hmangin Serchhip District-ah Sample 6 enfiah niin CO-VID-19 hri kai hmuhchhuah an awmlo thung.

YMA General Conference thlen tur ngaihtuah

Bilkhawthlir khua in kumin-a YMA General Conference vawi 73-na a thlen tur chungchanga hmalak dan tur ngaihtuahin nimin khan bialtu MLA, Lalrinsanga Ralte hovin mi pawimawh te an thukhawm.

AMC ram leina ah sum a chingpen niin MPCC in sawi

Congress Party chuan MNF kaihhruai AMC ram leinaah cheng nuai 97 a chingpen nia sawiin, MNF-te chu Zofate Jerusalem Aizawl khawpui enkawl tlak an nih loh thu leh AMC-ah pawh thlantlin nawn chi an ni tawh lo tih mipuiin an hriat a ngai tih an sawi.

Kawng tha kan neih theihna tura Central YMA thahemngaihna leh inpekna a lawmawm ti

MNF Adviser, Lalruatkima chuan kawng tha kan neihna tura Central YMA thahnemngaihna leh inpekna chu lawmawm an ti takzet tih a sawi.

Dan lova thil zawrh man

Serchhip District Anti-Tobacco Squad, Legal Metrology Department leh Food & Drugs Administration te chuan nimin khan Joint Drive neiin New Serchhip huamchhunga Dawr hrang hrang tlawhin dan lova rampawn atanga Sikret lakluh leh Gutkha products zawrchhuah a awm leh awmloh a enfiah a, he hunah hian rampawn atanga dan lova Sikret lakluh Carton 18 an man bakah Gutkha products Shikhar bawm (pouch) 76 leh S-One pack 20 an man a ni. Heng Dan phalloh thil zuartute hi Dan anga hremna pek an ni.

Dan bawhchhia mi 8 man

COVID-19 No Tolerance Drive hman mek ah nimin khan Serchhip District-ah hri leng laka himna tura Dan siam zawmlo mi 8 man leh an ni a, Rs. 100/- theuh chawitir an ni. Nimin-a Dan bawhchhia man zinga mi 6 chu Serchhip-a man niin North Vanlaiphai leh Chhingchhip-ah mi 1 ve ve man an ni bawk.

YMA in thutkhawm nei dawn

Serchhip Sub-Hqrs. YMA hruaitu thlanna neih a nih hnuah Office Bearers thlan tharte chuan YMA Dan Bu in a phalsak angin SEC Member tur mi 10 an ruatchhuak ta a, heng mite leh OB te hian Vawiin chawhnu dar 1:00 hian thut-khawm hmasa ber neiin Sub-Hqrs. YMA hnuaia Committee peng hrang hrang din tur leh hruaitu turte an ruat dawn a ni.

Hnathawh thalo siamthat tir

Serchhip khawpui chhung NH. 54 siamthat hna thawh mekah hnathawh tha tawklo lai a awm nia sawi a awm avangin nimin tlai khan Serchhip Sub-Hqrs YMA Vigilance & Monitoring Committee chuan heng hnathawh te hi a hmunah kalin an enfiah.

NH. 54 in Serchhip khawpui chhung a helna tur a hun taka zawh hman beisei a ni

Image
National Highway-54 laihzauh leh siamthat hna thawh mekin Serchhip khawpui chhung a paltlang tawh dawn loh avanga a helna tur siam hna thawh chu chak taka chhunzawm mek zel niin huntiam chhuanga zawh hman ngei an inbeisei thu he hna thawktute chuan an sawi.

Ruihhlo dona ah hmalak a tul

Ruihhlo dona ah hmalak a tul

Chanchin thar thenkhat :

EF&CC Minister in hmanpui

CM hovin PWD hotute leh YMA hruaitute inkawm

Chief Minister Zoramthanga hovin nimin khan Central YMA hruaitute leh PWD hotute chu thukhawmin Mizoram chhunga kawng siam mek te Central YMA in an endikna-a an thil hmuh te leh hmalak ngaite an sawiho.

Mizoram-ah hri kai pakhat hmuh belh leh a ni

Pathianni-a Mizoram-a Sample enfiahte atangin COVID-19 hri kai mi pakhat hmuhchhuah niin nimin khan hri kai mi 3 te chu enkawl dam leh an ni.

Aizawl-ah Fire Prevention Week hawnna neih a ni

Mizoram pumah kangmei laka inven a pawimawh zia inzirtirna hun, Fire Prevention Week chu nimin khan a hawnna neih a ni a, Aizawl ah chuan Chief Secretary, Lalnunmawia Chuaungo chuan he Hapta hi a hawng a ni.

Assembly thutkhawm neih dan tur ruahman

Tun thla ni 23 tanga Mizoram Legislative Assembly Budget Session neih tur chu March 17 thleng neih tura ruahman a ni.

ZNP intite hi mi kheuhbeuh tlemte, MNF khuangben ruala lâm thin ang an ni - ZPM Thalai

ZPM Thalaite chuan, ZNP inti te chu mi kheuhbeuh tlemte, MNF khuangben ruala lâm thin ang an ni tih sawiin, ZPM an beihfo-na chu thu tak hla taka lak chi a ni lo tih an sawi.

Dan bawhchhia mi 10 man

Nimin khan Serchhip District-ah COVID-19 hri darh thei venna tura Dan siam bawhchhia mi 10 man leh an ni a, heng mite pawisa chawi tlingkhawm chu Rs. 1000/- a ni. Nimin a Dan bawhchhia man zinga 8 te hi Serchhip-a man niin North Vanlaiphai leh Chhingchhip-ah mi pakhat ve ve man an ni bawk.

MUP te hnenah thilpek hlan

Mizoram Upa Pawl (MUP) Serchhip District te hnenah PC. Laltlansanga s/o PC. Lalhawia (L), Serchhip Hmar Veng chuan nimin khan damdawi (Vitamin), Chair leh Draught Board te a hlan.

PMMVY hmalakna tur sawiho

Nimin khan Serchhip DC Meeting Hall-ah District Level Steering & Monitoring Committee on PMMVY chu Bawrhsap, Kumar Abhishek hova thukhawmin PMMVY hnuaia hma-lakna tur hrang hrang an sawiho.

Hri kai hmuh thar awmlo

Nnimin khan Serchhip-ah Rapid Antigen Test hmangin Sample 24 enfiah a ni a, heng atang hian COVID-19 hri kai hmuhchhuah belh an awm lova, Serchhip District-ah hian hri leng avanga khunghrang leh hri kai enkawllai an awmlo bawk a ni.

Pilot Training nei dawn

Mizoram Aero Sports Association (MA-SA) chuan Vawiin atanga tun thla ni 21 thleng awh turin Paragliding Pilot Training chu Serchhip District chhungah a buatsaih dawn a, he training-a tel duhte tan dilna hun hawn-a dil te atangin training turin mi 8 thlanchhuah niin nimin khan heng mite hian Training turin North Vanlaiphai hi an pan tawh a ni. MASA hruaitute chuan training hi tlang sang tak tak-a neih theih a nih loh avangin Serchhip-a Paragliding tihna hmun ah training hi buatsaih a nih loh thu an sawi a ni.

YMA mawhphurhna inhlan

Serchhip Sub-Hqrs. YMA hruaitu kal-chhuak turte chuan nimin khan hruaitu atana thlan thar te hnenah mawhphurhna an hlan ta.

Serchhip-ah Bawrhsap hovin Fire Prevention Week hawnna inkhawm neih a ni

Kangmei laka fimkhur a pawimawh zia inzirtirna Hapta, ‘Fire Prevention Week-2021’ chu nimin khan Serchhip-ah hawnna neih niin District Bawrhsap, Kumar Abhishek chuan khuallian niin a hawng a ni.

Serchhip Bial-a bye-election neih turah MNF Candidate atan Vanlalzawma ruat a ni

MNF party chuan Serchhip bial-a MLA bye-election neih turah an Party Candidate atan an Party Vice  President, Vanlalzawma chu ruat a ni tih an puang a, heti hian Serchhip bial-a Assembly bye-election neih turah hian Candidate tur pathum chu an chiang tawh a ni.

Serchhip District Wrestling Championship zawhfel a ni

Serchhip District Wrestling Championship chu Inrinni khan Thenzawl Wrestling Hall-ah neih a ni.

Biak In-ah inkhawm leh tan

Mizoram-a hripui leng laka mipuite an him theihna tura sawrkar in ruahmanna a siam anga nikum March thla laihawl atanga Kohhran ten Biak In-a inkhawm an neih theihloh Inrinni atang khan Kohhran hrang hrangte chuan inkhawm an nei leh tan ta a, tunah hian a hma anga inkhawm hi la kalpui theih ni lo mahse hri leng laka mipui te himna tura sawrkar ruahmanna zawm chungin Kohhran te chuan inkhawm chhawk dan tur leh thutna inhlat dan tur te siamin inkhawmna hi kalpui mek a ni.

Mawhphurhna inhlan dawn

Serchhip Sub-Hqrs. YMA hruaitu thlanna neih zawh a nih hnuah hruaitu kalchhuak turte chuan hruaitu thlan thar te hnenah Vawiin chawhnu hian mawhphurhna an hlan dawn.

Week hawnna nei dawn

Kangmei venna kawnga mipuite inzirtirna Hapta, Fire Prevention Week hawnna chu Vawiin chhun dar 12:30 hian Serchhip DC’s Conference Hall-ah neih a ni dawn a, District Bawrh-sap, Kumar Abhishek chu khuallian a ni ang.

Meizu mi 5 man leh

 Serchhip District Anti-Tobacco Squad chuan Inrinni zing khan Serchhip Bazar leh a chhehvel-ah Squad Drive neiin Dan in meizuk a phallohna hmuna meizu mi 5 manin Dan in a phut angin pawisa chawitir an ni.

Serchhip-ah Heroin man leh

Serchhip Police te chuan Inrinni khan Serchhip Bazar-ah Heroin No. 4 gram 10.83 manin hemi kaihhnawih ah hian mi 2 man an ni bawk.

Sial vulhtute tanpuina hlan

Serchhip District chhunga FOCUS hnuaia Sial vulhna khaw panga-ah Ningani khan tanpuina semchhuah a ni.

Chanchin thar thenkhat :

CLP Leader in zahthlak ti

Mizoram-ah hri kai enkawllai an tlem zel

Zirtawpni leh Inrinni-a Sample enfiah te atangin Mizoram-ah COVID-19 hri kai mi pakhat ve ve hmuhchhuah an ni .

AMC-ah Direct Funding a theih loh - Dr. Thangtea

Health Minister leh MNF Adviser, Dr. R. Lalthangliana chuan Aizawl Municipal Corporation (AMC)-a eptu Party ten Direct Funding an tih fo chu a theih tak tak loh tih sawiin, State sawrkar kaltlanga tih a ngai zel a ni, a ti.

Sairang Dinthar-ah Sipai hmunpui dah duhlo

Sairang Dinthar chuan an Veng huamchhung, Kolabari hmuna Indian Army hmunpui dah tumna an duh lo tih an sawi.

District hrang hrang zingah Champhai District in COVID-19 Vaccine an pe tha ber mek

Mizoram District hrang hranga mipui hriselna lama thawktu, Health Care Workers te COVID-19 hri danna pek mekah a pe tha ber chu Champhai District niin hri danna pek tur atanga zaa 73 hnenah Vaccine hi an pe tawh.

Mizoram-ah HIV+ 23,092 hmuhchhuah an ni tawh

Mizoram-ah kum 1990 atanga kum kal mek, 2000-2021 thleng in HIV+ hmuhchhuah mi 23,092 an awm tawh a. Hetihlai hian tunhnai kum 15 (2006-21) chhungin HIV/AIDS vanga thi mi 2,877 zet an awm hman bawk.

Bairabi leh Sairang inkar Rel kawng siam hna March 2023-ah zo hman tura ruahman a ni

Bairabi leh Sairang inkar-a Rel kawng lian chi, Broad Guage siam hna thawh mek chu hri leng avanga hnathawh a khaihlak avangin March, 2023-a zawh hman tura ruahman a ni a. Tunah hian hnathawh tur tam tak chu zawhfel a ni tawh bawk a ni.

Chanchin thar thenkhat :

ZPM in Dan siam danglam tum

Mizoram-ah hri kai mi 4 hmuh belh leh an ni

Niminpiah khan Mizoram-ah Sample 1314 enfiah niin heng atang hian COVID-19 hri kai mi 4 hmuh belh leh an ni a, an zinga mi pathum te chu hri kaina chhui zui ngai an ni.

Khawzawl-ah DAO Office leh FOCUS Project hawng

Deputy Chief Minister leh Tuichang bialtu MLA, Tawnluia chuan nimin khan Khawzawl Electric Veng-ah District Agriculture Officer (DAO) Khawzawl Pisa thar leh Khawzawl District-a kalpui tan tur FOCUS Project-te a hawng.

Lunglei-ah Malaria umbo dan tur sawiho a ni

Nimin khan Lunglei-ah Malaria umbo anih theih nana hmalakna dan tur ngaihtuahin Lunglei District Task Force for Malaria Elimination thutkhawm neih a ni.

Chief Secretary in PMES software a tlangzarh

Online-a Project Proposal thehluhna leh vil zuina tur, Project Management & Evaluation Software (PMES) Phase-I chu nimin khan Chief Secretary, Lalnunmawia Chuaungo chuan SAD Conference Hall, Aizawl-ah a tlangzarh.

Volleyball Tournament zofel

Serchhip District Volleyball Association in a buatsaih, ‘Inter-District Player Selection Trail Tournament’ chu nimin khan khelh zawh niin Mipa-ah Hriangtlang VC leh Hmeichhia-ah Biakmuana Memorial VC te an champion.

Mi 95 te hri danna pe leh

Nimin khan Serchhip District-a Health Care Workers mi 95 te hnenah COVID-19 hri danna pek leh niin Serchhip District-ah mi 656 te hnenah hri danna hi pek a ni tawh a ni.      

Inkhunghrang awm tawhlo

COVID-19 hri leng avangin Serchhip District-ah mahni In leh sawrkar hmunhma-a inkhung-hrang an awm tawhlo.

Serchhip Sub-Hqrs. YMA hruaitu thlanna neiin President-ah Kawlthuama thlantlin a ni

Serchhip Sub-Hqrs. YMA chuan nimin khan kum 2021-2023 chhunga hruaitu tur thlanna neiin President atan Kawlthuama, Serchhip Kawnpui North Branch chu thlan a ni.

Serchhip District chhunga thingtlang khaw 18-ah In tin Tui Connection pek an ni tawh

Kum 2019-2020 chhungin Serchhip District-ah Jal Jeevan Mission (JJM) hnuaiah Serchhip District chhunga thingtlang khua 18-ah In tin te Tui Connection pek ni tawhin kum 2020-21 chhung hian District chhunga thingtlang khaw 7-ah Tui connection pek hna hi thawh mek a ni bawk.

Kum 15 chunglam zingah Mizoram chu zuk leh hmuam ti tam berna State a ni

Nimin khan Serchhip-ah 'District Level Advocacy Training on Tobacco Control' neih niin Mizoram chu India ramah zuk leh hmuam ti nasa ber State a nih thu leh puitling kum 15 chin chunglam zaa 58.7 te chuan vaihlo leh a kaihhnawih hmang anga chhut a ni tih tarlan a ni.

Volleyball Final khel dawn

SDVA buatsaih ‘Inter District 2021 Player Selection & Trial Volleyball Tournament’ chu Vawiin hian Final khelh a ni dawn a, Mipa Final-ah Hriangtlang VC leh Vengchung VC te an inhmachhawn dawn a, Semi Final-ah Hriangtlang VC in Bungtlang VC chu 3-2 hnehin Vengchung VC in Keitum VC chu 3-2 in an hneh bawk. Hmeichhe lamah Team 4 tel te an inkhelh kual hnuah point hmu sang 2- Bungtlang leh Biakmuana Memorial VC ten Final hi an khel dawn bawk a ni.

Chanchin thar thenkhat :

 Hri kai hmuh belh awmlo

YMA in kawng siam enfiah

Serchhip khawpui chhung NH. 54 kawngpui siamthat hna thawh mek chu nimin tlai khan Ser-chhip Sub-Hqrs. YMA Vigilance & Monitoring Committee te chuan a hmunah an enfiah.

COVID-19 vaccine pe zel

Serchhip District-a Health Care Workers te COVID-19 vaccine pek hna kalpui mekah niminpiah khan North Vanlaiphai PHC hnuaia thawk mi 63 te hri danna pek leh an ni a, heti hian District pumah mi 561 te hri danna pek ni tawhin Vawiin hian East Lungdar leh Chhingchhip PHC hnuaia Health Care Workers te hri danna hi pek leh an ni ang.

Mizoram Rajya Sabha MP in House-ah thu sawi

Parliament Budget Session neih mekah nimin khan Mizoram Rajya Sabha MP, K. Vanlalvena chuan Indo-Bangladesh Border Road siam a pawimawh thu a sawi.

PMGSY sum chungchang PWD in sawifiah

Mizoram sawrkar-a PWD chuan thuchhuah siamin Mizoram chanchinbu hrang hrang leh Electronic Media lama PMGSY pawisa cheng vbc. 391.39 bo anga sawi leh tarlan chungchang chu a sawifiah.

PMGSY sum hmanga Mizoram kawng siamah lungawina tur a vang tih Central YMA in an sawi

PMGSY sum hmanga Mizoram kawng siam mek kalpui a nih danah Central YMA chuan lungawina tur a vang hle niin an sawi.

National Referee-ah tling

India rama Volleyball thuneitu sang, Volleyball Federation of India (VFI) in nikum November thla-a Bhubaneswar, Odisha-a VFI National Referee Exam a buatsaih ah Serchhip atangin C. Laldinpuia s/o C. Sawiluaia, Ser-chhip Chhim Veng chu tlingin Serchhip atanga Volleyball National Referee pass chhuak hmasa ber a ni a, a rual hian Lalmuansanga, Keitum pawh tlingin amaherawh chu ani hi result a chhuah hma hian a boral hman thung a ni.

YMA hruaitu thlang dawn

Hri leng avanga Serchhip Sub-Hqrs. YMA hruaitu thlanna nikum April thla a neih tur chu neih theih a nih loh hnuah Vawiin chawhma dar 11:00 hian hruaitu thlanna hi Serchhip Auditorium-ah neih a ni dawn.

Inkhunghrang tlem zel

Serchhip District-ah January 20, 2021 hnu lama COVID-19 hri kai hmuhchhuah an awm loh hnuah hri leng avanga State pawn leh rampawn atanga rawn haw inkhunghrang pawh an tlem zel a, nimin thleng khan mahni In lama inkhung-hrang mi pakhat chiah awmin sawrkar hmunhma a inkhunghrang an awm tawhlo a ni.

Dist. Bawrhsap in hmanpui

Urban Development & Poverty Alleviation Department in Mizoram khawpui fai inelna buatsaih a North Vanlaiphai Town in Category-II a lawmman pathumna an lak chu nimin khan lawmin Serchhip District Bawrhsap, Kumar Abhishek chuan khuallian niin a hmanpui a, North Vanlaiphai-a bawlhhlawh paihna tur Motor chu tlangzarh nghal a ni bawk.

Semi Final khel dawn

Serchhip District Volleyball Association buatsaih Inter-District Players Selection Trail Tournament khelh mekah Vawiin hian Mipa Semi Final khelh a ni dawn a, Hriangtlang VC Vs Bungtlang VC leh Vengchung VC Vs Keitum Kawn VC te an inhmachhawn ang.

Congress Party in infuihtharna hun hmang

Serchhip bial-a Assembly bye-election neih tur atana inpuahchahna hmahruai atan Serchhip Block Congress Committee chuan nizan hmasa atang khan Serchhip khawchhung hmun thenkhatah infuihtharna hun an hmang.

Nomination Comtt. thukhawm

Serchhip Bial-a Assembly bye-election neih tura MNF party in Nomination Committee an din chu nimin khan a vawikhatna atan an thukhawm a, Candidate chungchangah thutlukna erawh an la siam lo thung nia thudawn a ni.

Dan bawhchhia mi 16 man

COVID-19 No Tolerance Drive hman mek ah nimin khan Serchhip District-ah hri leng darh tur venna atana Dan siam bawhchhia mi 16 man leh an ni a, Rs. 100/- theuh chawitir leh an ni. Nimin a Dan bawhchhia man te hi Serchhip khua a man te vek an ni.

Mi 236 hri danna pe leh

Serchhip District chhunga naupang kum 5 hnuailam Zeng hri danna pek beihpui thlak mek ah nimin khan naupang 236 te hri danna hi pek leh an ni a, heti hian Serchhip District pum-a hri danna pek tur mi 5518 zingah 5635 pek niin an pek tur zat aia tam pek an nih chhan hi hmundang a awm, hri danna pek laia Serchhip District-a rawn zin te an awm vang a ni.

VLDP chungchang zirho

Mizoram sawrkar-a Planning & Programme Implementation Department leh SIRD & PR Mizoram buatsaihin nimin khan Serchhip District chhunga Leng khua ah Village Level Development Programme chungchang zirhona leh hemi kaihhnawih thil pawimawh zirhona khawtlang hruaitute tan neih tan a ni.

Boxing Training nei tan

Serchhip District Boxing Association (SED-BA) buatsaih thla 4 chhung awh tur Boxing Training, 'Operation May' tia vuah chu nimin tlai khan Serchhip District Bawrhsap, Kumar Abhishek chuan a hawng.

Hri kai hmuh belh awm rihlo

Kumin January ni 20 hnuah Serchhip District-ah COVID-19 hri kai hmuh belh la awm lovin hri leng avanga inkhunghrang pawh an tlem zel.

Syncot International ten khaw vawt vangin a hun takah hna an zo theilo niin an sawi

Image
Serchhip Sports Complex-a Synthetic Running Track siam hna thawktu Syncot International chuan an hnathawh mek chu an beisei hunah zo hmanlo mah se karleh Thawhtanni-ah khian zawh hman an beisei thu an sawi.

Chanchin thar thenkhat :

Smart City project thlirho

COVID-19 hri kai thar leh enkawl dam 3 ve ve awm

Niminpiah khan Mizoram-ah Sample 704 enfiah leh niin heng atang hian COVID-19 hri kai mi pathum hmuh leh an ni.

Kolasib DC in S. Chhimluang khua a tlawh

Kolasib District Bawrhsap, Dr. H. Lalthlangliana chuan nimin khan an District-a South Chhimluang khua tlawhin khawtlang hmasawnna tura an mamawh te a sawipui bakah an khaw panna kawng siamthat ngai te a endik bawk.

Deputy Speaker in Lungpho khua tlawh

Tuikum bialtu MLA, Er. Lalrinawma chuan nimin khan a bial chhunga Lungpho khua tlawhin khawtlang mipui ten lo hmuakin Community Hall-ah amah lawmna hun hman a ni a, he hunah hian khawchhunga pawl hrang hrang, Zirna Sikul leh sawrkar Department hrang hrang atangin lawmna leh chawimawina parthi awrhtir a ni.

Minister atanga ban turin Chief Minister phut

Congress Thalaite chuan Chief Minister, Zoramthanga chu Minister atanga Robert Romawia ban nghal tura an phut thu an sawi.

Covid laka fimkhur taka Campaign turin sawm

Health Minister, Dr. R. Lalthangliana chuan AMC inthlan lo awm turah Covid laka fimkhur taka Campaign turin mitin te a sawm.

ZNP in MNF thlawp dawn

Zoram Nationlist Party (ZNP) chuan Aizawl Municipal Corporation (AMC) inthlan lo awm turin rorellai party MNF an thlawp dawn.

Burma Sipaite chetna tuartu Zohnahthlakte thlavang hauh nan Sit-in demonstration neih a ni

MZP General Hqrs. buatsaihin nimin khan Aizawl-a Vanapa Hall kawt-ah tunhnaia Burma Sipaite chetna tuartu Zohnahthlakte thlavang hauh nan Sit-in demonstration neih a ni a, he hunah hian MZP hruaitute leh tlawmngai pawl hruaitute bakah Political Party aiawh ten thu an sawi a ni.

Chanchin thar thenkhat :

Chapchar Kut hman dan tur rel

Mizoram-ah hri kai thar leh dam pakhat ve ve awm

Niminpiah-a Mizoram-a Sample enfiah aTangin COVID-19 hri kai mi pakhat hmuhchhuah leh niin Mizoram-ah COVID-19 hri kai 4373 hmuhchhuah an ni tawh.

Saitual-ah DAO leh FOCUS Office hawng

P&E Minister R. Lalzirliana chuan nimin khan Saitual District tana Pisa thar, District Agriculture Officer (DAO) Office leh District Management Unit, FOCUS Office te a hawng.

Sangha bomb-tu te laka hremna pek thuai an phut

MPCC Media Department chuan Dan bawhchhia a Sangha bomb tu, Er. H. Lalzirliana, MLA leh a thurualpui MNF hruaitute chu a rang thei ang bera an thil tihsual man hremna pe turin Mizoram Sawrkar chu an hriattir tih an sawi.

ZPM Leader in finfiahna neih te phawrh turin phut

ZPM Leader, Lalduhoma chuan tunhnaiah ‘ZPM chuan Kohhran hi kan Unit a ni,’ ti an awm nia sawiin, hetiang thu an sawi finfiahna nei te chu phawrh tura an phut thu a sawi.

Sum enkawl-ah AMC a hlawhchham niin sawi

Zoram Peoples' Movement (ZPM) chuan sum enkawl kawngah Aizawl Municipal Corporation (AMC)-a MNF swrkar chu a hlawhchham chiang hle nia sawiin, sawrkar leh tlakah an ngaih loh thu an sawi.

Dan zawmlo mi 6 man leh

Nimin khan Serchhip District-ah hri leng laka himna tura Dan siam zawmlo mi 6 Police ten man lehin an vai hian Serchhip-a man vek niin an sum chawi chu Rs. 600/- a ni.

Vaccine rawn thlen belh leh

Serchhip District-a COVID-19 Vaccine pek tur Dose 500 rawn thlen belh leh tawhin hun reilote ah pek chhunzawm leh tum a ni a, Vaccine dawng tawh zingah damdawi In panpui ngai khawpa harsatna tawk an awm hriat a ni lo.

Volleyball Trail Tournament khelh Tan a ni

Serchhip District Volleyball Association buatsaih ‘Inter-District 2021 Selection Trail Tournament’ chu nimin khan Serchhip Chhim Veng Volleyball Court-ah khelh Tan a ni.

Serchhip District-a kum 5 hnuailam mi 5399 hnenah Zeng hri danna pek an ni

Image
Ramchhung hmundangte rualin nimin khan Serchhip District-ah pawh naupang kum 5 hnuailam te hnenah Zeng hri danna pek beihpui thlak leh a ni.

Chanchin thar thenkhat :

 Sawrkar in chhunfin leh ta

Fimkhurna thlahthlam loh a tul

Fimkhurna thlahthlam loh a tul

Dawr hrang hrangte enfiah

Serchhip District Anti-Tobacco Squad te chuan nimin khan Serchhip Bazar leh a chhehvel fangin Vaihlo leh a kaihhnawih khuahkhirhna Dan, COTPA Sec. 6 (a) in ‘Kum 18 tlinglo hnen a Vaihlo atanga thil siam reng reng hralh hi hrem theih a ni’ a tih anga hemi chungchang inziahna thu an tar leh tarloh te an enfiah a. Thuziak tar lo te tar tir an nih bakah a chhe tawh te pawh an siamthat tir bawk a ni. Hemi rual hian puipunna hmuna meizu an awm leh awmloh dapchhuah hna thawk nghalin Dan bawhchhia man erawh an awmlo thung.

Volleyball khel tan dawn

Serchhip District Volleyball Association in an buatsaih, Inter-District 2021 Selection Trail Tournament chu Vawiin hian Serchhip Chhim Veng Volleyball Court-ah khelh tan a ni dawn a, Mipa Team 9 leh hmeichhia Team 4 an tel ang.

KTP ten thisen Unit 34 pe

Serchhip Vengchung Pastor Bial KTP in kumin a Bial Conference an neih ah kumin chhunga Serchhip Blood Bank-a thisen pek an rel bawhzui-a Association for Voluntary Blood Donation (AVBD) Serchhip Branch in ruahmanna an siam angin nimin khan Serchhip Blood Bank-a dah turin thisen an pe a, thisen petute hi mipa 15 leh hmeichhia 19, an vaiin mi 34 an ni a, thisen petute hi Serchhip Blood Bank-ah kalin Blood Bank-a thawktu ten an thisen hi an lo lak sak a ni.

Hnam Run sa chhunzawm zel

Serchhip-a MNF Party Office, Mizo Hnam Run chu Serchhip Bial-a Assembly bye-election neih hma ngeia luah theih turin ngawrh taka sak mek a ni.

Kum 2020 chhungin Serchhip District-ah Malaria vanga nunna chan an awmlo

Kum kalta (2020) chhung khan Serchhip District-ah Malaria hri kai mi 18 hmuhchhuah niin Malaria vanga nunna chan an awmlo.

Mizoram-ah hri kai hmuh belh awmlo; mi 3 an dam

Niminpiah-a Mizoram-a Sample enfiah atangin COVID-19 hri kai hmuhchhuah an awm lo. Niminpiah khan ZMC Laboratory chu tihfai a nih avangin Sample enfiah a awm lova, District hrang hranga TrueNat Laboratory-ah Sample enfiah pakhat chiah awmin Rapid Antigen Test hmangin Sample 474 enfiah a ni bawk a, heng atang hian COVID-19 hri kai hmuhchhuah an awmlo a ni.

CM thusawi mipuite dikna rahbeh tumna niin sawi

Mizoram Pradesh Congress Committee (MPCC) Treasurer leh Congress Legislature Party (CLP) Leader, Zodintluanga chuan Chief Minister thusawi chu mipuite dikna rahbeh tumna niin a sawi.

MNF President in AMC-ah tlin ngei a inring

MNF President leh Chief Minister, Zoramthanga chuan AMC inthlanpui lo awm turah an tlin leh ngei a rin thu a sawi.

MPF in AMC inthlanna ah Party leh mipuite ngen

Mizoram Peoples Forum (MPF) chuan AMC inthlanna neih turah Candidate pakhat tana sum sen tur zat a bithliah, cheng nuai khat aia tam seng lo turin party hrang hrang an ngen tih an sawi.

DC pahnih ten inbiakna nei

Nimin khan Kolasib District Bawrhsap Pisa ah Kolasib District leh Cachar District thuneitute chuan inkawmna neiin ramri-a boruak ralmuang siam dan tur chungchang an sawiho.

PMGSY sum Vbc. 391.39 hup beh vangin contractor ten bill la thei lo - MPCC

Image
Mizoram Pradesh Congress Committee (MPCC)-a an Media Department chuan Mizoram-a kawngpui laihna Scheme PMGSY hnuaiah Financial Year 2019-2020 atana sanction Vbc. 640 chu Mizoram sawrkarin dawng fel vek tawh mah se Vbc. 391.39 chu a hup beh tlat avangin Contractor-ten Bill an la thei lo niin an sawi.

Jan. thla ah mi 382 man

Serchhip District chhunga COVID-19 No Tolerance Drive kalpui mekah kumin January thla chhung khan hri leng dona Dan bawhchhia mi 382 zet man leh an ni a, heng mite pawisa chawi tlingkhawm chu Rs. 47,700/- a ni.

Chanchin thar thenkhat :

Mi 9,346 vaccine pe tawh

Hri kai enkawl awm tawhlo

Serchhip District-a COVID-19 hri kai enkawl pakhat chu Inrinni khan enkawl dam leh niin Serchhip District-ah hri kai enkawllai an awm tawh rihlo.

Serchhip-ah Cricket Tournament khelh zawh a ni

Cricket Association of Serchhip District (CASD) buatsaiha Serchhip-a Cricket Tournament hmasa ber chu Inrinni khan Khawtetlang Field-ah khelh niin Hmar Veng Cricket Team te an champion.

Agriculture Minister in Serchhip DAO Staff kawm

Serchhip-a rawn kal Agriculture Minister, C. Lalrinsanga chuan Zirtawpni tlai khan Serchhip District Agriculture Officer (DAO) Office tlawhin DAO Office-a thawktute bakah FOCUS leh ATMA hnuaia thawktute nen inkawmna an nei.

PYD Rorel inkhawm nei

UPC (NEI) hnuaia Penticostal Youth Department (PYD) Serchhip Pastor Bial Conference vawi 45-na chu nimin Pathianni hmang khan Biak Inpui, Serchhip-ah neih a ni a, kumin hian hri leng avanga Conference pangngai neih theih a nih loh avangin nimin khan Rorel Inkhawm neiin hun hman a ni.

Dan bawhchhia mi 2 man

Serchhip District Anti-Tobbaco Squad te chuan Inrinni zing khan Serchhip Bazar building leh a chhehvel-ah vantlang hmun-a meizuk khapna Dan bawhchhia dapchhuah hna an thawk leh a, he hunah hian Dan bawhchhia mi 2 man leh niin heng mite hi Dan in a phut angin pawisa chawitir nghal an ni bawk.

Lawmman pahnihna dawng

State Resource Centre for Women (SRCW), Women & Child Development leh Mizo Photographer Society (MPS) tangkawp buatsaih ‘National Girl Child Day’ puala Photography Competition chu Zirtawpni khan result puanna leh lawmman semna hun hman a ni a, Serchhip atangin K. Lalpekhlua, Serchhip Dinthar Veng chu pahnihna niin lawmman ah Rs. 8000/- leh thuziak a dawng a, thupui atan ‘Zirthiamna hi Finna petu a ni’ tih a hmang a ni.

Candidate tur chiang tan

Serchhip bial-a Assembly bye-election neih hun tur bithliah fel la ni lo mah se, Party hrang hrang ten campaign an nei ngawrh chho mek a, hriat theih chinah Zoram People's Movement (ZPM) leh Indian National Congress (INC) ten an candidate tur tifel tawhin ZPM chuan Lalduhoma chu he bial-ah hian a din tur thu an puang tawh a, Campaign pawh an nei chho mek a ni. INC pawhin Official in la puang lo mah se MPCC Communication Department Chairman, PC. Laltlansanga an ruat fel tawh ni a hriat a ni a. PC. Laltlansanga chuan ding tur a rin zing-ah tlar hmasa lam a awm ni mah se, engmah puan chian a la awmloh thu sawi thung.

MJA (SD) Annual Conference Serchhip District Bawrhsap in a hmanpui

MJA Serchhip District chuan Inrinni khan Annual Conference vawi 14-na hmangin Serchhip District Bawrhsap, Kumar Abhishek IAS chuan khuallian niin a hmanpui a, Serchhip-a thla 7 vel a awm tawh chhunga MJA Member te nen thawhhona tha tak an neih thu a sawi a ni.

Mizoram-ah nikum chhungin Police in thubuai 2317 ziaklutin kum 5 chhunga a tlem ber tum a ni

Image
Nikum (2020) khan Mizoram Police te chuan thubuai 2317 an ziaklut a, hei hi kum 5 kalta chhunga thubuai ziahluh tlem ber kum a ni.

KMMTTP-ah zaa 95.43 zawh a ni tawh

Lawngtlai atanga Myanmar pawh tur, Kaladan Multi-Modal Transit Transport Project (KMMTTP) hnuaia kawng laih hna thawh mekah hnathawh tur ruahman atanga za zela 95.43 chu zawhfel a ni tawh a, he kawng sial mek hi Lawngtlai khawchhung atanga intanin ramri thlengin KM 87.180-a thui a ni a, tunah hian kawng laih tur chin chu laih zawh ni tawhin Black Top hna pawh thawh zawh a ni tawh bawk a, tunah hian he kawng-a Lei (Bridge) dawh ngai hmun 8 ami chu dawh mek a ni. He kawng in Myanmar ram a pawhna, Zochachhuah piah lawk atangin Myanmar ram chhung lamah pawh kawngpui hi engemaw chen laih a ni tawh a, he kawng hi Lawngtlai District khawthlang lam mamawh lakna kawng atan hman tangkai nghal mek a ni bawk.

Hri kai pung leh hret; 99% aia tam an dam tawh

Mizoram-ah ni 2 chhungin COVID-19 hri kai mi 9 lai hmuh belh leh an ni a, an zinga a tam zawk hi hri kaina hriatloh an ni.