Lenkawl

Serchhip-a awm 8th Assam Rifles te chuan tun thla ni 28-a ‘National Science Day’ lo thleng tur pualin nimin khan Serchhip-a Assam Rifles Parade Ground-ah ralthuam phochhuahna hun an hmang.

Mipui ten uluk taka ngaihtuah a tul

LENG KHUA BIHCHIANG ANG AW... - Kapliana Pachuau, Journalist

Hri kai 6 hmuh leh a ni

Nimin khan Serchhip District-ah Rapid An-tigen Test hmangin Sample 19 enfiah leh niin heng atang hian COVID-19 hri kai hmuh an awm lova, heng Sample enfiah te hi Serchhip-a mi 17 leh North Vanlaiphai mi 2 te an ni.

Mizoram sawrkar-a Home Department chuan Mizoram District thenkhat-a Superintendent of Police (SP) te awmna hmun a siksawi a, Serchhip District-a SP hna chelh turin Lunglei District-a SP hna chelh mektu Stephen Lalrinawma chu ruat a ni.

Nimin khan Serchhip-a Police Officer te tan Vaihlo leh a kaihhnawih leh Dan hnuaia khuah-khirhna hrang hrangte zirhona neih a ni.

Serchhip District Chess Association buat-saih 'Serchhip District Chess Championship-2021' chu nimin khan Serchhip Indoor Stadium-ah khelh tan niin Vawiin-ah zawhfel a ni ang.

Mizoram sawrkar-a Information & Public Relations Department Director, Lallianpuii chuan zan khat riak tura Serchhip tlawhin nimin khan Serchhip-a District Information & Public Relations Officer (DIPRO) Office leh Serchhip Press Club te a tlawh.

Serchhip leh Thenzawl inkar Mat lui-a Lei dawh mek chu nimin khan Serchhip Sub-Hqrs. YMA chuan tlawhin hnathawh kal mek an enfiah a, he Lei dawh hna thawktute thawh dan leh an hnathawh tawh chin chu lungawithlak tawhkhat nia an hriat thu an sawi.

MP (RS) in IR Duty a tlawh

Niminpiah-a Mizoram-a Sample enfiah atangin COVID-19 hri kai hmuhchhuah belh an awm lova, Mizoram-a hri kai hmuhchhuah tawh zawng zawng chu 4413 an ni.

Nimin Assembly session-ah Bill pahnih te chu lungrual taka pawm a ni. Nimin-a Assembly inkhawm ah hian Higher & Technical Education Minister, Dr. R. Lalthangliana chuan 'The Mizoram State Higher Education Council (Amendment) Bill, 2021' pulutin AH&Vety Minister, Dr. K. Beichhua chuan 'The Mizoram Licensing and Regulation of Private Veterinary Hospitals and Clinics Bill, 2021' a pulut thung a. Heng Bill pahnihte hi Member-ten an sawiho hnuah pawm ve ve a ni. Nimin-a Assembly Session-ah hian Paper pasarih pharh (lay) a nih bakah, Report pathum pharh (present) a ni bawk.

Higher & Technical Education Minister, Dr. R. Lalthangliana chuan Tuirial-ah College din tumna a awm loh thu House hrilhin, Chief Minister, Zoramthanga pawhin kum 2018-a inthlanpui dawnah Tuirial-ah College din an tum thu a sawi lo tih a sawi.

Mizoram chhungah damdawi zawrh phalna nei mi 3583 an awm a, COVID-19 Sample Test hmangin sawrkarin Rs. 3,42,94,900/- a hmuchhuak tawh.

LAD Minister K. Lalrinliana chuan Mizoram Village Council inthlan neih hnuhnung berah thil fello awm nia hriatna State Election Commission-ah Complaint thehlut mi 242 an awm thu ziakin House a hrilh a. Inthlan buaipuitu Official te hrem an awm loh thu a sawi bawk.

Taxation Minister, Lalchamliana chuan Myanmar atanga Kuhva lakluh chu ramdang atanga lakluh a nih avangin Dan phalloh a nih thu a sawi a, khawchhak atanga Mizoram kaltlanga Kuhva lakluh Assam lama lut thla tur dang turin sawrkar a in buatsaih tih a sawi bawk.

Serchhip District Magistrate chuan thupek siamin Mizoram Sawrkar thuchhuak in a tarlan ang leh Serchhip District mipuite COVID-19 hrileng laka an him theihna turin Section 144 of Cr.PC 1973-in thuneihna a pek angin District Hqrs. chhungah zan dar 10:00 leh zing dar 4:00 inkar ah pawn chhuah khap tlat a nih thu a tarlang a, hei bakah hian District Hqrs. a Dawr, Hotel, Restaurant leh sumdawnna hmun dangte chu zan curfew tan hun bawhbuai lova khar tur a ni. He thupek hi hman nghal tura tih niin hei hian phalna pek bik te a huam lovang.

Nikum November 19-a India rama District 20 thlanchhuah te hnena World Toilet Day Award sem chu hri leng avanga Video Conference hmanga sem a nih hnuah Serchhip District in he Award a dawn in a kentel hrang hrangte chu nimin khan Serchhip DC, Kumar Abhishek IAS chuan PHE Serchhip WATSAN Division-a Sr. Executive Engineer, Er. F. Lalsanglura hnenah a hlan a, PHE Department hnuaia Swachh Bharat Mission (G) kalpui ah Serchhip District hian All India Level Award vawi 2 an dawng tawh a ni.

Nimin khan Serchhip District-ah Rapid Antigen Test hmangin Sample 4 enfiah leh niin heng atang hian COVID-19 hri kai hmuh belh an awm lo a ni.

Mizoram sawrkar-a I&PR Director, Lallianpuia chuan zankhat riak turin Vawiin hian Serchhip a rawn tlawh dawn a, I&PR Office-ah Staff te leh MJA member te kawmin Serchhip Press Club tlawh dawn bawk a ni. Hei bakah hian naktuk zing-ah Serchhip Mat phai hmun thenkhat pawh a tlawh nghal ang.

Serchhip District chhunga Medical Officer te tan nimin khan Serchhip-ah ‘Sensitization and Training on Reproductive & Child Health Activities’ neih a ni.

Tunhnaia Serchhip-a dah tur Khawnvartui barel 10 hralh nia sawi chungchang chu sawrkar chuan chhui zuiin thu zawhfiah ngai te zawhfiah mek an ni a, hemi chungchangah hian Serchhip DCSO chuan Serchhip Police Station-ah FIR thehlutin chhui zui mek a ni bawk.

Nimin khan Serchhip-ah ramhnim damdawi chingtuten an thlai chin atanga hlawkna tam zawk an neih theih dan tur leh a zawrhchhuah dan kawng inhrilhhriatna hun hman a ni.

 Thian chhan thih ngam - Mizote

Mizoram sawrkar chuan Mizoram-a IAS leh MCS Officer thenkhat te awmna hmun a siksawi a, heng zingah hian Thenzawl SDO (C), Kulothungan A, IAS chu Lunglei DC hna chelh tura sawn a ni a, Serchhip-a SDO (Sa-dar) hna chelh mektu C.. Lalduhzuali chu Lung-lei-a Settlement Officer hna chelh tura sawn niin a aiawh tur hian Lunglei-a Settlement Officer hna chelh mektu, C. Laltleipuii chu rawn dah a ni bawk.

Nimin thleng khan Serchhip District-ah Sample 6720 enfiah ni tawhin heng atang hian COVID-19 hri kai 180 hmuhchhuah an ni tawh a. Serchhip District-ah hri kai mi 412 enkawl dam an ni tawh thung.

Rampum-a tuihna tipung tura hma la tha thlanchhuah zinga North East Zone-a lawmman pakhatna dawngtu, Leng khua chu nimin khan MJA Serchhip District ten tlawhin an hmalakna hrang hrangte an enfiah.

 House-ah sum harsatna sawi

Tunhnaiah thenawm Myanmar-ah mipui ten harsatna an tawh avangin ramri dep-a awm Mizoram khaw hrang hrangte chu thenawm ram atanga raltlan te dawngsawng thei turin an inbuatsaih mek.

Transport Minister, TJ. Lalnuntluanga chuan District Headquarters tinah Two Wheeler Taxi tlan phalna pek a ni tawh tih a sawi a, Ai-zawl-ah pawh Permit hi a tul anga pek chhoh zel tum a ni tih House a hrilh.

Nimin-a Mizoram Legislative Assembly thutkhawm neih ah Session tan ni-a Mizoram Larsap in House-a thu a sawi chungchanga lawmthu sawina Motion putluh chu sawihona neih a ni a, member ten sawihona an neih hnuah he Motion hi lungrual taka pawm a ni.

Nimin khan Serchhip District-a Frontline Worker mi 130 te hnenah COVID-19 hri danna pek leh a ni a, heng hri danna pek te hi Assam Rifles mi 55 leh VLTF Member mi 75 te an ni.

North Vanlaiphai KVK-a mithiamte chuan nimin khan Serchhip District chhung Mualcheng khua a Balhla chingtute chu nimin khan Training leh Field Visit (Demonstration & Practical) hun an hmanpui.

Niminpiah khan Mizoram-ah Sample 969 enfiah niin COVID-19 hri kai mi pakhat hmuhchhuah belh leh a ni a, tualchhung-a hri inkaichhawng a ni.

Kangmei laka fimkhur inzirtir zel nise

Lakhuihthei chin turin thlang

Serchhip CMO Office-a thawktute chuan hri leng avanga lawmman pe tura thawktu an sawm te chu ban an nih tawh avangin harsatna an tawk tih an sawi a, amaherawh chu hlawh nei lova thawk tura inpe an la awm avangin harsatna tawk zui lo tura an in beisei thu an sawi.

National Highway-54 in Serchhip khawpui chhung hmun thenkhat a paltlang tawh dawnloh avangin kawngpui thar in a hel tur lai kawngpui siamthat hna KRAM Infracon Pvt. Ltd. in an thawh chu zawhfel a ni ta a, he kawngpui siamthat hna hi nikum kumtawp lam atang khan hmun hnih ah thawh niin Kikawn leh Sailiamkawn inkar KM 12.4-a thui chu February 13 khan zawhfel niin Chhiahthlang khawchhung hel tur KM 3 vela thui chu Inrinni khan tluang taka siam zawh a ni ve leh tawh tih Company hotute chuan an sawi a ni.

Nimin khan Serchhip-a awm 8th Assam Rifles-a Commandant. Col. Junior Mutum, SM chuan Zoar Deprived Childrens Home leh Unity Orphanage Home te hi tlawhin, heng hmuna awm naupangte leh anmahni enkawltute chu zahna chibai bukin duhsakna a hlan a. He hunah hian Buhfai, Cake leh eitur chi hrang hrang te an hlan a ni. Assam Rifles Battalion te hian tunhma atangin hnuchham enkawlna hmunah te hian thilpek an lo pe fo tawh thin a, CO hi a nupui, Ragini Mutum in a tawiawm a ni.

Tunhnaia India rampum huap-a khawtlang inenkawlna hrang hrang hming tha leh chawi-mawina hrang hrang pawh dawngtu, Serchhip District-a Leng khua chu Vawiin hian MJA Serchhip District Member te chuan lehlang in an tlawh dawn.

Serchhip ICDS Project in Pradhan Mantri Matru Vandana Yojana (PMMVY) hnuaia ‘Best Performance Award, 2018’ leh ‘Best Implementation Award 2017-19’ a dawn lawmna chu nimin khan Serchhip Auditorium-ah neih niin District Bawrhsap, Kumar Abhishek IAS chuan a khuallian niin a hmanpui a ni.

Rashtriya Kishor Swasthya Karyakram (RKSK) Programme hnuaiah nimin khan Govt. Higher Secondary School Hnahthial-ah ‘Adolescent Health Day’ hman a ni.

Peoples' Conference (PC) Party President, Lalhmangaiha chuan kan ram mamawh mil, kan ram mil-a ram kaihruai turin an inbuatsaih tih a sawi.

ZPM Leader, Lalduhoma chuan nimin khan Champhai-ah ZPM zawm thar mi 306 lawmlutin, eiruk sum ni lo, hmangaihna sum tlingkhawm in Serchhip Bial bye-election hmachhawn tur a nih thu a sawi.

Mizoram Larsap, PS. Shreedaran Pillai chuan Sawrkar kum kal mek 2020-21 chhungin State Sawrkar Flagship Programme, SEDP hnuaiah State Fund atangin hmasawnna hna thawh nan Department hrang hrangah cheng vbc. 82.45 pek a ni tih a sawi.

Thlai hralh ah hmalak zui ni thei se

BOP sak mek enfiah a ni

Niminpiah khan Mizoram-ah Sample 327 enfiah niin heng atang hian COVID-19 hri kai hmuhchhuah thar an awm lo.

National Deworming Day (NDD) chu nimin khan rampumah hman niin Aizawl-ah pawh School Education Department-a Commissioner & Secretary, Esther Lal Ruatkimi hovin hman a ni.

Mizoram Legislative Assembly Budget Session chu Vawiin hian neih tan a ni dawn a, March 17 thleng thutkhawm neih a ni ang.

Lai District Congress Committee (LDCC) Lawngtlai chuan LADC-a MNF sawrkar chuan Sawrkar kalphung, Dan leh dun pawh zah lovin rambuai lai ang maiin rorelna an kalpui mek niin an sawi.

Tunlai khawvel changkanna hmanga mipuiten awlsam zawka Fisheries Department an dawr zung zung theihna tur Web Portal leh mobile apps thar, 'Fish-info Mizoram' tih chu nimin khan Fisheries Minister, K. Lalrinliana chuan a tlangzarh.

Pradhan Mantri Matri Vandana Yojana (PMMVY) hnuaia Serchhip District in rampum huap-a Award a dawn, Best Performance Award (2018) leh Best Implementation Award (2017-2018) lawmna chu Vawiin chawhnu dar 1:00 hian Serchhip Auditorium-ah neih a ni dawn.

Nimin khan Serchhip District-ah Rapid An-gen Test hmangin Sample 52 enfiah leh a ni a, heng atang hian COVID-19 hri kai hmuh an awmlo a ni. Nimin-a Sample enfiah zinga a tam ber te hi pawl 9 leh 11 zirna In hawn tan a nih dawn avanga Sample enfiah te an ni.

Nimin thleng khan Serchhip District-ah CO-VID-19 vaccine, Covishield pek chhunzawm a ni a, thla hmasa lama vaccine Dose 1-na la tawh mi 204 te hnenah nimin khan Dose 2-na pek niin heng mite hi Health Care Workers te an ni a, nimin vek khan Frontline Workers mi 20 te hnenah Dose 1-na pek ve leh a ni bawk. Serchhip District atanga Vaccine Dose 2-na pek tawh te hnenah hian a remchan angin Certificate pekchhuah nghal zel a ni bawk.

Serchhip Chanmari Branch YMA te chuan nimin khan hnatlangpui neiin Zu bilhlai leh thlawr sa thahnem tak an tihchhiat bakah Zu siamna bel thahnem tak an man.

Peoples' Conference (PC) Party chuan Serchhip bial-a Assembly bye-election lo awm turah an Candidate tur an tifel tawh tih sawiin, inthlan puan hunah an puan tur thu an sawi.

India sawrkarin hriselna kawnga rampum huapa a hmalakna pakhat, National Deworming Day (NDD) chu nimin khan rampumah hman niin Serchhip-ah pawh he ni-ah hian kum 1 leh kum 19 inkar te hnenah Rulhut hlo pek beihpui thlak a ni.

Serchhip Sub-Hqrs. YMA chuan Conference neihloh kum-a neih thin Sub-Hqrs. YMA Rorel Inkhawm vawi 3-na chu April 22, 2021 khian neih nise an ti.

Inthlan puan hnaih rin a ni

Chhiahtlang leh Lamchhip inkar kawng siam hna thawh mek chu chhunzawm leh tum niin Vawiin atang hian kawng hi dan tum a ni a. Amaherawh chu Mat lama Sawhthing chingtu ten an Sawhthing thar an la phurhchhuah laklawh avangin an ruahmanna hi thlakin Vawiin leh naktuk-ah kawng hi hawn ala ni leh ang.

Health Minister Dr. R. Lalthangliana chuan Inrinni khan Mamit tlawhin Mamit District Hospital, PHC, CHC leh Sub-Centre-a hman tur Mobile Medical Van, Essential Drugs & Diagnostic Kits & Laptops leh Speaker te a vailiam.

Ni 2 chhungin Mizoram-ah COVID-19 hri kai mi 4 hmuhchhuah leh niin ni 2 chhungin hri kai mi 4 enkawl dam an ni bawk.

Assam leh Mizoram ramri Bairabi Zophai-a Mizo leilet enkawltu atan Mizoram mi leh sa ngei chhawr tawh turin Kolasib District Magistrate chuan thupek a chhuah.

Health & Family Welfare Minister, Dr. R. Lalthangliana chuan Inrinni zing khan Kanhmun-a COVID-19 Screening Point chu tlawhin thawktute leh VLTF hruaitute nen inkawmna an nei.

NITI Aayog Governing Council Meeting vawi 6-na chu Inrinni nileng khan Virtual-a neih a ni a, he hunah hian State leh Union Territory zawng zawng-a Chief Minister leh Lt. Governor te telin Mizoram atangin Chief Minister, Zoramthanga pawh telin Mizoram mamawh hrang hrangte a thlen a ni.

Mizoram sawrkar in COVID-19 hri leng avanga inkhuahkhirhna siam a tih danglam hlek angin Vawiin atang hian Mizoram-a pawl 9 leh pawl 11 te chuan zirna bul an tan ve leh dawn ta a, hemi ang hian Serchhip-ah pawh heng zirlai te hian zirna an chhunzawm ve leh dawn a ni. Hemi hmalam kumin January 22 atang khan Board Exam tur pawl 10 leh 12 te tan School hawn a lo ni tawh a ni.

BJP Mizoram Pradesh President, Vanlalhmuaka chuan Serchhip bial-a Assembly bye-election lo awm tur chu an Party in Party mal-a an chuh dawn thu a sawi a, inthlan hun tur puan a nih hunah Candidate tur an puan tur thu a sawi bawk.

Serchhip District chhunga COVID-19 do kawnga thawktu, Frontline Worker te hnena hri danna (Vaccine) pek hna kalpui mekah Inrinni khan North Vanlaiphai-a Frontline Worker te hnenah hri danna hi pek leh a ni a, Inrinni khan mi 24 te hnenah hri danna hi pek niin heti hian Serchhip District chhunga hri leng dona kawnga thawktute hnena hri danna pek mekah Serchhip, Ngentiang leh North Vanlaiphai-ah hri danna hi pek a ni tawh a ni.

Serchhip District-ah thla khat chhung CO-VID-19 hri kai hmuhchhuah an awm tawh lova, tun thla chhungin hri kai enkawl an awm tawhlo bawk.

Mizoram State Day vawi 35-na chu Inrinni khan Mizoram-ah urhsun taka hman niin Serchhip-ah pawh District Bawrhsap, Kumar Abhishek IAS hovin hman a ni a. Aizawl-ah chuan Mizoram Larsap, PS. Sreedharan hovin Mizoram State Day lawmna hi neih a ni.

Nimin atang khan Serchhip District-ah COVID-19 Vaccine Second Dose pekchhuah tan niin nimin vek khan Frontline Worker te hnenah Dose khatna pek leh a ni bawk.

Khawnvartui sem dan enfiah a tul

Science Centre hmalakna thlir

Niminpiah-ah Mizoram-a Sample enfiah 1023 atangin COVID-19 hri kai mi 6 zet hmuhchhuah leh an ni.

MNF Party chuan nimin khan Aizawl Municipal Corporation (AMC)-a MNF Councillor thar te lawmna hun hmangin MNF President, Zoramthanga chuan a hmanpui a ni.

Kum 1914-a din Zampui tlangdung-a Tlangsang khua chuan kum 107 an tlinna lawmna ni 2 chhung awh buatsaihin nimin khan Health Minister, Dr. R. Lalthangliana chuan a hmanpui.

Central YMA in Krismas leh Kumthar vuakvet-a halpuah leh halmawi khapna thupek Sawrkarin a chhuah bawhzui kawnga hma la tha Branch YMA 6 an thlanchhuah te hnenah nimin khan Home Minister, Lalchamliana chuan chawimawina thuziak leh tangkafai a hlan.

Tuichangral South Group YMA hruaitute chuan nimin khan an Group huamchhunga inkalpawhna kawngpui siam mek thenkhat te chu a hmunah kalin an enfiah.

COVID-19 hri leng dona Dan siam zawmlo mi 12 te chu nimin khan Police ten man lehin an sum chawi tlingkhawm chu Rs. 1200/- a ni a, heng zinga 10 te hi Serchhip-a man niin midang 2 hi Chhingchhip-a man an ni thung.

Nimin khan Serchhip-ah Rapid Antigen Test hmangin Sample 31 enfiah leh niin heng te atang hian COVID-19 hri kai hmuhchhuah an awm lova, heng Sample enfiah te hi Zirlai nau-pang, Hostel-a lut tur te an ni.

Kumin March 5-a Chapchar Kut lo thleng tur chungchangah sawrkar thuneitu sang lam atangin engmah thuthar an la dawnloh thu Serchhip DC Office-a thawktute chuan an sawi.

Horticulture Department hmalakna a Serchhip leh a chhehvel a Tomato tharchhuah te chu Aizawl-a zawrh turin nimin khan Serchhip Mat phai atangin thawnchhuah a ni a, Horticulture Department changtu Addl. Chief Secretary, JC. Ramthanga chuan he hun hi a hmanpui a ni.

Lunglei-ah Faina hnatlangpui

Serchhip District-a COVID-19 hri leng dona kawnga thawktu zinga Village Level Task Force (VLTF) Member te hnenah nimin atang khan COVID-19 hri danna pek tan a ni ve leh ta.

Nimin khan Serchhip District-ah COVID-19 hri leng dona atana kaihhruaina siam zawmlo mi 7 man leh an ni a, an pawisa chawi tlingkhawm chu Rs. 700/- niin Serchhip-ah mi 6 leh North Vanlaiphai-ah mi pakhat man an ni.

Horticulture Department in Serchhip Zawl-pui phai-a Tomato an tharchhuah te sengna leh hralh tura thawnchhuahna hun chu Vawiin hian Mat phai-a Chawm kai-ah neih a ni dawn a, he hun hi Horticulture Development Board Vice Chairman, Prof. F. Lalnunmawia MLA chuan a rawn hmanpui dawn a ni.

Nimin khan Serchhip-a Rapid Antigen Test (RAgT) hmangin Sample 19 enfiah niin heng te atang hian COVID-19 hri kai hmuhchhuah awm lovin an vai hian an negative vek a ni. Serchhip District-a TrueNat Laboratory-ah tun thla ni 4 hnu lamah Sample enfiah a awm tawhlo a ni.

Serchhip District Civil Supply Officer (DC-SO), C. Zadailova chuan Serchhip-a Khawn-vartui dah tur hralh chungchanga a thu hmu-a thil ti anga sawi chu thu diklo a nih thu a sawi.

Niminpiah khan Mizoram-ah Sample 973 enfiah niin heng atang hian COVID-19 hri kai mi pathum hmuh belh leh an ni.

Champhai North bialtu MLA leh Health & Family Welfare Board Vice Chairman, Dr. ZR Thiamsanga chuan nimin khan Champhai tlawhin hmasawnna ruhrel siam mek hrang hrangte leh hmachhawpte a enfiah.

Set Free Ministries-in (SFM) in Central Jail-a tang te tana Pathian thu zirna an buatsaih Course 3-na Graduation Day chu nimin khan hman niin Home Minister, Lalchamliana chuan hmanpuiin Certificate a sem.

Nimin-a AMC inthlana Vote tla te chhiar a nih hnuah Party hrang hrangte chuan thu-chhuah siamin lawmthu an sawi.

Aizawl Municipal Corporation (AMC) inthlanna a Vote tla te nimin-a chhiar takah rorellai MNF Party chuan Party mal-a sawrkarna siam thei khawpin hnehna an chang a. Hmeichhia te tana Seat hauh 6 zinga 5-ah ZPM chuan hnehna an chang a ni.

Gas tih chingpen man a lawmawm

NAAC in MCON 'B' Grade pe

Niminpiah khan Mizoram-ah Sample 731 enfiah niin heng atang hian COVID-19 hri kai mi pakhat hmuh a ni.

National Bank for Agriculture and Rural Development (NAB-ARD) Mizoram buatsaihin nimin khan Kolasib-ah District Level Sensitization on Rural Infrastructure Development Fund chu neih a ni.

Nimin khan Champhai-ah Health Management Information System (HMIS) chungchang inzirtirna neih a ni.

Mizo Students' Union (MSU) Joint Hqrs. Silchar hruaitute chuan nimin khan Hailakandi DC, Megh Nidhi Dahal chu a Pisa-ah hmuin Zophai-a ramri buai leh hemi avanga Gharmura Mission Compound-a Mizo Missionary-te tawrhna chungchang an sawipui.

Horticulture Department leh RD Department-te hmalaknaa buatsaih, Lungsen khuaa Aieng sawngbawlna hmunpui, 'Lungsen Turmeric Processing Plant' chu nimin khan HPC Vice Chairman, Lawmawma Tochhawng chuan a hawng.

Aizawl Municipal Corporation (AMC) inthlanna a Vote tla te Vawiin-a chhiar turin inbuatsaihna peihfel a ni tawh.

Sawrkar in ruahmanna a siam anga Serchhip District-a hri leng dona kawnga thawktute hnena COVID-19 Vaccine, Covishield pek hna kalpui mekah nimin hian hri leng dona kawnga thawktu mi 73 te hnenah hri danna hi dose khatna pek leh an ni a, Vaccine pek te hi Serchhip District Jail-a thawktu mi 28 te leh Assam Rifles Sipai mi 45 te an ni. Ruahman lawk ang chuan Vawiin hian Presbyterian English School leh Midland M/S-ah te hri danna hi pek leh a ni dawn a, VLTF Member te hri danna hi pek tan an ni dawn a ni.

Indian Oil Corporation Limited (IOCL) in eirawngbawlna Gas man an ennawn avangin Mizoram-a eirawngbawlna Gas man bithliah thar a ni a, Vairengte tihloh Mizoram-a LPG Distributor awmna chuan Kg. 14.2 a rit Domestic Cylinder man chu Rs. 921/- leh Kg. 19 Commercial man chu 1838/- a ni ang. Gas hi Point Delivery a sem chhuah a nih chuan a man bakah bur khat-ah Rs.7.53 belh tur niin Home Delivery-a hralh a nih chuan Rs. 70 zel belh tur a ni ang.

Serchhip khawpui chhung paltlangtu National Highway-54 siamthat hna chu zawhfel thawkhat a ni ta.

Serchhip-a eirawngbawlna Gas sem tur nimin-piah-a endikna ah buk tlinglo bur 60 hmuh a nih hnuah nimin khan buk tlinglo hi bur 20 hmuh belh leh a ni.

Tunkar Inrinni-a Mizoram State Day vawi 35-na lo thleng tur chu Serchhip-ah pawh District Bawrhsap hovin hman a ni dawn.

Serchhip District Consumers’ Association (SDCA) chuan Serchhip mipuite hnena Khawnvartui sem tur tih chingpenna awm ngeia lang chu chhui chhuah a, a mawhphurtu chu a tul anga hrem turin Supply Department hotute an ngen tih an sawi.

Thisen pek-ah kan thangharh zel

AMC inthlanna ah Vote thlak

Sawrkar laipui chuan COVID-19 vaccine dawng tura zinga a dah pawimawh pathumna, kum 50 chin chunglam te chu thlaleh atangin vaccine a pe tan dawn.

Niminpiah-a Mizoram-a Sample enfiah 1134 atangin COVID-19 hri kai mi pathum hmuh leh an ni a, an vai hian hri kaina hriatloh leh chhuizui mek an ni.

Mizoram-ah phalna neilote tan Sumdawnna atan Ui zawrh leh hralh emaw, inthlahpuntir (Dog Breeding) emaw khap a ni.

Nimin-a AMC inthlanna-a Vote thlak a nih hnuah MNF, Congress leh ZPM hruaitute chuan hnehna an chan ngei an inbeisei thu an sawi.

Nimin khan Champhai-ah damdawi leh hridanna vaccine pekchhuah leh enkawl kawnga hriat tulte inzirtirna, Drugs and Vaccine Distribution Management System (DVDMS) Training chu neih a ni.

Nimin khan Serchhip District-ah Rapid Anti-gen Test hmangin Sample 5 enfiah leh niin heng atang hian COVID-19 hri kai hmuhchhuah an awm lo.

Land Revenue & Settlement Department chuan Khawlailung khua-a Cadastral Survey neih mek ah heng Veng pathum- Bunghmun Veng, High School Veng leh Zotui Veng-a Survey kalpui mek chu zawhfel a nih tawh thu sawiin, Settlement Officer, Land Revenue & Settlement Office, Serchhip District leh VCP, Khawlailung hnenah (hmun) List leh Map te Feb. 22, 2021 atanga March 23, 2021 thleng enfiah duh tan hun hawn a ni tih an sawi.

Serchhip District Anti-Tobacco te chuan nimin khan Serchhip Bazar leh a chhehvel, Maxi Cab, Auto Rickshaw leh Taxi Stand te tlawh-kualin Vantlang hmun leh puipunna hmuna meizuk khapna dan bawhchhia-a meizu mi 3 an man a, heng mite hi pawisa chawitir nghal an ni. Serchhip District Anti-Tobacco Squad te chuan Serchhip khawpui chhung puipunna hmun ah meizu man tur an tlem tawh viau laiin, dan ngaipawimawh lo an awm leh zauh thin chu pawi an tih thu sawiin, mitin te Dan zawm turin an ngen nawn leh tih an sawi a ni.