Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

MBSE Office building sak hna tan loh hrethiamlo

National Student's Union of India Mizoram state (NSUI Mz) chuan Mizoram Board of School Education (MBSE) Office Building tun thlenga sak that hna thawh ala ni lo chu an hrethiamlo hle tih an sawi.

NSUI (Mz) leh MBSE hotute chuan nimin khan MBSE Building sak tum, kum 2018 a Lungphum phum tawh tun thlenga la sak thatloh chungchang ah inkawmna neiin NSUI (Mz) chuan MBSE Office Building, Chaltlang a mi hi a Building sak that a ngaih tawh avangin, Mizoram Sawrkar chuan a sak thatna tur sum NEDP atangin cheng nuai sangkhat sanction-in, a sakna tur lung pawh Sept. 28, 2020 khan khatih laia Education Minister, H. Rohluna chuan a lo phum daih tawh tih an sawi a.

Building satu tur contractor pawh thlan fel vek tawh niin sa tha mai tura ngaih a nih laiin MNF sawrkar thar chuan Contractor thlan tawh hi rawn Cancel lehin tun thlengin Building sak that hna thawh a la nilo chu an hrethiam lo hle tih NSUI (Mz) chuan sawiin, Zirlaite rohlu leh kan innghahna hian sawisak a suasam a tawk hial ah an ngaih thu an sawi a, politics khelh nana hmang lova a nih tur ang taka sak a nih thuai theih nan a tul anga hma la nghal turin thuneitute an ngen bawk. 

Comments

Chhiar Hlawhte