Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

Hachhek bialtu MLA in MJA te thutthleng a pe

Hachhek bialtu MLA, Lalrindika Ralte chuan a nu hriatrengna atan Aizawl Press Club-a dah turin nimin khan Thuthleng (Steel Chair) 50 chu Mizoram Journalists' Association (MJA) kutah a hlan.

Heng Thutthleng hlanna puala inkhawm nimin a Aizawl Press Club-a neih ah Lalrindika Ralte chuan MJA member-te chu mahni hrehawm pawisa lova hmingthatna leh chawimawina um lova thudik, belhchian dawl leh chanchin thar, mipui tana chhawpchhuaktu an nih avangin a nu, Hrangthanmawii hriatreng nan he thil hi tih makmawhah a ngai tih a sawi a. “Kan nu leh pa te hi Pathian min pekte an ni a, an ni tluka hlu hi he khawvel-ah thildang kan neilo tih hi Mizo thalai, thangthar zawkte hian kan hriat thar leh a ngai a ni,” a ti. 

Hachhek bialtu MLA chuan kan tui emaw, tuilo emaw, kan duh emaw, duhlo emaw pawh nise democracy-ah chuan politics atanga talhrang thei tumah kan awm lo tih sawiin, Politician-te chu ram leh mipui tana inpe an nih avangin politician-te dinhmun chu a ropui hle tih a sawi a. Politics chu chutiang khawpa pawimawh a nih avang chuan politician-te pawhin an zir a ngai takzet tih sawiin, “Ram leh hnam hmasawnna ngaihtuah leh mipui rawngbawl a, mipui welfare ngaihtuah hi kan tih tur a ni. Politics nihna dik leh hlutna hrechiang lova Party politics chauh ngaihtuah a, ruihchilh a, rilru zim tak pu thinte hian politics hmai an ti bal thin,” a ti a. Mipui rorelna kawnga direct-a mawhphurhna neitu politician-te chu an mawhphurhna ropui tak hlenchhuak turin ke an pen tur a ni tih a sawi bawk.

MJA Treasurer, C. Lalhmachhuana kaihhruai he hunah hian MJA General Hqrs. President, Zonunsanga Khiangte chuan MLA, Lalrindika Ralte thilphalna azarah MJA-in rotling thilpek an dawng chu vannei an intih thu a sawi a. Tuna Aizawl Press Club-a an Thuthleng tam zawk chu kum 2006-a Hindustan Petroleum Corporation Limited-in an CSR Fund atanga an pek a nih thu leh thlak a hun viau tawh laia MJA hmangaihtu an tawng fuh ta hlauh chu Lalrindika Ralte leh a chhungte chungah an lawmin, an hming chu MJA-in a lam chhuak fo tawh dawn tih a sawi a, MJA thiantha ni reng turin a sawm bawk a ni.

Comments

Chhiar Hlawhte