Posts

Showing posts from April, 2022

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

MJA te zinchhuak dawn

 MJA Serchhip District member te chu ATMA Serchhip District bultumin Vawiin khan Champhai District-a sawrkar hmalakna te tlawhin an zinchhuak dawn a, tunkar Zirtawpni khian Serchhip an rawn let leh ang. Hei vang hian tunkar chhung chu MJA Serchhip District Member te enkawl tualchhung chanchinbu te a chhuak thei rih dawn lo a ni.

Deputy Speaker in hmanpui

Image
Chhuanthar Tlangnuam School chuan kum 2021-a an School atanga HSLC leh HSSLC pass te lawmpuina hun nimin khan Chhuanthar Hall-ah an hmang a, he hun hi bialtu MLA leh Assembly Deputy Speaker Er. Lalrinawma chuan hmanpuiin Chhuanthar Tlangnuam in Pawl 1 atanga pawl 12 thleng zirna mahni khua ah ngei an nei chu an vannei hle tih sawiin, thiamna tak tak neia ke pen a pawimawh thu a sawi bawk. Chhuanthar High School hi kum 2004 a din niiin HSLC hi zirlai 356 in an Pass chhuak tawh a. Higher Secondary School hi 2015 a din niin 2021 thleng hian HSSLC zirlai 97 in an Pass chhuak tawh bawk a ni.

KVK North Vanlaiphai in Kisan Bhagidari Prath Mikta Hamari Campaign leh Farmers Fair an buatsaih

Image
India sawrkar laipuiin India ram zalenna kum 75-na lawmna a kalpui mek, Azadi Ka Amrit Mahotsav denchhenin Serchhip District KVK, North Vanlaiphai te chuan nimin khan Kisan Bhagidari Prath Mikta Hamari Campaign neiin Kisan Mela/Farmers Fair chu North Vanlaiphai-a anmahni hmun ah an buatsaih bawk.

15% Cess pe leh vek dawn

National Highway-54 Aizawl to Tuipang laih zauh avanga Serchhip District huamchhunga compensation pekchhuah tawh te chu 15% cess peh leh vek an ni dawn.

Hri kai 31 hmuh belh leh

Nimin khan Serchhip District-ah COVID-19 hri kai mi 31 zet hmuhchhuah belh leh niin hri kai enkawllai mi 148 an awm mek.

Serchhip Sub-Hqrs. YMA in YMA leh PWD te MoU ziah chu tihtawp a nih theih nan hmalak an rel

Image
Serchhip Sub-Hqrs. YMA chuan nimin khan Serchhip Auditorium-ah Rorel Inkhawm vawi 3-na neiin an thurel zingah YMA leh PWD in Thawhhona Thuthlung, Memorandum of Understanding (MoU) an ziah chu tihtawp a nih theih nan hmalak ni rawh se an ti.

Serchhip District SEDP Committee thutkhawm nei

Image
Serchhip District Socio-Economic Development Policy (SEDP) Committee chu nimin khan a vawikhatna atan an Chairman leh Serchhip District Bawrhsap Nazuk Kumar IAS hovin an thukhawm.

FEMSE in sawrkar kar mek

SSA leh RMSA hnuaia thawk thin inzawm-khawm pawl, Federation of Mizoram Samagra Shiksha Employee (FEMSE) chuan an Service leh hlawh chungchang zirchiangtu, ‘Study Group’ chu December 2019-a sawrkar in a din hnuah leh November 2020-a sawrkar-ah rawtna te an thehluh hnuah kum 2 dawn a liam leh tawh chunga thuthar engmah ala awm lo chu mak an tih thu thuchhuah siamin an tarlang a. An dinhmun leh hlawh chung-chang chu lungawi lo thlak an tih thu sawiin, dinhmun tha ve deuh leh innghahna tlak hlawh neih ve an duh tawh takzet tih an sawi a. Study Group in dinhmun mil tura rawtna a siam anga hlawh lak vat an duh thu an sawi bawk a ni.

Damdawi hman phalna pe

Drugs Controller General of India (DCGI) chuan Bharat Biotech siam Covaxin chu naupang kum 6 atanga 12 inkar tan mamawh thilah khuah-khirhna hnuaia hman phalna nimin khan a pe a, Corbevax pawh naupang kum 5 atang 12 inkar tan hman phalna pek a ni bawk.

RD Minister in hmanpui

Mizoram State Rural Livelihoods Mission (MzSRLM) Annual Action Plan 2022-23 Roll Out Workshop hawnna chu nimin khan Aizawl Chanmari YMA Hall-ah neih niin he hun hi RD Minister Lalruatkima chuan a hmanpui a, Mizo-ram-a COVID-19 dona kawnga SHG member te inpekna leh hnathawhna ropui a tih zia sawiin, Swrkar in theihtawpin MzSRLM leh a SHG te hmalakna a tawiawm zel tur thu a sawi bawk. Tun dinhmunah MzSRLM hian Mizoram chhunga District 11 leh RD Block 26-ah hmalakna a kalpui mek a, thingtlang khua 684 luh tawh niin Self Help Group 8249 din ni tawhin SHG member 72025 an nei a ni.

IGNOU Convocation hmang

Indira Gandhi National Open University (IGNOU) chuan nimin khan New Delhi-a an hmunpui ah Convocation vawi 35-na an hmang a, hemi rual hian Aizawl, IGNOU Regional Centre pawhin Aizawl-ah Convocation hi hmang ve in Mizoram University Vice Chancellor Prof. KRS. Sambasiva Rao chuan a hmanpui a ni. He Convocation-ah hian KRS. Sambasiva Rao chuan IGNOU chu Open Distance Learning (ODL) chungchangah a sulsutu niin rampumah hlawh-tling taka ODL an kalpui thu a sawi a. IGNOU chu India ram mai nilo ram pawnah pawh inzar-pharhin Centre te an nei tih sawiin, zirlai makta-duai 3 lai an neih thu a sawi a. IGNOU course leh degree chu University dang nen inangtlang a nih dan tarlangin, an programme thenkhatte chu a bika duan a ni thu a sawi bawk. Nimin a IGNOU in mi 2,91,588 degree a pek zinga 908 chu Aizawl Regional Centre hnuai ami te an ni.

Sawrkar in theihtawp chhuah

Mizoram sawrkar-a Health Department chuan thuchhuah siamin Civil Hospital Aizawl a CT Scan bun hna thawh mekah a theih ang tawka hmalak char char a ni tih sawiin, tunah hian Civil Works peihfel vek tawh a nih thu leh Installation leh Panel Board Test charge ti turin April 29, 2022 hian Kolkatta atangin Company aiawhte pawh lo kal tura tihfel an ni tawh bawk tih an sawi a. CT Scan thar nei tur hian Mizoram sawrkar chuan inthlahdah lovin theihtawp a chhuah a ni tih mipui ten lo hriatpui se an duh thu an sawi bawk.

Lawngtlai-ah zirlaibu sem

Nimin khan Lawngtlai District-ah Samagra Shiksha kaltlangin zirlai naupangte hnena sem tur lehkhabu chu pekchhuah tan a ni a, tun tumah hian BRC Lawngtlai hnuaia Primary School zirlai 1,986 leh Middle School zirlai 1,275, an vaiin zirlai 3,261 tan semchhuah phawt a ni a. BRC Sangau, BRC Bungtlang leh CADC hnuaia sikulah te pawh sem leh tur a ni ang. Nimin vek khan Middle School, High School leh Higher Secondary School-ah Sanitary Pad Vending Machine leh Incinerator pawh semchhuah a ni bawk.

Hri kai thar 102 leh enkawl dam 101 awm belh

Niminpiah khan Mizoram-ah COVID-19 hri kai mi 102 hmuh belh leh an ni a, heng te hi Sample enfiah 743 atang hmuh te niin Sample enfiah atanga za zela 13.72 te chuan hri an kai a ni.

Building hlui chanchin ziahna CM in a tlangzarh

Mizoram-a building hlui ding lai chanchin ziahna, 'Built Heritage of Mizoram 2021' tih chu nimin khan Chief Minister Zoramthanga chuan CM Office Conference Hall-ah a tlangzarh.

ASF laka Serchhip District a him theihna tura hmalak dan tur sawihona neih a ni

Image
AH&Vety Department-a District Veterinary Officer Dr. R. Lalmakthanga chuan African Swine Fever (ASF) hri leng mek ah Serchhip District-ah hri lenna hmuna puan ala awm lo tih sawiin, ASF Case nei thei dinhmun ah kan din reng thu a sawi.

Final khel tur hriat theih ta

Serchhip District Football Association in a buatsaih Serchhip District Junior (Under-17) Football Championship chu nimin khan Semi Final khelh niin Final-ah Chanmari FC leh Dress Up FC te an inhmachhawn ang.

Hri kai 28 hmuh belh leh

Nimin khan Serchhip District-ah COVID-19 hri kai mi 28 hmuh belh leh niin hri kai mi 36 enkawl dam an ni bawk.

YMA Rorel Inkhawm nei dawn

Serchhip Sub-Hqrs. YMA in Conference neih loh kum-a an neih thin, Sub-Hqrs. YMA Rorel Inkhawm chu Vawiin chawhma dar 11:00 atang hian Serchhip Auditorium-ah neih a ni dawn a, chawhma lamah Palai ten rorelna neiin Member boral sunna hun hman a nih dawn bakah kumthar atana budget tur pharh a ni anga, chawhnu lamah Vantlang Inkhawm neiin Kumpuan thupui ngaihthlak a ni bawk ang.

Bawrhsap in East Lungdar a sawrkar hmalakna a tlawh

Image
Serchhip District Bawrhsap Nazuk Kumar IAS chuan nimin khan East Lungdar tlawhin an khua a sawrkar hmalakna thenkhat a tlawh.

Hnathawh thalo enfiah

Image
National Highway-54 siamthat leh laihzauh hna thawh mekah Serchhip leh Keitum inkar Dawngzawl bula Retaining Wall chu a tha tawklo nia hriat a nih avanga Serchhip Sub-Hqrs. YMA in an hriat avanga Serchhip DC hnena an thlen hnuah DC hmalakna in nimin khan YMA leh NHIDCL bakah KRAM Infracon Pvt. Ltd. hotute chuan a hmunah tlawhin an enfiah a. He hnathawh mek hi a drawing nen a inmillo tih hmuhchhuah niin hei vang hian thata a danga siamtha leh tura tih an ni a, Company lam pawhin an lo siamthat leh tur thu sawiin, an siamthat lehna report hi Sub-Hqrs. YMA VMC te hnenah hriattir tura ngen an ni.

East Lungdar-ah Block Level Health Mela neiin damlo sang chuang inentir an awm

Image
India ram zalenna kum 75-na lawmna, Azadi Ka Amrit Mahotsav kal zelah Ministry of Health & Family Welfare in ruahmanna a siam angin nimin khan E. Lungdar leh a chhehvel khuate tan East Lungdar-ah Block Level Health Mela buatsaih a ni a, damlo mi sang chuang an inentir a ni.

LAD Minister in hmanpui

Maubung khua in Faina lama hma an lak that avanga National Panchayat Award 2021-a ‘Deen Dayal Upadhyay Panchayat Sashaktikaran Puraskar’ an dawn lawmna leh Panchayat Bhavan hawnna hun chu nimin khan Maubung khua ah neih niin LAD Minister K. Lalrinliana chuan a hmanpui a, Panchayat Bhawan hi Mizoram-ah chuan VC House tia hriat a ni a. Ministry of Panchayati Raj hnuaia Rashtriya Gram Swaraj Abhiyan (RGSA) Fund cheng nuai 20 senga sak a ni.

Zirlaibu semchhuak tan

Samagra Shiksha Siaha District chuan nimin atang khan zirlai naupangte hnenah a thlawnin lehkhabu an semchhuak tan a, Primary School a zirlai naupang 6398 leh Middle School-a zirlai naupang 4862 hnenah lehkhabu hi sem tura rua-hman a ni. Siaha District-ah hian Govt. Primary School 124 Govt. Middle School 86 a awm mek a, kumin a a thlawna lehkhabu dawng tur zingah hian Myanmar Raltlan zirlai naupang 929 telin District Bawrhsap Lalsangliana chuan heng zirlaibu te hi a vailiam a ni.

MZP hruaitu ten sawipui

Mizo Zirlai Pawl General Hqrs. hruaitute chuan nimin khan School Education Minister Lal-chhandama Ralte chu a Pisa-ah hmuin Myanmar ram buaina avânga Mizoram-a hima zawnga lo tlan zirlaiten an zirna an chhunzawm theih dan tur a sawipui a, Education Minister chuan zirna Document/Education Certificate felfai tak neite tan chuan admission leh zirna chhunzawm kawngah harsatna engmah a awm loh tur thu a lo sawi a ni. MZP hruaitute hian nimin vek khan Mizoram Board of School Education (MBSE) hotute pawh kawmin HSLC leh HSSLC exam neih zawh takah result dik leh felfai zawk a awm theih nan theihtawp chhuah turin an ngen bawk.

Zirna In te enfiah a ni

Lunglei District Bawrhsap leh District Disaster Management Authority-a Chairman ni bawk in Zirna In ten CAB an zawm that leh that loh endik tura tih angin nimin khan Lunglei District-a zirna In thenkhat te chu enfiah a ni a, he hunah hian Social distancing zawm that leh that loh te, kut silna leh sanitizer hman theih an chhawp dan bakah School naupang ten Class room-ah mask an vuah that leh that loh te endik a ni.

Chief Minister hovin ram en

Chief Minister Zoramthanga chuan nimin zing khan Zemabawk-a Bus Terminal siamna tur hmun remchang a thlithlai. Aizawl hmar lama Bus Terminal tawt lutuk tiziawm tur hian Bus Terminal insawnna/tihlenna tur hmun Chief Minister ho hian en a ni a, Tawngtaina hmun piah lam-a ram chu PWD Architect te leh Transport department hotute nen enho a ni a. Hei bakah hian hmun remchang dang a awm em tih thlithlai zui turin an inchah bawk.

CM in lawmman hlan

Chief Minister Zoramthanga chuan nimin khan Mizo Academy of Letters (MAL) din cham-pha (Foundation Day) lawmna hun Assembly Annex Conference Hall-a buatsaih chu hmanpuiin Book of the Year 2021 atana thlan ‘Hnam Ropuite u, tho r'u le’ ziaktu Lalhruaitluanga Chawngte hnenah lawmman a hlan a, Chief Minister chuan ziakmite chu an thuziah ah a eng lam, a 'positive' zawnga ziak hram tum tura ngenin, Mizoram chungchang ziaktu in a thalo lai leh tha lai ziah tur tam tak a hmuh tur thu sawiin, Hmasawnna rilru put erawh chuan thatna lam ziah tam a, chumi thatna chu umzui zelin, hmasawnna raltiang a kai theih tur thu a sawi a ni. Chief Minister hian MAL website thar- mizoacademyofletters.com/ chu a tlangzarh bawk a ni. Mizo Academy of Letters-in Book of the Year a thlan hmasak ber atanga chhutin lawmman dawngtu mi 27 an awm tawh a, vawi hnih dawng hi mi panga an awm bawk.

Hri kai thar 107 leh dam 105 awm belh leh

Pathianni khan Mizoram-ah Sample 299 enfiah niin COVID-19 hri kai mi 107 zet hmuhchhuah an ni a, Sample enfiah atanga za zela 35.79 te chuan hri an kai a ni.

Ramri-a insumdawntawnna chungchang ah Minister pahnih ten thuthar thehdarhtute an kawm

Ramri-a insumdawn tawnna tur thlithlaia Mizoram-a tlawha lo zin Bangladesh Commerce Minister Tipu Munshi leh Mizoram State sawrkar aiawhin Commerce & Industries Minister Dr. R. Lalthangliana te chuan nimin khan Secretariat Conference Hall-ah thuthar thehdarhtute an kawm.

Ram pahnih ten ramri-a insumdawntawn an rel

Mizorama rawn zin Bangladesh Commerce Minister Tipu Munshi leh Mizoram Commerce & Industries Minister Dr. R. Lalthangliana chuan nimin khan Aizawl-ah thuthar thehdarhtute kawmin ramri-a insumdawntawnna ah hmalak dun an rel.

Under-17 Football Semi Final khel dawn

Serchhip District Junior (Under-17) Football Championship chu Inrinni khan Quarter Final khelh niin Vawiin hian Semi Final khelh a ni ang.
Image
Serchhip District-a Heroine No. 4 man tam tum nia hriat ah Zirtawpni zan khan Serchhip Police te chuan Heroin No. 4 Hawng 103, kg 1.278 zet an man.

Serchhip District-ah hri kai enkawllai tam ber

Mizoram District hrang hrang zingah Ser-chhip chu COVID-19 hri kai enkawllai tamna ber a ni mek.

Magistrate in khapna chhuah

Serchhip District Magistrate Nazuk Kumar IAS chuan Serchhip District huamchhungah phalna nei lova Gas/Petrol/Diesel zawrh khapna thupek a chhuah.

AMC sum tum ti tlem dawn

Aizawl Municipal Corporation (AMC) rua-hmanna angin, April 2022 atangin Aizawl khawpui ah bawlhhlawh paih man mipuiin an chawi thin chu tihpun a ni dawn a, hemi vang hian mipui nawl-puiin thla khat-a bawlhlawh paih man Rs. 50 an chawi thin chu Rs. 100/- a nih tawh rin niin, Dawr, Workshop, Hotel etc. te bawlhlawh paih man pawh tihsan a ni ang. AMC hian bawlhhlawh paihna Motor hmanna senso zaa 80 tumin Local Council ten zaa 20 an tum thin a, April atang hian 60:40-a kalpui tawh tur a ni ang.

Bial Inkhawmpui neih a ni

COVID-19 hri leng avanga kum 2 chhung neih mumal theih a nih loh hnuah nimin Pathianni hmang khan Presbyterian Kohhran chuan Pastor Bial Inkhawmpui an nei a, Inrinni khan Bial Inkhawmpui Rorel pawh neih a ni. Presbyterian Kohhran inchhiarna hnuhnung berah Kohhran mipui 6,26,958 an awm a, dan zawhkim 4,48,318 awmin Kohhran 1158 leh Pastor Bial 321 a awm a ni.

H&FW Board in CM an kawm

SEDP Health & Family Welfare Board te chuan Zirtawpni khaan Chief Minister Zoram-thanga chu a Pisa-ah kawmin Health care tih changtlunna tura SEDP Health Chinic dinna tur leh thawktu indaihlohna phuruk tura ruahmanna an siam te chu an sawipui a. Mizoram khaw 200 chuang Health Sub-Centre awmlohnaa SEDP Health Clinic din tura ruahmanna leh a kawihhnawih hrang hrang - Manpower leh infrastructure leh khawl thil mamawh ruahmanna an siam chu en ho a ni a. PHC leh Health Sub-Centre a Staff Nurse leh Health Worker indaihlohna phurukna tura ruahmanna chhawpchhuah a ni bawk. Chief Minister chuan heng an ruahmanna te hi tihhlawhtlin theih dan tur hma lakpui a tiam a ni.

MBSE in hriattirna chhuah

Mizoram Board of School Education (MB-SE) chuan thuchhuah siamin, MBSE-a affiliate High School leh Higher Secondary School zawng zawng chu 2022-2023 Academic Session chhungin syllabus pumpui inzirtir turin a hriattir a. High School Leaving Certificate leh Higher Secondary School Leaving Certificate Examinations, 2023 atan Syllabus pumpui leh Scheme of Examination & Question Designs angin MBSE in a siam dawn bawk a ni. Syllabus and Scheme of Examination & Question Designs chu MBSE official website (www.mbse.edu.in)-ah en theihin a awm bawk a ni.

Panhnah leh kuhva ah hma la

Mizo Pan & Kuhva zuar Association General Hqrs. Aizawl leh Kolasib District Hqrs. te chuan Zirtawpni khan Joint Meeting neiin Mizo hming hawha vai sumdawngte, dan lova Kuhva leh Panhnah zuara zalen taka kan ram chhunga an rawn sumdawng chu Dan hnuaiah do tur leh tirem turin theih tawp chhuahin hma an la dawn tih resolution an siam a, heng mite hi hnam rilru pu-a lo dawr lo turin Mizo mipuite an sawm bawk. Mizoram hmun hrang hranga Kuhva hring leh Panhnah zuara sumdawng zawng zawngte insuihkhawm tur hian hmalak mek a ni tih pawh an sawi bawk.

Vaccine pek tawh dinhmun

Inrinni thleng khan Mizoram-ah mi 8,44,068 te hnenah COVID-19 Vaccine Dose 1-na pek ni tawhin mi 6,78,398 ten Dose 2-na an la tawh a, mi 33,492 ten Precautionary Dose la tawhin Vaccine Dose 15,55,958 pek a ni tawh a ni.

SEDP Zirtirtu lak leh tum

Socio-Economic Development Policy (SEDP) sum hmanga zirtirtu 500 lak tawh bakah indaih-lohna phuhruk nan zirtirtu dang 100 chuang lak leh tum a ni. Human Resource Development Board Vice Chairman L.Thangmawia chuan SEDP sum hmanga zirtirtu lak te chuan an hna an zawm vek tawh a. Mahse zirtirtu pension te, kaisang leh engemaw harsatna tawk an awm avangin harsatna zualpui phuhruk nan SEDP sum hmangin zirtirtu 100 chuang lak leh tum a ni tih a sawi a. “Kan tum anga zirtirtu hi kan lakbelh thei anih chuan zirtirtu indaihlohna zualpui chu a sutkian kan beisei a, a zavaia indaihlohna chu hnawhkhah theih a ni lo a ni,” a ti. SEDP hnuaia zirtirtu hi Primary School-ah Rs. 10,000/-, Middle School ah Rs. 13,000/-, High School-ah Rs. 15,000/- leh Higher Secondary School-ah Rs. 20,000/- te hlawh tir an ni.

Chief Minister in hmanpui

Clean Aizawl City pawl rorelna sang ber, High Council chu Inrinni khan Aizawl-a Synod Conference Centre-ah neih niin Chief Minister Zoramthanga chuan a hmanpui a, he hunah hian Chief Minister chuan Clean Aizawl City thil tum chu khawpui tana tangkai tak tur nia a hriat thu sawiin, India sawrkar pawhin fai leh thianghlim kawngah hma a la nasa hle a. Mizoram pawh hmun kilkhawr te ber thlengin faina kawngah hma kan sawn tawh viau thu leh hmasawn belh zelna tur erawh kan la nei tih a sawi a, chumi atana kawng pawimawh tak pakhat chu kan fa leh naupang te hnenah zirtirna kan pek a, an entawn tura kan nun a, zirna inah inzirtir tel bawk a ni, a ti. High Council hi Social Rehabilitation Board Vice Chairman K. Liantlinga Ex-MLA chuan a kaihruai a ni.

COVID-19 hri kai enkawllai 594 la awm mek

Mizoram-ah COVID-19 hri kai enkawllai an pung leh hret a, nimin tlai dar 5:00 thleng khan hri kai enkawllai mi 594 an awm mek a ni.

'World Book Day' pualin MZP ten Lehkhabu chhiar hlutna inzirtirna hun an buatsaih

Inrinni khan World Book Day pualin MZP General Hqrs. chuan Aizawl-a MZP Conference Hall-ah hun hmangin he hun hi Human Resource Development Board Vice Chairman L. Thangmawia MLA chuan a hmanpui a ni.

Bangladesh leh Mizoram ramri-a insumdawn tawnna tur Minister pahnih ten an tlawh

Mizoram-a rawn zin Bangladesh Commerce Minister Tipu Munshi leh Mizoram Commerce & Industries Minister Dr. R. Lalthangliana te chuan Inrinni khan Silsuri - Sajek Border Haat siamna tur hmunhma leh Tlabung thlang Kawrpuichhuah-a Integrated Check Post (ICP) dinna tur hmun te an tlawh.

Enkawllai mi 193 la awm

Serchhip District-ah COVID-19 hri kai enkawllai mi 193 zet an awm leh tawh.

Kum 1 leh 19 inkar te hnena Rulhut hlo pek beihpuithlakna kalpui tan a ni

Image
Naupang kum 1 atanga 19 thleng te hnena Rulhut hlo pek beihpuithlakna hun, National Deworming Day chu kumin atana a hmasa zawk turin nimin khan rampum ah hman leh niin Serchhip-ah pawh District Bawrhsap Nazuk Kumar IAS chuan beihpuithlakna hi hawngin zirlaite hnenah Rulhut hlo a sem nghal a ni.

PCI Bial Khawmpui nei dawn

Presbyterian Church of India chuan naktuk Pathianni hmang hian Pastor Bial hrang hrang ah Bial Inkhawmpui an nei dawn a, Serchhip-a Pastor Bial hrang hrangte pawhin hemi rual hian khawmpui hi an nei dawn a ni. Serchhip Pastor Bial ten Hriangtlang Kohhran Biak In-ah khawmpui hi neiin Serchhip Vengchung Pastor Bial ten Vengchung Kohhran Biak In-ah inkhawmpui hi an nei anga, New Serchhip Pastor Bial ten New Serchhip North Kohhran-ah, Chhiahtlang Pastor Bial ten Chhiahtlang Chanmari Kohhran Biak In-ah leh Chhiahtlang Kawn Veng Pastor Bial ten Chhiahtlang Kawn Veng Kohhran Biak In-ah te Bial inkhawmpui hi an nei dawn a ni.

A thlawna inentirna nei leh

Serchhip District chhunga PHC leh CHC hrang hrangah te Beti Bachao Beti Padhao (BBBP) Serchhip District in a thlawna inentirna hun buat-saih tura ruahmanna a siam angin nimin khan Thenzawl CHC-ah a thlawna inentirna hi neih leh a ni a, Serchhip atangin Dr. Joseph Lalmuan-puia Hauzel leh Dr. Vanlalchhuanga te hovin thawktu mi thahnem tak an kal a, he hunah hian damlo mi 50 te nen niin a tul angin Test hrang hrangte neihpui an ni bawk a, a mamawh te hnenah a thlawnin damdawi sem a ni bawk.

ZPM in sawrkar an zawt

ZPM Party chuan Mizorama Vawk pul hri tuartute hnena Vawiin thlenga zangnadawmna pekchhuah a la ni lo chu mak an tih thu sawiin, Central sawrkar atanga pawisa pekchhuah tawh, Mizoram sawrkar sum bawma pawisa awmsa reng chu ‘Kan sawrkar hian engtikah nge pekchhuah a tum?’ tiin an zawt bawk.

MNF in Puanthui khawl sem

Aizawl South-II huamchhunga Thakthing MNF Unit-te chuan nimin khan mi 46 te hnenah Puanthui khawl an sem a, he hun hi MNF Vice President Vanlalzawma chuan hmanpuiin MNF Unit ten an thawhchhuah hmanga khawl sem nachang an hria chu ropui a tih thu leh entawntlak a tih thu a sawi bawk.

Book of the Year thlang ta

Mizo Academy of Letters (MAL) chuan nikum 2021 chhunga Mizo tawng-a lehkhabu chhuak zinga tha ber, Book of the Year 2021 a thlan mekah ‘Hnam Ropuite U Tho Ru Le’ tih Lalhruaitluanga Chawngte ziak chu Book of the Year 2021 atan a thlang ta a, Book of the Year 2021 chawimawina hi tun thla ni 25-a MAL dinchampha lawmna ah hlan a ni ang.

PHE SDO Office thar hawng

Kolasib District chhunga PHE Sub-Division upa ber, Kolasib Rural WATSAN Sub-Division chu Kawnpui WATSAN Sub-Division tiin a hming thlak a nih bakah Office pawh Kawnpui ah sawnin nimin khan Office thar hawnna neih a ni a, he Sub-Division hian khaw 22 huamin Er. Lalawmpuia Sawthly chu SDO hmasa ber a ni ang.

Bangladesh Minister rawn zin

Bangladesh Commerce Minister Tipu Munshi leh amah zuitute chuan Mizoram-a zan thum riak turin nimin khan Aizawl an rawn thleng a, Lengpui Airport-ah Commerce & Industries Minister Dr. R. Lalthangliana leh sawrkar mi pawimawh ten an lo hmuak a ni. Bangladesh Minister leh Dr. R. Lalthangliana te hian Mizoram ramri a Bang-ladesh nena insumdawntawna tur Border Trade hmunhma te enhona ‘Joint Verification Visit’ an nei dawn a, Vawiin hian Silsuri a Border Haat hmun tur leh Kawrpuichhuaha Integrated Check Post (ICP) hmun te an tlawh anga, Thawhtanni khian Chief Minister kawmin thuthar thehdarhtute a kawm bawk ang.

Hrem theih tih tarlang

Mizoram sawrkar chuan COVID-19 vanga thi te hnena Ex-Gratia pek chungchang ah dilna diklo emaw, tanpuina diklo taka dawngtute chu Sec. 52 of Disaster Management Act, 2005 hmanga hrem theih an ni tih thuchhuah siamin an tarlang a. COVID- 19 vanga thi chhung ten ex-gratia an dil theih hunchhung chu March 20, 2022 hma lama thi te ah an thih atanga ni 60 chhung leh hemi hnu lama thi te chu an thih atanga ni 90 a ni tih tarlangin, engemaw harsatna bik neia huntiam chhunga dilna thehlut hman lote chuan District-a Grievance Redressal Committee-ah dilna an thlen theih thu leh an dinhmun a zirin Grievance Redressal Committee hian an dilna chu a lo pawm thei tih an tarlang bawk. Ex-gratia dilna hi dilna dawn atanga ni 30 chhungin District thuneitu ten chak taka bawhzuiin a diltute hnenah hian compensation hi pek hman tur a ni.

Department hmalakna tlawh

Sawrkar laipui-a Central Silk Board leh Ministry of Textile in Mamit Aspirational District chawikanna tur Sericulture Department hnuaia Darlung leh Kanghmun Circle-a hma an lakna te chu nimin khan Mamit District MJA ten a hmunah an tlawh a, he hmalakna hnuaiah hian Bawngthah-ah Sericulture Cluster Group member 54 awmna mumal taka kalpui niin Darlung khuaah pawh Sericulture Society mumal taka kalpui niin member 43 an awm a, heng te hian Pangang khawina atangin nikum lam khan sum engemaw zat an thawkchhuak tawh a ni.

Patea’n MLA nih kher tum lo

Mizoram Pradesh Congress Committee (MPCC) chuan nimin khan Aizawl-a Congress Bhavan-ah Friday Political Session neiin he huna thu sawitu MPCC Vice President Lal Thanzara chuan MLA Candidate nih kher a tum lo tih sawiin, “MPCC Vice President ni mah ila, kei aia mipui in an pawm, ram tana sawrkar tha pe thei tura an rin zawk an awm a nih phawt chuan ka dinhmun hi ka kian phal a, Candidate nih ngei ngei hi ka tum chuang lo,” a ti a, “Ram leh hnam tana sawrkar tha kan neih theihna tur a nih phawt chuan ka pawm zel dawn,” a ti bawk.

COVID-19 hri kai hmuhchhuah la tlahniam lo

Mizoram-ah ni khat-a COVID-19 hri kai hmuhchhuah zat a tlahniam thei vak rihlo a, niminpiah khan Mizoram-ah Sample  1014 enfiah niin heng atang hian hri kai mi 91 hmuh an ni a, Sample enfiah atanga za zela 8.97 te chuan hri an kai a ni.

Kolasib-ah SEDP Committee thutkhawm neih a ni

Nimin khan Kolasib-ah District Socio-Economic Development Policy (SEDP) Committee chu a vawi khatna atan an thukhawm.

Biate tuilakna hawn a ni

North Eastern Region Development Prog-ramme (NERDP)/10% Lump Sum Grant sum cheng nuai 1364.67 senga siam Khawchhak Tuipui atanga Biate khua chawm tur tuilakna, Biate Water Supply Scheme (pumping) chu nimin khan Home Minister Lalchamliana'n a hawng.

Mizoram Assembly proceeding hi India ramah a tha ber leh zahawm ber tiin sawi a ni thin - Speaker

Mizoram State Legislative Assembly Speaker Lalrinliana Sailo chuan Mizoram State Legislative Assembly proceeding chu India ramah a tha ber leh kalphung zahawm ber tia sawi a ni thin tih a sawi.

Chief Minister hovin MRMC thukhawm

Mizoram Resource Mobilization Committee chu nimin khan Chief Minister Zoramthanga hovin a Pisa-ah an an inkawm a, an hmalak tawhna leh hmalak zelna turte an sawiho.

Junior Football Group Stage khel zo dawn

Serchhip District Junior (Under-17) Football Championship chu nimin khan khelh chhunzawm leh a, Quarter Final lut tur thenkhat hriat ni tawhin Vawiin ah Group Stage khelh zawh a ni ang.

Hri kai 18 hmuh belh leh

Nimin khan Serchhip District-ah COVID-19 hri kai mi 18 hmuh belh leh an ni.

MUP Serchhip District Annual Assembly Serchhip bialtu MLA hovin neih a ni

Image
Mizoram Upa Pawl (MUP) Serchhip District Hqrs. chuan nimin khan Serchhip Auditorium-ah Annual Assembly neiin he hun hi bialtu MLA Lalduhoma chuan khuallian niin a hmanpui a. Beidawnna in kan Society-ah bu a khuar nghet tawh hle nia sawiin, Pathian-a kan kir leh hun hunah kan ram a siamtha dawn niin a sawi. MUP Serchhip District Hqrs. Annual Assembly-ah hian Serchhip bialtu MLA Lalduhoma chuan Pathian in thil tha tam tak min tiam laiin a thalo lam hlir Mizoram in kan dawng zel nia sawiin, inenfiah kan ngaih thu leh sim tur kan nei nia a hriat thu a sawi a. Heng kan hun tawn mek atanga tlakchhuak tur hian beiseina a pawimawh thu leh Pathian hnena kir leh chu a hnuk a ni tih sawiin, beidawnna in kan Society-ah bu a khuar nghet hle tawh a, hei hi Setana hmanraw lian ber a ni a, Pathian-a kan kir leh hun hun ah kan ram a siamtha dawn a ni, a ti a. Mizoram chu leilung hausakna nasa tak nei kan ni chungin Vawiin thlengin heng hausakna te hi haichhuah ala ni lo tih pawh sawiin, Pathian Manif

Mat Phai-a Wheat chinna tlawh

Image
Serchhip Mat phai-a Wheat chinna hmun chu nimin khan Serchhip bialtu MLA Lalduhoma chuan a hmunah a tlawh. Thudawn danin Serchhip-a Agriculture Department hian nikum-a Buh seng zawh a nih hnu khan a enchhinna atan Mat Phai-ah hian Wheat hi an ching chhin a, heng te hi Buh phun leh hmaa seng theih tura ngaih a ni. Nimin a helai hmun a tlawhna ah hian bialtu MLA hi Serchhip DAO Tlangtimawia Zote leh a thawhpui ten lo dawngsawngin an hmalakna te an lo hrilhfiah a, Wheat chin chu a zawng-chhang thlak dawn nia hriat a ni.

MLA in Press Club tlawh

Image
Serchhip bialtu MLA Lalduhoma chuan nimin khan Serchhip Press Club tlawhin Serchhip District MJA hruaitu ten an President C. Lalhminghlua hovin an lo dawngsawng a ni. Serchhip bialtu MLA hian kumin a MLA Fund a pek hmanga Serchhip Press Club building sak hna chhunzawm tak chu enin MJA hruaitute hian an hmalakna leh sum indaihlohna te an lo thlen a, bialtu MLA chuan tun dinhmunah MLA Fund indaihlohna a nasa rih tih sawiin, a theih ang anga lo chhunzawma hma lo la zel turin a ngen a, a bang leh thildang te ngaihtuahpui a tum thu a sawi bawk a ni.

Serchhip-ah Heroin No. 4 Hawng 7 Police ten man

Image
Serchhip Police te chuan nimin khan Serchhip-ah Heroin No. 4 Hawng 7 zet manin a neitu nia hriat leh a lirthei pawh man nghal a ni.

A thlawnin zirlaibu sem tan

Image
Serchhip District-a zirlai naupangte hnenah a thlawna zirlaibu sem tur chu nimin atang khan pekchhuah tan a ni.

BADP sum cheng nuai 50 senga Sailulak Community Centre sak belh Home Minister in a hawng

Image
Border Area Development Programme (BADP) sum cheng nuai 50 senga Sailulak khuaa Community Centre sak chhunzawm chu nimin khan bialtu MLA leh Home Minister Lalchamliana chuan a hawng.

Competition Final nei dawn

Mizoram Legislative Assembly Golden Jubilee (1972-2022) lawmna chi khat atana Assembly Secretariat in Youth Parliament Competition for College Student an buatsaih chu Vawiin chawhma dar 10:30 hian Final neih a ni dawn a, TV-a live-a pekchhuah a ni ang.

'Meet The Champion' pualin hun hmang

Sawrkar laipui hnuaia Ministry of Education leh Ministry of Youth Affairs & Sports te bultumin nimin khan Kolasib-ah Mizo Olympian Lalremsiami chu 'Meet The Champion' pualin hun hmanpui a ni a. He hunah hian Lalremsiami hi zirlai naupangte nen inbiangbiakna neiin naupang infiamna-ah a telpui bawk a ni.

Health Mela neih zui zel a ni

India ram zalenna kum 75-na lawmna kal zel puala tun thla ni 18 leh 29 inkara ramchhung Block hrang hrang ‘Block Level Health Mela’ neih tura ruahmanna kal zelah nimin khan Kamalanagar Public School, Chawngte leh Khawbung-ah te Health Mela hi neih leh a ni.

Mamit-ah MLA in vailiam

Roads & Infrastructure Development Board Vice Chairman leh Mamit Bialtu MLA Er. H. Lalzirliana chuan nimin khan Mamit District chhunga School hrang hrangte tan Text Book, Sanitary Pads/Vending Machines leh Incinerators (Sanitary Pads hal ralna) semna hun a hmang a, he hunah hian zirna In 93 te hnena heng bungraw sem turte hi a vailiam a ni.

PAMRA in an kut-a hlan duh

Peace Accord MNF Returnee Association (PAMRA) chuan nimin khan Aizawl-a an Office-ah Special Assembly an nei a, Remna Run Tlang-a Martar Thlanmual (Cemetry) siam tawh MNF Party in sawrkar kut-a a hlan chung-chang chu he hunah hian ngaihtuah niin, hun lo la awm zel tur thlirin, sawrkar inthlak zel theih a nihna ah hlamchhiah a nih mai an hlau tih an sawi a, PAMRA chu sawrkar-a in register an nih tho avangin an kutah hlan mai zawk tha an tih thu an sawi bawk. Hei bakah hian PAMRA Special Assembly chuan Bangladesh-a Zohnah-thlak te harsatna an tawh chungchang pawh ngaihtuahin, an lo tih tawh thin angin tanpui nise an ti bawk.

Zirtirtute hrilhfiah an ni

Nimin khan Champhai-ah Primary, Middle leh High School Zirtirtute tan Fit India, Physical Education leh Zonal Sports chungchang inhrilh-fiahna neih a ni a, Directorate of School Education buatsaiha he hun hman hi District Bawrhsap James Lalrinchhana chuan hmanpuiin Fit India Movement kalpui mekin a tum bulpui ber chu taksa, rilru leh thlarau hriselna te kalkawp vekin kan nitin nuna behtir a ni tih a sawi. Champhai DC chuan Zirtirtu hna chu ram leh Pathian rawng-bawlna a nih avangin mawhphurhna a sang hle tih pawh sawiin, Naupangte hnena ngaihhlut tur an zirtir chu kum 15-20 hnuah te a lan chhuah chauh thin avangin zirtirtu hna chu dawhthei tak leh inpekna nena tih takzeta tanlak ngaihna a nih thu a sawi bawk.

COVID-19 hri kai 103 hmuh belh leh an ni

Niminpiah khan Mizoram-ah COVID-19 hri kai mi 103 hmuh belh leh an ni a, Sample enfiah 1927 atanga chhutin za zela 5.35 te chuan hri an kai a ni.

Super Specialty Cancer and Research Centre din dan tur JICA mithiam te nen sawiho a ni

Zemabawk-a Super Specialty Cancer and Research Centre din tur chungchang chu nimin khan Chief Minister Zoramthanga hovin sawrkar mi pawimawh te leh JICA-a mithiam ten an sawiho.

Sawrkar inrelbawlna hmang tlem anga lan tum ah puh

Congress MLA Lalrindika Ralte chuan MNF sawrkar chuan sawrkar hnathawkte hlawh tur nasa taka titlemin, sawrkar chu inrelbawlna senso atana sum hmang tlem tur anga budget-a inlantir tum ah a puh.

National Apprenticeship Mela 2022 hman a ni

Apprentice ni duhte leh ruai theite tana intawhkhawmna hun, National Apprenticeship Mela chu ramchhung hmundangte rualin nimin khan Aizawl-ah pawh hman a ni.

Thudik hriat tum thin turin zirlaite chah

Sports & Youth Services changtu Minister Robert Romawia Royte chuan Lehkhabu te, chanchinbu te leh TV atangte a thu dik hriat tum turin zirlaite chu a chah.

Sialhawk khaw chawmna tur tuilakna hawng

NABARD (RIDF-XXIV) sum cheng nuai 1261.78 senga Raifan lui atanga nizung chakna hmanga Sialhawk khua chawmna tur tuilakna, Sialhawk Water Supply Scheme chu nimin khan bialtu MLA leh Deputy Chief Minister Tawnluia chuan a hawng.

Junior Football Championship khel zel

Serchhip District Junior (Under-17) Football Championship 2022 chu nimin khan khelh chhunzawm leh a ni.

MLA Fund hi mipui ta a ni a, dik taka hman a nih chuan hna tam tak a thawh theih - Lalduhoma

Image
Serchhip bialtu MLA Lalduhoma chuan Serchhip bial chhunga MLA Fund hmanna tam zawk chu tha tak taka thawh anih avanga lawmthu sawiin, “MLA Fund chu mipuite ta a ni a, dik taka hman chuan hna tam tak a thawh theih a ni,” a ti.

ASF hri leng palh thei chungchang sawihona nei

Tunhnaiah Mizoram hmun thenkhat ah Vawk hri, African Swine Fever (ASF) a rawn len leh tak avangin hemi laka Serchhip District a him theih dan tur nimin khan Serchhip DVO Office ah sawiho a ni.

Hri kai 24 hmuh belh leh

Nimin khan Serchhip District-ah COVID-19 hri kai mi 24 hmuhchhuah leh an ni.

Bialtu MLA in tlawh

Image
Serchhip-a rawn zin mek bialtu MLA Lal-duhoma chuan nimin khan Serchhip-a Agriculture Complex chu a tlawh. Serchhip bialtu MLA hi Serchhip DAO Tlangtimawia Zote leh a thawhpui ten lo dawngsawngin Conference Hall-ah inkawmna neiin an hmalakna leh hnathawh hrang hrangte an lo hrilh a, hemi hnu hian Agriculture Department hmalakna a Ran chaw herna bakah Tel An leh Chhawhchhi herna hmun te chu a tlawh bawk a ni. Serchhip Bialtu MLA hi nizan khan Serchhip-ah riakin Vawiin lam hian Mat phai-a Wheat chinna hmun chu tlawh leh a tum a ni.

Sava thang mankhawm halral

Image
Serchhip Sub-Hqrs. YMA in Sakhisih Sanctuary leh Entlang Social Forestry an enkawl meka Sava awhna tur Thangkam an man te chu nimin khan Serchhip District Honorary Wildlife Warden RL. Chhuanawma chuan a halral.

A thlawna inentirna nei

Image
Beti Bachao Beti Padhao (BBBP) Serchhip District hmalakna in nimin khan Serchhip District-a Ngentiang khua ah a thlawna inentirna neih a ni a, he hunah hian Serchhip atangin Chief Medical Officer Dr. Lalzawmi hovin thawktu hrang hrangte kalin mi 203 zet an inentir a, Laboratory-ah mi 23 enfiah niin ECG-ah mi 19 en an ni bawk a, a mamawh te hnenah a thlawnin damdawi sem nghal a ni bawk. He inentirna hi mipui ten an hlut hle a, khawchhe hnuaiah an khaw thenawm, Lungpho leh Rullam khua atang te pawhin inentir an awm bawk a ni.

Zangnadawmna pek phut

PC Party Thalaite chuan nikum March 2021 atanga Dec. 30, 2021 thlenga ASF avanga Vawk vulha eizawngtu, kut benga awm zawng zawngte zangnadawm nana sawrkar laipuiin Rs. 5,84,97,000 Mizoram sawrkar kuta a rawn pek tawh vawiin thlenga Mizoram sawrkar in ala hupbet reng chu hriatthiam har an tih thu leh a changtu Minister an dem thu thuchhuah siamin an tarlang a. Sawrkar in kuthnathawktute a ngaihthah zia a tilang chiang hle nia an ngaih thu pawh tarlangin, a rang thei ang bera a dawngtu turte hnena pe turin Mizoram sawrkar an phut thu an sawi bawk.

ASF vangin Vawk thi leh

Nimin khan Mizoram-ah African Swine Fever (ASF) avangin Vawk thi 15 awm lehin Vawk 7 suat a ni bawk a, heng te nen hian ASF thawh hnihna ah Mizoram pumah Vawk 865 thi tawhin 152 suat a ni tawh bawk a, ASF vanga thi nia rinhlelh Vawk 155 a awm tawh bawk a ni.

Ex-MNA General Assembly

Ex-Mizo National Army Association (Ex-MNA) General Assembly Vawi 11-na chu nimin khan Dawrpui Multipurpose Hall, Aizawl-ah neih a ni a, he huna tel te hian kum 2018-a MLA General Election MNF Manifesto Political 4-na thu angin Hnam Sipaite leh Martar chhungte chhawm-dawlna tur ruahmanna siamsak turin MNF Sawrkar an ngen tih Resolution siamin an pass a, “Kum 2023-a MLA General Election awm turah kan Chief Minister Pu Zoramthanga kaihhruai hian hnehna a chanpui ngei kan ring a, a tihlawhtling turin rinawm takin a kan zui zel dawn,” an ti bawk.

Board thutkhawm nei

SEDP hnuaia Sports, Youth Affairs, ICT and Tourism Development Board chu nimin khan an Chairman leh Tourism Minister Robert Romawia Royte hovin SAD Conference Hall-ah an thukhawm a, an Board hnuaia Department pathum ten SEDP hnuaia hma an lakna turte an sawiho a ni. He hunah hian Tourism Minister chuan an Board hnuaia SEDP hmalakna tur chhawpchhuah chin te chu mimal leh chhungkua tinzawn ‘beneficiary oriented’ ni lo mahse khawtlang anga hmasawnna (Social Development) SEDP pawhin a tum chu a thleng thei niin a sawi a. SEDP chu replacement programme nilovin Supplementary programme a nih dan te sawiin, mite tuina tihchak leh tihphuisui chu a tum lian tak niin a sawi bawk. He hunah hian Department hotu ten ruahmanna te sawifiahin, uluk leh zau taka an sawiho hnuin Chief Minister kaihhruaina hnuaiah SEDP Board Meeting hi neih nise, chutah chuan Board hmalak tum dan hrang hrang te chu chhawpchhuah nise an ti a ni.

Niminpiah-ah hri kai hmuhchhuah pung leh hret

Niminpiah khan Mizoram-ah COVID-19 hri kai mi 125 hmuh belh leh niin Sample enfiah 758 atangin za zela 16.49 te chuan hri an kai a ni.

MLA Fund-a School Building sak thar hawng

Mamit District chhung Bawngthah khuaa Bawngthah High School Building sak thar chu nimin khan bialtu MLA Lalrintluanga Sailo chuan a hawng.

Excise & Narcotics Department in kum liamta ah Chhiah chi hrang hrang Rs. 1,79,92,165/- zet an hmu

Mizoram sawrkar-a Excise & Narcotics Department chuan sawrkar kum kalta chhung khan Zu leh ruihhlo chi hrang hrang tam tham tak manin Chhiah Rs. 1,79,92,165/- zet an hmu bawk.

Hri kai 62 zet hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, he thu buatsaih lai hian hri kai hmuhchhuah thar te Veng leh khua kimchang hriat theih ala ni lova, District hrang hrangah hri kai hmuhchhuah leh enkawllai an tlakhniam tawh viau laiin Serchhip District-ah erawh ala tlahniam chak vak lo a ni.

Industrial Estate-a ram pek danah lungawilo

Industrial Estate chhunga ram pek dan chungchang ah Industry neitute chuan an lungawi loh thu an sawi.

Minister in Zirtirtute theihtawp chhuah turin a fuih

School Education Minister Lalchhandama Ralte chuan sawrkar School-ah zirlai naupang an pun chhoh avang hian zirtirtute chu an hna ah theihtawp chhuaha Missionary rilru pu turin a chah.

Serchhip CJM kaisang

Serchhip District Court-a Chief Judicial Magistrate Ngursangzuali Sailo chu tunhnai khan Grade-I ah kaisangin Aizawl-ah Additional District & Session Judge hna chelh tura sawn a ni a. A aiawh tur hi dah la ni lovin tuna Serchhip District Court-a Civil Judge-cum-JMFC hna chelh mektu Renee Lalremsiami chuan CJM mawhphurhna hi a chelh rih dawn a ni.

SDO (S) thlahna hun hmang

Serchhip DC Office-a SDO (Sadar) hna chelh mektu C. Laltleipuii chu Tourism Department-ah Under Secretary hna chelh tura sawn a nih tak avangin nimin khan Serchhip DC Office-a thawktute chuan Bawrhsap hovin a thlahna hun an hmang a, SDO (Sadar) hna hi Settlement Officer hna chelh mektu Lalzikpuii chuan a chelh zui dawn a ni.

Registrar of Marriage Annual Training neih a ni

Image
Serchhip District chhunga Registrar of Marriage te tan kumtin-a neih thin an hnathawh dan chungchang inzirtir tharna chu nimin khan Serchhip Press Club-ah neih a ni.

Serchhip Police te tan ni 2 awh training neih tan a ni

Image
Serchhip District-a Police te tan an hnathawh dan chungchanga intuaitharna atan ni 2 awh training chu nimin khan Serchhip-ah neih tan a ni.

I&PR Dy. Director in Serchhip-ah District huap kum 17 hnuailam Football-a intihsiakna a hawng

Image
Serchhip District Junior (Under-17) Football Championship-2022 chu nimin khan Serchhip Sports Complex-ah khelh tan niin I&PR Deputy Director leh Serchhip District Information & Public Relation Officer (DIPRO) hna chelh mektu K. Saitluanga MIS chuan khuallian niin a hawng a ni.

Lehkhabu thar tlangzarh

I&PR Minister Lalruatkima chuan nimin khan ‘Thukphum’ tih lehkhabu chu a tlangzarh. Mizo thawnthu chungchang zirchianna chu nikum khan State pum huapa neih a ni a, he zirchianna hunah hian Mizo ziaktu kan neih thiam tak tak leh ril tak tak te thuziak te zirchianna an nei a, chuta tanga an thuziak te lakkhawm chu lehkhabu ah siamin ‘Thukphum’ hi buatsaih a ni a. Thuziak thawhtu hi an vaiin mi 23 an awm a ni.

Kangmei chungchang zirho

Nimin khan Mamit leh Lawngtlai-ah Fire & Emergency Services leh I&PR Department tangkawp chuan thuthar thehdarhtute tan kangmei ven dan tur inzirtirna neih a ni a, heng hunah hian kangmei chu chhiatna nasa tak thlen theitu a nih avangin a laka him nana inven dan leh fimkhur inzirtir chu a pawimawh reng thu leh mipui hnena darh zau zawka zirtirna pe tura thuthar thehdarhtute an pawimawh thu te tarlan a ni.

Save Tlawng Lui Project

Tlawng lui humhalh tura beihpui thlakna, Save Tlawng Lui Project Flag-off programme chu nimin khan Aizawl-ah hman a ni a, Sports & Youth Services Secretary Dr. Lalrozama chuan a vailiam a ni. Save Tlawng Lui Project hi ni 10 atanga 15 chhunga zo tura ruahman a ni a, he Project ah hian Romalsawma chuan Tlawng hnar Zobawk atanga tanin Bairabi-ah tawpin Tlawng lui hi a zawh chhuak dawn a. Tlawng lui humhalh a tul leh pawimawhzia inzirtirna atan te, Tourism Spot atana hmun tha leh remchang zawnchhuahna atan te hmangin Plastic bawlhhlawh in he lui hi a tih bawlhhlawh zia leh Plastic Waste Management ngaih pawimawh a tul zia inzirtirna atan te neih a ni dawn a ni.

Board thutkhawm neih a ni

Mizoram State Medicinal Plants Board Executive Body thutkhawm chu nimin khan an Chairman Dr. R. Lalthangliana hovin neih a ni a, he thutkhawm ah hian Mizoram chhunga ramhmul damdawi te a mang mai loh nan ching pung lehzual turin Nursery siam belh a rel a. Ram tana rotling Herbal Garden siam te, School naupangte tana ramhmul damdawi chungchang inzirtir leh inhrilh-hriat nan School Herbal Garden din tura chak taka hma lak te rel a ni bawk. State Medicinal Plants Board hi National Medicinal Plants Board ruahman angin kum 2011-ah din niin 2015 atangin AYUSH hnuaiah an awm a, ramhmul damdawi chinpun, humhalh, a chungchang inhrilhhriat leh kawng hrang hranga ti changtlung turin hma a la thin a ni.

Niminpiah-ah hri kai 99 hmuh belh leh a ni

Niminpiah khan Mizoram-ah Sample 1178 enfiah leh niin heng atang hian COVID-19 hri kai mi 99 hmuhchhuah leh an ni a, Sample enfiah atanga chhutin za zela 8.40 te chuan hri an kai a ni.

ZPM ten April thla chhunga CT Scan bunfel phut

Aizawl Civil Hospital-a CT Scan khawl bun mek chu nimin khan ZPM Party chuan an Working President K. Sapdanga hovin an tlawh a, he khawl hi tun thla chhung ngeiin bunfel nise an duh thu an sawi.

Bangladesh Commerce Minister rawn zin dawn

Bangladesh Commerce Minister Tipu Munshi chuan tunkar tawp khian zan thum cham turin Mizoram a rawn tlawh dawn a, nimin khan amah lo dawnsawn dan tur hi Commerce & Industries changtu Minister Dr. R. Lalthangliana hovin ngaihtuah a ni.

September thla thleng a thlawnin buhfai sem dawn

Sawrkar in a thlawna buhfai a sem thin chu AAY leh PHH te tan kumin September thla thleng sem chhunzawm a ni dawn.

Puih ngai leh puih tlak khaichhuah kawngah sawrkarin theihtawp chhuah zel a tum - Dy. Chief Minister

SEDP Executive Board Chairman leh Deputy Chief Minister Tawnluia chuan 2022-2023 Financial Year atangin SEDP kaltlangin kuthnathawktute tan theihtawp chhuah tum a nih thu sawiin, puih ngai leh puih tlak khaichhuah kawngah sawrkarin theihtawp chhuah zel a tum thu a sawi.

Hri kai mi 30 hmuh belh

Nimin khan Serchhip District-ah COVID-19 hri kai mi 30 lai hmuh belh leh niin hri kai enkawllai pawh mi 116 zet an la awm.

Serchhip District-ah kum kalta chhungin Crop Compensation nuai 14 chuang pekchhuah a ni

Image
Sawrkar kum kalta (April, 2021- March, 2022) chhung khan Serchhip District-a kuthnathawktu mi 455 te hnenah chhan hrang hrang avanga an thlai chhiat avangin zangnadawmna (Crop Compensation) cheng nuai 14 chuang pekchhuah a ni.

Junior Football khel dawn

Serchhip District Football Association in a buatsaih Junior Football Tournament chu Vawiin hian Serchhip Sports Stadium-ah khelh tan a ni dawn. SDFA buatsaih kum 17 hnuailam te inelna ah hian Team 13 an tel dawn a, heng te hi Group 4-ah thenin Group pakhat-a awm te hi an inhmachhawn kual hnuah Group tin atang hian point hmu sang pahnih zelin Quarter Final an lut dawn a ni. Vawiin hian match 4 khelh tura ruahman niin dar 11:00-ah inkhelh tan a ni ang.

Serchhip Block Level Health Mela Chhingchhip-ah neiin mipui ten an hlut hle

Image
India ram zalenna kum 75-na lawmna, Azadika Amrit Mahotsav kal zelah Ministry of Health & Family Welfare ruahman angin nimin khan Serchhip District-ah pawh Block Level Health Mela tan a ni a, Serchhip Block tan Health Mela hi Chhingchhip Community Hall-ah neih niin Chhingchhip leh a chhehvel khua ten he Health Mela hi an hlut hle.

DC-a thawk ten chhamrual

Image
Fire Service Week-2022 hman mek puala Fire & Emergency Services Department in thu chham tur an buatsaih chu Serchhip DC Office a thawktute pawhin nimin khan Addl. DC Lalmuansanga Ralte hovin chhamrualna hun an hmang.

Tuialhthei khuahkhirhna sut

Mizoram IOCL Tranporters Forum ten lung-awilohna an neih avanga Mizoram-a tuialthei phurhluh hna an chawlhsan avanga sawrkar in tuialhthei hralhchhuah dan khuahkhirhna tun thla ni 5-a a siam chu Mizoram IOCL Tranporters Forum te ten tuialhthei phurhluh hna an chhunzawm leh thawh hnuah Petrol & Diesel pawh pangngai taka Retail outlet (Petrol pump) ten stock an neih leh tawh avangin FCSA&CA Department chuan April ni 13, 2022 khan tuialhthei hralh dan khuahkhirhna a siam chu a sut leh tawh.

Vengchung YMA in In sak sak

Image
Serchhip Vengchung Branch YMA te chuan an huamchhunga Hmeithai chhungkaw pakhat chenna In tur chu nimin atang khan hnatlang in an sak sak.

Chhim lamah MNF President

MNF President Zoramthanga chuan nimin khan Lawngtlai tlawhin Vantlang Inkhawm ah thu a sawi a, SEDP hnuaiah chhungkaw 60,000 - 70,000 vel hnenah a bultan nan Rs. 50,000/- theuh sem a ni dawn tih sawiin, bial tinah chhungkaw 1500 aia tlem lo in an dawng dawn tih a sawi. MNF President hi nizan khan Lawngtlai-ah riakin MADC inthlana campaign turin Vawiin hian Siaha a pan leh ang.

MJA President in tlangzarh

Mizoram University Department of Geography & Resource Management-a Prof. VP. Sati lehkhabu ziah 'MIZORAM Land and People' tih chu nimin khan MJA General Hqrs. President C. Lalrambuatsaiha chuan Aizawl Press Club-ah a tlangzarh a, “Mizote ziak leh chhiar thiam lamah kan sang a, lehkhabu pawh a tam hle. Chutih rualin, lehkhabu chhiar lam kan tui ta chiah lo nge, tan kan lâk thar a tul hle a ni,” a ti.

Candidate 85 awm dawn

Thla thar May 5-a Mara Autonomous District Council inthlanna neih tur atana inhnuhdawh theih hun chu nimin tlai dar 3:00 khan tawpin Nomination paper thehlut zingah inhnukdawk mi pakhat awmin heti hian Seat 25-a inthlanna neih turah Candidate mi 85 an awm dawn ta a. MNF chuan Seat 25-ah Candidate nei vekin BJP in 24 leh INC in Candidate 23 an nei dawn a, ZPM in Candidate 8 an neih dawn bakah Independent Candidate mi 5 an awm dawn bawk a ni.

Kawngpui siam mek tlawh

Nimin khan NH-302 Monitoring Committee for Tlabung chuan Tlabung leh Lunglei inkar kawngpui siam mek chu tlawhin he hna thawktu SRK Construction ten an hna hi thla khat (1) aia rei an thawk mumal tawh lo tih an sawi a, hna thawh hun chhung thla 18 an neih ah thla 6 dawn a ral tawh tih pawh sawiin, hna thawh hmasawnna erawh a tlem hle tih an sawi. He kawngpui-a awm Phairuangkai-a Lei pawh tlawh nghalin, hei Lei hi a thar dawh tumna awm mah se Lunglei District khawthlang lam mipui tan he Lei hi a pawi-mawh avangin a thawmthat hna leh a en zui hna uluk taka kalpui turin hnathawktute an ngen bawk.

World Heritage Day hmang

Kum 1983 atanga UNESCO-in a hman thin World Heritage Day chu nimin khan INTACH (Mizoram Chapter) chuan Aijal Club-ah an hmang a, kumin hian ‘Heritage and Climate’ tih chu he ni thupui-ah hman niin State Convener P. Rohmingthanga chuan pipu sulhnu leh kan ram rohlu leh hnam ro kan chawisan zela kan humhalh tlat a pawimawh thu a sawi. He ni denchhena lemziak intihsiakna result chu April 22-a Earth Day ah sem tura tih a ni. Khawvel thang chho zelah sik leh sa a danglam chak lutuk tawh a, hemi kawnga mipuite nasa leh zual hrilhhriatna (awareness) neih tam a pawimawh tih he hunah hian tarlan a ni a, Hnam ro - Tawng chi hrang leh lam leh zai te pawh kan chhawm nun zel a pawimawh thu he hunah hian sawilan a ni bawk.

Pathianni-ah hri kai mi 61 hmuh belh an ni

Pathianni khan Mizoram-ah Sample 173 enfiah leh atangin COVID-19 hri kai mi 61 hmuh belh leh a ni a, Sample enfiah atanga za zela 35.26 te chuan hri an kai a ni.

Health Minister in ZMC-a hnathawh a tlawh

Health Minister Dr. R. Lalthangliana chuan nimin khan Zoram Medical College, Falkawn tlawhin hmasawnna ruhrel thawh mek a en.

Mizorama chengte chu mahni taksa hriselna uluk zawka inchik mamawh kan ni - Health Minister

Health Minister Dr. R. Lalthangliana chuan Mizorama chengte chu mahni taksa hriselna tun aia uluk zawka inchik mamawh kan ni tih a sawi.

Hmun hnih-ah Bamboo Link Road kalpui dawn

Adviser to Chief Minister (Technical) Er. K. Lalsawmvela chuan Bamboo Link Road chu Lengpui - West Serzawl leh Tuirial Airfield - Hmar Chaltlang lamah kalpui tur a ni tih a sawi.

SEDP atan Vaimim chi qtls. 3,000 chawlutin Price support awm thei turin hmalak a ni

Mizoram sawrkar Flagship Programme SEDP hnuaia Vaimim ching tur a thlan te hnenah Vaimim chi quintal 3,000 semchhuah tura ruahman a ni a, Agriculture Minister C. Lalrinsanga chuan SEDP Vaimim tharchhuahte chu Price Support a awm ngei theih nan Central hotute dawr mek an nih thu a sawi.

Thli vangin In chhia tam

Inrinni tlai khan thli leh ruah in Kolasib District-a khaw thenkhat nuaiin chenna In 251 zet a chhia a, Pangbalkawn khua chu a tuar na ber niin In 126 chhia ah 27 chu luahzui tlakloh a ni a, Bairabi-ah In 30 chhiain Meidum-ah 26 leh South Chhimluang-ah In 23 a chhe bawk. Mamit District-ah pawh In 18 chhiain 4 chu luahzui tlakloh in a awm bawk.

MJA leh I&PR Department in Badminton an khel

Mizoram Journalist Association (MJA) leh Information & Public Relations Department in kumin a kum 50 an tlin lawmna atan leh Serchhip DIPRO K. Saitluanga MIS a kaisan lawmna atan Inrinni khan MJA Serchhip District Member te leh Serchhip-a I&PR Department-a thawktute chuan New Serchhip Badminton Hall-ah ni khat awh Badminton Tournament an khel a, tlai lamah zanriah an kilho nghal bawk. Serchhip DIPRO K. Saitluanga chuan thuthar thehdarhtute chu hna pawimawh leh tul taka hna thawk thin an nih avangin an taksa sawi-zawina atan he hun hi buatsaih an ni pakhat tih a sawi a ni.

Hri kai enkawllai 115 awm

Serchhip District-ah COVID-19 hri kai enkawllai mi 115 la awmin hri kai zingah mi 33 an boral tawh.

Easter Sunday hman a ni

Nimin April 17, 2022 (Pathianni) kha Kristian te ni pawimawh ‘Easter Sunday’ niin Kohhran hrang hrang ten urhsun takin an hmang. Mihring te tlan tura Isua Krista Kross-a khenbeh a nih hnua thihna hneha a thawhlehna ni, Easter Sunday pual hian zingkar-ah Kohhran hrang hrang te chuan inkhawm neiin Salvation Army thalaite chuan rimawi hmanga Isua thawhlehna thu puangin khawlai an fang bawk a. Chawhma, Chawhnu leh Zan lamah he ni puala thupui thlansa hmangin thuchah ngaihthlak a ni bawk.

Health Mela neih a ni dawn

Vawiin hian Chhingchhip khua ah Hriselna Kutpui, Health Mela neih a ni dawn a, Serchhip atangin Doctor leh thawktu dangte an kal ang.

Boxer te fehchhuak dawn

Inter-District Boxing Championship vawi 18-na chu Vawiin atang hian Ramhlun Boxing Hall, Aizawl-ah khelh tan a ni dawn ta a, he intihsiakna a tel tur Serchhip District Boxer 36 te chuan Vawiin hian Aizawl an pan dawn a, Serchhip District aiawh turte hi District chhung khaw hrang hrang atanga thlanchhuah te an ni.

Serchhip District-ah kumin-a thla 3 chhungin CWC in thubuai 21 leh JJB in thubuai 4 ziaklut tawh

Kumin January atanga March thla chhung khan Serchhip District-ah Child Welfare Committee (CWC) chuan thubuai 21 an ziaklut a, Juvenile Justice Board (JJB) pawhin thubuai 4 an ngaihtuah bawk.

YMA in RBD te an ngen

Tlabung Branch YMA Kumpuan Sub-Committee te chuan Inrinni zing khan an khua leh a chhehvela Registrar of Birth and Death te kawmin India khua leh tui an ni ngei tih an hriatchian lohte hnena Birth Certificate pechhuak lo turin an ngen a, dân loa ramdangmi rawn lut belh zel tur titâwp tura tanrual a tul thu he hunah hian an sawi bawk.

MDC thlanna tur EVM enfiah

Thla thar May 5-a Mara Autonomous District Council MDC thlanna neih tur atana hman tur Electronic Voting Machine (EVM) enfiahna hmasa ber chu Inrinni khan Siaha-ah neih tan a ni a, ni 3 chhung EVM enfiahna hi neih tur a ni ang. MADC inthlanna atan hian EVM 140 chu Siaha-ah hian thlenpui a ni tawh a, heng te hi enfiah vek a nih hnuah 81 te chu Polling Station-ah hmangin a dang 59 chu a tul thuta hman theih turin dah a ni dawn bawk a ni.

Lawmthu sawina hun hmang

Inrinni khan Chin TV huaihawtin Aizawl a Dawrpui Multipurpose Hall-ah tunhnaia Myanmar raltlante Mizoram sawrkar leh mipui ten an lo dawnsawn dana lawmthu sawina hun hman a ni a, he hun hi East Tuipui bialtu MLA Ramthan-mawia chuan hmanpuiin Mizo mipuiten harsatna an tawh laiin Myanmar mipui ten duat takin an lo enkawl tawh thin tih a sawi a, “Mizoram buai vangin Mizo tam tak Burma-ah an chho a, heng mite hi duat takin an lo enkawl tawh thin a. Tunah Burma lama kan unau ten harsatna an tawk ve leh a, hetiang huna tanpui theia kan awm hi a lawmawm hle a ni,” a ti. He hunah hian Chin State Chief Minister Salai Lian Luai chuan an buaina hi thla 2/1-a reh mai chi a ni lo tih sawiin, “Mizo mipuite pawh min ning mai lo a, a tawp thlenga min tanpui turin ka duh che u a ni,” a ti bawk. Chin TV hian raltlan buaipui kawnga an thawh that avangin Chief Minister Office, Central YMA, MJA, MZP, ZORO, MRRCM te hnenah lawmthu sawina thilpek an hlan a ni.

Hri kai zingah za zela 99.46 enkawl dam tawh

Mizoram-a COVID-19 hri kai hmuhchhuah zinga za zela 99.46 te enkawl dam ni tawhin hri kai enkawllai 528 an la awm mek.

Martar thlanmual tih changtlun dan tur enho

Aizawl Luangmual-a Martar Thlanmual siamthat leh tihchangtlun dan tur chu Inrinni zing khan Chief Minister Zoramthanga hovin a hmun ah en a ni.

SRS din leh turin mipui nawrna a nasa tih sawi

Central YMA President R. Lalngheta chuan Supply Reductioin Service (SRS) din leh turin mipui nawrna a nasa tih sawiin, Myanmar atanga kan unau raltlan rawn lutte chu ruihhlo rawn kenglut lo turin a ngen tih a sawi.

Joint Secretary in sawrkar hmalakna tha a ti

Ministry of Housing and Urban Affairs, Govt. of India-a Joint Secretary (Coordination and North East) Pankaj Kumar Singh chuan a hmuh chinah Mizoram sawrkar hmalakna a that thu leh lawmawm a tih thu a sawi.

Mizoram Lokayukta-ah thubuai 44 a lut tawh

Mizoram Lokayukta chuan a din tirh kum 2019 atanga kumin thlengin thubuai 44 a dawng tawh a, kumin chhunga thubuai an dawn 7 zinga 3 chu Lengpui Airport cheithat hnathawh kaihhnawih chungchang a ni.

Enkawllai 94 la awm mek

Serchhip District-ah COVID-19 hri kai enkawllai mi 94 an awm mek a, hri kai enkawl dam tam lam pawh zaa 99 aiin a tam tawh a ni.

BUH NATNA

BUH NATNA - R. Lalrinawma ADAO, Serchhip Contact : 8131938465

Kristian ni pawimawh hmang

Nimin April 15 kha Kristian te ni pawimawh Good Friday niin Serchhip-ah pawh Kohhran hrang hrang ten urhsun takin an hmang a ni.

Pawl 2 ten thisen pe

Serchhip Chhim Veng Branch KTP te chuan Nilaini khan Serchhip Blood Bank-a dah turin thisen Unit 24 an pe a, thisen petute hi mipa 20 leh hmeichhia 4 an ni. Nilaini vek khan Govt. Serchhip College NCC te chuan Serchhip Blood Bank-ah hian thisen Unit 13 an pe bawk a, thisen petute hi mipa 8 leh hmeichhia 5 an ni.

Badminton khel dawn

Mizoram sawrkar-a Information & Public Relations Department leh Mizoram Journalist Association (MJA) in kum 50 an tlin lawmna atan leh Serchhip DIPRO K. Sailtuanga, tunhnaia a kaisan lawmna atan MJA Serchhip District Member leh Serchhip-a I&PR Department-a thawk te tan Vawiin hian ni khat awh Badminton Tournament chu New Serchhip Badminton Hall-ah khelh a ni dawn.

YMA in DC hnenah thlen

National Highway-54 laihzauh leh siamthat hna thawh mekah Serchhip leh Keitum inkar, bawlhhlawh paihna hmun bula Company lam ten leivung dawlna tura Retaining Wall an siam chu a tha tawklo deuh nia sawi a awm avangin Serchhip Sub-Hqrs. YMA Vigilance & Monitoring Committee chuan hemi chungchang hi Nilaini khan Serchhip District Bawrhsap Nazuk Kumar IAS chu a Office-ah hmuin an sawipui a, Bawrhsap chu he hnathawh hi a hmuna enpui tur leh a nihna tur anga hna an thawk lo a nih chuan a tul anga hmalakpui turin an ngen a ni. District Bawrhsap chuan Sub-Hqrs. YMA Vigilance & Monitoring Committee te thu thlen chu a lo ngaih pawimawh tur thu leh a tul anga hma lain, a hmuna en ho a tul a nih chuan an en ho tur thu a lo hrilh bawk a ni.

NAAC 'A' Grade Accreditation lawmpuina atan Govt. Serchhip College nuai 612 pek an ni dawn

Image
Chief Minister Zoramthanga chuan Govt. Serchhip College in NAAC 'A' Grade Accreditation a hmuh lawmpui nan Administrative Building sak nana an dil cheng nuai 612 chu pek an nih tur thu a sawi.

Vaccine pek tawh dinhmun

Ningani thleng khan Mizoram-ah COVID-19 vaccine dose 15,44,715 pekchhuah a ni tawh a, mi 8,40,917 ten Dose 1-na la tawhin mi 6,74,708 te chuan Dose 2-na lain Vaccine an lak tur an la kim a, mi 29,090 ten Precautionary Dose an la tawh a ni.

Maxi Cab service leh dawn

Champhai leh Aizawl inkar-a Maxi Cab service ten kawng siamtu Company te nen harsatna an neih avanga Maxi Cab Service an chawlhsan lailawk chu an harsatna te Court-ah kalpui tura an tih tak avangin Vawiin atang hian dan pangngai anga service chhunzawm an tum thu an sawi.

Environment humhalh sawiho

Mizoram First-te chuan Nilaini khan Aijal Club-ah Environment humhalh chungchanga inrawnkhawmna an buatsaih a, tuna kan kal anga kan kal chuan reilo te ah Mizoram in tui, ramngaw leh leilung atanga kan hmuh, kan mamawh tam tak hi hmu lovin Mizoram hi chenna tlakloh ah a awm thei mai dawn a ni tih he hunah hian an sawichhuak a, Environment humhalh kawnga thawk mekte nena thawhho zel tumin mipuite chu hemi kawnga thawhpui-ah an sawm bawk.

Candidate 86 awm mek

Thla thar May 5-a Mara Autonomous District Council-a MDC thlanna neih tur atana hming pekluh te chu enfiah a nih hnuah pawm vek niin he inthlanna ah hian Candidate mi 86 an awm a, inhnukdawk duh te tan karleh Thawhtanni chawhnu dar 3:00 thleng hun hawn a ni ang. Seat 25 awmna MADC inthlan ah hian MNF leh BJP te chuan Seat 25 an chuh vek a, Congress chuan seat 23 chuhin ZPM in Seat 8 an chuh ve bawk a, Independent-a inthlan chuh tum mi 5 an awm bawk a, inthlan campaign boruak pawh a lian sawt viau nia thudawn a ni bawk.

Home Minister in hawng

Home Minister Lalchamliana chuan Ningani khan Aizawl Falkland Veng-ah man chawia silai kahna hmun Zakamlova Shooting Range chu a hawng a, he hunah hian Home Minister chuan Shooting Range hawn thar chu silai kahna hmun a nih mai bakah Shooting Range enkawltu ten silai himna chungchang Course te an paltlang avangin silai him tak leh fimkhur taka chelek leh enkawl dan inzirtirna hmun a nih a beisei thu a sawi a. Aizawl-ah ringawt pawh silai leh silai mu zuartu Arms & Ammunition Dealer 16 lai an awm thu te sawiin, silai leh hriamhrei te hi hnathawh nan leh mahni inven nan thil tangkai tak a nih rualin a chelektute an fimkhur tawk loh avanga Sawrkar phal loh sapel leh ramsa vehte an intipalh fo leh hemi avanga nunna chan an awm chu thil pawi tak a nih thu a sawi bawk.

Mizoram-ah COVID-19 hri kai enkawllai 516 la awm

Mizoram-a COVID-19 hri kai hmuhchhuah tawh zawng zawng chu 2,25,962 niin nimin tlai thleng khan hri kai enkawllai 516 an la awm a ni.

Mizoram-ah lirthei 3,18,465 awm niin chhinchhiah

Transport Department chhinchhiah daninMizoram pumah lirthei 3,18,465 awm mekin kumin ah March thla thleng khan lirthei chhinchhiah thar 6120 a awm leh tawh.

Governor in Mizo mipuite hawihawm an ni tih a sawi

Mizoram Governor Hari Babu Kambhampati chuan Mizo mipuite chu mi hawihawm tak, khualzinte duat thiam leh remna leh muanna ngaina tak an ni tih a sawi.

Taxation Deptt. chhiah hmuh vbc. 834.61 a tling

Mizoram sawrkar-a Taxation Department chuan kum liamta 2021-22 chhung khan Chhiah chi hrang hrang Rs. 8,34,61,77,548 a hmu a, kum 2021-22 chhunga sawrkarin Taxation Department sum hmuh zat tur a bituk (target) chu Rs. 1,84,61,77,548 in an khum a ni.

Kum kalta ah CWC in case 289 chingfelin JJB in thubuai 151 an chingfel bawk

Nikum 2021-2022 chhung khan Child Welfare Committee (CWC) chuan case 289 an chingfel a, hemi hun chhung vek hian Juvenile Justice Board (JJB) pawhin case 151 an chingfel bawk a. CWC leh JJB case ngaihtuah zingah hian hursualna rawng kai lam a tam hle.

Hri kai 15 hmuh belh leh

Nimin khan Serchhip District-ah COVID-19 hri kai mi 15 hmuh belh leh an ni.

Agriculture Department in Serchhip-ah Dal thar

Image
Serchhip-a Agriculture Department in a enchhinna atana nikum-a Lentil Dal an chin chu seng mek niin kumin ah nasa zawka chin theih beisei a ni.

Zuk leh hmuam zirhona nei

Image
National Tobacco Control Programme Ser-chhip District hmalakna in nimin khan Presbyterian English School Serchhip (High School Section)-ah zuk leh hmuam thatloh zia inzirtirna hun hman a ni a, hetiang bawk hian nizan hmasa khan Serchhip Hmar Veng Kohhran Hmeichhia te chuan an Kohhran Hall-ah hetiang inzirtirna hun hi buatsaih bawkin zuk leh hmuam in taksa a tihchhiat theih dan leh natna hrang hrang a thlen theih te inzirtirna neih a ni a, naupang ten zuk leh hmuam an tih lohna tura chhungkua a nu te entawntlak an nih a tul thu te inzirtir a ni bawk.

Serchhip District-ah zirna In 52-ah Sanitary Pads Vending Machine leh Incinerator sem

Image
Samagra Shiksha Serchhip District chuan nimin khan Serchhip Town chhunga zirna In hrang hrangah Sanitary Pads Vending Machine leh Incinerator an semchhuak a, hetiang khawl hi Serchhip District-a zirna In 52-ah sem tur niin hemi rual hian School hrang hrangan Library Books semchhuah nghal a ni bawk.

MIGAHTA hruaitu thlanna nei

Mizoram Govt. Adhoc Aided High School Teacher Association (MIGAHTA) Serchhip District chuan nimin khan CMS Picnic Spot, Chawm Kai-ah Conference vawi 5-na hmangin kum 2022-204 chhunga hruaitu tur thlanna an nei a, hruaitu atan hian mi 6- B. Vanlalsawma (Zoluti Memorial H/S Serchhip); Remkunga (Hrangturzo H/S North Vanlaiphai); C. Lalhmuakliana (Millenium H/S Chhiahtlang); Mary C. Lalnunpuii (N. Mualcheng H/S); V. Lalrinliana (Lungchhuan H/S) leh K. Lalzuitluanga (Hualliana H/S Hmuntha) te thlan an ni a, heng mite hian an chanvo tur an la insiam leh dawn a ni.

ILP fello mi 22 thawnkir

Image
Central YMA ruahmanna siam angin nizan hmasa khan Serchhip Sub-Hqrs. YMA leh Ser-chhip Police te chuan Serchhip khawpui chhung ah dan lova hnamdang awm dapchhuah hna thawkin ILP fello mi engemaw zat hmuhchhuah an ni.

Serchhip District Task Force on Immunization in hriselna kawnga hmalakna an thlirho

Image
Serchhip District Task Force on Immunization te chu nimin khan an Chairman leh District Bawrhsap Nazuk Kumar hova thukhawmin District chhunga Immunization Vaccine leh COVID-19 vaccine pek tawh dan bakah Malaria dona kawnga hmalak dan te an thlirlet a, hei bakah hian National Deworming Day hman dan tur leh Health Mela neih dan turte pawh an sawiho nghal bawk.

SBI in bungrua an hlan

State Bank of India chuan an Corporate Social Responsibility (CSR) atangin nimin khan cheng nuai 98.98 hu bungrua chi hrang hrang Chief Minister Zoramthanga hnenah an hlan a, bungrua an hlan te hi RT-PCR Test Kit 47,500; RAgT Test Kit 48,000 leh Truenat Quattro PCR Machine pahnih te niin Chief General Manager (NE Circle) RS. Ramesh chuan a hlan a ni.

MST Bus service tir dawn

Champhai leh Aizawl inkar Maxi Cab Service Owners' Association te leh kawng siamtu Company te inkarah inhriatthiamlohna a awm avangin Maxi Cab neitute chuan tukin atangin hian Maxi Cab service chu tiamchin awm lova tihtawp an tum a, hei vang hian Mizoram sawrkar chuan tukin atang hian Aizawl leh Champhai inkarah MST bus a service tir dawn a ni.

Hming pekluh hun tawp ta

Mara Autonomous District Council-a MDC Seat 25-a inthlanna neih tur atana hming pekluh hun chu nimin tlai dar 3:00 khan khar a ni ta a, he inthlan chuh tum Political Party Candidate te chuan nimin-ah vek Nomination an File avang leh Independent-a inthlan chuh tum an tam bawk si avangin tlai dar 3:00 khan Nomination File hi zawhfel hman a ni lova, an paper thehluh te la enfiah zui a tul avangin hming pelut zat hi hriat theih ala ni lo a ni. MNF leh BJP chuan Seat 25 hi chuh vek an tum a, INC chuan Seat 23 chuh bawkin Independent Candidate 2 an thlawp a, ZPM chuan Seat 8 an chuh dawn bawk a ni.

CM hnenah lawmthu sawi

Indiana Falam Chin Community, USA hruaitu thenkhat te chuan nimin khan Chief Minister Zoramthanga chu a Pisa-ah hmuin Mizoram in Myanmar raltlante a lo tuamhlawm danah lawmthu an hrilh a. Myanmar rambuai avanga Mizorama sahimna zawng an unaute Mizoram sawrkar leh mipuiin a lo dawnsawn a, an mamawh ang ngaih-tuaha an lo tuamhlawm dan chu ropui an tih thu Indiana Falam Chin Community, USA aiawh Mizorama lo kal te chuan an sawi a. Chief Minister chu thilpek an hlan bawk a ni.

Supply Minister in thlen

New Delhi-a cham mek Supply Minister K. Lalrinliana chuan nimin khan sawrkar laipui a Petroluem Ministry Secretary Pankaj Jain chu kawmin Mizoram-a Oil phurhluh man rate chung-changa buaina awmte a sawipui a, Minister ngenna leh thurawn angin Oil phurhluhna rate hi IOCL te nen an lo en that tur thu a ni. Heng bakah hian Supply Minister hian Oil Depot siamna tur a ram endik leh zirchhianna (technical feasibility) te rang zawka kalpui dan tur a sawipui bawk a, hemi chungchangah hian Union Secretary chuan Railway Siding (Rel kawng pangngai atanga penna, Oil Depot lama penna tur) siam ngai pawh Railway Ministry lamin a rang lama zirchianna an neih theih nan hma a lak ve tur thu a sawi bawk.

COVID-19 hri kai thar 91 leh dam 120 awm belh

Mizoram-ah niminpiah khan Sample 1126 enfiah leh niin heng atang hian COVID-19 hri kai mi 91 hmuh an ni a, Sample enfiah atanga chhutin za zela 8.08 ten hri an kai a ni.

RD Deptt. Minister hovin hmalakna thlirho a ni

Rural Development Minister Lalruatkima hovin nimin khan Rural Development Department hmalakna chu Planning & Programme Implementation Department Conference Hall-ah thlirho a ni.

Ramri-a insumdawn tawnna Governor sawipui

International Trade Initiative Forum (ITIF), Mizoram chuan nimin khan Mizoram Governor Hari Babu Kambhampati chu Raj Bhavan-ah kawmin Zokhawthar-a Indo-Myanmar Trade pangngai taka a kal theih dan tur an sawipui.

ILP enfiah runpui nei

Central YMA ruahmanna angin nizan khan Serchhip Sub-Hqrs. YMA chuan Serchhip Police te nen tangtlangin Serchhip khawpui chhunga hnamdang awm te Inner Line Permit (ILP) enfiah runpui an nei a, he hunah hian ILP fello mi 40 vel man niin he thu buatsaih lai hian Branch thenkhat ah la zawhfel loh a nih avangin hei ai hian an la tam mai thei nia thudawn a ni. Nizan a ILP fello man zingah hian ILP buaipui lai nia insawi chu a tam ber an ni a, Serchhip Police ten a tul angin hma an la zui dawn a ni.

Hri kai 29 hmuh belh leh

Nimin khan Serchhip District-ah COVID-19 hri kai mi 29 hmuh belh niin hri kai mi 18 enkawl dam an ni thung.

Hming pek hun tawp dawn

Thla thar May 5-a Mara Autonomous District Council (MADC) inthlanna Seat 25-a neih tur atana hming pekluh hun chu Vawiin hian a tawp dawn ta a, nimin khan MNF Party chuan an Candidate turte hi puangin Vawiin ah Party dang te pawhin an puang ve ang.

SEDP Vaimim chi sem mek

Image
Serchhip-a Agriculture Department chuan SEDP hnuaiah chhungkaw 830 te chu Vaimim chi an pe tawh.