MLA thlanna neih thuai a tul
MLA thlanna neih thuai a tul
Posts
Dan bawhchhia 22 man
COVID-19 No Tolerance Drive neih mek ah nimin khan Serchhip District-ah Dan bawh-chhia mi 22 man leh an ni a, an vai hian Police te man vek niin an sum chawi tlingkhawm chu Rs. 5800/- a ni. Dan bawhchhia hi Serchhip-ah 18 manin Chhingchhip-ah mi 4 man an ni.
Hri kai pung chho zel
Zirtawpni-a Sample enfiah atangin Serchhip District-ah COVID-19 hri kai mi 4 hmuh niin Inrinni-a Sample enfiah atangin hri kai hmuh an awmlo thung.
BDO ram laih rawn enfiah
Mizoram sawrkar-a Information & Public Relation leh RD changtu Minister, Lalruatkima chuan Inrinni zing khan Serchhip-a Block Development Office (BDO) hmunhma leh BDO Staff Quarters sakna tur hmunhma te a enfiah.
Mizoram khawpui fai inelna neih mekah Serchhip khawpui fai dan enfiah a ni
Mizoram khawpui Fai thlanna kal mekah Inrinni khan khawpui fai endiktute chuan Serchhip khawpui chhung an endik a, chawhnu lamah Thenzawl an endik leh bawk.
Mizoram-ah COVID-19 hri kai hmuhchhuah tlen zel
Zirtawpni-a Mizoram-a Sample enfiah atangin COVID-19 hri kai mi 18 hmuh belh an ni a, Inrinni-a sample enfiah atangin hri kai 16 hmuh niin hri kai hmuhchhuah hi an tlahniam mek a ni.
‘Khuangchera Project : Huaisen inzirtir’ hawn a ni
Mizoram Youth Commission (MYC) buatsaihin, ‘Khuangchera Project : Huaisen inzirtir’ programme chu Zirtawpni zan khan HYVE Aizawl City Hall-ah hawn a ni.
Chawhmeh man sang buaipui chhunzawm zel a ni
Aizawl khawpui chhunga chawhmeh man sang lutuk ti ziaawm turin sawrkarin MIZOFED leh MAHFED te tlawm zawka chawhmeh lakkhawm hnathawk turin a ruat.
DGP in Cyber Crime Police Station a hawng
Mizoram Police hnuaia Cyber Crime Police Station chu Zirtawpni khan Police Headquarters (PHQ), Khatla-ah Mizoram DGP, SBK. Singh chuan a hawng.
Kum thum kalta chhungin Mizoram-ah TB vei nunna chan an pung chho mek
Kumin January thla atanga September thla tawp thleng khan Mizoram-ah TB natna vei 1996 hmuhchhuah niin hemi chhung hian TB vei zingah nunna chan mi 37 an awm a. Tunhnai kum thum (2018-2020) chhungin Mizoram-ah TB vei leh TB vei nunna chan hi an pung chho mek niin a lang.
Serchhip enfiah dawn
Mizoram khawpui fai thlanna neih mekah Vawiin hian khawpui fai endiktute chuan Serchhip khawpui fangin an rawn enfiah dawn.
Mipui ten khawlai phiatfai
Serchhip-I Village Council Faina kawnga hmalakna pakhat atan nimin zing khan an huam-chhungah ‘Tual Phiah Runpui’ an nei. Serchhip-I Village Council Sanitation Committee hmalakna a Tual phiah Runpui neih ah hian an huamchhung a chhungkaw tin ten chu anmahni kawtkai theuh fai taka phiatfai tura ngen in, Serchhip-I VC mipui ten an zawm tha hle a, Village Council-I Sanitation Committee te chuan lawmthu an sawi a ni. Nimin zing vek khan Serchhip Chan-mari VC Sanitation Committee te pawhin an huamchhung a chhungkaw tin te chu mahni kawt theuh phiat fai tura tiin, In awmlohna hmun te chu Sanitation Committee Member ten hnatlang in an phiat bawk.
Kohhran Hmeichhe ni hmang
Nimin Nov. 27, 2020 kha Mizoram Presbyterian Kohhran Hmeichhe ni vawi 24-na a ni a. Hri leng mek avangin kumdang anga hman theih a nih loh bakah he Ni hman dan tura lo ruahman lawk anga hman theih a ni lo.
Dan bawhchhia 15 man
Serchhip District-a COVID-19 No Tolerance Drive neih mekah nimin khan Dan bawhchhia mi 15 man leh an ni a, heng mite pawisa chawi tlingkhawm chu Rs. 1500/- a ni. Nimin a Dan bawhchhe man 14 te chu Police ten Serchhip-a an man an ni a, midang pakhat pawh hi Serchhip Town-a man a ni bawk.
Hri kai pakhat hmuh belh
Niminpiah-a Serchhip District-a Sample enfiah 105 atangin COVID-19 hri kai mi pakhat hmuh leh a ni a, Serchhip District-a hri kai hmuhchhuah chu mi 154 an tling ta.
MzSRLM buatsaihin SHG te Loan pek an ni
Mizoram State Rural Livelihood Mission (MzSRLM) Serchhip RD Block buatsaihin nimin khan Thenzawl-a Golf Course Convention Centre-ah Block Level Credit Camp neih a ni a, Loan Cheng nuai 248.2 semchhuah a ni.
Farm Acts for Agriculture Reforms 2020 zirhona nei
Tun thla ni 30 thleng awh tur ‘Farm Acts for Agriculture Reforms 2020’ chungchang inhrilh-hriatna leh zirtirna chu Mizoram hmun hrang hrangah Oct. 23, 2020 atang khan neih a ni.
Mizoram-ah hri kai 23 hmuh belh leh an ni
Niminpiah-a Mizoram-a Sample enfiah atangin COVID-19 hri kai mi 23 hmuh belh leh an ni a, hri kai hmuhchhuah tamna Aizawl khawpui chhungah hri kai hmuhchhuah an tlem zel.
'COVID-19 No Tolerance Drive' kalpui zel tur niin hunpui laiin Programme huaihawt khap a ni
Mizoram-a 'COVID-19 No Tolerance Drive' kalpui mek chu kumthar January 10 thleng kalpui chhunzawm a ni dawn a, hunpui laiin Sawrkar programme pawimawh bik tihloh mipui hip thei programme huawihawt khap a ni.
CLP Leader in pawi ti
Congress Legislature Party (CLP) Leader, Zodintluanga Ralte chuan MLA atanga Lalduhoma ban a ni chu pawi an tih thu leh ZPM MLA dangte lakah pawh action la si lo a, Lalduhoma lakah chauh action lak a ni chu mimal inhuatna vang liau liauah a ngai tih a sawi.
Lalduhoma’n Speaker thutlukna chu Dan hmanga rorelna ni lovin politics-a phuba lakna niin a sawi
Serchhip bial atanga MLA atana thlantlin, MLA atanga ban tak Lalduhoma chuan a chungchanga Assembly Speaker Lalrinliana Sailo thutlukna chu Dan hmanga rorelna ni lovin, politics-a phuba a nih thu sawiin, “Kan kal zel dan tur chu kan party hruaitute'n an rel ang,” a ti.
India Constitution 10th Schedule Para 2(2) bawhchhia-a a puh Lalduhoma MLA atanga ban a ni
MNF MLA 12 ten India Constitution 10th Schedule Para 2(2) bawhchhia-a an puh Serchhip bialtu MLA, Lalduhoma chungchanga thutlukna chu nimin khan Assembly Spaker, Lalrinliana Sailo chuan puangin, Independent MLA-a thlan Lalduhoma chu Mizoram Legislative Assembly Member a nihna chu hlih sak (disqualify) a ni.
Footballer ropui Maradona a liam ve leh ta
Argentine Footballer, mi tam takin Footballer piang tawh zawng zawnga ropui ber leh thiam bera an ngaih, Diego Maradona chu nizan hmasa khan boralin kum 60 mi a ni.
Dan bawhchhia 17 man
COVID-19 No Tolerance Drive hman mek ah nimin khan Serchhip District chhungah Dan bawhchhia mi 17 man leh an ni a, heng mite pawisa chawi tlingkhawm chu Rs. 1800/- a ni. Nimin a Dan bawhchhia man te hi Police te man vek an ni a, Serchhip-ah mi 14 man niin Chhingchhip-ah mi 2 leh North Vanlaiphai-ah mi pakhat man an ni bawk.
Faina-a inelna ah endik
Kumin a Faina Hapta hman denchhena Serchhip khawpui chhunga Damdawi In, Hotel, Thingpui Dawr fai thlanna kal mekah nimin khan endiktu tura ruat, Serchhip Photographer Association (SPA) te chuan endik hna an thawk a, heng endiktute hi hlawm hnih-ah inthenin Faina Hapta puala inelna hrang hrangah endik hna hi ngawrh taka thawh mek a ni.
Faina hnatlang nei ve leh
New Serchhip South Village Council te chuan nimin khan khawtlang huap hnatlang neiin an huamchhung thenfai hna an thawk.
BADS in Zu bilhlai tichhia
Chhekhnai Branch YMA Anti-Drug Squad te chuan nimin zing khan an huamchhunga Zu bilhlai Zem 6 zet an tichhia.
Thutlukna puang dawn
MNF MLA mi 12 ten Serchhip bialtu MLA, Lalduhoma chu India Constitution 10th Schedule Para 2(2) bawhchhiaa puha Assembly Speaker hnena an hekna chungchangah Assembly Speaker, Lalrinliana chuan Vawiin chawhma dar 11:00 hian thutlukna a puang dawn a, DDK leh Cable TV-ah te Live Telecast a ni ang.
Hri kai thar 1, enkawl dam 1
Niminpiah-a Serchhip District-a Sample enfiah atangin COVID-19 hri kai mi pakhat hmuh a ni a, Serchhip District-a hri kai pakhat chu enkawl dam a nih hnuah nimin khan chhuahtir a ni bawk.
Duhoma’n hriatthiam har ti
Serchhip bialtu MLA, Lalduhoma chuan tun thlenga hri kai enkawlna hmun atanga chhuah tur te RT-PCR hmanga test an la ni lo leh Test Kit mamawh khawp sawrkar in ala pe theilo chu hriatthiam har a tih thu a sawi.
Mizoram-ah COVID-19 hri kai 20 hmuh belh an ni
Niminpiah-a Mizoram-a Sample enfiah atangin COVID-19 hri kai mi 20 hmuhchhuah an ni a, Mizoram-ah tualchhung-a hri inkaichhawng an tlem chho zel niin a lang.
MNF in LADC Election Campaign Kick-off an nei
MNF Party chuan nimin khan Lai Autonomous District Council (LADC) inthlanna neih tur atan Lawngtlai-a Mizo Hnam Run-ah ‘Campaign kick-off’ hun an hmang.
PC Party in Shadow Cabinet kalphung an zirho
Nimin khan PC Party hruaitute chuan Aizawl-a an Office-ah ‘Shadow Cabinet’ kalphung zirhona an nei.
Union Minority Affairs Minister Mizoram a rawn tlawh
Union Minority Affairs Minister, Kiren Rijiju chuan Mizoram rawn tlawhin nimin khan Siaha leh Lawngtlai khua te a tlawh.
Education Department-a thawktute hmalakna vangin Achievement Award an dawng tih sawi
School Education Department Director, James Lalrinchhana chuan School Education Department-a Zirtirtute leh thawktu ten hri leng kara hma an lakna avangin School Education Department chuan InSPA atangin chawimawina, Achievement Award a dawng tih a sawi.
Mizoram-a mi cheng te rilru kan inkharkhipna phelh hmasak a tul - MP, Rajya Sabha
Mizoram Rajya Sabha MP, K. Vanlalvena chuan kawngpui leh Tui-ah Mizoram chu ramdang tana tlawhpawh harsa a ni lo tih sawiin, ami chengte zawk hi kan rilru tlawhpawh harsa a nih avangin rilru lama kan inkhar-khipna hi phelh a tul hmasa tih a sawi.
Serchhip District atanga Bihar inthlan-a kal zingah hri kai 40 hmuhchhuah an ni tawh
Tunhnaia Bihar inthlanpui-a Serchhip District atanga Duty tura kal zingah COVID-19 hri kai mi 40 zet an awm tawh a, Serchhip District-a TrueNat Laboratory hman theiha hawn a nih hnuah he Laboratory atang hian hri kai 95 zet hmuhchhuah ni tawhin Serchhip District-a hri kai hmuhchhuah zinga a zatve aia tam chu he Laboratory atanga hmuh an ni.
Dan bawhchhia 22 man
COVID-19 No Tolerance Drive hman mek ah nimin khan Serchhip District-ah Dan bawhchhia mi 22 man leh an ni a, heng mite pawisa chawi tlingkhawm chu Rs. 2200/- a ni. Nimin a Dan bawhchhia man zinga 19 te hi Police ten an man niin heng bakah hian Chhingchhip-ah mi 2 leh Thenzawl-ah Dan bawhchhia mi pakhat man an ni bawk a ni.
Kenbo Bike lakluh khap
Serchhip District Magistrate, Kumar Abhishek chuan thupek tichhuakin Mizoram hmun tam tak, a bikin Myanmar ramri hrul khua ah te China siam Kenbo Bike chu mi thenkhatin an kawl tih hriat a ni tih tarlangin, heng Kenbo Bike te hi dan kalha lakluh an nih mai bakah mi thenkhatin sawrkar phalloh thil phurh velna atan an hmang fo thin tih hriat a ni bawk tih a tarlang a. Serchhip District chhungah Kenbo Bikes chelek leh hman khap tlat a tih tarlangin, dan lova Kenbo Bike lo kawlte chu man sak an nih mai bakah, dan angin an chungah hremna chelek a ni ang tih a tarlang bawk.
DISHA Meeting zo theilo
Serchhip District-a Sawrkar laipui ruahmanna hnuaia hmasawnna hnathawh thlirletna hun, District Development Coordination and Monitoring Committee (DISHA) thutkhawm chu nimin khan an Chairman Lok Sabha MP, C. Lalrosanga kaihhruaina hnuaiah Video Conference kaltlangin neih a ni a, Serchhip atangin District Bawrhsap, Kumar Abhishek hovin Serchhip DC’s Conference Hall atangin Line Department hotu ten lo zawmin Meeting tan a nih hnu lawkah inbiak-pawhna lamah harsatna a awm zui avangin karleh Thawhlehni-a chhunzawm tura tihtawp a ni.
MNF Block hruaitu tur ruat
MNF General Hqrs. chuan an Party Block hruaitu tur ruat tharin Serchhip East Block MNF President atan C. Vanlalsiamthara chu ruat a ni.
Hri kai 35 hmuh belh leh
Mizoram-ah hri kaichhawnna hriat mumal loh-a COVID-19 hri kai an tlahniam zel a, nimin-piah-a Mizoram-a Sample enfiah atangin COVID-19 hri kai 35 hmuhchhuah an ni.
SEDP hnuaia AH &ety Department hmalakna Pilot Project AH&Vety Minister in a hawng
Mizoram sawrkar Flagship Programme, Socio-Economic Development Policy (SEDP) hnuaia AH&Vety Department hmalakna bultan nan Pilot Project 2019-2020 chu nimin khan AH&Vety Minister, Dr. K. Beichhua chuan a hawng.
I&PR Director in MJA hruaitute a lawmpui
Information & Public Relations Department chuan MJA General Hqrs. hruaitu thar te lawmpuina hun nimin khan buatsaihin I&PR Director, Lallianpuii MIS chuan MJA General Hqrs. OB leh Executive Member te chu lawmpuina leh duhsakna a hlan.
COVID-19 vaccine sem leh buaipui dan tur Prime Minister hovin sawiho a ni
Prime Minister, Narendra Modi hovin India ram State hrang hranga Chief Minister te chuan nimin khan Video Conference hmanga inbiakna neiin COVID-19 Vaccine sem dan leh buaipui zui dan tur chungchang an sawiho a, Mizo-ram Chief Minister, Zoramthanga pawh a tel.
Hunpui atana inbuatsaih dan tur thlirho a ni
* Kohhran ho te ah ngenna siam tum a ni Nimin chawhnu khan Health Minister, Dr. R. Lalthangliana hovin COVID-19 hri leng kara kan hma lawka hunpui lo thleng tur atana Mizoram inbuatsaih dan tur ngaihtuahin thutkhawm neih a ni.
Serchhip-III VC hnatlang
Kumin a Faina Hapta puala Village Council fai thlanna kawnga hmalakna kal zelah nimin khan Serchhip-III Village Council chuan khaw-tlang huap hnatlang koin he hnatlang ah hian an huamchhunga Step leh lungrem te rawng an hnawih thar bakah an huamchhung an thianfai a, an rawng hnawih turte hi UD&PA Department lamin an tum sak a ni. Hnatlang hi Vawiin ah neih chhunzawm leh a ni ang.
PTS-a inkhunghrang thi in COVID-19 hri ala kai
Thenzawl PTS-a inkhunghrang lai niminpiah a boralta chu a sample enfiah a nih hnuah COVID-19 hri a kai tih finfiah niin Mizoram-a COVID-19 hri kai nunna chan chu mi 6 an tling ta a ni.
Dan bawhchhia 29 man
COVID-19 No Tolerance Drive neih mek ah nimin khan Serchhip District-ah hri leng mek laka himna tura Dan siam bawhchhia mi 29 man leh an ni a, heng mite pawisa chawi tlingkhawm chu Rs. 4700/- a ni.
BSF Sipai hri kai hmuh belh
Niminpiah-a Serchhip District-a Sample enfiah atangin COVID-19 hri kai mi 9 hmuh-chhuah an ni a, an vai hian BSF Sipai, State pawn atanga rawn lut an ni.
Serchhip-ah AHSA te tan intuaitharna leh HBYC chungchang zirhona neih tan a ni
Serchhip District chhunga Accredited Social Health Activist (ASHA) te tan ni 3 awh tur an hnathawhna kawnga intuaitharna leh Home Based Care for Young Child (HBYC) chungchang zirhona chu nimin khan neih Serchhip-ah neih tan a ni.
Mizoram-ah COVID-19 hri kai 50 hmuh belh leh
Niminpiah-a Mizoram-a Sample enfiah atangin COVID-19 hri kai mi 50 hmuhchhuah leh an ni a, Mizoram-a hri kai hmuhchhuah chu 3710 an tling tawh.
Champhai Leilet humhalh dan tur sawiho a ni
Nimin khan Land Revenue & Settlement Minister, Lalruatkima leh Law & Judicial Minister leh Champhai South bialtu MLA ni bawk, TJ. Lalnuntluanga te hovin Champhai Town Area huamchhunga leilet humhalh chungchang hmalakna kal mek leh hmalak zel dan tur sawiho a ni.
MBSE Office building sak hna tan loh hrethiamlo
National Student's Union of India Mizoram state (NSUI Mz) chuan Mizoram Board of School Education (MBSE) Office Building tun thlenga sak that hna thawh ala ni lo chu an hrethiamlo hle tih an sawi.
Mizo thalai Sipai tang duh tan Coaching hawn tum
Assam Rifle 23 Sector-a DIG, Brig. Digvijay Singh chuan Mizo thalai sipai tang duh leh a ti tak tak duh tan Coaching hawn a ni dawn tih sawiin, hemi ti hlawhtling tur hian MZP te chu thawhpui-a a sawm.
Zirtawpni-ah Speaker thutlukna puan a ni dawn
MLA a nihna atanga ZPM Legislature Party Group Leader, Lalduhoma ban tir tuma hekna chungchanga thutlukna chu tunkar tawp, Zirtawpni khian puan a ni dawn.
CCC tan tanpuina hlan
Serchhip District-a Anganwadi enkawltu, Serchhip Anganwadi Workers leh Helpers Association te hian COVID-19 hri leng mekah Serchhip District chhunga hri kai te enkawlna hmun, COVID Care Centre (CCC)-a mamawh tula hman turin nimin khan an sum thawkhawm Rs. 4000/- chu Serchhip CMO, Dr. Laldawngliana Sailo hnenah an hlan a, hetianga hri kai mek te enkawlna tura sum leh pai petute chungah hian an lawm hle tih Health Department hotute chuan an sawi a ni.
Theihai lui-a NH. 54 kawng kual zauh a ni dawn
Serchhip Leisang Veng-a NH. 54, Theihai lui kawrh kam-a kawng kual ulh lutuk chu Serchhip-VII Village Council hmalakna in laihzauh a ni dawn.
Dan bawhchhia 20 man
COVID-19 No Tolerance Drive neih mekah nimin khan Serchhip District chhungah hri leng laka mipuite himna tura Dan leh kaihhruaina siam te bawhchhia mi 20 man leh an ni a, heng mite pawisa chawi tlingkhawm chu Rs. 3800/- a ni. Nimin a Dan bawhchhia man te hi Police te man vek an ni a, ni 4 kalta chhungin Executive Duty ten ni 3 chhung chu Dan bawhchhia man an nei tawh lo a ni.
Hri kai hmuh belh leh
Pathianni-a Serchhip District-a Sample en-fiah atangin COVID-19 hri kai mi pakhat hmuh belh leh a ni.
Lirthei tlandan ti danglam
Serchhip Bazar atanga Chanmari Veng panna, YMA Road-a lirthei tlan dan chu naktuk atanga hman tan tura tih danglam a ni.
COVID-19 Hri kai enkawl dam hnuah boral
Serchhip Nursing School CCC-a COVID-19 hri kai enkawl, Pathianni-a hri a kai tawhloh avanga chhuahtir pakhat, Thenzawl mi chu nimin khan a boral avangin nizan khan a Sample enfiah nawn leh tura tih a ni.
CMRF for COVID-19 atangin lawmman siam sak duh
Mizoram Pradesh Congress Committee (MP-CC) chuan COVID-19 dona kawnga thawk tura mahni inpe te chu Chief Minister Relief Fund For COVID-19 atangin lawmman siam sak nise an duh thu an sawi.
COVID-19 hri kai 13 hmuh belh leh an ni
Niminpiah-a Mizoram-a Sample enfiah atangin COVID-19 hri kai mi 13 hmuhchhuah an ni a, ZMC Laboratory-ah Sample enfiah a awmlo thung.
ZPM in Jt. CEO kaltlangin ECI-ah an thlen
ZPM Party chuan Mizoram Electoral Roll atanga Tripura a inbengbel tawh Tuikuk te vote paih a nih theih nan nimin khan Election Commission of India-ah lehkha an thlen.
Kumin ah Sky Lantern khap tel a ni dawn
Home Minister, Lalchamliana hova nimin-a sawrkar mi pawimawh te thukhawm chuan kan hmaa hunpui lo thleng turah halpuah, halmawi, silai lem mu kap chhuak thei leh Sky Lantern khap nise an ti.
Mizoram Lok Sabha MP in Mizoram BSNL-a hnathawkte ramri lam ngai pawimawh turin a chah
Telecom Advisory Committee (TAC) ruat thar a nih hnua thutkhawm hmasa ber chu nimin khan Lok Sabha MP, C. Lalrosanga hova neih niin Lok Sabha MP chuan Mizoram BSNL hnathawkte chu ramri lam ngai pawimawh turin a chah.
MGNREGS atan kumin chhungin cheng nuai 51513.4028 hmuh a nih tawh
State Employment Guarantee Council thutkhawm chu nimin khan Rural Development Minister, Lalruatkima hovin Video Conferencing hmanga neih a ni a, he hunah hian Ministry of Rural Development atangin MGNREGS atan kumin chhungin cheng nuai 51513.4028 hmuh a nih tawh thu tarlan a ni.
Ni 2 chhungin hri kai 24 hmuhchhuah an ni
Zirtawpni-a Serchhip District-a Sample enfiah atangin COVID-19 hri kai mi 6 hmuh belh niin Inrinni-a Sample enfiah ah hri kai 16 hmuh an ni bawk a, ni 2 chhungin Serchhip District-ah hri kai 22 hmuh an ni.
KTP ten thisen Unit 28 pe
Serchhip Blood Bank-a thisen mamawhna a san avanga Blood Bank-a thawktu ten an ngen angin Inrinni khan Serchhip Bethel Branch KTP te chuan Serchhip Blood Bank-a dah turin thisen Unit 28 an pe a, thisen petute hi mipa 21 leh hmeichhia 7 niin Bethel Kohhran Sunday School Hall-ah Blood Bank-a thawktute hi kalin an thisen hi an lak sak a ni.
Dan bawhchhia man belh zel
COVID-19 No Tolerance Drive neih mek ah Inrinni khan Serchhip District-ah Dan bawh-chhia mi 32 man leh an ni a, heng mite pawisa chawi tlingkhawm chu Rs. 4200/- a ni.
Faina hnatlang nei leh
Faina Hapta hman puala Village Council Area fai thlanna kal zel pualin Inrinni khan Serchhip-a Village Council hrang hrangte chuan hnatlangpui an nei leh a, hriat theih chinah Serchhip-I VC, Serchhip-II VC, Serchhip-V, Serchhip-VII VC leh Serchhip-VIII VC bakah Darnam Veng VC te chuan khawtlang huap hna-tlang hi neiin an huamchhung hmun hrang hrang an thenfai bakah tuihawk luankawr te siamthain lungrem awm ang ang te rawng an hnawih bawk a ni. Hei bakah hian VC Area thenkhat chuan Faina kawnga hmalakna atan an huamchhunga mi harsa zawkte tan lungrem rawng hnawih turin inhlawhna an siam sak bawk a ni.
Serchhip khawpui chhung kawng siamtha mek
Serchhip khawchhung paltlangtu National Highway-54 chu tunlai hian Serchhip hmarlam, Chhiahtlang atanga tanin thawmthat hna thawh mek a ni.
Ni 2 chhungin COVID-19 hri kai za chuang hmuh a ni
Mizoram-ah COVID-19 hri kai hmuhchhuah an la pung chho zel a, Zirtawpni leh Inrinni, ni 2 chhunga Mizoram-a Sample enfiah atangin hri kai mi za chuang hmuhchhuah an ni.
Inremna ti hlawhtling tura hma la turin phut
Mizoram-a tlawmngai pawl intelkhawmna, NGO Coordination Committee chuan Union Home Minister hova Bru chungchanga inremna lo awm tawh, hri leng vanga bawhzui loha awm chu chak taka hma la turin sawrkar an phut thu an sawi.
Ballot Paper hmuh zawhloh pawi tih thu sawi
North Vanlaiphai Village Council inthlanna neih zawh taka thlantlin te chuan Village Council inthlanna neih zawh taka Ballot Paper Rejected (General vote) te hmuh zawh loh a ni chu pawi an tih thu an sawi.
CMRF for COVID-19 a nihna anga hmang turin ngen
Mizoram Pradesh Congress Committee (MPCC) chuan Chief Minister's Relief Fund for COVID-19 chu COVID-19 avanga harsatna tawk te tanpui nana hman an duh thu an sawi.
Kum 9 chhungin Mizoram-ah kangmei vangin vbc. 53 hu kangralin mi 31 in nunna an chan tawh
Kum 2012 atanga kumin (2020) October thla thleng khan Mizoram-ah kangmei vangin Rs. 53,90,42,659/- hu bungraw kang chhia (value of property damage) a awm a, hemi hun chhung vek hian kangmei vanga nunna chan mi 31 an awm bawk.
Mipui ten man tlawm zawka thlai an lei theih nan Vegetable Market Chain kalpui turin hmalak a ni
Agriculture Minister, C. Lalrinsanga chuan mipui ten thlai tharchhuah man a tlawm zawk theih nan Vegetable Market Chain kalpui turin hma an la mek tih sawiin, hemi atan hian Aizawl chawmtu khaw hrang hranga loneitute chu Society anga kaltir tum an nih thu a sawi bawk.
Mamit bialtu MLA in FVR leh zirna bungrua a vailiam
Mamit bialtu MLA, Er. H. Lalzirliana chuan nimin khan Hero Motocorp Ltd. te Corporate Social Responsibility (CSR) Fund atanga dawn First Responder Vehicle (FRV) leh zirlai naupangte hman tur zirna hmanraw hrang hrang chu Mamit atangin a vailiam.
Mizoram-ah hri kai 28 hmuh belh leh an ni
Niminpiah a Mizoram-a Sample enfiah atangin COVID-19 hri kai mi 28 hmuhchhuah leh an ni.
Muallungthu khua ah Model Village hawnna nei
Mizoram Lok Sabha MP, C. Lalrosanga’n SAGY hnuaia Model Village tura a thlan, Muallungthu khua ah nimin khan Model Village hawnna neiin Model Village chungchang zirhona neih nghal a ni.
Awas Diwas-ah Mizoram atangin RD Minister a tel
Nimin khan Union Rural Development Minister, Narendra Singh Tomar hovin State hrang hranga Rural Development enkawltu Minister te chuan Video Conferencing kaltlangin ‘Awas Diwas’ an hmang a, Mizoram atangin Rural Development Minister, Lalruatkima pawh a tel a ni.
Dan bawhchhia 24 man
Nimin khan Serchhip-ah COVID-19 hri leng laka himna tur Dan siam bawhchhia mi 24 man leh an ni a, an vai hian Police te man vek niin Executive Duty leh VLTF Duty ten man an neilo thung.
YMA ten thisen Unit 30 pe
Serchhip Blood Bank-a thisen dahkhawl sa a tam loh avanga harsatna thleng palh thei venna atana Serchhip Blood Bank-a thawktu ten ngenna an siam angin nimin khan Serchhip Vengchung Branch YMA te chuan Serchhip Blood Bank-a dah turin thisen Unit 30 an pe a, thisen petute hi mipa 24 leh hmeichhia 6 niin heng mi tlawmngai te hi Serchhip Blood Bank-ah kalin Blood Bank-a thawk ten an thisen hi an lo lak sak a ni.
BLO thar tan training nei
Serchhip District chhunga Booth Level Officer (BLO) zinga Electoral Roll Revision Training la neilo te tan nimin khan nikhat awh Training neih a ni.
Hri kai enkawl 27 awm
Niminpiah khan Serchhip District-a TrueNat Laboratory-ah Sample enfiah awm lovin Rapid Antigen Test hmanga Sample 4 enfiah ah hri kai hmuh thar awm lo bawk.
Sesah lui thenfai hna thawk
UD&PA Department leh Govt. Serchhip College-a NSS leh Eco Club te chuan nimin khan Sesah Luidung thenfai hnatlang an nei leh a, tunhnaiah he luikawrh tum 4 an thenfaina a ni.
DCPU huaihawtin Naupangte Ni bik pualin Serchhip-a Children's Home-ah hun hman a ni
District Child Protection Unit (DCPU), Serchhip chuan nimin khan Zoar Urban Deprived Children’s Home leh Unity Orphanage Home-a naupangte nen ‘Children's Day’ leh ‘World Day for Prevention of Child Abuse’ pualin hun an hmang.
YMA Zaipawl in ‘Nunhlui’ an tlangzarh
Serchhip Sub-Hqrs. YMA Zaipawl in Music Video an siam thar, 'Nunhlui' tih chu nimin khan Serchhip DVO kalchhuak ta leh Serchhip Sub-Hqrs. YMA-a Executive Member lo ni tawh, Dr. Lalnghinglova chuan a tlangzarh.
North Vanlaiphai Village Council-ah inthlanna neih that leh a tul dawn
Serchhip District chhung North Vanlaiphai Village Council inthlanna a lungawilohna nei ten an lungawilohna an thlen chu ngaihtuah a nih hnuah State Election Commission-ah Report thehluh a ni tawh a, State Election Commission chuan North Vanlaiphai Village Council-ah hian inthlan that a tul dawn tih an sawi. Kumin August 27-a North Vanlaiphai Village Council inthlanna neih zawh takah thil fello a awm nia an hriat avanga mi 15 ten State Election Commission-a lungawilohna an thlen hnuah November 18, 2020 khan heng lungawilohna thlen te ngaihtuah tura ruat, Election Tribunal kaihhruaina hnuaiah an lungawilohna thlen te hi ngaihtuah a ni a, he inthlanna a Vote tla te chhiar that a nih hnuah thil fello a awm ngei tih finfiah a nih avangin inthlanna hi neih that leh a ngai dawn nia thudawn a ni. State Election Commission-a Secretary, Teresy Vanlalhruaii chuan he inthlanna a lungawilohna thlen te ngaihtuahtu, Election Tribunal chuan nimin, Nov. 20, 2020 khan an thil hmuh dan chu State Electi
Serchhip in World Toilet Day-ah Award dawng
Nimin khan World Toilet Day hman niin he Ni denchhen hian ramchhunga District 20 thlanchhuah te hnenah Swachh Bharat Mission (Gramin) hmalakna atangin Award hlan niin Mizoram atangin Serchhip District leh Kolasib District te chuan he Award hi an dawng a ni.
Pawisa chawitir-in hrem
Inrinni kalta-a MIZOFED Serchhip Branch atanga eirawngbawlna Gas hralh manchhuah a inhnamhnawih mi panga (5) te chu pawisa chawitir a hrem an ni.
State Election Commission ah report thehlut dawn
Kumin August 27-a North Vanlaiphai Village Council inthlanna a Vote tla te niminpiah-a chhiar nawn chu chhiar zawh theih a ni lova, Election Tribunal te chuan an thil hmuhdan report siamin Vawiin hian State Election Commission-ah thehluh a ni ang.
National Integration Day
Nimin khan Govt. Serchhip College-a thawk te leh zirlaite chuan ramchhung hmundang rualin National Integration Day (Quami Ekta Divas) an hmang.
Police 8 in hri kai belh leh
Niminpiah khan Serchhip District-ah COVID-19 hri kai mi 8 hmuhchhuah leh an ni a, an vai hian Mizoram Police mi leh sa, tunhnaia Bihar inthlanna a Duty te an ni.
Dan bawhchhia 41 man
COVID-19 No Tolerance Drive neih mek ah nimin khan Serchhip District-ah hri leng laka himna tura Dan siam bawhchhia mi 41 man leh an ni a, heng mite pawisa chawi tlingkhawm chu Rs. 5000/- a ni.
Aizawl khawpui-a hri kai hmuhchhuah tlahniam
Niminpiah-a Mizoram-a Sample enfiah ah COVID-19 hri kai mi 32 hmuhchhuah a ni a, tunhnaia Aizawl khawpui chhunga hri kai hmuhchhuah tam lutuk chu a ziaawm tan mekin Bihar inthlanna a Duty zingah hri kai hmuhchhuah an pun belh mek thung.
Assembly Speaker in Dan a bawhchhe lo - MNF Speaker chet dan MPCC in mak an tih thu an sawi
MNF General Hqrs. chuan thuchhuah siamin Assembly Speaker, Lalrinliana Sailo chuan Dan a bawhchhe lo niin an sawi.
Covid vanga mipui ten harsatna an tawh avangin MGNREGS hnuaiah ni 30 inhlawhna dil mek
Nimin khan Mamit-ah District Development Co-ordination & Monitoring Committee (DISHA) chu an Chairman, Lok Sabha MP C. Lalrosanga hova thukhawmin he hunah hian Lok Sabha MP chuan Covid avanga mipui te’n harsatna kan tawh avangin MGNREGS hnuaia ni 30 inhlawhna siam belh sak turin Central-ah dil mek a nih thu a sawi.
North Vanlaiphai VC inthlanna a Vote tla te chhiar that niin chhiar zawh theih ala ni lo thung
Kumin August 27-a Village Council inthlanpui neih zawh taka Serchhip District atanga lungawilohna thlen awmchhun, North Vanlaiphai Village Council inthlanna-a Vote tla te chu nimin khan chhiar that niin nizan dar 10:00 thleng khan chhiar zawh ala ni lo.
MPF Governing Board thutkhawm neih a ni
Mizoram People Forum (MPF) Governing Board thutkhawm vawi 43-na chu nimin khan neih a ni.
COVID-19 hri kai 37 hmuhchhuah belh leh an ni
Niminpiah-a Mizoram-a Sample enfiah atangin COVID-19 hri kai mi 37 hmuhchhuah leh an ni a, an zingah hian State pawn atanga rawn lut an awm nual.
Hripui leng kara Chhiah khawn dan tur sawiho
Nimin khan Revenue Minister, Lalruatkima hovin a Pisa-ah Aizawl khawpui-a COVID-19 hripui inkhuahkhirhna avanga Land Revenue Chhiah leh Zoram chhiah khawn kalpui dan tur leh harsatna awm thei chungchang sawihona neih a ni.
ATMA hmalakna thlirletna hun hman a ni
Agricultural Technology Management Agency (ATMA) chuan nimin khan Agriculture Minister, C. Lalrinsanga hovin Review Meeting an nei a, kumthar atana hmalakna tur leh hmachhawp te an thlirho bawk.
Press Club tan Computer pe
Serchhip District Bawrhsap, Kumar Abhi-shek chuan Serchhip Press Club-a hman turin nimin khan Computer Set a pe a, MJA Serchhip District hruaitu ten Computer hi lo dawngsawngin District Bawrhsap chungah hian an lawm hle tih an sawi bawk.
Dan bawhchhia 24 man
Nimin khan Serchhip District-ah COVID-19 hri leng dona dan bawhchhia mi 24 man leh an ni.
TKP ten thisen Unit 18 pe
Nimin khan Thalai Kristian Pawl (TKP) Serchhip Unit chuan Serchhip Blood Bank-a dah turin thisen Unit 18 an pe.
Hri kai 7 hmuh belh an ni
Niminpiah-a Serchhip District-a Sample enfiah atangin COVID-19 hri kai mi 7 zet hmuh-chhuah leh niin Serchhip District-a hri kai hmuhchhuah chu za aiin an tam ta.
Serchhip-ah ODF Plus zirhona neih niin Thingtlang-a Ek In thawmthatna tur vailiam a ni
PHE Serchhip WATSAN Division leh Swachh Bharat Mission (Gramin) Serchhip District hmalakna in nimin khan Serchhip-ah ODF Plus Awareness Campaign neiin Retrofitting of Toilet Flag Off Programme hman a ni a, he hun hi SBM (G) Mission Director, C. Chawnghnuna chuan a rawn hmanpui a ni.
MPCC in Mizoram-a MLA 4 te Office of Profit Dan bawhchhia ah ngaiin an chunga action lak an phut
Mizoram Pradesh Congress Committee (MPCC) chuan Mizoram-a MLA nilai mi 4 te chuan Office of Profit dan an palzut nia an hriat thu sawiin, hei vang hian Article 192 (1) tlawhchhanin heng MLA 4 te chungah hian Dan anga action la turin Mizoram Governor chu an ngen.
Nov. 25-ah SEDP dawng tur tlangzarh rel
Mizoram sawrkar in SEDP hnuaia a din, Veterinary, Fishery & Sericulture Board chu nimin khan AH&Vety Minister, Dr. K. Beichhua hova thukhawmin SEDP hnuaiah AH&Vety Department hnuaia tanpuina dawng turte tlangzarhna hun chu November 25, 2020 khian hman nise an ti.
PYD ten thisen Unit 10 pe
Penticostal Youth Department (PYD) Serchhip Biak Inpui te chuan nimin khan Serchhip Blood Bank-a dah turin thisen Unit 10 an pe.
Serchhip-IV VC hnatlang nei
Serchhip-IV Village Council te chuan nimin khan Faina hnatlang neiin an huamchhunga thenfai hna an thawk.
Hri kai hmuh thar awmlo
Niminpiah khan Serchhip District-ah Sample 30 enfiah niin COVID-19 hri kai hmuhchhuah thar an awm lo a, Serchhip District-ah hri kai enkawllai mi 8 an la awm mek.
Dan bawhchhia 25 man
COVID-19 No Tolerance Drive hman mek ah nimin khan Serchhip District-ah Dan bawhchhia mi 25 man leh an ni a, an sum chawi chu Rs. 2500/- a ni. Nimin a man mi 25 zinga 20 te hi Police man niin Thenzawl-ah 4 leh Baktawng-ah pakhat man an ni bawk.
Society building thar hawng
Sawrkar atanga sum hmuh cheng nuai 7 leh Society sum hmanga sak Keitum-a Farming Co-operative Society Ltd. building chu nimin khan Asst. Registrar of Cooperative Societies (ARCS), Serchhip District, K. Lalduhawma chuan a hawng.
Serchhip District-ah Shelter for Urban Homeless hnuaia hmalakna tura rawtna pawm a ni
Nimin khan Serchhip-ah DAY-NULM hnuaia Serchhip District Executive Committee on Shelter for Urban Homeless chu thukhawmin sawrkar kum kal meka hmalakna tura rawtna awm te State Executive Committee pawmpui tura thlen nise an ti.
Mizoram-ah COVID-19 hri kai 48 hmuh belh leh
Niminpiah-a Mizoram-a Sample enfiah atangin COVID-19 hri kai mi 48 zet hmuhchhuah leh an ni a, an zinga a tam zawk hi Aizawl khawpui chhunga hri kai hmuhchhuah te an ni.
Media te hmalakna ah Health Minister in lawmthu sawi
Health Minister, Dr. R. Lalthangliana chuan nimin khan MJA General Hqrs. hruaitute a Pisa-ah kawmin COVID-19 leng laka invenna atana sawrkar hmalakna hrang hrangah Print leh Electronic Media te hmalakna ah lawmthu a hrilh.
Mizoram Lok Sabha MP in Customs hotute a kawm
Mizoram Lok Sabha MP, C. Lalrosanga chuan Myanmar atanga sumdawnna bungrua lakluh Dan hnuaiah mipui tana harsatna siam tamlo zawnga hma la turin Customs hotute a chah.
Mizoram pumah Draft Electoral Roll tarchhuak
Nakum January ni 1-a kum 18 tling chin te laa Electoral Roll siamthat hna thawh tur atan nimin khan Draft Electoral Roll tarchhuah niin Mizoram pumah Vote nei thei 7,97,795 an awm mek.
Mizoram-ah COVID-19 hri kai mi 3 hmuh belh an ni
Pathianni khan Mizoram-ah Sample 835 enfiah niin COVID-19 hri kai mi 3 hmuhchhuah an ni.
Hri leng dona ah sawrkar a hlawhchham - MPCC
Mizoram Pradesh Congress Committee (MPCC) chuan COVID-19 dona ah MNF Sawrkar a hlawhchham niin an sawi.
Order hnuklet turin CM ngen
Mizo Zirlai Pawl (MZP) General Hqrs. chuan tunhnaia diklo taka MES Appointment Order siam chu sut leh turin Mizoram sawrkar an ngen.
2nd National Water Award-a Mizoram in ‘Best State Award’ a dawn lawmna Minister hovin neih a ni
Ministry of Jal Shakti in a buatsaih, 2nd National Water Award-a Mizoram in ‘Best State Award’ a lak lawmna chu nimin khan Irrigation and Water Resources Minister, C. Lalrinsanga hovin a pisa-ah neih a ni.
Bialtu MLA hlui boral
Serchhip bialtu MLA lo ni tawh, K. Thangzuala chu nizan hmasa khan boralin nimin khan vuiliam a ni.
Dan bawhchhia 38 man
COVID-19 No Tolerance Drive hman mek ah nimin khan Serchhip District-ah Dan bawh-chhia mi 38 man an ni leh a, an pawisa chawi tlingkhawm chu Rs. 4700/- a ni. Nimin a Ser-chhip District-a Dan bawhchhia man zinga mi 23 te chu Police man an ni a, Executive Duty ten Serchhip Town-ah mi pahnih manin Hmuntha-ah mi 5, Chhingchhip-ah, Baktawng, Bung-tlang leh Buangpui-ah mi 2 theuh man an ni.
Faina hnatlang nei leh
Serchhip-I, Serchhip-II leh Chanmari Veng VC te chuan nimin khan khawtlang huap Faina hnatlang an nei.
Gas semtu ten a man to-a Gas an hralh man a ni
Inrinni khan New Serchhip-a eirawngbawlna Gas sem niin mi tam tak ten an chanloh laiin Gas semtu ten a man to-a a hralh chu man niin heng an Gas hralh te hi laklet leh a ni.
Electoral Roll siamthat hna thawh tan niin siamthat ngaite tan dilna hun hawn mek a ni
Nakum January ni 1-a kum 18 tling chin te laa Electoral Roll siamthat hna thawh tur atan nimin khan Serchhip District-ah Draft Electoral Roll tarchhuah a ni a, Draft Electoral Roll tarchhuah a nih rualin hian hming thun thar, paih ngai, siamthat ngai leh insawn duh te tan dilna thehluhna hun hawn nghal a ni.
Draft Roll tarchhuak dawn
Nakum January ni 1-a kum 18 tling chin te laa Electoral Roll siamthat hna thawh tur atan Vawiin hian Draft Electoral Roll chu tarchhuah a ni dawn a, Draft Electoral Roll tarchhuah a nih atang hian hming thun thar, paih ngai, siamthat ngai leh insawn duh te tan hun hawn nghal a ni dawn a ni.
Diesel pechhuak tan dawn
Hun engemaw chen Serchhip-a Petrol Pump in Diesel an pekchhuah theihloh hnuah Vawiin hian pekchhuah theih a ni dawn a, amaherawh chu bithliah chin awmin semrual a ni rih anga, Petrol pawh semrual mek a ni bawk.
MJA te Computer Set pe
Aizawl Durtlang-a cheng, Michael Chhak-chhuak Serchhip Press Club-a hman turin Inrinni khan Computer Set a pe a, MJA Serchhip District hruaitu ten an lo dawngsawng a ni.
Thumbawk luikawrh thenfai hnalang neih a ni
Serchhip Thalai Pawl leh Society for Community Empowerment and Development (SoCED) chuan Inrinni khan hnatlang neiin Serchhip Dinthar Veng leh Saron Veng inrina a awm, Thumbawk luikawr thenfai hna an thawk a, he hnatlang ah hian pawl pahnih atang hian member thahnem tak thawkin UD&PA lamin an sponsor a, lui kawr tihfaina hmanrua te an tum sak a, he luikawr-a bawlhhlawh awm te an chharfai a ni.
TKP Bial rorel inkhawm nei
BCM New Serchhip Bial hnuaia Thalai Kris-tian Pawl (TKP) Bial rorel Inkhawm chu Inrinni khan BCM New Serchhip Biak In-ah neih a ni. TKP New Serchhip bial hi June 13, 2018-a din tan niin tunah hian Unit pali an awm mek a, TKP member 437 an awm mek a, rorelna ah hian member 25 an kal a, hrileng avangin kumin hian rorel Palai kal thei pawh tihtlem niin report hrang hrang ngaihthlak a ni bawk.
Hri kai pakhat hmuh belh
Inrinni khan Serchhip District-ah COVID-19 hri kai mi pakhat hmuhchhuah leh a ni.
Dan bawhchhia 31 man
Serchhip District-a COVID-19 No Tolerance Drive hman mekah nimin khan hrileng dona dan bawhchhia mi 31 man leh an ni a, heng mite pawisa chawi chu Rs. 4000/- a tling bawk a ni.
Chhiahtlang Field laih tur en
Tuikum bialtu MLA leh Assembly Deputy Speaker, Er. Lalrinawma chuan Inrinni khan Chhiahtlang tlawhin Chhiahthlang Chanmari-a Field puitling laih dan tur Engineer te nen an thlirho.
Mizoram-ah COVID-19 hri kai 25 hmuh belh leh an ni
Inrinni-a Mizoram-a Sample enfiah atangin COVID-19 hri kai mi 25 hmuhchhuah leh an ni a, Mizoram-a hri kai hmuhchhuah zawng zawng chu 3393 an tling tawh a ni.
Minister in mipui leh sawrkar tanrualna fakawm ti
Information & Public Relations Minister, Lalruatkima chuan hripui do kawngah leh ramri buai chungchangah mipui leh sawrkar tanrualna fakawm a tih thu a sawi.
Tripura Bru-te Mizoram E. Roll atangin la paih lo; Kum 2018-ah Camp-a Vote nei 11,987 an awm
Election Commission of India (ECI) atanga thu hmuh a la nih loh avangin Tripura Relief Camp hrang hranga awm Bru-te chu Mizoram Electoral Roll atangin paih an la ni lo.
Assam ramri kaltlangin Mizoram-ah nitin mamawh tluang taka chawkluh zel a ni
Assam atanga Mizoram luhna kawng dan hawn a nih leh hnuah dan pangngai in ramri paltlangin lirthei an tlan leh mek a, tun thlengin ei leh barah Mizoram-in harsatna a tawk lo. Hetihlai hian Mizoram-a tuialhthei dahkhawlna awmchhun, IOC Oil Depot, Vairengte ami chu kum 20 vel zet hman tlak lohin a awm tawh.
Vawiin Naupangte Ni
Vawiin Nov. 14, 2020 hi India Prime Minister hmasa ber, Jawaharlal Nehru-a piancham-pha niin India rampum ah Naupangte ni, Child-ren’s Day atan hman a ni dawn a, Serchhip-ah chuan hri leng avangin a hrana he ni puala hun hman a awm lovang. India Prime Minister hmasa ber, Jawaharlal Nehru ho Nov. 14, 1889 khan piangin May 27, 1964 khan a boral a ni.
MJA hruaitu puanna nei
MJA General Hqrs. hruaitu dinglai term chu term khat (kum hnih) atan pawhsei niin nimin khan District hrang hranga hruaitu puanchhuahna inkhawm neih a ni.
Petrol thleng semrual nghal
Mizoram leh Assam ramri-a buaina thleng avanga hun rei tak Serchhip-ah Petrol leh Diesel a rawn thlenloh hnuah nimin khan Petrol hi rawn thlengin Diesel pawh karleh lamah hralhtheih beisei a ni.
Dan bawhchhia 23 man leh
COVID-19 No Tolerance Drive neih mek ah nimin khan Serchhip District-ah Dan bawh-chhia mi 23 man leh an ni a, an pawisa chawi tlingkhawm chu Rs. 2300/- a ni.
Hri kai 7 hmuh leh an ni
Serchhip District-ah COVID-19 hri kai mi 7 zet hmuhchhuah leh an ni a, an vai hian State pawn atanga rawn haw vek an ni thung.
Upa T. Romama hnenah Mizo Literary Award hlan
Mizo Writer Association (MWA) chuan nimin khan ‘Thu Leh Hla Kutpui’ hmangin Mizo Literary Award chu Serchhip Dinthar Veng-a cheng, Upa T. Romama hnenah an hlan.
Hri kai 67 hmuh belh an ni
Niminpiah-a Mizoram-a Sample enfiah atangin COVID-19 hri kai mi 67 hmuhchhuah leh an ni a, an zingah hian Bihar a inthlanna a duty IR Police an awm nual.
Chief Secretary hovin Mizoram-ah Steering Committee on COVID-19 Vaccine thutkhawm neih a ni
Nimin khan Chief Secretary, Lalnunmawia Chuaungo hovin State Steering Committee on COVID-19 Vaccination thutkhawm chu Aizawl-a Chief Secretary’s Conference Hall-ah neih a ni.
Tlawva Small Hydel Project atangin kawlphetha siamchhuaka semchhuah a ni
Khuangthing leh Thekpui inkar Tlawva lui atanga kawlphetha siamna tur, Tlawva Small Hydel Project (SHP) chu peihfel a nih hnuah helai hmun atanga kawlphetha siamchhuah chu phai atanga lakluh kawlphetha dang nen hlawhtling taka chhunfinin Khawbung Electric Sub-Station atanga semchhuah a ni.
Mizoram-ah COVID-19 hri kai mi 25 hmuh leh an ni
Niminpiah-a Mizoram-a Sample enfiah zingah COVID-19 hri kai mi 25 hmuhchhuah leh niin tunhnaia hri kai hmuhchhuah dan thlirin hri kai hmuhchhuah hi an tlahniam hret a ni.
Lockdown laia a thlawna thlai thar sem Mizo zia dik tak a nih thu Cooperation Minister in a sawi
Cooperation Department Minister, C. Lalrinsanga chuan Lockdown hmasa lamah Veng leh khaw thenkhat thahnemngai ten a thlawna an thlai thar te an sem chhuah te kha Mizo zia dik tak a nih thu a sawi.
Leng khua in Award dawng
Ramchhunga tuihna humhalh leh enkawl tha te tana sawrkar laipuiin lawmman a siam, 'National Water Award-2019' chu Mizoram atangin Leng leh Ailawng khua ten an dawng.
Dan bawhchhia 22 man
Nimin khan Serchhip District-ah COVID-19 hri leng dona Dan bawhchhia mi 22 man leh an ni a, heng mite pawisa chawi tlingkhawm pawh Rs. 3100/- a tling leh bawk. COVID-19 No Tolerance Drive hman meka nimin-a Dan bawhchhia man zinga 19 te hi Police man niin Serchhip Town-ah mi 2 leh North Vanlaiphai-ah mi pakhat man an ni bawk.
MJA hruaitu term pawtsei
Kumin April thla a MJA General Conference neih tur chu hripui leng avanga neih theih a nih tak loh avang leh MJA General Hqrs. hruaitu thlanna pawh neih theih a nih tak loh avangin MJA General Hqrs. a hruaitu dinglai term chu term khat (kum hnih) atan pawhsei a ni a, heng hruaitu thar te term pawhsei puanna hi Vawiin hian District hrang hrangah a ruala neih a ni ang. Serchhip-ah pawh Vawiin chawhnu lam hian MJA General Hqrs. hruaitu term pawhsei puanna puala inkhawm Serchhip Press Club-ah neih a ni ang.
Petrol rawn thlen beisei
Mizoram-a lut tur Motor lian te Assam-ah hun engemaw chen dan a nih hnuin Serchhip-ah tuialhthei harsatna a thleng mek a, Serchhip-a Petrol Pump awmchhun, PB. Lalzuithanga FS chuan harsatna dang an tawk a nih loh chuan Vawiin hian Petrol rawn thleng tura an beisei thu sawiin, Diesel erawh Vawiin lamah loan an la thei a nih chuan Inrinni-ah rawn tleng hman tura beisei a nih thu an sawi bawk.
Hri kai thar awm belh lo
Niminpiah khan Serchhip-a TrueNat Laboratory-ah Sample 14 enfiah niin Rapid Antigen Test hmanga Sample enfiah erawh a awmlo thung a, hri kai hmuhchhuah thar an awmlo bawk. Hetihlai hian Bihar inthlanna a duty IR Police te chu Serchhip District an rawn thlen hnuah PTS, Thenzawl-ah dahluh nghal niin heng mite nen hian Serchhip District-ah sawrkar hmunhmaa inkhung-hrang mi 72 an awm mek a, mahni In lama inkhunghrang mi 30 an awm bawk.
Sawrkar kum kal mekah Serchhip-ah Chhiah cheng vbc. 2 chuang hmuh a ni tawh
Serchhip-a Taxation Department chuan sawrkar kum kal mekah Chhiah chi hrang hrang cheng vbc. 2 chuang an hmu tawh a, sawrkar kum kal mekah hian Mizoram pumah Taxation Department Chhiah hmuh tura beisei hi chu hmuh ngei an inbeisei thu Taxation Department hotute chuan an sawi bawk.
Hri kai hmuh thar awmlo
Niminpiah khan Serchhip District-a TrueNat Laboratory-ah Sample 3 enfiah niin Serchhip District-ah Rapid Antigen Test hmangin sample 3 bawk enfiah a ni a, heng atang hian hri kai hmuh thar awm an awm lova, Serchhip District-ah hri kai enkawllai pawh an la awmlo zui zel a ni. Hri leng avang hian Serchhip District-ah mahni In lama inkhunghrang mi 29 leh sawrkar hmunhmaa inkhunghrang mi 21 an la awm mek bawk a ni.
Dan bawhchhia 43 man
Serchhip District-a COVID-19 No Tolerance Drive hman mekah nimin khan hri leng dona dan bawhchhia mi 43 man leh an ni a, heng mite pawisa chawi tlingkhawm pawh Rs. 7000/- a tling leh bawk. Nimin a Dan bawhchhia man mi 43 zinga mi 26 te hi Police te man an ni a, an sum chawitir tlingkhawm pawh Rs. 5300/- niin midang 17 te hi Serchhip Town chhung, Chhiahtlang-a man vek an ni bawk.
NSS in thisen Unit 16 pe
Govt. Higher Secondary School Serchhip NSS Unit te chuan nimin khan Serchhip Blood Bank-a dah turin thisen Unit 16 an pe. Serchhip District Hospital Blood Bank-ah tunhnaiah thisen dahkhawl sa a awm mumal loh avanga Blood Bank enkawltute ngenna angin nimin khan Govt. Higher Secondary School NSS Unit te chuan tlawmngai in thisen hi an pe a, thisen petute hi mipa 10 leh hmeichhia 6 niin Blood Bank-ah kalin Blood Bank-a thawktu ten an thisen hi an lo lak sak a ni.
Vanduaina tawk hmeichhia zangnadawmna pe
Serchhip District Legal Services Authority hmalakna in nimin khan Serchhip District chhunga vanduaina tawk hmeichhia pathum te hnenah Mizoram Victims of Compensation Scheme hnuaiah zangnadawmna semchhuah a ni.
National Education Day hmang
Govt. Serchhip College chuan nimin khan an College-ah ‘National Education Day’ an hmang a, thupui thlanbik hmanga Essay inziahsiakna neiin lawmman sem nghal a ni.
Serchhip District-a Model Village atana thlan khua-a hmalak dan tur sawihona neih a ni
Nimin khan Serchhip District Level Committee on Sansaad Adharsh Gram Yojana (SAGY) chu an Chairman Serchhip District Bawrhsap, Kumar Abhishek hova thukhawmin Serchhip District chhunga MP Model Village leh MLA Model Village-a hmalak dan tur an thlirho.
FOCUS hmalakna leh hmachhawp thlirho
Nimin khan Agriculture Minister, C. Lalrinsanga hovin a Office-ah FOCUS Mizoram in kumin Financial Year chhunga Project an kalpui dan leh sawrkar kumthar atana hmachhawp thenkhat te an thlirho.
Mizoram-ah hri kai mi 61 hmuh belh leh an ni
Niminpiah khan Mizoram-ah COVID-19 hri kai mi 61 hmuh belh leh an ni a, tun thlenga hri kai hmuhchhuah chu 3217 an tling tawh. Niminpiah khan ZMC Laboratory-ah Sample 659 enfiah niin heng atang hian COVID-19 hri kai mi 44 hmuhchhuah niin an vai hian Aizawl District-a Sample lak vek an ni a, Aizawl Dinthar Veng-ah hri kai mi 16 zet hmuhchhuah niin hri kai hmuhchhuah tawh te nen chhungkhat hnaivai deuh vek an ni a, Chhinga Veng-ah hri kai mi 9 hmuh niin hei pawh hi chhungte hri kai hmuh tawh deuh vek an ni bawk. Hei bakah hian Zarkawt leh Khatla South-ah hri kai mi 2 ve ve hmuh niin Chanmari, Chanmari West, Zemabawk leh Armed Veng atangin hri kai pakhat theuh hmuh a ni bawk. Hei bakah hian Seling-ah hri kai mi 4 hmuh an ni a, Bung Bangla Quarantine Facility atangin hri kai mi 5 hmuh niin State pawn atanga rawn lut mi 3 leh anmahni enkawltu mi 2 an ni a, BRO Quarantine Facility atangin State pawn atanga rawn lut hri kai pakhat hmuh a ni bawk. Niminpiah khan District hrang hranga TrueN
Commerce & Industries Minister hovin ramri-a insumdawntawnna chungchang sawiho a ni
Nimin khan Commerce & Industries Minister, Dr. R. Lalthangliana hovin Myanmar leh Bangladesh ramri-a insumdawntawnna (Border Trade) tih hmasawn dan tur leh hmalakna kal mekte chungchang sawiho a ni a, he thutkhawm ah hian Minister chuan International Border hrula sumdawnna atana pawimawh te thuamthat-a siamthat zel a nih tur thu a sawi.
Serchhip-a thlai thar hralhna man tur ruahman a ni
Serchhip-a Divisional Horticulture Officer, M. Vanlalzami hovin nimin khan Serchhip a thlai chingtu, Horticulture & Agriculture Farming Co-operative Society Serchhip te chuan Serchhip atanga thlai tharchhuah hralhchhuahna tur man chungchang an sawiho.
Dan zawmlo mi 66 man
COVID-19 No Tolerance Drive hman mek ah nimin khan Serchhip District-ah hri leng laka mipui himna tura Dan siam zawmlo mi 66 zet man leh an ni a, heng mite pawisa chawi pawh a vaiin Rs. 6800/- a ni. Nimin-a Serchhip District-a Dan zawmlo man zinga mi 63 te chu Police te man niin heng mi 63 zinga 41 te chu Ser-chhip Police te man an ni a, Thenzawl-ah mi 17 manin North Vanlaiphai-ah mi 3 leh Chhingchhip ah 2 man an ni bawk. Nimin a Dan zawmlo an man midang pathum te pawh hi Serchhip Town Area-a man vek an ni.
SDSC General Body Meeting neiin hruaitu thlanna nei
Serchhip District Sports Committee chuan nimin khan General Body Meeting neiin hruaitu thlanna an nei.
Mizoram-ah COVID-19 hri kai 60 hmuh leh an ni
Niminpiah-a Mizoram-a Sample enfiah atangin COVID-19 hri kai mi 60 zet hmuhchhuah leh an ni a, Aizawl District pawn lama hri kai hmuhchhuah chu mi 5 chiah an ni.
Zaithiam lar Zira Hnamte boralin vuiliam nghal a ni
Mizoram-a Zaithiam lar zing ami, Zira Hnamte tia hriat, Zirkunga Hnamte chu zing khan lungphuchawl in a boral a, vuiliam nghal a ni.
Lunglei-ah Insurance lem hmuhchhuah a ni
Tunhnaiah Lunglei-a insurance lem engemaw zat hmuhchhuah niin Lunglei District chhunga The New India Insurance Company Ltd. hnuaia Insurance ti zawng zawngte chu in report tura tih an ni.
MZP hruaitu ten Home Minister kawmin ramri tlawhkual turin Home Minister an ngen
MZP General Hqrs. hruaitute chuan nimin khan Home Minister, Lalchamliana chu a Pisa ah hmuin ramri-a hmalak mekna chungchang an sawipui a, rawtna hrang hrang an thlen bawk.
Mizoram-a Hripui leng karah ni 2 awh tur ‘Virtual Anthurium Festival 2020’ hman a ni
Mizoram Sawrkar in boruak rip tak karah mipuite rilru chhawk zangkhai nan ‘Virtual Anthurium Festival 2020’ a buatsaih chu nimin khan Chief Minister, Zoramthanga chuan a hawng a, ni 2 awh tur he Festival hi Vawiin ah chhun-zawm a zawhfel tur a ni ang.
Mizoram-ah lirthei rawn lut
Mizoram-a lut tur bungraw phur Motor, Silchar Mizoram House-a Mizo lirthei tangkhangte chu nimin khan Mizoramah hruailuh an ni ta.
Khaw 2-an Ar note sem
FOCUS Serchhip District hmalakna in nimin khan Serchhip District chhunga khaw pahnih, Buangpui leh Neihloh khuaa chhungkaw thlan bik 30 ve ve te hnenah Ar note 20 \heuh leh a chaw tur Kg. 2 \heuh sem a ni a, he hun hi Ser-chhip a\angin FOCUS-a thawktu ten an zuk hmanpui a ni.
Kolasib-ah PAHOSS kalpui turin ruahmanna siam a ni
Kolasib District Parking House Committee chu nimin khan a vawikhatna atan thukhawm in Kolasib khawchhung-a motor 300 inhun theihna turin Parking House Support Scheme kalpui dan tur an rel.
SDSC GB Meeting nei dawn
Serchhip District-a Sports Association hrang hrangte inthlunkhawmna, Serchhip District Sports Committee (SDCC) chuan Vawiin chawhma dar 11:00 hian Chawmkai-a CMS Picnic Spot-ah General Body Meeting an nei dawn a, kum 2020-2022 chhunga an hruaitu tur thlanna an nei nghal ang.
Dan bawhchhia 22 man leh
Nimin atang khan Serchhip District-a COVID-19 No Tolerance Drive kalpui tan a ni leh ta a, nimin khan Dan bawhchhia mi 22 man nghal niin Serchhip Town chhungah mi 2 man an ni a, Thenzawl-ah mi 19 zet manin Keitum-ah mi pakhat man a ni bawk.
Solid Waste Management Bye Law hman thuai rel
Serchhip District Sanitation Task Force chuan Mizoram Solid Waste Management Bye Law, 2018 chu a taka hman thuai an rel.
Serchhip District-ah hri kai enkawl awm tawhlo
Serchhip District-a COVID-19 hri kai enkawl mi pahnih te chu nimin khan anmahni enkawlna hmun atanga chhuahtir leh niin tun dinhmunah Serchhip District-ah hri kai enkawllai an awm tawhlo.
Mizoram-ah COVID-19 hri kai mi 6 hmuh leh an ni
Nimin khan Mizoram-ah Sample enfiah zat tlahniamin hri kai hmuhchhuah pawh an tlem viau a, Mizoram-a hri kai hmuhchhuah zawng zawng chu 3096 an tling tawh.
Congress Thalai ten Minister lakah FIR an thehlut
Congress Thalai, Mizoram Pradesh Youth Congress Committee (MPYCC) chuan nimin khan Minister, Lalruatkima lakah FIR an thehlut.
Kawng dan mawhphurtu BJP - ZPM Vice President
ZPM Vice President, K. Sapdanga chuan Mizoram hrek riltam tuma Lailapur khuaa motor dang tlat tura thu petu chu BJP an nih thu a sawi.
Aizawl Republic Veng-a chhungkaw pakhat-a mi 5 thattu damchhung tang tura tih a ni
Kum 2015 January ni 9-a Aizawl Republic Veng-a chhungkaw pakhat-a mi 5 thattu, Laltlanchhuaha chu Court in kum 24 leh damchhung tang turin a chungthu a rel sak.
Chief Minister in Lawngtlai District-a cheng nuai 12,044.20 senna tur a khuhhawng
Sports & Youth Services Department leh Mizoram State Sports Council (MSSC) ten Pradhan Mantri Jan Vikas Karyakram (PMJVK) hnuaia sum hmuh cheng nuai 12,044.20 senga Lawngtlai District-a hma an lakna tur Project 14 khuhhawnna chu nimin khan Chief Minister, Zoramthanga hova neih a ni.
Oil lak tur awm tawhlo
Tunhnaiah Assam atanga Mizoram a rawn lut tur lirthei te dan an nih avangin Serchhip District-a Petrol Pump hrang hrangah Oil lak tur a awm tawh lova, Serchhip IOC Veng-a PB Lalzuithanga Filling Station-ah pawh Petrol leh Diesel lak tur awm tawh lovin a rawn thlen hun tur pawh hriat theih ala nilo bawk.
Ramri-a harsatna thleng chungchang sawihoin Mizoram-a lut tur lirthei dan mek titawp tura tih a ni
Tunhnaia Mizoram leh Assam ramri-a buaina thleng kaihhnawih chungchangah nimin khan Union Home Secretary hovin State pahnih Chief Secretary te chuan Video Conference hmangin inbiakna an nei a, Assam-in Mizoram-a lirthei lut tur an dan chu titawp turin thutlukna siam a ni.
Inkhunghrang mi 43 awm
Inrinni khan Serchhip District-a TrueNat Laboratory-ah Sample 9 enfiah niin Rapid Antigen Test hmangin Sample 5 enfiah a ni bawk a, hri kai hmuchhuah thar an awmlo. Serchhip District-ah hian hri leng avanga mahni In lama la inkhunghrang mi 20 awmin sawrkar hmunhmaa inkhunghrang mi 23 an awm bawk a, District dang atanga hri kai enkawl tura rawn dah mi 2 enkawl mek an la nibawk.
Dan bawhchhia 902 man tawh
October 29, 2020 atanga Serchhip District-a 'COVID -19 No Tolerance Fortnight' hman a nih hnuah nimin thleng khan Dan bawhchhia mi 902 zet man an ni tawh.
Serchhip District-a COVID-19 hri kai hmuh mi 87 te enkawl dam vek an ni ta
Kumin June 8-a Serchhip District-a COVID-19 hri kai hmuhchhuah a nih atanga hri kai hmuhchhuah tawh zawng zawng mi 87 te chu enkawl dam vek an ni ta.
MPCC in a huikhawm zawnga che turin sawrkar beisei
Mizoram Pradesh Congress Committee (MPCC) chuan tunhnaia Assam leh Mizoram ramri-a buaina thleng chungchangah Mizoram sawrkar chu Political party, NGO, Kohhran leh mipuite min huikhawm zawnga che tura an beisei thu an sawi.
BSF dahna chungchang sawrkar in sawifiah
Mizoram Sawrkar Home Department chuan tunhnaia BSF Company 3 lo thleng te chu ramri-a duty tura Sawrkar laipuiin Mizoram sawrkar kuta a rawn dah an ni tih an tarlang.
‘COVID-19 No Tolerance Drive’ hman a ni dawn
October 26, 2020 atanga 'COVID -19 No Tolerance Fortnight' hman chu tukin dar 4:30 hian a tawp dawn ta a, amaherawh chu Mizoram sawrkar chuan tun thla ni 30 thleng 'COVID-19 No Tolerance Drive' hmang zui tura ruahmanna siamin hemi atan hian inkaihhruaina thar pawh tihchhuah nghal a ni.
Hri kai 3090 hmuh a ni ta
Inrinni-a Mizoram-a Sample enfiah atangin COVID-19 hri kai mi 57 zet hmuhchhuah leh niin Mizoram-a hri kai hmuhchhuah chu 3090 an tling ta.
Mizoram-ah hri kai 32 hmuh belh leh an ni
Niminpiah khan Mizoram-ah COVID-19 hri kai mi 32 hmuh belh leh niin hri kai hmuhchhuah zinga a tam ber te hi Aizawl khawpui huamchhung ami an ni a, tun thlenga hri kai hmuhchhuah chu mi 2990 an tling tawh.
Bairabi Rel chawlhhmun chu Rel hmanga lirthei phurhluh a nih theih nan thawmthat a ni
Food, Civil Supplies & Consumer Affairs Minister, K. Lalrinliana chuan nimin khan Bairabi Rel Chawlhhmun leh Bairabi leh Kanhmun inkar kawng thawmthat hna kalpui mek te chu a hmunah tlawhin, Bairabi Rel chawlhhmun chu Rel hmanga lirthei phurhluh a nih theih nan thawmthat a nih thu a sawi.
Gas phurtute lo hmuak
Mizoram sawrkar in Manipur-a eirawng-bawlna Gas phur tura a tirh Truck pathum te chuan nizan hmasa khan Aizawl rawn thlengin Supply Minister leh sawrkar mi pawimawh thenkhat ten an lo dawngsawng a ni.
Hri kai avanga enkawltu chungchanga harsatna tawk naupangte enkawl dan tur ruahmanna siam a ni
Nimin khan Health Minister, Dr. R. Lalthangliana hovin naupang COVID-19 hri kai lo, an nu leh chhungte COVID-19 hri an kai avanga In lama enkawltu neilo te sawrkarin a lo enkawl lailawk dan tur chungchang sawiho a ni.
Dan bawhchhia 36 man leh
COVID-19 No Tolerance Fortnight hman mekah nimin, a ni 11-na ah khan Serchhip District-ah Dan bawhchhia mi 36 man leh an ni a, an pawisa chawi tlingkhawm chu Rs. 6100/- a ni. Nimin-a Dan bawhchhia man zinga 23 te hi Police te man ni lehin Serchhip Town-ah mi 3 man an ni a, Chhingchhip-ah mi 5 man niin Bungtlang-ah mi 3 leh Thenzawl-ah mi 2 man leh an ni bawk.
Hri kai leh dam thar awmlo
Niminpiah khan Serchhip District-ah Sample 7 enfiah niin COVID-19 hri kai hmuh thar an awm lo.
NYK hmalakna tur pawm
Nimin khan Serchhip District Advisory Committee on Youth Programme chu Serchhip DC Meeting Hall-ah District Bawrhsap, Kumar Abhi-shek hova thukhawmin sawrkar kum kal meka Serchhip District chhunga hmalak dan tur, Action Plan chu sawiho in an pawm a. He hunah hian NYK Serchhip District-a Youth Coordinator, Amlanjit Hazarika chuan an hmalakna tura ruahmanna siam te sawifiahin inhrilhfiah ngai te a hrilhfiah bawk a, hmalakna an kalpui hunah hri leng laka himna tura ruahmanna siam te zawm chunga hmalak nise an ti bawk.
Sulhnu Apps hmang turin ti
Serchhip District chhunga sawrkar Pisa tinte chu Mizoram sawrkarin ruahmanna a siam angin lehkhaa anmahni tlawhtute ziaka chhinchhiah aiah ‘Sulhnu App’ hmang vek tura hriattir an ni.
Heroin leh Grape Wine man
Serchhip-a Excise & Narcotics Department chuan nizan hmasa khan Serchhip-a lakluh tur Heroin gram leh Grape Wine Litre 775 zet manin heng kaihhnawih ah hian mi 7 man an ni bawk.
Chawtha ei pawimawh zia inzirtirna Serchhip-ah nei
Serchhip District Police leh Serchhip ICDS Project tangkawp buatsaihin nimin khan Police fa hmeichhia te tan chawtha ei pawimawh zia inzirtirna Serchhip-ah neih a ni.
ZLP Group Leader in thuthar thehdarhtute a kawm
ZPM Legislature Party (ZLP) Group Leader Lalduhoma MLA chuan, BJP ten Assam-ah sawrkarna an siam nawn theih nan Mizoram sawrkarin ramri an hralh ta em ni tih chu sawrkar an zawhna a nih thu a sawi.
Dan zawmlo man tlem ber ni
Nimin khan Serchhip District-ah COVID-19 hri leng dona Dan bawhchhia mi 35 man leh an ni. COVID-19 No Tolerance Fortnight hman mekah nimin, a ni 10-na ah khan Dan bawhchhia mi 35 man leh an ni a, heng zinga mi 17 te chu Police Duty ten an man niin Serchhip Town-ah mi 3 man an ni a, Thenzawl leh Baktawng-ah mi 7 ve ve manin Thentlang-ah mi pakhat man a ni bawk a, heng mi man te sum chawi tlingkhawm hi Rs. 4400/- a tling a ni. Nimin-a mi 35 man hi Oct. 26, 2020-a COVID-19 No Tolerance Fortnight hman a nih atanga Dan bawhchhia man an tlem ber ni a ni a, tun thlengin Dan bawhchhia mi 819 man ni tawhin an pawisa chawi tlingkhawm pawh Rs. 98,700/- a ni tawh a, Dan bawhchhia man zawng zawng zinga 322 te chu Police Duty ten an man niin Serchhip Town chhunga man mi 237 an awm tawh bawk a ni.
Kawngpui enfiah chhunzawm
Serchhip District Road Protection Squad te chuan niminpiah atanga Serchhip khawpui a kawngpui enfiah hna an thawh chu nimin khan an chhunzawm leh a, niminpiah khan College peng atanga Kikawn inkar kawngpui enfiahin nimin khan an hmabak, College Peng atanga hmar-lam an chhunzawm leh a, a remchan anga chhun-zawm zel a ni ang. Serchhip District Road Protection Squad-ah hian District Bawrhsap chu Chairman niin SDO (Sadar) chu Member Secretary a ni a, Member-ah Police bakah sawrkar Department thenkhat aiawhte an tel a ni.
Mizoram-ah COVID-19 hri kai 65 hmuh leh an ni
Niminpiah khan Mizoram-ah COVID-19 hri kai mi 65 zet hmuhchhuah leh an ni a, hri kai te zingah hian Hostel-a awm zirlai naupang 25 zet an tel a ni.
Home Minister hnenah JAC ten thu an thlen
Joint Action Committee on Inner Line 509sq. Miles Demand chuan nimin khan Mizoram sawrkar-a Home Minister hnenah lehkha thehlutin tunhnaia Mizoram leh Assam buai avanga kan mi leh sa, Zoram mipui mamawh la tura kal Assam ram chhunga tangkhang mekte chu Nov. 7, 2020 tlai dar 5:00 hma ngeia anmahni leh an bungraw phurhte nen him taka Mizoram-a hruai chho turin an ngen a, an huntiam ralhmaa hmalakna a awm lo a nih chuan heng mite lachhuak turin Nov. 4, 2020-a All Party leh All NGO Meeting-in a tul anga lakchhoh a rel thu leh JAC lak chhoh ngai lova hma laksak nghal turin an ngen bawk. JAC te hian kum 1875-a kan ramri tur lo rin tawh chu humhim tura Sawrkar hmalakna zawng zawngah a tawp thlenga sawrkar thlawp turin Zofate chu an chah bawk a ni.
VC thlan-a lungawilohna thlen te ngaihtuah tan
Lunglei District Tribunal Committee chuan Village Council inthlanpui 2020 neih zawh taka an District chhunga lungawilo te thu thlen chu nimin khan a ngaihtuah.
LADC-a sawrkar kalpui dan Dan kalh niin sawi
Agriculture Development Board Vice Chairman, H. Biakzaua MLA chuan BJP MDC 8 ten LADC Sawrkar an kalpui reng chu Dan kalh a nih thu a sawi.
Ramri-a insumdawntawnna tur Speaker in a tlawh
Assembly Speaker, Lalrinliana Sailo chuan niminpiah khan Indo-Bangladesh Border Trade Land Custom Station hmun tur Silsury khua tlawhin a hmun tur a enfiah a, Silsury khawtlang hruaitute leh Bangladesh lama Mizo unau, Mahmuam atanga lokalte nen inkawmna an nei bawk.
Ramri-a harsatna thleng mek chungchang sawiho; Ramri-ah Home Ministry in sipai a dah dawn
Nimin khan Chief Minister, Zoramthanga hovin sawrkar mi pawimawh ten Mizoram leh Assam inrina-a boruak muanawm a awm theihna tur leh harsatna sutkian dan tur an ngaihtuah.
Chhiahtlang-ah ramkal inkaphlum palh
Niminpiah tlai thimhlim khan Chhiahtlang tlangval, Lalsangzuala (30) chu a ramkalpui in Silai-a kap palhin a boral a, nimin khan a ruang hi postmortem a nih hnuah vuiliam a ni.
BCM Pastor siksawi
Baptist Church of Mizoram (BCM) Pastoral Committee thukhawm chuan BCM hnuaia Pastor hnathawk rawngbawlna hmun thenkhat a siksawi a, Serchhip bialtu Pastor, Rev. K. Van-lalmuana chu North India Mission-ah Field Director hna chelh tura sawn niin a aiah hian Rev. laltanpuia Colney chu Lawngtlai East bial atangin a rawn awm thung ang.
Serchhip District-ah Sample 3412 enfiah tawh
Nimin thleng khan Serchhip District-ah COVID-19 hri leng avangin Sample 3412 enfiah a ni tawh a, hri kai mi 87 hmuhchhuah an ni tawh bawk.
Ramri-a Motor lut tur dan a nih avangin Serchhip District-ah tuialhthei leh Gas a harsa tan
Tunhnaiah Silchar atanga Mizoram Oil phurhluh theih ni rihloh hnuah Serchhip District-a Petrol Pump te chuan Petrol hralhchhuah tur an nei mumal tawhlo a, Diesel phei chu lei tur a awm tawh lova. Eirawngbawlna Gas pawh tun thla ah rawn thleng ala awmlo bawk.
VC Area fai endik mek
Kumin a Faina Hapta hman denchhena Ser-chhip Town chhunga VC Area Fai thlanna neih tur atan tunlai hian endik hna thawh mek a ni a, VC Area fai thlanna neih turah hian tum thum tak endikna hi neih tura ruahman niin heng an endikna lawmman hi kumthar lamah sem tura ruahman a ni bawk.
Dan bawhchhia 69 man
COVID-19 No Tolerance Fortnight hman mekah nimin, a ni 10-na ah khan Serchhip District-ah Dan bawhchhia mi 69 zet man leh an ni.
Kawngpui te enfiah tan
Serchhip District Road Protection Squad chuan nimin khan Serchhip khawpui chhung kawngpui enfiahin, kawngpui dip-a bungrua leh thildang dahhnawk a awm leh awmloh an enfiah.
Hri kai hmuh thar awmlo
Niminpiah-a Serchhip District-a Sample enfiah atangin COVID-19 hri kai hmuhchhuah thar an awm lova, nimin-ah hri kai enkawl dam an awm belh lo bawk.
Mizoram-ah hri kai 101 hmuhchhuah thar an ni
Niminpiah-a Mizoram-a Sample enfiah atangin COVID-19 hri kai mi 101 zet hmuhchhuah leh an ni a, an zinga mi 60 te chu State pawn atanga rawn lut, Company hnuaia hna thawk tur an ni thung.
ZPM in Lalduhoma an chhuan thu an sawi
ZPM General Hqrs. chuan Serchhip bialtu MLA, Lalduhoma’n, “Kei chu ZPM thlantlin ka ni a, ka phatsan lo a lawm,” tia amah thlang tlingtute hrereng a, a phatsan lohzia huaisen taka tarlang chu chhuanawm an tih thu an sawi.
MNF Party in MZU leh College chungah lawmthu sawi
MNF Party chuan Mizo zirlaite hmakhaw ngaia University leh College ten kumin a Seat an tihpun theih avangin University lama thuneihtu leh College Principal-te chungah lawmthu an sawi.
Congress in tangkhang lakchhuah an tum thu sawi
Mizoram Pradesh Congress Committee (MPCC) chuan Silchar-a Mizo Driver thang-khang mek te chu MNF sawrkar in lakchhuah a tum lo zel a nih chuan Congress Party chuan zu lachhuak turin theihtawp a chhuah dawn tih an sawi.
Nizan hmasa atangin MZP ten Buhchangphai-ah Phaisen-Dholchhora kawng an dang ve leh
Mizo Zirlai Pawl (MZP) Hqrs. Kolasib chuan nizan hmasa dar 9:00 atang khan Phaisen-Dholchhora kawng chu Buhchangphai-ah motor lut chhuak tur an dang.
Inkharkhip chhungin Sample 9781 enfiah hman
Aizawl Municipal Area-a kar kalta chhunga hri leng avanga inkharkhip kalpui chhung khan sample 9781 enfiah hman a ni.
COVID-19 hri leng dona leh ramri buaina thlenga I&PR Department hmalakna thlirho a ni
Information & Public Relations Department chuan nimin khan I&PR Minister, Lalruatkima hovin a Pisa-ah hripui darh zel venna kawnga I&PR Department hmalakna an thlirho a. Ramri-a buaina thleng kaihhnawih ah sawrkar thu-chhuak ngaichang zel turin I&PR Minister chuan mipuite chu a chah bawk.
Serchhip District-ah Hri kai 98.85% dam tawh
Serchhip District-a COVID-19 hri kai hmuh-chhuah mi pahnih te chu enkawl dam an nih hnuah nimin khan anmahni enkawlna hmun atanga chhuahtir leh an ni a, Serchhip District-a hri kai hmuhchhuah atangin zaa 98.85 te chu enkawl dam an ni tawh.
Dan bawhchhia mi 80 man
Serchhip District-a COVID-19 No Tolerance Fortnight hman mekah nimin khan Dan bawhchhia mi 80 zet man leh an ni. Nimin a Dan bawhchhia man tak te hi Vantlang hmun-a Mask vuah lova chhuak te vek an ni a, an zinga mi 51 te hi Police te man niin Rs. 100/- theuh chawitir an ni a, Serchhip Town chhunga mi 15 man niin Chhuanthar Tlangnuam-ah mi 5, Bak-tawng-ah mi 4, Thentlang leh Bungtlang-ah mi 2 ve ve leh Buangpui-ah mi pakhat man an ni.
Serchhip DTO-a lirthei ziahluh in sing khat tling ta
Serchhip DTO Office-a lirthei ziahluh thar chuan sing khat tlingin nimin tlai atang khan Registration number pek-ah ‘A’ pek belh a ni ta.
Eirawngbawlna Gas man thar
IOCL Revised Retail Selling Price tihchhuah angin November thla-a eirawngbawlna Gas man tur bithliah thar a ni a, Vairengte tihloh Mizoram hmundang ah chuan Kg. 14.2 a rit Domestic Cylinder man chu Rs. 746/- a ni anga, Kg. 19-a rit Commercial Cylinder man chu Rs. 1525.50 a ni thung anga, Point Delivery-a sem a nih chuan Rs. 7.53 belh tur a ni thung ang.
Mizoram-ah COVID-19 hri kai 35 hmuh belh leh an ni
Niminpiah-a Mizoram-a Sample enfiah atangin COVID-19 hri kai mi 35 zet hmuhchhuah leh an ni a, a tam zawk chu Aizawl khawpui Veng hrang hrang ami te an ni.
Lailapur mi Vairengte-a thi ruang inhlan fel a ni
Pathianni kalta-a Vairengte Kawngthar Branch YMA duty ten ruihhlo tawlhru a puh an man leh niminpiah-a Vairengte CHC-a boralta, Intyaz Ali (48), Lailapur ruang chu nimin khan Vairengte leh Lailapur inkar Auto Rickshaw Transit Stand-ah inhlanchhawn a ni a, he thihna avang hian boruak duhawmlo a thlen thu hriat anilo.
Health Minister in mipuite hnenah ngenna siam
Health Minister, Dr. R. Lalthangliana chuan Aizawl Municipal Area-a inkharkhip puan mek chu pawngpaw puan ngawt a nih loh thu a sawi.
Aizawl Republic Veng-a chhungkaw pakhat-a mi 5 thattu Court in thiamloh a chantir
Kum 2015 January thla-a Aizawl Republic Veng-a chhungkaw pakhat-a mi 5 lai thattu, Laltlanchhuaha chu Court in thiamloh a chantir a, tun thla ni 5 khian hremna tur puanchhuah a ni ang.
Lalduhoma ban tura ngenna sawihona neih a ni
MNF MLA mi 12 ten Serchhip bialtu MLA, Lalduhoma MLA atanga ban tura Assembly Speaker hnena ngenna an thlen chungchangah nimin khan Speaker hovin Hearing neih a ni.
Hri kai avanga enkawltu mumal neilo naupang te chungchang Health Minister hovin sawiho a ni
Mizoram-a COVID-19 hri kai hmuhchhuah zingah an fa te hri kai ve lo, In lama enkawltu neilo te buaipui dan tur chu nimin khan Health Minister, Dr. R. Lalthangliana hovin sawiho a ni a. Standard Operating Procedure (SOP) siam tur Committee an din nghal a ni.
Vaimim qtls. 2000 thar beisei
Serchhip-a Agriculture Department hotute chuan kumin-a Serchhip District-a Vaimim tharchhuah chu quintal 2000 a tlin ngei an beisei thu an sawi.
Current sang thut vanga lungawilohna thlen
Kar kalta Zirtawpni chawhma lama Serchhip Bazar leh a chhehvel a Electrict Current sang thut avanga bungraw chhia te chuan nimin khan Serchhip Power Sub-Division a SDO hnenah ziakin lungawilohna thu an thehlut.
Dan bawhchhia mi 72 man
COVID-19 No Tolerance Fortnight hman mek a ni 8-na, nimin khan Dan bawhchhia mi 72 man leh an ni a, heng mite pawisa chawi chu Rs. 7700/- a ni. Nimin a Dan bawhchhia man zinga 36 te chu Police te man niin Serchhip Town huamchhungah mi 18 man an ni a, Thenzawl ah mi 7, North Vanlaiphai-ah mi 4, Chhingchhip Mualpui-ah mi 3 leh Baktawng leh Bungtlang ah mi 2 ve ve man an ni bawk.
Tualchhung-a hri kai chhawng enkawl dam kim
October 19, 2020-a Serchhip tualchhunga COVID-19 hri kai mi pahnih hmuhchhuah leh an lo kawm hnaih chhuina a hri kai mi 17 hmuhchhuah te chu an vaiin enkawl dam vek an ni ta.
Mizoram-ah Hri kai hmuh thar awmlo
Niminpiah-a Mizoram-a Sample enfiah atangin COVID-19 hri kai hmuhchuah an awm lova, Mizoram-a hri kai hmuhchhuah chu 2757 an ni tawh.
MZP in hri kai zirlai te tanpuina hlan an rel
Mizo Zirlai Pawl (MZP) General Hqrs. chuan nimin khan Extended Office Bearer Meeting neiin hri leng mek leh ramri-a buaina thleng kaihhnawih an sawiho.
Hnuhkal chawp ngai CM leh HM neih vanduaithlak ti
ZPM Thalaite chuan Zoram-in hnuhkal chawp ngai Chief Minister leh Home Minister kan nei chu vanduaithlâk an tih thu an sawi.
MNF sawrkar a talbuai mek niin MPCC in an sawi
Mizoram Pradesh Congress Committee (MPCC) chuan sum leh pai enkawlna kawnga hlawhchham MNF sawrkar a talbuai mek niin an sawi.
Mizoram-a thingtlang khuaa In zawng zawng 2022-2023 ah Tui Connection pek vek tum a ni
Mizoram-a thingtlang khua-a In zawng zawngte chu kum 2022-23 ralhma in Tui Connection pek vek hman tum a ni.
AMC huamchhunga inkharkhipna kalpui mek pawtsei leh turin rawtna siam a ni
Health Minister, Dr. R. Lalthangliana hova nimin-a sawrkar mi pawimawh te thukhawm chuan Aizawl Municipal Corporation Area a inkharkhip kalpui mek tukin dar 4:30-a tawp tur chu mipuite himna atan pawhsei tha an ti a. Chief Minister hnenah rawtna thlenin a remtih dan a zirin inkharkhip kalpui dan tur hi tihchhuah leh a ni ang.
Serchhip District-ah Dan zawmlo mi 563 man tawh
Kar kalta Thawhtanni atanga COVID-19 No Tolerance Fortnight hman a nih hnuah Serchhip District-ah Dan bawhchhia mi 563 man an ni tawh.
Ex-MNA in tha thawh inhuam
Ex-MNA Serchhip District Hqrs. chuan kan ramri buaina thleng mekah kan ram chhan nan a theih anga tha thawh an inhuam thu an sawi.
Bazar-ah Lehkha Ip sem
Govt. Serchhip College-a National Service Scheme (NSS) leh Eco Club te chuan Inrinni zing khan Serchhip-ah lehkha hmanga siam ip (paper bag) an sem.
Hri kai mi 6 enkawl dam leh
Serchhip District-a COVID-19 hri kai mi pathum te chu hri laka an fihlim hnuah Inrinni khan anmahni enkawlna hmun atanga chhuahtir an ni.
Inrinni-ah hri kai 32 hmuh belh leh an ni
Inrinni-a Mizoram-a Sample enfiah atangin COVID-19 hri kai mi 34 hmuhchhuah leh niin heng zinga mi 32 te chu Aizawl District-a hri kai hmuhchhuah te an ni.
Agri. Minister in ramri hnaih khua tlawh
Agriculture Minister, C. Lalrinsanga chuan tunlai ramri buaiin a tuam- Saihapui ‘V’, Thinghlun leh Vairengte khuaa loneituten hnamdang puihna tel lova hma an lak theih dan tur a enpui.
MZP in CM hnenah ramri buaina an thlen
MZP General Hqrs. hruaitute chuan Inrinni khan Chief Minister, Zoramthanga chu a Pisa-ah hmuin ramri-a buaina thleng mek kaihhnawih an sawipui.
DC pahnih te inbiakna Meeting minute zirlai ten an hal
Mizo Zirlai Pawl (MZP) chuan Inrinni kalta a Mamit DC leh Karimganj DC te inbiakna Meeting minute chu nimin khan Aizawl Vanapa Hall kawt-ah an hal.
District pahnih DC te inbiakna chungchangah Chief Secretary in mipuite hnenah ngenna a siam
Mizoram Chief Secretary, Lalnunmawia Chuaungo chuan Mizoram mipuite chu Mizoram leh mipuite thatna duh vek kan ni tih sawiin, hemi kawnga hmalak kan duhdan erawh a inang vek kher lo a nih pawhin kan duhdan ang diak diaka ti lo te ram leh hnam hmelma ang dawn dawna inpuh chu tilo turin a ngen.
Mamit DC leh Karimganj DC ten inbiakna neiin an inbiakna chungchang Mamit DC in a sawifiah
Mamit District Bawrhsap, Dr. Lalrozama chuan Karimganj DC nen Inrinni kalta an inbiaknaah Mizoram in a ram chinah sipai a dah a, a hnukkir thei lo tia a sawi thu leh hemi chungchang hi sawifel mai theih thil a nih loh avangin he an inbiaknaah an sawi zui lo tih a sawi.