Lenkawl

MLA thlanna neih thuai a tul

COVID-19 No Tolerance Drive neih mek ah nimin khan Serchhip District-ah Dan bawh-chhia mi 22 man leh an ni a, an vai hian Police te man vek niin an sum chawi tlingkhawm chu Rs. 5800/- a ni. Dan bawhchhia hi Serchhip-ah 18 manin Chhingchhip-ah mi 4 man an ni.

Zirtawpni-a Sample enfiah atangin Serchhip District-ah COVID-19 hri kai mi 4 hmuh niin Inrinni-a Sample enfiah atangin hri kai hmuh an awmlo thung.

Mizoram sawrkar-a Information & Public Relation leh RD changtu Minister, Lalruatkima chuan Inrinni zing khan Serchhip-a Block Development Office (BDO) hmunhma leh BDO Staff Quarters sakna tur hmunhma te a enfiah.

Mizoram khawpui Fai thlanna kal mekah Inrinni khan khawpui fai endiktute chuan Serchhip khawpui chhung an endik a, chawhnu lamah Thenzawl an endik leh bawk.

NEP 2020 a himlo niin sawi

Zirtawpni-a Mizoram-a Sample enfiah atangin COVID-19 hri kai mi 18 hmuh belh an ni a, Inrinni-a sample enfiah atangin hri kai 16 hmuh niin hri kai hmuhchhuah hi an tlahniam mek a ni.

Mizoram Youth Commission (MYC) buatsaihin, ‘Khuangchera Project : Huaisen inzirtir’ programme chu Zirtawpni zan khan HYVE Aizawl City Hall-ah hawn a ni.

Aizawl khawpui chhunga chawhmeh man sang lutuk ti ziaawm turin sawrkarin MIZOFED leh MAHFED te tlawm zawka chawhmeh lakkhawm hnathawk turin a ruat.

Mizoram Police hnuaia Cyber Crime Police Station chu Zirtawpni khan Police Headquarters (PHQ), Khatla-ah Mizoram DGP, SBK. Singh chuan a hawng.

Kumin January thla atanga September thla tawp thleng khan Mizoram-ah TB natna vei 1996 hmuhchhuah niin hemi chhung hian TB vei zingah nunna chan mi 37 an awm a. Tunhnai kum thum (2018-2020) chhungin Mizoram-ah TB vei leh TB vei nunna chan hi an pung chho mek niin a lang.

Mizoram khawpui fai thlanna neih mekah Vawiin hian khawpui fai endiktute chuan Serchhip khawpui fangin an rawn enfiah dawn.

Serchhip-I Village Council Faina kawnga hmalakna pakhat atan nimin zing khan an huam-chhungah ‘Tual Phiah Runpui’ an nei. Serchhip-I Village Council Sanitation Committee hmalakna a Tual phiah Runpui neih ah hian an huamchhung a chhungkaw tin ten chu anmahni kawtkai theuh fai taka phiatfai tura ngen in, Serchhip-I VC mipui ten an zawm tha hle a, Village Council-I Sanitation Committee te chuan lawmthu an sawi a ni. Nimin zing vek khan Serchhip Chan-mari VC Sanitation Committee te pawhin an huamchhung a chhungkaw tin te chu mahni kawt theuh phiat fai tura tiin, In awmlohna hmun te chu Sanitation Committee Member ten hnatlang in an phiat bawk.

Nimin Nov. 27, 2020 kha Mizoram Presbyterian Kohhran Hmeichhe ni vawi 24-na a ni a. Hri leng mek avangin kumdang anga hman theih a nih loh bakah he Ni hman dan tura lo ruahman lawk anga hman theih a ni lo.

Serchhip District-a COVID-19 No Tolerance Drive neih mekah nimin khan Dan bawhchhia mi 15 man leh an ni a, heng mite pawisa chawi tlingkhawm chu Rs. 1500/- a ni. Nimin a Dan bawhchhe man 14 te chu Police ten Serchhip-a an man an ni a, midang pakhat pawh hi Serchhip Town-a man a ni bawk.

Niminpiah-a Serchhip District-a Sample enfiah 105 atangin COVID-19 hri kai mi pakhat hmuh leh a ni a, Serchhip District-a hri kai hmuhchhuah chu mi 154 an tling ta.

Mizoram State Rural Livelihood Mission (MzSRLM) Serchhip RD Block buatsaihin nimin khan Thenzawl-a Golf Course Convention Centre-ah Block Level Credit Camp neih a ni a, Loan Cheng nuai 248.2 semchhuah a ni.

Kumthar-ah School tan tum

Tun thla ni 30 thleng awh tur ‘Farm Acts for Agriculture Reforms 2020’ chungchang inhrilh-hriatna leh zirtirna chu Mizoram hmun hrang hrangah Oct. 23, 2020 atang khan neih a ni.

Niminpiah-a Mizoram-a Sample enfiah atangin COVID-19 hri kai mi 23 hmuh belh leh an ni a, hri kai hmuhchhuah tamna Aizawl khawpui chhungah hri kai hmuhchhuah an tlem zel.

Mizoram-a 'COVID-19 No Tolerance Drive' kalpui mek chu kumthar January 10 thleng kalpui chhunzawm a ni dawn a, hunpui laiin Sawrkar programme pawimawh bik tihloh mipui hip thei programme huawihawt khap a ni.

Congress Legislature Party (CLP) Leader, Zodintluanga Ralte chuan MLA atanga Lalduhoma ban a ni chu pawi an tih thu leh ZPM MLA dangte lakah pawh action la si lo a, Lalduhoma lakah chauh action lak a ni chu mimal inhuatna vang liau liauah a ngai tih a sawi.

Serchhip bial atanga MLA atana thlantlin, MLA atanga ban tak Lalduhoma chuan a chungchanga Assembly Speaker Lalrinliana Sailo thutlukna chu Dan hmanga rorelna ni lovin, politics-a phuba a nih thu sawiin, “Kan kal zel dan tur chu kan party hruaitute'n an rel ang,” a ti.

MNF MLA 12 ten India Constitution 10th Schedule Para 2(2) bawhchhia-a an puh Serchhip bialtu MLA, Lalduhoma chungchanga thutlukna chu nimin khan Assembly Spaker, Lalrinliana Sailo chuan puangin, Independent MLA-a thlan Lalduhoma chu Mizoram Legislative Assembly Member a nihna chu hlih sak (disqualify) a ni.

Argentine Footballer, mi tam takin Footballer piang tawh zawng zawnga ropui ber leh thiam bera an ngaih, Diego Maradona chu nizan hmasa khan boralin kum 60 mi a ni.

COVID-19 No Tolerance Drive hman mek ah nimin khan Serchhip District chhungah Dan bawhchhia mi 17 man leh an ni a, heng mite pawisa chawi tlingkhawm chu Rs. 1800/- a ni. Nimin a Dan bawhchhia man te hi Police te man vek an ni a, Serchhip-ah mi 14 man niin Chhingchhip-ah mi 2 leh North Vanlaiphai-ah mi pakhat man an ni bawk.

Kumin a Faina Hapta hman denchhena Serchhip khawpui chhunga Damdawi In, Hotel, Thingpui Dawr fai thlanna kal mekah nimin khan endiktu tura ruat, Serchhip Photographer Association (SPA) te chuan endik hna an thawk a, heng endiktute hi hlawm hnih-ah inthenin Faina Hapta puala inelna hrang hrangah endik hna hi ngawrh taka thawh mek a ni.

New Serchhip South Village Council te chuan nimin khan khawtlang huap hnatlang neiin an huamchhung thenfai hna an thawk.

Chhekhnai Branch YMA Anti-Drug Squad te chuan nimin zing khan an huamchhunga Zu bilhlai Zem 6 zet an tichhia.

MNF MLA mi 12 ten Serchhip bialtu MLA, Lalduhoma chu India Constitution 10th Schedule Para 2(2) bawhchhiaa puha Assembly Speaker hnena an hekna chungchangah Assembly Speaker, Lalrinliana chuan Vawiin chawhma dar 11:00 hian thutlukna a puang dawn a, DDK leh Cable TV-ah te Live Telecast a ni ang.

Niminpiah-a Serchhip District-a Sample enfiah atangin COVID-19 hri kai mi pakhat hmuh a ni a, Serchhip District-a hri kai pakhat chu enkawl dam a nih hnuah nimin khan chhuahtir a ni bawk.

Lehkhabu thar tlangzarh

Serchhip bialtu MLA, Lalduhoma chuan tun thlenga hri kai enkawlna hmun atanga chhuah tur te RT-PCR hmanga test an la ni lo leh Test Kit mamawh khawp sawrkar in ala pe theilo chu hriatthiam har a tih thu a sawi.

Niminpiah-a Mizoram-a Sample enfiah atangin COVID-19 hri kai mi 20 hmuhchhuah an ni a, Mizoram-ah tualchhung-a hri inkaichhawng an tlem chho zel niin a lang.

MNF Party chuan nimin khan Lai Autonomous District Council (LADC) inthlanna neih tur atan Lawngtlai-a Mizo Hnam Run-ah ‘Campaign kick-off’ hun an hmang.

Nimin khan PC Party hruaitute chuan Aizawl-a an Office-ah ‘Shadow Cabinet’ kalphung zirhona an nei.

Union Minority Affairs Minister, Kiren Rijiju chuan Mizoram rawn tlawhin nimin khan Siaha leh Lawngtlai khua te a tlawh.

School Education Department Director, James Lalrinchhana chuan School Education Department-a Zirtirtute leh thawktu ten hri leng kara hma an lakna avangin School Education Department chuan InSPA atangin chawimawina, Achievement Award a dawng tih a sawi.

Mizoram Rajya Sabha MP, K. Vanlalvena chuan kawngpui leh Tui-ah Mizoram chu ramdang tana tlawhpawh harsa a ni lo tih sawiin, ami chengte zawk hi kan rilru tlawhpawh harsa a nih avangin rilru lama kan inkhar-khipna hi phelh a tul hmasa tih a sawi.

Tunhnaia Bihar inthlanpui-a Serchhip District atanga Duty tura kal zingah COVID-19 hri kai mi 40 zet an awm tawh a, Serchhip District-a TrueNat Laboratory hman theiha hawn a nih hnuah he Laboratory atang hian hri kai 95 zet hmuhchhuah ni tawhin Serchhip District-a hri kai hmuhchhuah zinga a zatve aia tam chu he Laboratory atanga hmuh an ni.

COVID-19 No Tolerance Drive hman mek ah nimin khan Serchhip District-ah Dan bawhchhia mi 22 man leh an ni a, heng mite pawisa chawi tlingkhawm chu Rs. 2200/- a ni. Nimin a Dan bawhchhia man zinga 19 te hi Police ten an man niin heng bakah hian Chhingchhip-ah mi 2 leh Thenzawl-ah Dan bawhchhia mi pakhat man an ni bawk a ni.

Serchhip District Magistrate, Kumar Abhishek chuan thupek tichhuakin Mizoram hmun tam tak, a bikin Myanmar ramri hrul khua ah te China siam Kenbo Bike chu mi thenkhatin an kawl tih hriat a ni tih tarlangin, heng Kenbo Bike te hi dan kalha lakluh an nih mai bakah mi thenkhatin sawrkar phalloh thil phurh velna atan an hmang fo thin tih hriat a ni bawk tih a tarlang a. Serchhip District chhungah Kenbo Bikes chelek leh hman khap tlat a tih tarlangin, dan lova Kenbo Bike lo kawlte chu man sak an nih mai bakah, dan angin an chungah hremna chelek a ni ang tih a tarlang bawk.

Serchhip District-a Sawrkar laipui ruahmanna hnuaia hmasawnna hnathawh thlirletna hun, District Development Coordination and Monitoring Committee (DISHA) thutkhawm chu nimin khan an Chairman Lok Sabha MP, C. Lalrosanga kaihhruaina hnuaiah Video Conference kaltlangin neih a ni a, Serchhip atangin District Bawrhsap, Kumar Abhishek hovin Serchhip DC’s Conference Hall atangin Line Department hotu ten lo zawmin Meeting tan a nih hnu lawkah inbiak-pawhna lamah harsatna a awm zui avangin karleh Thawhlehni-a chhunzawm tura tihtawp a ni.

MNF General Hqrs. chuan an Party Block hruaitu tur ruat tharin Serchhip East Block MNF President atan C. Vanlalsiamthara chu ruat a ni.

Central YMA in mipui ngen

Mizoram-ah hri kaichhawnna hriat mumal loh-a COVID-19 hri kai an tlahniam zel a, nimin-piah-a Mizoram-a Sample enfiah atangin COVID-19 hri kai 35 hmuhchhuah an ni.

Mizoram sawrkar Flagship Programme, Socio-Economic Development Policy (SEDP) hnuaia AH&Vety Department hmalakna bultan nan Pilot Project 2019-2020 chu nimin khan AH&Vety Minister, Dr. K. Beichhua chuan a hawng.

Information & Public Relations Department chuan MJA General Hqrs. hruaitu thar te lawmpuina hun nimin khan buatsaihin I&PR Director, Lallianpuii MIS chuan MJA General Hqrs. OB leh Executive Member te chu lawmpuina leh duhsakna a hlan.

Prime Minister, Narendra Modi hovin India ram State hrang hranga Chief Minister te chuan nimin khan Video Conference hmanga inbiakna neiin COVID-19 Vaccine sem dan leh buaipui zui dan tur chungchang an sawiho a, Mizo-ram Chief Minister, Zoramthanga pawh a tel.

* Kohhran ho te ah ngenna siam tum a ni Nimin chawhnu khan Health Minister, Dr. R. Lalthangliana hovin COVID-19 hri leng kara kan hma lawka hunpui lo thleng tur atana Mizoram inbuatsaih dan tur ngaihtuahin thutkhawm neih a ni.

Kumin a Faina Hapta puala Village Council fai thlanna kawnga hmalakna kal zelah nimin khan Serchhip-III Village Council chuan khaw-tlang huap hnatlang koin he hnatlang ah hian an huamchhunga Step leh lungrem te rawng an hnawih thar bakah an huamchhung an thianfai a, an rawng hnawih turte hi UD&PA Department lamin an tum sak a ni. Hnatlang hi Vawiin ah neih chhunzawm leh a ni ang.

Thenzawl PTS-a inkhunghrang lai niminpiah a boralta chu a sample enfiah a nih hnuah COVID-19 hri a kai tih finfiah niin Mizoram-a COVID-19 hri kai nunna chan chu mi 6 an tling ta a ni.

COVID-19 No Tolerance Drive neih mek ah nimin khan Serchhip District-ah hri leng mek laka himna tura Dan siam bawhchhia mi 29 man leh an ni a, heng mite pawisa chawi tlingkhawm chu Rs. 4700/- a ni.

Niminpiah-a Serchhip District-a Sample enfiah atangin COVID-19 hri kai mi 9 hmuh-chhuah an ni a, an vai hian BSF Sipai, State pawn atanga rawn lut an ni.

Serchhip District chhunga Accredited Social Health Activist (ASHA) te tan ni 3 awh tur an hnathawhna kawnga intuaitharna leh Home Based Care for Young Child (HBYC) chungchang zirhona chu nimin khan neih Serchhip-ah neih tan a ni.

Niminpiah-a Mizoram-a Sample enfiah atangin COVID-19 hri kai mi 50 hmuhchhuah leh an ni a, Mizoram-a hri kai hmuhchhuah chu 3710 an tling tawh.

Nimin khan Land Revenue & Settlement Minister, Lalruatkima leh Law & Judicial Minister leh Champhai South bialtu MLA ni bawk, TJ. Lalnuntluanga te hovin Champhai Town Area huamchhunga leilet humhalh chungchang hmalakna kal mek leh hmalak zel dan tur sawiho a ni.

National Student's Union of India Mizoram state (NSUI Mz) chuan Mizoram Board of School Education (MBSE) Office Building tun thlenga sak that hna thawh ala ni lo chu an hrethiamlo hle tih an sawi.

Assam Rifle 23 Sector-a DIG, Brig. Digvijay Singh chuan Mizo thalai sipai tang duh leh a ti tak tak duh tan Coaching hawn a ni dawn tih sawiin, hemi ti hlawhtling tur hian MZP te chu thawhpui-a a sawm.

MLA a nihna atanga ZPM Legislature Party Group Leader, Lalduhoma ban tir tuma hekna chungchanga thutlukna chu tunkar tawp, Zirtawpni khian puan a ni dawn.

Serchhip District-a Anganwadi enkawltu, Serchhip Anganwadi Workers leh Helpers Association te hian COVID-19 hri leng mekah Serchhip District chhunga hri kai te enkawlna hmun, COVID Care Centre (CCC)-a mamawh tula hman turin nimin khan an sum thawkhawm Rs. 4000/- chu Serchhip CMO, Dr. Laldawngliana Sailo hnenah an hlan a, hetianga hri kai mek te enkawlna tura sum leh pai petute chungah hian an lawm hle tih Health Department hotute chuan an sawi a ni.

Serchhip Leisang Veng-a NH. 54, Theihai lui kawrh kam-a kawng kual ulh lutuk chu Serchhip-VII Village Council hmalakna in laihzauh a ni dawn.

COVID-19 No Tolerance Drive neih mekah nimin khan Serchhip District chhungah hri leng laka mipuite himna tura Dan leh kaihhruaina siam te bawhchhia mi 20 man leh an ni a, heng mite pawisa chawi tlingkhawm chu Rs. 3800/- a ni. Nimin a Dan bawhchhia man te hi Police te man vek an ni a, ni 4 kalta chhungin Executive Duty ten ni 3 chhung chu Dan bawhchhia man an nei tawh lo a ni.

Pathianni-a Serchhip District-a Sample en-fiah atangin COVID-19 hri kai mi pakhat hmuh belh leh a ni.

Serchhip Bazar atanga Chanmari Veng panna, YMA Road-a lirthei tlan dan chu naktuk atanga hman tan tura tih danglam a ni.

Serchhip Nursing School CCC-a COVID-19 hri kai enkawl, Pathianni-a hri a kai tawhloh avanga chhuahtir pakhat, Thenzawl mi chu nimin khan a boral avangin nizan khan a Sample enfiah nawn leh tura tih a ni.

 Khawpui fai endik tan dawn

Mizoram Pradesh Congress Committee (MP-CC) chuan COVID-19 dona kawnga thawk tura mahni inpe te chu Chief Minister Relief Fund For COVID-19 atangin lawmman siam sak nise an duh thu an sawi.

Niminpiah-a Mizoram-a Sample enfiah atangin COVID-19 hri kai mi 13 hmuhchhuah an ni a, ZMC Laboratory-ah Sample enfiah a awmlo thung.

ZPM Party chuan Mizoram Electoral Roll atanga Tripura a inbengbel tawh Tuikuk te vote paih a nih theih nan nimin khan Election Commission of India-ah lehkha an thlen.

Home Minister, Lalchamliana hova nimin-a sawrkar mi pawimawh te thukhawm chuan kan hmaa hunpui lo thleng turah halpuah, halmawi, silai lem mu kap chhuak thei leh Sky Lantern khap nise an ti.

Telecom Advisory Committee (TAC) ruat thar a nih hnua thutkhawm hmasa ber chu nimin khan Lok Sabha MP, C. Lalrosanga hova neih niin Lok Sabha MP chuan Mizoram BSNL hnathawkte chu ramri lam ngai pawimawh turin a chah.

State Employment Guarantee Council thutkhawm chu nimin khan Rural Development Minister, Lalruatkima hovin Video Conferencing hmanga neih a ni a, he hunah hian Ministry of Rural Development atangin MGNREGS atan kumin chhungin cheng nuai 51513.4028 hmuh a nih tawh thu tarlan a ni.

Zirtawpni-a Serchhip District-a Sample enfiah atangin COVID-19 hri kai mi 6 hmuh belh niin Inrinni-a Sample enfiah ah hri kai 16 hmuh an ni bawk a, ni 2 chhungin Serchhip District-ah hri kai 22 hmuh an ni.

Serchhip Blood Bank-a thisen mamawhna a san avanga Blood Bank-a thawktu ten an ngen angin Inrinni khan Serchhip Bethel Branch KTP te chuan Serchhip Blood Bank-a dah turin thisen Unit 28 an pe a, thisen petute hi mipa 21 leh hmeichhia 7 niin Bethel Kohhran Sunday School Hall-ah Blood Bank-a thawktute hi kalin an thisen hi an lak sak a ni.

COVID-19 No Tolerance Drive neih mek ah Inrinni khan Serchhip District-ah Dan bawh-chhia mi 32 man leh an ni a, heng mite pawisa chawi tlingkhawm chu Rs. 4200/- a ni.

Faina Hapta hman puala Village Council Area fai thlanna kal zel pualin Inrinni khan Serchhip-a Village Council hrang hrangte chuan hnatlangpui an nei leh a, hriat theih chinah Serchhip-I VC, Serchhip-II VC, Serchhip-V, Serchhip-VII VC leh Serchhip-VIII VC bakah Darnam Veng VC te chuan khawtlang huap hna-tlang hi neiin an huamchhung hmun hrang hrang an thenfai bakah tuihawk luankawr te siamthain lungrem awm ang ang te rawng an hnawih bawk a ni. Hei bakah hian VC Area thenkhat chuan Faina kawnga hmalakna atan an huamchhunga mi harsa zawkte tan lungrem rawng hnawih turin inhlawhna an siam sak bawk a ni.

Serchhip khawchhung paltlangtu National Highway-54 chu tunlai hian Serchhip hmarlam, Chhiahtlang atanga tanin thawmthat hna thawh mek a ni.

Dy. Speaker in Sialhau tlawh

Mizoram-ah COVID-19 hri kai hmuhchhuah an la pung chho zel a, Zirtawpni leh Inrinni, ni 2 chhunga Mizoram-a Sample enfiah atangin hri kai mi za chuang hmuhchhuah an ni.

Mizoram-a tlawmngai pawl intelkhawmna, NGO Coordination Committee chuan Union Home Minister hova Bru chungchanga inremna lo awm tawh, hri leng vanga bawhzui loha awm chu chak taka hma la turin sawrkar an phut thu an sawi.

North Vanlaiphai Village Council inthlanna neih zawh taka thlantlin te chuan Village Council inthlanna neih zawh taka Ballot Paper Rejected (General vote) te hmuh zawh loh a ni chu pawi an tih thu an sawi.

Mizoram Pradesh Congress Committee (MPCC) chuan Chief Minister's Relief Fund for COVID-19 chu COVID-19 avanga harsatna tawk te tanpui nana hman an duh thu an sawi.

Kum 2012 atanga kumin (2020) October thla thleng khan Mizoram-ah kangmei vangin Rs. 53,90,42,659/- hu bungraw kang chhia (value of property damage) a awm a, hemi hun chhung vek hian kangmei vanga nunna chan mi 31 an awm bawk.

Agriculture Minister, C. Lalrinsanga chuan mipui ten thlai tharchhuah man a tlawm zawk theih nan Vegetable Market Chain kalpui turin hma an la mek tih sawiin, hemi atan hian Aizawl chawmtu khaw hrang hranga loneitute chu Society anga kaltir tum an nih thu a sawi bawk.

Zu man sa tihchhiat a ni

Mamit bialtu MLA, Er. H. Lalzirliana chuan nimin khan Hero Motocorp Ltd. te Corporate Social Responsibility (CSR) Fund atanga dawn First Responder Vehicle (FRV) leh zirlai naupangte hman tur zirna hmanraw hrang hrang chu Mamit atangin a vailiam.

Niminpiah a Mizoram-a Sample enfiah atangin COVID-19 hri kai mi 28 hmuhchhuah leh an ni.

Mizoram Lok Sabha MP, C. Lalrosanga’n SAGY hnuaia Model Village tura a thlan, Muallungthu khua ah nimin khan Model Village hawnna neiin Model Village chungchang zirhona neih nghal a ni.

Nimin khan Union Rural Development Minister, Narendra Singh Tomar hovin State hrang hranga Rural Development enkawltu Minister te chuan Video Conferencing kaltlangin ‘Awas Diwas’ an hmang a, Mizoram atangin Rural Development Minister, Lalruatkima pawh a tel a ni.

Nimin khan Serchhip-ah COVID-19 hri leng laka himna tur Dan siam bawhchhia mi 24 man leh an ni a, an vai hian Police te man vek niin Executive Duty leh VLTF Duty ten man an neilo thung.

Serchhip Blood Bank-a thisen dahkhawl sa a tam loh avanga harsatna thleng palh thei venna atana Serchhip Blood Bank-a thawktu ten ngenna an siam angin nimin khan Serchhip Vengchung Branch YMA te chuan Serchhip Blood Bank-a dah turin thisen Unit 30 an pe a, thisen petute hi mipa 24 leh hmeichhia 6 niin heng mi tlawmngai te hi Serchhip Blood Bank-ah kalin Blood Bank-a thawk ten an thisen hi an lo lak sak a ni.

Serchhip District chhunga Booth Level Officer (BLO) zinga Electoral Roll Revision Training la neilo te tan nimin khan nikhat awh Training neih a ni.

Niminpiah khan Serchhip District-a TrueNat Laboratory-ah Sample enfiah awm lovin Rapid Antigen Test hmanga Sample 4 enfiah ah hri kai hmuh thar awm lo bawk.

UD&PA Department leh Govt. Serchhip College-a NSS leh Eco Club te chuan nimin khan Sesah Luidung thenfai hnatlang an nei leh a, tunhnaiah he luikawrh tum 4 an thenfaina a ni.

District Child Protection Unit (DCPU), Serchhip chuan nimin khan Zoar Urban Deprived Children’s Home leh Unity Orphanage Home-a naupangte nen ‘Children's Day’ leh ‘World Day for Prevention of Child Abuse’ pualin hun an hmang.

Serchhip Sub-Hqrs. YMA Zaipawl in Music Video an siam thar, 'Nunhlui' tih chu nimin khan Serchhip DVO kalchhuak ta leh Serchhip Sub-Hqrs. YMA-a Executive Member lo ni tawh, Dr. Lalnghinglova chuan a tlangzarh.

Serchhip District chhung North Vanlaiphai Village Council inthlanna a lungawilohna nei ten an lungawilohna an thlen chu ngaihtuah a nih hnuah State Election Commission-ah Report thehluh a ni tawh a, State Election Commission chuan North Vanlaiphai Village Council-ah hian inthlan that a tul dawn tih an sawi. Kumin August 27-a North Vanlaiphai Village Council inthlanna neih zawh takah thil fello a awm nia an hriat avanga mi 15 ten State Election Commission-a lungawilohna an thlen hnuah November 18, 2020 khan heng lungawilohna thlen te ngaihtuah tura ruat, Election Tribunal kaihhruaina hnuaiah an lungawilohna thlen te hi ngaihtuah a ni a, he inthlanna a Vote tla te chhiar that a nih hnuah thil fello a awm ngei tih finfiah a nih avangin inthlanna hi neih that leh a ngai dawn nia thudawn a ni. State Election Commission-a Secretary, Teresy Vanlalhruaii chuan he inthlanna a lungawilohna thlen te ngaihtuahtu, Election Tribunal chuan nimin, Nov. 20, 2020 khan an thil hmuh dan chu State Electi

DAN HNUAIA FA LAK (ADOPTION)

Nimin khan World Toilet Day hman niin he Ni denchhen hian ramchhunga District 20 thlanchhuah te hnenah Swachh Bharat Mission (Gramin) hmalakna atangin Award hlan niin Mizoram atangin Serchhip District leh Kolasib District te chuan he Award hi an dawng a ni.

Inrinni kalta-a MIZOFED Serchhip Branch atanga eirawngbawlna Gas hralh manchhuah a inhnamhnawih mi panga (5) te chu pawisa chawitir a hrem an ni.

Kumin August 27-a North Vanlaiphai Village Council inthlanna a Vote tla te niminpiah-a chhiar nawn chu chhiar zawh theih a ni lova, Election Tribunal te chuan an thil hmuhdan report siamin Vawiin hian State Election Commission-ah thehluh a ni ang.

Nimin khan Govt. Serchhip College-a thawk te leh zirlaite chuan ramchhung hmundang rualin National Integration Day (Quami Ekta Divas) an hmang.

Niminpiah khan Serchhip District-ah COVID-19 hri kai mi 8 hmuhchhuah leh an ni a, an vai hian Mizoram Police mi leh sa, tunhnaia Bihar inthlanna a Duty te an ni.

COVID-19 No Tolerance Drive neih mek ah nimin khan Serchhip District-ah hri leng laka himna tura Dan siam bawhchhia mi 41 man leh an ni a, heng mite pawisa chawi tlingkhawm chu Rs. 5000/- a ni.

MYC hnuaiah kalpui tan

Niminpiah-a Mizoram-a Sample enfiah ah COVID-19 hri kai mi 32 hmuhchhuah a ni a, tunhnaia Aizawl khawpui chhunga hri kai hmuhchhuah tam lutuk chu a ziaawm tan mekin Bihar inthlanna a Duty zingah hri kai hmuhchhuah an pun belh mek thung.

MNF General Hqrs. chuan thuchhuah siamin Assembly Speaker, Lalrinliana Sailo chuan Dan a bawhchhe lo niin an sawi.