Mizoram Pradesh Congress Committee (MPCC) President Lalsawta chuan Mizo hnam tel lohna India a kim thei lo nia sawiin, “India Pakhat, Mizoram mipuite telna hi kan duh a ni,” a ti.
Khawvel-a Salvation Army hotulu ber, General Brian Peddle-a leh a nupui World Women’s Ministry President, Commissioner Rosalie Peddle-i te chuan khan Mizoram an rawn thleng a; naktuk February ni 1 atanga ni 5 chhunga India Eastern Territorial Congress neih tur an hmanpui ang.
MNF Legislature Party (MLP) chu nimin khan Chief Minister Zoramthanga hova thukhawmin Mizoram Legislative Assembly Deputy Speaker thlanna neih turah Candidate atan H. Biakzauva chu lungrual takin an thlang.
Mara thalai pawl lian ber, Mara Thyutlia Py (MTP) hruaitute chuan nimin khan Governor Hari Babu Kambhampati kawmin Siaha District chhunga mipui tana thil an ngaihpawimawh hrang hrangte bakah Refugee chungchang leh NHIDCL company hnathawh chungchang te an sawipui.
Dan lova Khuhva tawlhruk chungchang ngaihtuah tura din Task Group on Illegal Arecanut chu nimin khan Task Group Chairman H. Lalengmawia IAS, Commissioner & Secretary Home Department kaihhruaiin an thukhawm.
Governor Hari Babu Kambhampati chuan nimin khan Bharat Sanchar Nigam Ltd. (BSNL) leh Bharat Broadband Network Ltd. (BBNL) hotute kawmin Mizoram-a Internet Connectivity tih hmasawn dan tur chungchang a sawipui.
Kumin March ni 2-a Mizoram in G20 Meeting a thlen tur atana inpuahchahna kal mekah Chief Coordinator Harsh Vardhan Shringla leh a thawhpuite chuan Inrinni khan Chief Minister Zoramthanga chu CM Cabinet Meeting Room-ah hmuin an inkawm a. Mizoram G20 Core Team leh Sub-Committtee te Meeting am neihpui mghal bawk.
Nikum 2022 chhung khan Mizoram-ah kangmei avanga bungraw kangchhe hlut zawng chu cheng vbc. 23 a tling.
Lawngtlai-a KVK te chuan hlawhtling takin Buhtun an tharchhuak.
Mizoram-a Internet provider pahnih, Airtel leh Reliance Jio chuan hun reilote ah 5G pekchhuah an tum tih an sawi.
Environment, Forests and Climate Change Department kum 50 tlin lawmna chu Inrinni khan Aizawl Bethlehem Vengthlang-a Forest Training School-ah neih a ni a, EF&CC Minister TJ. Lalnuntluanga chuan a hmanpui a ni.
Nimin khan Chief Minister Zoramthanga hovin Cabinet Meeting chu CM Cabinet Meeting Room-ah neih a ni a, he thutkhawm ah hian sawrkar Department hrang hrang atanga thu pawimawh lutte ngaihtuah niin Commonwealth Games Gold Medalist Jeremy Lalrinnunga hnena Ainawn Veng a In hmun, General Administration Department hnuaia awm chu pek ni se tih chu pawm a ni.
Mizoram People Forum (MPF) General Headquarters President atana thlan thar Mizo-ram Synod Moderator Rev. Dr. C. Chawnghmingliana chuan Rev. Dr. Vanlalnghaka Ralte hnen atangin nimin khan mawhphurhna a la.
All India Radio (AIR), Lunglei in Full Fledged Digital Studio a kalpuina tur leh tun thla ni 31 thleng Sawrkar laipui flagship programme Swachh Bharat kalpuina hun chu nimin khan neih a ni a, AIR Director, Mizoram Cluster Head DR. Lalropuia chuan a hmanpui a ni.
Nimin khan Lawngtlai-ah District Level Socio-Economic Development Policy (SEDP) Committee chu an Chairman leh Lawngtlai Bawrhsap Amol Srivastava hova thukhawmin Line Department hrang hrangte hmalak dan an thlirho.
Nizan hmasa dar 7:30 vel khan Balaji Construction Pvt. Ltd. hnuaia thawk mi 3 te chu Khawzawl-ah kawngchhak leimin in a chhilh a, an vai hian a hmunah an thi nghal.
Central YMA hruaitute leh Mara thalai pawl, Mara Thyutlia Py ( MTP) hruaitute chu nimin khan Aizawl-a Central YMA Office-ah an inkawm.
Governor Hari Babu Kambhampati chuan nimin khan Bharti Airtel Ltd. a Zonal Officer leh Engineer te chu Raj Bhavan-ah kawmin Airtel in Mizoram hmalakna liantham a neih mek te, an harsatna leh hmachhawp pawimawh an neih te an sawiho.
North Vanlaiphai bialtu MLA hlui Lalrinmawia chu niminpiah khan boralin nimin khan a chenna Aizawl Luangmual-ah vuiliam a ni.
Vantlang atanga TB damlo te chawtha hmanga tanpuina Programme, Pradhan Mantri TB Mukt Bharat Abhiyaan, Community support to TB Patients hnuaiah Mizoram-a mi 61 ten TB vei enkawllai te an tanpui mek a. Nikum chhung khan Mizoram-ah TB vangin mi 59 an thi thung.
FCS&CA Department chuan Cooking Gas/LPG hmangtute tan IOCL hotuten, Clause 5.3 of LPG Manual version 2.0 in a phut angin IOCL hnuaia LPG connection (domestic) nei te chuan kum 5 chhungin Mandatory Inspection tum khat tal neih tur a ni tih thuchhuah a siam a. Declaration sign duh lo ten Gas an la chhunzawm lo anih pawh sawi buai thei dawn lo.
Niminpiah Nilaini khan Hrianghmun khua ah kangmei chhuakin In 4 a kangral vek a, In pakhat erawh a then kangin mi tlawmngai ten an thelh thei thung.
Mizoram-a Eye Bank a awm hnu, July 2008 atanga nikum 2022 kum tawp thleng khan Mizoram-ah midang tana Mit pe mi 932 an awm tawh a, chung atang chuan a mamawh mi 447-te chu hlawhtling taka an Mit thlaksak an ni tawh.
Bharat Petroleum Corporation Limited (BPCL) hnuai a awm, North East (Shillong) Region-a Filling Station tha tehna 'Quality & Quantity' (Q&Q)-ah C. Vanlalruata Filling Station (near Chite Lei, Bethlehem Vengthlang) chu 2022-2023 chhunga Filling Station tha ber ah thlan a ni.
India Republic Day vawi 74-na chu nimin khan Aizawl-ah pawh neih niin Governor Hari Babu Kambhampati chuan India Hnam Puanzar pawtparhin Parade Contingent 26 ten Hnam Puanzar zahna chibai an buk chu a chhanglet a, mipuite hnenah thuchah a sawi bawk.
Republic Day Volleyball DC Running Trophy chu nimin khan khelh zawh niin Mipa-ah Serchhip Vengchung VC leh Hmeichhia-ah Bungtlang VC te an Champion.
Vawiin January 26, 2023 hi India Republic Day vawi 74-na a ni a, ramchhung hmun hrang hrangah uar leh urhsun taka hman a ni ang.
Officer on Special Duty (OSD) to CM Rosangzuala chuan nimin khan Chief Minister Zoramthanga hnenah OSD to CM a nihna leh MNF Headquarters-a Adviser to CM a nihna atanga banna a thehlut.
Mizo thalai Japan ram-a Nurse hnathawk tur mi 14 te chu NSDC-I tumsaka Delhi-a Japanese tawng thla 9 chhung zir turin nimin khan thlahliam an ni.
Mizoram Lok Sabha MP C. Lalrosanga chuan nimin khan New Delhi-ah hmarchhak bialtu Union Addl. Home Secretary Pijush Goyel chu Mizoram atanga kal Returnee hotute hmuhpuiin, Mizoram Inremna thuthlung anga returnee-te chhawmdawl chungchang a sawipui.
Mizoram Tourism Department bultumin nimin khan Tourism Minister Robert Romawia Royte hovin ‘National Tourism Day’ hman a ni.
Taxation Minister Lalchamliana chuan nimin khan Mamit Dinthar Veng-a Taxation Office Building thar chu a hawng.
Social Welfare and Tribal Affairs Minister Er.Lalrinawma hovin nimin khan ‘National Girl Child Day’ kharna Inkhawm chu Tourist Lodge, Chaltlang-ah neih a ni.
Pachhunga University College Research Conclave 2023 chu nimin khan PUC Seminar Hall-ah neiin Higher & Technical Education Minister Dr. R. Lalthangliana chuan a hawng a ni.
Ministry of Home Affairs (MHA) chuan chhiatna hmachhawn dan chungchanga thawkthate chawimawina dawng turin Lunglei Fire Station chu thlan a nih thu tunkar Thawhtanni khan a puang.
Home Minister Lalchamliana chuan nimin khan Online ILP portal thar, ‘Revised Online Inner Line Permit (ILP) Portal Phase-I’ chu a tlangzarh a, ILP Portal Phase-I kaltlang hian Online hmangin Temporary ILP, Temporary Stay Permit leh ILP Exemption Certificate dil theih a ni ang.
Information & Public Relations Minister Lalruatkima chuan, “Mipui thlantlin Sawrkar chu sawisel ngam loh a nih a rem lova, Sawrkar tan inenletna tak tak a ni thei,” a ti.
Mizoram People's Forum (MPF) leh Political Party ten thawhhona thuthlung an siam sawihona chu nimin khan Synod Committee Room No. I-ah neih a ni.
Mizoram-a sawrkar hnathawk inzawmkhawmna pawl, FMGE&W chuan Dearness Allowance (DA) chungchang, hlawh lak tlai chungchang leh Pension kum atana 62 hman chungchang ngaihtuah turin February ni 1, 2023-ah General Council Meeting a ko a, a hnuaia Affiliated Association zawng zawngte chu aiawh tir ngei tur leh mahni Association ngaihdan leh hmalak duhdan fel tak neisa turin a beisei.
.jpeg)
.jpeg)
Leilet-a buh chinte ei chhe thintu Khau chi khat, Brown Planthopper puang vangin nikum chhung khan Tlabung Sub-Division huamchhunga chhungkaw 280 bawr velin kum danga an Buh tharchhuah an pha lo.
National Student's Union of India (NSUI) Mizoram State te chuan Lengpui Airport-a Trolley hman tlak awm mang lo chu a hmuna kalin an enfiah tih an sawi.
Fisheries Minister K. Lalrinliana chuan, “Kan damkhawchhuah nan luidung-a nungchate kan man duh dan kan thlak a ngai a ni,” a ti.
Ni hnih awh tur National Workshop for State Legislators on State Finances chu Constitution Club of India, Rafi Marg, New Delhi-ah nimin khan neih tan a ni a, Mizoram atang pawhin MLA pathum an tel a ni.
Rualbanlote dawmkan kawnga thawk tha te chawimawina ‘State Award for the Welfare of Persons with Disabilities’ chu a vawi khatna atan hlanna hun hman niin Chhingpuii leh Commissioner Lalkiamlova te hnenah Chief Minister Zoramthanga chuan a hlan a ni.
Mizoram Police chuan Central Equipment Identity Registry (CEIR) chu hmang tangkai turin mipuite an chah.
Serchhip District-a North Vanlaiphai KVK hmun ah ‘International Year of Millet 2023’ pualin Zirtawpni khan Buhtun chin dan zirhona neih a ni.
National Food Security Mission (NFSM) hnuaia KVK North Vanlaiphai (Serchhip District) te hmalakna chu Ningani khan NFSM Technical Officer Koushik Dutta chuan a hmunah a enfiah a. Koushik Dutta hi Serchhip atangin DAO Tlangtimawia Zote chuan tawimawin KVK North Vanlaiphai-a Senior Scientist & Head Dr. T. Vanlalngurzauva leh a thawhpui ten an lo dawngsawng a, KVK in hma an lakna hrang hrang a bu-a siam chu lo hlanin an hrilhfiah bawk a ni.
Home Minister Lalchamliana chuan ramri chungchang bik ngaihtuahtu tur Border Management Cell din tura hmalak mek a nih thu a sawi.
Kum 2022 chhung khan Directorate of Forensic Science Laboratory (FSL), Mizoram, Aizawl chuan Case 1172 an endik a, heng zingah hian pawikhawihna hmun 86 enfiah a ni.
Vairengte Aitlang hnar lam, Assam ramri hnaih-a Vairengte mi, Hmunphiah huan nei chhungkaw 20-a mi 40 bawr velte chu Assam Police (AP)-te laka harsatna an tawh lohna turin Identity Card siamsak an ni a. Huan neitu thenkhatte chuan anmahni huan, Mizoram chhung ngeia harsatna tawk loa an kal theihna tur ID Card siam an ngai chu tlawm thlak an ti hle tih an sawi.
Nikum 2022 khan Mizoram-ah ruahtui 2015.1 mm a tla a. Sik leh sa chawhrual pawh 21.8°C niin kum dang nena khaikhinin inthlak danglam lutuk a ni lo.
Aizawl Zoological Park-ah Sakei (Bengal Royal Tiger) a nu leh a pa dah belh a ni dawn a, Nandankanan Zoological Park atanga lak tur niin, ruahmanna a kaltluan chuan thla thar February thla chhungin lak thlen theih beisei a ni. Hetihlai hian kum kal mek 2022-23, thla kua (April - December) chhungin Aizawl Sahuan tlawhtu mi 43,901 an awm.
Mizo Zirlai Pawl (MZP) chuan MSSSB in MZP ngenna ngai pawimawh lova tunhnaia hna lakah hnamdang an tling fo chu hriatthiam har an tih thu an sawi.
Mizoram sawrkar din Boundary Committee chu nimin khan a vawi 5-na atan Vice Chairman leh Home Minister Lalchamliana hovin Directorate of Forensic Science Laboratory, Conference Hall-ah an thukhawm.
Mizoram-a Rural Development (RD) Block 27-na atan nimin khan Kawrtethawveng RD Block chu Chief Minister Zoramthanga’n a hawng.
Nimin khan Mamit District Hospital Complex-ah Damlo awmpuitute Khualbuk, Patient Attendants' Shelter chu bialtu MLA Er. H. Lalzirliana chuan a hawng.
Mizoram Lok Sabha MP C. Lalrosanga chu Parliamentary Standing Committee on Health and Family Welfare member dangte nen Study Tour neiin khawpui hrang hrang an tlawh kual mek.
Ministry of Defence hnuaia National Defence College, New Delhi-a training lai sipai hotulu te leh faculty te chuan tun thla ni 29 atang khian Mizoram an rawn tlawh dawn a, heng mite lo dawnsawn dan tur hi nimin khan Home Secretary Lalengmawia hovin Secretariat Conference Hall-ah sawihona neih a ni.
State Task Force Committee for Immunization chu Committee chuan nimin khan Chhul hmawl Cancer venna atana Vaccinepek dan tur an sawiho.
Rilru engthawl taka zirlai ten Exam an hmachhawn theihna tura Prime Minister Narendra Modi lehkhabu ziah ‘Exam Warriors’ tih chu nimin khan Governor Hari Babu Kambhampati chuan Raj Bhavan Durbar Hall-ah a tlangzarh.
Mizoram Pradesh Youth Congress Committee (MPYCC) President Dr. Lalmalsawma Nghaka chuan Mizoram Sawrkarin sum a enkawl thiamloh em avanga Mizoram mipui miharsa zawk leh chhawmdawl ngaite harsatna tawk thei din-hmuna an ding mek niin a sawi.
Governor Hari Babu Kambhampati chuan nimin khan Health Department Official te Raj Bhavan-ah kawmin Prime Minister TB Mukh Bharat Abhiyan hmalakna kal mek a hnathawh leh thlen chin te an thlirho.
Supply Minister K. Lalrinliana chuan thla thar atangin Priority Household (PHH) beneficiary te chu mi pakhat zelah buhfai kg. 3 zel a man tlawma pek an ni dawn tih a sawi.
