Hripui leng kara Chhiah khawn dan tur sawiho

Nimin khan Revenue Minister, Lalruatkima hovin a Pisa-ah Aizawl khawpui-a COVID-19 hripui inkhuahkhirhna avanga Land Revenue Chhiah leh Zoram chhiah khawn kalpui dan tur leh harsatna awm thei chungchang sawihona neih a ni.

He Meeting-ah hian Revenue Minister chuan Chhiah khawn chungchangah Aizawl City Local Council Association hruaitute puihna a ngen a, hripui in kai darh hlauhthawnna avanga fim-khur taka Land Revenue leh Zoram Chhiah kawn chhunzawm dan tur an sawiho a ni.

Thingtlang khaw thenkhatte leh Aizawl Veng thenkhat ah te hripui avanga Land Revenue & Settlement Department Chhiah khawntu te luh theihlohna avangin kum 2019- 2020 chhunga Leiman Chhiah leh Mizorama awm man, Zoram Chhiah khawn a khaih lak fo a. Chhiah khawn ah Arrear Tax leh fine te laka hriatthiamna nei chunga a khawn hun chhungte pawhsei a ni chungin, Chhiah a lut tha lova. State sawrkarin Revenue Department Chhiah hmuh tur a bituk (target) hmuh kim ala ni lova, nasa taka hma lak zel a nih thu he meeting ah hian tarlan a ni bawk a ni.

He Meeting hian Mizoram pum huap a Land Revenue Chhiah leh Zoram Chhiah khawn hun pawhsei leh ni se tiin a rel a. COVID-19 hripui laka SoP tha taka zawm a fimkhur tak chunga Chhiah khawn chhunzawm leh nise tih rel a ni a. Dec. 7, 2020 atanga khawn chhunzawm leh anih theih nan AMC area-a Local Council te leh VC hrang hrangte puihna nena Chhiah khawn chhun-zawm ni se, mipuite pawh Chhiah tha taka lo pe tura ngen nise tih rel a ni bawk.