Monday, 30 October 2017

Serchhip District Volleyball Championship-ah Chhim Veng

Serchhip District Volleyball Championship chu Inrinni khan khelh zawh a ni.

Kum 10 kalta chhunga naupiang tlem ber kum 2016; District hrang hrang zingah Serchhip-ah piang tlem ber

Nikum 2016 chhung khan Mizoram-ah naupiang 22,497 an awm a, mitthi 6422 an awm bawk a. Kum 2016 hi kum 10 kalta chhunga Mizoram-a naupiang an tlem ber kum a ni.

YMA in hnatlang in Buh seng

Kei\um Branch YMA chuan Zirtawpni khan an khawchhunga vanduaina tawk, V. Lalnghinglova chhungte chu hnatlang in Buh an sengpui a, he hnatlang ah hian mi 70 vel thawkchhuakin an Buh seng tur ang ang chu an seng zawh sak vek a ni. Tarlan tawh angin kar kalta Thawhlehni khan V. Lalnginglova hi buh seng turin a riaklut a, a tuk-a a fanu feh chuan an vau-ah thi in a zuk hmu a, hetianga buh an seng zui theih tak loh avang leh seng a hun tawh si avangin YMA te hian hnatlang neiin Buh hi an seng pui ta a ni. Hetihlai hian Kei-\um Branch YMA chuan Tuichang Lui an hum-halh huamchhungah Sangha te pawh kumin hian him takin an fuan tawh tih an sawi bawk a, heng Sangha te hi \ha taka an fuan theih nan YMA Member te luidung-ah an duty bawk a ni.

Serchhip ABC inkhawmpui \iak

Baptist Church of Mizoram (BCM) chuan nimin Pathianni hmang khan Mizoram chhung hmun hrang hrang 14-ah a rualin Area Baptist Council (ABC) Inkhawmpui an nei a, Ser-chhip ABC inkhawmpui pawh BCM Rawpui Biak In-ah neih a ni.

Serchhip-ah kum Upa ten Table Tennis-a inelna nei

Nikhat awh Mizoram Veteran Table Tennis Tournament chu Inrinni khan New Serchhip Indoor Stadium-ah neih a ni a, kum 40 chin chunglam Table Tennis khel \hin ten intihsiakna an nei a ni.

Serchhip Chanmari Veng-ah chenna In pakhat kangral

Nimin Oct. 29, 2017 tuk\huan eikham, dar 8:30 vel khan Serchhip Chanmari Veng-ah chenna In pakhat chu bungrua engmah chuh hman lohin a kangral.

India ram-a dan lo-a lo pemluh duhlohna lantirin ‘Demonstration Against Illegal Immigration in India’ neih a ni

Delhi Mizo Zirlai Pawl (DMZP) leh Central Young Mizo Association (CYMA) buatsaihin Inrinni tlai khan New Delhi-a Mizoram House, Vasant Vihar-ah ‘Nation-Wide Demonstration against Illegal Immigration in India’ neih a ni a, he Demonstration hi Mizoram-ah leh India ram khawpui hrang hrangah pawh thlawpna lantir a ni.

Saturday, 28 October 2017

PRISM in Zu khuahkhirhna Dan ennawn ngai an tih thu an sawi

PRISM chuan Mizoram-a Zu khuahkhirhna Dan chu ennawn ngai hlea an hriat thu an sawi.

Serchhip-a Eirawngbawlna Gas harsatna thleng mek sutkian dan tur sawihona neih a ni

Serchhip khawpui chhunga eirawngbawlna Gas harsatna thleng mek sutkian dan tur chu nimin tlai khan sawihona neih a ni a, he sawihona a tel te hian eirawngbawlna Gas phur tur hian Truck pakhat lak belh a nih theih nan hmalak nise an ti.

Election lamah Quiz nei dawn

Election Commission of India in ruahmanna a siam anga zirlai naupangte tana National Quiz neih dan tur chungchang chu nimin khan Bawrhsap mawhphurhna la mektu Addl. DC, Chuauhnuna hovin a Office-ah sawiho a ni.

UPC (NEI) District Mission Department inkhawmpui \an

 UPC (NEI) Aizawl East District Mission Department Conference vawi 24-na chu nizan a\ang khan UPC Biak Inpui, Serchhip-ah neih \an a ni a, naktuk Pathianni zan thleng a awh ang.

Friday, 27 October 2017

Mihring ten leilungin min dâwl theih chin ang zela \han chhoh kan zir a ngai - Larsap

Mzoram Lt. Gen. (Rtd) Nirbhay Sharma chuan mihring ten leilungin min dâwl theih chin ang zela \han chhoh kan zir a ngai a ni, a ti.

Medical College atana mamawh tifel vek tawh

Mizoram sorkarin Mizoram Institute of Medical Education & Research (MIMER) din tura theihtawp chhuah mekin, Medical College atana mamawh zawng zawng sorkarin a tifel vek tawh tih Chief Minister, Lal Thanhawla chuan a sawi.

Volleyball S/F khel dawn

Serchhip District Volleyball Championship khelh mek chu Vawiin chawhma dar 9:30 a\ang hian Semi Final khelh a ni dawn a. Hmeichhia in khel hmasa berin Friends Club, New Serchhip leh Biakmuana Memorial VC te intuminThen-zawl VC leh Vengchung VC an intum anga. Mipa ah Chhim Veng VC leh Thenzawl VC intumin Hlute-i VC leh Thentlang G&SA an intum ang. Under-19 ah Friends Club Vs Hlute VC intumin Darnam VC leh Hriangtlang VC an intum bawk ang.

Lirthei tlan dan ti danglam

Zanin tlai a\ang hian Serchhip Bazar a\anga Ramthlun Veng panna kawng chu zan lamah lirthei tan One-Way-ah puan a ni.

ZEP buatsaihin Serchhip-ah rualbanlo chhungte tan rualbanlote enkawl dan chungchang zirho a ni

Zoram Entu Pawl (ZEP) buatsaihin nimin khan Serchhip-a rualbanlo chhungte tan rualbanlo te enkawl dan leh anmahni chhawmdawl theihna tura hmalak dan tur hrang hrang zirhona neih \an a ni a, Vawiin ah chhunzawm lehin zawhfel a ni ang.

Talent Hunt buatsaih a ni

District Child Protection Unit (DCPU) Serchhip buatsaihin nimin khan Govt. High School Serchhip-a zirlai naupang kum 10 a\anga kum 16 chin te tan an theihna leh thiamna te haichhuahna hun, Talent Hunt buatsaih a ni.

Ministry of Housing & Urban Affairs hnuaia Mizoram-a Mission/Scheme chhunzawmna tur sum sanction a ni

Union Minister of State (Independent Charge) for Housing and Urban Affairs, Hardeep Singh Puri chuan nimin khan Mizoram sorkar-a UD&PA Minister, Zodintluanga hnenah Ministry of Housing & Urban Affairs hnuaia Mission/Scheme hrang hrang thawh chhunzawmna tur cheng Vbc. 22.89 sanction Order a hlan.

Halpuah leh Silai lem khap a ni leh dawn

Krismas leh kumthar vuakvet lo thleng turah halpuah leh silai lem, a mu kapchhuak thei (a kah na) chi lakluh, zawrh leh hman reng reng khap a ni leh dawn.

Thursday, 26 October 2017

District Hospital thar sak thuai kan va mamawh tawh em!

District Hospital thar sak thuai kan va mamawh tawh em!

Press Tour nei \an dawn

Mizoram sorkar Information & Public Relations Department bultumin Vawiin a\ang hian Mizoram District hrang hranga thuthar theh-darhtute chuan Press Tour an nei \an dawn a. Press Tour hi thawh li (4)-a neih tura ruahman niin a hmasa ber ten Vawiin hian Aizawl chhuah-sanin Uttarakhand an pan dawn a. Vawiin a zin turte zingah hian Serchhip a\angin Lalremruata Ralte, Editor Ramlai Arsi chu telin thla thar ni 1 khian Mizoram rawn thleng leh hman tura beisei an ni a. A thawh hnihna chu thla thar ni 16 vel khian an kal leh dawn a ni.

Serchhip-a PWD ten khawpui chhung inkalpawhna kawngpui siamthat hna ngawrh takin an thawk mek

Serchhip-a PWD chuan Serchhip khawpui chhunga inkalpawhna kawng te siam\hat hna tunlai hian an thawk mek a, |hal chhungin a theih anga tam siam\hat hman an tum thu an sawi.

Wednesday, 25 October 2017

Khawpui fai ber neih tumin sorkar in hma la

Khawpui fai ber neih tuma Mizoram sorkar hmalakna, Swachh Survekshan 2018 Roadmap chu nimin khan Urban Development & Poverty Alleviation (UD&PA) Minister, Zodintluanga'n a pisa-ah a tlangzarh.

MZP in Assembly neiin hruaitu tur thlanna an nei

Mizo Zirlai Pawl (MZP) chuan nimin khan Aizawl-a Electric Veng YMA Hall-ah Assembly neiin hruaitu thlanna an nei a, MZP Gen. Hqrs. President thar atan L. Ramdinliana Ren-thlei chu thlan a ni.

Congress chu bukin a awm a, a tlingzo ta lo a, a hun a tawp hnai ta - Zoramthanga

MNF President, Zoramthanga chuan Congress chu bukin a awm a, a tling zo ta lo a, an hun a tawp ta niin a sawi.

Bazar Branch K|P in thisen pe

Presbyterian Serchhip Bazar Branch K|P te chuan nimin khan JN Hospital Serchhip Blood Bank-a dah turin thisen Unit 26 an pe.

Serchhip District Volleyball Championship khelh \an a ni

Serchhip District Volleyball Association buatsaih Serchhip District Volleyball Championship chu nimin khan Vengchung Volleyball Court-ah khelh \an a ni a, Serchhip Sub-Hqrs. YMA President, R. Sanghmingthanga chuan khuallian niin a hawng a ni.

AMVCA ten kum 25 a liam hnu thlengin VC te thuneihna leh mawhphurhna sang pek an nilo tih an sawi

All Mizoram Village Council Association (AMVCA) chuan Mizoram-ah Village Council te chu kaihhruaina siam a ni chungin kum 25 ral hnu, tun thlengin VC thuneihna leh mawhphurhna sang pek a la ni lo tih an sawi a. Hei vang hian Mizoram-a VC te Chhiah (Tax) a lakkhawm ve \hin pawh kum khatah cheng nuai 30 pawh a tling theilo tih an sawi.

Tuesday, 24 October 2017

NEDP hnuaia Serchhip District chhunga Purunsen ching turte tan training buatsaih a ni

Nimin khan Agriculture Department Conference Hall, Serchhip-ah Department of Agriculture (Crop Husbandary) Aizawl leh District Agriculture Office, Serchhip \angkawp buatsaihin Serchhip District-a NEDP Purunsen ching turte tan Training buatsaih a ni.

ZPM in beihpui thlak an tum

Serchhip Zoram Peoples’ Movement (ZPM) Steering Commiteee chu nimin khan \hu-khawmin thla thar, November 2017 chhungin Serchhip khawpui chhung Veng hrang hrangah Operation November neih nise an ti.

MIMER din tura hmalakna ah tihfel ngai zinga zaa 99 vel tihfel a ni tawh

Falkawn-a State Referral Hospital hotuten Mizoram Institute of Medical Education and Research  (MIMER) din tura hmalakna ah thil tihfel ngai zinga zaa 99 vel zawhfel a ni tawh tih an sawi a. Medical Council of India hotuten lo endik pawh nise, an pawmpui theih tawh ngei an beisei tih an sawi.

Monday, 16 October 2017

Zirlai naupang Mit enfiah sak

Presbyterian English School, Serchhip chuan tun thla ni 12-a World Sight Day pualin National Programme for Control of Blindness & Visual Impairment, Serchhip District te nen \ang-kawpin an School-a zirlai naupangte Mit an enfiah sak a, Class IV a\anga Class X thleng mi 400 bawr vel Mit chu a thlawna ensak niin, heng zirlai naupang Mit enfiah zinga 20 te chu an Mit a \ha tawklo tih hmuhchhuah a ni a, sorkar a\angin a thlawnin Tarmit an dawng dawn a ni.

Vawiin atangin School tan hun tlai

Mizoram sorkar in ruahmanna a siam angin Vawiin, Oct. 16, 2017 a\ang hian zirna In hrang hrang te kai hun chu darkar chanve-a tih tlai a ni dawn a, hei hi nakum February ni 16 thleng hman tur a ni ang.

Mizoram State Boxing Championship vawi 39-na zawhfel niin Serchhip District an champion

Mizoram State Boxing Championship vawi 39-na chu Zirtawpni tlai khan Serchhip Boxing Hall-ah zawhfel a ni a. He Championship kharna hun hi Chief Minister, Lal Thanhawla chuan a hmanpui a ni.

Buh chin turah a hlawk aia a tui la thlang an tam avangin Zawlpui-a buh thar a pung hleithei lo

Mizoram Journalists Association (MJA) Serchhip District Member te chuan Zirtawpni kalta khan Serchhip Zawlpui phai-a Agriculture Department hmalakna hrang hrang an tlawh a. Agriculture Department-a thawk te chuan Leilet neitu ten an Buh chin ah hralhchhuah tura hlawk chi aia a tui ringawt an la ching duh chu buaithlak an tih thu an sawi.

Friday, 13 October 2017

Ramkalna-a chesual vuiliam

Chhiahtlang Hmar Veng-a cheng Lalhmuakliana chu niminpiah tlai khan a ram-kalna ah chesualin kham-ah a tla a, a tlakna ah hian boral nghalin nimin khan vuiliam a ni.

Serchhip-ah Congress Party in Workers Meet an hmang

Serchhip Block Congress Committee chuan nimin khan Workers’ Meet an nei a, he hun hi bialtu MLA leh MPCC President ni bawk, Lal Thanhawla chuan a hmanpui a ni.

Mizoram in kawlphetha MW 10 vel pechhuak

Power & Electricity Department leh Irrigation Department Secretary, H. Lalengmawia chuan Mizoram chhungah Kawlphetha Megawatt 30 zet pechhuak thei tur duan a ni chungin heng a\anga pekchhuah hi Megawatt 10 vel chauh ala nih thu a sawi.

Mizoram chu State bila Education Reform nei awmchhun a ni - Minister, School Education

Mizo Students Union (MSU) General Conferene vawi 16-na chu Sialhawk khuaa Lallula Run-ah neih mek a ni a, nimin khan School Education Minister, H. Rohluna chuan he hun hi khuallian nia hmanpuiin Mizoram chu State bila Education Reform nei awmchhun a nih thu a sawi.

Thursday, 12 October 2017

Khawkhawm kum 50-na leh Haw Runpui hmang

Chhiahthlang-ah nimin khan Khawkhawm kum 50 tlin lawmna leh hemi paula ‘Haw Runpui’ chu neih a ni a, he hun hi Chief Minister, Lal Thanhawla chuan khuallian niin a hmanpui a ni.

E-Summit & B-Plan Contest zawhfel a ni

* Serchhip mi in lawmman pakhatna a dawng

Intlar hun tur ngaihven theih

Police Constable lak chungchanga Mizoram Police in thuchhuah alo siam tawh angin Registration & Physical Measurement chu Oct. 16, 2017 a\angin Aizawl Mualpui-a 3rd Bn MAP Ground-ah neih a ni dawn a. Application form hi 25,000 lai hralhchhuah a nih avangin, nikhat ah zawh theih a ni dawn lova. Application form a Serial No. angin kal ni tur ruahman a ni a. Heta kal dan tur hi District SP Office tinah leh PHQ leh 3rd Bn MAP, Mualpui, Aizawl-ah te tar-chhuah a ni a. Mahni kal ni tur lo enfiah \heuh tur leh tlai lo turin Candidate te hriattir an ni.

Darnam YMA kum 25-na lawm

Serchhip Darnam Branch YMA Kum 25 tlin lawmna chu ni thum chhung neih a nih hnuah nimin khan ruai nen Jubilee lawmna hi neiin zawhfel a ni.

Serchhip-ah Elementary School-a Zirtirtute tan ‘Learning Out Come’ chungchang zirhona neih a ni

SSA Mission Serchhip leh DIET Serchhip te \angkawp buatsaih Serchhip Block huamchhunga Primary School leh Middle School Zirtirtute tana ‘Learning Out Comes’ training chu nimin khan neih \an a ni.

Sailulak khuaah Education Campaign neih a ni

Niminpiah khan Sailulak khuaah Education Campaign buatsaih a ni a, zirna lama khawtlang in hma a sawn theih nana tha nia hriat hrang hrangte sawihona leh zirlai naupangte fuihna hun hman niin Serchhip DEO, Lawmawma chu khuallian a ni.

Central YMA hmalakna in Fur ruahtui tla avanga vanduaina tawk te hnenah chhawmdawlna sem a ni

Kumin Fur ruahtui tla avanga Vanduaina tawk te \anpuina tura Central YMA in Vehbur a khawn chunimin khan Mizoram hmun hrang hrangah semchhuah a ni a, Serchhip-ah pawh Serchhip Sub-Hqrs. YMA chuan chhung-kaw 7 te hnenah chhawmdawlna a hlan a ni.

Wednesday, 11 October 2017

Serchhip-ah Boxing Championship khelh tan a ni

Mizoram State Boxing Championship vawi 39-na chu nimin khan Serchhip Boxing Hall ah neih \an a ni a, Mizoram hmun hrang hrang a\angin Boxer 136 zet an tel a ni.

Serchhip News thenkhat :

Comedian lo haw hmuak :

Kumin ah ruahsur nasa in min tihbuai nasat avangin kumdang aiin kawngpui a chhe nasa - Lal Thanzara

PWD changtu Minister, Lal Thanzara chuan Kum dang anglo takin kumin ah March thla a\ang khan Lo hal hun pawh bi thliah hlei thei lovin ruah surin min tibuai nasa tih sawiin, hei vang hian kalpawhna kawngpui pawh kum dang aiin a chhiat nasat bakah leimin pawh a tam phah a ni, a ti.

Bawlhhlawh bawm 2 hlan

Serchhip Bazar Sa zawrhna hmun vawnfai a nih theih nana hmalakna pakhat atan nimin zing khan Sa zawrhna hmuna Bawlhhlawh bawm dah tur pahnih chu Serchhip Sazuar Association hnenah hlan a ni.

Serchhip-ah World Mental Health Day hmang

Nimin khan khawvel hmundangte rualin Serchhip Hmar Veng-a Observation Home-ah World Mental Health Day pualin hun hman a ni.

Saturday, 7 October 2017

Wrestling intihsiakna ah Serchhip District 3-na ni

Mizoram Inter-District Open Wrestling Championship vawi 2-na chu nimin khan Kolasib-ah zawhfel a ni a, a thlengtu Kolasib District chu Team Champion niin Serchhip chu 3-na an ni.

SSA in a thlawnin sem hnem

um 2017 chhungin SSA Mission Serchhip District chuan Serchhip District chhunga Primary School naupang 1900 leh Middle School naupang mi 3278 te hnenah a thlawnin text Book a sem a. School Uniform pawh Primary School leh Middle School naupang 4067 hnenah pek an ni bawk. Heng bakah hian Teacher Grant zirtirtu mi 597 hnenah pek an ni a, chet-phunga harsatna neite tan School 33-ah Toilet sak zawh a ni bawk. Tin, zirtirtu indaihloh zualna School 5 ah Trainer pakhat \heuh dah thar an ni.

|hal chhung in theihtawp chhuaha kawng siam tum

PWD changtu Minister, Lal Thanzara chuan tun |hal hun chhung reilote ah kawng chhia te hi theihtawpa siam \hat an tum dawn tih a sawi.

Faina Hapta pualin sorkar Pisa thenkhat ten khawpui chhung thenfai hnatlang an nei

Mizoram sorkar in Faina Hapta hman mek puala Sorkar Pisa hrang hrangte nimin chawhnu lama Faina chungchanga mipui vantlang zirtirna thiltih nei tura a tih angin Serchhip khawpuia sorkar pisa engemawzat ten nimin chawhnu lam khan hnatlang an nei.

Chakma \henkhat ten zirlaite an tibuai nia sawi chungchangah zirlai pawl ten inbiakna an nei

September ni 26-a Chawngte Higher Secondary School zirlaite Sport lai Chakma \halai \henkhatinan tibuai nia sawi vanga buaina awm mek chungchang chu nimin khan Mizo Students' Union, Chakma Autonomous District Council leh Chakma Zirlai pawl hruaitute chu Lawngtlai West bialtu MLA, C. Ngunlianchunga hovin an \hukhawm.

Friday, 6 October 2017

South Asia-a Kelral tamna ber Dampa Tiger Reserve

Environment, Forest and Climate Change Department in a enkawl Dampa Tiger Reserve chu tunhnaia Indian leh British zirmite zirbingna a\anga a lan danin South East Asia pumpuiah Kelral (Clouded leopard) a bitna ber (population density sang ber) a ni tih hmuhchhuah a ni.

Intihsiakna lawmman sem

Nimin khan PHE Department Serchhip WATSAN Division Office-ah Swachh Bharat Mission hnuaia Serchhip District Level-a buat-saih, 'Swachh Sankalp Se Swachh Siddhi Essay & Short Film Competition' a lawmman semna neih a ni.

RMSA Serchhip District bultumin Serchhip-ah High School zirlaite tan ‘KALA UTSAV’ hman a ni

Rashtriya Madhyamik Shiksha Abhiyan (RMSA) Serchhip District buatsaih Serchip District Level KALA UTSAV (Art Festival) chu nimin khan BNRGSK Hall, Serchhip-ah neih a ni a, he hun hi Serchhip DEO, Lawmawma chuan khuallian ni hmanpuiin zirlai ten Hnam Lam, Music, Lemziak leh Lemchan-ah te intihsiakna an nei a ni.

Kei\um-ah Heroin man hnem

Serchhip Police leh CID (Crime) Special Branch te chuan niminpiah tlai khan Kei\um khua ah Heroin No. 4 tam tham tak an man.

Right To Information Week, 2017 hawnna Mizoram hmun hrang hrangah neih a ni

Mizoram Information Commission leh Information & Public Relations Department, RTI Nodal Department te \angkawpin an buatsaih Right To Information Week, 2017 chu nimin khan Chief Minister, Lal Thanhawla chuan Aizawl-ah a hawng a. Serchhip-ah pawh he Hapa hawnna hi nimin vek khan neih a ni bawk.

Thursday, 5 October 2017

ODF ni turin Mizoram-ah nasa taka hmalak a ni

Sorkar laipuiin ram fai ni tura hma a lakna, Swacch Bharat Mission hnuaia a langsar leh pawimawh ber pakhat, pawnler-a inthiar awm lohna ram, Open Defecation Free (ODF) ni tura hmalakna ah Mizoram pawhin theihtawp chhuahin, faina kawngah nasa takin hma a sawn.

Tuirial HEP hman loh a hlawk zawk niin ngai

BJP Mizoram Pradesh chuan Tuirial Hydro Electric Power chu hman loh kan \hatpui zawk niin an sawi.

DISHA Meeting-ah DRDA hmalakna te tarlang

Niminpiah a Serchhip District Development Co-ordination Committee \hutkhawm ah DRDA hnuaia Serchhip District chhunga hmalakna hrang hrangte tarlan a ni.

BSF ten Police nupuite Puanthui zirna atan Serchhip-a MPWA te hnenah Puanthui khawl an hlan

Serchhip Dawngzawl-a awm 159th Bn. BSF chuan Mizoram Police Wives Association (MPWA) Serchhip Branch te hnenah Puan\hui an zirna turin nimin khan Puan\hui khawl pahnih an hlan.

Wednesday, 4 October 2017

Mizoram-a thisen pek zingah a thlawna pek pung

Kum 2016-17 sorkar kum chhung khan Mizoram-a thisen pek zawng zawng chu Unit 25,895 niin heng zinga za zela 83 chu a thlawna pek a ni.

Chief Minister in National Wildlife Week hawng

October ni 1 a\anga ni 7 thleng awh tur 63rd National Wildlife Week, 2017 hawnna chu nimin khan Assembly Annexe Building Conference Hall-ah Chief Minister, Lal Thanhawla hova neih a ni a, kumin hian Wildlife Week thupui atan, "People's Participation in Wildlife Conservation" (Nungcha humhalhna kawnga mipui tel ve na) tih chu hman a ni.

National Wildlife Week den-chhenin Upa te Ni hmang

Tun thla ni 7 thleng awh tur National Wildlife Week vawi 63-na leh Khawvel puma Upate Ni denchhenin nimin khan Mizoram Upa Pawl (MUP) New Serchhip North Unit te chuan hun an hmang.

Serchhip-ah National Voluntary Blood Donation Day hmangin a thlawna thisen pekna neih a ni

October 1-a National Voluntary Blood Donation Day pualin nimin khan Serchhip-ah thisen pek pawimawh zia inzirtirna leh a thlawna thisen pekna hun hman a ni.

Rajya Sabha MP kaihhruaina hnuaiah Serchhip District Development Co-ordination Committee \hukhawm

Serchhip District Development Co-ordination Committee (DDCMC), DISHA tia koh bawk chu nimin khan Co-Chairman, Ronald Sapa Tlau, MP (Rajya Sabha) kaihhruaiin an \hukhawm a, Kum 2017-18 chhunga Central sorkar sum hmanga Serchhip District chhunga hmasawnna hnathawh hrang hrang te an thlirlet.

Tuesday, 3 October 2017

Swachhta Hi Sewa kharna nei

Serchhip District chhunga Swachhta Hi Sewa hman chu nimin khan kharna neih a ni a, a kharna hun hi East Lungdar-ah hman a ni.

MUP ten Upa te Ni hmang

 Serchhip-a MUP Unit \henkhat te chuan nimin khan Upa te Ni, International Day of Older Persons an hmang leh a, MUP Serchhip Kawn Unit chuan T. Lalhmingthanga In-ah leh Serchhip Hmar Veng Unit chuan Hmar Veng YMA Hall-ah he Ni pual hian hun an hmang a, Ser-chhip Dinthar Unit erawh chuan chhiat tawk an awm avangin an \hulh thung a ni. Field Veng Unit chuan nimin khan an huamchhung khawlai thenfai hnatlang neiin mi 27 zat an thawk a, kum 80 chunglam mi 3 lai thawkin hemi hnu hian he Ni puala inkhawm neiin zanriah an kil-ho nghal bawk.

PYD Social Work Day hmang

UPC (NEI) hnuaia Penticostal Youth Department (PYD) te chuan kumdanga an lo tih tawh \hin angin nimin khan hmarchhak huapin vantlang tana thil \ha tihna Ni, Social Work Day an hmang a, Serchhip Pastor Bial PYD te chuan zingkar-ah hemi pual hian hun hmangin College Peng a\anga Serchhip Bazar inkar vantlang kawngpui thenfai hna an thawk a, he hunah hian PYD member \hahnem tak thawkchhuakin College Peng-ah hian a hawnna an neih hnuah Ser-chhip Bazar-ah kharna hun an hmang leh a ni.

Lirthei huna hmun siam belh

Serchhip District Superintendent of Police chuan thupek tichhuakin Serchhip khawchhung hmun \henkhat a Parking Area chu tih danglam a ni.

SEC \hutkhawm neih a ni

Serchhip Sub-Hqrs. YMA Serchhip chuan nimin khan Executive Committee \hutkhawm neiin tun thla ni 17 a\anga YMA General Conference vawi 81-na Champhai Zotlang-a neih tur chungchang leh an hmalakna hrang hrang an sawiho.

Serchhip-ah Teakwondo zirna tur MJA Serchhip District President in a hawng

Serchhip Teakwondo Club buatsaih Teakwondo zirna chu nimin tlai khan MJA (SD) President, C. Lalhminghlua chuan a hawng.

Mizoram-ah Faina Hapta hman \an leh a ni

Mamit leh Biate te Mizoram khaw fai berah thlan an ni


Nimin a\ang khan Mizoram hmun hrang hrangah Faina Hapta chu hman \an leh a ni a. Aizawl-a he Ni puala hun hman ah UD&PA Department bultuma khaw fai thlanna result puan a ni a, Mamit District chu Mizoram District Hqrs. zinga khaw fai berah thlan a ni a, Urban Town zingah Biate chu khawpui fai berah thlan a ni bawk.

Monday, 2 October 2017

MUP ten Upa te Ni hmang

Nimin Oct. 1, 2017 kha International Day of Older Persons niin Serchhip-ah MUP Unit te chuan Inrinni leh Vawiin lam hian an remchan dan angin an hmang a, MUP Serchhip AOC Unit, Ramthlun Unit, Vengchung Unit leh Saron Unit te chuan Inrinni khan International Day of Older Persons pual hian hun hmang Vawiin hian Unit \henkhat chuan an hmang leh ang. MUP Serchhip Ramthlun Unit te chuan Inrinni khan faina kawnga hmalakna atan an huamchhungah khawlai-a bawlhhlawh chharfaiin hnatlang an nei bawk a ni.

Ruahsur vangin Hriangtlang panna kawng chhe leh

Tunhnaia ruahsur avangin Hriangtlang panna kawng chu ala ping a, Mat Phai-a Bawkbawn phun thar engemaw zat a chhe bawk.

Latest News

Excise & Narcotics Department in inthlanna muanawm neih theih nan hma an la mek

Mizoram Excise & Narcotics Department chuan Mizoram Assembly inthlanpui neih turah boruak ralmuang leh thianghlim tak hnuaia Mizora...