Latest News

Kolasib District MJA in ramri-a duty te an tlawh

Mizoram Journalist Association (MJA) Kolasib District Member te chuan Inrinni khan Vairengte leh Saihapui ‘V’ a ramri-a sipai duty na hmun an tlawh a, khawtlang hruaitute an kawm bawk.

Vairengte-ah hian Lailapur bula BSF duty te tlawhin BSF te hi Vairengte-ah an inkulh mek a, Lailapur bulah hian an duty thin a. BSF te duty na bul lawkah hian Assam in SSB te a dah ve bawk a, SSB te awmna tur ngelnghet taka Assam sawrkar in a siam tawh laia BSF te awmna tur Vairengte khawtlang hnatlangin hnawhsarum taka an sak chu rin ala nih avangin BSF te awmna turah hian rualawh na an tih thu MJA chuan an sawi a ni.

Vairengte daiah hian Rapid Antigen Test kalpui thar leh a ni a. Lailapur thlengin motor an ding thla leh tawh a. Vairengte Joint VC President, R. Lalfamkima chuan RAgT hi nei lovin lirthei hi tlang zung zung se a duh thu sawiin, Motor tangkhang an tam hian Driver te mamawh lamna turin Lailapur lamin kawngkam-ah dawr an rawn sak leh mai a hlauh thu a sawi a. Hei hi Ramri Issue tichhuak leh thei a ni a, Motor hi ding khawmuang lovin tlang zar zar se a duh thu a sawi a ni.

Vairengte a Screening neihna a duty te chuan RAgT ti tur hian Counter pahnih siam theih a nih laiin Counter pahnih siam tur hian darkar 24 chhung a duty turin a tlem berah mi 4 an mamawh a. Counter 2 siam tur hian mihring an in daihloh avangin test hi a chak thei lo tih an sawi.

Saihapui ‘V’ ah hian BSF te ramri a an awm bakah khawchhung ah mipuite thlamuan turin 1st IR Battalion, ‘C’ Company te an awm a, IR C Coy. 2nd I/C, R. Lalrinawma chuan Ramri a Assam lam chet dan zawng zawng chu an hmunpui lamah an report reng thu sawiin, BFS te duty na piah lamah erawh an kal theih rihloh thu a sawi bawk. Saihapui ‘V’ VCP, Vanlalzawna chuan ramri buai hnuah ramri piah lama ram an neihah hnathawh kawngah harsatna an neih loh thu a sawi a. Sawrkar chuan an khua Develope chu ngai pawimawh se a duh thu sawiin, kan thenawm lawka Assam lam chanah hian Model Village te puangin PMAY hmangin hma an la nasa a, hetiang te hi Mizoram sawrkar hian an khua ah te hian hma la se a duh thu a sawi a. Kum 2/3 vel chu PMAY dawng an awm tawh lo tih sawiin, Assam sawrkar zawk hian PMAY hi an Offer fo a, Covid avanga Lockdown hnuah pawh PMAY Survey rawn neih tum an lo hnar thu a sawi bawk.

Saihapui ‘V’ a BSF Duty te chuan harsatna an tawh loh thu sawiin, boruak a pangngai thu an sawi a. An duty chen tur an sawi theih loh thu sawiin, “Sawrkar in awm tura min tih chen kan awm mai ang,” an ti a. BSF te hi chhuak turin Sawrkar in ruahmanna a siam a, chhuak turin an insiamin Motor-ah pawh an inhlan vek hnuah sawrkar in a thu a sut leh thu an sawi bawk.

Comments

Chhiar Hlawhte