Bialtu MLA hlui boral

/

Serchhip bialtu MLA lo ni tawh, K. Thangzuala chu nizan hmasa khan boralin nimin khan vuiliam a ni.

Kum 87-a upa K. Thangzuala hian hun engemaw chen kalta atang khan Zunthlum vangin harsatna a tawk tawh a, Pneumonia leh natna dang deuh deuh in a tlakbuak bawk avangin nizan hmasa dar 8:50 khan a boral ta a ni. K. Thangzuala hi Assam sawrkar-a PWD hnuaiah a thawh hnuah Mizoram State sawrkar hnuaiah thawk chhunzawmin, kum 1995-ah Commissioner & Secretary PWD niin a pension a. Kum 1998 MLA inthlanah khan Serchhip bial-ah MNF ticket-a dingin hetihlaia Chief Minister Lal Thanhawla chu hnehin MLA atana thlantlin a ni a, kum 2003 thleng MLA niin State Planning Board Vice Chairman a nih tawh bakah Minister of State hna a chelh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »