Lenkawl

Mizo Students’ Union (MSU) General Hqrs. chuan Mizoram chhunga dan lova khaw din hrang hrangte tihtawp anih theih nan leh Dan lova khaw din a sawrkar leh Kohhran lam ten hma-sawnna ruhrel (Infrastructure Development) an tih thin chu tihtawp anih theih nan nasa taka hma an lak thin thu sawiin, Nov. 22, 2019-a LAD in dan lova khaw din zawng zawnga hmasawnna ruhrel siam tawh lo tura thupek a siam chu lawm-awm an tih thu an sawi bawk.

Association for Environmental Preservation (ASEP) chuan nimin khan Pachhunga University College Seminar Hall-ah General Assembly, 'Nungcha hmangaihtute inkhawmpui' tia vuah chu a vawi 15-na atan an hmang leh a, he hun hi Home Minister leh ASEP Patron, Lalcham-liana chuan hmanpuiin kumtina tih thin dan angin chawimawina semchhuah a ni a, ASEP chawi-mawina sang ber, 'ASEP Nopui' chu Haulawng khua hnenah hlan niin, Environment humhalhna kawnga thlalak hmanga theihtawp chhuahtu mi pariat (8) te hnenah Environmental Photographer chawimawina pek a ni bawk.

Mizoram Secretariat Service Association (MSSA) chuan nimin khan Aizawl-ah General Conference vawi 15-na hmangin Deputy Chief Minister, Tawnluia chuan khuallian niin a hman-pui a, Mizoram Secretariat Service hnathawkte chu Sawrkar neitu an nihna lai te sawiin, sawrkar thil pawimawh tak takah a bultumtu an nih thu a sawi a. Sawrkar hna chu hlawh lakna atan chauha ngai lovin an thawh chhan ber chu mipui tana rawngbawl a ni tih chu hre reng turin a chah bawk. Hei bakah hian Deputy Chief Minister chuan Sawrkar hnathawk reng reng tan Sawrkar ah a neitu nihna ‘Sense of ownership’ neih a pawimawh thu pawh sawiin, mi rin kai leh rinawm ‘integrity’ neih a tul thu leh mahni inthunna in zahawmna a ken tel thu te pawh a sawi bawk.

Nimin khan Planning & Programme Implementation Department hnuaia Entrepreneurship Development Centre (EDS) buatsaih Mizoram State Outstanding Entrepreneurs’ Award sem a ni a, Home Minister Lalchamliana chuan khual-lian niin a hmanpui.

Mizoram Presbyterian Kohhran chuan nakum 2020-a ‘Nilai leh Beihrual Thupui’ leh ‘Puitling Sunday School zirlaibu’ tur chu a tichhuak ta a. Heng lehkhabu pahnihte hi Mizo lehkhabu malkhai ah chuan copy chhutchhuah tam berte an ni.

Zoram Peoples’ Movement (ZPM) Tuikum Block chuan nimin khan Khumtung Community Hall-ah Block Conference vawi 1-na hmangin Lalduhoma, MLA bakah ZPM hruaitu dang ten an hmanpui.

MNF Party chuan nimin khan Aizawl-a Mizo Hnam Run-ah Chhung Inkhawm neiin an Party General Hqrs. hruaitu atana thlan thar ten thu an sawi.

AYUSH MZP Inter-High School Quiz 2019 chu nizan hmasa khan zawhfel niin St. Pauls Higher Secondary School chu pakhatna an ni.

Mizoram Pradesh Congress Committee (MPCC) chuan nimin khan Aizawl Vanapa Hall kawt-ah BJP kaihhruai sawrkarin kaltlangpui a tum mek, Citizenship Amendment Bill, 2019 dodalna hun an buatsaih.

Nimin Nov. 29, 2019 kha Presbyterian Kohhran-a ‘Kohhran Hmeichhia’ dinchampha, Kohhran Hmeichhe Ni’ a ni a, he Ni hi Kohhran hrang hrangah urhsun taka hmangin Serchhip-a Kohhran tam ber te chuan chhun lamah inkhawm neiin hun an hmang a ni.

X Serchhip Bazar Veng-a cheng, K. Lalhriat-zuala (Mapuia) s/o K. Chawiliana chuan nizan hmasa khan Serchhip Kawnpui South Branch YMA te hnenah Close Circuit Television (CCTV) Set kim (channel 8) chu a pe a, hei hi Serchhip Bazar leh a vela mipui himna tura hmalakna atana tih niin hetianga mi inphal an awm chu lawmawm an tih thu Serchhip Kawnpui South Branch YMA hruaitute chuan an sawi.

Serchhip-a Cricket Game ngainatute chu nimin khan inhmukhawmin ‘Cricket Association of Serchhip District’ an din.

Mizoram Excise & Narcotics Department-a Joint Commissioner, Vanlalmalsawmdawng-liana chuan nimin khan Serchhip rawn tlawhin Annual Inspection a nei.

Nimin khan Serchhip-ah District Consultative Committee (DCC)/District Level Review Committee (DLRC) & District Level Security (DLSC) Meeting chu District Bawrhsap, Sangchhin Chinzah hovin neih a ni a, Serchhip District chhunga Bank hrang hrangte hmalak dan thlirho a ni.

ZPM |halaite chuan Central Jail tihchangtlunna Project-ah sum hman diklohna lian tak a awm nia a lan thu sawiin, hemi chungchangah hian Mizoram sawrkar-a Minister ni mek, R. Lalzirliana leh Robert Romawia Royte te chu insawifiah tura an phut thu an sawi.

MNF Party General Hqrs. hruaitu thlanna neih turah Official Nominate te chu chuhtu awm lovin tling-ah puan an ni.

Serchhip Kawnpui South Branch YMA te chuan kan hma lawka Krismas leh Kumthar lo thleng tur pualin Serchhip khawpui lunlai, Bazar chu cheimawi leh tumin nizan hmasa atang khan hnatlang an nei tan a, kumdanga an tih thin ang lo deuhin, heng hunpui a liam hnuah pawh kan khawtlang chei zuitu ni thei tura chei an tum thu an Branch YMA hruaitute chuan an sawi.

UD&PA Department changtu Deputy Chief Minister, Tawnluia chuan nimin khan cheng nuai 2268.43 senga sak, Kolasib Sports Complex, Project Veng, Kolasib ami chu a hawng.

National Tobacco Control Programme (NT-CP) Serchhip District leh District Mental Health Programme te chuan nimin khan Presbyterian English School, New Serchhip-ah nimin khan zuk leh hmuam thatlohna leh naupang ten rilru hrisel an neih theihna tura inzirtirna hun an buat-saih a, he hunah hian zirlai naupangte chuan an puitlin hnuah pawh zuk leh hmuam ti lo turin thu an tiam nghal bawk.

Serchhip District Magistrate, Sangchhin Chin-zah chuan halpuah leh halmawi chi hrang hrang bakah naupang Silai lem chungchangah khapna thupek a tichhuak.

Serchhip Sub-Hqrs. YMA Kumpuan Committee chuan ram leh hnam humhalhna kawng hrang hrangah Mizo mipuite kan harh thar a tul hle nia an hriat thu sawiin, a bik takin sumdawnna chungchang leh ILP chungchangah mipui te kan harh thar a tul nia an hriat thu an sawi.

Mizoram Youth Commission (MYC) Chairman, Dr. Vanlaltanpuia MLA chuan MYC in Mizo thalaite tan sipai leh hna hrang hranga an luhna tura hma a lak thu sawiin, MYC chuan bungthar kai a tum thu a sawi bawk.

Cricket Association of Mizoram (CAM) hruaitute chuan nimin khan Serchhip rawn tlawhin Serchhip-a Cricket Association din dan tur sawiho a ni.

Presbyterian English School Serchhip chuan tunkar Thawhlehni atang khan 'Gospel Week' hmangin tunkar Zirtawpni thleng neih a ni ang.

Cricket Association of Mizoram (CAM) hruaitute chuan nimin khan Serchhip rawn tlawhin Serchhip-a Cricket Association din dan tur sawiho a ni.

Nimin khan Serchhip-ah Pradhan Mantri Awas Yojana-Housing for All (PMAY-HFA) Screening Committee chu Serchhip District Bawrhsap kaihhruaina hnuaiah thukhawmin PMAY (Housing for All) hnuaia In sak tanpuina sem meka 2nd DPR-a tanpuina dawng turte thlan dan tur an sawiho.

Serchhip Sub-Hqrs. YMA chuan nizan hmasa khan Sub-Hqrs. Executive Committee (SEC) Meeting neiin Krismas leh kumthar vuakvet mipui ten hlim taka an hman theih nana hmalak nise an ti.

Federation of Mizoram Samagra Employees (FEMSE) ten sawrkar laka an thilphut hrang hrang tih hlawhtlin ngiata lungawilohna an lantir chu nimin khan chhunzawm lehin SSA leh RMSA hnuaia thawktu thenkhat te chuan a huhoin chawlh an la leh a, he an thilphut chungchangah hian nimin khan FEMSE Office Bearers te leh sawrkar thuneitute chuan inbiakna neiin chawhnu dar 2:00 khan lungawilohna an lantir mek chu an ti-tawp zui ta a ni.

Commerce & Industry Minister Dr. R. Lalthangliana chuan Entrepreneurship Development chu sawrkar in a ngaih pawimawh thu a sawi.

Mizoram Higher Secondary School Games 2019 chu nimin khan Aizawl khawpui chhung hmun hrang hrangah neih tan a ni.

Home Minister, Lalchamliana chuan hunpui, Krismas leh kumthar lo thleng tur mipuite'n him tak leh thlamuang taka hun an hman theihna atan Police leh YMA-te'n theihtawp an chhuah tur thu a sawi.

Tourism Minister, Robert Romawia Royte chuan Photography chu a tha zawnga ram hmel pholan nan hmang tur leh a ti hmasawn zel tura tanla sauh sauh turin thlalatute chu a chah.

Serchhip District Badminton Association in Tournament a buatsaih, Favang Kut-2019 chu nimin khan Serchhip Indoor Stadium-ah khelh tan niin Badminton khel thiam mi 150 chuang an tel.

Serchhip District Anti-Tobacco Squad te chuan nimin khan Serchhip Bazar leh a chhehvel, damdawi In, Auto Rickshaw, Taxi leh Maxi Cab Stand leh Bazar building chhung te fangin pui-punna hmuna meizuk khapna dan bawhchhia a mei zu mi 6 an man a, heng mite hi pawisa chawitir nghal an ni. Serchhip District Anti-Tobacco Squad te chuan mipuite chu Dan in meizuk a khapna hmun, puipunna hmun hrang hrangah mei zu tawhlo turin an ngen a ni.

Nakum February thlaa Serchhip in KTP General Conference a thlen tur atana Pandal sak hna chu nimin khan thawh tan a ni.

Mizoram State Games neih tur atana Ser-chhip A/C Organising Committee OB chu nimin khan Working Chairman, H. Dolianbuaia Pisa-ah an Chairman leh bialtu MLA, Lalduhoma hovin an thukhawm a, he thutkhawm a tel te hian Sports discipline hrang hrang ten an mamawh tur an thlen te atangin he Games neih tur Budget atan cheng nuai 5 an pawm a, heng mamawh sum te hi bialtu MLA in cheng nuai 3 a thawh tur bakah sawrkar Department leh VC ten an thawhkhawm atanga hmuh beisei a ni. Hei bakah hian he thutkhawm a tel te hian Mizoram State Games neih tura Serchhip bial aiawha kal turte Aizawl lama an thlen dan turte pawh relin, Serchhip bial tana Jersey siam chu karleh Thawh-tanni khian tlangzarh nise an ti bawk.

Kum 1973-a Govt. Serchhip H/S-a pawl 9 zirlaite chuan nimin khan Re-Union neiin Vawiin ah hun an hmang chhunzawm ang.

MLA Fund-a hnathawh a tha tur a ni - Lalduhoma Serchhip khawchhung Sesah Lui-a MLA Fund cheng nuai 7 senga mihring kal kaina tur Lei dawh chu nimin khan Serchhip bialtu MLA, Lalduhoma chuan hawngin, MLA Fund atanga hna thawh chu a tha tur a nih thu leh hna thalo ah chuan Completion Certificate pek a tumloh thu a sawi.

ZPM atanga Independent MLA atana thlan-tlin, Lalchhuanthanga chuan hlawh tihpun chu zahthlak a tih thu a sawi.

MPC Thalaite chuan muthlu ben harh ngai Chief Minister leh Education Minister kan nei thin chu vanduaithlak an tih thu an sawi.

Sawrkar Laipui a Ministry of Culture hnuaia East Zonal Cultural Centre leh Ministry of Youth Affairs & Sports hnuaia Nehru Yuva Kendra Sangathan (NYKS), Mizoram tangkawp buatsaih, National Integration Camp chu nimin khan Youth Hostel, Luangmual, Aizawl-ah neih tan a ni.

Comptroller and Auditor General of India Audit Report thar berah Rashtriya Madhyamik Shiksha Abhiyan (RMSA) kalpui danah Mizoram-ah thil felhlel a awm nual avangin ruahman anga tihpuitlin loh a ni.

Federation of Mizoram Samagra Employees (FEMSE) chuan a ni 3-na atan nimin khan sawrkar lakah lungawilohna lantir lehin Serchhip-ah pawh zirna In thenkhat te chu khar a ni.

Serchhip bialtu MLA, Lalduhoma chuan nimin khan Serchhip rawn thlengin nizan khan a riak nghal a, Vawiin hian MLA Fund atanga Sesah lui-a Lei an dawh chu hawngin zanin hian Ser-chhip-ah a riak leh bawk ang.

Mizoram State Games neih tur inbuatsaihna thlirin nimin khan Serchhip A/C Organising Committee chu an Chairman Serchhip bialtu MLA, Lalduhoma hovin an thukhawm.

Serchhip District Sports Committee Office-cum-Contact Sports Centre chu nimin khan Adviser to Chief Minister, C. Lalramzauva chuan a hawng.

Fisheries Department chuan nimin khan Serchhip District chhunga luidung humhalh tha YMA Branch panga (5) te hnenah Social Welfare Department kaltlanga Article 275 (1) fund atangin chawimawina a hlan a, he hun hi Fisheries Minister, K. Lalrinliana chuan khuallian niin a hmanpui a ni.

Mizoram Tourism Department chuan Delhi-a hmunpui nei Consultant pakhat chu uchuak taka a duhsak avangin cheng vbc. 2.41 zet a luan ral tir niin Comptroller and Auditor General (CAG) of India report thar ber chuan a tarlang.

India Today Group in State of the State's Survey nei-a Category hrang hranga India state te lawmman a pek thin chu kumin atan Zirtawpni khan sem a ni leh ta a, he lawmman semna New Delhi-a neih ah hian Mizoram chuan 'Best Performing Small State in inclusive Development and Environment' leh 'Most improved Small State in Economy, Health and Tourism' lawmman a dawng a. Mizoram aiawhin he Award hi Ajay Chaudhry, IPS, New Delhi Resident Commissioner chuan a dawng a ni.

Vanbawng lal hnuhnung ber, Lallula Sailo s/o Liankiauva chu Inrinni zan khan Aizawl Ramthar Veng-a an chenna In-ah a boral a, kum 91-a upa a ni. Lallula Sailo hi March ni 28, 1928-ah Vanbawng-ah a piang a, unau pariat niin kum 1947 khan a pa a boral avangin Van-bawng-ah hian a lal a, kum 1954-a lal ban a nih thlengin Vanbawngah ro a rel a ni.

Directorate of Agriculture (CH) Mizoram buatsaihin Zirtawpni khan Serchhip-a DAO Office Training Hall-ah Soil Health Card Scheme and Soil Sample Collection Technique chung-chang zirhona neih a ni.

Zoram Thar Executive Committee in khaw-vel pum huap Zofate Insuihkhawmna rorelna Inpui tur, Zofate Lairelna (Zofate Committee) an din hnuah Zirtawpni khan 'Serchhip District Zofate Lairelna' chu din a ni.

Health and Family Welfare Minister, Dr. R. Lalthangliana chuan Inrinni khan Champhai District Hospital-ah Dialysis khawl leh ICU tenau an tih mai, High Dependency Unit (HDU) chu a hawng.

Human Resources Development Board Vice Chairman, L. Thangmawia chuan Federation of Mizoram Samagra Employees (FEMSE) in nawrh an huaihawt chungchangah sawrkarin an thilngiat engmah a la dawng lo niin a sawi.

Serchhip leh Hriangtlang inkar kawng siam meka lung la-a inhlawh Lalremruata (21), New Vervek khua chu nimin khan Serchhip leh Hriang-tlang inkar-a Tuikum lui-ah chesualin tui-ah a tlahlum.

India rama Governor leh Lt. Governor te intawkhawmna, Conference of Governors vawi 50-na chu Inrinni khan New Delhi-a Rashtrapati Bhavan-ah President Ram Nath Kovind chuan a hawng a. He hunah hian Mizoram Larsap, PS. Sreedharan Pillai chuan Tribal te harsatna tawh hrang hrang te sawiin, Tribal te dinhmun chawikanna atan rawtna a thlen.

Excise & Narcotics Department-a Officer te chuan nimin khan Crime Review Meeting an nei a. Mizoram Sawrkar-in Zu khapna leh khuahkhirhna Dan a kalpui mek laiin Mizo mipuite nen thawhhona tha lehzual an ngen tih an sawi a.

Food, Civil Supllies and Consumer Affairs Minister, K. Lalrinliana chuan Bairabi-ah tuialhthei chhek khawlna, Oil Depot leh eirawngbawlna Gas thun khahna, Bottling Plant lian din tura hmalak mek a ni tih a sawi.

Mizo Academy of Letters (MAL) chuan nimin khan Central YMA Hall, Tuikhuahtlang ah Annual Meeting neiin Lalthangfala Sailo hnenah Mizo Academy Award 2019 hlan a ni.

PRISM Party chuan MLA te hlawh tihpun chu hun an tih loh thu sawiin, MLA thenkhatin an hlawh an tihsan chhana mipui an puh chu demawm an tih thu an sawi.

Land Revenue & Resettlement Minister, Lalruatkima chuan Assam Rifles sawnchhuak tura sawrkar hmalakna chuan rah tha a chhuah mek tih sawiin, ramri ti chiang ngam sawrkar Mizoram mipuiin an nei chu thil lawmawm tak a nih thu a sawi bawk.

Mizoram Truck Driver Association chuan Mizoram Carrying Contractor Association chu miretheite rapbettu nia sawiin, an Buhfai an phurh sak theih tawh loh tur thu thuchhuah siamin an tarlang.

Home Department-in ruihtheih thilin a tih-buai Police-te puala chawlhkar hnih (2) chhung intuaitharna a buatsaih chu nimin khan Thenzawl PTS Conference Hall-ah khar a ni.

Mizoram sawrkar chuan nimin khan thuchhuah siamin Mizoram-a District Education Officer (DEO) leh Sub-Divisional Education Officer thenkhat te awmna a siksawi a. Serchhip DEO nilai Lawmawma chu Mamit-ah DEO hna chelh tura sawn niin a aiah hian Lawngtlai DEO ni lai, Zohmangaihi chu a rawn awm dawn thung a, he Order chhuah atanga ni 15 chhunga an hna zawm tura tih an ni bawk.

Mizoram Upa Pawl (MUP) District Hqrs. Serchhip chuan Serchhip Bazar-a an Office-a dah tur TV tha tak chu RV Enterprise neitu, R. Lalkohbika te chhungkua chuan a thlawhna an pek thu leh lalro Digital neitu, Vanlalchhunga ten a thlawna connection an pek thu sawiin, an chungah lawmthu an sawi tak meuh meuh tih an sawi bawk.

Serchhip District tlawha rawn zin MJA General Hqrs. hruaitute leh MJA Serchhip District Member te chuan nimin khan Serchhip Zawlpui phai-a Fisheries Department hmalakna hrang hrangte a hmunah an tlawh.

Nimin-a Mizoram Legislative Assembly Thlasik thutkhawmah Parilaimentary Affairs Minister, TJ. Lalnuntluanga putluh MLA-te hlawh sanna tura Bill pawm a ni a. Tun hi kum 1987-a State puitlinga Mizoram hlankai a nih hnuah MLA hlawh ennawn tum 4-na a ni.

Vigilace Department enkawltu Chief Minister, Zoramthanga'n Mizoram-ah Lok Ayukta din a nih atangin thubuai 8 dawn a ni tawh tih a sawi.

Mizoram Legislative Assembly 8-na thutkhawm vawi 4-na, ni thum awh chu tluang taka neih niin nimin khan zawhfel a ni.

Aizawl-a Assam Rifles ram chhunga LSC nei zingah mi pakua (9) te chuan an LSC te sawrkarah an pekir (surrender) tawh.

Nimin chawhnu dar 2:00 khan kum 2020 KTP General Conference Serchhip-a neih tura Organising Committee Office Bearer te leh Ser-chhip-a Kohhran hrang hrang hruaituten Serchhip Kawnpui Kohhran Committee Room-ah inkawmhona an nei.

SIRD & PR hnuaia khawtlang hruaitu thenkhat, Serchhip District Panchayati Resource Centre, Tarpi tlang-a training mek te tan nimin khan Beti Bachao Beti Padhao (BBBP) Serchhip District hmalakna leh a thiltum te inhrilhhriatna (sensitization) buatsaih a ni a, he hunah hian K. Saitluanga, DIPRO chuan BBBP chungchang leh hriattur pawimawh hrang hrangte sawiin, BBBP hmalakna tinrengah thahnem ngai taka lo tanpui thin turina sawm bawk.

Nakum February thlaa Serchhip in KTP General Conference a thlen tura Pandal sakna tur hmun, Leisekawt Mual laihzuah hna chu nimin khan lei laihna khawl pariat (8) hmanga thawh tan a ni a, he Mual laihzauh hna hi MNF East Block Serchhip chuan kut kenin chhun leh zan-ah laih char char tura ruahman a ni a, harsatna dang a awm a nih loh chuan tun tuma laih hmasak tura ruahman chin chi thla khat chhunga laih zawh hman beisei a ni.

Nimin chhun dar 12:00 khan Serchhip District chhunga Beat Officer tura Police in an ruat te tan an hnathawh tur chungchang inzirtirna, Beat System Training neih a ni.

MJA General Hqrs. hruaitute chuan zankhat riak turin nimin khan Serchhip District an rawn tlawh a, Horticulture Department hmalakna an tlawh nghal.

Nimin khan Serchhip-ah Students Police Cadet Programme-a District Level Steering Committee chu thukhawmin Serchhip District-a Students Police Cadet kalpui tawh dan leh kalpui zel dan tur an sawiho.

Mizoram District paruk huam tura ruahman, Mizoram Rural Bank (MRB) Regional Office, Lunglei chu nimin khan Lunglei DC, K. Lalrin-zuali chuan a hawng.

Nimin khan Serchhip Kawnpui Kohhran Hall-ah KTP General Conference 2020 Organising Comittee te thukhawmin, nakum-a KTP General Conference thlenna tur atana ruahmanna hrang hranga hmalak tawhna te report ngaihthlak a ni.

Mizoram Legislative Assembly Thlasik thut-khawm neih mek chu ruahman lawk angin Vawiin hian chhunzawm leh a ni dawn a, hun hmasa ah zawhna leh chhanna hun hmangin hemi hnu hian sawrkar thil pawimawh te ngaihtuah a nih hnuah Session hi zawhfel a ni tawh ang.

Serchhip-a Legal Metrology Inspector leh Serchhip District Consumers Association (SD-CA) hruaitute chuan niminpiah khan Serchhip IOC Veng-a Petrol Pump chu tlawhin Petrol leh Diesel an tehna te an enfiah a, an tehna hman mek te chu a tha tawk tih finfiah a ni.

MJA General Hqrs. hruaitute chuan Vawiin hian zankhat riak turin Serchhip District an rawn tlawh dawn a, MJA Serchhip District member ten lo dawngsawngin chawhnu lamah Horticulture Department hmalakna an tlawh nghal anga, tlai lamah MJA Member te nen inkawmna neiin zan an riah hnuah naktuk ah Fisheries Department hmalakna an tlawh anga, Serchhip District Bawrhsap in tukthuana buatsaih sak bawk ang.

SDO (Sadar) thlahna nei

Indian Air Force in Pukpui hmunhlui an luah chungchangah nimin khan IAF Squadron Leader, Lunglei Settlement Officer, Pukpui VCP leh NGO hruaitute Pukpui-ah an inkawm.

Mara Autonomous District Council (MADC) Thlasik thutkhawm ni khat awh chu nimin khan MADC Session Hall, Siaha-ah neih a ni.

All India Cooperative Week vawi 66-na kharna chu nimin khan Aizawl Vanapa Hall-ah neih a ni a, Chief Secretary, Lalnunmawia Chuaungo chuan khuallian niin a hmanpui.

Higher and Technical Education Minister, Dr. R. Lalthangliana chuan RUSA hnuaia Mizoram College hrang hranga thawk tur lak tawh zat chu mi 65 an ni tih sawiin, Zirtirtu leh hna dang lakah a thiam apiang Aizawl-a awm tura ngaihna awm thin chu dah bo hret hret a tul tih a sawi.

Mizoram sawrkarin a hnuaia thawk Under Secretary chunglam mi 39 tan Rs. 20,55,795/- sengin IT hmanrua a leisak tawh tih Chief Minister-in House a hrilh.

Tunhnaia Chennai/Puducherry-a Press Study Tour neia kal Mizoram Journalist' Association member-te chuan nimin khan Aizawl Press Club Conference Hall-ah zin report an pe.

Nimin-a Assembly Thlasik thutkhawmah Chief Minister, Zoramthanga putluh Dan dinglai siamthatna tur Bill pahnih pawm a ni.

Nimin-a Assembly Thlasik thutkhawmah Serchhip bialtu MLA,Lalduhoma chuan Sa-a Mizoram a intodelh loh vanga mipui harsatna thleng mek sukiang tura hmalak a nih theih nan Calling Attention Motion a pulut a. AH&Vety Minister, Dr. K. Beichhua chuan tunhnaiah State dang atangin Vawk hrisel tha talh tur 762 lak luh a nih thu House a hrilh.

Nimin khan New Delhi-a World Toilet Day hmanna ah kumina India rama thingtlang khawfai intihsiakna lawmman, Swachh Survekshan Grameen (SSG) 2019 Award sem a ni a, Mizoram atanga lawman dawng zingah Serchhip District pawh telin, he Award hi PHE Serchhip WATSAN Division-a Sr. EE, Er. F. Lalsanglura chuan New Delhi-ah a dawng a ni.

Serchhip District Anti-Tobacco Squad te chuan nimin khan Serchhip District Hospital leh Sawrkar Pisa thenkhat te bakah Serchhip Bazar-a Taxi, Auto Rickshaw leh Maxi Cab Stand te tlawhin puipunna hmuna mei zu an awm leh awmlo enin Squad Drive an nei a, he hunah hian puipunna hmuna meizuk khapna Dan bawh-chhia-a mei zu mi 3 man leh niin heng mite hi Dan in a phut angin pawisa chawitir an ni.

Nimin Nov. 19, 2019 khan khawvel pumah dan lova naupangte chhawr thinna titawpa umbo tura inzirtirna Ni hman a ni a, Serchhip-ah pawh he Ni pual hian naupangte venhim a pawimawh zia inzirtirna thuziak hrang hrang tarchhuah a ni.

Serchhip District Transport Officer, B. Lalrinsanga chuan Central Motor Vehicles Amendment Act, 2019 in lirthei chi hrang hrang dan bawhchhiahte hremna thar a tihchhuah chu ramchhung hmundanga hman a nih rualin Mizoram-ah pawh hman ve tur a nih thu sawiin, lirthei khalhtu ten an zawm tur Dan te chu zawm kim turin mipuite a ngen bawk.

Kumtina Mizoram-a Class-XI Science zirlaite tana buatsaih thin, Science Exposure Tour chu nimin atang khan Mizoram Science, Technology & Innovation Council-te buatsaihin neih leh a ni a, naktuk thleng neih a ni ang.

Ni 4 chhung awh tur 65th National School Games Boxing Under-17 chu nimin khan R. Deng-thuama Multipurpose Hall, Mualpui, Aizawl-ah neih tan a ni a, School Education Minister, Lal-chhandama Ralte chuan he intihsiakna hi a hawng a ni.

Home Minister, Lalchamliana chuan Mizo-ram sawrkarin Official-a Mizoram ramri a pawm chin chu Mizoram leh Assam ramri-ah Bengal Eastern Frontier Regulation 1873 hmanga Inner Line Notification August ni 20, 1875 a siam nih thu leh Mizoram leh Tripura, Manipur, Myan-mar leh Bangladesh ramri-ah Bengal Eastern Frontier Regulation 1873 hmanga Inner Line Notification, March ni 9, 1933 pawm a nih thu a sawi.

Power Minister, R. Lalzirliana chuan tunlaia Power Supply kan neih thatlohna chhan chu mipui in Eng tha zawka an hmuh theihna atana Department in tan an lakna vang anih thu House a hrilh.

Mizoram Legislative Assembly 8-na thutkhawm tum 4-na chu nimin chawhma dar 10:30 khan Aizawl a Assembly House-ah neih tan a ni a. Hun hmasa lamah MLA hlui, Oct. ni 5, 2019-a boral, Thankima sunna hun hman niin zawhna leh chhanna hun hman zui a ni.

Puducherry Zirzin Diary - C.Ramengmawia, Editor Lamkal Information & Public Relations Department, Govt. of Mizoram buatsaihin tun thla, Nov. 9-15 chhung khan I&PR Official 3 leh Mizoram Journalist Association member mi 9 ten India ram Chhim lam- Puducherry leh Chennai-te kan zuk tlawh a, kawng hrang hrangin a hlawk thlak hle. Ni 9 : He Press Study Tour-ah hian Aizawl atangin chanchinbumi te 5, Kolasib District, Siaha District, Lunglei District leh Serchhip District atangte in chanchinbumi 1 theuh kan kal a. Chawhma dar 11:00-ah I&PR Director Office-ah I&PR Minister Pu Lalruatkima Ralte hovin inkhawm tawi neih a nih hnuah Minister hian min vai liam ta a ni. Lengpui Airport atangin chawhnu dar 3:00-ah chhum chhah tak karah chhuakin, tluang takin dar 5:00-ah Kolkotta Airport kan thleng a, kan ruahman lawk angin he Airport atang hian Chennai thlawk leh nghal tur kan ni a. Amaherawhchu, Cyclone Bulbul khan Kolkatta leh a chhehvel a lo nuai tan mek avangin Emerge

ZPM Media and Publicity Committee-a General Secretary, Lalmuanpuia Punte chuan Mizo Hnam party-a inchhal MNF sawrkar in Hnam himna a ngai pawimawh lo em em niin a sawi.

Land Revenue & Settlement Minister, Lalruatkima chuan SEDP hnuaiah kut hnathawk hmala duhsi, ram neilo te tan Land Revenue & Survey Board chuan ram an neih theihna turin ram a ngaihtuah sak dawn tih a sawi.

India Parliament Thlasik thutkhawmin Citizenship Amendment Bill tharthawh leh a tum duhlohna lantirin North East Students Organisation (NESO) chuan North East hmun hrang hrangah nimin khan dodalna a ruala neih a ni a, Mizoram-ah pawh MZP bultumin Aizawl-a Vanapa Hall kawt-ah Sit-in Protest neih a ni.

Serchhip District Beti Bachao Beti Padhao Task Force Committee te chu nimin khan Ser-chhip DC Meeting Hall-ah an Chairman Serchhip District Bawrhsap, Sangchhin Chinzah kaih-hruaia thukhawmin sawrkar kum kal meka BBBP hnuaia hmalakna tur chi hrang hrang ruahman te chipchiar takin an en hova, line department ten an chanvo theuh an tih theih hun remchang te, department ten a huhova an kalpui theih hmalakna te, huam zau taka Awareness neih dan tur te an thlirho a ni.

Ministry of Health & Family Welfare atanga rawn kal Monitoring Team te chuan nimin khan Serchhip District Hospital leh Serchhhip District chhunga damdawi In thenkhat te inenkawl dan leh hnathawh dan an enfiah.

Mizoram State Games neih tur atana Ser-chhip AC Organising Committee chu nimin tlai khan Serchhip DRDA Project Director chenna in ah thukhawmin inbuatsaihna kalpui mek dan an thlirho a. He huna tarlan a nih danin Mizoram State Games neih turah hian Serchhip AC chu infiamna chi 23-ah an tel dawn a, hetah hian in-fiammi leh anmahni hruaitu, an vaiin mi 203 an tel dawn a. Heng infiamna chi hrang hranga tel turte hian inbuatsaihna ngawrh taka kalpui mekin hemi atana sum mamawh te pawh a theih anga dapkhawm mek a ni bawk.

Serchhip-III Village Council huamchhunga VC, NGO leh Political Party hrang hrangte chuan Serchhip-III Village Council huamchin chu tihtet an remti lo tih an sawi.

National Highway-54, Aizawl to Tuipang laihzauh leh siamthat tur atan nimin khan Package No. 3 leh 8-a hna thawktu tur, Bhartia Infra Project Limited chuan a hnathawh tur hlanna leh bul tanna hun Rawpui-ah hmangin he hun hi Serchhip District Bawrhsap, Sangchhin Chinzah chuan a hmanpui a ni.