Latest News

Congress party in Serchhip bial-ah Campaign an tan

Serchhip Assembly Constituency-ah by-election a awm dawn nia a lan avangin Congress Party chuan Campaign an nei tan.

MLA by-election neih tur atana Congress Party Campaign bul tanna hi nimin khan Serchhip khawpui chhung hmun hnih ah neih niin chawhma lamah F. Mal-sawmtluanga te In, Leisang Veng-ah Serchhip Block Congress Committee President, R. Van-laldula kaihhruaiin inkhawm neih a ni a, chawhnu lamah F.Lalhmunliana In, College road-ah Block Congress Committee Vice President, Lalzuiliana kaihhruaiin hun hman leh a ni bawk.

Heng hun hmanna a thusawitu MPCC Secretary, PC. Laltlansanga chuan Congress sawrkar kalta kha mipuiin hmasawnna leh eirukna ah sawiswlna an nei lo tih sawiin, tuna sawrkar kal mek duh khawplohna a len avangin kum 2023 inthlanah chuan Congress bawk a dingchang leh dawn a ni, tiin Serchhip Bial by-election a candidate ah tu pawh rawn dah se an lo thlantlin ngei a pawimawh thu a sawi a. Rorellai MNF te chu Candidate turah an buai mek nia sawiin, harsa taka Bial vil mektu chu dah thaa midang dah tumna avangin an buai hle niin a sawi a. Serchhip bialtu MLA atanga ban tak Lalduhoma pawh Dan lama thiam a chan zawh chuan dawnloh avangin Court-ah a kal ngam lo nia sawiin, hautak taka inthlan leh mai a thlang tih a sawi a. Bial mipui rawn tura insawi si in, ama thu tho in thutlukna a siam leh ta zawk niin a sawi bawk.

He hun rawn hmanpuitu Education Minister hlui, H. Rohluna pawhin MNF sawrkar chu tihpalh sawrkar a nih thu sawiin, Chief Minister berin mi satliah tih tawk vela thil tiin, Mau a buaipui pawhin amah bawkin Supply hna a thawk zui leh mai niin a sawi a. MNF sawrkar thil tih that engmah sawi tur a awmlo niin a sawi a. Sawrkar kal tawh ah Serchhip chu Chief Minister bial a nih avanga Minister tinin duhsak taka an vur thin thu a sawi bawk.

Comments

Chhiar Hlawhte