Lenkawl

Agriculture Minister PC. Vanlalruata chuan Zu Khap burna dan ennawn a nih hnuiin Wine siamna lamah te pawh awmze nei zawkin hmalak tan a nih thu a sawi.

MNF President Zoramthanga chuan ZPM chu ‘An term an hmang zo angem le?’ tiin mipui an inzawt mek niin a sawi.

National Commission for Scheduled Tribes (NCST) Chairman Antar Singh Arya leh member dangte chuan nimin khan Siaha tlawhin sawrkar hotute leh tlawmngai pawl hrang hrang hruaitute an kawm bawk.

Home Minister K. Sapdanga chuan kum upa, tawnhriat ngah tawh tak takte chu Mizo khawtlangah an hlu hle tih a sawi.

Chief Minister Lalduhoma chuan nimin khan a Office-ah Airport Authority of India (AAI) hotute Dr. Sharad Kumar, Member (Operations), M Raja Kishore, Regional Executive Director, NER leh an thawhpuite kawmin Airport Authority of India kuta Lengpui Airport hlan chungchang a sawipui.

Mizo Zirlai Pawl (MZP) Hqrs. Lunglei chuan an lo ruahman tawh angin nimin zing dar 7:00 atang khan Aizawl-Thenzawl-Lunglei (ATL) Road chu Lunglei Pukpui dai-ah an dang tan a, he thu buatsaih lai thleng hian kawng hi an la dan bakah Vawiin lam hian Hrangchalkawn lamah dan zui an tum nia thudawn a ni.

Mizoram Universal Health Care Scheme (MUHCS) hnuaiah kal kalta Nilaini thleng khan Rs. 73,30,614 pekchhuah a ni tawh.

Sawrkar laipui-in State hrang hranga Pakistan mi awmte huntiam chhunga chhuak vek tura a tih laiin Mizoram-ah chuan Pakistan mi an awm ve lo niin a lang.

MNF President Zoramthanga chuan, “Mizo hnam damchhuahna awmchhun chu nationalism a ni,” a ti.

Mizoram sawrkar-a Minister Lalthansanga chuan ZPM Party in Pathian leh Mipui zara Sawrkarna a chan hnuah ram hmasawnna ropui tak tak a thlen tawh thu a sawi.

Lawngtlai East Bialtu MLA leh Adviser to Chief Minister Dr. Lorrain Lalpekliana Chinzah chuan nimin khan Lawngtlai-a Christian Hospital-ah Patient Attendants Shelter a hawng.

Sawrkar laipui-a National Commission for Scheduled Tribes Chairman Antar Singh Arya leh Commission Member te chuan nimin khan Mizoram-a tlawmngai pawl hrang hrang aiawhte an kawm.

Nimin April 28, 2025 tlai khan Lengpui Airport atanga Aizawl lam pana tlan Car pakhat chu Lengpui khaw dai-a Pukpui Tuikhawhthla bul lawkah kawngchhak atanga lung tlain delhin chhungkaw pakhat-a mi pathum ten nunna an chan a, mi pakhat in hliam a tuar bawk.

Mizoram Chief Electoral Officer (CEO) mawhphurhna la mektu Ethel Rothangpuii, Joint Chief Electoral Officer chuan nimin khan Mizoram District hrang hranga Election Officer te kokhawmin thutkhawm a neihpui.

Mizoram sawrkar Sports & Youth Services Department, Athletic Federation of India leh Innovations India Pvt. Ltd. te tangkawp buatsaih, Aizawl International Half Marathon (AIHM) chu Inrinni khan neih a ni a, Sports Minister Lalnghinglova Hmar chuan kumtin buatsaih an tum tih a sawi.

Kumtin April thla Inrinni hnuhnung bera hman thin ‘World Veterinary Day’ pualin Inrinni khan 'Animal Health Takes a Team' tih thupui hmangin hun hman a ni.

Dampa Tiger Reserve-a thawkte chuan sawrkar laipui atanga an hlawh tur an hmuh har thin avanga harsatna an tawh thinte hrethiama Mizoram sawrkarin thla tin hlawh an lak theihna tur a ruahman chu lawmawm an tih thu an sawi.

Chin Refugee Community a hnam hrang hrang aiawh mi 12 te chuan Inrinni khan Mizoram Lok Sabha MP Richad Vanlalhmangaiha chu New Delhi-a a chenna In-ah an kawm.

Mizoram leh Assam ramri chungchang sawiho a State pahnih aiawh thukhawm te chuan ramri hrulah Status-quo vawn chhunzawm an remti.

Tuberculosis (TB) vei te enkawlna tur damdawi thar ‘BPaLM’ an tih chu kumin July thla velah MDR-TB veite hnenah pek tan theih beisei a ni.

Mizoram Police te chuan kum 2021 atanga April ni 22,2025 thleng khan Cyber Crime kaihhnawih ah mi 113 manin mi 40 chu thiam loh chantir (convict) an ni tawh a, thubuai lut zingah hian sum leh pai-a inbumna kaihhnawih chu a tam ber a ni.

Mizo Zirlai Pawl (MZP) chuan thla thar May 2 khian MZP Rorelna sang ber dawttu, Federal Council Sitting vawi 58-na an nei dawn a, tun tum a ngaihtuah tur hian Agenda pali chhawpchhuah a ni ang.

Mizoram Lok Sabha MP Richard Vanlalhmangaiha chuan tun thla ni 24 khan Union Minister of State for Defence, Sanjay Seth chu a Pisa-ah kawmin Mizoram tana thil tangkai tur tam tak an sawi dun.

Higher & Technical Education leh School Education Department chengtu Minister Dr. Vanlalthlana chuan Chakma Autonomous District Council (CADC) leh Lai Autonomous District Council (CADC) huamchhunga zirna In hrang hrangte chu a hmunah kalin a enfiah a. A hmasa ber atan niminpiah khan Govt. Kamalanagar College tlawhin April 4, 1992 khan he College hi din a ni a, tun dinhmunah Teaching Faculty 19 leh zirlai 324 an awm mek a ni. Nikum May 27-a thli in a chhemthluk Upper Primary School, Mualbu 'L' tlawhin buiding thar sakna tur cheng nuai 80 vel dah fel a ni tawh tih a sawi.

India ramah mi sang khat zel atanga Malaria vei hmuhchhuah zat atanga chhutin Mizoram chu Malaria vei tamna ber State a ni.

Nikum April atanga kumin March inkar chhung khan Mizoram-a Child Welfare Committee (CWC) chuan Case 1,573 leh Juvenile Juvenile Justice Board (JJB)-in case 219 an chingfel a. April, 2024 atanga March, 2025 inkar chhung khan Child Care Institution (Home) hrang hrangah naupang 695 dah thar an ni.

Mizoram University (MZU) dinchamphaphak lawmna leh Silver Jubilee lawm bultana chu nimin khan neih niin he hun hmanpuitu Governor General (Rtd) Vijay Kumar Singh chuan MZU chu Mizoram mai bakah North East-a zirna sang zawk tihhmasawn kawnga zirna in pawimawh a ni tih a sawi.

Lengpui Airport-a venhimna hna chu nimin khan Central Industrial Security Force (CISF) te kutah Mizoram DGP Anil Shukla chuan a hlan a, kum 1999 atanga Lengpui Airport venhim hna Mizoram State Police leh Central Reserve Police Force (CRPF) te’n an thawh chu CISF te kutah a awm dawn ta a ni.

All Mizoram Contractors Association, General Headquarters chuan Contractor atana dah ngheh tawh te chu an lo upat a hna an thawh theih loh hunah Sawrkarin zangnadawmna a pek an phut tih an sawi.

Mizo Zirlai Pawl (MZP) chuan Mizoram chhung ngeia Assam lamin thuneih an rawn tum fo chu hriatthiam har an tih thu sawiin, Ram humhalh turin theihtawp a dodal zel nise an ti.

Mizo Students’ Union (MSU) buatsaih ‘MSU Cup 2025’ chu nimin khan zawhfel niin a kharna hun hi Sports Minister Lalnghinglova Hmar chuan a hmanpui a ni.

Mizoram sawrkarin Medical Reimbursement System thar a kalpui dan chungchangah Mizoram sawrkar hnathawk inzawmkhawm pawl FMGE&W chuan sawrkar hnathawkte phalna la hmasa lova hlawh cut an tum avangin dan hmanga hmalak an tum.

Mizoram leh Assam ramri chungchanga State pahnih te Secretary-Level Meeting Vawiin-a nei turin nimin khan Home Secretary Vanlalmawia hovin palai mi 7 te chuan Guwahati khawpui an pan.

Ministry of Development of North Eastern Region (DoNER) atanga sum hmuh cheng nuai 115 hmanga sak Tlabung-a DM&R Safe House chu nimin khan DM&R Minister Prof. Lalnilawma chuan a hawng.

Ministry of Home Affairs chuan Lengpui Airport venhim hna thawk turin Central Industrial Security Force (CISF) a ruat thar a, Vawiin hian hna an thawk tan ang.

PHE Minister Prof. Lalnilawma chuan nimin khan Lunglei khawpui tui lakna, Greater Lunglei Water Supply Scheme (GLWSS) hmun Pialthleng leh Tlawng lui tlawhin AMRUT 2.0 leh SASCI hnuaia GLWSS tihchangtlun hna thawh mek a enfiah.

Sports Minister Lalnghinglova Hmar chuan Mizoram-a International Half Marathon buatsaih tur in Mizo thalaite zingah infiamna kawnga hmasawnna a thlen tir dawn tih sawiin, Tourism lamah hmasawnna a thlen theih an beisei tih a sawi bawk.

Ministry of Jal Shakti hnuaia awm Brahmaputra Board Chairman Ranbir Singh IAS chu nimin khan Chief Minister Lalduhoma chuan kawmin Mizoram-a an hmalaknate a sawipui.

Mizoram State Policy Coordination Committee chu nimin khan Chief Minister Lalduhoma hovin CM Conference Hall-ah an thukhawm a, hmalak tawhna te thlirin hmalak zel dan tur sawiho a ni.

Nimin khan Chief Minister Lalduhoma kaihhruaina in High Level Task Force on North East Economic Corridor (NEEC) Meeting vawi khatna chu Video Conference hmanga neih a ni.

Mizo Academy of Letters (MAL) chuan nimin khan an dinchampha lawmin 'Book of the Year 2024' lawmman chu 'Hun inher kara Zofate' tih ziaktu F. Vanlalrochana hnenah a hlan bawk.

Mizoram Larsap General Vijay Kumar Singh chuan nimin khan Mizoram Sawrkar hnuaia Agriculture leh Horticulture Department hotute chu Raj Bhavan-ah kawmin Sustainable Agriculture a awm theih nana pawimawh leh Department pahnihte hmalakna a sawipui.

Home Minister K. Sapdanga chuan nimin khan Cemtral Jail tlawhin IG Prison R. Van-lalsawta leh Special Superintendent Laldingliana Chinzah te bakah thawktu dang ten an lo dawngsawng a ni.

Sports Minister Lalnghinglova Hmar hovin nimin khan a Office-ah kumin kum tawpa khawpui chhunga Mountain Bike intlansiak, ‘Red Bull Aizawl Tlang Ruam Event’ buatsaih tum chungchang sawiho a ni.

North East Zone Cultural Centre (NEZCC) buatsaih ‘Young Talented Artiste Award 2022-2023’ dawng turin Mizo pahnih, Rivca Lalnunsangi, Zotlang leh Jonathan VL. Remruata, Khawzawl te chu thlan an ni.

Mizoram State Rural Livelihood Mission Staff Welfare Association chuan nimin khan Aizawl Chanmari YMA Hall-ah General Body Meeting neiin RD Minister Prof. Lalnilawma chuan a hmanpui.

Chief Minister Lalduhoma chuan Sawrkar Department hnuaia enkawl hmun thenkhat luah tlak loh a awm thin avangin mimal enkawlna (privatisation) hnuaia awm chu a tul chang awm tih a sawi.

Nimin khan India - European Union Water Partnership (IEWP) hnuaia ‘Barak River Basin Management Plan’ duan dan tur chungchanga inrawnkhawmna neih a ni.

Kum khat chhung awh tur Mizoram State Sports Council (MSSC) kum 50 tlinna, Golden Jubilee lawmna chu nimin khan neih tan a ni.

Mizo Hmeichhe Insuihkhawm Pawl (MHIP) General Assembly vawi 24-na chu nimin khan Aizawl-a Vanapa Hall-ah neih a ni a, he hun hmanpuitu Chief Minister Lalduhoma chuan, “Ngaihhlut tur dik tak lo ngaihlu ula, in sukthlek hmangin kan hnam hi thui tak in kaihruai thei tih lo hre reng ang che u,” tiin he huna kalkhawmte chu a chah a ni.

Roman Catholic Kohhran hotu lu, Pope Francis chu nimin khan a boral a, kum 88-a upa a ni.

School Education Minister Dr. Vanlalthlana chuan Mizoram Govt. School Teacher’s Union (MIGOTSU) ten lungawi lohna an lantir mek chu mak a tih thu a sawi.

Mizoram Pradesh Congress Committee (MPCC) President Lal Thanzara chuan ZPM leh MNF sawrkar hnuaiah Mizoram in manganna nasa tak a tawk niin a sawi.

MNF President Zoramthanga chuan ZPM sawrkar chu a ni telin an tlahniam tulh tulh nia sawiin, “MNF kan sang leh tulh tulh thung,” a ti.

Mizo Academy of Letters (MAL) chuan Book of the Year 2024 atan ‘Hun Inher Kara Zofate’ tih F. Vanlalrochana ziah chu an thlang.

Ramchhunga kuthnathawk tithate leh midang te entawnna tura hmala te chawimawina chu kumin hian Saikhamakawn khuaa Lalrinpuii hnenah hlan a ni.

Kolasib District-a Kuhva man sa tihral nia sawi chungchang chu nimin khan Kolasib District Magistrate Robert C. Lalhmangaiha chuan thuchhuah siamin a sawifiah.

Local Fund Audit on the Accounts of Local Authorities Director Report-ah Aizawl Municipal Corporation (AMC) chu Bawngkawn-a lirthei dahna tur In chhawng sakna a cheng vbc. 7 leh nuai 85 chuang felhlel taka hmanga puh niin hemi chungchanga AMC insawifiahna chu Auditor-te chuan an pawm lo nia tarlan a ni.

Aizawl-a Chanmari FC chu Season thar ah I-League khel turin an tling a, Season thar ah Mizoram atangin I-League Club pahnih an awm thei dawn a ni.

Lunglei Superintendent of Police (SP) hmalaknain Lunglei leh a chhevela dan lova ramdang atanga lakluh Bike (Kenboa 125) man khawm niin heng lirthei mante hi khawihchet theih loh turin a ke thlawn sak an ni.

Mizoram sawrkar Finance Department chuan sawrkar hnathawk te chu April thla chhungin Mizoram Universal Health Care Scheme (MUHCS) atan Family Declaration thehluh turin a hriattir.

Mizoram Excise and Narcotics Department chuan Aizawl chhunga Hotel leh Restaurant hrang hrang an dapna ah Zu thahnem tak an man.

Assam Rifles Director General Lt. Gen. Vikas Lakhera chuan Zokhawsang-ah an awmna sawn tawh mahse Khatla Aizawl-a an hmun chu Sector Headquarters-ah hman chhunzawm a la ni dawn tih a sawi.

MNF General Hqrs. a Treasurer Lalruatkima chuan ZPM Sawrkarin kawngtin rengin sawrkar hnathawkte an vau nasa nia sawiin, chu chuan nawrhna a hring mek niin a sawi.

All Mizoram CSS Employees Coordination Committee (AMCECC) chuan Vawiin, April ni 21 atanga Mass Casual Leave lâk tum an chu an thulh.

Mizoram sawrkar Transport Department chhinchhiah danin Mizoram chhunga lirthei pung chak ber chu lirthei ke hnih nei, Two Wheeler a ni.