Latest News

Covid vanga mipui ten harsatna an tawh avangin MGNREGS hnuaiah ni 30 inhlawhna dil mek

Nimin khan Mamit-ah District Development Co-ordination & Monitoring Committee (DISHA) chu an Chairman, Lok Sabha MP C. Lalrosanga hova thukhawmin he hunah hian Lok Sabha MP chuan Covid avanga mipui te’n harsatna kan tawh avangin MGNREGS hnuaia ni 30 inhlawhna siam belh sak turin Central-ah dil mek a nih thu a sawi.

Mamit DC Conference Hall-a District Development Co-ordination & Monitoring Committee (DISHA) thutkhawm ah hian Lok Sabha MP, C. Lalrosanga chuan DISHA Meeting chu mipui ten an aiawha an thlan MP, MLA-te leh Govt Officials te bakah khawtlang hruaitute inkara thawhhona tha a awm theihnana buatsaih a nih thu a sawi a. Sawrkar laipui atanga ram hmasawnna tura Scheme duante uluk taka vil leh enzui a nih theihnan Meeting neih thin chu a pawimawh thu sawiin, Ram hmasawnna tura Sawrkar laipui atanga Scheme lokalte a nihna ang taka mipui te’n hmasawnna an hmuh theihnana theihtawpa tha-a kalpui turin Department Officials te a chah bawk a ni.

Hei bakah hian Lok Sabha MP chuan Department Officials-te chu harsatna leh mu tan an neihte Meeting-ah sawichhuak hrehlo turin a chah a, MGNREGS hnuaia Ni 100 inhlawhna chu Covid avanga mipui te’n harsatna kan tawh avangin ni 30 inhlawhna siamsak belh turin Central RD Department-ah nawr mek a nih thu a sawi bawk a. He thutkhawm ah hian MGNREGS hnuaiah kumin kum kal mek (2020 - 2021) ah ni 87 inhlawhna siam a nih tawh thu tarlan niin sawrkar kum kalta ah khaw 99-a Job Card 21,700 tan ni 100 inhlawhna siam a nih thu tarlan a ni bawk.

He thutkhawm ah hian Sawrkar laipui Scheme hrang hrang hnuaia an District chhunga hmalak dan, hna kal mek leh hmachhawp awm te tarlan a ni a, Mamit District chu Aspirational District a nih angin NITI Aayog-in a vil reng thu tarlan ni bawkin, District hmel lanna a nih avangin kumin kum kal mek chhung tal hi chu Sawrkar atanga hmasawnna hna te chak taka kalpui a nih theihnan leh District hnufual an nihna atanga chawikan an nih theihnana ngaihsaka vohbik turin Sawrkar ngen nise an ti bawk.

He hunah hian Mamit District chhunga MLA pathum te pawh telin Mamit lam kawng siam mektu, Gayatri Company te chu Dec. 25, 2020 hmaa Dampui hnuai kawng laitlang tura ngawrh taka thawk tura tih an ni bawk.

Comments

Popular News (Last 30 Days)