ZPM in lawmthu an sawi

ZPM Serchhip Block Committee chuan Serchhip bialtu MLA, Lalduhoma ban a nih avanga amah lo lainat-a a thlavang lo hauh tute, lo tan em em tute leh thilpek lo petu zawng zawng te chungah an lawm tih an sawi.

Nimin-a thu-chhuah an siam ah ZPM Serchhip Block Committee chuan MLA atanga Serchhip Bialtu MLA, Lalduhoma bàn a nih takah chuan, bàn a nih dan lungawilohthlak tak avangin Bial mipuite mai bakah, hmun hrang hrang atangin a thlavang hauhna leh hektute demna thu hriat tur tam tak karah, a remchan dan anga tanpui duhna hial hriat tur a awmte chu zahawm an tiin lawmawm an tih thu an sawi a. Diklo taka MLA atanga ban a nih takah chuan, a chaw thleng ben buakin a awm a ni ber nia tarlangin, by-election hmachhawn leh mai tur a nih avangin amah tanpuina tura pawisa pek theihna tur lo siam hial te pawh an awm thu sawiin, ropui an ti takzet tih an sawi.