Posts

Showing posts from April, 2019

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram Village/Locality Profile tlangzarh a ni

Mizoram sawrkar hnuaia Economics & Statistics Department in 'Village /Locality Profile 2017-2018 : Mizoram State' an buatsaih chu nimin khan Planning & Programme Implementation Secretary Dr. C. Vanlalramsanga chuan a tlangzarh.

MPSC Mobile Application thar tlangzarh a ni

Mizoram Public Sevice Commission (MPSC) Mobile Application ‘MIPUSEC’ chu a duh leh mamawh apiang te hman turin nimin khan MPSC, Mini Examination Hall, New Secretariat Complex, Khatla, Aizawl-ah MPSC Chairman, Zosangliana Colney in a tlangzarh.

SP inthlak leh tawh

 Lok Sabha inthlanpui neih dawna Serchhip District SP, R. Sathyasundaram leh Mamit SP, Shashank Jaiswal te an awmna hmun inthleng rih tura tihna chu kar kalta khan tihtawp niin a hmaa Serchhip SP, R. Sathyasundaram chuan a hna ngai hi a rawn zawm leh tawh a ni.

Tui sem la mumal theilo

PHE Department in Serchhip mipuite hnena Tui an semchhuah chungchanga tunhnaia harsatna an tawh chu chinfel hleihtheih ala ni lo a, tunah hian he harsatna sukiang tur hian theihtawp an chhuah mek thu Department-a thawk te chuan sawiin, ni 2/1 velin mipui ten an dawn hun tur aia tlai ah an la dawng tih an sawi a, harsatna dang a awm leh a nih loh chuan tunkar tawplam ah chuan a hun pangngaia dawn theih an beisei tih an sawi bawk.

BSNL Office khar sak

Lawngtlai-a Mobile/Broadband Network \hat loh lutuk avanga Central YLA hmalakna in awmzia a neih loh avangin Lawngtlai-a BSNL Office chu nimin a\ang khan tiamchin awm lova kharsak an ni.

Serchhip-ah Civil Services Day 2019 hman a ni

Nimin chawhnu khan Serchhip DC Conference Hall-ah Civil Sevices Day 2019 hman a ni a, he hun hi Good Governance chungchang zirhona atan hman a ni.

MP inthlan kal zelah MPCC Legal Department-in Lunglei Police Station-ah FIR an thehlut

MPCC leh ZPM Co-ordination Committee aiawhin nimin khan MPCC Legal Department Secretary, James Thanghmingmawia chuan tun \um Lok Sabha MP election neih dawn a Congress leh ZPM thlawp Candidate, Lalnghinglova Hmar Sl. No. 5 anih laia Lunglei District khaw hrang hrang Polling Station-a Candidate list tarchhuahah Sl. No. 4 a dah anih avangin Lunglei Police Station-ah FIR a thehlut.

NH. 6 siam dan tur sawiho

Seling leh Champhai inkar kawngpui NH. 6, a ruala lirthei pali (4) tlan theihna tura siam hna thawktu turte chu nimin khan Transport Minister, TJ. Lalnuntluanga chuan a Office-ah a kawm a.

Chief Minister hova Civil Services Day hmangin sawrkar hnathawk \ha te chawimawina hlan an ni

Nimin khan Aizawl Vanapa Hall-ah Chief Minister, Zoramthanga hovin Civil Services Day-2019 hman a ni a. He hunah hian a vawikhatna ni turin Sawrkar hnathawk \ha leh entawntlak thlanchhuahte hnenah ‘Chief Minister's Award for Excellence in Public Administration’ chu Chief Minister hian a hlan nghal bawk.

Police Sammelan neih a ni

Police Department-a thawh ten an hnathawh dana rawtna leh ngaihdan an neih te thuneitute hnena an thlen theihna hun, Police Sammelan chu nimin khan Serchhip-ah neih a ni.

MPCC in MIMER hming put tir leh an phut thu an sawi

Mizoram Pradesh Congress Committee (MPCC) chuan 'Mizoram Institute of Medical Education &Research' (MIMER) hming 'Zoram Medical College' tih-a a thlak chu MIMER hmalam hun ngaihtuahna nei miah lo leh mipuite zahna neih miah lo a MNF Sawrkar hmalakna niin an sawi.

Aizawl-a lirthei intlanchhawk dan tur ruahman thar

Home Minister Lalchamliana hova Coordination Committee on Traffic Management \hukhawm in ruahmanna an siam angin June, 2019 a\angin Aizawl khawpui ah lirthei tlan dan thar hman a ni dawn.

K|P ten thisen pe

Chhiahtlang Kawn Veng Pastor Bial K|P te chuan Zirtawpni khan Serchhip Blood Bank-a dah turin thisen Unit 32 an pe a, thisen petute zingah hian hmeichhia 10 an tel a ni.

Pastor Bial khawmpui nei

 Presbyterian Church of India chuan nimin Pathianni hmang khan hmun hrang hrangah Pastor Bial inkhawmpui an nei a, Serchhip-ah pawh Bial hrang hrang ten khawmpui an nei a, Zirtawpni zan khan Kohhran leh Bial Report ngaihthlak niin Inrinni khan nilengin Palai ten ro an rel a.

Mi bo dam takin hmuh a ni

April 26, 2019 (Zirtawpni) zing a\anga chin hriatloha bo, Zohmingthanga (49), Serchhip Veng-chung chu nimin khan dam taka hmuh a ni.

Meizu mi 14 man leh an ni

Serchhip District Anti-Tobacco Squad te chuan Inrinni zing khan Serchhip Bazar-ah meizuk khapna Dan in puipunna hmuna meizuk a khap bawhchhia an awm leh awmloh an enfiah a, he hunah hian Bazar leh a chhehvel-a meizu mi 14 man an ni a, heng mite hi Dan in a phut angin pawisa chawitir an ni. Anti-Tobacco Squad thawkchhuak te hi Serchhip Police Station-a OC, Lalramhluna leh a thawhpui ten an ho a ni.

Serchhip-ah World Veterinary Day hmang

Inrinni khan khawvel pumah World Veterinary Day hman a ni a, Mizoram-ah pawh AH & Vety Department huaihawtin he Ni hi hman niin Ui ^ hri danna pek beihpuithlakna atan he Ni hi hman a ni.

Mizoram-a Vaimin eichhetu Pangang puang in cheng vbc. 18.4 hu Vaimim an eichhe tawh

Mizoram hmun hrang hranga Vaimin eichhetu Pangang, Fall Armyworm puang mekin cheng vbc. 18 leh nuai 4 man hu Vaimin a eichhe tawh a, hemi chungchanga hmala turin Rapid Respond Team din a ni tawh.

Phalna lak dan zirhona nei

Lok Sabha inthlanpui neih avanga Model Code of Conduct hman laia State sawrkar ten hmasawnna hna kallai an thawh theihna tura Election Commission of India emaw, Chief Electoral Officer, Mizoram a\anga awlsam zawka phalna/dilna lak theih dan 'MCC Relaxation Request Online Portal' chungchang in hrilhhriatna hun chu Inrinni khan Planning Department Conference Hall-ah neih a ni a,

MJA Serchhip District member ten Tuirial HEP hnathawh dan an zirchiang

Mizoram-a Kawlphetha siamchhuahna lian ber, Tuirial Hydro Electric Project chu Ningani khan MJA Serchhip District member te chuan tlawhin helai hmuna hnathawh dan an zirchiang a. Helai hmun enkawltu ten Kawlphetha siamchhuak tura hna an thawh dan kimchang takin an lo hrilh a ni.

NH. 54 siam mek enfiah

Serchhip khawpui (Town area) huamchhung a National Highway-54 kawng chhe zual siam \hat (patch repairing) mek chu Ningani chawhnu khan Serchhip Sub-Hqrs. YMA Vigilance & Monitoring Committee hruaitu ten a hmuna kalin an hnathawh dan an enfiah a, sum sanction dan ngaih-tuahin hnathawh mek chu a \ha khat nia an hriat thu an sawi bawk.

GSC in Cultural Day hmang

Ningani khan Govt. Serchhip College chuan an College-ah Cultural Day hmangin Mizo in-cheina leh infiamna bakah nunphung chi hrang hrangte pholan a ni. GSC in Cultural Day an hman hi hun hnih-ah \hen niin hun hmasa lam chu an College Principal, Dr. C. Sangluaii chuan khual-lian nia hmanpuiin an Principal chhuakta, Lalhmangaiha Chawngthu chuan khualzahawm niin a hmanpui bawk a, an hnen a\ang hian thusawi ngaihthlak niin Bawhhla chham a ni a, Report an ngaithla bawk. Cultural Day hun hnihna ah hian zai mawi tak tak ngaihthlak a nih bakah Solakia entir a ni a, Mizo infiamna chi hrang hrang- Insuk-nawr, Inkawikah, Sairawkherh inperhsiak, Arpa insual leh Kalchhet inkalsiak te neiin Chhawng an hnawt bawk a ni.

Volleyball khelh zawh a ni

Serchhip District Volleyball Association in an buatsaih, Serchhip District Under-19 Volleyball chu Ningani khan Final khela zawhfel a  ni.

Lok Sabha inthlanpui a thil fello chungchangah Tetea Hmar Agent in complain a thehlut ve leh

Lok Sabha inthlanpuia ZPM leh MPCC thlawp Independent Candidate, Lalnghinglova Hmar Agent, Lalhnehzauva chuan Lok Sabha inthlana thil fello chungchangah Complaint siamin Ningani khan CEO Office-ah a thehlut a, CEO hi a zin avangin Joint CEO, H. Lianzela’n a lo dawng a ni.

MHIP inthlang theilo in nghawng nei zel

Mizo Hmeichhe Insuihkhawm Pawl (MHIP) chuan Nilaini-a an pawl Gen. Hqrs. Office Bearers an thlan theih loh chungchanga mawhphurtu chhui chhuaka a \ul anga hma laksak turin Aizawl Police Station-ah FIR an thehlut.

Election Model Court of Conduct zawh rualin Zu zawrh mek tihtawp a ni dawn - END Minister

Excise & Narcotics Department changtu Minister, Dr. K. Beichhua chuan High Court thu anga Zu zawrh mek chu Election Model Court of Conduct zawh rual thla thar, May 27 ah tihtawp a ni dawn tih a sawi a. Hetihlai hian Mizoram a Bonded Warehouse te chuan Vendor te hnenah Zu an hralhchhuak leh \an mek tawh thung.

Woodland School of Woodworking hawn a ni

Woodland Group hnuaiah Woodland School of Woodworking chu nimin khan Woodland Innovation Park Zonuam-ah Commerce & Industries Director Director, J. Hmingthanmawia chuan a hawng.

Zu dawr neitu ten License ti thar mekin Serchhip-ah Zu dawr 2 hawn leh a ni dawn

Gauhati High Court Aizawl Bench thutlukna siam anga May 27, 2019 thleng Mizoram-a Zu dawr hawn leh theih a nih angin Serchhip-a Zu zawrhna dawr pahnih te chuan Zu dawr hi hawn zui zel an tum thu an sawi a, Zu dawr pakhat erawh chuan dawr hawn zui an tumlo thung.

YMA member-te inpekna leh hruaitute thawhrimna hi chhuan tlak a ni - President, CYMA

Central YMA President, Vanlalruata chuan YMA in tunhnaia thil thleng an hmachhawn dan hrang hrangah inlungrual taka hma an la ho thei \hin chu thil lawmawm tak a ni tih sawiin, YMA member-te inpekna leh an hruaitute thawhrimna chu chhuan tlak a nih thu a sawi.

Kangmei Vanga Chhiatna

Kangmei Vanga Chhiatna

Gas man bithliah thar

Food, Civil Supplies & Consumer Affairs Department chuan tun thla chhung atan Mizo-ram hmun hrang hranga eirawngbawlna Gas man a bithliah thar a.

Serchhip khawpui chhunga Tui harsatna thleng chawlhkar khat chhungin sutkian hman beisei

Tunhnaia Serchhip khawpui chhung hmun \henkhata PHE Department in mipuite hnena Tui sem chungchanga harsatna an tawh chu chawlhkhar khat chhung chuan sutkian hman an beisei thu PHE Serchhip WATSAN Sub-Division-a SDO, K. Lalrintluanga chuan a sawi.

Sports Minister in sawrkar laipui dawr

Mizoram Sports Minister, Robert Romawia Royte chuan nimin leh niminpiah khan Union Sports Secretary, RS. Julanaya; DoNER Secretary, Inderjit Singh leh NCC Director, Lt. Gen. Rajeev Chopra te kawmin Mizoram tihhmasawn dan turte a sawipui.

MHIP General Conference neih niin Vawiin ah hruaitu thlan theih a ni dawn lo

Mizo Hmeichhe Insuihkhawm Pawl (MHIP) chuan nimin khan Aizawl-a Vanapa Hall-ah General Conference vawi 22-na an hmang a. He Conference hi Vawiin-ah chhunzawm tura tih a ni a, kum 2019-2021 chhunga Office Bearer turte thlan tur a nih laiin, thil diklo a awm nia hriat a nih avangin Court-in inthlang lo turin a hriattir.

ZPM in CEO-ah thlen nawn

Election Model Code of Conduct in a phuar tawh hnuah leh Tender ko lova Mizoram Sawrkar in Lottery Distributor tur a thlan danah thil diklo leh fello awm ni a lan avanga April ni 5, 2019 (Zirtawpni) a ZPM Legislature Party Group Leader, Lalduhoma MLA in Chief Election Commissioner hnena Complaint a thehluh chu CEC in hmalakna a nei zui lo nia an hriat avangin nimin khan ZPM Vigilance Department chuan Mizoram Chief Election Officer hnenah na zawka bawhzui tura an duh thu an thlen a. Model Code of Conduct bawhchhiate chunga hma lak danah Election Official zawng zawngte chuan rualkhai leh dik taka hma la \hin tura ngenin a phut thu an sawi bawk.

VC thlan hun tur puang

State Election Commission chuan LADC huamchhunga VC 95-a inthlanna leh CADC huamchhung VC 6-a Bye-Election neih hun atan May 8, 2019 a ruat a. Inthlanna neih hun tur hi nimin khan puangin inthlan chuh tumte tan April 24 thleng hming pekluh theih a ni anga. Nomination inhnuhdawh theih hun chu April ni 26 a ni a. May ni 8-ah vote thlak tur niin Vote tla te hi chhiar nghal tur a ni ang.

SSA zirtirtu ten beisei

Mizoram SSA Teachers Association chuan a rang lama dinhmun \ha zawka daha a tahtawla sawrkar in a dah an rin thu leh an beisei thu an sawi.

Book of The Year thlang

Mizo Academy of Letters (MAL) chuan kum lalta (2018) chhunga Mizo \awng-a lehkhabu chhuak an dawn 120 zinga \ha ber, Book of The Year-2018 atan 'Hringnun Hrualhrui' (Thu haw lam leh kal lam) tih Mafaa Hauhnar ziak chu an thlang a, MAL Book of The Year chawimawina hi April 23-a MAL Foundation Day vawi 55-na lawmna ah hlan a ni ang.

World Health Day pualin hmang

Nimin khan Department of Community Medicine huaihawtin MIMER, Falkawn-ah World Health Day puala hun hman a ni a, he hun hi Health Secretary, H. Lalengmawia chuan khuallian niin a hmanpui a ni .

MNF sawrkar-ah Tuikuk an huangtau niin sawi

MPCC & ZPM Publicity Committee chuan MNF sawrkar ah Tuikuk te an huangtau hle ah an ngaih thu an sawi.

Thli tleh vangin In 40 chuang a chhia

Nimin zing dar 9:00 vela Vairengte leh a chhehvel khua-a thlipui na tak tlehin chenna In 41 a tih chhiat bakah Power line leh ban engemaw zat a chhe bawk.

Saza chunga kutthlak ASEP in pawi an ti

Association for Environmental Preservation (ASEP) General Hqrs. chuan tunhnaia Saza chunga kutthlakna a thleng mawlh mawlh chu pawi an tih thu an sawi.

Tihpalh thil-a sawrkar piang a ni lo tih sawi

Mizoram sawrkar in a din, Bamboo Link Road Committee-a Vice Chairman, Ramthanmawia, MLA chuan an sawrkar chu tihpalh thil leh vanneih thil thu maia lo piang a ni lo tih a sawi.

Under-19 Volleyball khel \an

Serchhip District Volleyball Association buat-saih Serchhip District Level Under-19 Volleyball Tournament chu nimin khan Serchhip Chhim Veng Volleyball Court-ah khelh \an a ni a.

YMA ten In sak \hat tum

Serchhip Kawnpui North Branch YMA chuan an huamchhunga Hmeithai pakhat chenna In tur sak sak tumin nimin khan a In luahlai chu an \hiah sak.

Mizoram CEO in lawmthu sawi

Mizoram Lok Sabha inthlanpui neih zawh tak chungchangah Mizoram CEO chuan lawmthu a sawi.

Returning Officer zawkin FIR a thehlut hi kan hriat vawikhatna a ni - Lalduhoma

ZPM hruaitu, Lalduhoma MLA chuan inthlanna ah Returning Officer chu inthlan chhunga thubuai awm apiangte lo dawngsawng a, a \ul anga hma lo la tur an nih laia amah ngeiin FIR a thehlut chu an hriat vawikhatna a nih thu a sawi.

Lawngtlai District-ah mihring an pung chak

Mizorama District 8 zingah Lawngtlai District chu mihring punchakna ber a ni a, kum 10 kalta 2001 a\anga 2011 chhungin mihring za zelah 60.4 in an pung.

Mizoram Right to Public Services Act 2015 chungchang zirhona Serchhip-ah neih a ni

Nimin khan Serchhip-a I&PR Department buatsaihin New Serchhip YMA Hall-ah 'Awareness Campaign on Mizoram Right to Public Services Act 2015' neih a ni a, he hun hi MJA Serchhip District President, C. Ramengmawia chuan khuallian niin a hmanpui a ni.

SKBC in Badminton-a hlawh-tling te chawimawina hlan

Serchhip Kawnpui Badminton Club chuan tunhnaia Mizoram Badminton Association (MBA) Official Championship vawi 34-na leh Inter-District Team Championship vawi 18-na neih zawh taka an Players lawmman la te chawi-mawina hun Inrinni khan an nei.

Vaimim eichhetu Mizoram-ah a puang niin sawi

Tunlai hian Vaimim eichhetu rannung chikhat (Fall Army Worm), Mizoram-a la hmuh ngai loh chu a puang mek tih Agriculture Deartment chuan a sawi a, loneitu a bikin Vaimim chingtute chu fimkhur turin a chah.

Vote chhiar turin ruahmanna siam mek a ni

Mizoram Lok Sabha inthlanpui neiha Vote tla te chu Strong Room-a dahluh fel a nih hnuah Vote tla te chhiar dan turah ruahmanna siam mek a ni.

KNP inkhawmpui \iak

Baptist Church of Mizoram (BCM) hnuaia Kristian Naupang Pawl (KNP) Serchhip Bial inkhawmpui vawi 26-na chu nimin Pathianni hmang khan Serchhip Dinthar Veng-a BCM Eden-thar Biak In-ah neih a ni a. Thupui atan ‘Nau-pangte Lal Isua hnenah’ tih chu hman niin Speaker atan Pro Pastor Laldingngheta Sailo chu hman a ni bawk. BCM Serchhip Bial a\ang hian kumin hian BCM New Serchhip Bial chu hawn thar a ni a, tun \um hi Bial thar anga an khawmpui lehna hmasa ber niin Bial chhunga Kohhran 6 a KNP Unit 5 te an tel a ni.

Police fa ten Computer zir

Inrinni khan Serchhip-ah Police fa ten Computer an hmelhriat theih nan Computer zirna neih a ni.

Inthlan zawhah Bru lalet turin ruahmanna siam tum

Mizoram sawrkar leh NGO Coordination Committee te inremna angin Tripura Relief Camp a Bru awmte laklet hna thawh tum a ni a, a hun erawh chu bithliah a la awm lo.

High Court in May 27, 2019 thleng Zu zawrh phalsak leh turin Mizoram sawrkar a hriattir

Mizoram Sawrkarin Zu khapna dan thar a pass hnuah Model Code of Conduct vanga he Dan thar hi hman \an theih a nih rih loh avangin, Bonded Warehouse neitute chuan May ni 27 thlenga an license tihnun sak leh tura High Court an ngenna hnuah Court chuan May ni 27, 2019 thleng Zu zawrhna dawr te hawn tir leh turin Mizoram Sawrkar a hriattir.

Aizawl khawpui-ah boruak a lum

Nimin khan Aizawl-ah boruak a lum lai berin Celsius degree 34.1 kaiin kum engemawzat chhunga khaw lum ber pawl a tling pha.

Inthlan zawh hnua Election Official te chet danah MPCC leh ZPM ten an lungawiloh thu an sawi

MPCC & ZPM Publicity Committee chuan Lok Sabha inthlanpui neih zawh taka Election Official te chet danah MPCC leh ZPM te chu an lungawilo tih an sawi a. Lunglei District Polling Station hrang hranga serial number thlak thleng chungchangah Returning Officer chu a mawhphurtu a nih angin a chunga action la ngei turin CEO an phut bawk.

Consumer te i harh ang u : Ni 1 chhung leka awlsam taka PAN CARD neih dan

Consumer te i harh ang u : Ni 1 chhung leka awlsam taka PAN CARD neih dan - Laldinpuia, Secretary, SDCA

MNF President in lawmawm ti

MNF President leh Chief Minister, Zoram-thanga chuan tluang tak leh muanawm taka Vote thlak zawh a ni ta chu lawmawm a tih thu a sawi.

MPCC leh ZPM ten Mizoram CEO hnenah MP Candidate List tar chungchang an thlen

MPCC & ZPM Publicity Committee chuan thuchhuah siamin Lunglei District-a election Official-ten MP candidate list an tihchhuah chungchang chu Mizoram CEO hnenah an thlen thu an sawi.

MAMSOL in Sawhthing lei hnem tawh

Mizoram Agriculture Marketing Solution (MAMSOL) chuan kum 2017 a\ang khan Mizoram hmun hrang hranga Sawhthing chingtute thar chhuah an leisak \hin a, 2017 a\anga kumin April ni 10 thleng khan Sawhthing quintal 15610 an leisak tawh.

Mizoram-a Lok Sabha inthlanpui neih zawh takah Vote nei zinga 63.08% ten Vote an thlak

Niminpiah a Mizoram Lok Sabha inthlanpui neih zawh taka Mizoram puma Vote tlak dan hriatchian ni tawhin Vote za zela 63.08 a tla a. Hemi ruala Aizawl West-I biala Assembly bye-election neih ah pawh Vote za zela 72.05 tlain he inthlanna ah hian harsatna liantham thleng a awm lo a ni.

PRISM in complain thehlut

PRISM Party chuan Vanglaini-a thuchhuah chungchangah nimin khan Mizoram CEO hnenah complain an thehlut.

MNF in complain thehlut

Nimin-a Aizawl a\anga chanchinbu chhuak, Vanglaini in MNF Candidate chhinchhiahna a tarlan diklo chungchangah MNF Party chuan Mizoram CEO hnenah complain thehlutin Aizawl Police Station-ah Ro chuan FIR a thehlut bawk.

Boruak muanawm tak hnuaiah Mizoram-ah Lok Sabha inthlanpui neih a ni

Mizoram Lok Sabha inthlanpui neih ah nimin khan Mizoram pumah Vote thlak a ni ta a, Serchhip District-ah pawhnimin zing dar 7:00 a\ang khan mipui ten Vote thlakin Vote tla erawh he thu buatsaih lai thleng hian a \ha lutuk lo.

Sawrkar kum kalta ah Serchhip Blood Bank in a thlawna thisen pek a dawng tam ber

Image
Mizoram-a Blood Bank sawm (10) awm zingah Serchhip Blood Bank chu sawrkar kum liamta chhunga a thlawna thisen pek (Voluntary Blood Donation) dawng hnem ber niin thisen a dawn a\anga za zela 97.23 chu mi tlawmngai ten a thlawna an pek a ni.

Inthlanpui boycott tum \hulh

Mamit District chhunga Serhmun khua in Vawiin a Lok Sabha inthlanpui neih tur Boycott an tum chu sawrkar thuneitute nen inbiakna an neih hnuah \hulh leh a ni.

Lok Sabha MP thlang turin Mizoram mipui ten tukin dar 7:00 a\angin Vote an thlak dawn

Mizoram-a Lok Sabha inthlanpui neih tur atan inbuatsaihna peihfel a ni ta a, Serchhip District chhunga inthlan buapuitu tur, Polling Party te pawhin nimin zing khan an duty-na tur hmun pan \anin tluang takin an duty-na tur hi an thleng a, tukin dar 7:00 a\anga tlai dar 5:00 thlengin Vote nei te tan Vote thlak theih a ni ang.

Car leh Bike insu ah boral

Nizan hmasa khan Bungtlang khawchhung ah Maruti Car (800) leh Bike pakhat insuin Bike-a chuang R. Lalneka chu Serchhip dam-dawi In rawn panpui a nih hnuah a boral.

Training hnuhnung nei

Lok Sabha inthlanpui neih tura Serchhip District chhung Assembly bial pathum (3)-a Duty tur Sector Officer leh Sector Police Officer, Sector Magistrate te tan training hnuhnung chu nimin khan Serchhip DC’s Conference Hall-ah neih a ni a. He hun hi Dy. District Election Officer, Chuauhnuna chuan kaihruaiin R. Van-rengpuia, SDO (Sadar) Serchhip in an hriattur pawimawh hrang hrang hrilhhriatna neiin, an duty huamchhunga Polling Party tin te vil leh enkawl dan tur te leh Report pek dan turte, Inthlanna hmanrua EVM leh VVPAT-a harsatna awm thei hrang hrangte chinfel dan tur leh Report dan turte inhrilhhriat hun a hmang a,  Election Officer, Vanlalhmachhuana chuan Sector Officer leh Sector Police Officer leh Sector Magistrate te tih tur leh tihloh tur hrang hrangte a sawifiah bawk.

Police te fuihna hun hmang

Lok Sabha inthlanpui neih tura Serchhip District chhunga Police duty turte tan an hnathawh dan tur inhrilhhriatna hun hnuhnung chu nimin khan Serchhip P&E Veng-ah neih a ni.

Mizoram Statistical Handbook tlangzarh a ni

Mizoram Statistical Handbook 2018 leh Meteorological Data of Mizoram 2018 chu nimin khan Aizawl-a Directorate of Economics and Statistics Conference Hall-ah Economics and Statistics Department-a Director, Lalchhuanawma Hrahsel chuan a tlangzarh a.

Lok Sabha inthlanpui neih tura PwD ten Vote an thlak theina tura ruahmanna enfiah

Lok Sabha inthlanpui lo awm tura Accessibility Observer, Sangdingliana chuan nimin khan Serchhip District rawn tlawhin rualbanlo ten Vote an thlak theihna tura inbuatsaihna hrang hrangte a enpui.

Polling Party chhuak \an

Naktuk-a Lok Sabha inthlanpui neih tura inthlanna a duty tur \henkhat te chuan nimin khan an duty-a tur hmun an pan a,

Inthlanpui atan campaign theih hun a tawp ta; Serchhip-ah inthlanna bungrua pekchhuah \an a ni

Mizoram Lok Sabha inthlanpui neih tur atan campaign theih hun chu nimin tlai dar 5:00 khan a tawp ta a. Naktuk Ningani zing dar 7:00 a\angin mipui ten Vote an thlak dawn a. He inthlanpui nei tur hian Serchhip District pawh inpeih thawhkhat tawhin nimin khan inthlanna bungrua te pekchhuah \an a ni bawk.

Mipuite vote turin sawm

Lok Sabha inthlanpui neih tura Independent Candidate, Lalhriatrenga Chhangte chuan nimin khan Aizawl Press Club-ah thuthar theh-darhtute kawmin MP atan thlantlin a nih chuan \halai ten hnathawh tur \ha zawk an neih theih nana hma a lakna tur hrang hrangte a sawi a. Mizoram leh a chhehvela Zohnahthlak te awmna leihnuai hausakna chu hman \angkai a nih tur thu pawh sawiin, Mizoram leh Assam ramri chinfel kawngah hma a lak tur thu leh MP Fund a hman dan turte a sawi a, mipuite chu amah Vote \heuh turin a sawm nghal bawk.

MP pakhat hian thil a ti thei a ni - PRISM Candidate

Lok Sabha inthlanpui neih tura PRISM Party in an Candidate, TBC. Lalvenchhunga chuan, “MP pakhat thil tih theih inhriat duh chuan min thlang rawh u, ka hmuhtir ang che u,” a ti.

NDA leh NEDA-ah MNF an tel ngei tih sawi

MPCC-ZPM Joint Publicity Committee Vice Chairman, Lalsang-zuala Hmar chuan BJP in a din, NDA leh NEDA-ah MNF an tel ngei tih a sawi.

Inthlanpui-a duty tur ten training hnuhnung an nei

Lok Sabha MP inthlanpui 2019 inbuatsaihna kal zelah Serchhip District chhunga Polling Official te chuan nimin nileng khan Serchhip DC Conference Hall leh Govt. Higher Secondary School, Serchhip-ah training hnuhnung ber tur an nei.

Serchhip SP in NGO leh MPF hruaitu kawmin khawtlang ralmuanna tur a sawipui

Serchhip District Superintendent of Police (SP), Shashank Jaiswal chuan nimin khan Serchhip Sub-Hqrs. YMA hruaitute leh MPF hruaitute a Office-ah kawmin khawtlang nun ralmuang kan neih theihna tura hmalakna tur hrang hrangte a sawipui.

NTUM in cheng nuai 5 zel pek an phut

National Trade Union of Mizoram (NTUM) chuan thihna an tawhin sawrkar in Ex-Gratia cheng nuai 5 pe \hin tura an phut thu an sawi.

Mizoram-a District thar pathum ah DC hovin Independence Day lawmtir tum a ni - Chief Minister

Mizoram Chief Minister, Zoramthanga chuan Saitual, Hnahthial leh Khawzawl District te chu an DC hoin kumin August ni 15-a Independence Day lawmtir an tum tih a sawi a. Lottery kalpui mek chu thil laklawh a awm avanga Court-in chhunzawm tura a tih anga thla thum (3) chhung chhunzawm tur a nih thu a sawi bawk.

Mizo mipuite hmuhsit zia a langchiang niin sawi

Congress Legislature Party (CLP) Leader, Zodintluanga chuan MNF Party President Zoram-thanga'n ‘Mizoram mipuite'n issue base an hre lo’ tih a sawi chiam chu Mizo mipuite a hmuhsit zia a lang chiang hle niin a sawi.

MNF sawrkar hmalakna hrang hrang puangzar

MNF General Secretary, Lalruatkima chuan Inrinni khan Ai-zawl-ah thuthar thehdarhtute kawmin MNF sawrkar hnua an hmalakna hrang hrangte a tarlang.

STDC \hutkhawm neih a ni

Serchhip Town Development Committee hruaitu thlan tharna neih a nih hnua \hutkhawm hmasa ber chu Inrinni khan Serchhip Sub-Hqrs. YMA Meeting Room-ah an President, T. Zading-liana kaihhruaiin neih a ni a, he hunah hian an hmalakna kalmek- Serchhip Bazar a\anga Lower Chanmari panna, K. Tlanglawma kawmthlang kawngpui zauh nana hmalak zel dan tur te, Serchhip Sobji Bazar tual zauhna tura PWD SDO Quarters kawmthlang laih dan tur leh hmalakna tur dang te sawiho a ni bawk.

Police in Flag March nei

Lok Sabha inthlanpui neih tura Serchhip-a duty, 2nd IR Battalion te chuan Inrinni khan Serchhip khawpui chhungah Flag March an nei.

District Park-ah Silai kahna hmun siam thar a ni

Serchhip District Park tihchangtlunna atan Shooting Range siam thar a ni a, hei hi Inrinni khan Serchhip District MJA member te chuan tlawhin Serchhip District Rifles Association hruaitute pawhin an telpui bawk.

Congress leh ZPM thlawp Independent Candidate in Serchhip-ah Vantlang Inkhawm nei

Lok Sabha inthlanpui neih tura Congress leh ZPM in an thlawp Independent Candidate, Lalnghinglova Hmar (Tetea Hmar) chuan Inrinni khan Serchhip rawn tlawhin Serchhip Bazar-a Vantlang Inkhawm ah thu a sawi a, Serchhip mipuite chu amah Vote turin a sawm bawk.

Lok Sabha inthlanpui leh Assembly bye-election neih tur atan ruahmanna peihfel a ni tawh - CEO

Tun thla ni 11-a Lok Sabha inthlanpui leh Aizawl West-I Assembly Bye-Election neih tur atan ruahmanna peihfel a ni tawh tih Mizoram Chief Electoral Officer, Ashish Kundra chuan a sawi a. He inthlanna a Vote nei turte chu Vote thlak \heuh turin a sawm bawk.

ZPM leh Congress thawhho chhan sawifiah

ZPM Chairman Lalliansawta chuan, “Sakhaw tih bik nei ten rorelna an chan hi kan ram tan a him loh avangin party nihna dah\hain ZPM leh Congress te hi kan thawkho ta a ni,” a ti.

NDA-ah kan tello - Duhoma

ZPM hruaitu Lalduhoma, MLA chuan MNF hotupa in Vawiin thlenga ZNP te NDA-a tel ve anga a sawi chu thu diklo niin a sawi.

Lokayukta Chairman kawm

MZP General Hqrs. hruaitute chuan nimin khan Mizoram Lokayukta Chairman, C. Lalsawta, IAS (Rtd) chu kawmin  Lokayukta chungchang leh thilpawimawh hrang hrang an sawiho.

Serchhip District a awm duh

Kanghmun South (Lunglei District)-a VC, tlawmngai pawl hrang hrang leh Political Party te chuan tunhnai khan Mizoram Chief Minister hnenah lehkha thehlutin Kanghmun South khua chu Hnahthial District-ah dah tumna a awm nia an hriat thu leh hei hi an duhloh thu an tarlang a. Tunah hian Department hrang hrang 4-ah Ser-chhip District hnuaia an awm thu leh tlawmngai pawl dang- YMA, MHIP leh MUP-ah pawh Serchhip Sub-Hqrs. hnuaia awm an nih thu thlenin, heng te avang hian Serchhip District-a dah turin an ngen bawk. Hemi hmalam hian Zote South khua pawhin sawrkar ah hetiang hian an lo thlen tawh bawk a ni.

Training nei chhunzawm leh

Lok Sabha MP inthlanpui neih tura Serchhip District chhung Assembly Constituency pathum a Duty tur Polling Personel te tan training chu nimin khan Govt. Higher Secondary School, Ser-chhip-ah neih chhunzawm leh a ni a, training hi a thawh hnihna atan zawhfel a ni.

Kumin chhunga Tripura Relief Camp khar tum avangin Total Bandh \hulh a ni - Vanlalruata

Central YMA President, Vanlalruata chuan Mizoram NGO Coordination Committee in April 8, 2019 a\anga Total Bandh neih an tum chu kumin chhung ngeia Tripura Camp khar tum a nih avanga \hulh an nih thu a sawi.

Serchhip Sub-Hqrs. YMA Rorel inkhawm neih ah Fa nei tam mi 17 te chawimawina hlan an ni

Serchhip Sub-Hqrs. YMA Rorel Inkhawm vawi 2-na chu nimin April 5, 2019 khan Serchhip P&E Veng YMA Hall-ah neih a ni a. He hunah hian hmalakna tur hrang hrang an rel bakah Sub-Hqrs. YMA huamchhunga Fa nei tam, fa 6 aia tam nei mi 17 te hnenah chawimawina hlan an ni.

Mizoram CEO in Lunglei tlawh

Mizoram Chief Electoral Officer (CEO), Ashish Kundra, IAS chuan nimin khan Lunglei tlawhin Lok Sabha Election 2019 hmachhawn tura inpuahchahna a enfiah.

Khawvela inthlan hautak ber : India inthlanpui 2019 thlirna

Khawvela inthlan hautak ber : India inthlanpui 2019 thlirna - Laldinpuia

NGO Coordination Committee ten Mizoram puma Total Bandh neih an tum chu \hulh leh a ni

Tripura Relief Camp 6-a Bru vote nei ten Electoral Roll a an hming chuanna Polling Station \heuhva vote an thlak ngiat vanga NGO Coordination Committee in tun thla ni 8 a\anga tiamchin awm lova Total Bandh neih an tum chu \hulh a ni.

Police Observer rawn kal

Lok Sabha inthlanpui neih tura Mizoram pum tana Police Observer tura ruat, Sanchin Ashok Patil, IPS chuan niminpiah khan Serchhip rawn tlawhin Serchhip SP, Shashank Jaiswal IPS nen Serchhip Tourist Lodge-ah inkawmin inthlanpui neih tura venhimna hna thawh dan tura ruahmanna hrang hrang an sawidun a, hemi hnu hian Serchhip-a Polling Station \henkhat tlawhin nizan hmasa khan Mizoram chhimlam pan turin a chhuak leh nghal a ni.

Silai tung turin hriattir nawn

Serchhip District Magistrate chuan thupek chhuah tawh anga Silai tung lo te chungah action lak a nih dawn thu thuchhuah siamin a tarlang.

Serchhip District-a Election duty tur ten training nei leh

Lok Sabha inthlanpui neih turah inthlanni-a mipui te vote thlak buaipuitu turte tana training thawh hnihna chu nimin khan Serchhip-ah neih \an niin Vawiin-ah chhunzawm a ni ang.

Scrub Typhus vei 129 hmuchhuak tawh

Health & Family Welfare Department hnuaia Integrated Disease Surveillance Program te zirchianna a landanin tun dinhmunah Mizoram ah Rannung seh natna, Scrub Typhus vei mi 129 hmuhchhuah tawh a ni.

Sawrkar bithliah aia tam Fee la te lakah hmalak tum

MZP General Hqrs. chuan Mizoram chhunga zirna In hrang hrangte chu Sawrkar remtihna leh dan baka zirlaite hnenah Fee la lo turin an ngen.

ADC ten thuneihna sang zawk an neih nan hma la

Lok Sabha inthlanpui neih tura BJP Candidate, Nirupam Chakma chuan Mizoram-a Autonomous District Council ten thuneihna sang zawk, Territorial Council an hmuh theih nan BJP Sawrkar \antirh a\angin theih-tawp chhuaha hmalak a nih thu Lawngtlai-a thuthar thehdarhtute a kawmna ah a sawi a.

Inthlang turin Mizoram inpeih thawkhat tawh

April ni 11-a Lok Sabha leh Aizawl West-I Bye-Election lo awm tur atan ruahmanna peih thawkhat anih tawh thu Mizoram CEO, Ashish Kundra chuan a sawi.

Act East Policy-ah Document mumallo niin sawi

ZPM leh Congress thlawp, Lok Sabha MP inthlan lo awm tura Independent Candidate Lalnghinglova Hmar chuan Act East Policy-ah Prime Minister leh Minister dangte thusawi bak policy document mumal tak a lo la awm meuh lo niin a sawi.

YMA in Darzika Road siam hna thawh mek an enfiah

Niminpiah chawhnu khan Serchhip Sub-Hqrs. YMA Serchhip Vigilance & Monitoring Committee chuan Chhiahtlang to Lamchhip kawng siam mek tlawhin hnathawh dan an enfiah.

EVM hman tur buatsaih fel

Lok Sabha inthlanpui neih tura Serchhip District in Vote thlakna khawl, Electronic Voting Machine (EVM) a kawl mek te chu niminpiah khan hman theih tura buatsaih a ni.

Serchhip District SP tharin MJA member te kawmin District hmasawnna tur an sawiho

Serchhip District Superintendent of Police thar, Shashank Jaiswal IPS chuan nimin khan Serchhip District MJA member te a Pisa-a lêng-ah sawmin inhmelhriatna hun a neihpui a. Serchhip District tana an ngaih pawimawh hrang hrang an sawiho bawk.

Mizoram Bank te hmalak dan thlirho a ni

State Level Bankers Committee (SLBC) Mizoram Meeting chu nimin khan Chief Secretary, Lalnunmawia Chuaungo, IAS hovin neih a ni.

MNF President in Serchhip rawn tlawhin an Party zawm thar mi 437 a lawmlut

MNF President leh Chief Minister, Zoramthanga chuan nimin khan Serchhip rawn tlawhin Serchhip Bazar-a Vantlang Inkhawm ah thu sawiin, Lok Sabha inthlanpui neih tur atan an Party leh Candidate boruak a \ha hle tih a sawi a. He hunah hian an Party zawm thar mi 437 a lawmlut nghal bawk.

Thli leh ruah vangin In chhia tam

Pathianni chawhnu leh zan lama ruah leh thli thawk khan Mizoram hmun hrang hrangah chhiatna a thlen a, nunna chan erawh an awmlo thung.

Election Expenditure Observer in Serchhip tlawh

Lok Sabha Election, 2019 atana Election Commission of India in Serchhip, Champhai, Mamit leh Kolasib District te tana Expenditure Observer atana a ruat, H. Lallien Songate, IRS chuan Inrinni khan Serchhip a rawn tlawh a. Lok Sabha inthlanna buaipui meka Expenditure Monitoring Team hrang hrang te hnathawh dan a enpui.

Vawiin a\angin zirna In hawn a ni dawn; SSA Serchhip in zirlaibu semchhuak leh mek

Academic Session thar (2019-2020) atan Vawiin a\ang hian zirna In hrang hragte hawn \an a ni leh dawn ta a, SSA Mission, Serchhip District chuan zirlai naupangte hnena zirlaibu a sem tur chu a thawhkhatna atan a semchhuak zo tawh bawk.

Bru tan Special Polling Station siam a ni dawn; NGO ten tiamchin awmlo Total Bandh an tintuah

Tripura Bru Relief Camp-a awm mek Bru-te’n Lok Sabha inthlanpuia vote an thlak theih nan Mizoram chhungah Special Polling Station 15 bun a ni dawn a. Hetihlai hian Mizoram NGO Coordination Committee chuan Tuikuk Tripura Transit Camp-a awm Bru te Electoral Roll-a an hming chuanna ngeia Vote thlak tir tura nawr nan tun thla ni 8 a\angin tiamchin awm lova Total Bandh nei turin an rel thung.