Lenkawl

MZP General Hqrs. President, L. Ramdinliana Renthlei chuan Mizoram chhimlam-a Uiphum tlangdung a Mizo khua tam zawk Chakma in an luah sak tawh tih sawiin, tuna CADC area a Zohnahthlak khua la awm te chu chan nawn leh an duh tawh lo tih a sawi.

Mizoram Pradesh Congress Committee (MPCC) President, Lal Thanhawla chuan India ramah Congress hmalam a eng mek nia sawiin, BJP chu an sawrkar dawnlo tih a lang tawh niin a sawi.

Nimin khan National Disaster Management Authority leh Serchhip District District Disaster Management Authority te buatsaihin North Vanlaiphai khua ah Khuarel chhiatrupna lo thleng thei laka chetlak dan tur a tak a enchhinna, Mock Drill neih a ni.

Information & Public Relations Minister, Lalruatkima chuan CAB 2016 hlauhawm em em chhan chu sawrkar hmasa Congress inthlahdah vang a nih thu sawiin, “Kum 10 Congress sawrkar khan ramdang a\anga rawn pem lutte a ngaihthah a, anmahni lo dan emaw, chhinchhiah emaw a awm lova; an chungchangah eng hmalakna mah a kalpui loh vang a ni,” a ti.

Nimin khan All India Radio (AIR) chuan Mizoram District hrang hranga a hnuaia News Correspondent-te tan ‘Orientation Workshop on Coverage of General Elections’ an buatsaih a, he hun hi Mizoram CEO, Asish Kundra chuan a hawng a ni.

Mizoram Table Tennis Association (MT-TA) buatsaih Mizoram Table Tennis Championship-2019 chu March 27, 2019 a\ang khan Aizawl-ah neiin nimin khan zawhfel a ni a.

Lok Sabha inthlanpui nei tura inbuatsaihna kalpui a nih mek laiin Serchhip District Superintendent of Police (SP) chu sawn a ni a, Serchhip SP, R. Sathyasundaram hi Mamit District-a SP hna chelh tura sawn niin a aiah hian Mamit SP hna chelh mektu, Shashank Jaiswal chu rawn awm tura tih a ni a, hei hi Lok Sabha inthlanpui zawh thleng atana tih a ni.

Serchhip Vengchung Branch K|P te chuan nimin khan Serchhip Blood Bank-a dah turin thisen Unit 25 an pe.

Lok Sabha MP thlanna neih tura Serchhip District General Observer tura Election Commission of India in a ruat, Bidol Tayeng IAS chuan nimin khan Serchhip District-a NGO Coordination Committee hruaitute kawmin inthlanna muanawm neih a nih theih nana thawhpui-ah a sawm.

Serchhip District Election Officer, Sangchhin Chinzah chuan nimin khan Serchhip-a tualchhung thuthar thehdarhtute a Pisa-a leng-ah sawmin Lok Sabha MP inthlanpui lo awm tura inbuatsaihna hrang hrang a sawipui a, harsatna leh buaina awm lova inbuatsaihna hi kalpui mek a nih thu a sawi.

Lok Sabha MP inthlanpui neih tura Independent Candidate, Lalnghinglova Hmar chuan Serchhip District chhung fang mekin nimin khan Hrangturzo bial-a khaw hrang hrang a tlawh.

Sawrkar chuan thuchhuah siamin Election Commission of India (ECI) in Model Code of Conduct leh hemi kaihhnawih a inkaihhruaina dan a siam zawng zawng te chuan Candidate leh Political Party ten Internet leh Social Media a thu leh hla, thlalak leh video an tarlan leh phochhuah zawng zawng a huam vek tih a tarlang a. Heng Social Media platform hrang hrang Facebook, YouTube, Twitter etc. a Model Code of Conduct bawhchhiatna emaw, Election kaihhnawih thila ECI dan siam te, Sawrkarin dan a siam leh Court Order bawhchhiatna leh palzutna reng reng chu Social Media platform hrang hrang ten Grievance Officer an ruat te hnenah thlen theih a ni tih pawh tarlangin, a copy pawh Election Commission of India in Social Media Nodal Officer atana a ruat tih a tarlang bawk.

District Child Protection Unit (DCPU) hnuaia District Jail Inspection Team te chuan nimin khan Serchhip District Jail tlawhin he Jail-a naupang tang te dinhmun an enfiah a, tun dinhmunah Ser-chhip District Jail-ah hian nu te an tan avanga naupang tang mek 2 an awm a ni. Serchhip District Jail-ah hian tang mi 27 an awm mek a, an zinga 21 chu mipa niin hmeichhia 6 an tel a. An zinga 13 te chu thubuai ngaihtuah lai mek te niin midang 12, mipa 9 leh hmeichhia 3 te chu thu-buai ngaihtuaha thiamloh chantir te an ni.

Lok Sabha inthlanpui neih tura inthlan Ni a duty tur ten an inziahluhna Polling Station-ah kher nilo, an remchanna hmuna Vote an thlak theihna tura ruahmanna siam, Election Duty Certificate (EDC) chu Vawiin a\ang hian Serchhip District a inthlanna-a duty turte hnenah semchhuah \an a ni dawn a. Vawiin hian Police te hnenah EDC hi semchhuakin Serchhip SP Conference Hall leh PTS Thenzawl-ah semchhuah a ni anga, Driver leh Official dangte tan Serchhip DC Office a\angin semchhuah a ni bawk ang.

Nimin zing khan Lungpho Playground-ah Beti Bachao Beti Padhao Serchhip District hma-lakna kal zelah hmeichhe naupang Hockey-a talent nei te zawn chhuahna hun, Exhibition-cum-Talent Search buatsaih leh a ni.

MNF Vice President, Dr. R. Lalthangliana chuan MNF in ‘Kan Constitution-ah leh SEDP-ah kan Kristianna leh sakhaw dodal zawnga che chu a tawp thlengin kan dodal ang’ an ti tih a sawi.

Aizawl East-II bialtu MLA leh Minister nibawk, Robert Romawia Royte chuan mirethei leh harsate dawmchhuahna tur SEDP chu a taka kalpui nghal anih theih nan Kumthar Budget-ah cheng nuai 45000 chuang dah anih thu a sawi.

Lok Sabha inthlanpui lo awm tura Congress leh ZPM in Serchhip-a Joint Campaign Committee an din bultumin nimin khan Serchhip-ah Party pahnih hruaitute inhmuhkhawmna neih a ni a, he hun hi Serchhip bialtu MLA, Lalduhoma chuan a rawn hmanpui a ni.

Serchhip District Volleyball Association (SDVA) buatsaih, Serchhip District Level Sports for Peace Under-16 Boys Volleyball Competition-2019 chu nimin khan khelh a ni.

PRISM Party MP Candidate, TBC. Lalvenchhunga chuan PRISM Party chuan hnam anga kan dinchhuah theih nan theihtawpin hma an la zel dawn tih a sawi.

Persons with Disability (PwD) te dan in chanvo leh ham\hatna a pek te a taka tihhlawhtlin a nih theihna tura hriat tur pawimawhte inhrilh-hriatna chu nimin khan Zoram Entu Pawl (ZEP) huaihawtin ZEP Conference Hall Tlangnuam Aizawl-ah neih a ni a,

MNF President leh Chief Minister, Zoramthanga chuan Lok Sabha MP inthlanpui neih tura an khingpui te chu an hlauhawm loh thu a sawi.

ZPM leh Congress party-in an thlawp Independent Candidate, Lalnghinglova Hmar chuan Lok Sabha MP atana thlantlin a nih chuan ramri a insumdawn tawnna (Border Trade) chu a ngaih pawimawh turte zinga mi a nih thu a sawi.

Mizoram State Commission for Protection of Child Rights (MSCPCR) chuan nimin khan Department hrang hrang hotute naupangte ham\hatna tur leh an chanvo an chan theihna tura \anho dan tur a sawipui.

Biate khaw tana PHE Department in tui lak hna an thawh mek chu nimin khan enchhinna neih a ni. Biate WSS (Pumping) hi cheng vbc. 13.64 senga thawh niin NERDP hnuai a\anga Sanction a ni a. Biate chawmna atan hian Tuipui tui lak niin Tuipui a\angin Biate khaw hnuai Sesik Peng Kawn bulah pump chhoh a ni a, Sesik Peng Kawn bula Pump House No-2 a\angin Biate khaw chunga Chawngdawla School hmun, Main Reservoir ah tui hi pump chhuah leh niin Tui pump khawl hi hlawh-tling taka enchhin a nih thu PHE Department hotute chuan an sawi a, Department leh Contractor aiawhte bakah YMA leh VC te pawhin an telpui a, he tuilak hna thawh ah hian hnathawh tur 70% zawhfel a ni tawh a ni.

South Tuipui bialtu MLA, Dr. R. Lalthang-liana chuan nimin khan Hnahthial khua lutin Hnahthial mipuiten District Hqrs. tih puitlin tuma sawrkar hmalak mek avangin lawmthu sawi nan chawimawiin an lo hmuak a. He hunah hian Dr. R. Lalthangliana chuan tuna District function nana Budget-a pawisa an dah chu thla 4 chhung atan chauh a ni rih tih sawiin, Vbc. tam tak dah belh zel a nih dawn thu a sawi a. “Keini chuan kan sawi lawk ang kha Budget Session hmasa berah District tihpuitlinna kan pass mai a, kan tih loh tur kan sawi ve lo,” a ti bawk.

Nimin chawhnu dar 1:10 vel khan Lalngaih-zuala (26) w/o Lalchhanhimi, Lungpho chu ram kang an \helhna ah lung lumin a lu ah a delh a, a hmun ah boral nghalin a ruang hi lumen a nih hnuah Vawiin hian vuiliam a ni ang.

Lok Sabha MP inthlanpui neih tura duty tur Official te tan Electoral Roll-a an in ziahluhna Polling Station ni kher lo, Polling Station remchang a vote an thlak mai theihna turin ruahmanna siam a ni a, hemi atan hian inthlanna a duty turte chuan Election Duty Certificate (EDC) lachhuakin he EDC hmang hian an duty tibuai lovin Polling Station remchang ah Vote an thlak thei dawn a ni. EDC hi naktuk a\ang khian pekchhuah a ni dawn a, a hmasa berah Police duty turte hnenah pekchhuah a ni dawn a ni.

Serchhip khawpui chhung Faina kawnga hmalakna kalzel ah ‘YMA Chhang Faina Project-2019’ chu kalpui tum niin hemi chungchang hi niminpiah khan sawiho a ni.

Mizo Zirlai Pawl (MZP) General Hqrs. hruaitute leh Chakma Autonomous Council (CADC) thuneitute chu nimin khan Chawngte 'C' ah an inkawm a, MZP chuan an thil ngaih pawimawh hrang hrang an sawipui a ni.

BJP Mizoram Pradesh President, Prof. JV. Hluna chuan Lok Sabha MP inthlanpui neih turah BJP kaihhruai NDA chu sawrkar leh ngei tur dinhmun ah a ding nia sawiin, Mizoram in Union Minister kan neih theihna turin Mizoram-a BJP in MP-a an Candidate chu Vote \heuh turin Mizoram mipuite a sawm.

MNF Party chuan Lok Sabha inthlanpui leh Aizawl West-I bial-a by-election neih tura campaign kick-off chu nimin Aizawl Vanapa Hall-ah an buatsaih.

Ramchhung State hrang hrangte sum hman tura rawtna siam \hintu,15th Finance Commission member-te chuan niminpiah tlai khan State sawrkar-a mi pawimawh te nen inkawmna an nei.

ZPM hruaitu Lalduhoma chuan Lok Sabha inthlanpui ah BJP leh MNF te chu an thawk dun ni mai lovin thuhmun an ni tih a sawi a. “MNF an tlin chuan NDA-in MP pakhat an neih belh dawn a, BJP an tlin nen a inang reng a ni,” a ti.

Assam-a MP nilai, Raman Deka chuan nimin khan Aizawl-a BJP Office-ah BJP Mizoram Pra-desh hruaitute kawmin Lok Sabha MP inthlan lo awm turah Central-ah BJP nasa takin a \hang zel tih a sawi a, BJP hian sawrkar-na an siam leh dawn avangin Mizoram-ah pawh MP inthlan kan neih hunah BJP Candidate ngei vote turin a sawm a. Mizoram in BJP MP a neih phawt chuan Union Minister a nih tur thu sawiin, Mizoram in Union Minister a neih theihna hun \ha bawhpelh lo turin a chah bawk. Tarlan tawh angin BJP Ticket hian Nirupam Chakma chu a ding dawn a ni.

 National Peoples Party (NPP) Mizoram chuan nimin khan Aizawl-a an Office-ah Executive Meeting neiin Lok Sabha MP inthlanna neih turah NPP hmunpui lamin Mizoram bika MNF MP Candidate, C.Lalrosanga lo thlawp tura an ngenna chu pawmin, Zoram hmun hrang hrang a NPP Supporter zawng zawng te chu MNF MP Candidate, C. Lalrosanga Vote vek turin an ngen. Mizoram-ah hian NPP hi nikum September thla khan din a ni a, Assembly inthlan neih zawh takah bial 9 chuhin chak ber nihna erawh an nei lo thung.

Lalhriatrenga Chhangte in Serchhip bialtu MLA hlui, Lal Thanhawla chu 2013 Assembly inthlanpui-ah False Affidavit thehlut-a a puhna thubuai chu nimin khan Serchhip District Court ah ngaihtuah tura ruahman niin Lalhriatrenga Chhangte Ukil te chuan Lal Thanhawla thuhretu te thu zawtfiah tura tih a ni a. Amaherawh chu Lalhriatrenga Chhangte Ukil te hi Court-ah an inlan loh chuan karleh Thawh\anni-a thubuai hi ngaihtuah leh tura dah a ni.

UD&PA Department buatsaih DAY-NULM hnuaia Self-Help Group member te tana Skill Development Training chu ni 2 chhung neih a nih hnuah nimin khan zawhfel a ni.

Nimin khan hian Serchhip District Anti To-bacco Squad, Food & Drug Administration leh Legal Metrology te \angkawp chuan Serchhip khawpui chhungah Foreign Cigarette leh Gutkha Product- Shikhar zuar an awm leh awm loh endikin Joint Operation an nei.

Beti Bachao Beti Padhao (BBBP) Serchhip District hmalakna in nimin khan East Lungdar Playground-ah Hockey Exhibition Match cum Talent Search neih a ni.

Mizoram Rajya Sabha MP, Ronald Sapa Tlau chuan Parliament \hutkhawm hnuhnung ber neih zawh taka thu ngaihtuah tura chhawpchhuah zinga CAB-2016 telh a ni chuan Mizoram Chief Minister in he Bill an dodal thu Prime Minister hnena a thlen in awmzia a neihloh zia a tilang tih a sawi.

Mizoram in MP inthlanpui leh MLA By-Election lo awm tura Mipui Candidate, MPCC leh ZPM-ten an thlawpte puala campaign kickoff hun chu nimin khan Vanapa Hall, Aizawl-ah neih a ni.

Lok Sabha MP thlanna neih tura MNF Official Candidate, C. Lalrosanga chuan nimin khan Serchhip rawn tlawhin Serchhip Bazar-a Van-tlang Inkhawm buatsaih ah thu a sawi a. Mizo-ram MP atan Ruling Party Candidate thlangtling turin mipuite a sawm.

Lok Sabha inthlanpui neih tur atana Police te inbuatsaihna kal zelah nimin a\ang khan Ser-chhip Police te chuan SP Conference Hall-ah inthlanpui a inbiakpawhna \ha zawk neih dan tur an zirho a, he hunah hian WT Set hman dan leh report pek dan hrang hrang zirho niin Vawiin ah chhunzawm leh a ni ang.

Serchhip District Magistrate, Sangchhin Chin-zah chuan nimin khan thuchhuah siamin tunlai hian Mizoram-ah Vawk hri, Porcine Reproductive and Respiratory Syndrome (PRRS) leng a reh lo nia rinhlelh a nih thu leh he hri leng avanga Serchhip mipuite tan buaina leh harsatna a thlen loh nan \henawm ram (neighbouring States/Country) leh District dang a\anga Vawk leh Vawksa a\anga siam thil siam reng reng lakluh khap tlat a ni tih a tarlang a. He thupek hi thu leh a awm a nih loh chuan chhuah a nih a\anga thla hnih (2) chhung huam tura niin thupek zawmlo te chu Section 188 IPC Dan hmanga hrem theih an nih tur thu a tarlang bawk.

Lok Sabha MP inthlanpui neih tura hmalak dan tur ngaihtuahin nimin khan Serchhip-ah Block Congress Committee hruaitute leh ZPM Serchhip District Steering Committee hruaitute chu an \hukhawm.

 Serchhip District-ah kum 2025 hmain TB umbo tum a ni Niminpiah-a khawvel puma World TB Day hman a nih hnuah nimin khan Serchhip-ah World TB Day puala inkhawm hi neih a ni.

Mizoram Lok Sabha Seat khat chuh tura hming pekluh theih hun chu nimin tlai khan a tawp ta a, he inthlanna chuh tur hian mi 6 in Nomination Paper an thehlut a ni.

CAB dodal zawngin vote ka thlak dawn - C. Lalrosanga Lok Sabha MP thlanna neih tura MNF Official Candidate, C. Lalrosanga chuan nimin khan Serchhip a rawn tlawh a. Thuthar thehdarhtute kawmin tawn hriat tam tak a neih te chu MP hna thawhna atan a \angkai a beisei thu a sawi a. MP atan thlantlin a nih chuan Citizenship Amendment Bill dodal zawnga Vote a thlak tur thu a sawi bawk.

Hmeichhia leh Hmeichhe naupang te venhimna beihpui thlakna, Beti Bachao Beti Padhao (BBBP) Serchhip District hmalakna kal zelah nimin khan Khawlailung playground-ah Hockey Exhibition Match cum Skill show talent search neih a ni.

Assam Rifles in Aizawl khawpui a an ram luah mek, Mizoram sawrkar kuta an hlan tur zau zawng chu hectare 57.37 vel ni a chhut a ni. Assembly Session neih zawh taka zawhna ziaka a chhanna ah Revenue Minister, Lalruatkima chuan tun dinhmunah chuan Mizoram kuta hlan tur ram zau zawng hi a sawi mai theih lohva, teh \hat tura kalpui mek a ni a. Dec. 19, 2002-a sawrkar thuchhuah, The Mizoram (Restriction in use of Transferred Land )Act, 2002 in a sawi ang chuan Chite lui-a an silai kah zirna hmun tel lovin hectare 57.37 a zau a ni a. Hriat theih chinah Assam Rifles luah mek ramah hian mimal LSC nei mi 36 an awm a. House Pass leh Department Land Lease bakah Miscellaneous pass te a awm bawk a, a vaia ram nei chu 54 an ni.

Mizoram Hindi Training College Trainee-te chuan Mizoram Hindi Training College-a Principal laka kan lungawilohna kal zela Principal hi sawnchhuah a nih loh chuan lungawi-lohna lantir nan March 22, 2019 a\angin Class an kal apiangin Badge dum an bel dawn tih an sawi a. Mizoram Hindi Training College Principal hnuaiah Trainee te an himlo nia sawiin, Training College dang anglo takin sum tam tak an sen thu leh, mirethei tan Sawrkar Institution-ah hetiang anih chuan kal ngaihna a awmloh thu an sawi a. Tuna an Principal hnuaiah chuan eng Exam mah neih an duh tawhloh thu pawh sawiin, Exam Hall chhunga zirlaite vau-ah an Principal chu an puh bawk.

Mizoram in Lok Sabha-a Seat khat a neih luah tura MP inthlanpui neih tur atana inthlanna chuh tum te tana hming pekluh hun chu Vawiin hian a tawp dawn ta a, hriat theih china he inthlan chuh tur hian mi pali ten Nomination paper an thehlut tawh a ni.

Ni hnih (2) chhung awh Serchhip-a Mizo Infiamna Kutpui neih chu Inrinni khan zawhfel niin Chhekhnai Branch YMA chu a pumpui-ah pakhatna an ni.

MNF East Block, Serchhip chuan Inrinni khan New Serchhip YMA Hall-ah Political Training neiin he hun hmanpuitu Adviser to Chief Minister, C. Lalramzauva chuan Citizenship Amendment Bill do bik riaua insawi chu mipui bumna a nih thu a sawi.

Nimin khan Mizoram Addl. CEO, Krishna Mohan Uppu hovin Tripura, Kanchanpur khuaah Tripura Bru Camp a awm ten Lok Sabha inthlanpui neih tura vote an thlak dan tur chungchangah Tripura Sawrkar aiawhte leh Bru Relief Camp aiawhte an inhmukhawm.

MNF President, Zoramthanga chuan tuna sawrkar an kalpui chinah mipuite an lungawi nia a hriat thu a sawi.

Serchhip District Anti-Tobacco Squad leh Health Department hnuaia Food & Drug Administration te chuan nimin khan Thenzawl-a dawr hrang hrang tlawhin mihring ei leh in atana himlo zawrh a awm leh dapchhuah hna an thawk a, dawr hrang hrang 9 a\angin Shikhar (Gutkha) tam tham tak an man.

Serchhip-a AH&Vety Department chuan nimin khan Serchhip DVO, Dr. C. Zarzokima hovin Baktawng khuaah Animal Health Camp an buatsaih a, he hunah hian ran chi hrang hrang 922 entir niin Dr. H. Vanlalrawna, Veterinary Officer leh Dr. C. Lalnunpuia, Veterinary Officer ten ran damlo te hi a thlawnin enkawlna an pe a, Ui 45 te chu Ui a hri danna pek an ni bawk. Serchhip-a AH&Vety Department hian tunkar chhung khan Bungtlang, Hmun\ha leh Baktawng khua ah te hetiang hun hi an buatsaih a ni.

Serchhip chhimlam Bawngchawm ram chu niminpiah tlai a\ang khan kang lehin nimin chawhnu dar 2:30 vel khan \helhmih a ni.

Serchhip Sub-Hqrs. YMA leh Mizoram Indigenous Games Association te \angkawp in an buatsaih Mizo Infiamna Kutpui, Mizo Indigenous Games chu nimin khan Serchhip-ah neih \an a ni a, Vawiin ah zawhfel a ni ang.

Poshan Abhiyaan (National Nutrition Mission) kum khat tlin lawmna atana Awareness Campaign chawlhar hnih awh, Poshan Pakhwada Fortnight kharna atana buatsaih, Naupangte tana Cycle Rally chu nimin khan Serchhip DC Office tual a\anga College Peng thlengin neih a ni.

Nimin khan Serchhip-ah PHE Department hnuaia Swachh Bharat Mission (Gramin) huaihawtin 'World Water Day' hman a ni a, he hun hi Serchhip District Bawrhsap, Sangchhin Chinzah chuan khuallian nia hmanpuiin tuihna humhalh leh a awmsa venhim a \ul zia inzirtirna atan hman a ni.

Mizoram-a Zu khapna Dan siamna tur ‘The Mizoram Liquor (Prohibition) Bill, 2019’ chu niminpiah khan Mizoram State Legislative Assembly-ah pass a ni ta.

Mizoram Aero Sport Association (MA-SA) Serchhip Sub-Hqrs. chuan nimin tlai khan Vanlalhmangaiha (Puipuia) In New Serchhip-ah hruaitu thlanna an nei a, President-ah C. Biak-chhawna (P&E Veng), Vice President-ah CVL. Hruaia (Hmar Veng), Secretary-ah David Lal-dintluanga (New Serchhip), Asst. Secretary-ah T. Lalhuthanga (New Serchhip), Treasurer-ah Vanlalhmangaiha (New Serchhip) leh Fin. Secretary-ah VL. Chanchin\hahrilmawia (New Ser-chhip) te thlantlin an ni.

Serchhip-II Village Council Sanitation Committee chuan nimin khan an huamchhung thenfai hnatlang an nei a, he hnatlang ah hian Executive Member te thawkchhuakin an VC huam-chhunga kawngpui kam hmun hrang hranga bawlh-hlawh paih awm te chu an chharfai bakah a hal fai bawk a. Mipuite chu kawngpui kama bawlh-hlawh paih mai mai lo tur leh bawlhhlawh bawm awm te chu hmang \angkai turin an chah a. An huamchhung faina atan hmalak zui zel an tum thu an sawi bawk.

Serchhip Sub-Hqrs. YMA Coordination Committee (SCC) \hutkhawm chu nimin khan neih niin thla thar, April 5-a YMA Sub-Hqrs. Rorel Inkhawm neih tura pawimawh hrang hrang an sawiho.

Nimin khan MHIP Sub-Hqrs. Serchhip hruaitu tur thlanna neih a ni a, President atan Sang-hmingliani, IOC Veng chu thlantlin a ni.

Mizoram Chief Electoral Officer (CEO), Ashish Kundra chuan Mizoram in inthlanna felfai leh muanawm a buatsaih \hin, ramchhungah pawh a hmingthanpui chu a benghniam thei tur chi laka venhim zel \ul a tih thu a sawi.

Champhai Dinthar Veng a UPC North East India (NEI) leh Dinthar NGO, VC rambuai chung-chang chu nimin khan Champhai DC Conference Hall-ah sawiho a ni a.

PRISM Party chuan nimin khan Serchhip-ah thuthar thehdarhtute kawmin MP Inthlanpui lo awm tura an Candidate tur phochhuahna an nei a, PRISM Party Candidate, TBC. Lalvenchhunga chuan Citizenship Amendment Bill (CAB) chungchanga hma la tak tak chu PRISM Party chiah an nih thu a sawi.

Serchhip District Volleyball Association buatsaih Peace for Sports hnuaia Volleyball Tournament chu nimin khan zawhfel niin Papuia Memorial Volleyball Team, Bungtlang chu an champion.

Kolasib DIET-a zirtirtu pension tawh leh boral tawhte Training kal \hin ang leh an hminga TA/DA lak a nih chungchang chhui chiang turin ACB-in Chief Vigilance Officer hnenah a dil mek tih School Education Minister, Lalchhan-dama Ralte-in House a hrilh.

National Commission for Protection of Child Rights (NCPCR) leh Mizoram State Commissioon for Protection of Child Rights (MSCPCR) \angkawp buatsaihin nimin khan Ramhlun Indoor Stadium Conference Hall, Aizawl-ah ruihhlo laka naupangte an him theihna tura inrawnkhawmna State Level Consultation neih a ni a.

Health Minister, Dr. R. Lalthangliana'n kum 2019-20 chhunga thisen sawngbawlna, Blood Processing Fee atan Budget Estimate-a cheng vbc. 2 dah turin Finance Department-ah dil mek a ni tih a sawi.

Lok Sabha MP thlanna neih tura Serchhip District chhunga Polling Officials te tana training hmasa ber chu nimin khan Little Flower Convent School, Serchhip-ah neih a ni a, Lok Sabha inthlanpui-ah hian Serchhip District chhunga Polling Station 77-a duty tur leh a \ul thuta pawh theih turin Polling Party hi 100 vel zet siam tur a ni a, Polling party pakhat ah hian Presiding Officer, Asst. Presiding Officer leh Polling Officer mi 2, an vaiin mi 4 bakah venhimna hna thawk turte an awm dawn a. Heng mite tan hian training hi neih chhoh mek niin nimin khan a thawh khatna chu zawhfel a ni ta a ni. Hetiang training hi \um thum neih tur niin a hnuhnung berah an bungrua pekchhuah nghal tur a ni.

Mizoram NGO Coordination Committee in ruahmanna a siam angin State Bank of India (SBI) in Tax Deduction at Source (TDS) lak duhloh lantirin nimin khan State Bank of India-a thawk te Pisa kai tur chu dan an ni a, chawhnu dar 1:00 khan hei hi tihtawp a ni.

School Education Minister, Lalchhandama Ralte chuan Mizoram hmun hrang hrangah zirtirtu indaihlohna a nasa hle tih sawiin, tun dinhmunah zirtirtu nei miahlo sikul 13 a awm mek tih House a hrilh a, MP inthlanin dal mah se zirtirtu indaihlohna a nasat em vangin April thla sikul tan hma ngeia zirtirtu lak phalna ECI ah an dil thu a sawi bawk.

Nimin a Assembly Budget Session-ah Home Minister, Lalchamliana chuan Citizenship Amendment Bill -2019 duhlohna Official Resolution chu Assembly House-ah a pulut a, sawiho a nih hnuah pawm a ni.

MJA Serchhip District Member te chuan nimin khan PHE Serchhip WATSAN Division in Phaibawkkawn tana tui lakna an siam chu a hmunah tlawhin an enfiah a. PHE Department hotu leh WATSAN Committee te chu he hnathawh chungchanga thil fello awm nia CAG Report in a tarlan chungchang an zawtfiah bawk.

P&E Department changtu Minister, R. Lalzirliana chuan Serlui B Hydel Project a 'Hawla Island' chu 'Chawngkhupa Island' ti a a hming thlak rawtna a awm mek tih House a hrilh.

State Bank-in a Customer te hnena TDS cut a tum chungchang vel hi - Laldinpuia

Chief Minister Zoramthanga chuan, NLUP \anpuina dawng tur an account a pawisa lut tawh te chu lak sak an ni tawh lovang tih Assembly House a hrilh a, hetihlai hian NLUP dawng tur thlan tawh pawisa la dawnglo chhungkaw 2,794 an la awm mek thung.

PRISM Party chuan Lok Sabha inthlanpui lo awm turah TBC. Lalvenchhunga chu an Candidate a nih dawn thu an puang.

Sawrkar laipui ruahman angin Sports for Peace chu Serchhip District-ah kalpui mek niin he ruahmanna hnuaiah kum 16 hnuailam te tana Volleyball inelna chu nimin khan Serchhip Veng-chung Volleyball Court-ah khelh \an a ni.

State Bank of India (SBI) in Tax Deducted at Source (TDS) a lak tur dodala Mizoram-a tlawm-ngai pawl hrang hrang telna, NGO Coordination Committee in SBI a thawk te Pisa kai tur dan an tum chu Serchhip-ah pawh kalpui a ni dawn.

Food Civil Supply & Consumer Affairs (FCS&CA) Minister, K. Lalrinliana chuan, mipui tana awlsam zawk leh remchang zawk nia sawrkarin a ngaih vangin tuna Gas sem dan, Common Delivery point chu Distributor ten an kalpui niin a sawi a, Home delivery kalpui dan pawh ngaihtuah mek zel a nih thu nimin khan House a hrilh.

Rampuma Poshan Abhiyaan (National Nutrition Mission) kumkhat tlin lawmna atana ‘Poshan Pakhwada Fortnight’ hman mek pualin nimin khan Serchhip-ah Food Mela neih a ni.

Mizo Students’ Union (MSU) chuan Dan lova khawdin Tuichawngchhuah a chengte tan Sawrkarin Tuichawng khua ah an inbenbelna tur hmun a ruahman vek tawh avangin Tuichawngchhuah a cheng te hian tun thla ralhma ngeiin an chenna an chhuahsan an duh thu an sawi.

Agriculture Minister, C. Lalrinsanga chuan Mizoram-ah leileta siam theih ram hectare 74,644 a zau a awm a, chumi a\anga hectare 17,000 chuang hret chu leileta siam a nih tawh thu tunhnai khan Assembly a hrilh.

Mizoram Legislative Assembly Budget Session neih mek chu Vawiin hian chhunzawm a ni leh dawn a, Vawiin ah Dan thar siamna tur Bill putluh a ni ang.

Serchhip Vengchung Pastor Bial K|P chuan Conference-a an lo rel tawh bawhzuiin Inrinni khan Serchhip Vengchung Kohhran Centenary Hall-ah an bial chhunga K|P Member te tan Worship Service Training an buatsaih a, he hunah hian Synod Worship Committee a\angin Rev. C. Sapkaia leh Upa DP. Biakkhuma te chu Resource Person atan hman niin an Paper buat-saih chu zirho a ni a, he hunah hian K|P member mi 66 lai an tel a ni.

Kum 7 kalta (2012-2018) chhung khan kangmeiin Mizoram-a a thil a tihchhiat hlut zawng chu Rs. 47,62,02,461 a ni a, kumin chhunga a tihchhiat hlut zawng chu Rs. 2,47,03,000 a ni.

Serchhip Sub-Hqrs. YMA Kumpuan Committee chuan New Serchhip North VC ten hnam-dang (Non-Tribal) hnena In hmun an pe chu dan kalh nia hriain, In hmun neitu ten In sak an tum chu hna lo chawlhsan turin an hriattir.

Serchhip Mat phai Zawlpui-a Nul neitute chuan an hlawkpui hle a, nikum 2018 chhung ringawt pawh khan an thlai thar a\angin cheng vbc. 4 chuang an lei.

LAD Minister, K. Lalrinliana chuan Mizo-ram chhunga dan lova khaw din 25 a awm thu a sawi. Mizoram Legislative Assembly neih mekah Aizawl South-I MLA, C. Lalsawivung zawhna chhanga he thu hi sawiin, Dan lova khaw din hi Aizawl District chhungah- 4, Lunglei District-ah 16, Champhai District-ah 3 leh Mamit District-ah 2 a awm a. Hemi chungchangah hian LAD Minister, K.Lalrinliana chuan Dan lova khaw din chu ram tana pawi thei a nih thu February ni 26, 2019-a Village Council Conference-ah a lo sawi tawh thu leh VC te'n mawhphurhna laa enchianga, khap \hin tur leh din lui an awm a nih chuan sawrkar thuneitute hnenah hriattir \hin turin a chah a. Mizoram Village Level Citizen Registration kalpui tum a nih thu a sawi bawk.

Mizoram Addl. CEO, Krishna Mohan Uppu, IAS chuan Inrinni khan Lawngtlai tlawhin Lawngtlai DC Conference Hall-ah Lawngtlai District Election hotute leh Nodal Officer-te nen Lok Sabha inthlanpui neih tur chungchang an sawiho.

Comptroller and Auditor General of India report hnuhnung berah thingtlanga chengte'n hnianghnar taka tui thianghlim intur an neih theihna atana ruahmanna, National Rural Drinking Water Programme (NRDWP) kalpuina tura Mizoram-a sum hman danah thil felhlel tam tak a awm tih tarlan a ni.

Mizoram Football Association (MFA) in a buatsaih Inter-District Sub-Junior Football Championship khelh zawh takah Aizawl District chuan Lunglei District chu 2-1 a hnehin an champion ta.

Inthlanni-a ruahmanna siam dan tur leh inthlan buaipuitu Polling Personnel te kaihhruai dan tur zirna, Training on Polling Party and Poll Day Arrangements chu nimin khan neih niin Mizoram chhung District hrang hrang a\angin District-Level Master Trainer te an tel a ni.

PRISM Party chuan Lok Sabha MP inthlanna lo awm turah thawhpui nei lova mal din an tum thu sawiin, karleh Thawh\anni khan Candidate puan an tum thu an sawi.

School  Education Minister, Lalchhandama Raltea chuan CSS hnuaia Hindi Teacher ban tak te kha Mizoram sawrkar chuan lak leh ngei a duh a, theihtawpin Central sawrkar lamah lak leh an nih theihna turin hmalakna kalpui a nih thu a sawi.

Social Welfare Department hnuaia District Coordinator leh Project Assistant lak turah Dan ang thlapin hnalak kalpui tum a nih thu Dr. K. Beichhua chuan House a hrilh.

Nimin a Mizoram Legislative Assembly Session-ah Private Member Resolution pahnih chu pass a ni.

Nimin a Mizoram State Legislative Assembly Session chhunzawma zawhna leh chhanna hun ah Serchhip bialtu MLA, Lalduhoma chuan ‘Ser-chhip Darnam Veng in Village Council hrang an dil kha tihhlawhtlinsak tum a ni em?’ tih chu chhangin LAD Minister, K. Lalrinliana chuan Serchhip Dar-nam Veng hian Serchhip DLAO hnenah VC hrang dilna hi an thehluh thu leh VC thar nei tura \ul leh pawimawhte zirchian mek a nih thu a sawi.

Serchhip Hmar Veng-a cheng, Laldinpuia lehkhabu ziah, ‘Serchhip 2018’ tih chu nizan hmasa khan Serchhip DIPRO, K. Saitluanga MIS chuan a tlangzarh a. He lehkhabu-ah hian kum 2018 chhunga Serchhip-a thil thleng langsar zual te kimchang taka tarlan a nih bakah Assembly inthlanpui neih zawh taka Candidate te Vote hmuh dan kimchang taka tarlan a ni a, bu khat hi Rs. 140 a lei theih a ni.

Nimin chhun dar 12:00 rik hma deuh khan Serchhip Darnam kawr bula chenna In pakhat ah kangmei chhuakin kangmei nasa zawk a thlen hmain mipui pungkhawm in an \helh hman.

Govt. Serchhip College NSS Unit te chuan nimin khan Serchhip Blood Bank-a dah turin thisen Unit 50 an pe.