Kohhran Hmeichhe ni hmang

Nimin Nov. 27, 2020 kha Mizoram Presbyterian Kohhran Hmeichhe ni vawi 24-na a ni a. Hri leng mek avangin kumdang anga hman theih a nih loh bakah he Ni hman dan tura lo ruahman lawk anga hman theih a ni lo.

Kohhran Hmeichhe Ni hi Kohhran Hmeichhe Inkhawmpui Lian-in Kohhran Hmeichhe Ni bik neih a rel a, Synod Executive Committee (SEC)-in November Zirtawpni hnuhnung ber hi Kohhran Hmeichhe Ni atan hman nise ti-a a relsak angin kum 1997 atang khan hman tan a ni a. Synod Calendar-ah pawh Synod Ni pawimawh zingah dah tel a ni.

Kumin 2020 hi Kristian Chhungkua Golden Jubilee anih avangin he ni ah hian Jubilee dar vawi 50 vuak nise an ti a, hei hi nimin zing khan Kohhran thenkhat chuan sawrkar dan bawh-chhe lovin an ti hlawhtling thei a, ‘Kristian Chhung-kua’ tih thupui hmanga inzirtir thar leh nise, Kohhran tinin he ni lawmna atan hian Ruai buat-saih nise tia an lo rel tawh te erawh tih hlawhtlin theih a ni ta lo thung a ni.