Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chanchin thar thenkhat :

Home Minister in tlawh

Home Minister, Lalchamliana chuan nimin khan Vairengte leh Saihapui V-a duty Border Security Force (BSF) leh IR Battalion duty-na hmun a tlawh a, ramri thawktute inpekna leh thawh-rimnaah lawmthu sawiin, duty-te chu Mizoram Sawrkar leh mipui te chuan an thlawp tlat thu a sawi bawk. Home Minister chuan ramri veng a Krismas leh Kumthar hun an hmang tur chu ram leh mipui tan a thawk an ni tih hrereng turin helai hmuna duty te chu a chah a, tha thlah lova tha tak a an hna te kalpui zel tur a fuihin duty-te hnenah hian Krismas hun hlimawm tak an hmanna turin thilpek a hlan bawk a ni. Home Minister hian BSF leh IR te duty-na thawmthat lehzual dan turte enpuiin a tul anga hman tur silpaulin a pe bawk a ni.


Chawimawina hlanna nei

Nimin khan Champhai DC Conference Hall-ah kuthnathawktu hlawhtlingte leh fai inelnaa District tihmingthatu  District Hospital Champhai chawimawina hun buatsaih a ni a, he hun hi Lok Sabha MP, C. Lalrosanga chuan a hmanpui a ni. Nimin-a kuthnathawktu chawimawina pekte hi an vaiin mi 7 an ni a, chawimawina thuziak leh pawisafai Rs 5,000/- theuh hlan niin Agriculture Department hnuaiah buh thar tam mi 2, Horticulture Department hnuaiah Bangalore Blue Variety Grape chingtu, Ryozeki Variety chungtu leh Hmarchate chingtu mi pakhat theuh, AH & Vety Department hnuaiah Vawk 43 vulhtu leh Sial 37 vulhtu te an ni.


BJP in an Office an khar

BJP Mizoram Pradesh chuan nimin khan Aizawl-a an Party Office, Atal Bhawan chu kumin atana kharna hun an hmang a, he hunah hian an President, Vanlalhmuaka chuan Pathian zarah an party chuan chak taka kalin hmasawnna hmel thar an hmu zel tih a sawi a, Mizoram sawrkar chuan sum a neihloh avangin a mangang em em nia sawiin, tunhnaia Chief Minister in lungphum a phum te chu inbumna a ni thei tih a sawi bawk.


Memorandum thehlut

Assam awpna hnuaia awm Hnam peng hrang hrang (Chorei, Hrangkhawl, Molsom, Ranglong, Sakachep leh Kaipeng) ten Mizoram state awpna hnuaia awm duha an hmalakna kal zelah MZP hruai-tute leh Thangram Indigenous Peoples Movement (TIPM) hruaitute chuan tunkar Thawhlehni khan Prime Minister leh Union Home Minister Office-ah Memorandum an thehlut a, MZP leh TIPM hruaitute hi Union Home Secretary in a lo dawngsawng a. COVID-19 hrileng mek avangin Prime Minister leh Union Home Minister hi pisa-ah hmuh theih an ni lova, Home Secretary chuan an thu thlen chu tun maia tih hlawhtlin theih chi a ni nge nilo tih zirchian hmasak a ngaih tur thu leh a tul anga bawhzui anih tur thu a sawi bawk.


MSU hruaitu hlanna nei

Mizo Students' Union (MSU) General Hqrs. hruaitu thlanna neih a nih hnuah nimin khan hruaitu thar te Pathian hnena hlanna leh kumin atana MSU Pisa Pui kharna hun chu Synod Conference Centre, Aizawl-ah neih a ni. Kum 2020-2022 chhunga MSU hruaitu tur thlanna hi December ni 10 khan neih a ni a, President-ah J. Lalmuanzuala, Vice President-ah RK. Hnuna, General Secretary- ah Samuel Zo-ramthanpuia, Asst. General Secretary-ah Laldinsanga, Treasurer-ah Lalramhluna leh Finance Secretary-ah Zodinsanga te thlan an ni. Nimin a he hun hmanna ah hian MSU website thar https://www.msughq.com/ chu tlangzarh nghal a ni bawk.

Comments

Popular News (Last 30 Days)