Latest News

Hri leng lakah fimkhur zel a tul

Hri leng lakah fimkhur zel a tul

Hri leng avanga khawvel in harsatna kan tawh mek laiin kan hma lawkah Hunpui kan thleng dawn a, he kan Hunpui lo thleng turah pawh hian kan boruak tawn mek nen a zirloh avangin sawrkar chuan ‘COVID-19 No Tolerance Drive’ kalpui chhunzawm zel turin ruahmanna a siam a. He Drive kalpui mekah hian Dan leh thupek kengkawhtute bakah sawrkar in a ruat, Executive Duty te Veng hrang hrangah duty in hri leng laka Dan siam te zawmlo manchhuah hna te thawh a ni bawk a, amaherawh chu tunhnaiah erawh kan dan kengkawhtu, a bikin Executive Duty lam te zingah Dan bawhchhia man hriat tur an tlem chho ta viau a, chutihlaiin kan Police lam ten Dan zawmlo tam tham tak man tur an la neih reng tho si avangin kan Executive Duty te hi kan thuamchak-a, tan kan lak thar lehzual a tul niin a lang.

Kan hriat angin hri in min chiahpiah hnai nia kan hriat lai, kan khawchhung ah a kaina pawh hriat mangloh hri kai kan neih khan mipuite kan chi-ai hle a, amaherawh chu tunah chuan kan khawtlang-ah hri kai an awm lo nia kan hriat vang nge, kan fimkhurna a tlahniam leh ta viau a, kan himna tur nia mithiam ten an sawi te pawh kan zawm tha peih meuh lova, hei vang hian kan hriat mang loh lai hian hri hian min rawn luhchilh leh huk ang tih hi a hlauhawm hle a ni.

Amaherawh chu hri laka kan him lai hi kan fimkhur a tul zual hun a ni tih hi mipui te hian kan hriat a pawimawh hle mai a, kan hrileng hian min luhchilh hnuah chuan fim-khur in awmzia neih tawhloh chin a nei thin tih hriain hri laka kan him lai ngei hian kan fimkhur a, hri laka him tura theihtawp kan chhuah zawk hi a tul hle a ni.

Comments

Chhiar Hlawhte