Latest News

Serchhip District-ah COVID-19 Vaccine pe leh dawn

Tunkar lo awm tur, June 14-18, 2021 chhung hian kum 18 leh 44 inkar tan Serchhip Main Centre, CMO Office Building-ah COVID-19 vaccine lak leh theih a ni dawn a, a hmaa kalphung ang bawkin Vaccine la tur hian Self Registration tih a, Vaccine lakna tura inziahluh hmasak leh tur a ni ang. In register hun hi vaccine lak dawn ni hma zan dar 9:00-ah zel hawn thin a ni ang.  Inziahluhna tur : http://selfregistration.cowin.gov.in

Thumbawk luikawrh thenfai hnalang neih a ni

Serchhip Thalai Pawl leh Society for Community Empowerment and Development (SoCED) chuan Inrinni khan hnatlang neiin Serchhip Dinthar Veng leh Saron Veng inrina a awm, Thumbawk luikawr thenfai hna an thawk a, he hnatlang ah hian pawl pahnih atang hian member thahnem tak thawkin UD&PA lamin an sponsor a, lui kawr tihfaina hmanrua te an tum sak a, he luikawr-a bawlhhlawh awm te an chharfai a ni.

Heng pawl pahnih hian thuchhuah intawm siamin Thumbawk lui kawrh hi hmun pawimawh tak nia an hriat thu sawiin, he luikawr-ah hian tuihna tha tak a awm thin thu leh Tuikhur pawh pali (4) lai awmin a bul vela chengte tan tui hmuhna tha tak a nih thin thu leh tunah pawh chhungkaw tam tak chuan an la hman thu an sawi a. Amaherawh chu a bulhnai-a awm ten he kawrh hi bawlhhlawh paihna atan an hmang thin nia sawiin, hei hi a thalo hle nia an hriat thu leh luikawrh enkawltu Serchhip Vengchung leh Dinthar lama VC te leh khawtlang hruaitute chu he luikawrh a lo thianghlim lehzual theih nana hma la turin an ngen a. He luikawrh-a tui hi mihring tana in tlak leh hman tangkai tlak a lo nih theih nan leh a bul vela awm ten bawlhhlawh an paih lohna turin sawrkar Department lam pawh a tul anga vengchhung mite bawlhhlawh paihna tur hmun ruahmana kawng dang siam sak turin an ngen bawk.

Comments

Chhiar Hlawhte