Bethel Branch K|P in thisen pe

Serchhip Bethel Branch K|P te chuan kumin a Serchhip Pastor Bial Kriatian |halai Pawl (K|P) Conference in Serchhip damdawi In Blood Bank-a dah tura thisen pek an lo rel tawh tih hlawhtlinna kal zelah nimin khan Serchhip damdawi In Blood Bank-a dah turin thisen an pe a, thisen petute hi mipa 15 leh Hmeichhia 5, an vaiin mi 20 an ni. Serchhip Pastor Bial K|P-ah hian Branch 5 awmin heti hian Branch 4 ten thisen hi pein hun remchang hmasa ah Hriangtlang Branch ten an pe ve leh bawk ang.

Serchhip-a Thlai chingtu Society ten Assembly an nei

Serchhip Agriculture & Horticulture Cooperative Society Ltd. chuan nimin khan General Assembly neiin hruaitu thlanna an nei.

LTHSS in kumin a HSSLC Exam result lawmna an nei

Lal Thanhawla Higher Secondary School, Serchhip chuan kumin HSSLC, pawl 12 exam-a an School result chhuak lawmna nimin khan an nei.

Sawrkar mi pawimawh ten Larsap an thlah

Mizoram Larsap, Lt. Gen. (Rtd) Nirbhay Sharma chuan Mizoram Larsap hna a thawh hun chu nimin khan hmang zovin nimin khan sawrkar mi pawimawh ten Larsap hi Raj Bhavan-ah an thlah.

HSLC leh HSSLC-a Topper te hnenah Chief Minister in Chief Minister's Award a hlan

Kum 2018 HSLC leh HSSLC result tihchhuah taka Topper-te hnenah nimin khan Chief Minister's Award hlan ani a, he hun hi Chief Minister, Lal Thanhawla chuan khuallian nia hmanpuiin Exam la awm zel turah Topper te chuan mark sang zawk an hmuh zel a duh thu a sawi.

Nikhat-ah nupa boral

Serchhip Chanmari Veng-a nupa pakhat chu nimin khan boralin nimin vek khan Thlan khat ah phum an ni.

Mizoram Larsap atan Kummanam Rajasekharan ruat; PRISM in Larsap thar tur an duhlo

Mizoram Governor thar atan Kerala State-a BJP President ni lai, Kummanam Rajasekharan (66) chu ruat a ni a, Larsap tjhar ruatna hi Zirtawpni khan tihchhuah niin Vawiin, May 28, 2018-a term hmang zo tur, Lt. Gen. (Rtd) Nirbhay Sharma a rawn thlak ang.

SEC \hutkhawm neih a ni

 Kum 2018-2020 chhunga Serchhip Sub-Hqrs. YMA Executive Committee \hutkhawm hmasa ber chu Inrinni khan neih a ni.

Electric chhiatna la hrelo

Serchhip leh Zuangtui inkara 132kV Line chhia chu siam\hat tuma hmalak zui zel a ni a, nimin a ni 4-na thleng khan line chhe lai hi hmuh ala ni lo thung.

A thlawnin Gas connection sem

Pradhan Mantri Ujjwala Scheme (PMUY) hnuaiah nimin khan Serchhip District chhung Bung-tlang North khuaa chhungkaw 70 te hnenah Mizofed Serchhip Branch chuan Gas Connection an pechhuak.

International Day for Biological Diversity hmang

International Biological Diversity Day chu nimin khan khawvel hmun hrang hrangah hman niin Aizawl-ah pawh Chief Minister, Lal Thanhawla hovin hman a ni.

Gas harsatna chungchangah Supply Minister in Borkhola LPG Bottling Plant a tlawh

Food Civil Supply & Consumers Affiars Minister, John Rotluangliana chuan niminpiah khan Borkhola LPG Bottling Plan tlawhin Mizoram in LPG Supply kan hmuh dan kalphung a sawipui a. District hrang hranga Gas Agency te chu Borkhola Bottling Plant a\anga an lak theih dan tur ngaihtuah turin a ti bawk.

Motor siam lai chesual boral

Nimin zing khan Thenzawl leh Sialsuk inkara awm Tantia Company-a Mechanic pakhat chu a motor siam laiin delh palhin Thenzawl damdawi In panpui a nih laiin a boral.

MZP in in hriattir turin ngen

MZP Hqrs. Serchhip chuan thuchhuah siamin kumin (2018) a Serchhip khawchhunga HSLC pass chhuak ta te zingah School kal chhunzawm duh si, Admission tihna kawnga sum lama harsatna nei te chuan MZP Hqrs. Serchhip OB te hnenah emaw, Phone No. 9862696439/7640811022/9862362563-ah te emaw inhriattir turin an ngen a. Hetianga harsatna neite chu inthlahrung lova in report tura ngenin, an zirlaipui harsatna nei te tan chuan theihtawp chhuah an tum thu an thu-chhuah ah chuan an tarlang bawk.

MNF Vice President in Leiba ngah chunga Per capita Income sang a ropui lo tih sawi

MNF Vice President, Dr. R. Lalthangliana chuan leiba ngah tak chunga per capita income sang chu a ropui lo tih sawiin, mihausa ten retheite an hliahkhuh vang a nih thu a sawi.

H/S Sports hawnna neih a ni

Serchhip District High School Sports Meet vawi 16-na chu nimin khan DC Playground, Khaw-tetlang-ah hawnna neiin tunkar Zirtawpni thleng neih a ni ang.

Health Minister in Central YMA hruaitute kawm

Health Minister, Lal Thanzara chuan nimin khan a Pisa-ah Central YMA hruaitute kawmin mumal zawka damdawi zawrh a nih theih dan tur an sawiho.

Tuichawngchhuah khua a chengte zawng zawngte tunkar chhunga lachhuak turin MSU in sawrkar an phut

Mizo Students' Union (MSU) Gen. Hqrs. chuan Dan lo a khaw din, CADC huamchhunga Tuichawngchhuah khua a chengte zawng zawng chu May 18, 2018 ralhmaa Tuichawngchhuah a\anga la chhuak ngei turin sawrkar an phut thu an sawi a. Huntiam chhunga an chhuaklo a nih chuan a \ul anga hmalak an tum thu an sawi.

July thla atangin hnamdang Motor te Mizoram chhunga hnathawk tawhlo turin MTA in an hriattir

Mizoram Tipper Driver's and Owner's Association (MTA) chuan hnamdang motor-te chu Mizoram chhungah hna thawk tawhlo tura hriattirin, July 2018 a\angin tualchhung hna Mizoram-ah thawk tawh lo turin an hriattir tih an sawi a. Hnamdang motor ten hna an thawh theih tawh dawn loh avangin In sa lai leh hnadang thawkte pawhin harsatna an tawk deuh anih pawhin hrethiam turin an ngen.

Vawk thi 302 tling tawh

Tunhnaia Serchhip District-a Vawk hri leng avanga Vawk thi chu 302 a tling tawh.

Serchhip leh a chhehvela Fisheries Department leh Sericulture Department hmalakna te Minister in a tlawh

Fisheries Department leh Sericulture Department changtu Minister, Vanlalawmpuii Chawngthu chuan nimin khan Serchhip khaw chhehvela Sericulture leh Fisheries Department hmalakna hrang hrangte a tlawh kual a. Minister hi Fisheries Secretary, Thlamuana leh Serchhip-a Department hotu ten an \awiawm a ni.

Mizoram-ah International Nurses Day-2018 hman a ni; Inpekna thar nena thawk turin Minister in Nurse te a chah

International Nurses Day 2018 chu Inrinni khan khawvel hmun hrang hrangah hman a ni a. Aizawl-ah pawh Synod Hospital Durtlang Auditorium-ah he Ni puala inkhawm hi neiin khuallian nia he hun hmanpuitu Health Minister, Lal Thanzara chuan Nurse-te chu Florence Nightingale-i anga hna thawk a, a inpek anga inpe thar turin a chah.

VC ten \halaite fuihna hun hmang

 Serchhip-III Village Council chuan Inrinni khan an huamchhunga \halaite kokhawmin inkawmna an neihpui a. Hemi rual hian HSLC Exam result chhuaka pass te lawmpuina hun hmangin Ser-chhip-III VC in Serchhip District a VC hnathawk \ha ber lawmman an lak an lawm nghal bawk.

Bung Bangla Quarry a chim; Mi 4 in nunna an chan; Nimin ah ruang hmuh kim a ni

Inrinni zing dar 7:40 vel khan Zemabawk leh Tuirial inkara Bung Bangla quarry chu chimin mi 4 a delh hlum ni a hriat a ni a, LPK tipper 2 a delh chhe tel bawk a, he Quarry chim in a chhilh nia hriat mi 4 te ruang hi nimin chhun khan hmuh kim a ni.

GSDP leh Per Capita Income sang anga sawi mahni inbumna mai a ni - Lalduhoma

Zoram Peoples’ Movement (|angrual Pawl) Chief Ministerial Candidate, Lalduhawma chuan Mizoram Sawrkarin GSDP leh Per Capita Income sang anga a sawi \hin chu thil zahthlak tak leh mahni leh mahni inbumna mai a ni, a ti.

Sum lakluh phak baka hausa-ah Home Minister puh

PRISM Party General Secretary, SL. Ngursailova Sailo chuan Mizoram sawrkar-a Home Minister ni mek, R. Lalzirliana chu a sum lakluh phak baka hausa nia a hriat thu a sawi.

Minister hovin Smart Water Solutions Conference nei

Public Health Engineering (PHE) Department buatsaih ‘Smart Water Solutions Conference’ chu nimin khan Aizawl-a Assembly Annexe Conference Hall-ah neih a ni a, he hun hi PHE Minister, Zodintluanga chuan hmanpuiin mobile app thar ‘PHE Smart Water’ chu a tlangzarh bawk.

Mat Lui chhehvela leilet leh huan chawmtu tur, Mat Minor Irrigation Project Chief Minister in hawng

Chief Minister, Lal Thanhawla chuan Mat Lui chhehvela leilet leh huan chawmtu tur, Mat Minor Irrigation Project chu nimin khan Mat Lui kam (Thenzawl kai)-a Irrigation & Water Resources Department Site Camp-ah a hawng.

Zirna In fai chawimawina hlan

Serchhip District chhunga Faina kawnga hma la \ha zirna In thlanchhuah te hnenah nimin khan chawimawina thuziak hlan a ni.

Mizoram Youth Commission buatsaihin Serchhip-ah MYC Youth Summit & Road Show-2018 neih a ni

Mizoram Youth Commission (MYC) buatsaihin nimin khan Serchhip Auditorium-ah ‘MYC Youth Summit & Road Show-2018’ neih a ni a, he hun hi Fisheries Minister, Vanlalawmpuii Chawngthu chuan khuallian nia hmanpuiin \halaite khawvel thar din turin MYC chuan hma a lak thu leh heng hmalakna te hi chhawr \angkai a \ul thu a sawi bawk.

Sports Incentive Cash Award sem

Sports Minister, Zodintluanga chuan nimin khan Mizoram infiammi, rampawn leh ram chhunga medal la te hnenah Incentive Cash Award a sem.

Vawiin a 'MYC Youth Summit & Road Show-2018' neih tur chhawr tangkai turin Serchhip thalaite sawm

Mizoram Youth Commission (MYC) buatsaihin Vawiin, May 9, 2018 khian Serchhip Auditorium-ah 'MYC Youth Summit & Road Show-2018' neih a ni dawn a, he hun hi hmang \angkai turin Serchhip mipuite an sawm.

Science Zirtirtute training nei

District Institute of Education & Training (DIET) Serchhip leh Zoram Entu Pawl (ZEP) hnuaia Quality Education Project \angkawp buatsaihin nimin khan ni 2 awh Serchhip SDEO hnuaia Middle School Science Teacher te tana training chu neih \an a ni.

Tang tlanchhuak te man leh

Serchhip-a Excise & Narcotics Department ten ruihhlo kaihhnawiha an man mi 3 te chu nimin-piah khan Court a\anga hawpui an nih laiin an tlanchhuak a, nimin khan Chhingchhip-ah man leh an ni.

ZPM Chief Ministerial Candidate - Lalduhoma

ZPM in nghahna tur chu Isua Krista a ni - Lalduhoma

Zoram Peoples' Movement (ZPM) |angrual Pawl chuan kumin MLA inthlana Chief Ministerial Candidate atan ZNP President Lalduhoma an thlang tih nimin khan an puang a. ZPM Chief Ministerial Candidate, Lalduhoma chuan an in nghahna tur chu Isua Krista a nih thu a sawi.

Congress ngaihhnathiam an ngai lehzual - Zoramthanga

MNF President, Zoramthanga chuan Congress chu ngaihhna-thiam an ngai lehzual ta niin a sawi.

MJS lak thar Training nei mek ten Chief Minister an kawm

Mizoram Judicial Service (MJS) trainee-te chuan nimin khan Chief Minister, Lal Thanhawla chu CM's Cabinet Meeting Room-ah an hmu.

Serchhip District-ah MR Vaccine pek beihpui thlak mek zel

District Task Force Committee on Immunization in a rel tawh angin Measles-Rubella (MR) Vaccine pek beihpuithlak chu Serchhip District-ah ngawrh taka neih chhunzawm zel a ni a, tunah hian Anganwadi Centre leh Health Sub-Centre hrang hrangah pek mek zel a ni.

Mizoram Solar Power Policy leh Solar Rooftop Systems chungchang zirhona neih a ni

Mizoram sawrkara Secretary leh Head of Department te pualin nimin khan Assembly Annex Conference Hall-ah 'Awareness Proramme on Solar Power Policy of Mizoram & Grid Connected Solar Rooftop Systems' neih a ni.

Serchhip-ah Crime Review Meeting neih a ni

 Nikum aiin kumin ah thubuai ziahluh a pung nasa

Serchhip District chhungah nikum (2017) kumtir thla li (4) chhung aiin kumin (2018) kumtir thla li (4) chhungin thubuai ziahluh nasa takin a pung a, nikum January - April chhungin thubuai 64 ziahluh a nih laiin kumin a hemi chhung hian thubuai 81 zet ziahluh a ni.

Committee peng din thar

Serchhip Sub-Hqrs. YMA hruaitu thlanna neih a nih hnuah Committee peng hrang hrang din thar an ni leh ta a,

Khaw 2-a ZPM Steering Committee in Joint Meeting nei

Serchhip leh Thenzawl ZPM Steering Committee te chuan Inrinni khan Serchhip-ah Joint Meeting an nei.

Serchhip-ah MYC Youth Summit & Road Show nei dawn

Mizoram Youth Commission (MYC) chuan Mizoram \halaite hmasawnna tur leh nakin hun atana chhawr tlak leh hna \ha tak an thawh theihna turin Youth Summit & Road Show 2018 chu District hrang hrangah a buatsaih chho mek zel a, Serchhip District-ah pawh tunkar Nilaini hian Serchhip Auditorium-ah buatsaih a ni ang.

Thubuai tihtawp ram leh hnam humhalh kawngah Zofate tan rahbi pawimawh ah MZP in an ngai

MZP chuan Mizoram Chakma Students' Union (MCSU) te'n Mizo Quota-a Technical Course zir tur thlan dan chungchanga Mizoram swkar an khinna Court-in a titawp (dismiss) chu lawmawm an tih thu sawiin, ram leh hnam humhalh kawngah Zofate tan rahbi pawimawh ah an ngaih thu an sawi.

MzSRLM Serchhip RD Block huaihawtin Serchhip-ah 'Aajeevikas Diwas (MzSRLM Day)' hman a ni

Mizoram State Rural Livelihood Mission (MzSRLM) Serchhip RD Block huaihawtin Inrinni khan Serchhip-ah 'Aajeevikas Diwas (MzSRLM Day)' hman a ni a, he hun hi Serchhip DRDA Project Director, VL. Remliana, MCS chuan khuallian niin a hmanpui a ni.

Mizo ten kan la neih ngai reng reng loh Medical College Falkawn hmunah kan nei dawn ta - Chief Minister

Falkawn-a State Referral Hospital-a Mizoram Institute of Medical Education and Research (MIMER) din tur chu Medical Council of India-in a pawmpui tawh tih Chief Minister, Lal Thanhawla chuan a puang.

YMA hnenah sum hlan

Serchhip Sub-Hqrs. YMA in a enkawl mek, Serchhip chhimlam-a Sakhisih Sunctuary enkawlna atan DFO Thenzawl chuan nimin khan Sub-Hqrs. YMA hnenah hian Rs. 40,000/- an hlan. Hetihlai hian Serchhip Sub-Hqrs. YMA OB leh SEC mi 10 te chuan Vawiin hian Meeting neiin Sub-Hqrs. YMA hnuaia Committee peng hrang hrang leh hruaitu turte an ngaihtuah ang.

Kawngpui dim turin ngen

 Sawrkar chuan thuchhuah siamin Serchhip khawpui chhung kawngpui thawm\hat mek chu mipuiten nuam taka kan hman reng theih nan dim hram hram turin Serchhip mipuite a ngen.

Indian Road Congress Council Meeting \an a ni

Ni hnih (2) awh tur, Indian Road Congress Council Meeting vawi 215-na chu nimin tlai khan Mizoram University-ah \an a ni.

Eizawnna leh thiam thil inkawhhmuhna Kutpui, ‘Aajeevika Evam Kaushal Vikas Mela’ neih a ni

Mizoram State Rural Livelihoods Mission (MzSRLM) huaihawtin sawrkar laipui hmalakna programme - Gram Swaraj Abhya hnuaiah Aajeevika Evam Kaushal Vikas Mela chu nimin khan Aizawl-a Lal Thanhawla Auditorium-ah neih a ni a, Rural Development Minister, R. Lalzirliana chuan khuallian niin a hmanpui a ni.

ZNP President in BJP nena sawizawm sawifiah

ZNP President, Lalduhoma chuan ZPM Streering Committee in BJP chungchanga thutlukna a siam tak avangin buaina tur engmah a awm tawh lo tih a sawi.

Thenzawl-ah mimal tharchhuah Sangha chi hralhchhuak

Fisheries Department, Serchhip District chuan Sangha chi intodelh tura beihpui an thlakna kalzelah nimin khan Thenzawl ami, F. Lalrindika chuan ama siam Sangha chi (Common Carp) chu Thenzawl-a a mamawhtute hnenah a hralh chhuak.

CADC-ah BJP kaihhruai sawrkar thar lalut dawn BJP in sawrkar thar ding tur lawmna an nei

Chakma Autonomous District Council (CADC) inthlanna neih zawh a nih hnuah Vawiin hian BJP kaihhruai United Legislature Party (ULP) sawrkar chu lakluh a ni dawn.

Serchhip DFA General Body Meeting-ah hruaitu thlan a ni

Serchhip District Football Association (SDFA) chuan nimin khan General Body Meeting neiin kum 2018-2021 chhunga an hruaitu tur thlanna an nei.

Gas man bithliah thar a ni

Food, Civil Supply & Consumers Affairs Department chuan thuchhuah siamin Mizoram chhung khaw hrang hrang a 14.2 kgs. a rit eirawng-bawlna Gas man bithliah thar a nih thu a tarlang a. Serchhip-ah chuan Gas bur khat man chu Rs. 780.50 ni tura tih niin Subsidy Rs. 294.06 pek a ni thung anga, Kg. 19-a rit Commercial Cylinder man chu Rs. 1426.50 a ni bawk ang.

NLUP Kut hmang dawn

Tun thla ni 17 leh 18 khian Serchhip-ah NLUP Kut hman tum a ni a, he Kut hman dan tur hi nimin khan Serchhip District Bawrhsap, Sangchhin Chinzah hovin NLUP Line Department te chuan an sawiho a ni.

HSLC result tihchhuah ah zirlai 76.65% in an pass; Serchhip-a zirna In hrang hrang ten an ti\ha thawkhat

Kum 2018 HSLC Result chu nimin khan Mizoram Board of School Education (MBSE), Aizawl chuan a tichhuak a, Mizoram pumah Exam beitu zingah za zela 76.65 in hlawhtlinna an chang a. Serchhip-a Zirna In hrang hrangte pawhin kumin hian an ti\ha thawkhat niin a lang.

CM hovin Mizoram State Biodiversity Board \hukhawm

Mizoram State Biodiversity Board chu nimin khan an Chairman, Chief Minister Lal Thanhawla hovin CM's Cabinet Meeting Room-ah an \hu-khawm.

Inthlan kum lo-ah pawh thlaithar lei zel tum

Mizoram Agriculture Marketing Solution (MAMSol) chuan kut hnathawktute thlai thar-chhuah chu inthlan kum lo-ah pawh lei zel an tum tih an sawi.

Gram Swaraj Abhiyan hnuaiah ramchhung hmundang rualin Serchhip-ah Kissan Kalyan Karyashala neih a ni

Sawrkar laipui Scheme, Gram Swaraj Abhiyan (Village Self-Governance Campaign) peng pakhat, Kissan Kalyan Karyashala (Workshop on Farmers’ Welfare) chu nimin khan ramchhunga RD Block dangte rualin Serchhip-ah pawh neih a ni a, Serchhip BDO, Vanlalhmachhuana chuan khuallian niin a hmanpui a ni.

Paper siamna ah YMA nen thawhho dan awm se duh

Changel a\anga lehkha a siamchhuah a\anga Mizoram Kailawn 2017-a lawmman pakhatna latu, Lalsiamthara, Serchhip chuan Changel a\anga paper an siamchhuah ah YMA nen thawhho dan awm se a duh thu a sawi.

PRISM in Serchhip tana hmalak an tum dan puangin Intodelhna atana hmalakna hmunpui pakhat ah Mat phai hman tum

PRISM Party President, Vanlalruata leh a thawhpuite chuan nimin khan Serchhip-ah thuthar thehdarhtute kawmin Serchhip District tana PRISM party hmalak tum dan leh ruahmanna hrang hrangte an sawi a. Mat phai chu intodelhna atana an hmalakna hmunpui pakhat a ni dawn tih an sawi bawk.

CADC-ah sawrkar tur chianglo

Chakma Autonomous District Council-ah pawl pahnih BJP leh Congress \angdun leh MNF in Sawrkar an siam theih thu an thlen avangin sawrkar siam tur hi Floor Test hmanga thlan a ngai dawn nia hriat a ni.

NEDP hnuaia hmalakna, Mizoram Kailawn, 2018 chungchang inhrilhhriatna Serchhip-ah neih a ni

Mizoram Flagship Programme, New Economic Development Policy (NEDP) hnuaia hmalakna pakhat, Mizoram Kailawn, 2018 chungchang inhrilhhriatna chu nimin khan Serchhip DC’s Conference Hall-ah neih a ni.

SEC atan mi 10 ruat thar

Serchhip Sub-Hqrs. YMA chuan kum hnih chhunga Sub-Hqrs. Executive Committee (SEC) Member tur mi 10 ruatin Committee peng hrang hranga hruaitu turte ruat leh an ni ang.

Bawrhsap hovin \hukhawm

Nimin khan Serchhip District Task Force Committee on Beti Bachao Beti Padhao chu an Chairman, Serchhip District Bawrhsap, Sangchhin Chinzah hovin a pisa-ah an \hukhawm.

Vaihlo tellohna infiamna khawvel Mizoram-a siam tura hmalakna, 'Tobacco Free Sports Campaign' hawn a ni

Chief Minister, Lal Thanhawla chuan nimin khan Aizawl-a CM's Banquet Hall-ah 'World No Tobacco Month' hawngin, hemi rual hian Vaihlo tellohna infiamna khawvel Mizoram-a siam tura hmalakna, 'Tobacco Free Sports Campaign' chu a tlangzarh nghal bawk.