Chanchin thar thenkhat :

Zu man sa tihchhiat a ni

Mizoram-a Zu khapna Dan, Mizoram Liquor Prohibition Act 2019 hman anih hnua dan kalha Mizoram-a Sap zu phurhluh Excise & Narcotics Department, Kolasib District-ten an man te chu nimin khan Excise & Narcotics Department Minister, Dr. K. Beichhua hovin Excise & Narcotics Complex, Kolasib-ah tihchhiat a ni a, he hunah hian Minister chuan Ruihhlo do kawnga ralthuam pawimawh ber chu, Ruihhlo te hi kan ram hmelma, Mizo thlalai tam tak nun suattu, chhungkua a buaina leh harsatna chawk-chhuaktu a ni tih kan thinlung a kan vawn reng a nih thu a sawi. Nimin a tihchhiat heng Sapzu te hi chi hrang hrang niin Rs. 92,29,890/- hu nia chhut a ni.


ILP siam vek turin hriattir

MZP Sub-Hqrs. Vairengte hruaitute chuan tunkar Ningani khan Aitlang Singkili zau chu tlawhin helai hmuna Phai enkawltu Vai te kokhawmin, kumin chhunga Inner Line Permit (ILP) siam vat turin an hriattir a, kumin chhunga an siam theilo a nih pawn siam theih ve leh siam nghal turin an hriattir bawk a. Helai hmun-a Huan leh phai neitute pawh an ngenna ngai pawimawha Inner Line Permit (ILP) chu ram leh hnam hum-halhna leh himna a ni tih hriaa an phai enkawltu hnamdang te chu a rang lama Permit siam sak vek turin an hriattir bawk a ni.


Journalist boral ralna hlan

Kumin July 14-a boralta, Francis Paul (Ger-rard-a Pa tia hriat) chu nimin khan Mizoram Journalist Welfare Society kaltlangin Mizoram Sawrkarin ralna cheng nuai khat a hlan a, hemi puala I&PR Director, Lallianpuii hova a Pisa-a neih ah Francis Paul-a chhungte leh MJA General Hqrs. hruaitute an tel a ni. He hunah hian I&PR Director chuan Francis Paul chu Sports Columnist leh Sports Commentator thiam tak, Mizote zinga mi bik a nih thu sawiin, COVID-19 hrileng kara sawrkarin inralna atana sumfai a la dahsak chu lawmawm a tih thu a sawi bawk.


MJA hruaitu thar lawmpui

Transport Minister, TJ. Lalnuntluanga chuan nimin khan a Pisa-ah MJA General Hqrs. hruaitu thar te kawmin lawmpuina hun a buatsaih a, he hunah hian Minister chuan a Department enkawl hnuaia hmalakna te sawiin, Mizoram Mau te State danga tawlh thin chu tihtawp rih a nih tak thu leh lui-a an tawlhna thin veng turin Langkaih Lei hnuaiah a danna an siam tawh thu a sawi a. Aizawl leh Churachandpur (Manipur) inkara tlan tur Bus pawh sak mek a nih thu a sawi bawk. MJA General Hqrs. hruaitu thar te hi nizan hmasa khan Congress Legislature Party (CLP) Leader, Zodintluanga chuan Aijal Club-ah zanriah buatsaih sakin MJA te in-lungrualna chu fakawm a tih thu a sawi bawk.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn