Posts

Showing posts from April, 2021

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Thing leh Mau, luitui te renchem taka hmang chunga humhalh zel turin mipuite sawm

Mizoram Forest Service Association (MFSA) chuan kan ram-a thing leh Mau, luitui te renchem taka hmang chunga humhalh zel turin mipuite an sawm.

Tui Hna

Tui Hna

Serchhip thuthar thenkhat :

Tui ti thianghlim turin ngen

Hri kai hmuh thar awm belh

Niminpiah-a Serchhip District-a Sample enfiah atangin COVID-19 hri kai mi 10 hmuh belh niin an vai hian tunhnaia State pawn atanga rawn lut an ni.

Chanchin thar thenkhat :

Tui harsatna sawihona nei

Khauh zawka inkhuahkhirhna kalpui duh thun sawi

COVID-19 Medical Operational Team (MOT) chu nimin khan thukhawmin Mizoram-a COVID-19 hri inkaichhawnna chhutchah a la nih loh avangin May ni 3-a inkhuahkhirhna kallai a tawp hnuah a aia khauha ni 7 dang inkhuahkhirh an rawt a, Vawiin-a sawrkar thuneitu sang thutkhawma ngaihtuah turin an thlen ang.

Mizoram-ah hri kai mi 139 hmuh belh leh an ni

Niminpiah khan Mizoram-ah Sample 3712 enfiah leh niin hri kai 139 hmuhchhuah leh an ni a, Mizoram-a COVID-19 hri kai hmuh tawh chu 5879 an tling tawh a ni.

Hri leng laka hmalakna chhunzawm turin chah

Mizoram Governor, PS. Sreedharan Pillai chuan Baptist Church of Mizoram (BCM) hruaitute chu hrileng laka himna tura an hmalakna te chhunzawm zel turin a chah.

Health Minister hovin Lunglei-ah hri leng mek chungchang sawiho a ni

Health Minister Dr. R. Lalthangliana hovin nimin khan Lunglei DC Conference Hall-ah sawrkar mi pawimawh ten COVID-19 hri leng mek chungchang an sawiho a. He hunah hian Health Minister chuan COVID-19 hrilengin zual lam a pan zel avangin mipuite kan fimkhur lehzual a tul takzet ih a sawi.

Sub-Hqrs. YMA in tlawh

Serchhip Sub-Hqrs. YMA hruaitute chuan nimin khan an Secretary, PC. Vanlalluna hovin kar kalta Nilaini atanga kangmei tuartu Thinglian leh Hmunzawl khua te an tlawh a, heng khua ten kangmei thelhna kawnga hma an lak dan te thlirin, khawtlang in a tul anga an hman turin buhfai leh Dal an hlan nghal bawk a ni.

Ramkang thelh mit thei ta

Serchhip District chhung Thinglian leh Hmunzawl inkar ram kang avanga Thinglian ram kang chu nimin khan thelhmih a ni ta a, nimin khan IAF Helicopter chuan tui hmangin tum thum kang hi a thelh a, nimin chhun khan ruah sur bawkin kangmei hi thunun theih a ni ta tih Thinglian YMA hruaitute chuan an sawi a ni.

Hri kai 74 enkawl mek an ni

Serchhip District-a COVID-19 hri kai hmuhchhuah tawh zingah enkawllai mi 74 awm mekin an zinga 72 te chu Nursing School CCC-ah enkawl an ni.

Vote chhiar tur Training nei

Serchhip Bial Bye-election neih a Vote tla te chhiar tura ruat, Counting Supervisor leh Counting Assistant te chuan nimin khan Training neiin Vawiin-ah Micro-Observer tura ruat ten Training an nei ve leh ang.

Sawrkar hnathawk duty tan; VLTF Duty awm manglo

COVID-19 hri leng hluar thar leh mek avanga mipui khawsak phung khuahkhirhna kengkawh turin nimin atang khan Serchhip-ah COVID-19 Executive Duty te VC Area hrang hrangah an Duty leh tan a, VC tam zawkah chuan VLTF duty hmuh tur an awm tawhlo thung.

Mizoram-a ASF lenna ah Vawk 1,473 a thi tawh

Mizoram-a Vawk natna hri, African Swine Fever (ASF) lenna hmuna Vawk thi chu nimin thleng khan 1,473 a tling tawh.

Serchhip District-ah kumin hian thingtiak tam zawk phun turin hmalak a ni dawn

Thenzawl DFO, Margareth Lalramchhani chuan kumin ah kangmei avanga ramngaw tam tak tihchhiat a nih avangin kumin ah tingtiak tam zawk phun turin hma an la dawn tih a sawi.

Chanchin thar thenkhat :

VLTF ten SOP an zirho

Mizoram-ah Ni khat-a hri kai hmuh tam ber ni a thleng

Niminpiah khan Mizoram-ah Sample 3305 enfiah niin heng atang hian COVID-19 hri kai mi 229 hmuhchhuah an ni a, Mizoram-a he hri kai hmuhchhuah a nih atanga ni khat-a hri kai hmuhchhuah an tam ber ni a nih bakah April, 2021 hi thla khat chhunga hri kai hmuhchhuah an tam ber thla a ni dawn ta bawk a ni.

Airport kaltlang lut te ILP pek dan ti danglam hret

Mizoram sawrkar-a Home Department chuan COVID-19 hri leng vanga inkhuahkhirhna kalpui mekah Lengpui Airport kaltlanga khualzin rawn lut te fimkhur zawka ILP pekchhuah an nih theih nana registration tihna mPASS Flight chu tlemin a siam danglam a nih thu an sawi.

A thlawna buhfai sem dan tur buaipui mek a ni

Sawkar laipui chuan COVID-19 hri leng avanga harsatna tawkte tanpuinan buhfai a thlawna sem turin ruahmanna a siam a. He ruahmanna kalpui turin Mizoram pawh a inbuatsaih mek.

Health Minister hovin AMC Councillor leh Local Council ten hri laka himna tur an sawiho

Nimin khan Health Minister, Dr. R. Lalthangliana hovin Aizawl Municipal Corporation (AMC) Councillor te leh Aizawl City Area Local Council hotuten COVID-19 laka Aizawl khawpui a him theihna tura hmalak ho dan tur hrang hrang an sawiho.

Chanchin thar thenkhat :

Mizoram-a rawn lut khunghran leh an ni dawn

NDMA-a Mitigation Project thawhluh tawh thlirho

Disaster Management and Rehabilitation (DM&R) Department hotute chu nimin khan an Minister, Lalchamliana hova thukhawmin National Disaster Management Authority (NDMA)-a Mitigation Project thehluh tawh te chungchang an thlirho.

Mizoram-ah hri kai thar 103 hmuh an ni

Niminpiah khan Mizoram-ah Sample 3488 zet enfiah leh niin COVID-19 hri kai mi 103 zet hmuhchhuah leh an ni a, Mizoram-a hri kai hmuhchhuah hi 5513 zet an tling tawh a ni.

Inthlanna a Duty Police mi 108 in hri kai tawh

Assam leh West Bengal inthlana Mizoram atanga venhim hna thawka duty Mizoram Police lo haw zingah COVID-19 hri kai an awm nual a, hriat theih chinah mi 108 in hri an kai tih hmuhchhuah a ni.

Mizoram-a Oxygen Supply-ah harsatna a awm rihlo

Industrial Growth Centre, Luangmual-a Zoram Oxygen chuan Medical Oxygen supply chungchangah tun thlengin Mizoram-ah harsatna ala awmloh thu an sawi.

Mizoram-a kum 18-45 te COVID-19 hri danna a thlawna pek tur an nih leh nihloh hriat ala ni lo

Kum 18-44 inkarte tana Covid-19 hri danna (vaccine) pek tur chungchangah Mizoram-a hri danna dawng thei turte a thlawna pek tur a nih leh nih loh hriat theih a la ni lo.

Postal Ballot thleng mek

Serchhip Bial Assembly bye-election neih zawh taka Service Voters te Vote thlak chuan Serchhip DC Office a rawn thleng mek a, nimin thleng khan Postal Ballot 41 te chuan Serchhip DC Office hi a rawn thleng tawh a ni. Serchhip Assembly Bial-ah hian Service Voters 198 awmin heng mite hian Vote an thlak theuh theihna turin Postal Ballot hi thawnchhuah a ni a, heng atanga Vote chhiar hmaa rawn thleng chin chu pawm tur a ni dawn a ni.

Thinglian-a ramkang thelh theih ala ni rihlo

Serchhip District chhunga ramkang tam zawk chu thelh mih ni tawh mahse nimin tlai thleng khan Thinglian leh Hmunzawl inkar-a ramkang chu thelhmih theih ala ni lo thung.

Serchhip District-a hri kai hmuhchhuah 200 tling tawh

Serchhip District-a COVID-19 hri kai hmuh-chhuah tawh chu mi 200 an tling ta a, nimin khan hri kai mi 64 zet hmuh belh leh niin heng te hi State pawn atanga rawn lut an ni.

Assembly bye-election a Vote tla chhiar turin ruahmanna siam fel a ni tawh

Serchhip Bial Assembly bye-election a vote tla te chu tun Pathianni lo awm tur, May 2, 2021 zing dar 8:00 atangin chhiar a ni dawn a, inbuatsaihna pawh peihfel thawhkhat a ni tawh a, Vote tla chhiar tura ruat te pawhin Vawiin atang hian Training an nei tan dawn a ni.

Hri kai thar 22, enkawl dam mi 50

Pathianni khan Mizoram-ah Sample enfiah tlem deuhin COVID-19 hri kai hmuhchhuah pawh an tlahniam hret a, amaherawh chu Sample enfiah atanga za zela 5.22 te chuan hri an kai a ni.

Kangmei chhuak awm leh

Tunhnaia Serchhip dai vel-a ram kang hrang hrangte chu nizan hmasa khan thelhmih kim a nih hnuah nimin khan Thenzawl leh Serchhip inkar chu nasa takin a kang leh a, kangmei hi Serchhip leh Thenzawl inkar, Zehtet leh Thuhruk inkar mawnglam atanga intan nia hriat niin Mat lui hnaih Leilet bial ko samfaina hal atanga intan nia hriat a ni a, kangmei hian kawngpui a kan hman avang leh kawngchung lam hi a awih deuh avangin duh anga thelh theih a ni lova, he thu buat-saih lai thleng hian kangmei hi thelh mek ala ni. Nimin-a kangthelhtute hi Thenzawl DFO, Margareth Lalramchhani chuan a hmunah awm a awm chilh a, hei bakah hian Forest Department hian Thinglian leh Hmunzawl inkar ram kang chu a hmunah enfiah tur nimin vek khan in tir nghalin kangthelhtute mamawh thil chi hrang hrang an pe nghal bawk a ni.

Hri kai 3 enkawl dam leh

Nimin khan Serchhip District-a COVID-19 hri kai hmuhchhuah mi pathum te chu hri lakah fihlimin anmahni enkawlna hmun atanga chhuahtir an ni.

World Malaria Day pualin Mizoram-ah hun hman a ni

Niminpiah April 25, 2021 khan khawvel pumah ‘World Malaria Day’ hman niin he Ni hi Pathianni a nih avangin Mizoram-ah chuan nimin khan a remchan anga hun hman a ni.

Chanchin thar thenkhat :

PM in Mizoram CM rawn bia

Lunglei-a kangmei chhuak zaa 90 thelh a ni tawh

Tunhnaia Lunglei khawpui hnuaia kangmei chhuak rapthlak tak chu zaa 90 aia tam thelh a ni tawh.

Mizoram in Vaccine Dose 2,99,870 dawng tawh

Inrinni kalta thleng khan Mizoram chuan COVID-19 vaccine dose 2,99,870 a dawng tawh.

Kawlphetha pek chhunzawm loh ah vau niin sawi

Congress Thalai, Mizoram Pradesh Youth Congress Committee (MPYCC) chuan Mizoram sawrkar in kawlphetha chhit man ba a rulh loh chuan Eng rawn pek chhunzawm loh ah an vau mek niin an sawi.

Health Minister hovin Mizoram-a hri kai hmuhchhuah dan chungchang thlirho a ni

COVID-19 hri leng avanga inkhuahkhirhna kalpui mek chungchang chu nimin khan Health Minister, Dr. R. Lalthangliana hovin sawrkar mi pawimawh ten an thlirho.

Larsap in Presbyterian Kohhran puipate a kawm

Mizoram Governor PS. Sreedharan Pillai leh Mizoram Presbyterian Kohhran hruaitute chu nimin chawhma lam khan COVID-19 hrileng dona chungchang sawihoin Aizawl-a Raj Bhavan-ah an in kawm.

Mizoram Governor in Central YMA hruaitute kawmin hri leng dona a hmalakna an sawiho

Mizoram Governor, PS. Sreedharan Pillai chuan nimin khan Central YMA hruaitute chu Raj Bhavan-ah kawmin Covid-19 hrileng dona kawnga YMA leh tlawmngai pawl dang te hmalakna bakah thil pawimawh dang te sawiho a. Governor hian nimin vek khan Presbyterian Kohhran hruaitute chu a kawm bawk a ni.

Kangmei la thelh zel

Tunhnaia Serchhip leh Keitum inkar Dawng-zawl leh a chhehvel ram kang te, Chanmari Veng chhuahlam ram kang leh Chhiahtlang lama ramkang te chu nizan thleng khan mi tlawm-ngai ten an la thelh a, tunhnaia Serchhip Kawlri lama ramkang pawh nimin khan rawn kang thar lehin mi tlawmngai ten an thelh nghal a ni.

Lirthei pakhat chesual leh

Inrinni zing dar 5:00 vel khan Serchhip leh Thenzawl inkar-ah Wagon R Car pakhat chu chesualin vanneihthlak takin mihring nunna chan an awmlo.

Hri kai mi 4 enkawl dam leh

Serchhip District-a COVID-19 hri kai hmuh mi pali te chu nimin khan hri lakah fihlimin anmahni enkawlna atanga chhuahtir an ni.

Mizoram-ah hri danna pek chhunzawm zel a ni

Inrinni thleng khan Mizoram-ah mi 1,66,417 te hnenah COVID-19 Vaccine Dose 1-na pek a ni tawh a, an zinga mi 41,313 te chu Dose 2-na pek an ni tawh bawk.

Chanchin thar thenkhat :

Kangmei vangin harsatna

Minister hlui PC. Zoram Sangliana a boral

Mizoram sawrkar-a Minister pawh lo ni tawh, PC. Zoram Sangliana chu Inrinni khan a boral a, nimin khan vuiliam a ni.

Ni khat-ah COVID-19 hri kai 105 hmuhchhuak

Inrinni khan Mizoram-ah Sample 2300 enfiah leh niin heng atang hian hri kai 105 hmuhchhuah leh an ni a, kumin a nikhat-a hri kai hmuh an tam ber tum nia hriat a ni.

National Panchayati Raj Day-ah VC 4 in Award dawng

Inrinni kalta, April 24, 2021 kha ‘National Panchayati Raj Day’ a ni a, Mizoram atangin Village Council pali (4) te chuan National Panchayat Award an dawng a ni.

Corruption Risk Assessment kalpui tan dawn

Lunglei DC Office Staff te hnathawh chak zawk leh langtlang taka kalpui anih theihnan leh District mipuite nena thawhhona tha tak a awm chhunzawm zel theihnana ruahman, Corruption Risk Assessment (CRA) chu Zirtawpni khan Lunglei DC Office-ah kalpui tan a ni.

Mizoram-ah May 3, 2021 thleng hri leng vanga inkhuahkhirhna kalpui chhunzawm a ni dawn

Mizoram-ah hri leng a hluar avanga inkhuahkhirhna khauh zawk kalpui mek chu May 3, 2021 zing dar 4:00 thleng kalpui chhunzawm tura tih a ni a, inkaihhruaina thenkhat pawh tih danglam hret a ni.

Kumin ah Mizoram-a Heroin man pungin damdawi hmansual vangin mi 24 an thi tawh

Excise & Narcotics Department hotute chuan Myanmar-a sipaiin mipui rorelna paihthlaa thuneihna an chan leh atangin Mizoram-ah ruihhlo tawlh ruk a tam phah nia an hriat thu sawiin, kumin ah damdawi hmansual avangin Mizoram-ah mi 24 an thi tawh niin  an sawi bawk.

Chanchin thar thenkhat :

COVID-19 chi thar la hmu lo

Bial Inkhawm hun sawn

Presbyterian Kohhran in naktuk Pathianni hmanga Pastor Bial Inkhawmpui neih tura an lo rel tawh chu COVID-19 hri hluar leh meka sawrkar in inkaihhruaina a siam ah Sakhaw biakna te hawn a remchan rih tak loh avangin May 21-23, 2021 chhunga neih tura tih a ni ta zawk a, hemi hun a hmang theilo an awm anih chuan Inkhawmpui neih dan tur chu sawrkar SOP ruahman angin Bial Standing Committee relfel tura dah a ni bawk.

Ruihhlo dona tur hlan

 Presbyterian Serchhip Chhim Veng Kohhran te chuan nimin khan Serchhip Sub-Hqrs. YMA Anti-Drug Squad (SADS) te hnenah ruihhlo dona kawnga a tul anga hman turin Rs. 2000/- an hlan.

Hri vangin Vawk thih belh lo

Tunhnaia Vawk hri leng mek avangin Ser-chhip District-a hri lenna hmunah Vawk thi a awm belh lo tih Serchhip DVO, Dr. R. Lalmakthanga chuan sawiin, Vawk thi hi 9 a ni mek a, amaherawh chu Vanchengte khua ah Vawk thi pakhat erawh a awm thu sawiin, hemi enfiah tur hian Serchhip atangin Veterinary Officer, Dr. H. Vanlalrawna chu kalin hei hi hri leng kaihhnawih a thi a nih erawh a rinawm loh tih a sawi bawk. Hetihlai hian nimin thleng khan Mizoram a ASF lenna hmuna Vawk thi chu 1193 an tling tawh a, nimin bik khan Vawk thi 29 awm belh lehin Lungsen-ah 11 zet a thih belh leh a, Lung-lei Electric Veng-ah 10 a thi bawk a ni.

Hri kai pakhat enkawl dam

Serchhip District-a COVID-19 hri kai enkawllai mi pakhat chu nimin khan enkawl dam niin Serchhip District-ah hri kai enkawllai 14 an awm mek.

DC leh SP ten Bazar leh Sample lakna hmun an tlawh

Serchhip District Bawrhsap leh Superintendent of Police te chuan nimin khan sawrkar mi pawimawh dangte nen Serchhip-a hri leng laka mipui himna tura kaihhruaina siam bawhzui a nih dan an enfiah.

Serchhip-a thuthar thehdarhtu thenkhat ten IOC Veng-a PHE Booster Pump an tlawh

Serchhip IOC Veng-a PHE Booster Pump chawmtu Electric Transformer chhia thlakna tur Transformer thar chu nizan hmasa khan Serchhip rawn phurh thlen niin nimin khan bun nghal a ni a, nimin tlai khan dan pangngaia Tui pump chhunzawm nghal a ni.

Mizoram-ah hri kai hmuhchhuah tlahniam hret

Niminpiah khan Mizoram-ah Sample 3200 enfiah niin hri kai mi 62 hmuhchhuah an ni a, a hma ni aiin hri kai hmuhchhuah zat an tlahniam leh hret a ni.

Ranvulhtute ngaihven turin sawrkar an phut

ZPM Thalaite chuan African Swine Fever avanga Vawk thi te leh Sailulak leh Leng khua a Chinghnia in a sehhlum Sial thi te sawrkar in ngaihven se an duh thu an sawi.

Bairabi - Sairang Railway Project hnathawh December 2023-ah zawh hman tum a ni

Chief Secretary Lalnunmawia Chuaungo chuan Northeast Frontier Railways (NFR) in Bairabi leh Sairang inkara KM 51.38-a thui Rel kawngin a siam mek chu nimin khan a tlawh a, Bairabi - Sairang Railway Project hi December 2023-ah zawh hman tum niin Sairang Rel Station atang hian Rel 10 vel tal lutchhuak tura beisei a ni.

Hri kai mi 2 hmuh belh leh

Nimin khan Serchhip District-ah Sample 94 enfiah niin hri kai mi pahnih hmuh belh leh an ni.

Postal Ballot 27 thleng tawh

Serchhip bial Assembly bye-election neih a Service Voters 198 ten Vote an thlak theihna tura Postal Ballot thawnchhuah ah nimin tlai dar 3:00 thleng khan 27 chuan DC Office a thleng tawh.

Serchhip-a PHE Department tui sem a khaihlak rih dawn

PHE Serchhip WATSAN Division-a Sr. Executive Engineer, Er. F. Lalsanglura chuan hun engemaw chhung hi IOC Veng atanga chhim lam-ah tui sem a khaihlak dawn tih sawiin, mipuite chu tui renchem turin a chah.

Bazar-ah dawr khar dawn

Serchhip Kawnpui VLTF te chuan Serchhip Bazar Area-a dawr te chu Vawiin chhun dar 12:00 atang hian hawn an remti dawn lo tih an sawi a, hemi chungchanga kan zawhna chhangin Serchhip Kawnpui VLTF hruaitute chuan mipui nitin mamawh zawrhna dawr te chu khar a ni dawnlo tih sawiin, dawr dang erawh dawr duh an awm a nih chuan a dawrtu tur ten an Veng zel-a VLTF te atanga lehkha lain hawn phalsak an ni dawn tih an sawi a, hei hian inkhuahkhirhna kal mek chhung a awh dawn tih an sawi bawk. Hei bakah hian Serchhip Kawnpui VL-TF te chuan an huamchhunga Dawr bungraw unload tur te chuan tlai dar 5:00 atanga zan dar 8:30 chhunga unload tur a nih thu an sawi a, Thlai, chawhmeh leh sa zuar te pawh an area ami an nih chuan inzawrh phal a nih thu an sawi bawk.

VLTF leh Police ten hma la

COVID-19 hri darh zel tur laka mipuite himna tura kaihhruaina siam mipui ten tha taka an zawm theihna turin hmalak mek zel a ni.

Serchhip District-ah ‘Earth Day’ hman a ni

Nimin April 22 khan khawvel pumah ‘Earth Day, 2021’ hman a ni a, Serchhip District chhungah pawh DFO Thenzawl hmalakna in he ni pual hian Forest Range hrang hrangah hun hman a ni.

Serchhip District-ah Myanmar atanga raltlan mi 70 chuang an rawn lut tawh

Tunhnaia thenawm ram Myanmar atanga Serchhip District chhunga raltlan rawn lut chu mi 70 chuang an ni tawh nia chhinchhiah a ni a, a tlangpuiin heng raltlan te hi mahni chhungte bel-a rawn kal niin a then chuan hmundang an pan leh tawh a ni.

Aizawl tuilakna ah Tui chim chin a hniam zel

Aizawl tuilakna ah Tui chim chin a hniam zel

Mizoram-ah hri kai 73 hmuh belh; Dam thar 24 awm

Niminpiah khan Mizoram-ah Sample 2259   enfiah niin COVID-19 hri kai mi 73 hmuhchhuah leh an ni a, a hma ni aiin hri kai hmuh hi an tlem hret a ni.

Mizoram-a COVID-19 hri kai enkawlna atan Kohhran leh zirna In hmunhma dil tum a ni

Nimin khan Health Minister, Dr. R. Lalthangliana hovin COVID-19 hri vei lo pung leh hluai chungchangah hri kai leh inkhunghranna hmun, Community Quarantine Centre/Covid Care Centre ngaihtuah belh chungchang sawihona neih a ni a. Inkhawmna leh zirna In te chu hri kai enkawlna atana hman theih nise an duh tih an sawi.

Hri kai hmuh belh zel; Mi 2 ZMC-ah reffer an ni

Niminpiah leh nimin a Serchhip District-a Sample enfiah atangin COVID-19 hri kai mi 3 hmuh leh niin Serchhip District-a hri kai mi pahnih te chu ZMC lama enkawl tura thawn an ni thung.

Hri danna pek zel a ni

Nimin khan Serchhip District-ah COVID-19 hri danna pek chhunzawm leh niin Frontline Worker mi 266 te hnenah Dose 2-na pek leh a ni.

Training kharna nei

Mizo thalai tam zawk Assam Rifles-a an luh theihna tura Serchhip-a awm 8th Assam Rifles ten Pre-Recruitment Training an buatsaih chu nizan hmasa khan a kharna neih a ni a, Pre-Recruitment Training hi kumin January 20 atangin neih tan niin kumin May thla a Sipai la runpui neih turah Serchhip thalai te Sipai an tan theihna tura hmalakna kawng khat niin mipa 49 leh hmeichhia 31 ten an hming an pelut a, amaherawh chu he Sipai lakna neih tur hi hri leng avanga sawn hlat a nih tak avangin training pawh hi a hun hmain khar a ni ta a ni. Nizan hmasa a Pre-Recruitment Training kharna hun hi Assam Rifles Commandant, Col. J. Mutum SM chuan a hmanpui a ni.

Tui pump-ah harsatna thleng

PHE Department in Serchhip khawpui, Bazar lam area chawmna atana IOC Veng-a Booster Pump an dah a Electric Transformer-ah harsatna a awm avangin Booster Pump atanga Electric khawl hmanga Tui an pump-na ah harsatna a thleng mek a, tunah hian PHE Department hotute nen siam-that hna thawh mek niin siamthat hun tur erawh sawilawk theih a ni lo thung. Hemi hmalam hian helai hmuna Diesel Engine hmanga Tui an pump-na chu alo chhe tawh bawk a, mipuite chu Tui renchem tura ngen an ni bawk.

Khuahkhirhna zawm tha

Mizoram sawrkar in COVID-19 hri hluar mek vanga mipui kaihhruaina thar a tihchhuah chuan Serchhip-ah pawh zawm a hlawh tha tan viau a, nimin lamah mipui vakchhuak an tlemin sumdawnna hmun tam tak khar a ni bawk.

Chanchin thar thenkhat :

SVEEP Quiz Competition

Awmhmun atanga Doctor rawn theihna ruahman

COVID-19 hrileng kara mipui him zawkna turin leh awlsam zawk nan Mizoram sawrkar chuan mipuite'n mahni In lum atanga awlsam taka Doctor an râwn theih nan e-Sanjeevani OPD Telemedicine a chhawpchhuak a. Mobile Phone/Laptop/Personal Computer hmangin April 21, 2021 (Nilaini) atang hian nitin dar 2:00 pm - 4:00 pm chhungin, Inrinni leh Pathianni tiam lovin Medicine, Surgery, Obs & Gynae, Paediatrics leh Oncology OPD hawngin rawn theih an ni.

Ni khat-ah hri kai 90 zet hmuh belh leh an ni

Niminpiah khan Mizoram-ah Sample 2605 enfiah leh niin COVID-19 hri kai mi 90 hmuh leh an ni a, Mizoram-a hri kai enkawllai chu mi 500 aiin an tam leh tawh.

Hri vanga nunna chan awm CM in pawi a ti

Chief Minister, Zoramthanga chuan COVID hripui avanga nunna chan an awm chu pawi an ti takzet tih a sawi.

ASF vangin Mizoram-ah Vawk 1119 a thi tawh

Vawk pul hri, African Swine Fever (ASF) avangin State chhungah Vawk 1119 a thi tawh niin AH&Vety Department chuan a chhinchhiah a, Report-in a tarlan danin African Swine Fever lenna huamchhung ni lo ah a thih chhan hriat loh Vawk thi an awm a, heng Vawk thi te hi khaw hrang hranga mi niin Chawngte-ah 72, Durtlang-ah 10 leh Serchhip-ah 5, a vaiin 87 a ni.

ZNP atanga hnawhchhuah chungchang sawifiah

ZNP Party in an party atanga an hnawhchhuah tih an sawi an Party Vice President, H. Lalrinmawia chuan an Party Treasurer leh midang pathum te chu tun thla ni 19 khan an Party atanga hnawhchhuah an rel thu a sawi.

Academic Session thar-a School tan hun tur hriat theih ala ni lo - Education Minister

School Education Minister, Lalchhandama Ralte chuan hri leng avangin Academic Session thar tan hun tur hriat theih ala nih loh thu a sawi.

Hri kai enkawlna ah harsatna lutuk a awmlo

COVID-19 hri kai enkawl kawngah harsatna nasa lutuk an la tawk lo tih sawrkar thu-puangtu, Dr. Pachuau Lalmalsawma chuan a sawi.

COVID-19 hri kai pung chak vangin Mizoram-ah hri danna lak duh an pung nasa

Tunhnaia Mizoram chhungah COVID-19 hri kai pung nasa chuan COVID-19 hri danna (vaccine) lak duha inchuhna thlengin hri danna sem chhuaktute lu a ti hai hle nia thudawn a ni a, sawrkar laipui in ruahmanna a siam angin thla thar May thla atangin kum 18 chunglam te hnenah hri danna hi hi pekchhuah tum a ni.

Chanchin thar thenkhat :

ASF Epicentre-ah puang

Mizoram-ah ni khat-ah hri kai thar 91 an awm

Niminpiah khan Mizoram-ah Sample 2038 enfiah niin COVID-19 hri kai mi mi 91 zet hmuhchhuah an ni a, kumin chhunga ni khat-a hri kai hmuhchhuah an tam ber ni a ni.

Naupangte tana Buhfai tha chi sem dan tur sawiho

Nimin khan Supply Department Director, Ramdinliani hovin Mamit District chhunga ‘Fortified Rice Scheme’ kalpui dan tur sawihona neih a ni.

Mizoram-a lut tur tan Screening Point siam belh tum

Serlui bialtu MLA, Lalrinsanga Ralte chuan nimin khan Vairengte-a Screening Point chu tlawhin COVID-19 thawh hnihna lo thleng leh-a Vairengte Screening Point-a duty te mamawh leh inbuatsaih dan te a enpui.

Tun thla ni 26 thleng atan hri leng vanga mipui inkaihhruaina siam thar a ni

Mizoram chhungah COVID-19 kai thar nasa taka an pun leh tak avangin nimin zing dar 4:00 atanga tun thla ni 26 (karleh Thawhtanni) zing dar 4:00 thleng atan mipui punkhawm leh chetvel chungchangah inkaihhruaina thar siam a ni a, AMC Area leh District khawpui-ah te chuan mahni In leh Compound te chhuahsan khap a ni.

DC in VLTF te lehkha thawn

Serchhip District Bawrhsap leh District Level Task Force on COVID-19 Chairman, Kumar Abhishek chuan Serchhip District-a VLTF te hnenah lehkha thawnin COVID-19 dona kawnga an inpekna ropui tak avangin lawmthu a hrilh a. Mizoram-ah COVID-19 lo hluar lehin Serchhip District-ah ngei pawh hri vei an awm leh tak avangin khawtlang, VLTF leh sawrkar in tang-ruala hri do beihpui an thlak leh a ngai dawn tih a tarlang a. Mizoram sawrkar in ruahmanna a siam hrang hrangte mipuite himna tura an Veng leh khua-a lo kalpui turin a sawm bawk.

Kaihhruaina zawmlo tam

Mizoram sawrkar in COVID-19 hri leng vanga mipui kaihhruaina thar, nimin zing dar 4:00 atanga hman tur a tihchhuah chuan nimin lamah Serchhip mipui zawm a hlawh lutuk lo niin a lang a. ‘Tumahin mahni In leh compound an chhuahsan tur a ni lo tih’ a nih laiin phalna nei zinga tarlan ni lo khawlai-a chhuak an tam viau a, Bazar leh hmun lunlai-ah te pawh hmai tuamna hmang lova chhuak hmuh tur an awm nual tho a ni. Inkaihhruaina thar ah ‘Hmunkhata mipui pungkhawm tur ven nan Bazarpui-a thlai leh thildang zawrh chu khap a ni’ tih a ni chungin Serchhip Bazar-ah erawh dan pangngaiin thlai leh chawhmeh dang te zawrh chhunzawm a ni bawk.

Hri kai mi 3 hmuh belh leh

Niminpiah-a Chhingchhip-a Sample enfiah atangin COVID-19 hri kai mi pathum hmuh an ni a, Serchhip District-ah COVID-19 hri kai enkawllai mi 13 an awm mek a ni.

Serchhip-ah Bawrhsap hovin hri leng dona kawnga hmalak dan tur sawihona neih a ni

Mizoram sawrkar in COVID-19 hri leng avanga inkhuahkhirhna dan thar a siam bawhzui dan tur chungchangah nimin tlai khan Serchhip khaw chhunga VC hrang hrang aiawhte leh District thuneitute chu an thukhawm.

Sample 61 enfiah leh a ni

Nimin khan Serchhip-ah Rapid Antigen Test hmangin Sample 56 enfiah niin hri kai an awm lova, TrueNat Laboratory-a Sample 5 enfiah te atangin hri kai hmuh an awmlo bawk.

Mizoram-ah hri kai 45 hmuh belh leh an ni

Pathianni khan Mizoram-ah Sample 607 enfiah niin COVID-19 hri kai mi 45 zet hmuhchhuah an ni.

Chanchin thar thenkhat :

Work Plan & Budget sawiho

Speaker Meeting-ah Lalrinliana Sailo a tel

Lok Sabha Speaker, Om Birla chuan nimin tlai khan India rama State leh Union Territory zawng zawnga Legislative Assembly leh Legislative Council Speaker leh Chairman te chu Video Conference kaltlangin Meeting a neihpui.

Cooperation Minister hnenah lawmthu sawina hlan

Mizoram State Cooperative Service Association chuan Cooperation Minister, C. Lalrinsanga chu MSCS a enkawl danah an lungawizia leh a laka an lawmzia lantir nan nimin khan thilpek an hlan.

MULCO-in kum dang aiin thil an hralh tlem

Mizoram Milk Producers’ Cooperative Union (MULCO) chuan COVID-19 hripui leng vangin an bawnghnute siamchhuah an hralh tlem a, kum 2020-21 khan bawnghnute litre 17,20,763 lakhawm in litre 14,88,061 an hralh.

Vawk hri lenna ah mithiam te thu zawm turin chah

Serchhip District AH & Vety Officer, Dr. R. Lalmakthanga chuan African Swine Fever (ASF) chu enkawlna mumal ala awm loh avangin Department lama mithiam ten tih tur an tih te zawm hram hram turin mipuite a ngen.

Serchhip in Medal 15 la

Mizoram Badminton Association (MBA) buatsaih, MBA Official & Inter District Team Championship 2021 khelh zawh takah Serchhip District Badminton Association atanga kal te chuan Medal 15 an la. MBA Official & Inter District Team Championship 2021 hi April 12-17 chhung khan Aizawl-ah khelh niin Team inelna Category 9 leh Open inelna Category 16-ah te inelna neih a ni a. Serchhip District Badminton Association atanga kal te hi Team inelna Category 5-ah leh Open inelna Category 13-ah telin Gold 5, Silver 4 leh Bronze 6 an la a, Serchhip atanga kal te Medal lak hi Junor Level-ah a ni tlangpui a ni.

Damdawi In hulhliap zar a ni

Serchhip Joint VC te hmalakna in Serchhip Damdawi In OPD-a inentir turte tan hulhliap zar hna thawh a ni.

Serchhip-ah COVID-19 invenna tura sawrkar ruahmanna tha taka kalpui dan tur sawiho a ni

Serchhip District Task Force Committee on COVID-19 chu nimin khan an Chairman Serchhip District Bawrhsap, Kumar Abhishek hova thukhawmin COVID-19 invenna tura sawrkar ruahman hrang hrangte tha taka kalpui a nih theih nana thil tul hrang hrangte an rel.

Serchhip District chhungah African Swine Fever vanga Vawk thi an awm tih finfiah a ni

Tunhnaia Serchhip District chhung Keitum khua a Vawk thi te Sample enfiah atangin Vawk hri hlauhawm, African Swine Fever (ASF) kai hmuhchhuah an awm.

Serchhip District-ah COVID-19 hri kai hmuh belh zel

Zirtawpni khan Serchhip District-ah COVID-19 hri kai mi 3 hmuh niin Inrinni khan hri pakhat hmuhchhuah a ni bawk.

Candidate 2 in Vote thlak

Inrinni kalta a Serchhip Bial Assembly bye-election neih zawh takah Candidate te zinga he bial-a Vote nei, BJP Candidate Lalhriatrenga Chhangte chuan New Serchhip-II Polling Station-ah Vote thlakin INC Candidate PC. Laltlansanga chuan Serchhip Hmar Veng Polling Station-ah Vote a thlak bawk.

Candidate hrang hrang ten tlin an inbeisei

Serchhip bial MLA bye-election neih zawh takah Ccandidate hrang hrangte chuan tlin an inrin thu an sawi a. Independent Candidate Ramhlun Eden-a erawh chuan Vote thlak kher a tulloh thu a sawi thung.

Chanchin thar thenkhat :

NHIDCL in Ambulance 4 hlan

Mizoram-ah hri kai pung zel

Zirtawpni khan Mizoram-ah COVID-19 hri kai mi 62 hmuhchhuah niin Inrinni khan hri kai mi 50 hmuhchhuah leh an ni bawk.

Mi 7495 te hri danna pe tawh

Inrinni thleng khan Serchhip District-ah mi 7495 te chu COVID-19 hri danna Dose 1-na pek ni tawhin mi 2640 te hnenah Dose 2-na pek an ni tawh a. Serchhip District-ah hian Health Workers mi 714 te hnenah Dose 1-na pe tawhin an zinga 708 te chu Dose 2-na pek an ni tawh a, Frontline Workers mi 2306 te hnenah Dose 1-na pein an zinga 1198 te chu Dose 2-na pek an ni tawh a, kum 45 chunglam mi 4475 te hnenah hri danna Dose 1-na pek ni tawhin an zinga 734 te chu Dose 2-na pek an ni tawh bawk a ni.

Serchhip Bial bye-election-ah Vote a tla tha

Image
Inrinni kalta-a Serchhip bial-a Assembly bye-election neih zawh takah mipui ten Vote an thlak tha hle a, Polling Station 19 awm zingah Buangpui Polling Station chu Vote tlak thatna ber a ni.

Inthlanna neih ah lawm

Serchhip District Bawrhsap, Kumar Abhi-shek chuan Mizoram tluka inthlanna felfai, thianghlim leh muanawm ala tawng ngailo tih a sawi.

Serchhip bial bye-election tluang taka neiin Vote nei zaa 83.8 ten Vote an thlak

26-Serchhip (ST) AC Bial ruak hnawhkhahna tura Bye-election neih ah Inrinni khan mipui ten tluang takin Vote an thlak zo ta a, he inthlanna atana hman Vote thlakna khawl te pawh Inrinni zan dar 11:30 vel khan Strong Room-ah dahluh fel niin he inthlanna ah hian Vote zaa 83.8 vel tlain Postal ballot te nen la pung hret tura ngaih a ni.

Chanchin thar thenkhat :

Lirthei chesual-ah nunna chan

COVID-19 hri kai 25 hmuh belh leh an ni

Niminpiah khan Mizoram-ah Sample 2481 enfiah leh niin heng atang hian COVID-19 hri kai mi 25 hmuhchhuah leh an ni a, an zinga mi 8 te chu hri kaina hriatloh te an ni.

Mizoram-ah African Swine Fever a leng tih pawm

National Institute of High Security Animal Diseases (NIHSAD), Bhopal in Mizoram-a Vawk hri leng mek chu African Swine Fever (ASF) a ni tih finfiah hnuah Sawrkar laipuiin a pawmpui ta.

Deputy Speaker in Puanthui zirna a hawng

Assembly Deputy Speaker leh Tuikum bialtu MLA, Er. Lalrinawma chuan nimin khan a bial chhunga Chhingchhip Mualpui leh Chhingchhip Venghlun-ah Puanthuina hmun a hawng.

ZORO hruaitu ten Chief Minister an kawm

ZORO hruaitute chuan nimin khan Chief Minister, Zoramthanga chu a Office-ah kawmin Myanmar ramin harsatna lian tak a tawh avanga kan unau, sahimna zawnga Mizoram lo lut te chhawmdawl dan tur chungchang an sawipui.

Screening Point-a test ti lo lirthei engmahin Mizoram an lut thei lovang - Health Minister

Health Minister Dr. R. Lalthangliana chuan, “Screening Point-a test ti lo lirthei engmah in Mizoram an lut thei lovang,” a ti.

Hri kai hmuh belh awmlo

Nimin khan Serchhip District-ah TrueNat Laboratory atangin Sample 22 enfiah a nih bakah Rapid Antigen Test hmangin Sample 4 enfiah a ni a, heng Sample enfiah atang hian COVID-19 hri kai hmuhchhuah awm lovin Serchhip District-ah hri kai mi 7 enkawl mek an ni.

Hri danna pek zui zel a ni

Zirtawpni tlai thleng khan Mizoram-ah mi 1,01,996 te hnenah COVID-19 Vaccine Dose 1-na pek ni tawhin mi 31,000 te hnenah Dose 2-na pek a ni tawh bawk.

Press Briefing nei leh

Serchhip bial-a Assembly bye-election neih tur puala a tum thumna atan nimin khan Returning Officer, Kumar Abhishek chuan Serchhip DC Meeting Hall-ah Press Briefing neiin Press mite hnenah an hmalakna leh ruahmanna hrang hrangte a hrilhfiah a, he hunah hian RO chuan inthlanna neih tur atan hian inbuatsaihna peihfel a nih tawh thu sawiin, COVID-19 hri kai, vote thlak duhte pawh an vote thlakna tur Polling Station-a vote thlak tur midang zawng zawng ten vote an thlak zawh hnuah ECI ruahman anga Vote thlak tir an nih dawn thu a sawi a, Vote thlak turte reng reng Thermal Scanner hmanga enfiah vek an nih dawn thu a sawi bawk.

Observer thar rawn thleng

Serchhip Bial Assembly bye-election neih tura General Observer thar atana ruat, Vishesh Garhpale IAS chuan nimin khan Serchhip DC Meeting Hall-ah Nodal Officer te kawmin inthlanna thinghlim leh felfai a awm theih nana an hmalakna hrang hrang te a sawipui.

Bye-election atan inbuatsaihna peihfel niin tukin dar 7:00 atangin Vote thlak a ni dawn

Serchhip Bial Assembly bye-election neih tur atan inbuatsaihna peihfel a ni tawh a, he inthlanna a Vote thlak buaipuitu tur, Polling Party te pawhin an duty-na tur hmun nimin tlai dar 4:30 khan thleng felin, Serchhip Bialtu MLA thlang tur hian Serchhip Bial chhunga Vote nei te chuan tukin dar 7:00 atangin Vote an thlak tan dawn a ni.

Chanchin thar thenkhat :

Minister hovin sawiho

Prime Minister in State Governor te hri leng a hmalak dan leh hmalak zel dan tur a sawipui

Prime Minister, Narendra Modi chuan COVID-19 hrileng dona kawng leh Hri danna kalpui mek chungchangah nizan hmasa khan State Governor te Video Conference kaltlanga kawmin an hmalakna kal mek leh hmalak zel dan tur te a sawipui.

Hri kai 37 zet hmuh leh niin mi 7 enkawl dam an ni

Niminpiah-a Mizoram-a sample enfiah 2317 te atangin COVID-19 hri kai mi 37 zet hmuh-chhuah leh an ni.

Health Minister hovin Mizoram-a COVID-19 dinhmun thlirhona neih a ni

Health Minister Dr. R. Lalthangliana hovin nimin khan SAD Conference Hall-ah Mizoram COVID-19 dinhmun thlirhona neih a ni a, Home Minister Lalchamliana leh sawrkar mi pawimawh dang te an tel a ni.

Sawrkar in chawlh ah puang

Serchhip Assembly Constituency Bye-Election neih turah bial chhunga Vote nei zawng zawng ten vote an thlak theih na turin Sawrkar chuan Vote thlak ni (April 17, 2021) chu Section 25 of the Negotiable Instruments Acts 1881 leh Section 135B of the RP Act, 1951 hmangin chawlh (Paid holiday) atan a puang a. Sumdawnna hmuna hnathawk zawng zawng te - mimal leh company hnuaia thawk te tan an nikhat hlawh tur ang hloh chuang si lovin vote an thlak theih nan chawlh pek an ni.

Silence Period hman tur

Serchhip District Election Officer chuan hriattirna tichhuakin 26-Serchhip (ST) AC Bye-Election neih turah, vote thlak hun darkar tawp atanga chhut leta darkar 48 huamchhung chu Ngawih Hun (Silence Period)-a hman tur a ni tih a tarlang a, hemi hun chhung hian tumah in Electronic Media (Social Media tiamin) hmangin Party emaw, Candidate emaw fakmawina emaw lam chi hrim hrim an thehdarh tur a ni lo tih a tarlang tel bawk.

Nodal Officer Meeting neihpui

Niminpiah khan 26-Serchhip (ST) Assembly Constituency Bye-Election Nodal Officers te chu Returning Officer, Kumar Abhishek IAS, District Election Officer hovin DC Chamber-ah an thukhawm a, he hunah hian vote thlak ni atana inbuatsaihna hrang hrangte an thlirho niin District Bawrhsap chuan he thutkhawm hi inthlanna neih hmaa Nodal Officer Meeting hnuhnung ber tur a nih thu a sawi a ni.

Polling Party te inpeihfel

Serchhip Bial bye-election neih tur atana inthlanna buaipuitu turte tana training hnuhnung ber chu nimin khan neih niin Vawiin-ah Polling Party te hian an duty-na tur an pan ang.

Serchhip dai-ah lirthei chesual-in ralthuam man

Nizan hmasa zanlai pelh hnu vel khan Ser-chhip leh Thenzawl inkar-ah Bolero pakhat a chesual a, mi pakhat in nunna chanin Bolero-ah hian ralthuam engemaw zat man a ni bawk.

Hri kai hmuh belh zel an ni

Niminpiah khan Serchhip District-ah COVID-19 hri kai mi pakhat hmuhchhuah niin nimin khan hri kai mi pathum hmuh belh leh an ni bawk.

Bye-election atana Campaign hun tawpin Candidate leh Party ten am takin hun an hmang

Tunkar Inrinni-a Serchhip bial Assembly bye-election neih tur atana Campaign theih hun chu nimin tlai dar 6:00 khan a tawp ta a, Serchhip bial Assembly bye-election neih tur atana Campaign theih hun a tawp hma hun tlemte an neih chu nimin khan Party hrang hrang leh Candidate ten am taka hmangin hun an hmang a ni.

Motor insu ah nunna chan

Nizan dar 7:00 vel khan Serchhip-a Medical Compound, Tuizemdumkawn-ah Car (Alto) leh Bike pakhat insu in mi pakhat in nunna a chan.

Campaign hun tawp dawn

Tun thla ni 17-a Serchhip Bial Assembly bye-election nei tur atana Campaign theih hun chu Vawiin tlai dar 6:00 hian a tawp dawn ta a, inthlanna atana Campaign theih hun hi Vote thlak hun tawp atanga chhiarlet-a darkar 48 ah tawp thin niin hemi hnu hi chuan kawng hrang hrangin campaign theih a ni tawh dawnlo a ni. Hemi rual hian Serchhip Assembly bial huamchhunga campaign tura lut, Serchhip Assembly Constituency-a vote nei si lo te pawh Vawiin tlai dar 6:00 hnulamah chuan chamzui phal ni tawh lovin bial chhung an chhuahsan ngei ngei tur a ni bawk.

BJP te Thenzawl-ah Campaign

BJP Mizoram Pradesh chuan Serchhip bial bye-election neih tur atan nimin khan Thenzawl Joint YMA Hall-ah Campaign an nei a, he hun rawn hmanpuitu DoNER Minister, Jitendra Singh chuan Serchhip Bial hmasawnna tur atan BJP Official Candidate hi kan Vote ngei ngei a ngai tih sawiin, India hmarchhakah BJP Sawrkarna hnuaiah hmasawnna tam tak a awm a, chuvangin Mizoram mipui nuai 10 chuang awrh awmna hi Development nasa takin kan thlen tir dawn a ni, a ti.

Chanchin thar thenkhat :

Hmalak dan tur sawiho

Mizoram-ah COVID-19 hri kai 30 hmuh belh leh

Niminpiah khan Mizoram-ah Sample 1890 enfiah leh niin heng atang hian COVID-19 hri kai mi 30 zet hmuhchhuah leh an ni a, State pawn atanga rawn lut bakah tualchhung-a hri inkaichhawng an awm leh nual a ni.

‘Peace Bonus’ leh ‘Paragliding Site’ sawifiah

MNF Party Adviser, Robert Romawia Royte chuan nimin khan Aizawl Club-ah thuthar thehdarhtute kawmin ‘Peace Bonus’ leh Serchhip a ‘Paragliding Site’ chungchang a sawifiah.

RAgT-ah hri kai pakhat hmu

Niminpiah khan Serchhip District-a Then-zawl khua ah Rapid Antigen Test hmangin CO-VID-19 hri kai mi pakhat hmuhchhuah a ni a, hri kai hmuhchhuah hi mipa kum 65 mi niin tun-hnaia Tripura atanga rawn haw a ni. Nimin khan Serchhip District-ah Rapid Antigen Test hmangin Sample 46 enfiah niin hri kai hmuh-chhuah an awm lova, TrueNat Laboratory-ah Sample enfiah awm bawkin nizan lam khan result hriat theih beisei a ni bawk.

Rajya Sabha MP in Serchhip Press Club a tlawh

Mizoram Rajya Sabha MP, K. Vanlalvena chuan nimin khan Serchhip Press Club tlawhin MJA Serchhip District Member te nen inkawmna an nei.

Bial pawn mi nge kan thlan dawn Bial chhung mi tiin ngaihtuahna kan hman a ngai - Lal Thanzara

MPCC Campaign Committee Chairman, Lal Thanzara chuan Serchhip Bial Assembly bye-election neih turah, “Bial pawn mi nge kan thlan dawn Bial chhung mi tiin ngaihtuahna kan hman a ngai a ni,” a ti a. INC Candidate, PC. Laltlansanga pawhin Ruling MLA bial pawh ni ila hmachhuan viau tur a awm vak a rin loh thu a sawi.

K. Sapdanga’n Lalduhoma hmabak thawh chhunzawm phalsak turin Bial mipui khawngaih a dil

ZPM President mawhphurhna la mektu K. Sapdanga chuan kum 5 chhung atana Serchhip bialtu MLA atana thlantlin tawh Lalduhoma chu a hmabak laklawh tak takte thawh chhunzawm phalsak turin Serchhip bial mipuite khawngaihna a dil.

Lalruatkima’n MNF Candidate Vanlalzawma vote turin Serchhip bial mipuite a sawm

MNF Party General Hqrs. a Adviser, Lalruatkima chuan Serchhip bial-a hmasawnna hna thawh mek te chak zawka thawk chhunzawm zela, hmalakna tur hmachhawp tam tak awmte hlen chhuak turin MNF Candidate, Vanlalzawma Vote theuh turin Serchhip Bial mipuite a sawm.

DoNER Minister in Serchhip bial a rawn tlawh

Development of North Eastern Region (DoNER) Minister, Jitendra Singh  chuan zankhat riak turin nimin khan Serchhip a rawn thleng a, Serchhip bial-a BJP Candidate, Lalhriatrenga Chhangte tan a rawn Campaign a ni.

Hri kai pakhat hmuh belh

Nimin khan Serchhip-ah COVID-19 hri kai mi pakhat hmuh belh leh niin Serchhip District-ah hri kai enkawllai mi pahnih an awm ta a ni.

Vote thlak pawimawh zia inzirtirna atan Serchhip-ah SVEEP Marathon neih a ni

Image
Vote thlak a pawimawh zia inzirtirna kawng pakhat atana buatsaih, Systematic Voter's Education and Electoral Participation (SVEEP) Marathon chu nimin zing khan Serchhip DC Office Tual atanga neih niin District Election Officer, Kumar Abhishek IAS chuan a vailiam a ni.

Chanchin thar thenkhat :

MP (RS) in raltlan te tlawh

Mizoram-ah COVID-19 hri kai 36 hmuh leh a ni

Niminpiah khan Mizoram-ah Sample 1660 enfiah niin COVID-19 hri kai mi 36 zet hmuhchhuah leh an ni a, hri kai hmuhchhuah zingah hian hri kaina hriatloh an awm nual bawk.

Serchhip Bial chhung-a khaw 4 te tlawh

Serchhip Bial-a Assembly bye-election neih tur atan MNF Adviser, Dr. R. Lalthangliana chuan Campaign neiin Serchhip Bial chhung khaw pali, Serchhip, Thenzawl, Buangpui leh Neihloh khua te a tlawh a, heng khaw hrang hrangah te hian mipui hmaah thu sawiin, anni chuan thil tih tur intiam vak vak an ti ve ngailo tih sawiin, “Hetia kan lokal hian in duhzawngte kan hriat belh zel a, MNF Official Candidate Pu Vanlalzawma hi in lo thlantlin phawt chuan kan tih theih ang leh tih tur pawimawh awm ang angte chu kan rawn ti mai dawn a ni,” a ti.

FOCUS Project Review Meeting neih a ni

Mizoram-a FOCUS Project kalpui dan thlirletna chu nimin khan Agriculture Minister, C. Lalrinsanga hovin a Pisa-ah neih a ni a, he hun hi Agriculture Development Board Vice Chairman, H. Biakzaua MLA pawhin a telpui a ni.

MSFC Member ten Supply Minister an kawm

Mizoram State Food Commission (MSFC) Member-te chuan an Chairman thar, HL. Rochungnunga hovin nimin khan Supply Minister, K. Lalrinliana chu a Pisa-ah an kawm.

Mizoram-ah Vawk 671 a thi tawh; Sample thawn atangin ASF hrik hmuh a ni

Nimin thleng khan Mizoram hmun hrang hrangah Vawk pul hri vangin Vawk 671 an thi tawh nia chhinchhiah a ni a, heng Vawk thi te hian African Swine Fever (ASF) hri an kai tih hmuh a nih tawh avangin nimin khan AH&Vety Minister Dr. K. Beichhua hovin, African Swine Fever chungchanga hmalak dan tur ngaihtuah a ni.

ZPM Campaign Office hawng

Serchhip Bial Assembly bye-election neih tur atan ZPM chuan niminpiah khan Serchhip Bazar-ah Campaign Office hawnna leh Pathian hnena hlanna hun an buatsaih a, Serchhip Bye-Election ZPM Campaign Committee-a Convener, F. Rodingliana chuan Campaign Office hi hawngin Capt. Lalhruaitluanga chuan Pathian hnena hlanna a nei a ni. Serchhip-ah hian Party pali te chuan tun tum inthlan ah Campaign Office hi an hawng a ni.

Kawng khar rih a ni

Serchhip Dinthar Veng atanga Chhim Veng panna kawng chu siamthat hna thawh a nih avangin tun thla ni 18 thleng atan lirthei tan tlan phalloh a khar rih a ni.

Vawk thi awm belh rihlo

Tunhnaiah Serchhip-ah chhan hriatloh-a Vawk thi a awm belh hriat a ni lova, AH & Vety Department hotute chuan hri laka kan ranvulh te a him theihna turin sawrkar thupek te tha taka kan zawm a tul thu an sawi.

Hri kai hmuh belh awmlo

Nimin khan Serchhip-ah Rapid Antigen Test hmanga Sample 9 enfiah niin TrueNat Laboratory-ah Sample 30 enfiah a ni bawk a, heng Sample enfiah atang hian COVID-19 hri kai hmuh an awmlo. Kar hmasa lama Serchhip Chhim Veng a hri kai hmuhchhuah in a lo kawm hnaih mi 9 te Sample pawh nimin vek khan la a ni a, nimin khan TrueNat Laboratory-ah en hman tur beisei niin Vawiin lamah result pawh hriat theih beisei a ni.

Chanchin thar thenkhat :

Ni 4 chhung awh tur nei tan

Health Minister in Health Deptt. hotute a kawm

Health Minister Dr. R. Lalthangliana chuan nimin khan Health Department Officers te thutkhawm neihpuiin Mizorama COVID-19 hri lo pung thar leh thut chungchanga hmalak dan tur hrang hrang an sawiho.

Mizoram-ah hri kai 7 hmuh belh; nunna chan 1 awm

Pathianni khan Mizoram-ah Sample 520 enfiah niin heng atang hian COVID-19 hri kai mi 7 hmuhchhuah leh an ni a, hetihlai hian hri kai hmuhchhuah zingah Pathianni zan khan nunna chan an awm belh leh thung.

ZPM Party in MNF Video Advertisement chu MCC bawhchhiatna ni ngeia an hriat thu an sawi

Tunhnaia MNF Party-in Serchhip Bye-Election atana Video Advertisement an siam pakhat a an thu tarlan te chu ZPM chuan Model Code of Conduct (MCC) bawhchhiatna a nih thu sawiin, MNF Party in an thehdarh zui zel a nih chuan a tul anga hma an lak zui tur thu an sawi.

MNF in an Candidate tling turin an duhlo emaw tih mai tur a ni - Zodintluanga

Mizoram Pradesh Congress Committee (MPCC) hruaitute chuan Serchhip bial bye-election nei turah MNF Candidate, Vanlalzawma chu an Party chuan tling tak tak se an duhlo em ni tih tur a nih thu nimin khan thuthar thehdarhtute hmaah a sawi.

Serchhip Bial hmasawnna atan ka thawk chhunzawm zel ang - Lalhriatrenga Chhangte

Serchhip bial Assembly bye-election neih tura BJP Candidate, Lalhriatrenga Chhangte chuan Serchhip bial in hma a sawn theihna tura amah Vote tura Serchhip bial mipuite sawmin, Serchhip bial hmasawnna atan hna a thawh chhunzawm zel tur thu a sawi.

Ni 2 chhungin hri kai 54 zet hmuhchhuah leh an ni

Mizoram-ah COVID-19 hri kai hmuhchhuah an pung zel a, ni 2 chhung chauhin hri kai mi 54 zet hmuhchhuah an ni.

SOC in thilpek an hlan

Serchhip Officers' Club (SOC) te chuan tunhnaia Serchhip Dinthar Veng-a chenna In kang tuartu chhungkaw pali te chu nimin khan tlawhin an member te sum thawhkhawm a\angin  Rs. 10,000/- theuh an hlan a, he hunah hian SOC member te an tel a ni.

Chanchin thar thenkhat :

Armed Veng-ah Vawk 25 thi

Mipui kaihhruaina siam thar a ni

Mizoram-ah COVID-19 hri kai hmuhchhuah an pun leh tak deuh avangin Mizoram sawrkar chuan mipui khawsak phung kaihhruaina Dan a siam thar a, zan lama inkhawm leh inkhawmna a zai reng reng phal a ni rihlo ang.

COVID-19 thawhkhatna kan do hneh chhan kan tanrual vang a ni - Health Minister

Health Minister Dr. R. Lalthangliana chuan hlawhtling taka COVID-19 thawhkhatna kan do hneh chhan chu mi zawng zawng kan tanrual vang a ni tih sawiin, “A thawhhnihna min rawn run tan mek nia lang hi do hlawhtling leh tur chuan a hma anga kan zavaia thuawihna nena kan tanrual leh a ngai dawn a ni,” a ti

Sample enfiah mek zel a ni

Inrinni khan Serchhip District-ah Rapid Antigen Test hmangin Sample 5 enfiah niin hri kai hmuhchhuah an awmlo a, Inrinni vek khan tunhnaia State pawn atanga Police rawn haw, PTS Thenzawl-a inkhunghrang mek te Sample chu lak niin TrueNat Laboratory-ah nizan thleng khan enfiah a ni a, Sample lak zat hi 175 zet niin Vawiin lam hian result kimchang hriat theih beisei a ni. Tunhnaia hri kai hmuhchhuah in a kawmhnaih te Sample pawh Vawiin hian lak a ni bawk ang.

Khapna thupek tichhuak

Mizoram sawrkar in COVID-19 hri leng avanga mipui kaihhruaina thar a siam hnuah Ser-chhip District Magistrate, Kumar Abhishek IAS chuan Section 144 of Cr.PC 1973 in thuneihna a pek angin District Hqrs. chhungah zan dar 8:30 leh zing dar 4:00 inkarah pawn chhuah khap tlat a nih thu leh District Hqrs. a Dawr, Hotel, Restaurant leh sumdawnna hmun dang te chu zan Curfew tan hun bawhbuai lova khar tur a nih thu a tarlang a. He thupek hian thupek hmasa lo awm tawh chu luahlanin thuleh a awm hma chu chhuah a nih, April 10, 2021 atanga thla hnih (2) chhung huam tur a ni. He thupek hian phalna pek bik te chu a huam dawnlo a ni.

Puithiam atan nemnghet

Serchhip P&E Veng ami Rev. Fr. James Lalruattluanga chu Inrinni khan Puithiam (Deacon) atan nemngheh a ni a, Mizo zinga Catholic Puithiam 37-na a ni.

Political Education Campaign

Mizoram Synod Social Front bultumin nimin Pathianni khan Serchhip bial-a Presbyterian Kohhran Biak In hrang hrangah Political Education Campaign neih a ni a, Synod atanga rawn kal mithiam ten thu sawina hun an hmang a ni.

Meizu mi 4 man leh an ni

Serchhip District Anti-Tobacco Squad te chuan Inrinni zing khan Serchhip Bazar leh a chhehvel bakah damdawi In-ah te Squad Drive neiin Dan bawhchhia-a puipunna hmun mei zu an awm leh awmloh an enfiah a, hetah hian Dan bawhchhia-a puipunna hmuna mei zu mi 4 manin Dan in a phut angin pawisa chawitir nghal an ni.

Warning pe turin ZPM in ti

ZPM Serchhip Block Committee chuan MNF Candidate, Vanlalzawma chu thu belhchian dawllo hmanga vote zawng tawhlo tura warning pe turin thuneitute hnenah an thlen tih an sawi.

Bye-election neih tur pualin Thenzawl-ah MPF in Joint Platform an buatsaih

Serchhip Bial-a Assembly bye-election neih tura inbuatsaihna kal zelah Inrinni khan Mizoram Peoples Forum (MPF) Thenzawl Joint Local Forum buatsaihin ‘MPF Joint Platform’ neih a ni.

Serchhip-ah Police ten Zu thahnem tak an man

Tuikhurhlu atanga Hnahthial-a lak tur nia sawi Rakzu litre 560 zet chu Inrinni zing khan Serchhip Police ten manin hemi kaihhnawih ah hian mi pahnih leh a phurhna motor pawh man nghal a ni.

Chanchin thar thenkhat :

 Lungsen-ah Vawk 320 thi tawh Lunglei District chhung Lungsen khua-a Vawk hri leng mek a hmunah a enfiah hnuah AH & Vety Minister, Dr. K. Beichhua chuan nimin khan Lunglei DC Conference Hall-ah sawrkar mi pawimawh te hri a darh zau zel lohna tura hmalak dan tur a sawipui a. He hunah hian Tlabung Veterinary Officer, Dr. George Martin Lalruat-tluanga chuan nimin chawhnu dar 1:00 thlenga Lungsen-a Vawk thi tawh zat chu a vaiin 320 a nih thu sawiin, darkar 24 chhungin Vawk 44 a thi tih a sawi. Chief Veterinary Officer Tlabung Dr. K. Lalhlimpuii chuan The Prevention & Control of Infectious and Contagious Diseases in Animals Act, 2009 Section 20 behchhanin Lungsen khaw pumpui chu April ni 1 (Ningani) atanga thu leh awm hma chu Vawk hri lenna hmun (Infected Area) ah a puang tawh a ni. Kolasib DC in tlawh Kolasib District Bawrhsap, Dr. H. Lalthlang-liana chuan nimin khan Vairengte leh Saihapui V-a BSF duty-na hmun thawmthat mek leh Screening Point a tlawh a, Vairengte CHC leh Polic

Ni khat-ah COVID-19 hri kai 36 zet hmuh an ni

Niminpiah khan Mizoram-ah Sample 1388 enfiah niin hri kai mi 36 zet hmuhchhuah leh an ni a, nikum Nov. 23-a hri kai mi 50 hmuhchhuah hnua nikhat-a hri kai hmuhchhuah an tam ber tum a ni.

Chief Minister hovin Airport-ah hnathawh en

Nimin zing khan Chief Minister, Zoramthanga hovin Aviation Committee chuan Lengpui Airport leh a chhehvela hmalakna hrang hrangte a hmunah an enfiah a. Hei hi March ni 31, 2021 Meeting-a Site Visit hna nei tura an lo rel tawh bawhzuina a ni.

A hma ami aia hlauhawm zawkah ngai

Health Minister Dr. R. Lalthangliana chuan tuna Covid-19 hri leng rawn thawk leh meka hi mithiam ten a hma ami aia hlauhawm zawkah an ngai tih sawiin, a veitu tam tak te pawh ICU-ah awm rei hman lovin an thi deuh nual tawh nia a lan thu a sawi.

Common Platform nei dawn

Tun thla ni 17-a Serchhip bial Assembly bye-election neih tur atana inbuatsaihna kal zelah Vawiin chawhnu hian MPF buatsaihin Thenzawl-ah Common Platform buatsaih a ni leh dawn a, Candidate mi 6 te atangin mi 5 te an tel thei dawn nia thudawn a ni.

Sample 3 enfiah leh a ni

Nimin khan Serchhip District-ah Rapid An-tigen Test hmangin Sample 3 enfiah niin COVID-19 hri kai hmuhchhuah an awmlo.

Campaign nei ngawrh mek

Serchhip Bial Assembly bye-election neih tur atan Political Party leh Candidate ten ngawrh takin Campaign an kalpui mek a. He inthlanna chuh tur zingah BJP, INC, MNF leh ZPM te chuan Serchhip Bazar-ah Campaign Office neiin Serchhip khaw mi bakah khaw hrang hrang mi Campaign tura rawn lut pawh an awm nual a ni.

KTP ten thisen Unit 21 pe

Hriangtlang Branch KTP te chuan Serchhip Pastor Bial KTP Conference thurel bawhzuiin nimin khan Serchhip Blood Bank-a dah turin thisen Unit 21 an pe a, thisen petute hi mipa 12 leh hmeichhia 9 an ni. Heng mi tlawmngai te thisen la tur hian Serchhip Blood Bank-a thawk te an kal a ni.

Chhungkaw 7 inkhunghrang

Serchhip Chhim Veng-a khawsa COVID-19 hri kai hmuhchhuah a nih avangin Serchhip Chhim Veng huamchhungah chhungkaw 7 te chu In lamah an inkhunghrang mek.

MPC Candidate in thuthar thehdarhtute kawmin hmalak a tumna hrang hrangte a sawi

Serchhip bial Assembly bye-election neih tura MPC Candidate, Vanlalruata chuan nimin khan Serchhip-ah thuthar thehdarhtute kawmin MLA nih chu a chak thu leh a duh thu sawiin, MLA atan thlantlin a nih hnua hmalak a tumna thenkhat a sawi.

Postal Ballot hmangin Vote thlak tan a ni

Serchhip bial Assembly bye-election neih tur atan nimin atang khan kum upa leh PwDs te chuan Postal Ballot hmangin Vote an thlak tan a, ni 3 chhung Vote thlakna hun hi buatsaih a ni ang.

Serchhip District-ah Vawk 13 a thi tawh; Hmalak zel dan tur sawihona neih a ni

Mizoram hmun thenkhat-a Vawk natna hri a len mek laiin Serchhip District-a Vawk thi pawh 13 an tling tawh a, District Level Co-Ordination Committee on African Swine Fever and Other Transboundary Animal Diseases chu nimin khan thukhawmin Vawk hri leng chungchanga hmalak dan tur hrang hrang an sawiho bawk.

Thenzawl-ah BJP Candidate

Serchhip bial-a BJP Candidate, Lalhriatrenga Chhangte chuan Thenzawl-ah Campaign neiin a chamchilh mek a, Mizo Kristian BJP MLA neih chu Mizoram Sawrkar tan a hlawkthlak ber dawn tih sawiin, ram leh hnam, sawrkar tan BJP MLA nihna anga hmasawnna tam tak a haichhuah theih tur thu leh haichhuah tur a awm thu a sawi a, mipuite chu amah Vote theuh turin a sawm bawk.

Raltlan chhawmdawl rel

Niminpiah-a Serchhip Sub-Hqrs. YMA SEC thukhawm chuan Myanmar atanga raltlan te chhawmdawl dan tur chungchang sawiho in Sub-Hqrs YMA hnuaia Branch YMA zawng zawngte chu mahni Branch huamchhunga raltlan te an theih ang anga lo chhawmdawl zel nise, Central YMA in Report Form a siam sa hmangin chhinchhiah zel nise an ti bawk.

SDA Pastor inthlak

Seventh-day Adventist Kohhran-a Serchhip bialtu Pastor, Jonathan Lalthansanga chu Thenzawl bial-ah sawn niin a aiawh tura ruat, Pastor Challiandinga chuan a hna a rawn zawm tawh a, ani hi Lawngtlai atanga rawn awm a ni.

Inthlan buaipuitu ten training tum hnihna an nei

Serchhip bial Assembly bye-election neih tur atana inthlanna buaipuitu tur, Polling Official te tana Training tum hnihna chu nimin khan neih leh a ni.

Serchhip District 2-na

Mizoram Inter-District Boxing Championship vawi 17-na chu nimin khan MIZBA Boxing Hall, Ramhlun Sports Complex, Aizawl-ah zawhfel niin Serchhip District atanga kal ten Gold 9 leh Bronze 5 lain a pumpui-ah pahnihna an ni.

Mi 18,995 in hri danna la zo

Mizoram-ah COVID-19 Vaccine lak tur la zo tawh mi 18,995 awm tawhin hri danna pek hna hi tluang taka kalpui chhunzawm zel a ni.

Ni 76 hnuah hri kai hmuhchhuah leh a ni

Nimin khan Serchhip-ah COVID-19 hri kai mi pakhat hmuhchhuah leh niin ni 76 hnuah Serchhip District-ah hri kai hmuhchhuah an awm lehna hmasa ber a ni.

PC. Laltlansanga’n thlantlin a nih chuan mirethei tan MLA Fund chawihniam a nih tur thu a sawi

Serchhip Bial Assembly bye-election neih tura Indian National Congresss (INC) Candidate, PC. Laltlansanga chuan MLA atana thlantlin a nih chuan mirethei leh harsa zawk te banphak turin MLA Fund chawihniam a nih tur thu a sawi.

Chanchin thar thenkhat :

ICT Minister in Computer sem

Ni khat-ah COVID-19 hri kai 14 hmuhchhuah an ni

Niminpiah khan Mizoram-ah COVID-19 hri kai mi 14 zet hmuh belh leh an ni a, a tam zawk erawh State pawn atanga Mizoram-a rawn lut tur an ni.

DoNER Ministry Parliamentary Consultative Committee-ah Mizoram mamawh hrang hrang thlen

DoNER Ministry Parliamentary Consultative Committee thutkhawm chu nimin khan New Delhi-ah neih a ni a, he hunah hian Mizoram Lok Sabha MP, C. Lalrosanga chuan Mizoram mamawh hrang hrangte thlenin, hmarchhak bial tana Ministry hrang hrang sum ruahman hman tangkai a tul thu a sawi bawk.

Chanchin thar thenkhat

A&C Minister in hawng

Serchhip Bye-Election Candidate te bihchianna

Image
Serchhip Bye-Election Candidate te bihchianna - Laldinpuia

Hri leng mekah SOP thar siam leh a ni dawn

Nimin khan Health Minister, Dr. R. Lalthangliana hovin COVID-19 Second Wave lo thawk mek chungchang sawihona neih a ni.

MPC Candidate in tlawh

Serchhip bial Assembly bye-election neih tura MPC Candidate, Vanlalruata chuan nimin chawhma lam khan Neihloh khua tlawhin In tin lut lawrin a campaign a, hemi hnu hian Then-zawl tlawh lehin campaign a nei chhunzawm bawk a ni. Hetihlai hian PC Party hruaitu then-khat te chuan Serchhip khawchhung an thutchilh mek thung a ni.

MNF Candidate in tlawh

Serchhip bial-a MNF Candidate, Vanlalzawma chuan nimin khan Serchhip District Hospital tlawhin Serchhip CMO, Dr. Laldawngliana Sailo nen inkawmna an nei a, Serchhip Bial mipui ten MLA atana an thlantlin chuan District Hospital Serchhip building upa tawh tak, kum 1961-a lo din tawh chu tha zawk leh changtlung zawka thuam a nih theih nan hmalak a tum thu a sawi a ni.

Sum hman dan endik dawn

Serchhip bial Assembly bye-election neih tura Candidate te sum hman dan endikna hmasa ber chu Vawiin hian neih turin Expenditure Observer chuan a ruat a, Candidate te Expenditure Agents te leh Expenditure Monitoring Cell a thawktute leh mi pawimawh te telin April 12 leh 15-ah te endik leh tur a ni ang.

Bawrhsap in thuchhuah siam

Tun thla ni 14 atanga ni 20 chhung khian ‘Fire Service Week-2021’ chu hman a ni leh dawn a, kangmeiin chhiatna a thlen theih laka kan him theuh nan hemi denchhen hian Serchhip District Bawrhsap, Kumar Abhishek IAS chuan mihring chenna huamchhungah dan lo anga Gas, Petrol leh Diesel zawrh loh tur a ni tih thuchhuah siamin a tarlang a, he thu bawhchhiaa a zuar lui an awm a nih chuan an chungah dan anga action lak a nih tur thu a tarlang bawk.

Exit Poll khapna tichhuak

Serchhip District Election Officer chuan April 17-a Serchhip bial Assembly bye-election neih turah Vote thlak ni (Poll Day) a mipuite zawm tur hriattirna a tichhuak.

Pu Zawma vote turin ngen

MNF Vice President, Lalthlengliana chuan Serchhip bial mipuite chu MNF Official Candidate, Vanlalzawma thlangtling turin a ngen.

Tunhnai chho ah Serchhip District-ah chhan hriatchian lohin Vawk 11 a thi tawh

Tunhnaiah Serchhip District-ah chhan hriatloh in Vawk 11 zet an thi tawh a, hemi avang hian nimin khan Serchhip-ah ramri kaltlanga ran natna inkaichhawn theih hrang hrang laka inven dan tur chungchang inzirtirna neih a ni.

Bye-election-a hman tur EVM peihfel niin Postal Ballot buaipui tur ten Training an nei

Serchhip bial-a Assembly bye-election neih tur atana inbuatsaihna chu ngawrh taka kalpui mek zel niin Vote thlakna khawl, Electonic Voting Machine (EVM) hman turte pawh nimin khan tihfel a ni a. Postal Ballot-a Vote thlak turte tan nimin vek khan Training pawh neih nghal a ni bawk.

Chanchin thar thenkhat :

PWD EE hlui thiamlo chantir

Hri leng dona duty tura inpe, hri vanga nunna chan te Ex-Gratia pek remtih a ni

Chief Minister Zoramthanga hova Council of Minister te nimin a thukhawm chuan hri leng vanga Volunteer Duty, hri vanga nunna chan te Ex-Gratia Payment pek an remti.

Mizoram-ah hri kai 9 hmuh belh niin dam pakhat awm

Niminpiah khan Mizoram-ah Sample enfiah 735 atangin COVID-19 hri kai mi 9 zet hmuh belh leh an ni a, tun thla chhunga hri kai hmuhchhuah tam ber ni a ni.

GAD leh SAD chhunfin duhloh lantirna nei

Nimin khan Joint Action Committee On Amalgamation of GAD & SAD chuan GAD leh SAD chhunfin duhlohna an lantir.

Observer in thawktute kawm

Election Commission of India in Serchhip bial Assembly bye-election neih tura Expenditure Observer tura a ruat, Pankaj Upadhyay IDAS chuan nimin khan Expenditure Monitoring Cell a thawktute leh Political Party aiawhte a kawm.

HSSLC Exam neih tan a ni

Pawl 12 zirlaite tan nimin atang khan Mizoram pumah Higher Secondary School Leaving Certificate (HSSLC) Exam neih tan niin April 30 khian zawhfel a ni ang.

Serchhip damdawi In enfiah

National Health Mission (NHM) Programme hnuaia Damdawi In fai leh tha thlanna, Kaya-kalp kalpui mekah nimin khan Serchhip District Hospital dinhmun rawn enfiah a ni.

Serchhip bial-a bye-election neih tur pualin MPF ten Common Platform an buatsaih

April 17-a Serchhip bial Assembly bye-election neih tura Candidate te tan nimin khan Mizoram People Forum (MPF) Serchhip District chuan Common Platform an buatsaih a, he hunah hian Candidate 6 te telin mipuite hmaah thu an sawi a ni.

Mizoram siamtha tura rahbi hmasa ber chu Serchhip Bial-a bye-election hi a ni - ZPM Research Wing

ZPM Research Wing chuan Serchhip Bial chauh ni lo, Mizoram siamtha tura rahbi hmasa ber chu Serchhip Bial-a Assembly bye-election neih tur a ni tih sawiin, Serchhip Bial mipui remtihna ni lova paih tak MLA thlang nawn leh turin Serchhip Bial mipuite an ngen tih an sawi.

October - March chhungin MRP in ruihhlo man tam

Nikum October ni 1 atanga kumin March 31 thleng khan Mizoram Police te chuan ruihhlo cheng vbc. 22 chuang hu manin Mizoram Police leh Assam Rifles Joint Operation chuan cheng vbc. 6 chuang hu an man bawk.

Lungsen khua-a Vawk 108 thih chhan African Swine Fever (ASF) a nih ngei rin a ni

Lunglei District chhung Lungsen khua-a Vawk natna hri la hriatchian loh avanga Vawk thi chu nimin thleng khan 108 an tling tawh a, AH&Vety Minister Dr. K. Beichhua chuan heng Vawk thi te nat dan en hian African Swine Fever (ASF) ni ngeia hriat a nih thu a sawi.

Chanchin thar thenkhat :

MP (RS) in raltlan te tlawh

YMA in ruihhlo do beihpui thlak leh dawn

Central YMA President, Vanlalruata chuan Central YMA in ruihhlo do beihpui a thlak leh dawn tih sawiin, sawrkar pawh beihpui thlak turin an beisei a sang hle tih an sawi.

Langtlang-a VC hna thawk tha te chawimawina hlan

Lunglei District chhunga tualchhung rorelna leh hmasawnna langtlang taka hma la tha Village Council te hnenah nimin khan Lunglei DC, Kulothungan A chuan thuziak leh pawisafai a hlan.

Mizoram-ah hri kai pakhat hmuh belh leh a ni

Niminpiah Pathianni-a Mizoram-a Sample enfiah atangin COVID-19 hri kai mi pakhat hmuhchhuah niin nimin khan hri kai mi 5 te enkawl dam an ni.

Boxer 21 te fehchhuak

Vawiin atang hian Mizoram Inter Boxing Championship 2021 chu Aizawl-ah khelh a ni dawn a, Serchhip District atanga tel tur Boxer 21 leh Official mi pathum te chuan nimin khan Serchhip chhuahsanin Aizawl an pan.

Candidate in Press Club tlawh

Serchhip bial bye-election neih tura MNF Candidate, Vanlalzawma chuan nimin khan Serchhip Press Club tlawhin Serchhip MJA Member te nen inkawmna an nei.

MNF Party in Political Training buatsaih

MNF Party chuan nimin khan Serchhip-a Veng pali huamchhung ami te tan Serchhip Hmar Veng YMA Hall-ah Political Training neiin he hun hi MNF Adviser, Robert Romawia Royte chuan hmanpuiin Serchhip bial bye-election neih turah MNF in hneh taka chakna an chan a rin thu a sawi.

Serchhip DEO in MPF leh Political Party aiawhte inthlanpui-a thawhhopui-ah a sawm

Serchhip District Election Officer, Kumar Abhishek chuan Serchhip bial-a Assembly bye-election neih tur chungchangah nimin khan Mizoram Peoples Forum (MPF) Serchhip District hruaitute a kawm.

Mizoram-ah COVID-19 hri kai hmuh belh zel an ni

Zirtawpni khan Mizoram-ah Sample 386 enfiah niin heng atang hian COVID-19 hri kai mi pathum hmuhchhuah an ni a, Inrinni khan Sample 547 enfiah niin hri kai pathum bawk hmuhchhuah an ni.

Chanchin thar thenkhat :

Mitin tanlak a ngai tih sawi

Raltlan thenkhat RAY Building-ah dah mek an ni

Sipai in Myanmar-a thuneihna an hnehchhuh avanga sahimna zawnga Mizoram-a raltlan lo lut, Aizawl-a awm thenkhatte chu Falkland Veng-a RAY Building-ah dah mek an ni.

World Bank in Project pawm

World Bank Board of Executive Directors chuan Mizoram tana hriselna leh a kaihhnawih lama hman turin US Dollar vbc. 32 a pawm tih Ningani-a World Bank thuchhuak chuan a tarlang a. Mizoram sawrkar lam pawh he thutlukna hi hriattir an ni tawh.

Serchhip bial bye-election-ah candidate 6 awmin Vote nei 19,718 an awm dawn

Image
Serchhip Bial Assembly bye-election lo awm tura Nomination paper thehlut te tana inhnuhdawh hun hawn chhunga inhnukdawk an awm loh avangin he inthlanna ah hian Candidate mi 6 an awm dawn ta a. He inthlanpui neih turah hian Vote nei mi 19,718 an awm dawn a ni. Tun thla ni 17-a Serchhip bial Assembly bye-election neih tur chungchangah hian Returning Officer leh District Bawrhsap, Kumar Abhishek chuan Inrinni tlai khan Serchhip DC Meeting Hall-ah Serchhip-a thuthar thehdarhtute kawmin he inthlanna neih tur atana inbuatsaihna kalpui mek te a hrilhfiah a. He hunah hian Bawrhsap chuan he inthlanna chuh tuma Nomination Paper thehlut zingah inhnuhdawhna hun hawn chhunga inhnukdawk an awmloh thu sawiin, he inthlanna ah hian Candidate mi 6 an awm dawn thu a sawi bakah an chhinchhiahna (Symbol) turte a tarlang a. He inthlanna neih turah hian Polling Station zawng zawngah Vote thlakna khawl, Electronic Voting Machine (EVM) leh VVPAT te hman a ni dawn tih sawiin, Vote thlak hun hma ni 5 zel ala a

COVID-19 hri leng mekah India ram dinhmun a chhe leh sawt hle - Health Minister

Health Minister Dr. R. Lalthangliana chuan COVID-19 hri leng mekah India ram dinhmun a chhe leh sawt hle tih sawiin, hri kai hmuhchhuah pawh nasa taka an pun leh tawh thu a sawi.

Expenditure Observer ruat

Serchhip bial-a Assembly bye-election neih turah Election Commission of India chuan Expenditure Observer atan Pankaj Upadhyay, IDAS chu a ruat a, inthlan kaihhnawih thil-a zawh duh leh biak duhna nei chuan Phone No. 9362603048 ah emaw, E-mail Pankajjnv1982@gmail.com ah emaw biakpawh theih a ni ang.

Mizoram hmathlir sawiho

Inrinni khan Serchhip Press Club-ah Mizo Reform Movement buatsaihin ‘Hripui leng kara Mizoram Hmathlir’ sawihona hun hman a ni.

Inhruipawh-ah Police chak

Serchhip District Tug of War Association buatsaih Serchhip District Level Tug of War Competition chu Inrinni khan neih niin Serchhip District Police te an champion.

COVID-19 Second Wave hluar leh mekah mipuite fimkhur lehzual a ngai hle tih sawi

India ram-a COVID-19 Second wave lo hluar leh mek chu a hmaa COVID-19 hri leng aiin 70% laia inkaichhawn awl a nih avang leh a ziarang diktak mithiamte pawhin an la hriat kim theih loh avangin Mizoram chhunga chengte pawh a hma aia kan fimkhur lehzual a ngai hle tih mithiam te chuan an sawi.

Chanchin thar thenkhat :

Bawlhhlawh dalna tur enfiah

Pawl hniam zawk ten zirna tan

Mizoram State Executive Committee in alo rel tawh angin Mizoram chhunga zirna In hrang hrang a Pawl 3 leh Pawl 4 zirlaite chuan hripui laka himna atana inkaihhruaina dan zawm chungin April 1, 2021 atang khan School an lut tan.

Mizoram-ah hri kai mi 8 hmuh belh leh an ni

Niminpiah-a Mizoram-a Sample enfiah 735 atangin COVID-19 hri kai mi 8 zet hmuhchhuah leh an ni a, Mizoram-ah hri kai hmuhchhuah hi an la pung chho leh mek a ni.

Law Commission in Dan siamthat tur an thlirho

Mizoram State Law Commission (MSLC) chuan Ningani khan ‘The Mizo Marriage, Divorce & Inheritance of Property Act, 2014’ siamthat ngai te an sawiho.

Azadi Ka Amrit Mahotsav’, India@75 neih a ni

India Independence kum 75-na lo thleng tur lawmna bul tanna, ‘Azadi Ka Amrit Mahotsav’, India@75 chu Ningani khan Mizoram-ah Chief Minister, Zoramthanga hovin Vanapa Hall-ah neih a ni.

Inhnuhdawh hun tawp dawn

Serchhip bial Assembly bye-election neih tur atana Nomination paper thehlut te tana inhnuh-dawh theih hun chu Vawiin tlai dar 3:00 hian a tawp dawn ta a, hemi hnu Vawiin tlai dar 4:30 hian Returning Officer, Kumar Abhishek chuan thuthar thehdarhtute kawmin inthlan atana an in-buatsaihna te a hrilhfiah nghal ang.

Officer thenkhat awmna sawn

Mizoram sawrkar in MCS Officer thenkhat te awmna a siksawi-ah Serchhip-a SDC leh DLAO hna chelh mektu, Dr. Manesia Khaimeichho chu Chawngte-ah SDO (C) hna chelh tura sawn a ni a, Serchhip DLAO hna hi Serchhip-a SDC ni mek, F. Lalnisai chuan a chelh zui ang. Hetihlai hian UD&PA Department-a District Urban Development Officer, Vanthangpuii chu kaisangin Asst. Director, Town Planning-ah a awm dawn a, Albert Vanlalliantluanga, Deputy Director (P) chuan a ai a rawn awh ang.

HSLC Exam neih mek a ni

Kumin 2021-a High School Leaving Certificate (HSLC) Examination chu Ningani khan neih tan niin tun thla ni 20-ah zawhfel tur a ni ang.

MNF in Serchhip-ah Campaign Office an hawng

Serchhip bial Assembly bye-election neih tur atan MNF party chuan Ningani khan Ser-chhip-ah Campaign Office hawngin MNF Adviser, Lalruatkima chuan Campaign Office hi a hawng a ni.

Zoram Thar in inthlan chuh loh chhan sawifiah

Zoram Thar Zofate Lairelna hruaitute chuan Ningani khan Serchhip Press Club-ah thuthar thehdarhtute kawmin Serchhip bial-a Assembly bye-election neih tur chu chuh ve duh hle mah se Pathian an rawn hnuah an chuh ta lo tih an sawi.

Mizoram CEO in Serchhip bial tlawhin inthlanna neih tur atana inbuatsaihna a enpui

Mizoram Chief Electoral Officer (CEO), P. Jawahar IAS chuan Inrinni khan Serchhip Bial chhung rawn tlawhin tun thla ni 17-a Assembly bye-election neih tur atana inbuatsaihna hrang hrang a enpui bakah Election Nodal Officers te nen inkawmna an nei bawk.

Chanchin thar thenkhat :

Thawhhona tur hawng

Mizoram-ah hri kai hmuhchhuah belh zel an ni

Mizoram-ah COVID-19 hri kai hmuhchhuah pung zelin niminpiah a Sample enfiah 678 atangin COVID-19 hri kai mi 5 zet hmuhchhuah leh an ni.

Chief Minister hovin Aviation Committee thukhawm

Lengpui Airport tihchangtlun leh a kaihhnawih thu pawimawh hrang hrang ngaihtuahin nimin khan Aviation Committee chu an Chairman Chief Minister, Zoramthanga hovin an thukhawm.

Sugamya Bharat App chungchang sawihona nei

Nimin khan Aizawl-ah District Bawrhsap, Dr. Lalhriatzuali Ralte hovin ‘Sugamya Bharat App’ chungchang sawihona neih a ni.

Lunglei-ah bawlhhlawh paih tur thliar tawh dawn

Lunglei khawpui-a bawlhhlawh paih tur lakkhawm thin chu Vawiin, April 1, 2021 atang hian tawih thei leh theilo thliarhran vek a ni dawn.

MNWF ten Serchhip-ah Block Conference an nei

Mizo National Women Front (MNWF) Serchhip East Block Conference vawi 1-na leh Political Training chu nimin khan New Serchhip YMA Hall-ah neih niin he hun hi MNF Adviser, Dr. R. Lalthangliana chuan a hmanpui a ni.

Mizoram State Variety atan Vaimin tlangzarh a ni

Mizoram chhunga tualto Vaimim chi 2- Mizo Mimpui 1 leh Mizo Puakzo 1 te chu Mizoram State Cariety atana loneituten an chin theih turin Agriculture Minister, C.Lalrinsanga’n nimin khan a tlangzarh.

Mi 83 hnenah Tour Guide License pek an ni

Tourism Department buatsaih Graduation Ceremony & Felicitation of Tour Guide chu nimin khan neih niin Tour Guide Training mi 103 zinga pass chhuak mi 83 hnenah Tour Guide License pek an ni.

Vantawng Group YMA Conference neih a ni

Hmasawnna turin zirna uar a tul - Lalruatkima Serchhip Sub-Hqrs. YMA hnuaia Group YMA pakhat, Vantawng Group YMA Conference vawi 24-na chu Central YMA General Secretary hlui leh I&PR Minister, Lalruatkima chuan hmanpuiin khawvel hmasawnna man pha turin zirna uar a tul thu a sawi.

Sample 6 enfiah leh a ni

Nimin khan Serchhip District-ah Rapid Antigen Test hmangin Sample 6 enfiah leh niin heng Sample enfiah atang hian COVID-19 hri kai hmuh an awm lo.

District Jail dinhmun enfiah

Integrated Child Protection Scheme (ICPS) hnuaia din, District Jail Inspection Team te chuan nimin khan Principal Magistrate, JH. Lalparmawii hova Serchhip District Jail tlawhin Jail chhung inrelbawlna leh naupang kumtling lo tang an awm leh awmloh te an enfiah a, tunah hian Ser-chhip District Jail-ah hian naupang kumtlinglo, an nu leh pa an tan avanga tang an awm lo a ni. Serchhip District Jail tlawhtu Jail Inspection Team te hi District Jail Superintendent, Laldingliana Chinzah leh a thawhpui ten an lo dawngsawng a ni.

Damdawi In-ah NSS hnatlang

Govt. Serchhip College NSS Unit te chuan nimin khan Serchhip District Hospital leh a vel thenfai hna hnatlang in an thawk.

Observer hovin thukhawm

Tun thla ni 17-a Serchhip bial Assembly bye-election neih tura Election Commission of India in Expenditure Observer tura a ruat, B. Laxmi Kanth, IRS hovin Expenditure Monitoring Team hrang hrangte chu nimin khan Serchhip DC Meeting Hall-ah an thukhawm a. He hunah hian District Election Officer, Kumar Abhishek chuan Expenditure Monitoring Team hrang hrang, Flying Squad, Static Surveillance Team, Video Surveillance Team, Accounting Team, Video Viewing Team leh MCMC te hnathawh tawh chin tlangpui report a pe hmasa a, hemi hnu hian Observer hian hriat belh duh a neih apiangte zawtin hmalak belh ngai a tihte a sawi lang bawk. Expenditure Monitoring Team hrang hrang te chuan he hunah hian an hnathawh dan hrang hrang te an tarlang bawk a ni.

Nomination Paper hnawl awmlo

Serchhip bial Assembly bye-election neih tur atana Nomination Paper thehluh te chu nimin khan enfiah niin inthlan chuh tuma hming pekluh zingah hnawl an awmlo.

Inthlan atan Police ten theihtawp an chhuah

Serchhip District SP, Stephen Lalrinawma chuan inthlan bouak muanawm tak a awm theihna atan theihtawp an chhuah thu a sawi.

Inthlan hun tih danglam tumna ala awm lo

 Inthlang tur hian kan inpeih tawh - Returning Officer Thla thar April 17-a Serchhip bial Assembly bye-election neih tura ruahman chu Mizoram Political Party hrang hrangte'n Vote thlak ni leh Vote chhiar ni sawn turin Election Commission-ah ngenna thlen mah se tun thlengin sawn tumna a awm hriat ala ni lova. April 17-a inthlanna nei turin ruahmanna engkim kalpui a ni.