Lenkawl

Nimin khan Serchhip District-a COVID-19 hri kai mi 34 hmuhchhuah leh niin hri kai mi 64 te enkawl dam an ni thung.

Serchhip bialtu MLA Lalduhoma chuan a bial chhunga hmasawnna hnathawh tha taka a kal theih nan tlawmngai pawl te nen en ho thin a duh thu sawiin, hemi kawnga Serchhip Sub-Hqrs. YMA Vigilance & Monitoring Committee hmalakna chu tha a tih thu leh entawntlak a tih thu a sawi.

Tunhnaia COVID-19 hri kai engemaw zat hmuhna Thentlang khua chu nimin khan bialtu MLA leh Assembly Deputy Speaker Er. Lalrinawma chuan tlawhin khawtlang hruaitute nen inkawmna an nei.

Serchhip District-a kuthnathawktute Vaimim tharchhuah te chu tunlai hian a fang mal-a nuaithlak sa in Agriculture Department chuan FOCUS hnuaiah kg-ah Rs. 20 in an lei sak mek.

Mi thenkhat ten Serchhip-a mimal pakhat hnena a pung um-a sum an dahkhawm chungchanga harsatna thleng chu Serchhip Police ten hun engemaw chen an buaipui hnuah sum dahtu (Depositor) te duhdan angin thubuai siam lova tihtawp a ni a, heng mite sum hi an dahna te hian kum 7 chhunga rul turin intiamkamna ziah a ni thung.

CS mawhphurhna hlan

Mizoram-ah ni tin-a COVID-19 kai hmuhchhuah chu a tlahniam chho zel a, niminpiah khan Mizoram-ah Sample 6614 enfiah niin heng atang hian hri kai mi 592 hmuh an ni a, Sample enfiah atanga za zela 8.95 te chuan hri hi an kai a ni.

Health Minister Dr. R. Lalthangliana chuan Mizoram-a ‘All Mask Campaign’ kalpui mek chu November 15, 2021 thlengin kalpui leh tur a nih thu a sawi.

Ni 2 chhung neih tur Anthurium Festival 2021 chu nizan hmasa khan Deputy Chief Minister Tawnluia chuan Aizawl-a Vanapa Hall-ah a hawng a, he hunah hian COVID-19 hri leng avangin mi tlemte chauh tel tura sawm an ni a, a duh apiang ten an chhim theih turin TV leh Internet kaltlangin pekchhuah a ni thung.

Mizoram sawrkar chuan October 31, 2021 atanga November 30, 2021 zanlai dar 12:00 thlenga hman tur COVID-19 hri leng laka inkaihhruaina tur a tichhuak ta a, zan lamah pawh Sakhaw biak inkhawm neih theih a ni tawh dawn a ni.

Serchhip District-a COVID-19 Vaccine pek hna kalpui mekah nimin khan mi 6 hnenah 1st Dose pek niin mi 66 hnenah 2nd Dose pek leh a ni bawk a, nimin khan a vaiin Dose 72 pek a ni.

Serchhip District-ah COVID-19 hri kai la hmuhchhuah belh zel niin nimin khan hri kai mi 44 lai hmuh belh leh an ni.

Mizoram Board of School Education (MB-SE) chuan Myanmar ram buaina avanga Mizoram-a raltlan zinga zirlai ten Mizoram-ah zirna an chhunzawm phalsak a nih thu thuchhuah siamin a tarlang.

Chief Secretary inthlak dawn

Mizoram-ah COVID-19 hri kai hmuhchhuah tlahniam zelin niminpiah khan Sample 6831 enfiah atangin hri kai mi 547 hmuhchhuah an ni a, Sample enfiah atanga za zela 8.01 te chuan COVID-19 hri an kai a ni.

Nimin khan Champhai-ah District Bawrhsap Maria CT. Zuali hovin Faina, Plastic hman khap, Tuihna humhalh leh ruahtui khawlkhawm kawnga hmalakna leh hmachhawp hrang hrangte sawiho a ni.

Health Minister Dr. R. Lalthangliana chuan Sub-Centre tia sawi thin te chu Health & Wellness Centre-ah hlankai (upgrade) mek a nih thu sawiin, tunah hian Sub-Centre 275 upgrade a nih tawh thu a sawi.

Tunkar Inrinni-a Tuirial Assembly bial Bye-Election neih tur atana inbuatsaihna chu tluang taka kalpui zel niin inthlang turin an inpeih thawkhat tawh tih Kolasib District Election Officer Dr. H. Lalthlangliana chuan a sawi.

Serchhip CMO Office-a thawktute chuan tunhnaia Serchhip bialtu MLA Lalduhoma’n CO-VID-19 hri leng dona tura khawl a pek, Fluorescent Immunoassay (FIA) hmanga Sample enfiahna chu hman a nih tawh thu an sawi.

Serchhip District-a COVID-19 hri kai hmuh tawh zawng zawng chu mi sang li aiin an tam ta.

Serchhip District-ah COVID-19 hri kai hmuh belh zel a nih avangin khawtlang in hri kai enkawlna tur hmun an ruahman, Community COVID Care Centre (4C) 25 lai siam a ni tawh.

AMC in Dan hmang dawn

Mizoram-a COVID-19 hri kai hmuhchhuah tlahniam ve leh hretin niminpiah khan Mizoram-a Sample enfiah 8112 atangin hri kai mi 740 hmuh leh an ni a, Sample enfiah zawng zawng atanga za zela 9.12 te chuan hri an kai a ni.

School Education Department Director James Lalrinchhana chuan High School English Grammar Zirna Lehkhabu chu nimin khan a tlangzarh.

Nimin khan Lawngtlai-a District Level Child Protection Committee chu thukhawmin District Child Protection Unit (DCPU) hmalakna leh hmachhawp hrang hrang an sawiho.

Tunkar Inrinni-a Tuirial bial Assembly bye-election neih tur atana Campaign theih hun chu nimin tlai dar 6:00 khan a tawp ta a, Party hrang hrangte chuan hun tawp thleng hian Campaign hi an kalpui a ni.

Health Minister Dr. R. Lalthangliana chuan nimin khan Zoram Medical College (ZMC)-ah Genome Sequencing Laboratory leh ZMC Director Quarters a hawng a, ZMC chu kum 3 leh thla 2 leka upa ni mahse nasa takin a thang tih a takin a hmuh theih tih a sawi.

Niminpiah khan Mizoram-ah Sample 8380 enfiah leh niin heng atang hian COVID-19 hri kai mi 790 hmuh leh an ni a, Sample enfiah atanga za zela 9.43 te chuan hri an kai a ni.

Chief Minister Zoramthanga’n COVID-19 hri leng avanga hmasawnna hna tam tak a thuanawp thu sawiin, Mizoram chauh nilo, ram pum chauh pawh nilo, khawvel pumah nghawng nasa tak he hri hian a nei a ni, a ti.

Nimin khan Serchhip District-ah COVID-19 hri kai mi 51 hmuh belh niin hri kai mi 74 te enkawl dam an ni thung.

Mizoram Youth Commission (MYC) Chairman Dr. Vanlaltanpuia chuan Thiamna platform, thiamna.com chu nimin khan a tlangzarh.

Thenzawl Lothazawl-a Public Playground a Pavilion sakna atan Mizoram sawrkar chuan cheng nuai 25 a ruahman fel ta a, Mizoram State Sports Council (MSSC) hotute chuan nimin khan Thenzawl khawtlang hruaitute nen Pavilion sakna tur hi a hmunah an enfiah a ni.

State Bank of India Lead Bank Office, Ser-chhip District buatsaihin nimin khan Thenzawl Bazar Veng-a Joint YMA Hall-ah Credit Outreach Financial Literacy Campaign  buatsaih a ni.

Marian High School Alumni chuan nimin khan he School atanga zirlai tithate chawimawina hun hmangin mi 6 hnenah chawimawina an hlan a ni.

Chief Minister in hawng

Tuirial bial-a Assembly bye-election neih tur atana Campaign theih hun chuan a vawrtawp a thleng chho mek.

Mizoram Scholarship Board chuan Post-Matric Scholarship chungchangah H&TE Minister Dr. R. Lalthangliana chuan chak takin hma a la tih an sawi.

Home Minister Lalchamliana chuan Halpuah leh Halmawi te, Silai lem mu nei chi te khapna chu sawrkarin khauh taka kalpui a tum thu a sawi.

Mizoram Chief Secretary leh Chief Vigilance Officer ni bawk Lalnunmawia Chuaungo chuan, “Sawrkar hnathawkte leh keimahni intuituahna tur atana sawrkar hi awm a ni lo,” a ti.

Supply Minister K. Lalrinliana chuan nimin khan a Pisa-ah ‘Consumer Protection Act, 2019’ Mizo tawng-a lehlin chu a tlangzarh.

Serchhip District-a COVID-19 hri kai hmuhchhuah zawng zawng chu 3900 aiin an tam ta.

COVID-19 avanga thi chhung ten Serchhip DC Office-a COVID-19 Ex-gratia dilna an thehluh atangin mi 5 te dilna chu pawmsak ni tawhin sum pawh pekchhuah tura sanction a ni tawh a, COVID-19 Ex-gratia diltu chuan an chhung thi ta chu COVID-19 vanga thi a ni ngei a ni tih tarlanna ‘Death Certificate’ an neih a ngai a ni.

Nu nau nei ten nau an neih atanga darkar 48 chhunga indanna atana Copper-T an vuahna tura hmalakna thar chungchang inhrilhhriatna chu nimin khan Serchhip Press Club-ah neih a ni.

India ram Health Infrastructure tih chantlunna tur Scheme, Pradhan Mantri Atmanirbhar Swasth Bharat Yojana (PM-ASBY) chu nimin khan Prime Minister Narendra Modi chuan hawngin he hun hi ramchhung hmun hrang hrangah biak hmuhtheihna hmanga lo zawm a ni a, Serchhip ah pawh CMO Office-a Main Centre-a he hun hi CMO Dr. Laldawngliana hovin thawktu ten an lo zawm ve a ni.

Hnahthial DISHA Meeting

Mizoram Pradesh Congress Committee chuan Tuirial bial-a Assembly bye-election neih turah mipuite leh sawrkar hnathawkte zah lo taka vautute chu vote lo ngam turin an ngen tih an sawi.

Pathianni khan Mizoram-ah Sample 2613 enfiah niin heng atang hian COVID-19 hri kai mi 158 hmuhchhuah an ni a, Sample enfiah te atanga za zela 6.05 te chuan hri an kai a ni.

Mizoram sawrkar chuan COVID-19 Sample Test chungchang ah inkaihhruaina thar a tichhuak a, thih hnua Sample Test chu tih loh tur a nih thu tarlan a ni.

Sakawrhmuituai Tlang-a Skywalk Project leh Ropeway Project a thuanawp chhan chu chhui ngei tura MNF sawrkar an phut thu MPCC thupuangtu Dr. Lallianchhunga chuan a sawi.

MNF Adviser Lalruatkima chuan SEDP-in nakum atangin kuthnathawktute hnen a thleng dawn tih a sawi.

Nimin thleng khan Serchhip District-ah COVID-19 hri kai mi 3826 hmuhchhuah ni tawhin an zinga 3076 te enkawl dam an ni tawh.

Street for people campaign

Mizoram-ah COVID-19 hri kai hmuhchhuah an tlahniam zel a, Inrinni khan Sample 6037 enfiah niin heng atang hian hri kai mi 572 hmuh belh leh niin Sample enfiah atanga za zela 9.47 te chuan hri an kai a ni.

Mizoram Pradesh Congress Committee (MPCC) chuan Kohhran in a khak ngai khawp leh Pathian rawngbawltute zahawmna ti hminghliau zawnga che tawh lo turin Political Party leh Chief Minister Zoramthanga an ngen tih an sawi.

MNF Adviser leh Tourism Department changtu Minister ni bawk Robert Romawia Royte chuan Sakawrhmuituai Tlang-a Skywalk siam tur chu sum tih chingpen avanga a khawtlai thu sawiin, a chhui tur an tifel tep tih a sawi.

Myanmar ram buaina avanga Mizoram-a raltlan rawn lut chu tunhnaiah an tlahniam hret nia hriat a ni a, amaherawh chu Chin State-ah inkahna a awmchhoh zel avangin raltlan lo lut leh huk thei dinhmunah a ding mek thung.

Mizoram atanga ‘Tasman app’ a sum invest (sum peipun tuma dahkham) tu mi thahnem tak te chuan harsatna an tawk mek a, CID Crime-ah FIR thehluh ni tawhin, chiang taka hriat theih la ni lo mah se cheng vbc. 1 chuang hloh thei dinhmunah an ding mek nia thudawn a ni.

Mizoram-a kum 18 chin chunglam zinga za zela 61.56 te chuan COVID-19 hri danna an la zo tawh.

Central YMA chuan Election Commission of India duhdan kalha, therhlo nena Tuikukte vote thlak theihna tura ruahmanna siam Political Party an awm nia an hriat thu sawiin, hei hi pawi an tih thu leh Tripura-a Tuikuk te tana vote thlakna hranpa siam chu remchang lovah an ngai tih an sawi.

Nimin khan Serchhip District-ah COVID-19 hri kai mi 68 zet hmuh belh leh an ni a, hri kai te zingah mi 106 zet enkawl dam an awm thung. 

DISHA Meeting neih a ni

Niminpiah khan Mizoram-ah Sample 7833 enfiah niin heng atang hian COVID-19 hri kai 737 hmuh leh an ni a, Sample enfiah atanga za zela 9.40 te chuan hri an kai a ni.

Mizoram sawrkar aiawh MP leh MLA bakah sawrkar mi pawi-mawh te chuan niminpiah khan sawrkar laipui-a Secretary thenkhat te an kawm.

Mizo Student Union (MSU) Regional Hqrs. Lunglei chuan BPL leh AAY zirlai naupang te hnenah nimin khan a thlawnin Smartphone an sem.

Mizoram sawrkar chuan October 10, 2021 atanga December 18, 2021 chhung hi Luidung Nungchate Man Phalloh Hun (Closed Season) atan a puang mek.

Mizoram-a tualtah puan (Handloom), Them thil siam (Handicrafts) leh mau hmanga thil siam-chhuah chungchangah thil kalpui mek leh hmalakna thar awm thei te sawiho chu nimin khan Commerce & Industries Minister Dr. R. Lalthangliana hovin neih a ni.

Mizo National Front (MNF) kum 60 tlinna, Diamond Jubilee lawmna chu nimin khan Aizawl-a Vanapa Hall-ah neih a ni a, he hunah hian MNF President Zoramthanga chuan ‘Ni tha lo atan MNF sawrkar hi ruat a ni’ tih chu a dik tih a sawi.

MPCC Vice President Lalsawta chuan Hawrawp te-a ziak niawm taka sawrkar rilru tereuhte nei MNF sawrkar kan hrawn mek niin a sawi.

State-Level Expert Committee on COVID-19 Management chu nimin khan Health Minister Dr. R. Lalthangliana hova thukhawmin an hmalakna kal mek leh hmalak belh ngai te an sawiho a. COVID-19 hri kai inringhlelte leh symptom neite tan rang taka sample test na hmun an pan vat vat a pawimawh thu tarlan a ni.

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Tunhnaiah COVID-19 hri kai hmuhchhuah an la pun zel avangin Serchhip District Bawrhsap Kumar Abhishek chuan nimin (Oct. 21, 2021) tlai dar 5:00 atang khan New Serchhip North VC Area-a Bazar Branch YMA area, Kudam kawn atanga Damkawi (Sihphir Veng) inkar leh New Serchhip South VC Area-a Venglai, H. Lalkhuahluna In atanga Lalmari te In inkar (Pioneer Camp hlui hnunglam, UPCI Biak In atanga hmar lam) chu Hmun khuahkhrih bik, Restricted Area-ah a puang a. Restricted Area-a cheng te chu inkharkhip vek tura hriattir niin Dawr nei te pawh hawn phal a ni lo bawk.

Nimin khan Govt. Serchhip College-ah ‘State Level Campaign on Women's Rights’ chu neih a ni.

Serchhip District Sports Committee (SDSC) chuan Serchhip Sports Complex-a Stadium chu mumal taka enkawl thuai a nih theih nan SDSC kutah a enkawlna hna leh thuneihna pe tura sawrkar ngenin, October 22, 2021 thlenga chhanna an hmu lo a nih chuan Sports Complex ramchhunga Stadium enkawl hna hi a tul angin hmalaka kalpui an tum thu an sawi.

India rama Police an Duty laia hmelma te kut tuara boral te hriatrengna leh zahna hlanna ni, Police Commemoration Day chu nimin khan rampumah hman a ni a, Serchhip-ah pawh he ni pual hian Serchhip SP Conference Hall-ah SP, Stephen Lalrinawma hovin hun hman a ni.

LESDE in ZMC-ah hlan

Home Minister Lalchamliana chuan nimin khan Lunglei SP Office leh Taxation Department Quarters sak mek te a tlawh.

Mizoram-ah COVID-19 hri kai hmuhchhuah an tlahniam hret hret ve zel a, niminpiah khan Sample 8264 enfiah niin heng atang hian hri kai mi 741 hmuh niin Sample enfiah atanga za zela 8.97 te chuan hri an kai a ni.

Economic Census vawi 7-na buaipui tura din State Level Co-ordination Committee (SLCC) chu nimin khan Chief Secretary Lalnunmawia Chuaungo hovin an thukhawm.

Nimin khan Health Minister Dr. R. Lalthangliana hovin Mizoram a COVID-19 dinhmun sawiho a ni a, Mizoram-a COVID-19 hri kai thar an tlem tial tial tan ta nia lang chu hmasawnna lawmawm tak a nih thu tarlan a ni.

State Executive Committee thuchhuak angin Lockdown vanga eizawnna bahlah puanthui te chhawmdawl nan Mizoram Commerce & Industries Department hmalakna in Mizoram hmun hrang hranga puanthui ten PPE suit 45,850 an thui chhuak tawh.

ZMC hmalakna tur sawiho

Serchhip District-a COVID-19 hri kai hmuh chu 3600 aiin an tam tawh a, nimin khan hri kai te zingah mi 96 zet enkawl dam an awm bawk.

Mizoram chhunga COVID-19 hri hluar lohna hmunah a te zirna In hrang hrang hawn a ni tawh a, tun dinhmunah zirna In zaa 22.66 hawn a ni tawh.

Tun thla ni 30-a Tuirial Bial Assembly bye-election neih tur atan Political Party te leh an Candidate te chuan ngawrh takin campaign an nei mek.

State Referral Hospital, Falkawn-Zoram Medical College-a COVID Task Force hotute leh ZMC-a damlo enkawltute chuan hripui vanga nunna kan chan loh nan inringhlelte leh symptom neite chuan a rang thei ang bera sample an test vat vat a pawimawh thu an sawi.

COVID-19 hri kai hmuhchhuah zat a tlahniam zel a, niminpiah khan Mizoram-ah Sample 5382 enfiah niin heng atang hian hri kai mi 665 hmuhchhuah an ni a, Sample enfiah atanga za zel a 12.36 te chuan hri an kai a ni.

Nimin khan Serchhip District-ah COVID-19 hri kai mi 71 zet hmuhchhuah belh leh awmin hri kai enkawl dam mi 7 an awm bawk.

Nimin thleng khan Serchhip District-ah Vawk hri leng mek African Swine Fever (ASF) vangin Vawk 3808 a thi tawh.

Nimin khan Serchhip District-ah COVID-19 hri kai mi 47 zet hmuhchhuah belh leh awmin hri kai enkawl dam mi 7 an awm thung.

Mizoram tan RT-PCR Van

Mizoram Scholarship Board (MSB) chuan sawrkar laipuiin inkaihhruaina thar a tihchhuah avangin Pre & Post Matric Scholarship sem tura hmalakna a khaihlak rih tih an sawi a, tunkar chhung hian sawrkar laipuiin Pre & Post Matric Scholarship 2020-21 la dawng lo te hnena pek tur pawisa a rawn pekchhuah an beisei tih an sawi bawk.

Mizoram Building and Other Construction Workers' Welfare Board (MBOCWWB) hnuaia inziaklut zinga COVID-19 vanga harsatna tawk mi 211 te chu 'COVID-19 Package' hnuaiah hamthatna pek an ni tawh.

COVID-19 hri kai In lama inekawl turte tana inkaihhruaina thar State Level Expert Team on COVID-19 Management Team-in rawtna a thlen chu Mizoram sawrkarin pawmin tun thla ni 18-a Order tihchhuah a nih atangin he inkaihhruaina hi hman nghal tura tih a ni.

‘The Good Samaritan’ Scheme

Tunhnaia COVID-19 hri kai hmuhchhuah tamna Keitum khua a hmun thenkhat chu hmun khuahkhrih bik, Restricted Area-ah puan a ni.

Serchhip District-a COVID-19 hri kai an la pung zel a, nimin khan hri kai mi 79 lai hmuh belh leh niin mi 89 zet enkawl dam an awm belh thung.

Mizoram khawpui fai inelna kalpui mek leh hemi hnua India ram State hrang hrangte Faina kawnga inelna kalpui tura Serchhip District leh Serchhip khawpui-a hmalak zui dan turte sawihona chu nimin khan Serchhip-ah neih a ni.

Pathianni khan Mizoram-ah 2464 enfiah niin heng atang hian COVID-19 hri kai mi 249 hmuhchhuah an ni a, Samle enfiah atanga mi za zela 10.11 te chuan hri an kai a ni.

Nimin atang khan Alliance Air chu Mizoram-ah Service tanin Aizawl, Shillong, Guwahati leh Kolkata te a thlunzawm dawn a ni.

National Deworming Day, 2021 chu nimin khan Health Minister Dr. R. Lalthangliana chuan Internet kaltlangin a hawng.

Health Minister Dr. R. Lalthangliana chuan Hmai tuamna vuah tura beihpuithlakna ‘All Mask Campaign’ hman lai mek chu tun thla tawp thlenga kalpui tura pawhsei a nih thu nimin khan a sawi.

Mizoram People Forum (MPF) General Hqrs. hruaitute chuan Tuirial Bial-a Assembly bye-election neih turah Party hrang hrang ten Dan (Model Code of Conducts) an bawhchhia nia sawiin, nimin khan Kolasib District Election Officer hnenah complaint an thehlut.

Nimin khan Serchhip District-a COVID-19 hri kai mi 30 hmuh belh leh niin hri kai mi 18 te enkawl dam an ni thung.

Mizoram-ah COVID-19 hri kai hmuhchhuah pung zel mah se nitin-a hri kai hmuhchhuah erawh an tlahniam ve hret hret niin a lang a. hri kai enkawl dam pawh mi nuai khat aiin an tam tawh bawk.

Serchhip District-a Vawk hri leng African Swine Fever (ASF) vanga Vawk thi chu 3800 aiin a tam tawh.

Raltlan rawn luh belh zel

Themthiamna hmanga intihsiakna lian ber, Sanghai, China-a 'World Skills Competition 2022' neih tura India aiawh tur thlanna kal zelah Regional Competition-a tel tur Mizoram thalai 15-te chuan Inrinni khan Mizoram an chhuahsan.

District hrang hranga District Sports Association hruaitute chuan Mizoram sawrkarin District Sports Committee Chairman atan DC leh Secretary atan District Sports & Youth Officer dah a tum chu Sports hmasawn zel tur tih thuanawpna nia ngaiin an duh lo tih an sawi.

COVID-19 Vaccine pek hna kalpui mek zelah pawn-a chhuak theilo te pawh hri danna pe vek turin hmalak mek a ni.

Supreme Court thupek anga COVID-19 vanga thi te ralna sum chu Mizoram sawrkar chuan pek chhuah thuai a tum.

ZPM Party chuan Mizoram State Agriculture/Horticulture/Forestry & Marketing Cooperative Federation Ltd. (MAHFED) hmalak dan leh an sum hman danah thil felhlel tam tak a awm nia a lan thu an sawi.

Mizoram People Forum (MPF) General Hqrs. chuan October 30, 2021-a Tuirial Assembly Constituency bye-election lo awm turah an thu dawn te leh Social Media lama Video darh te avangin Election Commission of India (ECI) thlenga zualko an tum a, an hmalakna hmasa ber atan Mizoram Election thuneitu te hnenah ziakin an thlen dawn.

Serchhip District Cricket League 2021 chu nimin khan DC Playground, Khawtetlang-ah khelh tan a ni ta.

Serchhip Sub-Hqrs. YMA chuan nimin khan hnatlang neiin Serchhip-a COVID-19 hri kai enkawl zinga boralte hman tur Kuang an siam.

Presbyterian Serchhip Hmar Veng Kohhran te chuan tunlai hian Ruihhlo ngai te pualin Chhandamna Camping an buatsaih mek.

Raltlan ten zirna chhunzawm

Niminpiah khan Mizoram-ah Sample 6945 enfiah niin heng atang hian hri kai 901 hmuhchhuah an ni a, Sample enfiah zawng zawng atanga chhutin za zela 12.97 te chuan hri an kai a ni.

Aizawl Upper Khatla-a Women Helpline Mizoram (WHL) Office chuan hawn a nih atangin Call vawi 9098 dawng tawhin Women Help Line pantu tam ber te chu inchhungkhur-a hleilenna kaihhnawiha harsatna tawk an ni.

Congress Party huaihawtin nimin, Oct. 15, 2021 khan Aizawl-a Vanapa Hall kawt-ah Zoramthanga Corruption case chungchanga Dikna tungding tura beihna hun hman a ni.

P&E Department changtu Minister R. Lalzirliana chuan Sihhmui Refugee Relief Camp chu nimin zing khan tlawhin Camp leh a chhehvel chhit enna tura ama sum hmanga a lei, Solar Home Lighting Set 4 a pe a, Aizawl DC chuan Humanitarian Relief atan a tul ang anga hman tur pawisafai chu VCP hnenah a hlan bawk.

October 30, 2021-a Tuirial bial bye-election lo awm tura party hrang hrang candidate te leh Mizoram People Forum (MPF) Gen. Hqrs hruaitute chuan nimin khan inkawmna an nei.

Nimin khan Serchhip District-ah COVID-19 hri kai mi 59 hmuh belh niin hri kai zingah mi 82 enkawl dam an ni thung.

EMRS Building pali hawng

COVID-19 hri kai hmuhchhuah zat la tlahniam hlei thei lovin niminpiah khan Mizoram-ah Sample 8025 enfiah leh atangin hri kai mi 1028 hmuhchhuah an ni leh a, Sample enfiah atanga chhutin za zela 12.81 te chuan hri hi an kai a ni.

Industrial Growth Centre (IGC), Luangmual-ah Dan lova ram nei leh ram inpek a pun zel avangin Industry siamtute an mangang nia thudawn a ni.

State Level Mahatma Gandhi NREGA Social Audit, Jan Suwayi and Awareness Week chu nimin khan RD Minister Lalruatkima chuan Aizawl-a DRDA Conference Hall-ah a hawng.

AH&Vety Department Minister Dr. K. Beichhua chuan nimin khan Lunglei Farm Veng-a District Veterinary Hospital leh Lungpuizawl AH&Vety Farm-a Ar awp keuna leh Broiler Ar vulhna (Hatchery cum Poultry Farm) tur chu a hawng.

Home Minister Lalchamliana chuan ramri venhim chu sawrkar thil ngaih pawimawh ber pakhat a nih avangin Vairengte-ah Mizoram Police Company khat dah tum a ni tih sawiin, hemi senso atan hian cheng nuai 223 pawh ruahman fel a nih tawh thu a sawi.

Nimin tlai thleng khan Serchhip District-a COVID-19 hri kai hmuhchhuah chu 3102 zet an tling tawh.

Mizoram State Health Care Society (MSHCS) Chief Executive Officer Dr. Biakthansangi chuan State Health Care Scheme hnuaiah Bill tang then rih mahse Bill thehlut tawh ten an hmu ngei dawn a, hlauhthawnna tur a awmlo, a ti.

Nizan hmasa zantir lam khan C. Lalduhawma (59), Serchhip Darnam Veng chu Serchhip Mat phai panna kawng-ah Scooty chetsualna avangin a boral.

Ex-Gratia dilna ngaihtuah

Mizoram-ah COVID-19 hri kai hmuhchhuah belh an la ni zel a, niminpiah khan Mizoram-ah Sample 8721 enfiah niin heng atang hian COVID-19 hri kai mi 1224 hmuh belh leh an ni.

Mizoram sawrkar-a Information & Public Relations Department-a Officer leh MJA General Hqrs. OB te chuan kumin hunpui vuakvet-a halpuah, halmawi, silailem mu nei chi leh Sky Lantern khapna chungchanga mipuite zirtir dan tur chungchang leh hemi kawnga hmalak dan tur nimin khan an sawiho.

Tuirial bial-a Assembly bye-election neih tur atan Political party hrang hrang leh an Candidate te chuan ngawrh takin Campaign an nei mek.

Tun thla ni 30-a Tuirial bial Assembly bye-election neih turah Candidate pali (4) an awm dawn ta a, Mizoram Chief Electoral Officer (CEO) chuan nimin khan NGO hrang hrangte kawmin he inthlanna neih tur atana inbuatsaihna te a hrilhfiah.

Mizoram-a Vawk hri leng, African Swine Fever (ASF) hmuhna hmasa ber, Lungsen khua chu nimin khan AH&Vety Minister Dr. K. Beichhua chuan tlawhin, Vawk vulh bul tan that lehna atana Vawk lakluh chungchang ah sawrkar thu lo ngaichang turin vawkvulhtute chu a chah.

Serchhip District-a COVID-19 hri kai hmuh tawh zawng zawng chu mi sang thum aiin an tam ta a, hri kai enkawllai mi 581 an awm mek bawk.

CM-ah Ambulance 6 hlan

Tunhnaiah Serchhip District-a Khawbel khua ah COVID-19 hri kai hmuhchhuah thahnem tak awmin nimin khan bialtu MLA leh Assembly Deputy Speaker Er. Lalrinawma chuan Khawbel khua hi a tlawh a, VC leh VLTF te nen inkawmna an nei.

Niminpiah khan Mizoram-ah Sample 9422 enfiah leh niin heng atang hian COVID-19 hri kai 1430 hmuhchhuah leh an ni a, Sample enfiah atanga za zela 15.81 te chuan hri an kai a ni.

UNICEF in ICMR kaltlanga Mizoram-a RT-PCR khawl a rawn pek chu District Hospital Champhai-a hman turin nimin zing khan Champhai South bialtu MLA leh Law Minister TJ. Lalnuntluanga chuan Champhai District Hospital hotute hnenah a hlan.

Seling atanga Champhai panna kawng, NH. 6 laih mekah mi thenkhat ten Puilo ram-a hnathawktute an hnathawh tihtawp tura an tih hnuah nimin khan Khawzawl DC CC. Lalchhuangkima chuan Puilo ram a Dhariwal Buildtech Limited (DBL) Camp-ah NHIDCL aiawh, Kawlkulh leh Dulte Joint Action Committee for NH-6 leh Dulte  Economic Growth & Development Committee hruaitute a kawm.

Electors Photo Identity Cards (EPICs) leh Election Notice-te Speed Post hmanga rang taka thawnchhuah a nih theih nan Chief Electoral Officer, Mizoram leh Department of Posts (DoP), Mizoram te chuan nimin khan thawhhona thuthlung an ziak.

Lirthei chetsualna a lo awm thulha chetsualna a lo thlen dan leh a thlen chhan te kimchang takin hriat theihna tur Integrated Road Accident Database (iRAD) Project chu chu nimin khan Home Minister Lalchamliana chuan a hawng.

Nimin khan Serchhip District-ah COVID-19 hri kai mi 54 hmuh belh niin hri kai mi 69 te enkawl dam an ni thung.

Nimin October 11, 2021-a International Girl Child Day lawmna chikhat atan Serchhip District District Hospital-a nau piang thar hmeichhia te hnenah lawmpui thilpek hlan a ni.

Zirlaite Smart Phone sem

Pathianni khan Mizoram-ah Sample 1246 enfiah niin heng atang hian COVID-19 hri kai mi 307 hmuhchhuah an ni a, hri kai hmuhchhuah hi tlem mah se Sample enfiaha tanga chhut chuan za zela 24.64 in hri an kai a ni.

Dedicated COVID Hospital, Zoram Medical College (DCH-ZMC)-a khum 10 awmna Intensive Care Unit (ICU) Ward thar chu nimin khan Health Minister Dr. R. Lalthangliana chuan a hawng.

Krismas, Kumthar leh Puja lo thleng turah Halpuah, Halmawi, Silailem mu nei chi leh Sky Lantern te chu mihring hriselna atana thil pawi thei leh COVID-19 hri len lai phei chuan nghawng thalo tak nei thei a nih avangin khap leh a ni dawn.

Tun thla ni 4-a Staff Nurse mi 50 lak chung-changah thil fello a awm avangin Mizo Students’ Union (MSU) General Hqrs. chuan nimin khan ZMC Administrative Staff leh Joining Report pe turte a dang a. Sawrkarin chak zawka thil tisualtu zawnchhuah intiamna a neih avang leh Volunteer te tan duhsakna tha zawk a pek turte ngun taka ngaihtuah a nih hnuah nimin tlai dar 3:00 khan pungkhawm hi an tin thu MSU chuan an sawi.

Mizoram pum-a Hmai tuamna vuah tura hmalakna runpui 'All Mask Campaign' kalpui tur chu nimin khan Health Minister, Dr. R. Lalthangliana chuan ZMC Central Library-ah a hawng a. 'All Mask Campaign' hi October 10, 2021 atanga October 20, 2021 chhungin kalpui a ni ang.

Serchhip District-a COVID-19 hri kai hmuh tawh chu nimin tlai thleng khan mi 2859 zet an tling tawh.

Chhimchhak Presbytery Inkhawmpui vawi 98-na chu nimin khan Bethel Kohhran, Serchhip P&E Veng-ah zawhfel a ni ta a, nimin khan Kohhran Upa atan mi 6 nemngheh niin Upa boral mi 6 sunna hun hman a ni bawk a, nakum-a Chhim-chhak Presbytery Inkhawmpui chu Chhiahtlang Kawn Veng Kohhran Biak In-ah neih a ni ang.

Chief Minister kawm

Mizoram-a COVID-19 hri kai hmuhchhuah chu la tlahniam thei tak tak lo mah se tunhnai ni 4 chhungah erawh hri kai hmuh hi an tlahniam hret hret a, Inrinni-a Sample enfiah 6188 atangin hri kai mi 1170 hmuh leh an ni a, Sample enfiah atanga za zela 18.91 te chuan hri an kai a ni.

Tun thla ni 30-a Tuirial bial MLA bye-election lo awm turah Tripura-a tlanchhia Tuikuk te tan Special Polling Station siam anih dawn leh dawn loh a la hriat loh a, Election Department chuan ECI thu an nghak mek.

Mizoram sawrkarin September 2021 thleng khan State pawn atanga kawlphetha leina man la pek loh cheng vbc. 47.21 zet a nei a. Hetihlai hian tun dinhmunah Small Hydel Project (SHP) leh Solar Plant hmun 10 a siam turin hmalakna kalpui mek a ni thung.

Mizoram-a COVID-19 hripui darh mek zirchiang tura sawrkar laipuiin a rawn tirh, Multi Disciplinary COVID-19 Study Team te chuan Inrinni khan Champhai tlawhin COVID-19 hrileng dinhmun an zirchiang.

Vawk natna hlauhawm tak African Swine Fever (ASF) vanga Mizoram vawk thi chu 29,000 dawn an tling tawh a, hetihlai hian Vawk hri leng chuan ziaawm lam a pan hret hret thung.

Mizoram-ah COVID-19 Vaccine la thei kum 18 chunglam awm zawng zawng atanga chhuta za zela 88.51 te chuan Vaccine Dose 1-na an la tawh a, tunah hian kum 18 chunglam leh hri danna la thei, pawn chhuak theilo te hri danna pe turin inbuatsaihna kalpui mek a ni.

Nimin khan Serchhip District-ah COVID-19 hri kai mi 69 hmuhchhuah belh leh niin mi 70 enkawl dam an ni thung.

Baptist Church of Mizoram (BCM) chuan Bial rorel Inkhawm nei mekin Vawiin hian zawhfel a ni ang.

Serchhip District chhunga Presbytery lian ber, Chhimchhak Presbytery Inkhawmpui vawi 98-na chu nimin atang khan Serchhip Bethel Kohhran-ah neih a ni a, naktuk Pathianni thleng a awh ang.

Tun thla ni 2 atanga Serchhip-a Faina Hapta (Cleanliness Week)-2021 hman chu nimin khan Serchhip DC’s Conference Hall-ah a kharna hun hmangin he Hapta hman chhunga inelna buatsaih a lawmman dawngtute hnenah lawmman hlanna neih a ni.

STAM-Proficiency Award hlan

Mizoram-ah COVID-19 hri kai hmuhchhuah zat ala tlahniam hlei thei lova, niminpiah khan Mizoram-ah Sample 8382 enfiah leh niin heng atang hian COVID-19 hri kai 1080 hmuhchhuah leh niin sample en atanga za zela 12.88 te chuan hri an kai a ni.

Mizoram sawrkar-a Human Resources Development Board Vice Chairman, L. Thangmawia MLA chuan Mizo 3rd IR Battalion Headquarters, Mangaldoi, Assam-a awm mek te chu nimin khan a tlawh.

Chief Minister Zoramthanga chuan Chite-a sawrkar hmalakna thar - Convention Centre leh Aizawl Haat sak tumna hmun chu nimin zing khan a hmunah a tlawh.

Mizoram State Commission for Protection of Child Rights chuan rawngbawltu James Lalramliana, thil duhawm lo tak tia puh a nih chungchang ah a tuartu naupang nia sawi nihna tilang thei tur leh a nihna chhuizawn theih tur tidarh an awma an hriat thu leh Commission-in a chhui zui tur thu a sawi.

All Mizoram Cement & Iron Rod Dealers’ Association leh Mizoram Civil Engineers’ Association chuan Rod lenzawng diklo lakluh khap turin sawrkar an ngen tih an sawi.

Tun thla ni 30-a Tuirial Bial Assembly bye-Election neih tur chuh tum te tana hming pekluh hun chu nimin khan khar niin inthlanna chuh tur hian mi 4 in Nomination Paper an thehlut a ni.

Nimin khan Serchhip District-ah COVID-19 hri kai mi 57 hmuh belh leh an ni a, hri kai mi 51 te enkawl dam an ni leh bawk.