Lenkawl

Health Minister, Dr. R. Lalthangliana chuan Mobile Food Testing Laboratory (Food Safety on Wheels) chu nimin khan Aizawl-a MINECO kawtzawl-a Programme buatsaihah mipui hman theih turin a tlangzarh a. Hmun hrang hranga kal kual thei ei leh in tur enfiahna chu tangkai taka hman a nih a beisei thu a sawi bawk.

Sports & Youth Service Minister, Robert Romawia Royte chuan nimin khan Muallungthu Hockey Ground-a Synthetic Turf phahna tur lungphum a phum.

Niminpiah-a ZMC Laboratory-a Sample enfiah te atangin COVID-19 hri kai mi 23 hmuh belh leh an ni a, an vai hian Aizawl District mi leh sa vek an ni.

Mizoram-ah Green Ag hawng

Mizoram-a The Mizoram (Containment and Prevention of Covid-19) Ordinance, 2020 hman tan, May 4, 2020 atanga nimin thleng khan Mizoram-ah he Dan bawhchhia hi mi 28,060 man an ni tawh a, heng mite pawisa chawi tlingkhawm pawh Rs. 50,57,500/- a tling tawh bawk a, Dan bawhchhia zingah hian Mask hmanglo an tam ber a ni.

Serchhip District chhunga COVID-19 hri kai enkawl mi 2 te chu enkawl dam an nih hnuah nimin khan chhuahtir an ni.

Ministry of Rural Development hnuaia National Social Assistant Programe (NSAP) hnuaia BPL chhungkaw zinga eizawngtu ber boral ta te tana hamthatna dawn theihna tur, National Family Benifet Scheme (NFBS) hnuaia tanpuina dawng turin Serchhip District-ah mi 12 thlan an ni.

National Rural Livelihood Mission (NULM) hnuaia Serchhip khawpui chhunga Self-Employment Programme (SEP) atanga Individual Enterprise Loan la turte tana Entrepreneurship Development Programme (EDP) Training chu niin khan Serchhip Auditorium-ah neih tan a ni.

Serchhip Division Horticulture Officer (DHO), M. Vanlalzami chuan phailam atanga Tomato lakluh titawp thei tur khawpin Tomato chin kawngah hmalak tum a nih thu a sawi.

Tun dinhmun ah Serchhip District chhunga inkhunghranna hmun hrang hranga inkhunghrang mi 128 an awm mek.

Serchhip District Retailer Association te chuan COVID-19 hri leng dona atana a tul anga hman turin nimin khan CM Relief Fund-ah Rs. 25,000/- an hlan.

Serchhip-a Legal Metrology Enforcement Staff te chuan sawrkar kum liamta chhung khan tuialhthei leh eirawngbawlna Gas rawn phurh thlen thahnem tak bakah sumdawng ten bukna leh tehna an hman hrang hrangte an enfiah bawk.

India rama COVID-19 hri kai hmuhchhuah chu nuai 14 an chuang ta a, darkar 24 kalta chhung khan hri kai hmuhchhuah thar sing nga dawn an awm leh a ni.

Nimin tlai dar 5:00 thleng khan Mizoram-a mi 20,053 te Swab Sample enfiah tawh ah hri kai hmuhchhuah 361 awm tawhin mi 193 enkawl dam an ni tawh a, mi 168 enkawl mek an ni.

Mizoram Lok Sabha MP leh Telephone Advisory Committee (TAC) Chairman, C. Lalrosanga chuan nimin khan Aizawl-a BSNL Office tlawhin, BSNL Staff ten an dinhmun leh an harsatna te an lo thlen.

Thla thar August 15-a India Independence Day lo thleng tur chu Mizoram sawrkar-a Minister hrang hrang ten District khawpui tinah an hmanpui leh dawn a, Serchhip-ah Home Minister, Lalchamliana chu khuallian a ni ang.

Supply Minister, K. Lalrinliana chuan nimin khan Bairabi tlawhin Bairabi South-a Rural Haat leh Bairabi North Panchayat Bhavan te a hawn bakah Bairabi North Multipurpose Mini Sport Complex sakna tur lungphum phum nghal bawk.

Higher & Technical Education Minister Dr. R. Lalthangliana chuan nimin khan a Pisa-ah Mizoram chhunga Kohhran leh Private College hrang hrang Principal te kawmin College admission chungchang a sawipui a, zirlai lakbelh thei turin an ngaihtuahna lo seng turin a ngen bawk.

Sub-Hqrs. YMA din belh dawn

Hnahlan Grape Growers’ and Processing Cooperative Society chuan kumin chhung hian kuthnathawktute Grape tharchhuah quintal 1000 chuang lei an tum a, an mamawh zat erawh lei tur an hmu dawn lo niin an sawi.

PHE Serchhip WATSAN Division in Jal Jeevan Mission hnuaia Buangpui khaw tana tui lak hna an thawh mek chu Inrinni khan PHE Serchhip Division-a SDO, Er. Samuel LR. Ralte chuan tlawhin hnathawh mek te a enfiah.

Mizoram Lok Sabha MP, C. Lalrosanga chuan Sansad Adarh Gram Yojana (SAGY) hnuaiah Model Village atan Mizoram-a khaw 5- Muallungthu, Muthi, Damparengpui, Khumtung leh Seling khua te chu a thlang.

ZPM chuan CM Relief Fund for COVID-19 chu renchem taka hmangin a hmanna puanzar nise an duh thu an sawi.

Zirtawpni kalta-a Mizoram-a Sample enfiah atangin COVID-19 hri kai hmuhchhuah thar 29 zet an awm laiin Inrinni-a Sample enfiah ah hri kai hmuhchhuah thar an awmlo thung.

Serchhip District Police te chuan kumin kum chanve chhungin thubuai ziahluh 27 neiin heng zinga thubuai 20-ah chuan Chargesheet thehluh a ni tawh.

COVID-19 hri leng avangin Serchhip District-a inkhunghranna hmun hrang hrangah mi 1400 dahluh ni tawhin mi 1221 chhuahtir an ni tawh a, tunah hian inkhunghrang mi 179 an awm mek a, inkhunghrang mek 179 zinga 18 te hi hri kai enkawllai niin thenkhat hi tunkar hian dam-a chhuahtir theih beisei an ni.

Darkar 24 kalta chhung khan India ramah COVID-19 hri kai 49,310 zet hmuhchhuah leh niin hei hi nikhat-a hri kai hmuhchhuah tam ber ni a ni leh a ni.

SBI Foundation chuan Mizoram Sawrkar hnenah nimin khan cheng nuai 5 hu Ventilator pathum (3) an hlan a, heng Ventilator te hi SBI Foundation aiawhin L.P. Lalchangkima, Regional Manager, SBI leh a thawhpui ten Health Minister, Dr. R. Lalthangliana hnenah an hlan a ni.

Mamit District Bawrhsap, Dr. Lalrozama IAS chuan nimin khan Mamit-ah DM Dashboard/DARPAN (Dashboard for Analytical Review of Projects Across Nation) chu a tlangzarh.

North Eastern Council (NEC) sum cheng nuai 871 seng-a Lunglei Zohnuai-a Lunglei Science Centre & Digital Planetarium sakna tur lungphum chu nimin khan Mizoram Youth Commission (MYC) Chairman, Dr. Vanlaltanpuia chuan a phum.

Science Teachers' Association of Mizoram (STAM) buatsaihin nimin khan HSLC leh HSSLC Exam rexult chhuaka Science leh Mathematics-a tithate hnenah 'STAM Proficiency Award' hlan an ni.

Serchhip District Executive Force (DEF) hnuaia thawk Police pali (4) te chu tunhnaiah hna an thawh that avangin Mizoram DGP hnen atangin chawimawina pawisafai dawng tura thlan an ni.

Serchhip-III Village Council chuan nimin khan an huamchhunga hmeithai pahnih te chenna In tur sak hna an thawk tan.

Serchhip District Anti-Tobacco Squad leh Legal Metrology Enforcement Staff ten Dan phalloha rampawn atanga Sikret lakluh an man te chu nimin khan tihchhiat niin heng Sikret tihchhiat te hi a vaiin cheng nuai 5 chuang hu nia chhut a ni.

Chhingchhip khaw bul-a National Highway laihzauh hna thawh mekah Community Forest Reserve tihchhiat chungchangah Serchhip Police Station-ah FIR thehluh niin ramngaw tihchhiat hlutna pek a nih hma chuan hnathawh chawlhsan tura an phut thu tarlan a ni.

Kuhva man-ah sum hmu tam

Higher & Technical Education Minister Dr. R. Lalthangliana leh School Education Minister, Lalchhandama Ralte te kaihhruaiin niminpiah khan Department pahnih hotute chuan zirlaite mamawh hmaituamna chungchang an sawiho.

Niminpiah khan Mizoram-ah COVID-19 hri kai hmuhchhuah thar 9 an awm leh a, heng mite nen hian Mizoram-a hri kai hmuhchhuah chu 326 an tling ta a ni.

Kumin-a pawl 10 High School Leaving Certificate (HSLC) leh pawl 12, Higher Secondary School Leaving Certificate (HSSLC) Exam-a titha (Topper)te hnenah nimin khan ‘Chief Minister's Award’ hlan an ni a, he hunah hian Chief Minister, Zoramthanga chuan zirlaite chu mahni talent theuh hmang tangkai zel turin a chah a ni.

Mizoram Presbyterian Kohhran chuan nimin atang khan Pastor Bial hrang hrangah Bial inkhawmpui an nei mek.

Kumin May 4-a The Mizoram (Containment and Prevention of Covid-19) Ordinance, 2020 hman a nih atanga nimin thleng khan Serchhip District-ah Dan bawhchhia mi 1759 man an ni tawh a, heng zinga 947 te chu Police te man niin Police Flying Squad ten mi 755 an man tawh a, Local Task Foce ten mi 57 an man tawh bawk. Heng Dan bawhchhia man te pawisa chawi tling-khawm chu Rs. 2,24,000/- a tling tawh bawk.

Mizoram sawrkar in Mizoram District tina COVID-19 hri kai te enfiahna tur khawl, Truenat Quattro RT-PCR bun tuma hma a lak mekna ah Serchhip District-ah pawh he khawl dahna tur hmun buaipui mek a ni.

Tunhnaiah Serchhip District chhungah Maxi Cab chuanman tisang an awm nia hriat a nih avangin Serchhip District Transport Officer (DTO) hnenah hemi chungchang hi thlen a ni.

Rajya Sabha MP lakluh a ni

Disaster Management & Rehabilitation Minister, Lalchamliana chuan nimin khan Central YMA hnenah Bolero Camper pakhat leh rikrum thila chhanchhuahna hmanrua (Rescue Equipment) a hlan.

Niminpiah khan Mizoram-a Swab Sample enfiah zingah hri kai thar 20 hmuhchhuah belh leh an awm a, Mizoram-ah hri kai hmuhchhuah zawng zawng chu 317 an tling ta a ni.

Mission Organic Mizoram (MOM) hnuaia Farmer Producer Company pathum (3) hnenah Organic Certificate hlanna chu nimin khan neih niin Agriculture Minister, C. Lalrinsanga chuan khuallian niin a hmanpui.

Serchhip Chhim Veng Branch KTP te chuan a mamawh apiangte hman turin nimin khan Serchhip Blood Bank-ah thisen Unit 26 an pe.

Tunhnaia Aizawl Durtlang-a Futsal khel zingah hri kai hmuhchhuah an nih hnuah he hunah hian Serchhip atang pawhin mi thenkhat an kal nia sawi chu kan Palai chuan nimin khan a theih angin a chhui zui a, Serchhip atang hian Futsal zuk khel hi an awmlo niin a lang.

Niminpiah khan ZMC Laboratory-ah Ser-chhip atanga Swab Sample thawn 11 te chu enfiah niin hri kai hmuhchhuah thar an awmlo.

ZMC-a COVID-19 hri kai hmuhchhuah mi 14 te chu Serchhip District chhunga enkawl tura rawn dah niin nizan hmasa khan Serchhip District rawn thlenpui an ni.

Mizoram sawrkar in Mizoram State pawn atanga rawn haw te an inkhunghranna leh ei leh in senso mahni intum tawh tura a tih angin Serchhip District-a he ruahmanna kalpui dan tur chu nimin khan Serchhip-ah District Bawrhsap hova sawiho a ni.

Serchhip District chhunga inkhunghranna hmun hrang hranga inkhunghrang mi 158 an awm mek.

Nimin khan Serchhip atangin Swab Sample 11 te chu enfiah turin ZMC Laboratory-ah thawn leh a ni a, nizan khan result hriat theih beisei a ni.

Vantlang inthiarna tifai

Niminpiah-a ZMC Laboratory-a Swab Sample enfiahte atangin COVID-19 hri kai mi 13 hmuh belh leh an ni a, tun thlengin Mizoram-ah hri kai mi 297 hmuhchhuah an ni tawh.

Agriculture Minister, C. Lalrinsanga chuan nimin khan Commissioner Lalkiamlova lehkhabu ziah ‘FAIREL BEL’ tih chu Aizawl Tuikual-a Territorial Headquarters Booth Mansion Conference Hall-ah a tlangzarh.

Tawi bialtu MLA leh P&E Minister, R. Lalzirliana chuan nimin khan a bial chhung, Keifang khua ah Mizoram Cooperative Apex Bank Ltd. (MCAB) Branch thar a hawng.

Nimin khan Chief Minister, Zoramthanga hovin Horticulture Department hotuten Chief Minister Office Cabinet Meeting Room-ah Bamboo Development hmalakna te thlirhovin hmalak zel dan tur an sawiho.

Health & Family Welfare Minister, Dr. R. Lalthangliana chuan nimin tlai khan a Pisa-ah Mizoram-a Assam Rifles (AR), Border Security Force (BSF) leh Border Roads Task Force (BRTF) hotute kovin Mizoram-a COVID-19 darh zel tur veng tura hmalak dan tur a sawipui.

Nimin thleng khan Serchhip District chhungah hri leng avanga inkhunghrang mi 158 an la awm mek.

Sawrkar kum liamta, nikum April thla atanga kumin March thla tawp thleng khan Serchhip District Anti-Tobacco Squad te chuan puipunna hmuna mei zuk khapna dan bawhchhia mi 271 zet an man.

Kuthnathawktute thlai tharchhuah vawnthatna tura Horticulture Department in an ruahman, Serchhip-a 'Satellite Cold Room' chu hman theiha peihfel a nih hnuah nimin khan thlai thar dahluta hman tan a ni.

Dan anga hrem a ni dawn

Mizo Zirlai Pawl (MZP) General Hqrs. chuan tunhnaia MBSE in pawl 12 (HSSLC) Exam result a tihchhuah taka Topper (Arts, Science & Commerce)-te chawimawina hun nimin khan Aizawl-a MZP Pisa Pui-ah an buatsaih.

Union Minister for Food Processing, Harsimrat Kaur Badal-i chuan Khamrang-a cheng vbc. 75 senga din, Zoram Mega Food Park chu nimin khan Video Conferencing hmangin a hawng a. Zoram Mega Food Park hawnna thuziak, Plaque chu Union Minister aiawhin Commerce & Industries Minister, Dr. R. Lalthangliana chuan a pawt pharh a ni.

Nimin thleng khan Serchhip District chhungah hri leng avanga inkhunghrang mi 185 an la awm mek.

Serchhip-VIII Village Council leh Serchhip P&E Veng-a tlawmngai pawl hrang hrangte chuan tunlai hian an huamchhunga Hmeithai pakhat chenna In tur an sak sak mek.

Quota hnawhkhat dawn

Mizoram Pradesh Congress Committee (MPCC) chuan COVID-19 vanga Mizoram mipui kan buai laiin Electric Bill mumal loh avangin chhungkaw tam takin harsatna an tawk mek tih an sawi.

COVID-19 vanga lockdown puan a nih vangin lirthei register thar zat a tlahniam hret a, hetihlai hian kumin March atanga June thla chhunga lirthei register thar zat chu 4,841 a la tling thung.

Inrinni thleng khan Mizoram-ah COVID-19 hri kai hmuh belh zel niin hri kai hmuhchhuah hi 284 an tling tawh.

Fisheries Minister, K. Lalrinliana chuan Inrinni khan Kolasib atanga Bairabi panna kawng, Zero Point-a Sangha tui awpkeuna (Carp Hatchery Unit), ‘Little Galilee’ chu tlawhin Sangha chi tihkeu hmasak ber a en.

MZP General Hqrs. chuan Inrinni khan Extended OB Emergency Meeting neiin HSSLC Exam result chhuaka tih dikloh awm-a mawhphurtute chu zawngchhuaka an phu anga hremna pek an phut thu an sawi.

School Education Minister, Lalchhandama Ralte chuan Middle School Leaving Certificate (MSLC) Examination siam thar leh tum a ni tih a sawi.

AH & Vety Department chuan Mizoram-ah ranvulh chhiarpui neiin tunhnai khan an chhiarpui neih hi puanchhuah a ni a, Mizoram ranvulh zingah Ar a tam ber.

Mizoram khawchhak lam tlangdung khaw hrang hrangte chuan lirnghing avanga harsatna an tawk zui zel a, heng lirnghing tuartute hi District Disaster Management Team te bakah sawrkar mi pawimawh te pawhin tlawhin tanpui hna thawh nghal a ni a, Vawiin hian Doctor rual te pawhin khawchhak lam hi an pan leh dawn a ni.

Larsap in pass lawm sak

COVID-19 hri leng avangin Mizoram pumah inkhunghrang mi 16,916 awm tawhin mi 14,738 te chu chhuahtir an ni tawh thung.

Federation of Mizoram Samagra Employees (FEMSE) chuan COVID19 do nan leh hemi kawnga sawrkar tha tihchakna atan nimin khan Khawzawl leh Hnahthial-a District Hospital-a hman atan Generator an hlan.

Niminpiah khan ZMC Laboratory-ah Swab Sample 248 enfiah niin heng atang hian hri kai 5 hmuh leh a ni a, Mizoram-ah hri kai 272 an tling ta a ni.

UD&PA Department changtu Deputy Chief Minister, Tawnluia chuan nimin khan Aizawl khawpui hmun 10-a Traffic Light hmanga kawng kanna, Pelican Crossing System bun fel chu Treasury Square-a Crossing System-ah hmet eng-in mipui hman theih turin a hlan.

Serchhip bial-a zin Adviser to Chief Minister, C. Lalramzauva chuan nimin khan Thenzawl khua tlawhin khawtlang hruaitute leh an Party hruaitute nen Thenzawl Field Veng-a Bazar sakna tur hmun an enfiah.

Niminpiah khan ZMC Laboratory-ah Serchhip atanga Swab Sample thawn 12 enfiah niin hri kai hmuhchhuah 2 an awm a, heti hian Serchhip District-ah hri kai hmuhchhuah 7 an awm ta a ni.

Serchhip District Bawrhsap, Kumar Abhishek IAS chuan Serchhip District Bawrhsap hna a chelh hnua District a fanna hmasa berah nimin khan Thenzawl tlawhin Thenzawl CHC, AYUSH Hospital leh Jawahar Navodaya Vidyalaya (JNV) bakah Horticulture College tur sak mek pawh a tlawh nghal bawk.

Maubuang-ah PACS hawng

Niminpiah-a Mizoram-a Swab Sample enfiahte atangin COVID-19 hri kai hmuhchhuah 29 zet an awm leh a, Mizoram-a hri kai hmuhchhuah zawng zawng chu 267 an tling tawh.

Niminpiah tlai khan Federation of Indian Chamber of Commerce & Industries (FICCI)-in Sports Industry tihhmasawn dan tur leh Private Company ten Sports hmasawnna atana an tanlak theih dan Online-a sawihona, FICCI Webinar an buatsaih a, he hun hi Sports Minister, Robert Romawia Royte chuan hmanpuiin Key Note Address a nei.

Associated Chambers of Commerce and Industry of India (ASSOCHAM) buatsaihin nimin khan India ram pum huap Webinar neih a ni a, he hunah hian Mizoram-a Fisheries Minister, K. Lalrinliana chu khual zahawm niin a tel a ni.

Nimin khan Chief Minister, Zoramthanga hovin Road and Infrastructure Development Board chu thukhawmin Mizoram chhung kawng siamthat leh tihhmasawn zelna tura Board hmalakna tur pawimawh hrang hrang an sawiho.

Adviser to Chief Minister, C. Lalramzauva chuan nimin zing khan Serchhip P&E Veng-a Leisekawt Mual laihzauh tlawhin Serchhip Bazar-a Vantlang inthiarna siam chu a hawng bawk.

National Programme for Prevention and Control of Cancer, Diabetes, Cardiovascular Diseases and Stroke (NPCDCS) buatsaihin tunlai hian Serchhip-ah kum 30 chin chunglamte tan a thlawna an hriselna inenfiahna hun hawn a ni.

Tunhnaia Serchhip dai vel-a mi Sangha Dil leh Huan Thlam te khawih thin nia hriat mi pakhat chu nizan hmasa khan Serchhip Police ten manin nimin khan Court-ah hruai nghal a ni.

BJP Mizoram Pradesh President, Vanlalhmuaka chuan nimin khan Serchhip-ah thuthar thehdarhtute kawmin sawrkar laipui-a Narendra Modi kaihhruai sawrkar hmalakna hrang hrangte a sawifiah.

Mizoram Legislative Assembly-a Public Accounts Committee (PAC) chuan nimin khan an Chairman, Lalduhoma MLA hovin Serchhip-a ITI Building tur sak mek chu an tlawh a, helai hmuna hna thawktute chuan he hna hi nakum March thla ah chuan hna zawh hman an beisei thu an sawi.

Serchhip Sub-Hqrs. YMA Vigilance & Monitoring Committee chuan nimin zing khan Serchhip P&E Veng leh Tlangnuam inkar-a kalna siamthat hna thawh mek chu an enfiah.

Govt. Serchhip College in Music Video an siam hmasak ber, 'Kan chawi dawn e' tih chu nimin khan Govt. Serchhip College Principal, PC. Lalremsiama chuan a tlangzarh.

Mizoram-a Village Council inthlanpui neih tur atana hman tur Electoral Roll siamthat hna chu nimin khan thawh tan a ni leh ta a, hemi chungchangah hian nimin vek khan Serchhip-ah District Bawrhsap, Kumar Abhishek IAS hovin thutkhawm neih a ni bawk.

COVID-19 dona atan hlan

Darkar 24 kalta chhung khan India ramah COVID-19 hri kai hmuhchhuah thar 29,429 awm lehin India rama hri kai hmuhchhuah hi mi 9,36,181 an tling tawh.

Nimin khan Union Sports Minister, Kiren Rijiju hovin Sports Ministers Video Conference neih niin COVID-19 avanga harsatna chungchanga Sports Ministry tan lak dan sawiho a ni a, Olympic 2028-ah chuan India in Top 10 position a chan ngei theih nana tanlak dan turte sawiho a ni.

Consultative Committee on Health & Family Welfare Department chuan nimin khan an Chairman leh Health Minister, Dr. R. Lalthangliana hovin Aizawl khawpui chhunga Government Quarantine Facility thenkhat tlawhin an dinhmun an enfiah.

Niminpiah khan Mizoram-ah COVID-19 hri kai mi 5 hmuhchhuah belh leh niin heng mite hi BSF sipai vek an ni a, Mizoram-a hri kai hmuhchhuah zinga zaa 26.89 chu Paramilitary Force mi an ni.

Consultative Committee on Food Corporation of India (FCI), Mizoram Chairman leh Rajya Sabha MP, Ronald Sapa Tlau chuan tun dinhmunah FCI-in Mizoram-ah buhfai a chhekkhawl hnem tawk thu sawiin, “Ramrikawn-a FCI Kudam chhawk zangkhaitu tur, Sairang Dinthar Veng-a FCI Kudam satu tur pawh thlan a ni tawh,” a ti.

Legal Metrology Enforcement Staff ten niminpiah a Serchhip-a eirawngbawlna Gas buk tlinglo an man chu a vaiin bur 130 niin Gas rawn phurtu hi pawisa chawitira hrem a ni.

Nimin-a HSSLC Exam result chhuakah Serchhip-a School hrang hrangte chuan an titha thawkhat niin a lang.

Tunhnaia Serchhip khawpui chhung Veng thenkhat-a mi In rawktu leh mi huan Thlam-ah te lut-a Sangha Dil te sawisatu nia hriat, Lalchawimawia (27), Serchhip Zozam Veng-a cheng nia insawi chu niminpiah khan Police ten manin a thil ruk nia hriat thenkhat te pawh hmuhlet leh a ni.

Nimin khan Serchhip-ah District Task Force on Beti Bachao Beti Padhao (BBBP) chu Serchhip District Bawrhsap, Kumar Abhishek IAS hova thukhawmin BBBP chungchanga hmalakna hrang hrangte an thlirho.

Mizoram Youth Commission (MYC) chhin-chhiah danin Mizoram pawna hnathawk mi 7742 an awm a, heng zinga 2018 in hri leng vangin hna an chan.

Compartment result chhuak

India rama COVID-19 hri kai hmuhchhuah chuan nuai 9 an tling ta a, hri kai zinga zaa 63.02 te chu enkawl dam an ni tawh thung.

Niminpiah khan ZMC Laboratory-ah Sample 256 enfiah leh niin heng atang hian COVID-19 hri kai pahnih hmuhchhuah leh an ni a, heti hian Mizoram-a hri kai hmuhchhuah tawh zawng zawng chu 233 an tling ta a ni.

Thingtlang mi kuthnathawktute tana buatsaih, Prime Minister Van Dhan Yojana (PMVDY) chu Mizoram-a a bultanna turin nimin khan hawn a ni.

Mizoram Board of School Education (MBSE) chuan kumin a pawl 12, Higher Secondary School Leaving Certificate (HSSLC) Exam result chu nimin tichhuakin zirlai Exam zawng zawng atanga 78.52% in an pass a, kum hmasa aiin 0.42% in result a chhe zawk a ni.

- Zaichhawna Hlawndo

Hri kai 231 hmuchhuak tawh

Nimin thleng khan India ramah COVID-19 hri kai hmuhchhuah 8,78,254 tling tawhin mi 5,53,470 te chu enkawl dam an ni tawh.

Sawrkar kum kalta, nikum April thla atanga kumin June thla thleng khan Serchhip District chhunga damdawi zawrh phalna nei mi 21 te License chu cancel niin tun dinhmunah Serchhip District-ah Drug License nei mi 165 an awm mek.

Mizoram sawrkar-a Council of Minister te chu nimin khan CM Office Cabinet Room-ah an thukhawm a, he hunah hian sawrkar Department thenkhat atanga sawrkar inrelbawlna atana rawtna pawimawh, Agenda 11 ngaihtuah niin Agenda 9 chu pawm a ni.

Nimin-a Serchhip-a eirawngbawlna Gas rawn thleng chu enfiah a nih hnuah buk tlinglo a awm tih hmuhchhuah niin Gas semna hmuna buk a nih hnuah buk tlinglo tam tham tak manchhuah a ni.

Serchhip Bazar-a Sa man bithliah zawm loh avanga Inrinni kaltaa Sarep zuartu mi 5 man tak te chu Rs. 500/- theuh chawitira hrem an ni.

MZU leh College la khar dawn

Chhingchhip Venghlun Village Level Task Force chuan nimin tlai dar 5:00 atang khan an huamchhungah Total Lockdown an puang.

Serchhip-a UD&PA Department-a thawk-tute chuan Zirtawpni khan Serchhip-a Quarantine Centre thenkhat tlawhin bawlhhlawh senghawi dan an enfiah bakah PPE Kit an hlan.

Tunhnaia Serchhip District Bawrhsap hova Sa zuartute leh Sawrkar hotute bakah tlawmngai pawl ten Serchhip-a Sa man an bithliah zawmlo enfiah hna chu Inrinni zing khan thawh a ni a. He hunah hian Legal Metrology-a Inspector te bakah Consumer Association, Serchhip Sub-Hqrs. YMA leh MJA Serchhip District aiawhte telin Sa man an lo bithliah tawh zawm lova Vawksa rep zuar mi 5 leh Bawngsa zuar mi 2 te chu man niin heng mite hi Vawiin hian Legal Metrology Office-a inlan tura koh an nih bakah a tul anga hma la zui turinBawrhsap hnenah thlen a ni bawk ang.

Kumin February thlaa Serchhip in KTP General Conference a dawn tuma Organising Committee chu Inrinni khan Serchhip Kawnpui Kohhran Jubilee Hall-ah thukhawmin Conference neih zawh tak an thlirlet.

Thenzawl leh Buarpui inkar, ADB Road-a Tlawng Lei, Steel D-Bow Trussed Girder Bridge dawh thar chu Zirtawpni tlai khan PWD Engineer-in-Chief, Er. K. Lalsawmvela MES chuan a hawng.

Nimin zing thleng khan Mizoram-ah COVID-19 hri kai hmuhchhuah mi 227 awm tawhin mi 150 te chu enkawl dam an ni tawh.

COVID-19 vanga inkharkhip neih anih hnuin Mizoram Chhiah hmuh nasa takin a tlem a. Hetihlai hian Taxation Department chuan kumin-a sawrkarin Budget a tuk chu hmuh hram an beisei.

COVID-19 hri leng avanga Mizoram pawn-a Mizoram mi leh sa tangkhang rawn haw chu mi 13,111 an tling tawh nia hriat niin Vairengte kaltlanga rawn haw mi 4337 chhinchhiah an ni a. Mizoram mi leh sa tangkhang rawn haw tur hi mi sang khat chuang hret vel la awm tura ngaih a ni.

Siaha-ah Vawk kahrai kalpui

India rama COVID-19 hri kai hmuhchhuah chu nimin khan mi 7,93,802 an tling ta a, darkar 24 kalta chhung khan hri kai hmuhchhuah 26,506 an awm leh a ni.

Chief Minister, Zoramthanga chuan nimin khan Union Minister of Mines, Pralhad Joshi hnenah tunhnaiah Mizoram khawchhak tlangdung chu lirnghingin vawi tam tak a sawi tawh thu leh heng thil thleng hi uluk leh chiang zawka zir tur mithiam rawn tir turin ziakin a thlen.

Health Secretary, H.Lalengmawia chuan COVID-19 dona kawnga Champhai District hmalakna chu chhuanawm a tih thu a sawi.

Mizoram-a Village Council inthlanpui neihna tura Electoral Roll siamthat hna thawh mek chu chhunzawm a ni leh dawn ta.

Higher & Technical Education Minister, Dr. R.Lalthangliana hovin nimin khan Higher & Technical Education Officers leh Govt. Colleges leh Institutions-a Principal-te chuan Institute of Advanced Study in Education (IASE) Conference Hall-ah Meeting an nei.

Central YMA in YMA Kumpuan, ‘Zirna Uar’ tih hmanga Video Clip insiamsiakna a buat-saih lawmman semna chu nimin khan neih niin N. Vanlaiphai Rahsi Veng Branch YMA chuan lawmman pakhatna an dawng a ni.

Mizoram sawrkar-a Home leh Disaster Management & Rehabilitation Dpartment changtu Secretary, Lalbiaksangi chuan nimin khan Serchhip DC Office-a District Emergency Operation Centre (DEOC) leh Serchhip District Jail te a tlawh.

Serchhip District-a inkhunghranna hmun hrang hrangah nimin khan inkhunghrang mi 145 an awm mek.

Legal Metrology Enforcement Staff ten niminpiah-a Serchhip-a eirawngbawlna Gas buk tlinglo an man chu a vaiin Bur 63 a ni a, heng te hi nimin khan thawnlet a ni.

NEDP sum cheng nuai 513 senga Serchhip Mat Phai, Chawm kai-a Galvanised Bailey Bridge dawh thar chu nimin khan PWD Engineer-in-Chief, Er. K. Lalsawmvela MES chuan a hawng a. He Lei hi Mizoram-a Galvanised Bridge pahnihna leh PWD in Galvanised Bridge an dawh hmasak ber a ni.

Department hmalakna thlir

Nimin thleng khan Mizoram-a mi 15,523 te Swab Sample enfiah ni tawhin heng atang hian COVID-19 hri kai 203 hmuhchhuah a ni tawh.

Darkar 24 kalta chhung khan India ramah COVID-19 hri kai hmuhchhuah thar 24,879 an awm leh a, heng te nen hian hri kai hmuhchhuah zawng zawng chu 7,76,296 an tling tawh.

Prime Minister, Narendra Modi-a kaihhruaina hnuaia Union Cabinet thukhawm chuan COVID-19 Economic Response peng pakhat atan a ruahman, Pradhan Mantri Garib Kalyan Anna Yojana (PMGKAY) chu thla nga dang - July atanga November, 2020 thleng pawtsei tura ruahmanna siam chu a pawm.

Assembly Deputy Speaker, Er. Lalrinawma chuan ‘FLAM’ (Former Legislators Association of Mizoram) lehkhabu tih lehkhabu, Deputy Speaker lo ni tawh, K.Sang Chhum ziah chu a Pisa-ah a tlangzarh.

COVID-19 dona atana mi inphal ten Saitual Bawrhsap hnena an chhunluh tlingkhawm Rs. 5,06,500 chu nimin khan chhungkaw harsa chhawmdawl nan sem chhuah a ni.

Loneituten awlsam taka Mobile Phone atanga loneih leh a kaihhnawih hrang hrang, an tangkaipui tur hriat theihna Mobile App 'Loneitu' tih chu nimin khan Agriculture Minister, C. Lalrinsanga chuan a tlangzarh.

Tunhnaia Serchhip District chhung, Lungkawlh khuaa Cultural Centre-cum-Public Toilet sakna tur ram chungchanga harsatna awm chu chinfel a ni ta.

Serchhip-a Legal Metrology Enforcement Staff te chuan nimin khan Serchhip-ah Gas buk tlinglo thahnem tak an man.

MNF Unit-II P&E Veng Serchhip chuan nimin khan Serchhip Police Station-ah FIR thehlutin thu diklo hmanga an Party puhna chungchang chhui sak turin an ngen.

Serchhip atanga niminpiah-a ZMC Laboratory-a Swab Sample thawn 53 chu niminpiah vek khan enfiah nghal niin COVID-19 hri kai mi 2 hmuhchhuah an ni a, heng te hi BSF Sipai, Dawngzawl-a Battalion Hqrs. a khunghran mek te an ni a. Serchhip CMO chuan mipuite tan chi-ai na tur a awmloh thu a sawi.

Mizoram sawrkar chuan Mizoram Civil Service (MCS) Officer thenkhat awmna siksawiin Serchhip-a SDC leh DLAO hna chelh mektu, Denny Lalchhuanawma chu Bungtlang ‘S’ BDO hna chelh tura sawn a ni a, Champhai-a SDC hna chelh mektu, Dr. Manesia Khaimeichho chu Serchhip-ah SDC hna chelh tur leh DLAO mawh-phurhna la tel tura dah a ni bawk.

Nimin khan Serchhip atangin ZMC Laboratory-a enfiah turin Swab Sample 53 thawn a ni a, nizan lam khan result hi hriat hman beisei a ni.

Mizoram sawrkar Food, Civil Supply and Consumers Affairs Department chuan Andhaar leh Ration Card thlunzawmna atana huntiam an lo siam tawh chu an pawtsei.

Mizoram mi leh sa State pawn-a tangkhang rawn haw duh in hriattir zinga mi 13,081 chuan Mizoram an rawn thleng tawh.

Taiwan atangin puihna dawng

Kumin March thla thleng khan Mizoram-ah Bank 26 awmin heng Bank hrang hrangte hian Branch 210 an nei a ni.

Hri leng avangin nimin thleng khan Mizoram-a inkhunghranna hmun hrang hrangah mi 16,048 dahluh ni tawhin mi 14,065 chhuahtir an ni tawh.

Mizoram tharchhuah Dragon Fruit chu Delhi-a zawrh turin nimin khan a sample te Cooperation Minister, C. Lalrinsanga kaihhruaina hnuaiah M/s MIZOFED Ltd. chuan an thawnchhuak.

Niminpiah khan ZMC Laboratory-ah Swab Sample 115 enfiah niin COVID-19 hri kai pakhat hmuhchhuah a ni a, nimin khan Lunglei-ah hri kai pathum hmuhchhuah leh niin Mizoram-a hri kai hmuhchhuah chu 200 an chuang ta a ni.

Mizoram Pradesh Youth Congress Committee (MPYCC) chuan, “MNF Sawrkar hian Sawrkar hnathawkte pawisa an puk sak hrih hi khawiah nge an thehthang?” tiin Sawrkar hnathawkte hlawh pek tur harsat avanga sawrkar mualphona tur hliahkhuh nana COVID-19 chhuanlam atana sawrkarin a hmang chu zep lova puang law law tura an phut thu an sawi.

National Health Mission Contractual Association Mizoram (NCAM) chuan sawrkar laka lungawilohna lantira Badge dum an bel mek chu nimin atang khan an titawp tih an sawi.

Kumin January atanga May 2020 inkar chhungin Mizoram-ah Malaria vei hmuhchhuah mi 2317 awmin Malaria  vanga nunna chan mi 3 an awm bawk a. Nikum 2019 khan January atanga December 2019 inkar chhungin Malaria vei mi 8543 awmin thihpui mi 8 an awm bawk.

Tuipuiral-ah lir la nghing zel

Tunhnaiah Mizoram pawn atanga Sipai rawn lut zingah COVID-19 hri kai hmuhchhuah an awm avanga Serchhip District chhunga heng Sipai te lo dawnsawn kawnga hmalak dan tur sawihona chu nimin khan Serchhip District Bawrhsap hovin neih a ni.

Serchhip-VII Village Council chuan tunhnaia Serchhip District Hospital-a Ambulance an hlan tak leina atan mipui sum cheng khat pawh a tello nia sawiin, hei vang hian mipui rawn pawh tul an tihloh thu an sawi.

Niminpiah khan ZMC Laboratory-ah COVID-19 Sample 49 enfiah niin hri kai mi 6 hmuhchhuah an ni a, an zinga mi 5 chu mipa niin hmeichhia pakhat a tel bawk.

COVID-19 hripui leng avanga rampawn atanga Mizo thalai rawn haw leh an hna chan ten leirem an lo rah leh theih nan Mizoram Youth Commission (MYC) leh Bank thuneitute chuan nimin khan Aizawl-a Planning & Programme Implementation Department Conference Hall-ah thutkhawm an nei a, Deputy Chief Minister Tawnluia chuan a kaihruai a ni.

Tunhnaia Lawngtlai-a Quarantine tur, hri an vei tih hmuhchhuah te zalen taka an khawsak theih dan chhui-a Dan an bawhchhiatna ah an chunga Dan anga Action lak a nih theih nan nimin khan Thenzawl Town Task Force Committee chuan Thenzawl Police Station-ah FIR an thehlut.

Health Minister, Dr R.Lalthangliana hovin nimin khan Mizoram-a COVID-19 dinhmun thlirhona neih a ni a, mipui zinga he hri hi a darh lohna tura invenna atan State pawn atanga lirthei rawn lut enkawltute endik tur leh Sipai te pawhin hri an thehdarh lohna tura ruahmanna siamchungchang te sawiho a ni.

Hri kai 5 hmuh belh leh

India ramah COVID-19 hri kai hmuhchhuah mi nuai 7 an tling dawn hnai ta a, darkar 24 kalta chhungin hri kai hmuhchhuah thar mi 24,248 an awm a ni.

Chief Minister, Zoramthanga chuan tun dinhmunah Bairabi Bypass kawng thawmthat hna chu State sum a thawh rih a ni ang, a ti.

ZeroTrash, Mumbai leh Green Mizoram Network (GMN) te tangkawp chuan nimin khan Tuirial Airfield huamchhunga chhungkaw 50 te hnenah nitin mamawh eitur (Ration Kit) chi hrang hrang an sem.

Lengteng bialtu MLA leh Human Resources Development Board Vice Chairman, L. Thangmawia chuan Kawlkulh PHC hnenah nimin khan Ambulance a hlan.

Mizoram-a eiruk dona kawnga mi hriat hlawh leh sawrkar hnathawk zinga eiru lo nia hriat, KL. Liana chu nimin tlai dar 3:00 khan Cancer vangin a boral a, Vawiin-ah vuiliam a ni ang.

Hri leng mek avangin Serchhip District-ah inkhunghrang mi 121 an awm mek a, nimin khan Sample 12 te chu enfiah turin ZMC Laboratory-ah thawn a ni.

Serchhip District Bawrhsap thar, Kumar Abhishek IAS chuan nimin tlai khan a chenna In ah Serchhip District NGO Coordination Committee hruaitute kawmin thawhhona tha tak neih a duh thu a sawi.

Nimin July 6, 2020 kha Mizo Hmeichhe Insuihkhawm Pawl (MHIP) Day vawi 46-na a ni a, Serchhip-a MHIP Branch hrang hrangte chuan an remchan ang theuhin an hmang.

Tunhnaia Lawngtlai District-a hri kai hmuhchhuah te chu Thenzawl khua ah chawl-a thil te an lei avangin nimin khan Serchhip District Bawrhsap, Dr. Kumar Abhishek hovin hri darh thei laka hmalak dan tur Serchhip-ah sawiho a ni a, Thenzawl khua ah hian karleh Thawhtanni thleng atan Total Lockdown kalpui nghal a ni.

Serchhip-VII Village Council huamchhunga awm Serchhip Chanmari Veng Congress Unit I&II Joint Committee chuan Serchhip-VII VC in Serchhip District Hospital a hman tur EECO Van Ambulance an pek chu Serchhip District mipui tan thil lawmawm leh chhuanawm tak a nih laiin Serchhip-VII huamchhunga mipui tan chuan ngaihtuah zui tur tam tak a awm nia an hriat thu an sawi.
An thuchhuah a ngai ngaiin :

DC in chhawmdawlna sem

India ramah COVID-19 hri kai hmuhchhuah leh enkawl dam an pung zel a, nimin thleng khan hri kai hmuhchhuah chu 6,73,165 an tling tawh.

Hripui leng avanga hna chan, Mizo thalai 2000 chuang Mizoram Youth Commission (MYC)-ah an inhriattir tawh.

ZPM chuan Aizawl Smart City Project hnuaia hmun hrang hranga CCTV System (Integrated Control and Command Centre - ICCC) dah tura hmalakna kal mekah cheng vbc. 41 zet chu tu ten emaw an fanghmano eiin a riral ngei dawn nia a lan thu an sawi.

Mizoram-ah COVID-19 hri kai hmuhchhuah leh enkawl dam an pung zel a, nimin thleng khan hri kai hmuhchhuah mi 186 zet an tling tawh.

Serchhip District-ah nimin khan hri leng avanga inkhunghrang mi 33 awm belh lehin inkunghrang mi 92 an awm leh tawh.

Serchhip District Bharat Scouts & Guides te chuan Inrinni zing khan Serchhip Bazar-a chaw-hmeh zuar te hnenah Mask semin Serchhip Police te hnenah Mask 50 an hlan bawk.

Serchhip District NGO Coordination Committee chuan Serchip-a rawn kal Health Minister, Dr. Lalthangliana chu lo hmuin Serchhip-ah Surgeon dah a nih avanga lawmthu  an lo hrilh.

Health Minister, Dr. R. Lalthangliana chuan Inrinni khan Serchhip rawn tlawhin District Level Task Force on COVID-19 te leh Serchhip District chhung PHC hrang hranga Medical Officer te kawmin COVID-19 dona kawnga an hmalakna te an sawiho.

Serchhip District-ah COVID-19 hri leng avanga inkhunghrang mi 53 awm mekin hri kai enkawllai an awmlo.

Khumtung Branch MHIP te chuan Serchhip District-a COVID-19 hri leng avanga khunghran mek te tan nimin khan thlai leh chawhmeh chi hrang hrang an hlan.