Mizoram-ah hri kai 28 hmuh belh leh an ni

/

Niminpiah a Mizoram-a Sample enfiah atangin COVID-19 hri kai mi 28 hmuhchhuah leh an ni.

Niminpiah khan ZMC Laboratory-ah Sample 695 enfiah niin COVID-19 hri kai mi 12 hmuhchhuah an ni a, District hrang hranga TrueNat Laboratory-ah Sample 79 enfiah niin hri kai pathum hmuh niin Rapid Antigen Test hmanga Sample 1233 enfiah ah hri kai 13 hmuhchhuah an ni bawk a ni. ZMC Laboratory atanga hri kai hmuhchhuah 12 zinga mi 5 te chu Aizawl Chhinga Veng ami te niin hri kai tawh kawmhnaih atanga hri kaichhawng niin Colony khat-a cheng an ni a, Bung Bangla-a hri kai hmuhchhuah pahnih leh Bawngkawn-a hri kai hmuhchhuah pakhat te chu hri kai tawh kawmhnaih atanga kaichhawng an ni a, midang 4 te chu State pawn atanga rawn haw an ni thung.

TrueNat Laboratory atanga hri kai hmuhchhuah mi pathum zinga pahnih te hi Mamit-a hmuhchhuah niin tunhnaia Bihar inthlanna a Duty IR Police te an ni a, Lawngtlai-ah hri kai pakhat hmuhchhuah niin hei pawh hi State dang atanga hnathawk tura rawn lut leh inkhunghrang lai a ni bawk. Rapid Antigen Test hmangin Champhai Bethel Veng-ah hri kai 5 hmuh niin Champhai Vengthar-ah hri kai pakhat hmuh a ni bawk a, heng mite hi tualchhung-a hri inkaichhawng an ni a, Aizawl District-ah hri kai pahnih hmuh niin pakhat hi State pawn atanga rawn haw niin pakhat hi Tuipuibari khua niin Aizawl-a inentir tura kal niin hri a kaina hriat a nilo. Khawzawl-ah hri kai pathum hmuh niin IR Police, tunhnaia Bihar inthlanna a Duty an ni a, Lawngtlai-ah hri kai pahnih hmuh niin Mizoram chhunga hri kaichhawng an ni bawk.

Heti hian Vawiin thleng khan Mizoram-ah COVID-19 hri kai 3541 hmuhchhuah ni tawhin 3065 te chu enkawl dam an ni tawh a, tunah hian hri kai enkawllai 471 awmin hri kai zingah nunna chan 5 an awm tawh bawk a, nimin khan mi 40 enkawl dam an ni leh bawk.

India-ah hri kai hmuhchhuah nuai 90 aiin an tam ta :

India rama COVID-19 hri kai hmuhchhuah chu nuai 90 aiin an tam ta. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 10,83,397 enfiah leh niin heng atang hian hri kai 45,882 hmuh leh an ni a, heti hian tun thlengin India ramah Sample 12,95,91,786 enfiah niin hri kai hmuh tawh chu 90,04,365 an tling ta a, Sample enfiah atanga za zela 6.94 te chuan hri hi an kai tawh a ni. Darkar 24 kalta chhung khan India ramah hri kai 44,807 te chu enkawl dam leh niin tun thlengin hri kai 84,28,409 te chu enkawl dam an ni tawh a, hei hi hri kai hmuhchhuah atangin zaa 93.60 niin tunah hian hri kai enkawllai 4,43,794 an la awm a, tun thlengin nunna chan 1,32,162 an awm tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »