Latest News

Meizu mi 6 man leh an ni

Serchhip District Anti-Tobacco Squad te chuan Inrinni zing khan Serchhip Bazar building leh a chhehvel bakah Taxi leh Auto Rickshaw Stand-ah te Squad Drive an nei leh a, heng hmun an tlawhna ah hian Sikret leh Vaihlo kaihhnawih khuahkhirhna Dan bawhchhia a puipunna leh vantlang hmun-a meizu mi 6 an man leh a, heng mite hi pawisa chawitir nghal an ni.

Hri leng dona-a thawk turin inpe awm belh

Serchhip District-a COVID-19 dona kawnga thawk turin nimin khan Laboratory Technician inpe mi thar awm lehin Serchhip District chhunga hri leng dona kawnga thawk tura inpe chu mi 5 an ni tawh.

COVID-19 hri leng dona kal zelah nimin khan Vanrampari d/o Lalthlamuana, Chhingchhip Venghlun chu Serchhip CMO Office-ah hri leng dona kawnga a tul ang apiang thawk turin a inpe a, Vanrampari hian tunhnai lawk khan ILS Bawngkawn atangin Laboratory Technician hi a zir zo a, hna dang a thawh hmain Serchhip District-a hri leng dona kawnga thawk tur hian a inpe a ni. Serchhip CMO Office-a District Surveilance Officer, Dr. Lalhlunpuii chuan lo dawngsawngin, thawktu indaihlo tak karah tlawmngaia hri leng dona kawnga thawk tura inpe an awm belh leh chu lawmawm a tih thu a sawi a. Chhingchhip chu Quarantine Facility awmna hmun a nih bawk avangin Serchhip atanga buaipui hautak chin a awm thu leh chutiang a tangkai taka chhawr theih tura inpe an awm chu lawmawm a tih thu a sawi a. Chhingchhip a Medical Officer hnena in report tura hrilhin, a hnathawh dan tur pawh an lo hrilh tur thu a sawi bawk a ni.

Serchhip CMO Office atanga thu kan dawn danin Serchhip-a hri leng dona kawnga thawk tur hian Laboratory Technician mi 3 leh Health Worker mi pahnh te chu anmahni thu-a CMO Office-ah kalin an inpe tawh a, heng bakah hian sawrkar hotute chuan mi tlawmngai leh thiam bik nei te chu COVID-19 hrileng dona atana thawk tura an sawmna chhangin Serchhip District-ah hri leng dona kawnga thawk tura inpe mi engemaw zat an awm tawh bawk a ni.

Comments

Chhiar Hlawhte