Latest News

Ballot Paper hmuh zawhloh pawi tih thu sawi

North Vanlaiphai Village Council inthlanna neih zawh taka thlantlin te chuan Village Council inthlanna neih zawh taka Ballot Paper Rejected (General vote) te hmuh zawh loh a ni chu pawi an tih thu an sawi.

Inrinni-a thuchhuah an siamah North Vanlaiphai Village Council Election-2020 a thlantlin te chuan August 27, 2020-a N. Vanlaiphai Village Council inthlanna neih zawh takah thil fello a awm ni-a ngai a Candidate mi 9 leh an Agent mi 6 ten State Election Commissioner, Mizoram State Election Commission-a complaint an thehluh a thubuai buaipuitu, Election Tribunal kaihhruaina a Nov. 18, 2020-a vote tla te chhiar nawn anih tuma Ballot Paper Rejected (General vote) te hmuh zawhloh a ni chu pawi an tih thu sawiin, Ballot Paper Rejected bo hi hmuhchhuah anih ngei theih nan leh a mawhphurtu hi chhuichhuah anih ngei theih nana chak taka hmala turin Mizoram State Election Commission chu an ngen thu an sawi a. Hei bakah hian Election Tribunal kaihhruaina a Nov. 18, 2020-a North Vanlaiphai Village Council Election-2020 vote chhiar that anih tumah Women Reservation-a thlantlinte hi chu thil fello pakhat mah hmuhchhuah a awm loh avangin Women Reservation bik chu inthlan that ve ni lo se an duh thu an sawi bawk.

Comments

Popular News (Last 30 Days)