Keitum YMA in In sak sak

/

Keitum Branch YMA te chuan nimin atang khan an huamchhunga chhungkaw pakhat chenna In tur an sak sak.

Thudawn danin Keitum Branch YMA in chenna In an sak sak hi Thanthuama, Kawn Veng ami te niin kum upa tawh, nupa-a khawsa an ni a, an In hi a chhiat tawh avangin YMA Member ten sum leh pai an remchan ang thawhkhawmin In tur hi an sak sak tih Keitum Branch YMA hruaitute chuan an sawi a, In hi Assam Type in a dung ft. 30 leh a vang ft. 15 a zau-a sak tur a ni ang.

Keitum Branch YMA hruaitute chuan he In sak tur atan hian bialtu MLA leh Home Minister, Lalchamliana chuan a chung tur Rangva tum sakin an VC ten a bang tur Tile an tum sak dawn tih an sawi a, nimin khan mi 200 vel hnatlangin In hlui an thiah bakah a thar sak hna hi an thawk tan a, hnatlang hi chhunzawm zel a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »