Latest News

ASF vangin Vawk 38 thi leh

Nimin khan Serchhip District-a khaw 11-ah ASF vangin Vawk 38 a thi leh.

Nimin a ASF vanga Vawk thi zinga 11 te hi Keitum khua ami niin Thenzawl-ah Vawk 8 leh P&E Veng-ah 5 a thi bawk a, Zote South leh Bungtlang-ah Vawk 3 ve ve thiin Chhingchhip Mualpui leh Chhuanthar Tlangnuam-ah 2 ve ve a thi a, Vawk pakhat thihna khaw pali a awm bawk.

Heti hian nimin thlenga Serchhip District chhung khaw 29-a ASF vanga Vawk thi chu 3173 a tling tawh a, Thenzawl-ah Vawk 892 zet a thi tawh a. Nimin khan hri lenna ah Vawk 30 suat leh niin ASF hri lenna ah Vawk 2605 suat a ni tawh bawk. Hei bakah hian hri lenna hmuna la puan lo khaw pathum-ah nimin khan Vawk pahnih suat leh a ni bawk.

Comments

Chhiar Hlawhte