Hri kai 934 an tling tawh

Zonuna Kawlni /

Serchhip District-ah COVID-19 hri kai mi 23 awm belhin Serchhip District-a hri kai hmuh chu 934 an tling tawh.

Nimin-a hri kai hmuh belh mi 23 zinga 22 te hi Vengchung VC Area a Mass Testing neih-a hri kai hmuhchhuah te an ni a, midang pakhat hi niminpiah-ah TrueNat Laboratory-a Sample enfiah atanga hmuh niin nausen thla 8 mi, Serchhip Vengchung-a hri kai tawh nen inkawmhnaihna nei a ni.

Nimin khan Serchhip Distric-a hri kai te zingah mi 4 enkawl dam an ni ve leh thung a, heng hri kai enkawl dam te hi IAH Thenzawl-a enkawl mi 3 bakah Nursing School CCC-a en-kawl mi pakhat te an ni. Heti hian nimin tlai thlenga Serchhip District-a hri kai hmuhchhuah chu 934 niin an zinga 848 te chu enkawl dam an ni tawh a, hri kai enkawllai 82 an awm mek a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »